الفصل 46
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 46 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
سميرة وسماح وخديجه ضحكين عليها.
في الغرفه.
خلود:كريهاااات قلك ام حميد.
رشا:تستاهلي ساع مافجعتي شذا.
خلود:ذكرتيني شذا ماجت مسكينه بيت زوجها وضحكت.
عهود:خليها تنتبه لرغد مات محمد ورغد تبكي من الصبح ولا رضيت تتغدا.
خلود:اووه لاوفقهم من كانوا سبب موته.
عندهم في المصنع.
ابو مراد ضحك:قلدني الله ان احنا نرحم نخطب من المصنع.
ناصر ضحك:قد احنا اهل سهل.
ابو علي:ماقلت ياناصر.
ناصر:علي ابني وانا موافق بس اشوف البنت وامها.
ابو علي:ابتسم والله احلم بعرس علي وزواج ايلاف حلم ربي يوصلني عرسهم واشوف عيالهم.
بيت راشد.
راشد مقهور من اهله كيف بيصيحوا عليه.
فاطمه:خلينا نرجع عدن الله يرضا عليك.
راشد تنهد:ان شاء الله بهذا الأسبوع وبكلم عمي ابو مراد اني برجع ان شاء الله.
فاطمه دمعت:معتقدش انو بيقلك تمام اكيد بيفسخ مابيعلق بنته لسنين والحرب بين الشمال والجنوب قد انت شايف الأوضاع.
راشد سكت دخل غرفته وغلق.
فاطمه بكت:يااارب اجبر قلوب اولادي.
الساعه8:30م.
في المصنع.
ابو مراد:يله نروح.
ناصر:يله تمام.
ابو علي:انتوا روحوا وانا بخلص شغلي واجي.
ابو مراد:روح وغدوه نخلصه كلنا.
ابو علي:بس نص ساعه واخلص واروح.
ابو مراد:خاطرك لاتتاخر.
كلهم روحوا وابو علي بقي هو والعمال.
في البيت.
رشا:ياعروستنا تعالي عشاء
شذا:يامشولحه قد جيت.
رشا:اسمعي ذلحين متى نبدا نجهز للعرس.
شذا:من غدوه ان شاء الله.
ابو مراد وصل هو ومصطفى ومنير و'مراد بشقته.
سميرة حطت العشاء واتعشوا كلهم ورغد رجعت تبكي في حضن ابوها على محمد...
الساعه9:30.
بداوا القصف.
ابو مراد بيتصل لعلي عشان يقله يغلقوا المصنع ويروحوا.
في الشقه فوق.
ايلاف:ابوي اليوم معه شغل قد سالت عمي قال شويه ويروح ليش القلق.
سماح:قد تسمعي القصف الله لاالحقهم خير كيف ماتشتي اقلق.
علي:بسير انا اشوفه واروح معه.
سماح مسكته:والله ماتسير تشتوا تجننوني مابش خرجه.
في المصنع العمال خايفين وكلهم بيشهدوا ويهللوا.
ابو علي:القصف شكله قريب مانقدر نخرج خلونا نجلس لوما يوقف القصف اذكروا الله.
ابو علي رد:ها ابو مراد.
ابو مراد بضبح:وين انت ولا روحت مامعك هيا ذلحين بدأوا يقصفوا وانت بمكان مش امن انت والعمال.
ابو علي :لو وقع بي شي عيالي ومرتي في رقبتكم انتبهوا لهم كما احس الموت قريب مني .
ابو مراد حس بخوف:مالك بطل خباله عيالك هم عيالي الان بجي لاعندكم.
ابو علي يشتي يتحاكى وقع انفجار كبير وانقطع الخط.
ابو مراد سمع الانفجار وقف على ارجله ونكع التلفون من يده
ابو علي يشتي يتحاكى وقع انفجار كبير وانقطع الخط.
ابو مراد سمع الانفجار وقف على ارجله ونكع التلفون من يده رجع اخذ التلفون :الو الو مراد تسمعني الووو.
سميرة وكلهم جوا للمجلس من صوت ابو مراد.
سميرة:خير خير مالك تصيح.
ابو مراد حس انه عجم.
مصطفى افتجع:ابه مالكم ماوقع تحاكى.
ابو مراد حس انه سفي وجلس:عمكم مراد بالمصنع وانا سمعت انفجار كبير وانقطع الخط.
شذا ورشا شهقين.
منير:يمكن انقطع الخط من قوه القصف ان شاء الله مابش حاجه.
في الشقه فوق.
سماح نقزت.
ايلاف بقلق:يمه مالش.
سماح بخوف:قلبي مش مطمن قوا سيروا روحوا مراد.
علي تعالين ننزل لتحت كلهم نزلوا للشقه.
في شقه مراد.
عهود:هيا نطلع عندهم شكل الدنيا حاميه.
مراد بخوف:المهم لاتفتجعي تعالي.
كلهم اجتمعوا بشقه.
علي:ياعم بسير اشوف ابوي.
ابو مراد:وانا بجي معك.
سميره وكلهن يبكين وين تخرجوا الدنيا قصف.
ابو مراد:اسمع يامصطفى انت ومنير شلوا النسوان وانزلوا الملحق وانا وعلي ومراد نسير نشوف عمكم.
قاطعه اتصال من ناصر.
ناصر:الوو روح مراد او ماشي بين اتصل مغلق.
علي:لا بنخرج نشوفه.
ناصر:تمام وانا معكم وقفوا لي باب البيت.
خلود وخديجه يبكين:وين تسير الدنيا تشعل.
خالد:يارب اجعلها ليله تعدي على خير.
ناصر:البسين وسيروا ملحق عمكم معاهم شلهن ياخالد..
خالد:حاضر.
وصلين بيت ابو علي.
كلهم تحركوا للمصنع وهن يبكين خايفات عليهم.
مصطفى:بطلين بكاء تفاءلين خير.
سميرة حاضنه شذا ورغد جالسه وهن حواليها ورشا جنب مصطفى ماسكه يده ايلاف تبكي جنب سماح وخديجه جنبها عهود وخلود منير جالس قدامهن بيحاول يضبط اعصابه وقهره.
بعد مشوار الطريق القصف توقف بس اصوات الطيارات عادة موجود.
وصلوا قريب المصنع الغبار والدخان مليان الشارع والناس بدات تتجمع واصوات الصياح والا سعاف وصل معهم.
خالد:يا الله اجعله خير يارب.
وصلوا عند المصنع كلهم تجمدوا المصنع كله تهدم باللي داخله.
علي وناصر جلسو على ركبهم بصدمه.
علي بيصيح:يابه وين ابوي وبيمشي مثل المجنون الناس بيمسكوه عاد الحريق ماطفي.
خالد بيمسك علي وكلهم يبكوا ويصيحوا.
واحد من الناس:كلهم الي بالمصنع متضررين اكيد الكل مات شوفو على حريق.
علي بيصيح ويبكي:ابااااااه لا ابوي داخل.
الاطفاء بيطفوا والاسعافات صوتها ملان الشوارع.
كل واحد جا يدور عن ولده والي يدور عن ابوه او اخوه الي كانو عمال بالمصنع.
مصطفى بيتصل رد عليه خالد يصيح ويبكي:يامصطفى قصفوا المصنع باللي داخله كلهم داخل يامصطفى كلهم ماااتوووووو.
مصطفى دوخ:وعمي وينهو.
مصطفى دوخ: وعمي وينهو.
خالد يبكي : عمي داخل وسكر.
مصطفى انعجم.
ايلاف تبكي:مصطفى تحاكى ماوقع لابوي وينهوه.
سماح تبكي:يابني تحاكى مالك.
مصطفى غمض عيونه بثقل:قصفوا المصنع.
كلهن صاحين.
منير بكا:اسكتين يمكن عمي مش داخل.
ايلاف تصيح:ابووووي داخل اكيد داخل.
نرجع لمكان المصنع بعد نص ساعه خرجوا الجثث أكثر من خمسين جثه بعضهم ماعاد عرفوهم ملامحهم ضاعت مع الحريق وبعضهم مقطعين.
علي زي المجنون بين الجثث.
خالد صاح باقوا صوته:عمييييي.
كلهم التفتوا له.
شافوا مراد مرجوم ماتشوه زياده لانه كان بالبدروم بس قد حالته حاله وكله دم بسبب البناء اللي انهدم فوقهم.
علي بيصيح:اسعفوا ابوي.
ناصر ومراد وابو مراد كلهم تجمعوا عليه 'وطلعوه الاسعاف علي وخالد ركبوا معه والباقي لحقوا بالسياره.
بعد ساعه في المستشفى.
الدكتور خرج وشكله مايطمن.
علي ببكا:ابوي عايش صح ابوي مامات.
الدكتور مسك جنبه:عظم الله اجركم.
ابو مراد وناصر نزلت دموعهم بقهر.
علي صاااح:يابااااااه قتلووووك.
خالد ومراد مسكوه ويبكوا ويهدئوه.
ابو مراد بقهر:انا السبب سمعت لكلامه وخليته لو روحته معي كان ماوقع به شي.
ناصر مسك يده بقهر:مكتوب ومقدر من عند الله الله يرحمك يامراد.
ابو مراد يبكي:ماصدقت يرجع لي بعد سنين طويله والان الكلاب يقتلوه ياقهررررررر قلبيييي.
حصل في المستشفى عزا وصياح من كل أصحاب الجثث
( ومااصعب قهر ودموع الرجال 💔)
منير بيتصل محدا بيرد.
مصطفى صيح:إيلاف اهدئي كوني قويه ان شاء الله مافيه شي.
ايلاف ببكا:هذا ابوي ابوي تعرف وش معنى اب يعني حياه يعني روح يعني سعادة يعني وطن ياااارب لا تخليني اعيش لابعده يااارب اجعل ابوي بخير.
شذا قامت مسكتها هي ورشا وكلهن بيهدين ايلاف وسماح وهن محتاجات من يهديهن من خوفهن.
مرت ساعات الليل واذن الفجر.
سميرة:الله أكبر على كل ظالم وقاتل.
في المستشفى.
ناصر ماخلاهم يروحوا مراد في الفجر قالهم للصبح جلسوا كلهم بموقف حزين ووداع مؤلم.
كملوا اوراق الجثه وخرجوها لسياره الاسعاف الساعه 6:30ص.
اصحاب واهل ناصر وعلي اتصلوا يسالو عليهم وقت علموا بقصف المصنع وعرفو بموت مراد الساعه6.
وصلوا البيت.
كلهن سمعين اصوت الإسعاف وخرجين للصاله.
ايلاف تشتي تشوف من الطاقه ومصطفى مسكها لانه قد تاكد بسياره الإسعاف بيروحوه جثه.
ايلاف تصيح:صوت سياره اسعاف خلوني اشوف.
تحت عندهم بالشارع تجمعوا الناس ودخلوا مراد وقدهو مكفن بالديوان عشان يشوفينه للمره الأخيرة.
علي اخو ايلاف وكلهم طلعوا لاعندهم.
سماح حضنت علي وهو ساكت بس دموعه تنزل.
سماح:علي.
.
يتبع ..
تفاعل لنستمر بتنزيل المزيد ☁️💚