الفصل 45
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 45 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
شذا( وقبل سبع سنوات عندما بدات اشعر بحلو الحياة بوقوعي بحبك وايضا اعتقد الجميع ان حبي لك كان طيش ولكنني رايتك حلم وتمنيت وقوعه بواقعي كبرت وحبك داخلي معي يكبر كبرت وانا حلمي يكبر معي وعندما اعترفت لي بحبك ذاك اليوم الذي لاينسى والرساله التي لن ولم انساها كان أجمل أيام حياتي وذاك اليوم الذي علمت بوقوف امك ضد حبنا كان أسوأ ايام حياتي عانيت وبكيت ودعيت لربي كثيرا لا انكر انني يأست وحاولت ان انساك ولكن كل ليله كانت دموعي تفضحني بشوقي لك وكنت حين أراك كانني امتلكت الدنيا احبك كنت ومازلت وساضل حتى اموت فهنيئا لي بحبك وهنيئاً لك بحبي اليوم امتلكت الدنيا حين امتلكتك وكانني اخذت العالم بيدي ومن اليوم تبدا حياتي سعيدة بوجودك بحياتي احبك أميري خالد❤🙈). خالد قريها وطاااار قلبه ورجعين عيونه قلوب:انا فدال اليد اللي تكتب الحمدلله شذا زوجتي مش مصدق نفسي الله لايحرمني من وجودش بحياتي.
شذا:ولا يحرمني منك ☺.
خالد:احم احم ذلحين رسايل لاانني عندهم بالديوان خليني اروح ونجلس نتجابر صوت للصبح مشتاق وربي.
شذا😍:ان شاء الله 😅.
جلسوا يتراسلوا.
عندهم تحت بالديوان كلهم جالسين ابو مراد وابو علي وابو خالد وخالهم قاسم ومصطفى ومنير ومراد وعلي. .
بس الشباب بطرف الديوان
علي:ييي وينك مطنن من بتراسل خلاص كشفتك يامصطفى شوف من بيراسل اكيد اختك اكسر راسه.
مصطفى بيقلد هيبه:صدق لاكسر يدك مابش عندنا بنات تراسل ازواجها.
كلهم قرحوا ضحك من مصطفى.
خالد:حقي وانا حر وما مع الحاسدين الا الدموع.
مصطفى:دلا على الجبهه صرعتني بس الصدق حاسد لك.
مراد:الله يهنيهم وعقبالكم يالعزابيه.
علي:يااارب قريب.
منير:مشخر بقوتك وقت قلت يارب يعني معك خبر من هنا والا هنا وضحك.
علي :الله يقلعك قول آمين مثلي وبس.
نرجع للبنات قربين العشاء ودعين مراد ومصطفى نزلوا العشاء لهم.
فوق العشاء
مريم بتقزز:طعم العشاء سامج من فعله.
سميرة بضبح:عجبش يهنا على قلبش ماعجبش لاتاكلي غصب الغصبا حرام.
مريم تبرقطت وسكتت.
رشا تتكركر من رد امها.
الساعه9الكل روح بيته.
وشذا رجعت مسكت تلفونها منتظره اتصال خالد.
خالد اتصل لشذا وجلسوا يتجابروا
رشا بترسل لراشد بس هو مافتح جالس في الجبا ضبحان وكاره نفسه.
رشا زعلت انه مافتح .
في شقه ابو علي.
علي:احم يابه اشتي اطلب منكم طلب.
مراد:اطلب ياعيون ابوك.
علي:الله يحفظ لي عيونك.
ايلاف:ايش قد معك جالس تتريحم.
علي ضحك وخفعها دلا:جالسه هذيك اللقنه من الاخير يابه اخطبوا لي.
سماح ومراد وايلاف ضحكوا.
مراد:...
علي:اخطبوا لي.
مراد:ابشر بس الأوضاع مش تمام عشان ندور لك قد انت وامك أخبر.
ايلاف بسرعه تكلمت:ايش رايكم بخلود بنت عمي😍.
علي ابتسم وفرت عليه الاحراج.
سماح:لو علي راضي بها انا موافقه نخطبها البنت ما شاء الله عليها كامله والكامل الله.
مراد:عادة احسن نخطب بنت ناصر ايش قلت ياعلي.
علي فارح:بعدكم خلود خلود.
ابو علي:الحمدلله كبرتوا وقدكم حق زواجه الله يطول بعمري واشوفكم عرسان وازفكم.
كلهم ابتسموا بخزا.
علي:ربي يطول عمرك.
ايلاف بتشاور علي:سهلت عليك الطريق وقلت لهم انا من تشتي.
علي:خارجتيني قد كنت محتار كيف اقلهم.
سماح:مالكم تتشاوروا
علي:ولا شي تصبحو على خير.
ايلاف:من وين يجي الخير وسعودي بيطابز قول على فجايع.
مراد:على الله. الله يفرجها.
عم الهدوء للساعه2 وبدا القصف.
سميرة صحيت مفجوعه:الله يصيبهم مدري ايش قد بيدمروا حسبي عليهم ربي.
علي قام:لاعاد تفتجعي تعودي الله يصلحها ويصبرنا.
عند شذا عادها متواصله هي وخالد.
خالد:لا تفتجعي خليش ذيبه.
شذا:خلاص تعودنا بس احيانا واحنا آمنين توقع لنا نقزه.
الساعه7:00ص.
سميرة:هيا منير تعال كل له لقمه.
رغد:جنه لو ماياكل عشان نشبع.
منير جلس:هيا والله اني جالس أكل لوما اشبع.
رشا متضايقه من راشد ماعاد يكلمها ساع اول وامس مافتح.
علي:ايش في روح ابوها مبرطمه.
رشا:ولا شي بس مصدعه.
مصطفى:وشذا وينهي.
رغد:هي عروسه خلوها ترقد وتشبع نوم وانا زوجوني عشان ارقد ساعها.
كلهم ضحكوا عليها.
سميرة:اول اكبري بعدين ندور لش زوج واقطبي الصبوح عشان المدرسه.
رغد:قدهو حمودي لاعاد تدوري.
منير صيح فوقها ورجعوا يتناقروا ويضحكوا وكل واحد سار شغله.
الساعه11:00.
سماح نزلت عند سميرة وبيشربين مرق ويتجابرين.
سماح:بتجي معي اليوم نخطب خلود لعلي.
سميرة فرحت:اكيد الله يسعدهم كبروا عيالنا وقد نزوج واحد ورا الثاني.
سماح:حال الدنيا.
رشا سمعتهن وطارت تتصل لخلود.
رشا:خلووود ابشرش اليوم بيجي لش خطيب.
خلود فرحت لانها عرفت انهو علي:صدق من قلش ومن هو الخطيب.
رشا ضحكت:ماصدقتي يخطبوش قلعش ولد جيراننا ام حميد امه جت لاعند امي عشان تجي معها عندكم اليوم.
خلود اصترعت:احلفي مشتي ولا اشتي خطبه ولا زواج وقولي لها اني مخطوبه.
رشا بتضحك:مالي دخل قد انتو أخبر المهم قلي لعمتي واتجهزي باااي وسكرت.
خلود بتنفخ:اففف عساس ناقصتهم .
خديجه:ليش بتنفخي ساع الثور ومنهم الي ناقصتهم.
خلود:رشا قالت بيجوا عندنا هم وعمتي وام حميد.
خديجه:اهلا وسهلا بهن.
في مدرسه رغد.
رغد منتظره محمد
.
في مدرسه رغد.
رغد منتظره محمد عند الباب. .
المعلمه:رغد بطلي عناد الحصه بدات تعالي.
رغد بعناد:ماعه وين محمد هو قالي اليوم بيجي ويدي لي حلا وانا اشتريت له ابو عود وحلا.
المعلمه زعلت على محمد لانهم اتصلوا من اهل محمد انهم قصفوا بيتهم وماتوا كلهم محمد واهله.
المعلمه دمعت:رغوده حبيبي محمد سار عند الله امس الليل.
رغد اسفجت:يعني ماعاد بيرجع مثل جدي قلي ابوي سار عند الله وماعاد رجع.
المعلمه:ايوه هو مابيرجع لان الجنه حلوه وبتعجبه وماعاد يجي للدنيا لانها شوعه.
رغد بكت:ماعه ماعه اشتي محمد يجي والا أسير عنده بالجنه عند الله.
المعلمه حضنتها:بعد عمر طويل ان شاء الله لاتبكي هو عند الله.
رغد ببكاء :ليش الله يشل الناس اللي نحبهم.
المعلمه:لان الله يحبهم أكثر مننا.
جلست رغد تصيح وتبكي الا يجيبوا محمد والمعلمه ولا قدرت تسيطر عليها رجعت اتصلت لبيت رغد.
سميرة:الله يسلمش كلنا بخير ان شاء الله خير أو رغد تعبت في المدرسة.
المعلمه:لا هي مافيها شي بس زميلها محمد امس مات وهي عرفت وماعاد سكتت.
سميرة شهقت:يووو الله يرحمه ماوقع به.
المعلمه:امس قصفوا بيتهم الان مكنو أحد يروح رغد.
سميرة:حسبي الله ونعم الوكيل تمام شويه ومنير يجي.
سميرة اتصلت لمنير وسار روحها في السياره رغد تبكي.
رغد ببكاء :مات حمودي هم بيقلوا سار عند الله بس هم الي بيضربوا فوقنا قتلوه الله بيدخلهم النار.
منير زعل:ان شاء الله بنار جهنم الله مايضيع حق أحد.
وصلت البيت ولا رضيت تسكت كل شويه تبكي.
رشا:حبيبتي رغود محمد سار عند الله وفي الجنه احسن من الدنيا ولو بتحبيه ادعي له انهو يكون مرتاح.
رغد:يارب اجعله مرتاح وخليه مع النبي عشان يرتاح.
رشا دمعت:يارب.
قبل العصر سارين عند خديجه وخلود في غرفتها ضابحه ماخرجت.
عندهن في المجلس.
خديجه:والله مااقلش الا خير الولد ماينعاب بس نسأل خلود وانتو حاكوا ابوها وان شاء الله خير.
سماح:الله يحفظش قد مراد قال بيحاكي ابوها في المصنع اليوم.
رشا قامت عند خلود .
رشا:هيا ام حميد منتظره.
خلود كشرت:خخخ سامجه مابخرجش.
رشا:هيا من غير خباله.
عهود دخلت:امي تتحلف لو ماتجي.
خلود:انتي ياابو كرشه أخرجي قبل ازبطش ببطنش.
رشا وعهود ضحكين.
خلود خرجت بضبح سلمت وجلست.
خلود بتشاور رشا:ويني ام الجن.
عهود ضحكت:اشش شلوش ايش من مشاوره قد انا سمعت.
رشا:خطيبه ابنش ياعمه سماح مجنونه.
خلود فتحت اذانها:خطيبه من.
ايلاف ضحكت :امي جت تخطبش لعلي.
خلود تلونت من الاحراج وهربت لغرفتها.
سميرة وسماح وخديجه ضحكين عليها.
في الغرفه.
#يتبع...
تفاعل لنستمر هات ذا 💫