الفصل 44
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 44 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
.
.
سميرة انقهرت على شذا:الله يوفقه من خطبتوا له ولا احنا عارفين.
خديجه قامت وجلست جنب شذا الي وجهها وقع الوان من القهر.
خديجه مسكت يد شذا:هذي خطيبة ابني وجيت اليوم اخطبها.
كلهن بيشوفين لبعض.
شذا حست انها بحلم دموعها نزلت.
سميرة فرحت:صدق ياعيبتش بخالد اكيد محدا بيرفض.
شذا قامت لغرفتها وخديجه حست بندم انها فرقتهم كثير..
شذا رجمت نفسها للسرير ودموعها تنزل فرح وتتنفس بسرعه.
كلهن لحقين بعدها شذا خزيت وقامت جلست جلسه:ليش تلحقين بعدي يخ كريهات.
رشا حضنتها:الف الف مبروك مقدما.
عهود:يووو منكم ياخلود ولاعاد اعرف عنكم الا فجأة رجعتوني غريبه ونسيتوني.
خلود:والله امي اليوم صنفت والله مالي علم بشي.
ايلاف:المهم نتعرس كما خالتي قالت عرس مش خطبه.
شذا ساكته من الفرح ضاااعت حروفها.
خلود:في كم شهر انتي يااعهود خارجينا.
عهود ضحكت:السااااادس عاد باقي ثلاثه شهور.
خلود:بقلهم نعجل عشان قبل ما تولدي بنخلي العرس بعد شهر عشان نجهز للعرس.
عندهن في المجلس.
سميره:الله يتمم لهم على خير كلهم يستاهلوا.
خديجه:تسلمي المهم اليوم تشاوروا في الموضوع وخلونا نعقد ونرجع نجهز للعرس طوال الشهر.
سماح:وليش العجل.
خديجه:اشتي افرح بخالد قبل ما اموت.
في المصنع.
علي:اهلا وسهلا مابلقا احسن من خالد نسأل شذا وان شاء الله خير.
في الليل شذا بس جالسه مش مستوعبه لانها خلاص فقدت الامل وماعاد توقعت حلمها يتحقق.
سالها علي وسكتت اتصل علي كلم خالد بموافقتهم كلهم.
اليوم الثاني بيت راشد.
فاطمه تبكي:بنتي كل يوم تتعب أكثر شوف كيف قدهي خلاص بتصل لاخي نرجع عدن من هذي الفجايع حق الضرب وانت أخبر والله ماعاد اجلس.
راشد انقهر:ان شاء الله خير دخل غرفته بيفكر راشد:الدنيا حرب ومقدر اتزوج حاليآ واهلي بعدن حالفين لو اتزوجها وان سرت عدن وانا خاطبها معتقد ابو رشا يقبل يعلق بنته لااجل غير معلوم ولا انا قادر اتركها ولا قادر اخلي امي واختي اففففف الله يلعنها عيشه ويلعن من كانو سبب الحرب والفتنه.
بعد اسبوع بيوم عقد شذا وخالد.
شذا ماتوصف حجم فرحتها.
رشا:شذا باقي ساعه للعقد 'وخلاص تكوني ملك لخالد وهو ملكش وينتهي عذابكم والفراق باقي ساعات وتبدا حياه جديده لكم بقرب بعض.
شذا دمعت:يااارب يتمم لنا على خير.
خالد نفس فرح شذا ويمكن أكثر تجمعوا الاهل عشان العقد.
كل النسوان تجمعين بالمجلس والرجال بالديوان تحت.
شذا قلبها يدق أكثر بنفسها ياليت تمشي الدقايق بسرعه
سمعين الضجه والقراح عرفين كملوا العقد.
كلهن بيحجرين وشذا بكت.
رشا:يووو لا تبكي.
شذا فرررحت وبكت.
رشا:اشش لاتبكي بيقلين نسوان الجيران ماصدقتي تتزوجي وضحكت.
شذا ضحكت من بين دموعها.
سميرة تحجر:للللووولي الف مبروك الله يتمم لش على خير ياروح امش.
شذا ربشه احاسيس بس توزع ابتسامات وكلهن يباركين لها.
خلود:يله تغطين خالد بيدخل.
شذا ارتبشت وعيونها للباب منتظره تشوف خالد زحمه شووووق.
خالد دخل والمحاجر.
شذا شافته حست برااااحه كانت محتاجتها من سنين.
خالد مشخر بالابتسامه جلس بالكرسي جنب شذا طرح يده فوق يدها شذا حست برجفه تنهدت براحه وتحاول تخفي دموعها.
خالد:الف مبروك لنا ياروحي الحمدلله الذي جمعنا.
شذا:يبارك في عمرك.
خديجه قربت سلمت عليهم ولبستهم فل اخوة شذا وابوها وعمومتها وخالها دخلوا سلموا عليهم وباركوا لهم ولبسوهم فل وخرجوا. .
خلود:لبسها عشان التصوير .
خالد لبسها السلس والساعه والمحبس تصوروا.
خلود:اشرت له يخرج
خالد شاف لعيون شذا احبشش ياشذا وخرج.
شذا ارتبكت وابتسمت وقلبها يدق.
كلهن قربين منها وبيزبجين عليهم.
خلود:ماقالش وقت خرج شفتش شخرتي بقوه.
شذا ضحكت:مااادخلش.
رشا:يووو ماعاد رضي يخرج ستر الله اشرت له خلود والا بيرقد في المجلس.
كلهن بيضحكين وشذا قلبها ينبض فرح.
بيت خال خلود.
منال تبكي:الله لايهنيهم وخالتي كذابه تقلي مرة ابنها وتسير تزوجه.
اختها:طز فيهم هم خاسرين.
منال مقهوره لانها تحب خالد وبتدعي عليهم.
عند راشد رسل لرشا.
راشد:رشا لو فاضيه افتحي اقلش شي ضروري.
بعد نص ساعه وهن جالسات يضحكين وليله حاليه سامرين كلهم .
رشا شلت تلفونها من الشحن وشافت رسايل فتحت رسالة راشد قبضها قلبها.
رشا رسلت:ياهلا اليوم مشغوله مع عقد شذا بيت عمي سامرين عندنا كلهم خير ايش الشي الضروري.
راشد فتح اول ماسمع نغمة رسايلها بغنيه مجنوني لوليد الشامي رسل:ياهلا الف مبروك الله يتمم افراحكم.
رشا:الله يبارك فيك كيف حال خالتي فاطمه وريم.
راشد تنهد:ريم تاعبه والله تضل وحدها منعزله وامي غاثيه عليها.
رشا:الله يعين قلوبنا كلنا ايش الموضوع الضروري اقلقتني.
راشد بطل يقلها الموضوع عشان مايكسر فرحتها رسل:الموضوع الضروري اشتقت لش بس.
رشا ارتاحت وابتسمت:وانا اكثر 🙈ذلحين بسكر التلفون عماتي وخالتي عندنا بسير نلحق عشاء قدهو وقت.
راشد مقهور: اوك وانتبهي على نفسش احبش.
رشا:وانت انتبه لنفسك واحبك🙈🙋.
راشد سكر وشغل اغنيه مجنوني وبيدمع.
رشا:هيا إيلاف نلحق العشاء نسويه وانتي ياشذا عروسه والله ماتلمسي شي.
خلود:وانا بجي معكن عشان نقطب بسرعه.
رشا:انتي وعهود.
رشا:خلود وعهود نظفين المجلس وانا وايلاف بنسوي العشا مع امي.
شذا:وانا ايش مهرتي أسير اجابر عمتي سماح وخديجه وخالتي مريم.
رشا:سيري الله يعينش على تحمل وجود خالتي وضحكت.
ملاحظه( مريم خاله رشا زوجه خالها كريهه وحق مشاكل وهدار وحسوده وحاقده مش رشا لانها رفضت ابنها زياد لما تقدموا بايام الثانويه حق رشا ومعاها ثلاثه زيد الكبير عمره28. متزوج ومعه بنت وزياد26 عزب ولا شغل ولا مشغله ولا جامعه ولا شي مقضي عمرة تررلي وامل 20 اختهم اخر العنقود ولهم دور بالروايه في الأحداث القادمه بس دور بسيط وطبعا ابوهم خال رشا قاسم ضعيف شخصيه وبعد مرته مريم بكل شي ).
خلود:لالا انا من رايي سيري اجلسي في الغرفه لاني متأكده بتلقي تلفونش مليان رسايل واتصالات من خالد قد انتي زوجته اما من اليوم تحملي الازعاج.
شذا ضحكت:ياعيبتش مشهو إزعاج خلاص بدخل اشوف تلفوني.
خلود وايلاف دخلين مع سميره المطبخ وعهود وخلود بينظفين المجلس والصاله.
سماح دخلت المطبخ معاهن بس حلفت سميرة ماتعس شي تسير تجلس عند خديجه ومريم.
عند شذا فتحت التلفون شافت رساله من خالد وعشر رنات.
فتحت الرساله( قبل سبع سنوات احببتكي واعتقد الجميع انهو حب المراهقه ولن يدوم وحاولت جاهدا ان أثبت حبي لكي وفعلا وقعتي بحبي وعشت معكي اجمل سنه بتواصلنا برسائل ورقيه وكانت ايام جميله ولكن حدث ماكان متوقع اعتراض امي الذي احزنني لايام وليالي طويله ولكنني أقسمت على حبي ان لاااخذ غيركي زوجه ولا شريكه لحياتي دعوت الله كثيرآ لكي يجمعنا وكنت أعلم ان اليأس دخل الى قلبك الطيب ولكني كنت صبور والله كان كريم وجمعنا اليوم واصبحتي ملكي وزوجتي واميرتي الى الابد وهاانا امسكت بيديكي اليوم امام الجميع لاعلن لهم انكي ملكي وقلبكي سجن وكنت انا سجينه احببتكي ومازلت وساضل احبكي حتى اموت وهذا عهداً عليا ووعدا لكي اميرتي شذا احبك. 🌷).
شذا قريتها وبكت وجلست تعيد فيها وتكررها وتتطمر فرح حست نفسها مثل فرح الطفل اللي يشوف امه بعد ما احرموه منها جلست عشر دقايق تفكر برد مناسب على رسالته.
شذا( وقبل سبع سنوات عندما بدات اشعر بحلو الحياة بوقوعي بحبك وايضا اعتقد الجميع ان حبي لك كان طيش ولكنني رايتك حلم وتمنيت وقوعه بواقعي كبرت وحبك داخلي معي يكبر كبرت وانا حلمي يكبر معي وعندما اعترفت لي بحبك ذاك اليوم الذي لاينسى والرساله التي لن ولم انساها كان أجمل أيام حياتي وذاك اليوم الذي علمت بوقوف امك ضد حبنا كان أسوأ ايام حياتي عانيت وبكيت ودعيت لربي كثيرا لاانكر انني يأست وحاولت ان انساك ولكن كل ليله كانت دموعي تفضحني بشوقي لك وكنت.
.يتبع...
*اشواف تفاعل جميل لتشجيعي على الاستمرار[💚]*