الفصل 43
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 43 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
.
.
اخو فارس الكبير خرج:كل يوم على هذا الخبر وصياح الله يشله ونفتك.
ام فارس تبكي:الله يهديه.
ابو فارس:الله يشله بيموت كم من مليح ليته هو مات بدالهم.
ساره مسكت يد ابوها حبته:الله يهديه خلاص لاتوجع نفسك وتعصب مصيره يرجع ويندم.
نرجع لريم جالسه تبكي ولا وقفت بكاء
راشد:ريم يله افتحي عشاني.
ريم قامت جسمها تحسه ثقيل ودااايخه فتحت الباب واندربت.
فاطمه تبكي:مالها بنتي ماوقع لها.
راشد:لانها مااكلت ارهاق وتعب بس لاتخافي لبسيها يله بشلها المستشفى.
فاطمه وراشد لبسوها البالطوه وساروا المستشفى.. ام محمد تعباااانه في المستشفى. ( في وطني....
تتارمل امراة"...قد خسرت كل اسرتها...
في وطني...
تبكي اما...حاكت ثووبا لولدها لتسعدده بهه ولاتعلمم انه كفن له ...
في وطني...
تتالمم اما..وتهمسس لاباس انه شهيد للوطن..
في وطني...
يتدمر اب..ذهب لطلب الرزق ورجع ولم يبقى له احدد
في وطني...
يقتل طفلا..ويدفن بسقف بيت رعاه منذ الصغرر
في وطني..
يتشرد اطفال ...لن ينسوا دماء ام حملت بهمم
في وطني...
يتهافت اخا لبيع اخيه ...ليحصل على المال
في وطني...
يقتل بائع الخضار ويستشهد بائع الحلوى..ويبقى بائع الوطن
في وطني...
ام تنظف منازل الغرباء..لتجلب الطعام لاطفال اماتهم الظلم
في وطني..
طفلا يفنى من ارضه..ويراهم يذبحون اباه بعينه
في وطني..
لم يبقى عيش لاحد..فان لم تقصف..تظلم..وان لم تظلم تموت جوعا
في وطني..
جميعهم يدعون انهم حماة للبلاد ..لكنهم يريدون لها الفساد ✏ـ.
رشا ترسل لراشد مستغربه مغلق من أمس عصر بدأت تقلق اتصلت لريم محدا بيرد.
الساعه11 الليل رشا مارقدت منتظرة راشد.
راشد روح ريم قدهو مرهق وتعبااان رقد على طول ماعاد حس بشي.
ريم مثل الجثه في المغذيه مخدر خلاها ترقد فاطمه تبكي على عيالها وخايفه عليهم 'وتدعي.
رشا ياست يفتح راشد رجعت رقدت.
اليوم الثاني الساعه 11
راشد صحي.
فاطمه جهزت له اكل ولريم.
فاطمه:ريم قومي كلي عشاني لا حزن ولا دموع ترجع محمد ادعي له بس.
ريم:مشتي اي حاجه.
فاطمه خرجت:راشد خلاص اني تعبت افكر واخاف عليكم ريم مابتنسى محمد الا اذا رحنا من صنعاء خلينا نرجع عدن اني خايفه عليك وعليها هنا الدمار والموت كل يوم.
راشد:ورشا يمه لمن خطيبتي اخليها واهرب لا يمه ما اقدر.
فاطمه بكت:وريم اخليها تموت والا كيف رشا تضل خطيبتك لوما تخلص الحرب ونرجع وتزوج الله يخليك خلينا نرجع عدن خايفه عليك كلما تخرج اموت قلق عليك.
راشد تنهد:يمه ما اقدر ما اقدر افلت رشا وريم مع الايام يشفى وجعها.
فاطمه:خلاص انت أخبر المهم اليوم.
راشد:يمه مقدر افلت رشا يمه افهميني.
فاطمه:خلاص انت أخبر المهم اليوم بسير عند ام محمد.
راشد:وريم.
فاطمه:ريم مثل ماانت شايف تاااعبه لو تزيد تسير هناك بتتعب أكثر.
راشد:وانا بسير الان عندهم.
فاطمه:والله ماتخرج لوما تكل.
بيت ابو مراد.
شذا:اليوم متحمسه بنبدا ندرس التمريض.
رشا:وانا والكل.
عهود:هنيت لكن والتعب حبتكن يله فجروا الجامعه وافتكيت.
شذا ضحكت:من وقت حملتي بس والا وقت فجروها شفنا كيف بكيتي.
رشا شافت رسايل من راشد فرحتتت جلست في الكنبه وفتحت.
رشا:وين كنت ها وين غايب يومين ولا حتى رساله طمني وينك.
راشد ابتسم لخوفها عليه:اسف والله غصب عني.
رشا:ايش اللي غصب عنك تختفي يومين حتى ريم مغلقه.
راشد::رشا محمد صديق عمري وخطيب اختي مااااات💔.
رشا انصدمت:لاحول ولا قوة الا بالله متى.
راشد: امس اااخ يارشا فقدت اعز اصحابي فقدت اخ وحبيب.
رشا:ماوقع به.
راشد:بالقصف الله لايلحقهم خير.
رشا انقهرت:كيف ريم الله يعينها ويصبر قلبها ويصبر اهله.
راشد:ريم تعباااانه ومحتاجه احد جنبها.
رشا:الله يعينها ان شاء الله بحاول اجي اذا سمح لي ابوي لانه مش حلو أسير بيت خطيبي.
راشد:معذوره بس بسالش لو انا الي مت يارشا.
رشا حست جسمها تكهرب:بعيد الشر كسروا لقفك انت وهذا الخبر.
راشد:الله يحفظش يله عن اذنش بطلع لبيت ابو محمد لو محتاجين شي بعزا الغالي💔.
رشا:الله معك.
رشا سكرت والدمعه في عيونها.
شذا:خير مالش.
رشا:خطيب ريم مات أمس.
شذا وعهود شهقين.
سميرة خرجت من المطبخ:من مات قلتي الله يستر.
رشا:خطيب ريم محمد.
سميرة:حسبي الله ونعم الوكيل ياربي استودعتك عيالي يارب.
شذا:ياااااهي صعبه تفقده للابد الله يكون بعونها.
اليوم الثاني سارين عند ريم كلهن وعلي مامنع رشا قال قدهو موت عادي.
شذا اتبكي:خلاص ياريم بس قطعتي قلبي الله يحرق قلبهم.
ريم تشهق:دمروا أحلامي بموته حتى عيالنا اخترنا اساميهم بنينا حياتنا واحلامنا مع بعض دمروا كل شي يااااارب خذ حق كل مظلوم من هذي الحرب.
كلهم بقلبهن خوف وكل واحدة خايفه ع اهلها ومن تحب وجالسات يبكين معاها.
بعد مرور أسبوع من غير أحداث مهمه.
بعد الغداء بيشربو شاهي
خديجه:ياخلود هيا خلصي بسرعه بسير اخطب لاخوش .
خلود اكتبدت:صدق بس خالد مايشتي.
خالد تضايق:مابخطب احد ولا اشتي اتزوج.
ناصر:ماعذر من زواجه.
خديجه والابتسامه في وجهها:بتجي معي وغصب عليش وبيوافق غصب عليه.
خالد وقف بعصبيه:لا مش بالغصب ومشي يشتي يدخل غرفته .
خديجه:خلاص براحتك.
.
.
خديجه:خلاص براحتك كنت اشتي اخطب لك شذا لأنها طيبه بس خلاص انت أخبر.
خلود بهررت: شذااااا.
خالد سمع اسم شذا ورجع طار قلبه فرح:يمه من قلتي بتخطبي.
خديجه بمزح:كنت اشتي شذا بس خلاص هونت.
خالد رجع حب رأسها:يمه انا فدالش خلاص اخطبي شذا.
ناصر ضحك:ايش ورا فرحك ذيه.
خلود طايره فرررح:لووووللللييييي يووو وربي أجمل خبر سمعته.
خالد دمع من الفرحه:يمه الان سيري.
ناصر:الله يتمم فرحكم ياعيالي انتي سيري حاكي البنت وامها وانا بحاكي علي بالمصنع يله خاطركم.
خديحه:يله وانت ياخالد سير اشتري لي شي اشله معي قبل اتراجع.
خالد:حاضر حاضر الان وبسرعه البسين.
خلود بضحكه:بسير اتصل لشذا اقلها عن الخبر.
خديجه:لالا لا تتصلي اشتي اشوف وجهها قدامي وقت اتحاكى بعرف لو تحب خالد.
خلود ضحكت:وانا اقول لمن طالعه خطيره طالعه لامي بس والله انهي تحبه.
خلود دخلت الغرفه اتصلت لرشا.
رشا:ياهلا.
خلود:انا وامي بنجي عندكم بعد شويه بااااي وسكرت.
رشا:صرفوا الكلبه سكرت ماحتى سمحت لي انطق اكيد جايه تزور عهود بس عهود قدهي بخير يله اهلا وسهلا بهن نضيع وقت كما عطله التمريض هذي اليومين بسبب ظروف الدكتور . .
قبل العصر.
شذا:يارشا وين البخور رجعتي به.
رشا:في غرفتنا.
شذا:تصدقي حاسه بيوقع اليوم شي.
رشا: الله يستر من احساسش شي مثل ايش فرح والا حزن.
شذا:والله مدري الله يستر بس.
سميره:رشا اطلعي قولي لسماح وإيلاف ينزلين يجلسين معنا وانتي يا شذا انزلي لعهود قولي لها تطلع.
رشا وشذا:حاضر.
بعد دقايق وصلت خديجه وخلود.
سميره بابتسامه:اهلا وسهلا حيا بكن.
خديجه بنفس الابتسامه :الله يحييش ويسلمش.
سميرة مستغربه من خديجه لأنها تكلمت عادي مش مشخسه مثل كل مره.
خلود:وين البنات.
سميرة:ادخلين المجلس الان بيجين.
خلود من كثر الفرحه مستعجله😂.
خالد باب البيت بالسياره عيونه لطاقة غرفه شذا مبتسم وحاسس براااحه كان بيدورها من زمان:واخيرا ياشذا ربي بيجمعنا ومحدا بعد اليوم يقدر يفرقنا ابدا.
بعد ما اجتمعين كلهن بعد الصلاه في المجلس بيتجابرين.
رشا:خلوود ايش معش اليوم شاقه الابتسامه من اول ماجيتي.
خلود ضحكت:ولااااشي.
شذا:يخ كان اجلسي تكركري سكته.
خديجه:ذلحين قريب ان شاء الله يوقع ببيتي عرس ونجتمع كلنا وطز في الحرب.
شذا وايلاف ورشا التفتين لها.
رشا:عرس من ياعمه.
شذا قلبها يدق بقوه منتظره تعرف عرس من.
خديجه:عرس خالد.
شذا حست بقلبها طعنه ابتسمت كذب والدموع في عيونها كلهن لاحظين عليها.
سميرة انقهرت على شذا:الله يوفقه من خطبتوا له
يتبع...
*تفاعل لنستمر بتنزيل المزيد [☁️]*