الفصل 41
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 41 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
رشا:يووو الله لاوفقهم هيا اسمعين صوت القارح شكله من بعيد شويه.
خلود:الله يصيبهم مصيبه بيفعلو زحمه ومحدا يشتي تحالفهم الشعب رافض واللي راضي لذيه التحالف مابش معه ضمير الناس بتموت واليمن دمروها.
شذا:خليهم يولوا ربش كريم.
خلود:وين عهود لاتفتجع وتمرض.
شذا:قدهو مراد عندها وبعدين ماعاد تفتجع ساع حق اول مرة بس نقزه وخلاص.
ايلاف:الله ينتقم منهم اكيد الان فيه ضحايا وجثث💔😔.
رشا:اكيد حسبي الله ونعم الوكيل فيهم كم بيقهروا قلوب ناس أما من مات قدهو ارتاح له من الدنيا.
شذا:اكيد مثل كل ليله يقصفوا فيه من تخسر اخ وفيه حبيب قريب اب ام زوج أيتام ارامل الله يحرق قلبهم.
نرجع لقبل خمس ساعات من اليوم عند محمد وراشد.
محمد:مالك ذلحين حزين ساع النسوان.
راشد ضحك:قلعك بس الحرب ضيعتنا لاعاد شغل ساع الناس ولا شي سابر.
محمد:ربك كريم هو موت ومره واحدة وكلنا بنموت المهم نخزن ونفتهن لوما يجي.
راشد:افدي قلبك والله محدا بيفهمني غيرك انا اشهد انك اخ مش بس صديق.
محمد:حضنه والله من غيرك انا مااسوا.
راشد:الله يخليك ذلحين هيا من الرمسسه نكمل تخزينه على قولتك لوما يجي الموت.
نرجع للبنات.
رشا:يله عن اذنكن راشد بيرسل.
ريم اخت راشد دخلت للجروب:هاي بنات كيف حالكن لوما دخلت رشا سارت عند راشد.
إيلاف :ههههههههه وانتي سيري لمحمد.
ريم:عاده مافتح الواتس رسلت بس عاده مافتح والله اشتاق له موووت😁.
خلود:الله يزوجكم ونفتك من الضبح جالسات تترمسسين واحنا لنا الله.
عند رشا.
رشا:ياهلا.
راشد:كيف انتي ياقلبي ان شاء الله بخير.
رشا:الحمدلله انت كيف حالك.
راشد:ضايق صدري.
رشا:خير ان شاء الله ليش.
راشد:والله مش عارف.
رشا:استغفر وربك يفرج ضيقتك جعلها فيني ولا فيك.
راشد:بعيد الشر عليش يانبضي.
كملوا مجبر .
الساعه1
عند ريم عادها ما قدرت ترقد متضايقه وزعلانه من محمد لانه مافتح ومش عوايده مايفتح.
ريم بدات تقلق :ياربي وينه تعبت ارسل واتصل مغلق قلقت وتضايقت كل شويه تفتح خلفيته وحالته( خلفيته مهمها ابتعدت عنك انت بقلبي لايمكن تغيب وحالته انا بجنبك ولو العالم والظروف ابعدوني❤) الساعه الثالث فجر ريم بدأت ترقد.
تلفون راشد بيرن.
راشد قام يتعسس تلفونه جنبه شاف رقم غريب استغرب من بيتصل.
راشد:الو
..... :انا اخو محمد يالله حصلت رقمك محمد عندك والا كيف من بعد المغرب ماروح قد امي بتجنن.
راشد حس قلبه طعنه:لا مش عندي ماشفته من بعد العشاء قالي انه بيروح .
راشد بخوف:لا مش عندي ماشفته من بعد العشاء قالي انه بيروح بعد ما يشتري اغراض البيت.
اخو محمد افتجع:من وين سار يشتري الأغراض.
راشد:من محلات......
اخو محمد اكتبد:أسألك بالله قول انك تمزح.
راشد:ليش ماوقع تحاكى
اخو محمد نزلين دموعه:بس المحلات الي تتكلم عنهن قصفوهن قبل ثلاث ساعات ومحمد ماعاد روح يعني وماعاد قدر يتحاكا بكاء.
راشد حس شعر جسمه وقف:ان شاء الله مافيه شي انا شجزع لاعندك نسير ندور عليه الان بس وين انت.
اخو محمد:عند دكان ولد جيراننا متجمعين كلنا ندور عليه.
راشد بخوف:دقايق وانا عندكم سكر تلفونه وبيلبس مثل المجنون وصوت محمد باذانه خرج من غرفته بسرعه.
ريم خرجت للحمام شافته.
ريم بخوف:راشد وين رايح هذا الوقت فيه شي كما قلبي اليوم ضااايق.
راشد زاد انقهر:ان شاء الله مافيه شي بخرج لشي ضروري ورجع ولو تاخرت قلي لمي انو ام محمد مرضت وبسعفها معه.
ريم قلبها دق بخوف:ام محمد والا محمد قلي امانه محمد فيه شي.
راشد:لا الله معش خرج وغلق.
ريم جلست واقفه بمكانها دقايق تتنفس بسرعه وخوف:استغفرالله العظيم ياربي اجعله يوم خير.
وصل راشد عند الشباب وكلهم ساروا يدوروا عليه في مكان المحل الي قال لراشد بيسير يشتري منه الي هو بمكان القصف.
وصلوا المكان كله دخان وبقايا قصف وحريق وسيارات الإسعاف سايره جايه.
راشد جسمه سقع ويتنفس بصعوبه ويهدي نفسه:اكيد محمد ماجاء هنا.
اخو محمد وابوه وعيال عمه كلهم بيسالوا ويدوروا.
ابو محمد بخوف بيسال واحد:ياابني من متى انت موجود بهذا المكان.
الشاب بيبكي:بعد القصف بدقائق لاني كنت مش بعيد من هنا وانا جالس ادور عن اخي لانه عادته هو والشباب يتجمعوا عند محل ابو عادل.
اخو محمد:طيب ياخي شفت لنا واحد لابس قميص ابيض وبنطلون ازرق.
الشاب بيبكي بحرقه :لا ماشفت وين بشوف والجثث والجرحى مليان المكان انا الان رايح المستشفى ادور بين الجرحى او الجثث.
راشد بدا يخاف أكثر:هيا كلنا المستشفى ندور وان شاء الله مشهو موجود الا بخير.
كلهم ساروا المستشفى وقلوبهم خايفه.
وصلوا المستشفى بيدوروا المستشفى ضجه وبكاء وصياح وانين اطفال ونسوان ورجال وشيوخ بسبب البيوت والمحلات الي انهدمت في القصف وجنب القصف.
احمد اخو محمد الوحيد:يادكتور ممكن ندور عن اخي بين الجرحى.
الدكتور:اكيد اكيد واذا ماحصلتوه شوفوه بين الجثث
( ومشي من عندهم بسرعه عشان الحالات والجرحى). كلهم كلمه جثث صداها باذانهم.
راشد بيقوي نفسه واهل محمد:قلك جثث محمد عايش وموجود هيا ندخل الغرف
.
راشد بيقوي نفسه واهل محمد:قلك جثث محمد عايش وموجود هيا ندخل الغرف واذا ماحدا حصله نرجع نجتمع هنا عشان ندوره مكان ثاني .
كلهم تفرقوا في الغرف والصالات بيدوروا ويسالوا.
بعد ساعه للاسف مش موجود رجعوا كلهم لنفس المكان.
ابو محمد دمع:وين ابني ياربي لاتحرمني من ابني هو قوتي يارب.
احمد اللي أصغر من محمد بسنتين بيبكي:يابه وينهوه محمد اخي بخير بس مدري وينهوه.
راشد:خلونا نرجع لنفس المكان ندور يمكن ماعاد سار يشتري نسير اماكن ثانيه نسال.
واحد من عيال عم محمد بيتحاكى بقهر:قبل ما نخرج من المستشفى خلونا ندخل للغرفه اللي فيها الجثث عشان نطمن ونتاكد.
ابو محمد بخوف وعصبيه:ابني مامات مالك ابني موجود.
راشد دمع:ايوه مشهو بين الجثث خلونا نسأل عليه يله نخرج من المستشفى الصياح واجع قلبي.
ولد عم محمد الثاني:ايش بنخسر لو ندخل نشوف الجثث نجرب وان شاء الله مش بينهم.
راشد غمض وتنهد بقوه:مقدرش ادخل.
ولد عم محمد:انا بدخل انا واخوتي.
ابو محمد:وانا معاكم.
كلهم دخلوا وراشد معاهم بيمشي خطوات ثقيله.
الدكتور اللي في الغرفه بيفتح عن وجه الجثث فتح سبع جثث ووو.
عند ريم جالسه بسريرها وعينها لمكان واحد وفيها خوف وقلق بتتصل بتلفون محمد مغلق.
الدكتور فتح الجثه الثامنه راشد نزلت دموعه وجلس على ركبه.
ابو محمد صاح ومسك قلبه:محمد ابنيييي.
احمد واقف مكانه ومصدوووم.
الدكتور:يعني هذا يقرب لكم.
عيال عم محمد قربوا من احمد وابو محمد مسكوهم.
1:ياعم لا تعذبه بدموعك ان شاء الله شهيد شهيد.
ابو محمد:حرقوا قلبي الله يحرق قلبهم الله يحرق وطنهم الله يحرق كل من بقوات التخلف الظالمه الله يحرقهم الله يدمرهم.
راشد قرب من محمد كله دم ومغمض وفي راسه من ورا فتح صغير من الراجعه حق القصف لانه ماكان بالمحل قد كان خارج منه.
راشد دموعه تنزل:محمد وعدتني مانفترق الا لوما يفرقنا الموت واليوم الموت فرقنا وعدتني تبقى أجمل واعز صديق ووفيت بوعدك بس وعد واحد ماوفيته زواجك بريم خليتني وخليتها ليييش الله يلعن من كان السبب. (صعب تفقد صديق كان لك اخ وصديق واب كان لك بيت اسرارك واذا ضاقت دنياك كان لك أقرب من القريب صعب تفقد صديق كان مايمر يوم وماتشوفه ماتمر ساعه ماتكلمه ماتمر ثواني وماتذكره صعب تخسر الصديق الي هو لك اخ وحبيب تعيش بعده بوحده وكانك بعالم غريب)بقلميn_0
الناس واهل الجثث كلهم ببكاء وصياح وحزن.
ابو محمد طلع له السكري والضغط وفعلوا له مهدئات احمد يبكي بحررررقه راشد سااافي لاعاد يبكي ولا يتحاكى.
ام محمد بتتصل بس احمد مش عارف ايش يقلها مابيرد.
الساعه8 الصبح.
خرجوا الجثه وراشد كان روحه طلعت
.
يتببعع ..
*تفاعل لوسمحت فتفاعلك له معنى [☁️]*