الفصل 38
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 38 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
شذا:من قالش.
مصطفى بحزن:ايوه دمروها قد انا والشباب كلنا سرنا نشوفها الصبح عشان نتأكد.
رشا:وانا قالت لي واحدة من الجامعه من حقنا الدفعه اتصلت لي وهي تبكي.
مصطفى:سهل احنا رجال وان شاء الله مع الايام نعمر وطن جديد بس عاد احنا مابيد من حيله.
شذا تبكي:وتعب السنين كله راح على الفاضي وحلمنا كل شي.
منير:اخخخ على مافي القلب الله يقهرهم ساع مايقهرونا.
مراد:ا ن شاء الله السنه القادمه نبدأ سنه جديده في جامعه ثانيه صامدون ومانياس.
رشا:وعاد شصبر سنه واجلس سنه من غير جامعه الله يلعنهم الله يهلكهم.
رشا طلعت تقول لاايلاف ورجعين يبكين ع حال اليمن اتصلين لخلود.
خلود بقهر:المهم ان محدا كان بالجامعه لو كنا فيها قد احنا جثث بس جت ع خير والسنه الجايه بنقدم بجامعه ثانيه وهذي السنه نسجل كلنا بمعاهد تمريض عشان التمريض مهم بوضعنا هذا.
رشا مسحت دموعها:صدقتي بنكافح الحرب ونعيش غصب عن كل ظالم ودام الله معانا مابيضيعنا.
انتشر خبر الجامعه كل الشباب والبنات والدكاتره حزنوا وزعلوا لكن مايئسوا وبدأوا لطموح اخر واعمال خيريه.
بيت راشد اتصله عمه من عدن.
راشد:ياعم خليك عاقل لا توقع جاهل كلنا وطن واحد اعدائنا فارحين بتفرقنا ويشتوا فصلنا ليش قد انتو هكذا والله حرام.
عمه:حرمت عيشتك انت والدحابشه ياكلب روح عدن والله لااجي اسحبك عاد انت فارح لي بالدحابشه لو ماترجع عدن لااحنا اهلك و لا نعرفك.
راشد عصب :الدحابشه الذي تتكلم عليهم يمنيين ودمنا واحد شعبنا واحد.
عمه:هذا بااحلامك بعدين يمنهم لهم احنا جنوبين فاهم والالا وبنت الدحباشي تفسخها ورجلك ع رقبتك واختك تفسخ الدحباشي انت حذرتك أكثر من مره والا انسى ان معاك اهل وسكر لوجه راشد.
راشد انقهرررر بيمسح شعره ووجهه بقهر ويحاول يهدي نفسه.
ام راشد تبكي:هيا ياابني شوف كيف بيفرقوا بيننا خلونا اعداء حسبي الله ونعم الوكيل فيهم والله الشماليين طيبين وقدهم اهلنا لكن كيف نفهم شعب كامل حسبي الله على من كان السبب.
ريم جالسه تبكي ع حبها لمحمد وع حب راشد لرشا ومحتارين ايش يفعلوا.
في الليل الدنيا مابش قصف.
خلود:ياعلي كلما قلت بكلم ابوي يوقع شي.
علي: يوقع ماوقع عادي الحرب تيه مش توقف حياتنا بنضل عايشين حياتنا لوما يجي الموت.
خلود:ايوه الان ايش الخطه.
علي:غدوه برجع افتح الواتس واكلم فارس وبقله مع الحرب مابش شحن واتغلق جوالي وبعدين شحنت وفتحت وبرجع اكمل معه مجبر واليوم الثاني بقله نتقابل بموعد غرامي في اي مطعم او منتزه.
خلود:يوو وكيف بتقابله ننفضح.
علي:لا انتي وعمتي خديجه بتقابلينه بس عشان.
.
علي:لا أنتي وعمتي تسيرين عشان تصدق كلامش وتلفوني بمكنه لش ووقت نحدد المكان ونوصل هناك انتي رسلي من تلفوني وينك بالضبط وايش لابس وهو اكيد بيقلش وامش بتكون تشوف الرسايل بعدين تشوفه ويتضح كل شي😍😍.
خلود:😍😍😍جبرك على خطه ضخمه بس لو اشل تلفونك امي بتعرف انه مش تلفوني وبتسال من اللي كان يراسله.
علي:اووه صح خلاص قولي انه تلفون ايلاف وانها هي الي مجربته عشانش.
خلود: خلاص تمام اتفقنا اليوم اتفق معه وغدوه نسير.
علي:بشوف رده اول.
علي رسل لفارس وقاله انو غلق الوتس بسبب الشحن.
علي:فروسي ايش رايك نتقابل غدوه باي مكان عشان تشوفني واشوفك🙈🙈.
فارس فرح:اكيد ياروحي بس خليني اسمع صوتش الان.
علي:لالا غدوه قدهو صوت وصوره🙈.
فارس بيفكر بس معي غدوه بنت ثانيه كيف بقابل الثنتين:بس اسمعي مني خلينا نتقابل بعد غدوه لان غدوه معي عمل ضروري.
علي ضبح:خلص تمام منتظره بفارغ صبري.
فارس:وانا مشتاق ياقلبي.
اليوم الثاني الصبح.
خديجه:ياخلود اليوم بنسير عند عهود مريضه جعلي السم على بنتي الله يفجع من فجعها.
خلود ذكرت انه اللقاء مع فارس اليوم :يوووه يمه خليها يوم ثاني قوا.
خديجه:ماشي والله اليوم اختش تاعبه.
خلود ضبحت:خلاص تمام قده حظي.
علي رسل لخلود مافتحت رجع يفعل لها رنات ويسكر عشان لو هي قريب من الجوال تفتح الوتس .
خلود في المطبخ سمعت الاتصالات دخلت للغرفه ومن غير تشوف الرقم مستعجله ردت:الووو.
علي سمع صوتها وارتبك:هاه مش قصدي اتصل بس بين افعل رنات عشان تفتحي الوتس.
خلود انحرجت منه:اها طيب مافي مشكله بخلص عملي وافتح.
علي:تمام بس غدوه الموعد معادهوش اليوم.
خلود:الحمدلله عاد كنت اشتي اقلك تتصرف لان اليوم بنسير عند عهود وامي مصممه اليوم.
علي:ان شاء الله خير يله بأمان الله.
خلود:الله معك.
سكر وهو فارح انه سمع صوتها وهي حست قلبها يدق بسرعه.
قبل العصر وصلت خديجه عند عهود طبعآ عهود بشقه سميرة بغرفه البنات عشان تعبانه جلسوها قريب منهم ومراد بيرقد بشقته تحت وكل ساع يجلس عند عهود يطمن عليها.
سميرة:اهلا وسهلا ارحبي ياخديجه.
خديجه بغرور:الله يحييش اسلمي وين بنتي.
سميرة:بالغرفه عند شذا تخلص تلبس وتدخل المجلس تفضلي اجلسي لوما تجي ولو تشتي ادخلي للغرفه عندها.
خديجه:بنتظرها بالمجلس بس ليش تأخرت ماخرجت وهي عارفه اني بجي.
سميرة:البنت كل ساع نوم وحامها تعيب وتضل منعسه واصل.
خلود :يهنى لها نومها وانا من صبح الله امي تزعجني وضحكت.
خديجه:سيري من قبال وجهي راقده للساعه8 عادهو عندش صبح.
خديجه:سيري من قبال وجهي راقده لا ثمان وعاد تقولي صبح الله قدهو ظهر.
سميرة:بنات هذا الزمن كلهن هكذا حبتهن النوم.
خلود:هيا اجلسين حشين علينا لوما ارجع وسارت عند عهود الغرفه.
خلود:هاااااي جايز.
عهود بضبح واحم😂:غاز احسن بطلين كثره الهذره كما اضبح من كثره الكلام.
خلود:يو على واحم كريهه اول سلمي عليا وقربت سلمت عليهن كلهن.
رشا:اول من وحم اختش قد خلتني واحمه ساعها.
خلود:هنيت لش كلي معها ماكلت وبس.
عهود:قلعكن ريت وانتين تجربين الوحام.
شذا بضحكه:لاعاد نجربه ولا يجربنا قد كل ساع وانتي مشخسه وتتقارحي.
عهود:وإذا يعني لو قد انا اضايقكم بنزل شقتي والا أسير بيت ابوي.
شذا:ياعيبتش ياعهود ليش نتضايق والله انش مثل العسل على قلبنا كلنا.
خلود تضحك:اختي قدهي نفسيه بسبب الحمل ذيه.
رشا:واحنا مقدرينها ومابنزعل منها.
عهود خزيت من كلامهن:اسمحين لي على نفسيتي والله انها زفت خلينها على الله مش طايقه نفسي.
شذا:عادي ياقلبي واحنا مانزعل منش ابدا بس خوفي لمن تزعلي مننا وتزعلي بسرعه واحنا بنمزح.
خلود:يخخخ شوعه الواحد يكون معه واحم ببيتهم عاد قلتي بتسيري ببيت ابوش عساس بقبلش بفعل لش زبط بتدي لي الغاثي بتيه الشخاسه.
كلهن ضحكين.
دخلين المجلس.
خديجه:كيف بنتي انا فدالش.
عهود:الله يحفظش يمه قد انا بخيره ومابش نزيف الحمدلله.
خديجه:حسبي الله عليهم عرفتي ياسميره من ماتوا بقصف من.
سميرة:ياربي سترك علينا من.
خديجه:شفتي بيت ال.....
سميره وجعها قلبها :ايوة عرفتهم من مات منهم.
خديجه بزعل:كلهم ماتوا داخل البيت القصف كان جنبهم.
كلهن زعلين.
سميرة دمعت:يوووو جعل ربي ينتقم من كل قاتل ماذنبهم هولا الناس.
خلود:قد قلبي بيفتجر خلينا نتجابر بشي غير الموت والاحزان.
رشا:ذكرتيني المعهد اللي اتفقنا ندرس فيه من يوم السبت بيبدوا الدراسه للتمريض.
خلود:جنه بدال تيه الفرغه والحزن نضيع وقت بشي مفيد.
عهود:خوفي يقصفوا المكان لانكن سجلتين فيه كما انتين نحس.
رشا:اجلسي اوحمي سكته ياويلي مابتدرسي معانا.
كملين جلسه للمغرب وروحين.
وعهود رجعت ترقد.
علي وفارس اتفقوا وين اللقءا غدوه وباي مكان والساعه كم.
علي قال لخلود وهي متحمسه لغدوه.
عند راشد بيراسل رشا وهو مهموم.
رشا:راشد مالك هذي الفتره وضعك مش عاجبني ايش بك حزين وخلفيتك مكتوب فيها موجوع.
راشد حزين من كلام عمه ومحتار يرجع عدن والالا :رشا خليني اسمع صوتش وانسى كل همي.
رشا تفاجات اول مره يطلب يسمع صوتها وهو مهموم وحزين ماقدرت ترفض:طيب لحظه شويه واجي.
رشا:ياشذا
يتببع ...
*تفاعل لنستمر بتنزيل المزيد [🎀]*