الفصل 36
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 36 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
خديجه:ها كيف انتو وين علي اساليه وين ناصر بتصل مغلق.
سميرة :مابحد لا علي ولا مراد وزيد ناصر يعلم الله ايش معاهم علي قالي مشغول مابيروح.
خديجه:ان شاء الله خير المهم اذا روح اتصلي لي ولو روح ناصر بتصل لش.
سميرة:حاضر الله معش.
سميرة:كلهم ماروحوا
علي دخل عند أمه قالها تتغدا انهم بالشغل وايلاف طلعت تتغدا وكلهم تغدوا
في المستشفى الدكتور خرج قامو لاعنده.
علي:طمنا كيف هو.
الرجال الي صوبه خايف لا يكون مات.
الدكتور:احنا خرجنا الرصاصه وسوينا الي علينا وعاده ماصحي ننتظر اربعه وعشرين ساعه ان صحي والا كل شي بيد الله وتقدروا تروحوا لانه بيطول لوما يصحى وارجعوا بعد العصر .
مراد مسك راسه:لاحول ولا قوة الا بالله العلي العظيم.
علي تنهد وجلس والرجال سمع الدكتور وخرج لباب المستشفى قدهو حاس انه مخنوق.
علي:ما اقدرش اروح وأخي هنا بين الحياة والموت.
مراد:جلستنا مابتفيده المهم ندعي له يله نروح عشان نقلهم وبعد العصر نجي كلنا.
علي:يله تمام.
روحوا البيت.
سميرة:مالك تأخرت اقلقتنا قلي تغديت.
ركزت على الدم في ملابسه مسكت يداته:يووو ماهو هذا الدم
رشا:يابه ليش شكلك زعلان مالك ماوقع منين الدم.
مصطفى:ابه تحاكا خوفتني.
رغد مسكت يده تحببها وتبكي : قولي من عورك بابه حبيبي مالك.
علي تنهد: لاتفتجعيش مافيني شي بس عمكم ناصر.
عهود كانت في غرفه رشا سمعت عمكم ناصر ووقفت مكانها وحست جسمها سقع.
مراد:يابه ايش به عمي ناصر.
علي:فيه مضرابه عشان أرض واحنا سرنا وضربوا رصاص وعمكم ناصر وقعت فيه الرصاصه.
كلهم افتجعوا
عهود دوخت وصاحت:ابوي واغما عليها.
مراد سمعها وقام.
مراد:عهود عهود يارشا هاتي ماء
رشا انسفجت:هاه منين.
شذا:انا بدي الماء
رغد بتبكي.
منير:يابه وين عمي الان وايش فيه.
علي:الان في المستشفى بعد العصر نسير نشوفه قال الدكتور بس انا الان بغير ملابسي قدهن كلهن دم واسير المستشفى الآن.
سميرة قدهي تبكي:وانا بجي معك نشل عهود قدهي تاعبه من اول زاد دوخت.
في شقه ابو إيلاف قالهن باللي حصل ونزلين.
سماح وصلت وعهود جسمها يرجف وسااقعه مثل الثلج.
ايلاف تبكي:هيا لبسيها بسرعه.
رشا تبكي ماقدرت تتصرف سوا مربوشه.
ابو مراد:الشباب يجوا معي وسميره عشان عهود والباقيات يجلسين وبنطمكن اتصال والآن بسير لعند خالد نشله معانا عاده مش عارف.
خلصت تلبس سميرة ولبسين عهود 'مراد حضنها للسيارة عشان عهود ماقدرت توقف.
علي:يامراد انت والنسوان اسبقوا عشان عهود وانا والشباب نلحقكم.
منير طلع مع مراد وامه..
بيت ناصر الباب بيدق.
خالد فتح.
خالد فتح لهم.
خالد باستغراب من جيتهم هذا الوقت:اهلا خير ان شاء الله.
ابو مراد:تعال معانا بس ابوك تعور وهو في المستشفى وو.. خالد قاطعه بخوف:ايش فيه واين تعور ومتى وليش خليتوه في المستشفى دام انهو بخير ليش مايروح.
خلود سمعتهم جت لاعند الباب.
خلود قدهي تبكي :أسألكم بالله ايش وقع لابوي
ابو ايلاف:لاتخافي ان شاء الله مافيه الأخير هيا خالد تحرك معنا.
خديجه جت لاعندهم.
خديجه:مالكم ماوقع كما قلبي مش مطمن من الصباح.
خلود:وانا سالتكم بالله تقلوا لي ايش وقع لابي.
ابو مراد:لاحول ولا قوة الا بالله اهدأي وقعت فيه رصاصه وقدهو بخير.
خديجه لطمت وجهها:رصاصه ماهو هذا ورجعت تبكي شلوني لاعنده الآن.
خلود مستوعبت داخت وماقدرت توقف جلست. خالد مسكها:خلود ان شاء الله مافيه شي لاتخافي
( يهديها وهو بنفسه خايف بس يتظاهر بالقوه عشان امه وخلود).
علي افتجع عليها بس ماجزمش يمسكها .
خلود تفتح عيونها شويه شويه:شلوني اشوف ابي قوا.
ابو مراد:بسرعه البسين.
خديجه وخلود يلبسين وهن يبكين.
كلهم وصلوا المستشفى ساروا عند الدكتور.
الدكتور:عاده ماصحي ابدا بس وضعه مستقر وان شاء الله خير ادعوا له.
خلود وخديجه يبكين.
ابو مراد:يامراد كيف قد عهود.
مراد:وقع فيها هبوط قوي وعاد الدكتورة قالت انتظر شويه لوما تشوف الفحوصات.
سميرة خلت عهود راقده وخرجت للصاله لأنها مع المغذيه والابر رقدت.
سميرة تهدأهن:صلين على النبي هو بخير لاتفاولين له بهذا البكاء والصياح.
خلود مسكت يد سميره:ابوي ياعمه ابوي لو يوقع به شي بموت بعده ابوي دنيتي وكل حياتي وسعادتي يووو يماااه اشتي اشوف ابوي.
خديجه:يارب قومه بالسلامه وعافيه يارب مالنا من بعدك غيره يارب.
علي بيشوف خلود ووجعه قلبه خرج من المستشفى جلس في الشارع وهو زعلان على عمه وبيدعي له.
مراد وسميره ساروا عند دكتورة عهود.
مراد:ايش فيها طمنيني.
الدكتورة:وقع فيها هبوط قوي ووضع الطفل مش تمام لانه نازل عليها تمتنع من الحركه الزايده والعمل والا بتكون تنزف ويمكن يسقط الطفل.
سميرة:يو ياربي افرحنا بهذا الطفل.
مراد زعل وتضايق:تسلمي يادكتوره وخرج.
الشرطه جت شلوا اللي صوب ناصر.
الساعه 5 ناصر بدا يصحا.
الدكتور:جماعه ناصر ال... كلهم قاموا
مصطفى:ايوه طمنا.
خلود ماسكه على قلبها وترجف.
الدكتور:الحمدلله صحي ووضعه مستقر شويه وننقله للغرفه وتقدروا تشوفوه الرصاصه ماكنت خطيرة زياده وجسمه استجاب للعلاج والعمليه.
خلود فرحت وحضنت امها.
كلهم بيتحمدوا الله واتصلوا بشروا الكل
مراد:....
.
مراد سار لعند عهود وسميره.
عهود صحيت تبكي:اشتي اشوف ابوي قولي لي كيف هو.
مراد دخل:ابشركن عمي صحي وشويه بيخرجوه للغرفه ونشوفه كلنا.
عهود:اللهم لك الحمد.
سميره:الحمدلله على السلامته.
بعد ساعه خرجوه للغرفه.
كلهم دخلوا يشوفوه.
كلهم تحمدو على سلامته وناصر مايتحاكا كثير عادة تاعب.
ابو مراد:تفجعنا عليك هكذا ياويلك من الله.
ناصر ابتسم بتعب.
خلود وعهود يحببين يداته وخديجه جالسه عند ارجله.
وخالد عند راسه بيحبب راسه.
ناصر فارح بخوفهم عليه وع اهتمامهم.
سميره:قد بياذن المغرب خلونا نسير نصلي وهو يفتهن وانتوا بعد الصلاه اشتروا اكل قدكم من الصبح جاوعين.
ابو إيلاف:ماعاد له نفس بس قدهو عشان الدوخه قد انا ادوخ.
ناصر بصوت تاعب:سيروا ارتاحوا واتعشوا وانا بخير ان شاء الله غدوه الصبح وارجعوا.
ابو مراد:لازم يبقى عندك احد.
خالد:خلاص سيروا وانا بجلس عنده.
علي:وانا بجلس معك والبقيه يروحوا ماعاد فيش حاجه تخوف.
اهل خديجه اتصلوا لخديجه بعد ما علموا عشان يطمنوا عليه كلهم تروحوا وعلي سار هو ومصطفى يتعشوا وبيرجعو عند ناصر.
في بيت علي.
خديجه وخلود سارين عند سميره يمسين عشان محدا معاهن رجال في البيت والدنيا ماعاد هي امان مع المشاكل والحرب.
شذا:الحمدلله انهو بخير قد كنا كلنا خايفين.
خلود:قد انا تاعبه اشتي ارقد.
سميرة:كلي لش يابنتي بتتعبي.
خلود:والله مابش نفس اسلموا.
خديجه:وانا والكل برقد.
عهود في سابع نومه هي ومراد بشقتهم.
خديجه رقدت بغرفة مصطفى.
ومصطفى رقد عند منير
وخلود وايلاف دخلين غرفه رشا وشذا.
راشد:قد رسل كثير رسايل.
رشا ردت:الله يسلمك الحمدلله قدهو احسن.
راشد:الحمدلله وانتي كيف حالش.
رشا:بخير والكل عندنا برقد عشان بنصحى في صبح.
راشد:خلاص ارتاحي وانتبهي لنفسش استودعتش الله.
رشا:بأمان الله ورقدت.
الساعه سبع الصبح فعلين خبز صبوح.
كلهم اصطبحوا والساعه ثمان مصطفى ومنير شلوا صبوح للمستشفى.
كلهم غابوا عن الجامعه.
بعد اسبوع يوم خروج ناصر فعلوا ذبيحه على سلامته وعزيمه.
خلود:نووور البيت بوجود احلا اب بدنيا.
ناصر:منور بااحلا بنت في الدنيا هيا كيف انتوا من بعدي.
عهود:يووو على شوعه ربي لايحرمنا منك.
بعد العزيمه والغداء جلسين النسوان عند خديجه والرجال ساروا يخزنوا ببيت ابو مراد عشان حقه الديوان كبير.
ناصر عاده يجارح العمليه كل يومين.
في الليل.
مراد رسل لعهود:اشتق لش من اول ليله بعيد عني.
عهود:الله يحفظك لي وانا نفس الشي بس مع الوحام برتاح هنا لاني اتغاثا من غرفتي.
مراد:خلاص المهم ترتاحي...
يتبع ...
*اشوف اذا وصل لهنا امانه تتفاعلي لانه بيساعد القناة بالإرتفاع قدرين كميه الجهد والتعب وحطين لايك ببلاش 🩵🩵💚🧡💛"*