الفصل 35
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 35 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
.
مراد:انا فدال اللي تفهمني والله يمه عهود متغيره وماعاد افهمها تخيلي تقلي انها تكرهني وماتطيقني والي قاهرني أكثر ترقد بغرفه وحدها ولا حتى معبرتني وزيد تقول اني يع وتبكي من غير سبب الصدق ضااابح وحالها مش عاجبني هذي الفتره مدري ايش غيرها عليا😔.
سميرة ضحكت:قدهو هذا الخبر الي من الصبح مضيق خاطرك.
مراد:عادش تضحكي يمه.
سميرة:هيا اسمع للخباله تيه هي لأنها واحمه تغيرت نفسيتها وتشمك يع وتبكي من اتفه شي وتعيف اكل هو كله من الوحام كله شهر شهرين ويخلص الوحام.
مراد :صدق من الوحام طيب وليش تكرهني قدهي.
سميرة:مشي تكرهك بس من الوحام تتضايق منك ومن شمك هذا حال كثير من النسوان لوما توحم تعيف كل شي بس انت اوقف بجنبها هي واحمه وتاعبه اصبر على الوحام حقها حرام انهي تتعب وعادك تزعل منها أوقع رجال وانتبه لمرتك وقدر موقفها لان قدهو من الله الوحام وتعياف.
مراد استغرب:اول مره اسمع انو الواحمه تكره زوجها وشمه الله يعين النسوان ذلحين هي اصطبحت والالا.
سميرة:ماشي نزلت لها رشا بس مارضيت وتقول شم كل شي يع سير اشتري لها شي تأكله لان اكل من خارج البيت تأكله.
مراد زعل على عهود ولأنه تسرع بزعله منها:خلاص الآن أسير. (كثير رجال لوما توحم زوجاتهم مايقدر وضعها يقول تغيرت ويزيد يتعبها بزعله وحنوقته هولا يشتي لهم رفس😡يخ من بعض الرجال مايرحموا)
عند علي وناصر ومراد في المصنع .
علي:هيا اسمع لك من المضرابه كل يوم على الأرض جنب المصنع .
ناصر:ياخي كل يوم هذا الخبر محدا حلها لهم يسيروا للمحكمه وكل واحد يطلع أوراقه ويشوفوا حق منهي وخلاص.
مراد:ماعاد بش قانون ولا شي كل واحد يشتي يخرج حقه بنفسه.
ناصر:هيا نخرج نشوف ونحاول نحلها معاهم بالتفاهم.
مراد:رح لك منهم كلهم مسلحين بعدين مابيسمعوا لك.
ناصر:نجرب مادراك وسمعوا ويكتب الله لنا اجر.
علي:هيا نسير نشوف الموضوع.
خرجوا.
الرجال1:كذاب هذي أرض جدي ومعي اوراق ملكيه نشلها بالرضا ولا بالغصب.
الرجال2:اوراقك بلها واشرب ماها كلها قديمه مزوره والله ماتشل منها ذراع.
ناصر:السلام عليكم يارجال.
كلهم وعليكم السلام.
ناصر:كل يوم وانتو في الصياح واللعن ليش ماكل واحد يخرج أوراقه وشوفوا لمن هي وملك من.
الشيخ:يابني كلهم معاهم اوراق دوخوا بي ولا عرفنا لهم حل.
علي:بس اكيد واحد فيهم اوراقه مزوره والا مابش ارض توقع ملك قبيلتين ذلحين سيروا ادوا محامي وشوفوا اوراق من المزوره وحلوها كل شي بالتفاهم بيوقع بس بالصياح ماشي.
الرجال 1:وانتو مادخلكم حاشرين نفسكم الارض حقي وغصب عن هذا الكلب.
الثاني رفع سلاحه:منهو الكلب ياكلب.
الرجال 1:وانتو مادخلكم حاشرين نفسكم الارض حقي وغصب عن هذا الكلب.
الثاني رفع سلاحه:منهو الكلب ياكلب.
علي وناصر ومراد وجماعه من الناس مسكوه وبيفارعوا واشتدت المضرابه.
الرجال1:والله لاادعسه وادعس قبيلته.
الرجال2:من تدعس من ورفع سلاحه وبدا يضرب رصاص وبعض الناس تهاربوا ورصاصه وقعت بالرجال الثاني واخو المصاب على طول رجع يضرب.
علي:هيا نروح لنا مجانين اشتد الضرب بينهم.
وهم خاطيين الثلاثه راجعين المصنع . .
نرجع لمراد.
مراد:عهودي حبيبي هيا قومي كلي اشتريت لش بيتزا ساع ماتحبي وعصير عرائسي وشبس مقلي وجعاله.
عهود:مشتيش حاجه أخرج .
مراد:هيا على شاني بعدين بخرج ياعيبتش بابو محمد تشتي تخرجيه وغمز لها.
عهود ابتسمت من وسط ضيقها:سامحني لوما اعصب عليك والله مدري ليش اتنرفز ورجعت تبكي.
مراد قرب منها:يووو ولا تبكي عادي امي قالت انهو من الوحام سهل شتحمل واصبر المهم حبيبي يأكل وحبها في راسها.
عهود ابتسمت بس ملثمه نخرتها شم عطره يجيب لها الغاثي.
مراد حبها وقام من جنبها:بطلع انتظرهم يرجعوا نتغدا وانتي تغدي وبعدين برجع لش.
عهود:الله يحفظك.
نرجع لهم بيضربوا رصاص من الجماعتين.
ناصر ادرب.
علي صاح:ناصرررررر.
مراد:قرب منه وقد ناصر كله دم وقعت الرصاصه بظهره ودخلت بتحت القلب:ناصر فتح عيونك رد عليا.
ناصر تكلم ببطء:امانتكم عيالي لو اموت واغما عليه.
علي بيصيح :ياكلاب قتلتوا اخي حسبي الله ونعم الوكيل فيكم يامتخلفين.
الرجال اللي قتلوا الرجال ومات هربوا والي ضرب بالغلط لناصر اخو المقتول رجع عندهم.
مراد مسكه من صدره:وربي لو يقع بااخي شي انه راسك.
الرجال:ان شاء الله مايوقع شي والله انو بالغلط.
مراد مسكه:تتقاتلوا بوسط الشارع يامهمشين ياانذال أرواح الناس عندكم رخيصه.
الرجال ساكت انسفج.
علي اخو إيلاف في المصنع بس كان مسوي سماعات بيتسمع سورة الكهف سمع الرصاص كأنهن من بعيد.
واحد من عمال المصنع:علي علي.
علي خرج السماعات:ايوه.
العامل:أخرج اسعف عمك قتلوه.
علي حس جسمه سفي:ايش تقول مالك عمي من عاد كلنا جمعه قبل شويه.
العامل:أخرج بسرعه وسار يجري جري وعلي لحق بعده.
علي وصل شاف عمه ودمه ملان القاع حس انه تجمد وصاح يااعمممم.
ابو مراد:علي بسرعه قرب السياره.
علي قرب السيارة وابو مراد ومراد ورجال ساعدوهم طلعوا علي السياره واتحركوا للمستشفى والي صوبه لحق هو وجماعته بعدهم بسياراتهم.
مراد ركب ورا وراس ناصر بين يداته ومراد ركب جنب علي.
نرجع للبيت عهود أكلت شويه حست روحها رجعت قد كانت مدوخه مااكلت من أمس لبست سوا وطلعت.
نرجع للبيت عهود أكلت شويه حست روحها رجعت قد كانت مدوخه مااكلت من أمس لبست سوا وطلعت.
رشا:ياهلا بالواحمه قولي ايش بنفسش .
عهود تلثمت:افف شم طبيخ.
شذا:هههههههه وقت غدا كان تشتي تشمي ورد.
سميرة:يابنتي على ايش تتوحمي ايش بنفسش.
مراد:ايوه دلعوها وانا لا.
سميرة ضحكت.
عهود:الان الحمدلله شابعه الله يحفظ لي مراد جاب لي من خارج بيتزا وعصير وجعاله.
شذا:الله يحفظكم لبعض.
رشا:يووو وانا واحمه هات لي بيتزا عشاء
مراد رجمها بالوساده:ياهبلا قولي لي واجيب لش وبجيب قلك واحمه.
رشا ضحكت.
عهود:عصر انزلين عندي ناكل الجعاله.
سميرة:خليكن من الجعاله الساعه كم.
شذا:الساعه 12الا ربع.
فوق السيارة.
علي قدو بيبكي :ناصر هيا اوقع قوي لاتغمضش.
ناصر ولا فتح ولا شي كأنه جثه يتنفس بصعوبه.
وصلوا المستشفى دخلوه لغرفه العمليات .
بعد دقايق خرج الدكتور.
الدكتور:نحتاج دم لأنه نزف كثير فصيلتهo+.
علي قام:شل مني نفس فصيلتي.
بعد ساعه.
سميرة:ماله تأخر ابوكم.
مصطفى:يمكن وهو مشغول اتصلي له.
سميرة اتصلت علي شاف الاتصال وهم يسحبوا الدم رجع سكر.
سميرة:ماله بيسكر.
مراد:يمكن عنده ناس شويه واتصلي سهل لو اخرنا الغدا.
رشا:بس انا جااوعه.
منير:حتى انا والله جاوع.
مصطفى:كلنا جاوعين من وقت اصطبحنا الساعه 7بس نص ساعه ماتضر او يمكن اقل.
الساعه 1ونص.
خديجه:وين ابوك تاخر زيادة قد انا قلقه.
خالد:مدري والله اتصلت له مغلق يمكن معه عمل هاتي لي غداء اتغدا.
خديجه قربت له غدا وهي جلست منتظره ناصر لوما تتتغدا معه.
في المستشفى.
مراد:ياعلي تروح عشان تطمن البيت وقلهم معنا شغل لوما اتصل اقلك تقلهم وقلهم.
علي:حاضر وافتح تلفونك عشان اتصل اطمن.
عند إيلاف.
إيلاف:يمه وين ابوي اتصلت وهو مغلق.
سماح:والله مالي علم حتى علي ماتروح يمكن معهم عمل خيرات.
إيلاف:بنزل اسال عمي
سميرة شافت اتصال من علي.
سميرة:ايوه وينك تاخرت.
علي بصوت تاعب:تغدو مابروحش.
سميرة تشتي تتحاكا وهو سكر.
سميرة زعلت:ماله صوته مدري كيف وزاد سكر لوجهي وقال نتغدا انه مشغول .
مراد:اكيد به شي.
مصطفى:هيا قربين الغداء اكيد معاهم عمل.
إيلاف دخلت:السلام عليكم.
كلهم 'وعليكم السلام.
إيلاف بارتباك من وجود عيال عمها:وينه عمي اسأله وين ابوي لانه ماتروح هو وعلي .
سميرة:حتى ابوش ماتروح مدري ايش معاهم.
ايلاف:يعني عمي ماروح.
قاطعهن صوت التلفون.
خديجه:ها كيف انتو وين علي اساليه وين ناصر بتصل مغلق.
سميرة :مابحد
#يتبع...
حط تفاعل جميل ...🩵