الفصل 33
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 33 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
سميرة وسماح وحدهن الشباب بالجامعه وازواجهن و 'مراد بالمصنع.
عند خديجه:الله يستر ايش هذه الأصوات قدهي اليوم كثير .
في الجامعه.
رشا:ايش فيهم ذلحين مظاهرات والشوارع زحمه.
عهود:الله يستر على بلادنا قدهم بيقولوا ارحل وتغيير نظام وخبر الله يستر لو نوقع مثل البلدان الذي فيها مظاهرات وحرب.
إيلاف:الله يستر.
سميرة اتصلت لعلي طمنهن ان مابش حاجه تخوف ماغير مظاهرات خفيفه.
سماح:ذلحين بداو مظاهرات بعدا تكبر وان احنا الشعب ضحيه.
سميرة:الله ينصر كل مظلوم وينتقم كل ظالم.
روحوا كلهم من الجامعه والشوارع مظاهرات.
بعد اسبوع خرجوا نتايج الثانويه منير طلع مجموعه حلو وابوه جاب له هديه سياره ساع ماوعده.
ومرت الايام والشهور والأوضاع تزيد اسوا عن الي قبلها.
بدا الغياب عن المدارس والجامعات بسبب اغلاقهن والشوارع توقع ملان اشتباكات.
في الليل.
سميرة:اوبهوا ياعيالي تتدخلوا بشي انا فدالكم لو اليمن تحتاج من يحميها شا قدمكم الثلاثه فدا لها بس واحنا اليمنيين بيننا البين لا والف لا خليكم بعد حالكم كلنا يمنيين لو اعرف ضاربتوا أحد ياويلكم وماعاد برضا عليكم.
علي:عيالي عاقلين مش هم حق تدخل بالسياسه نعيش بعد حالنا لا صوتنا قادر يظهر الظالم ولا يعدمه كل شي بيد الله احن علينا من امنا وابونا والله يحفظ اليمن ورجالها ويسد بين طوائفها ويالف بين قلوبنا كلنا.
مراد:شفت الاخبار اليوم به جرحى وقتلى لاحول ولا قوة الا بالله يمني يقتل يمني.
رشا بزعل:ياقهر قلبي لمن نزعل ولمن نفرح والقاتل يمني والمقتول يمني الله يسد بينهم.
بعد يومين.
خلود:يخخ قالوا فارس بيسير يظاهر بالله كيف شكله بسروال طيحني ساير يظاهر يخلي هذا المظاهرات للرجال مش له.
عهود ضحكت:يووو كم انتي حاقدة له شلوش.
خلود:شوقي ويفعلوا له ملان ظهره.
في الليل كلهم بالجروب بيتحاكوا بالأوضاع ويدعوا لليمن واهلها.
علي دخل خاص.
علي:كيف الحال.
خلود:من الله بخيره.
علي:كيف الخطبه ان شاء الله مبسوطه.
خلود:والله انهي جن بس الله يخارجني منه وافتك.
علي فرح:يعني ماتشتيه.
خلود:ايوه خصوصا انه حق بنات وكلام فاضي.
علي:متأكده.
خلود:ايوه اكيد.
علي:خلاص افسخي.
خلود:ياريت بس من يقنع امي لو به سبب يقنعها ممكن توقف معي بس مشتيش ازعلها قد وافقت على شانها والا حتى دبله ومحبس ماالبسهم ابدا.
علي:عندي فكرة وبوقف معش وان شاء الله تتخارجي منه وتفسخي وامش توقف معش وتندم انها غصبتش.
خلود فررحت:ايش هي . توقعاتكم ايش فكرة علي .
ملاحظه
( اي واحد يسب طائفه او حزب او يغلط عليهم بلوك كلنا وطن)
مابدخلش بالسياسه بس اكتب جزء من واقعنا الذي عشناه وبنعيشه
خلود فرحت:ايش هي الخطه.
علي:اسمعي اكيد به معه حساب في الفيس ضروري تعرفي الحساب وترسلي لي اسمه.
خلود سرحت شويه:طيب بس ليش.
علي:براسله بحساب مستعار باسم اني بنت واشوف لوين بنوصل وبعدين اطلب رقمه ونتواصل واتس استغله ودامه حق بنات اكيد انهو بيتحاكا بعدين سهل نتصرف.
خلود:والله انهي فكرة حاليه بعدين صور لي الرسايل بينكم وامكنهن ابوي عساس انو واحدة رسلتهن تنصحني منه.
علي:ايوووه كذا تمام.
خلود:طيب نبدا اليوم اشتي بسرعه.
علي ضحك:ههههههه مستعجله قدهو الان ليل بعدين ماقد بش معي حسابه لاغدوه نبدا.
خلود:اوه صح خلاص اتفقنا.
اليوم الثاني العصر.
في الواتس.
خلود:ياساره اشتي اطلب منش طلب بس امانه لااحد يدري خليه بيننا.
ساره:من عيوني اطلبي.
خلود:اشتي تشوفي لي حساب فارس اشتي بس اشوفه من بعيد بس لاحدا يدري خزا🙈🙈..
ساره مسكينه فارحه به ودفت:والله مابش معي فيس لأنه ماسمح لي افتح بس بسال بنت عمي تسال اخوها ماعليش بدبره.
ساره:الله يحفظش تسلمي بس بسرعه اشتي اليوم.
ساره:حاضر ان شاء الله.
في الليل علي فعل حساب باسم بنت وخلود منتظره ساره ترسل الحساب لانه اكيد مابيسميه باسمه الحقيقي وهو بعد البنات في الحساب بيفتجع من اهله.
ساره رسلت:خلودي هذا هو الحساب.....
خلود فرحت:تسلممممي.
خلود:علييييي تعال قوا😍.
علي:😂😂مجنونه هاتي اسم الحساب.
خلود رسلته:هيا الان ارسل خاص قوا اشتي بسرعه.
علي:مش كل شي بسرعه يشتي لنا صبر.
خلود:حاضر.
علي رسل له:هاااي.
فارس كان متصل:ياهلا ياهلا.
علي:اوه اسفه بالغلط كنت اشتي ارسل لصديقتي.
فارس:لالا عادي اعتبريني صاحبتش ياحاليه.
علي:تسلم🙈.
فارس :ايش اسمش اذا مجال نتعرف.
علي:انا سحر وانت.
فارس:يالبئ الاسم الحالي وانا فارس.
علي:تسلم يالغالي.
فارس:فديتك والله كم عمرش.
علي:20 وانت.
فارس:25 واو عمرك المطلوب.
علي فارح انه مسك شي على فارس.
علي يشتي يثقل:امي بتداعيني باي.
فارس:اوك متواصلين ياقمر.
علي:اوكي بايو.
علي رسل الخلود:بدايه الخطه ناجحه ميه من ميه.
خلود:يوو جبرك ياعلي.
علي فرح:عشانش بنت عمي اسوي كل شي الكلب مايستاهلش الله يلعنه.
خلود:طز فيه ماعليك منه سامج.
بعد ثلاثه أيام تواصل علي وفارس.
فارس:هيا هاتي لي رقمش واتس مافيها يعني.
علي:اوك بس بسالك اول انت مرتبط يعني خاطب او متزوج عشان لو مرتبط مشتيش نتواصل.
فارس:لا ابدا مش مرتبط لا متزوج ولا خاطب اذا عجبتيني بخطبش انتي ياقلبي قد انا اشوفش مختلفه عن الكل وبدات احبش قوووي.
علي يخخخ يلعن وجهك الزفت :صدق ايش فيني مختلف.
فارس:مختلفه يامختلف.
علي اكتبد:عفوا غلطه كتابيه😃.
فارس:يله خلينا واتس.
علي:اول اشتي اشوفك رسل صورتك لي.
فارس:وانتي بترسلي صورتش والالا.
علي:اكيد بس بعد ما أوثق فيك أكثر.
فارس يمثل زاعل:يعني مش واثقه💔💔الله يسامحش مشكوره ماقصرتي.
علي:لالا ما اقصد بس لازم اوثق أكثر عشان ارسل صور بس سجل رقمي اول 77...... فارس سجله ورسل واتس:هلا بقلبي.
علي طفش منه:امي بتداعيني انت رسل الصورة لوما ارجع وغلق..
..( يووو ياربي كان بنودف بخلود على واحد كلب وخاين وصايع ياربي اجعلها من نصيبي واحافظ عليها ).
في الليل تواصلوا خلود وعلي على موضوع فارس وخلود زادت كرهته أكثر.
صباح اليوم الثاني بالجامعه.
عهود مساكه راسها:راسي بيوحعني قد له ثلاثه ايام افف ايش من صداع وكل ساع فيني خمول ونوم ياريت وهي اجازه.
رشا:سلامتش ليش ماقلتي لمراد سيروا المستشفى.
عهود:قلت شويه والوجع يروح بس الصدق ماعاد ارتاح بجلسه كله الم ومتضايقه قوي.
خلود:خلاص سيري شوفي اليوم ايش فيش.
عهود:ان شاء الله.
خلود:عندي لكن خبر بمليون.
إيلاف:ايش هو.
خلود على فارس وعلي.
كلهن بصوت واحد:علي😰.
خلود حكت لهن الخطه وروتهن الرسايل.
عهود:اوووه ماتوقعت لهذي الدرجه مع ان خالي ما شاء الله يربي عياله احسن تربيه وله هيبه وصاحب مسجد واخلاق الكل يمدحه ويعرفه وخالتي عسل وكمان نفس خالي وكل عيال خالي ما شاء الله وتربيه والأخلاق ليش هذا جا نزغه.
رشا:مشهو على التربيه بعضهم حتى امهم وابوهم يتعبوا منهم لانهم عاصيين وكم من ولد او بنت نزلوا راس عوايل محترمه مشهو على الاهل ولاالتربيه صاحب السوء يسحب وياثر على صاحبه .
شذا:صح والله والاهل قد بيفعلوا واجبهم بس العاصي عاصي لوما الله يهديه او يموت على ذنوبه ومعاصيه.
خلود:طز فيه لجهنم يوقع حطب ان شاء الله.
كلهن ضحكين بس عهود حاسه بتعب.
إيلاف:خلينا من هذا الخبر شفتين امس المظاهرات وقعت فوضى ومضرابه.
رشا:ااااحح منهم اح ذلحين هم هم الي بيتضرروا واحنا من هذي الفوضى مش لا رئيس ولا وزير بس الله ينصر الحق.
بعد العصر في المستشفى،،
يتبع ...
*اشتي الفين تفاعل باللون الاخظر [💚]*