الفصل 32
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 32 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
خلود:بس انا موافقه ماله داعي تتصايحوا ودخلت غرفتها.
خديجه فرحت وبتحجر:لللوووولي بسير ابشر اخي وزوجته.
خالد ضابح :دخل غرفته وغلق.
ناصر:مالها هربت كذيه.
خديجه:هو من الخزا.
خلود في غرفتها تبكي.
اليوم الثاني الصباح.
ناصر:وين خلود تصطبح.
خديجه:مارضيت شكلها عادها خازيه وقالت إنها مابتسير الجامعه اليوم.
خالد:مش عوايدها الغياب مالها.
خديجه:حبتكم الفخسسه تيه المهم بقلكم اخي قال غدوه بيجوا الرجال لاعندك ويوم الجمعه شفعل لبنتي حفله أكبر من حق بنت سميره.
ناصر:حبتش المقارنه تيه الله يهديش قد انتي أخبر.
بعد ساعتين في الجامعه.
رشا:غريبه اليوم خلود ماجت.
عهود:يعلم الله ايش قد حصل بعد العصر بسير اشوفها.
عند خديجه دخلت لخلود وهي تمشط شعرها عند المرايه مطننه.
خديجه:خلود.
خلود ساكته.
خديجه:خلووود مالش ساكته كذيه.
خلود:هاه ايش قلتي.
خديجه:الرجال بيجوا يوم الخميس والجمعه افعل لش أكبر حفله.
خلود بضبح:ومن قلش شفعل حفله مشتيش ولا شي خلولي حالي من التبداع ذيه.
خديجه:اشتي أفرح فيش قوا ياخلود انا امش اشتي مصلحتش ولد خالش ابن اخي ومرتاحين وخالش وخالتش طيبين مابتلقي مثلهم.
خلود شوي وتبكي:ذلحين بتزوج عليهم والا على ابنهم يمه فارس مش تمام.
خديجه:ماذلحين قدهو رجال وعاقل مش ساع اول وانا اخبر وادرا بمصلحتش.
خلود ضبحت:خلاص انتي أخبر افعلي الي تشتيه.
خديجه فرحت:الله يحفظش يابنتي ساع ماتفرحي قلبي.
خلود ابتسمت كذب ورجعت تفكر باقي يوم للخطبه يارب أعني واجعله خير مسحت دموعها ورجعت تخلص تمشط.
بعد العصر.
عهود:مراد اشتي اسير عند امي حاسه ان خلود تاعبه.
مراد:مالقيتي تسيري الا اليوم حن فكرت اجلس معش والا اخرجش.
عهود:صدق بتجلس.
مراد:خلاص مره ثانيه سيري عند اختش.
عهود:لالا والله مااسير بجلس وغدوه اسير.
بالليل علي بيشوف ظهور خلود مافتحت من اول امس.
علي رسل:مسا الخير... خلود... وين انتي مغيبه علينا....... اذا فتحتي ردي عليا منتظر..
خلود في غرفتها تحاول تناسي نفسها باي شي غير التلفون لانها ماتشتي تفتح و'يذكروها بالخطبه خوات فأرس او اي احد.
خلود اففف ملل شلت التلفون تشتي تبحث عن تصاميم وشافت رسايل علي من فوق ماقدرت تطنشهن وفرحت انه رسل.
خلود:يسعد مساك.... استلم الرساله بسرعه لانه بحسابها خلود ابتسمت من بين ضيقها.
علي:كيف انتي.
خلود:بخير وانت.
علي:تمام بس ليش غبتي الجامعه من غيرش مش منوره.
خلود:قدهي منوره بوجودك😊.
علي يشتي يسالها من موضوع الخطبه بس متردد...
علي يشتي يسالها من موضوع الخطبه بس متردد... خلود شافت رسايل بنت خالها.
خلود:علي شويه وارجع لحظه.
علي:حاضر.
منال:هااااي... الف الف مبروك مقدما.... والله ياخلود قد انتي بتوقعي زوجه فارس😂.كنتي تكرهيه 'ذلحين قدهو حقش..
خلود في نفسها ومازلت اكرهه:الله يبارك فيش عقبالش.
منال:ياااارب بالذي في نفسي.
كلهن بنات خالتها اخت امها واخوالها الاثنين يباركين لها.
خلود تضايقت.
علي منتظر ترجع ترسل
خلود:بسير ارقد تصبح على خير.
علي استغرب:ترقدي ذلحين عادها9.
خلود قدهي تبكي:مضطرة اسكر مع السلامه.
علي تضايق:الله معش.
ابو علي بيتحاكا:الف مبروك الله يتمم على خير.... اكيد اول الحاضرين... الله معك.
سماح:لمن تبارك.
مراد:بنت اخي ناصر غدوه خطبتها الرجال بيجتمعوا عنده وقالي اسير.
علي وايلاف فلتوا التلفونات من يدهم.
سماح:الله يوفقها عاد كانت بنفسي لعلي بس مابش نصيب الله يسعدها.
إيلاف:اباه انت متأكد.
علي انقهر :قدهو غدوه اكيد يعني وافقت.
مراد:وليش مستغربين وقلبتوا صوره.
إيلاف:هاه ماشي بس ماقالت لنا.
علي دخل غرفته وايلاف لحقته.
إيلاف:الحمدلله عادك ببدايه الحب والا ايش كان بتفعل.
علي :مش ضروري يكون اوله او نهايته بس قد كانت بنفسي البنت بس دامها وافقت معناها مش انا في بالها اصلا الله يسعدها.
إيلاف:ايش من وافقت اكيد انهي مغصوبه.
علي عصب:ايش من مغصوبه لو امها غصبتها مستحيل عمي يجبرها على الزواجه قد هي رضيت بنفسها.
إيلاف:تشتي ترضي عمتي الله يسامحها.
علي:عادش تقلي الله يسامحها قولي الله لاسامحها.
بشقه علي.
كلهم مستغربين الخبر مفاجئ.
رشا تحاكي نفسها :معقوله خلود ضعيفه كذا تنجبر على شي ماتشتيه.
سميره:يووو ولا احنا داريين كأن محنا اهل.
علي:قال انهو قع كل شي بسرعه وبعدا قد انتي تعرفي مرته ان شاء الله والولد تمام.
عهود متضايقه وساكته ماتوقعت توافق خلود.
مراد:والله كلنا مانعرفه الا من بعيد بس شكله مدري كيف.
مصطفى:قد ابوها واخوها اخبر.
اليوم الثاني سارين سميره وسماح والكل.
دخلين البنات الغرفه عند خلود وسماح وسميره دخلين المجلس عند خديجه وخواتها ونسوان اخوتها وبنات خواتها واخوتها.
خلود لا تبكي ولا هي فارحه بس ساكته ومالها نفس.
عهود:خلووود ليش وقع بسرعه كل شي.
خلود بضبح:قد انتي عارفه باامش مستعجله عشان لا أحد يخرب عليها الجو.
رشا تشتي تهدئ خلود :خلاص اهدأي ليش معصبه كذيه يمكن وهو خير لش ويسعدش قدهي خطبه سنتين تتعرفي فيهن به يمكن تحبيه.
خلود:مستحييييل احبه قلبي مش له.
إيلاف تشتي تتأكد هي تحب علي:كان قلبش لمن.
خلود سكتت شويه:للجن واهلهم اففف اسكتين.
شذا:خلاص ارضي بنصيبش ولا تعصبي وتوجعي نفسش يمكن هو خير.
خلود:ومنين بيجي الخير من وجهه يعني.
قاطعهن دخول منال بنت خالها.
منال:هيا ادخلين المجلس عمتي خدوجه تقول اقلكن بسرعه.
كلهن عاقدات حواجبهن من طريقه كلامها.
عهود:حاضر.
لبست خلود عادي لان مابش أحد غير الاهل ورفضت تتسبر سوا.
بعد خطبه الرجال بيباركين لها وهي مالها نفس .
وقت المغرب.
رشا:ايش رايش ياخلود تجي بيتنا اليوم تغيري جو شكلش متضايقه قوي.
خديجه:لا غدوه الحفله كيف تجي.
خلود:عادي غدوه الصبح بنجي كلنا مع عهود.
خديجه:خلاص انتي اخبر.
في الليل يجابرين خلود عشان تنسى الزعل ويقنعينها بنصيبها.
اليوم الثاني الصبح كلهن سارين بيت ناصر حتى سميره وسماح والكل عزمهم ناصر.
النسوان الكبار يسبرين الغداء وقت الظهر الشباب سارين الصالون وخلود ماتشتي تسير بس سارت غصبا.
خلصين وروحين.
لبسين كلهن هادئ وخلود مارضت تفعل مكياج ابدا بس زي البنات فعلت.
بعد العصر زفينها وهي ضابحه.
لبستها خالتها دبله ومحبس وسلس.
ساره اخت فارس وهي زاعله:الف مبروك.
خلود من غير نفس:الله يبارك.
بعد الخطبه روحين النسوان.
وخلود ضلت تبكي وتتذكر كيف رشا كانت فارحه بخطبتها وهدايا راشد تمنت انها عاشت هذي اللحظة.
عهود رقدت عندها وتحاول تغير مزاجها للافضل.
اليوم الثاني ماسارت الجامعه وعلي ضل زعلان.
بالليل.
ناصر:يشتي يتواصل معش مارايش.
خلود بعصبيه:والله مااتواصل معه .
ناصر:طيب براحتش بس ليش نفسيتش هكذا وكله زعلانه ومبرطمه.
خالد:لو ماتشتي هذي الخطبه بس افعلي لي إشارة واحده وافركشها مش انتي مجبوره على شي.
خديجه صيحت فوقه:مشو على كيفك البنت قالت موافقه بنفسها محدا تحاكا بدلها وبطل محارشه.
ناصر بحرفه وجه:ناهي اصه صوتش لا ترفعيه بوجودي ولو اعلم ان خلود مغصوبه بسببش والله مايحصل خير ها خلود قولي لي مغصوبه تحاكي.
خلود افتجعت من المشاكل مع امها وابوها:لالا ماشي مش مغصوبه ماغير مارقدتش سوا بس.
ناصر:قد انتي أخبر انا سويت واجبي وقام لغرفته.
خالد متأكد انها مغصوبه بس عشان يتجنب المشاكل ساكت ولان خلود ماقلت له ولا شكت له حب مايتدخل.
صباح اليوم الثاني غير كل الصباحات وغير عن الايام الشوارع ضجيج والمظاهرات والاشتباكات.
سميره بخوف تتشاقر من الطاقه:يووو ماوقع ماحصل ع ايش بيظاهروا.
سماح نزلت لاعندها وهي خايفه نفس الشي ولانهن وحدهن بالبيت
يتبعع...
*تفاعل لنستمر [🧡]*