الفصل 31
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 31 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
شذا:هيا للخباله قلك تزوجني مابش شي بالغصب.
خلود:كيف اسوي كيف مشتي اقهر امي هي مقهوره على خالد وعهود حرام كلنا نعاندها تشتي تفرح فينا زي ماتشتي هي وانا كيف اسخا فيها كيف ربت وتعبت وبالاخير كلنا مانعبر رايها ولا كلمتها حتى لو هي غلط هي تشوف نفسها صح مشتي اقهرها هذي ام ام كيف اسوووي كييييييف.
إيلاف:خلود صلي على النبي كل شي وله حل حاولي تقنعيها انتي بس اهدأي الان.
عهود:انا اليوم بسير عندها واقنعها ماعليش لاتبكي.
وجلسين يهدينها.
لما بدات المحاضره دخلين بعد ما راشينها تدخل المحاضره لانها ماكنت راضيه تدخل.. وقت المحاضرة علي مش مركز خالص بيفكر.
علي:كانت تبكي شكلها زاعله كثير كيف هي الان مالها عمتي خديجه تغصب مش معقوله وخلود بتوافق بعد امها يعني لالا معتقد.
الدكتور بعصبيه:يييي من بين احاكي ساعه.
علي ركز:هاه ايوه ماهو يادكتور.
الدكتور:قوم اشرح الكلام الي انا قلته يله..
علي انحرج:مقدرش تعبان.
الدكتور:تعبان اجلس بيتكم لا تجيش تطنن عندي اخرج من محاضرتي لوما تركز وارجع.
علي بعصبيه:عاده احسن لفلف ادواته وخرج.
مصطفى:مستغرب من علي مش من عوايده.
بعد العصر بيت ناصر.
عهود تقنع خديجه:يمه انا فدالش خلود ماتشتي تتزوج لابعد الجامعه يصير خير.
خديجه:مش على كيفها بعدين انتي لا تتدخلي ياعاصيه قد بتعلمي اختش توقع مثلش.
عهود انجرحت من امها ودمعت:انا عاصيه يمه الله يسامحش.
خلود دمعت:ممكن تسكتين خلاص طفشت من هذا الموضوع كل شي غصب في حياتنا حنقت ودخلت غرفتها وعهود لحقت بعدها تهديها..
عهود:مدري مااقلش الصدق قد امي تضبح الواحد.
خلود:خلاص هي أخبر بشوف لوين بنوصل.
في الليل.
إيلاف ملاحظه على علي انه ضبحان.
إيلاف:ايش فيك اليوم مش رايق.
علي:ضبحان.
إيلاف:من ايش بعدين انا شفت حالتك واستغربت قد بتحب يعني.
علي تنهد:والله مش عارف.
إيلاف:وين يصرفوها تيه مش عارف كيف يعني مش عارف.
علي:مدري مدري اكرمينا بسكوتش احسن.
إيلاف:مدري القاها منك او من خلود تضبحوا الواحد.
علي فز:مالها خلود.
إيلاف حكت له.
علي:هذا الي مضايقني عرفتي الآن.
إيلاف طننت:يعني تحب خلود من متى وكيف.
علي:مش عااارف يمكن مش حب والله مدري.
إيلاف:قدهو الحب ياروح اختك والا ليش متضايق كذيه.
علي:خلاص قولي لها ترفض بخطبها انا.
إيلاف:مش وقت مناسب لو هي حق رفض بترفض بس خايفه اقلها وتتعلق فيك وامها تغصبها بعدين البنت تتوجع أكثر...
علي:خلاص ان شاء الله خير بس انتبهي تقولي لها.
إيلاف:اكيد مابقلها شي.
بيت ناصر وهم سامرين.
ناصر:ادعي لي اختك.
ناصر:ادعي لي اختك.
خالد قام دعا خلود.
خلود عرفت انه بيقلها عن فارس ضبحت خرجت وشكلها تاعبه وعيونها وارمات بكاء.
.. ناصر:مالهن عيونش حمر هكذا.
خلود:كنت راقده وابتسمت كذب.
ناصر:هيا تعالي جنبي خلود جلست وقلبها يدق بوجع.
ناصر:خالش كلمني اليوم يشتيش لاابنه فارس بس قلت اسال عنه واسالش اول.
خديجه:تسأل عنه ليش قدهو ولد اخوي مابش مثله ماله داعي ابدا احنا اهل قدهو عيب تسأل عنه.
ناصر فكر شويه:قدهو صدق بس رأي البنت مهم.
خديجه:مابتلقى مثله تحمد ربها.
خالد:خليها تتحاكا عن نفسها.
ناصر:خلاص يابنتي فكري ثلاثه ايام وردي لي خبر.
خلود ساكته.
خديجه:ليش ثلاثه ايام غر تفكر لاغدوه.
خلود ضبحت وقامت.
خديجه:قد البنت موافقه بس انحرجت طبع البنات كذيه.
خلود دخلت تبكي وتتذكر مواقفها مع فارس وقت تسير بيتهم عينه طويله وسامج وراخي ولبسه ضيق والمهم شكله صايع بكت أكثر..
كلهم في الجروب يتحاكوا وشذا تشارك قليل علي منتظر خلود تدخل بس مادخلت اخر ظهورها امس.
رشا:أمري لله برسله قدهو كبريا رجل يخ اشتقت له ابن اللذين رسلت:مساء الخير. (الحب يقع قتيل بين إمرإة عنيده ورجل ذو كبرياء)
راشد فرح انها رسلت بس مابين جلس شويه عشان يضبحها ورد: هلا.
رشا ضبحت:اهلين كيف حالك.
راشد:من الله بخييير المهم انتي مفتهنه.
رشا حبت تراضيه:مش انا مفتهنه وانت زعلان مني.
راشد فرح بس مسوي ثقيل:قدهو باين ولا حتى رسلتي امس.
رشا:كنت منتظره ترسل بس خيبت ظني خلاص انا اسفه .
راشد:خلاص وانا اسف بس اغار غصب عني والله.
رشا:والله انهم مثل اخوتي تطمن كل واحد منهم قلبه مش فاضي لي.
راشد:ههههههه يعني كلهم عشاق فكرت بس انا.
رشا:لالا قدهو الكل😂.
راشد:وليش ماتوقعي مثلهم.
رشا خزيت:كيف يعني.
راشد:قلبش يوقع مش فاضي اشتي ازاحم فيه.
رشا:اممم كل شي بوقته حلو.
راشد:والله منتظرها منك بفارغ صبري بس أمري لله تدلعي زي ماتشتي.
رشا قدهي تحبه بس تشتي تثقل وتضبحه😂
رشا:رسلت له فيس😊
راشد:
عيوني بحر وانتي قارب فيبو
مهما راح قاربك بعيد باجيبو
قلبي حبك حرام عليك تشاوطيبو
ليش تتصانجي حتى صوتي شحبتيبو
هبيلي من الأخير تشتي حبي ولا اكرعيبو.
رشا قرحت ضحك:ههههههه ههههههه والله حالي لا تكرعيبو امانه😂😂.
راشد بيضحك:تمااام من عيوني يارشا😠.
رشا:😝.. رشا تشتي تضبحه😂:امممم راشد اقلك شي☺.
راشد قولي ياام الجن.
رشا:انا☺.
راشد فرررح فكر بتقله انا احبك.
رشا:انا 🙈.
راشد:يووو كملي انتي ايش😍.
رشا:انا نووووم☺☺.
راشد ضبح:
رشا:انا 🙈.
راشد:يووو كملي انتي ايش😍.
رشا:انا نووووم☺☺.
راشد ضبح:اوووك تصبحي على خير.
رشا حسته زعل صدق:مالك زعلت.
راشد:وليش ازعل بسير ارقد نوم باي.
رشا بعد تفكير:طيب اسمعني بعدين روح.
راشد ضبحان:مش فاضي.
رشا:طيب احبك.
راشد فرررح رجعين عيونه قلوب😍:يووو صدق احلفي 😍.
رشا خزيت:يله سير ارقد يانوم☺.
راشد:هيا قوليها والا تديني على قد عقلي صح.
رشا:ماشي والله انو صدق 🙈.
راشد يمثل زعلان:ايش الي صدق.
رشا:مدررري.
راشد:هيا قوليها.
رشا:احبك لك جني 😅.
راشد:ههههههه محلاش وانتي خازيه بس من متى تحبيني امانه مش مصدق.
رشا:من النظره الشرعيه ☺
راشد:😡وليش ماقلتي لي.
رشا:ماااااعه😝.
راشد:الله يعينني على عنادش😘.
اليوم الثاني في الجامعه.
رشا:وع اتخيل فارس خطيبش هو بس اسم مش لايق عليك لأنه حمار مش فارس.
إيلاف:من وين تعرفيه.
رشا:كان يجي لباب المدرسه يغازل من هب ودب وسروال طيحني وسااامج مابش شحطه رجال.
خلود متضايقه فلتتهن ومشت.
عهود:يخخخ يارشا ولا تفهمي قد اغامز لش من اول تغيري الموضوع.
رشا تتمسخر:وانا ايش عرفني فكرتش رجعتي تغازلي قلت قد انتي قليله ادب خخخخ ماشفتش.
عهود:قلعش معش لسان ساع طولش.
في الليل.
ناصر:ايش قلتي يابنتي.
خلود سكتت.
خديجه:السكوت علامه الرضا. (( السكوت على ماليس بيدك وجع السكوت كتمان السكوت الم السكوت ياس السكوت حزن السكوت البكاء بصمت موت القلب ببطئ واستسلام للواقع المر💔))بقلميn_0.
ناصر:خليني اسمع رأيها ها بنتي ماقلتي .
خالد:الصدق مش مرتاح لفارس ذيه قدهو ابن خالي لكن مش عارف فينهو ولا اشوفه وشكله مايعجبني.
خديجه بقلبه وجه:مش ضروري يعجبك ياابن اهلك اسكت.
خالد ضبح وسكت.
خلود:خلاص بس انا قررت وخلصت.
ناصر: ايش قررتي.
عند علي.
إيلاف:ماعتقدش توافق قد عمي بيسالها اليوم.
علي:متأكده مابتوافق.
إيلاف:الله اعلم خلود ساكته مثل الثلج بس شكلها حزينه من عيونها ماعاد فهمتها...
علي:الله يعين قلبها.
نسير لبيت ابو فارس.
ام فارس:خطبنا لك اما ذلحين اشتي تعقل.
ابو فارس:والله ان ماعقلت لااكسر راسك قع رجال.
اخت فارس بضبح:والله مايستاهل البنت.
فارس رجمها:الله يلعنش استاهل وغصب عنش.
اخته:الله يعينها ع اسلوبك الزفت يارب وهي ترفض.
فارس:انا حذرتش والله لااكسر لقفش
( هددها لو تقول لخلود ترفض لانه صايع)
اخته:الغلط مش منك هو من امك وابوك الي بيظلموا البنت عشان تعقل عساس وهي لعبه حسبي بس
نرجع لخلود.
ناصر:موافقه والالا.
خلود:بس انا.
يتبع...
*هت تفاعل باللون الاصفر 💛*