الفصل 30
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 30 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
وصلت خلود سلمت عليهن وهي ضااابحه.
عهود:ليش شكلش مرفوسه وزاعله.
خلود:اول ابعد الدبور من فوقي وافتهن
( تقصد البالطو بالدبور😂). بعدت الشال من راسها ورفعت شعرها بعشوائيه تشتي تبعد البالطوه قاطعتها رشا
رشا غمزت لاايلاف:ياخلود انا فدالش هاتي لنا العصير من المطبخ.
خلود:اففف وقتش ذلحين وقامت تسير المطبخ. (مطبخهم شويه معتم مابش اضاءة لانه مقفي ويشغلوا الجلبات اذا دخلوه( جلبات حق الإضاءة اذا مافهمتوا).
خلود شغلت الاضاءة ودخلت ورشا لحقت بعدها من غير ما تحس وغلقت الباب وطفت الاضاءة. ( طبعآ رشا عارفه ان خلود تخاف قوووي من العتمه والاماكن المغلقه وتكره البسس ورشا قد دخلت لها دمه😱)
خلود شقهت:يوووو ماوقع بتفتح مغلق..
رشا وايلاف يتكركرين دخلين المجلس وغلقين وشغلين اغاني بيرقصين.
عهود:هيا للخباله افتحين لها.
رشا:والله لايوقع يوم جن ان احد تفتح.
عهود:بنزل شويه وارجع واوبهين تتاخرين تفتحين.
إيلاف:بس دقايق نضبحها ونفتح.
خلود سمعت صوت الدمه وصاحت :يمااااه افتحين ياكلبات رشاااااااا.... يماااه قدهي بتبكي.. وهن في المجلس ولا سمعينها.
خلود بتصيح:ايلااااف ياكلبه ياوسخه افتحي.
علي راقد بغرفته لانه راسه بيوجعه فتح عيونه يتهيا لي اسمع صياح وغمض عيونه.
خلود تبكي وشافت الدمه مع الاضاءة القليله :الله يلعنكن ياوسخات ياجزمات رشااااا.
علي فتح عيونه وقام جلس:والله انهو صوت صدق خرج وسمع الصوت من المطبخ.
علي افتجع:ياستار من بيصيح ويبكي قرب جنب الباب فتحه بالمفتاح وتفاجا بخلود قدهي محمره من البكا وشكلها يرحم وشعرها مفتوش.
خلود شافت الباب انفتح وقامت بسرعه وهي تلعن.
علي قفا لها ظهره.
علي:خير خير ليش مغلق عليش داخل وليش تبكي.
خلود وهي تبكي:الله يلعنهن الجزمات غلقين عليا وطفين الاضاءة ودخلين عندي دمه وانا اخاف.
علي عصب:ياايلاف... ايلااااف.
ايلاف افتجعت:يو صوت علي هانا وخرجت وشذا ورشا تغطين وخرجين.
خلود تبكي دخلت المجلس بخرجتهن لبست عشان تروح.
ايلاف بخوف:ايش فيه.
علي بعصبيه:من الي غلقت عليها ياقليلات العقل.
إيلاف افتجعت:هاه.
علي:تحاكي تحاكي من الي غلقت.
شذا بخوف من صياحه:انا مالي دخل والله انهن إيلاف ورشا خططين يرجعين لها المقلب.
علي:الله يلعنكن ياقليلات الادب مابش معاكن عقل بتوقفين قلب البنت.
خلود خرجت وهي تبكي:الله لاسامحكن وخرجت من الشقه ورزعت الباب.
رشا تصنمت وتفاجات من عصبيه علي وخوف خلود.
ايلاف:بس ماكان قصدنا الا نمزح.
علي:تمزحي ايش يابقر انتي وياها ياحيوانات.
رشا زعلت دخلت تلبس وشذا بعدها.
شذا لحقت بعد رشا ومعصبه:ارتحتي هزأنا تهزيئه مرتبه.
رشا ضابحه:ممكن تسكتي.
ايلاف دخلت عندهن:امانه قوا اجلسين سهل هو معصب مش قصده.
رشا:مابيستحيش يقلنا هكذا قدهي طرده محترمه خرجت وشذا لحقتها.
إيلاف:اففف منك ياعلي خزيت بنا ماله جنن.
عهود وهي طالعه شافتهن نازلات ومعصبات.
عهود:خير مالكن.
شذا:اطلعي عند إيلاف تقلش.
عهود طلعت:مدري ماقد حصل.
إيلاف حكت لعهود.
عهود:لاذمتي تستاهلين ازيد.
إيلاف:لاعاد تضبحيني اصه.
عهود:انزلي معي أحسن.
إيلاف:مقدر انزلي وانا بجلس هنا واذا سالتش امي ليش مانزلت قولي لها بتذاكر.
عهود:تمام ونزلت 'لقيت سماح وسميره يتجابرين
خلود وصلت البيت جلست تبكي متضايقه من موضوع فارس زاد وفين لها.
بالليل دخلوا الجروب بس الشباب والبنات محدا دخلت طبعا إيلاف ورشا وشذا زاعلات من علي على التهزيئه المرتبه وخلود حانقه منهن ومهمومه من كلام امها.
منير:وين شله الجن اليوم.
علي:يسيرين الجن ذي عصوا ربهم.
خلود بتتابع سكته.
مصطفى:ليش ايش فيك اليوم شايل عليهن.
علي:لانهن مابش معاهن عقل وحكا لهم.
خالد:اهاااا وفعلين هكذا باختي لاراحت لهن.
عهود دخلت:انا مالي دخل حذرتهن ماسمعين.
مراد:مجرمات حرب رشا وايلاف اما شذا قلبها طيب ماتسخى على احد مثل اخوها انا فدالها.
شذا شافت رسالته وابتسمت.
خالد:كلامك صح😊.
رشا ضبحت ودخلت:كلكم بتدافعوا عليها وهي وقت فعلت المقلب كلكم معها عشان اسامحها.
خلود ضبحت:مقلبي ماكان سخيف انتي فجعتيني مش مقلب هذا انتقام.
ايلاف:الصدق كلنا غلطنا.
مصطفى:دخلو الثلاثه عيال الكوكباني😂😂.
رشا:خخخ سامج.
مراد:ريت وعندكن عقل ساع ربع شذا.
شذا فارحه من مدح مراد رسلت:انا فدالك يامراد بعض ماعندكم.
خالد شافها رسلت وفرررح.
خلود دخلت خاص لعلي.
خلود:شكرا الله يحفظك.
علي فرح انها رسلت:على ايش شكرا.
خلود:لان انت الذي اقنعتهن يسامحيني بالمقلب الأول واليوم وقفت معي.
علي مبتسم:لالا عادي يستاهلين يامشعفله.
خلود فهمت انو قصده وقت شافها :مشعفله بعينك.
علي:😂😂😂.
خلود:مافيني ضحكه اضحك.
علي:ليش او ماتوا عليش الجهال.
خلود تنهدت:موضوع واجعني والله مش عارفه لمن اشكي سرت اشكي لهن زادينها عليا.
علي استغرب:موضوع ايش بساعدش انا.
خلود:ماتقدر تساعدني امي عنيدة بس مدري ايش اسوي.
علي:ايش هو تحاكي اقلقتيني.
خلود:ابن خالي خطبني وامي حالفه اوافق غصب عني💔💔.
علي حس بضيقه:ماهو هذا الخبر قلك غصب عني أرفضي لو سمحتي.
علي:خلود امانه لا توافقي.
خلود استغربت:ليش عادك تامن اقلك امي مشكلتي.
علي ضبح:ماغير قلت كل غصبا حرام يله انتي أخبر.
خلود تضايقت:برجع الجروب.
عند رشا دخلت خاص لراشد متصل ومارسلش ابدا.
رشا:ايش به مايرسل مسرع تغير هذا واحنا بالبدايه طز فيه ولاعاد مفكر فيني يمكن جالس مرتاح وانا منتظره يرسل .
عند راشد في حساب رشا.
راشد متضايق:متصله ولا رسلت ولا عبرتني جالسه تجابر بالجروب وانا منتظرها بكل غبا لكن طز فيها .
(سوء الظن يقتل العلاقات مهما كان جمالها)
بيت ناصر.
خديجه مبتسمه :اسمعي انا قلت لخالتش ان قد انتي موافقه وبيتقدموا رسمي عند ابوش غدوه.
خلود شافت الفرحه بعيون امها وماقدرت تكسر فرحتها:يصير خير ان شاء الله.
دخلت خلود الغرفه تبكي ومتضااايقه وتفكر بعلي بس مش عارفه ليش علي بعقلها طوال الوقت.
علي متضايق غير حالته
( اخاف عليك من زعل واشتاق اذا غبت وافرح اذا جيت على ما اظن اني احبك)
علي:ايش فيني متضايق ايش دخلني اذا خطبوها اففف افكاري ملخبطه.
خلود دخلت شافت حالة علي ودق قلبها.
خلود:لالا مش هي لي يمكن يقصد واحده ثانيه بس ليش قالي امانه لا توافقي اففف يمكن يقول حرام انغصب ليش لا يمكن افففف تدفت وتحاول ترقد.
اليوم الثاني في الجامعه خلود منتظره البنات يجين تشتي تقلهن على خبر فارس ونسيت الزعل والحنق متضايقه قد قلبها بيقرح من التفكير ولا رقدت.
دخلوا الجامعه علي وايلاف ومصطفى وشذا ورشا وعهود ..
عهود:اكيد خلود زاعله من أمس.
رشا:اكيد الله يعينني على رضاها.
مصطفى دخل القاعه وعلي عاده محاضراته بعد نص ساعه جلس بالحوش حق الجامعه بعيد منهن شويه.. وصلين عند خلود وهن متاكدات انها مخاصمه لهن.
إيلاف:صباااااحش ياحب😁.
خلود بتشوف لهن وقدهي بتقرح وساكته.
رشا:ردي وبطلي برطامه.
خلود قامت حضنتها وقرحت بكا.. كلهن استغربين.
عهود:خلوووود مالش.
رشا:خلود كل هذا على مقلب امس.
ايلاف:خلود تحاكي ماوقع مالش.
شذا:شكله موضوع أكبر من المقلب والا ماترضا تسامحكن هكذا.
علي بيشوف من بعيد عرف انو خلود تبكي تضايق وبيحرك رجله بقلق.
خلود بعدت من حضن رشا
وهي تبكي:امي امي.
عهود افتجعت:ايش بها امي تحاكي انطقي.
خلود:تشتي تزوجني فارس.
رشا كشرت:فاااارس ليييش.
شذا:هيا للخباله قلك تزوجني مابش شي بالغصب.
خلود:كيف اسوي كيف مشتي اقهر امي هي مقهوره على خالد وعهود حرام كلنا نعاندها تشتي تفرح فينا زي ماتشتي هي وانا كيف اسخا فيها كيف
#يتبع.
*هت تفاعل بذا لنستمر بتنزيل المزيد [💫]*