الفصل 29
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 29 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
شذا تنهدت من بين دموعها:ماعليش مني ارقدي.
رشا:حاضر بس غيري الحاله حقش خالد اكيد بيكون قد شافها ذلحين لو احد من اخوتي يشوف حالاتكم الاثنين بيفهم.
شذا قامت:مسحت دموعها حاضر غيرت حالتها ( أنا بِـخيْر,بخَـير جداً,رَغْـم الواقِع,بخير من الدّاخِـل,رُغماً عَـن السّـواد العارِم والضّجيج المُزعِج,أنا بِخَـير بشَكل غَـريبْ.)
رشا:شذا متا ناويه ترحمي نفسش خلاااااص اعتبري خالد ماضي وانتهى.
شذا بكت:كل مره أحاول انسى افشل تمر فترات اتناسى واكذب على نفسي اني اكرهه ماعاد احبه واسمع صوت خالد او اشوفه يرجع لي كل شي وافشلللل بنسيان كل شي قولي لي كيف انسى وكيف اقسى كيف انا تعبت اشتي ارتاح. (( ...........💔... لا اعلم ما الحقيقه التي تعيش في داخلي ...هل مازلت احبك .ام ماذا..انا اكرهك ومازلت اراقبك بصمت لازلت ابكي بصمت لازلت استيقط في منتصف الليل ....وهناك كم بقلبي من الاشواق اليك آنظر الي جوالي .....اريدسماع صوته فقد آشتقت اليه وكم من ايام استيقط ..في منتصف الليل واخذ جوالي نسيت باننا افترقنا ولايحق لي ان اسمع صوتك .... في ذلك الوقت ليس علي سوا البكاء ...ؤالبكآء الذي يمزق الاحشاء ويحرق آلقلب اصبحت لآهات الحاني نعم اكرهك لدرجه اني لا اريد مكروه ان يصيبك ...اين آنت ... هو يظن إنني بخير بدونه ولكني اقسم باني لا آعرف للراحه عنوان كيف صورتك اهلكت خيال ...شوقي اليك مزق فوادي.. وصوتك مازلت اسمعه دائماً .....ولكنه وهم ...كيف لي ان ابتسم وقد كنت انت سبب سعادتي لم استطيع الكتابه آكثر فقد صعب علي التنفس حينما ادكرت رحيلك المؤلم ولكن القدر سيكتب بيننا مايشاء .....💔))n_0
رشا حضنتها:خلاص ياروحي الله كريم ارتاحي كل واحده رجعت بسريرها متضايقه واكيد شذا وجعها أكبر... (( _تحاول جاهدة كسر قاعدة " لا أحد يبقى لأحد "
ولم تكن تعلم بأن هذه القاعدة تم سحقها تحت عجلات " النصيب"
زُهقت روح الحبيب ولم يبقى سوى ضحكات النصيب ، لم تحترم عادات مجتمعها
تفاصيل وجهها الكئيب ،
وحال جسدها الغير رتيب ،
وصوتها المحمل بأنصهارات البكاء
وسرحان عينيها في الأرجاء
لم يكُن مجدياً ترتيب قائمة الأُمنيات من البداية
لأن هذا سيجعلها تحتضرُ بصمت في النهاية. لاجل النصيب))
صباح اليوم الثاني بالجامعه وقت الاستراحه.
خلود:جعلي مكسر من مقلب بس تستاهلين.
رشا:لو ماتوسط علي اسامحش كان ماسامحتش وافجر قلبش.
خلود استغربت:علي مادخله.
رشا:رسل لي امس في الخاص انو مش حالي الزعل بيننا وكلام المهم اقنعني.
إيلاف:حتى انتي رسل لش وانا هو الي اقنعني.
خلود رفعت يداتها للسماء:اووووه ياعلي جبررك.
كلهن ضحكين.
شذا شافت خالد واختفت ضحكتها.
رشا حكت لهن عن راشد كيف زعل.
عهود:من حقه يغار بس اسلوبش كان غلط شويه قلتي طز وقلتي مابحذف كان قلتي هم مثل اخوتي وابي قال لو احد يطلع من الجروب ياويله.
رشا ضبحت:انا كنت جالسه أراضيه وقالي ولا كلمه رجعت حنقت.
إيلاف:سهل ترجعوا تتراضوا بعدين.
شذا مش معاهن بعالم ثاني.
عند الشباب خرجو كلهم.
خالد حاسس قلبه ان شذا ماكلت شي من زعل أمس :ايش رايكم نفعل خير بالبنات.
خالد:كيف يعني.
خالد:نشتري لهن صبوح مننا بيتزا وبرجر به مطعم جنب الجامعه بالضبط.
علي:هجعنا مش انت راحم للبنات انت تشتي عشان يقلين خالد حنين قدهي واضحه هههههه.
خالد ضحك:قلعك بذا الوجه.
مصطفى يشتي عشان إيلاف:فكرره حلوه خليهن يفرحين هيا قبل يشترين صبوح.
كلهم جمعوا واشتروا بيتزا وبرجر ع عددهن وعصير طازج وليز كبير.
مصطفى:بسيرهن انا.
خالد :لالا انا.
علي:امانه خلوني انا عشان يتجملين مني😂.
خالد:امانه انكم ساع الجهال اما ذلحين.
مصطفى:خلاص انت عاقل خليك على جنب وبسير انا وعلي.
علي:وليش مانسير كلنا الثلاثه.
مصطفى ضحك:تمام بشل البيتزا وانت أخبر بالباقي.
علي:شل العصيرات والليز.
خالد شل البرجرات ولحق بعدهم.
عند البنات.
إيلاف:بتجين عندي اليوم ومن غير أعذار ساع حق كل مرة.
خلود:ايش نجي نسوي نرقص يعني.
ايلاف ضحكت:هههههههههه ايوووه بالضبط.
شذا:خلاص بنطلع كلنا عندش وانتي ياخلود تعالي.
خلود:ان شاء الله بشوف امي. .
عهود:جاااوعه بسرعه سيرين اشترين.
رشا:والله مااسير كل يوم انا.
ايلاف شقهت:يو على كذابه وانا كل يوم معش.
شذا:مالي دخل ولا بسير لو اموت جوع.
خلود:عناد فيكن والله مااسير.
ايلاف ضحكت:احلفين وضلين جاوعات.
وصلوا عندهن على ضحكة إيلاف وهي خزيت. ( شذا شافت خالد دق قلبها وتفعل نفسها طبيعي)
مصطفى:احم احم قلنا اليوم نفعل خير للخادمات الحاليات هولا.
رشا:اول شي اختار واحدة خادمات او حاليات ثاني شي ايش من خير وجهك مش حق خير. (راشد بيشوف لهم من بعيد ودمه بيفور).
مصطفى:والله هكذا هيا شباب نكل الصبوح احنا.
رشا:يووو لالا امانه تعال انا فدال اخي دام وهو صبوح.
رشا:تعال تعال هات الصبوح قلك ناكله.
عهود:اداكم الله تفارعوا بيننا كنا شويه ونتضارب من تسير تشتري.
مصطفى:هو خالد اخوش ذي قال نشتري لكن فعل خير صدق.
خالد يلمح لشذا:ايوة لاني حاسس ومتاكد انكن جاوعات.
شذا فهمت:كلين بالهنا على قلبكن انا شابعه.
ايلاف:خباله قلك شابعه ومااكلتي شي من الصبح.
خالد ضبح فعل نفسه يمزح :اكلوها غصب عنها بالصميل.
رشا فتحت الصبوح وفرحت:اوووو جبركم ذي في نفسي.
الشباب رجعوا لمكانهم.
وهن جلسين يكلين وشذا عقلها وقلبها بمكان ثاني وتاكل غصب . .
عند راشد.
راشد:شفت بعينك بتضحك وتجابر عيال عمها.
محمد:مالك والخباله الصدق زيدت بها قد اخوها موجود مالك حق تمنعها واكيد قدهم مثل الاخوه والا كان اخوها بيضبح من اخته قبلك والجروب ابوها وعمها موجود يعني عندهم عادي بطل تتحسس وتزعل البنت.
راشد سكت شويه :يعني هذا رايك انها ماغلطت امس.
محمد:من رايي لا ماغلطت اخوانها موجودين عادي اكيد تعتبرهم اخوتها بعدين مافكروا فيها ولا فكرت من قبل ذلحين لما هي مخطوبه عتفكر هيا الغيرة الزايده مش لصالحك.
راشد ضبح:كلكم سامجين فلته ومشي.
محمد بيضحك الغيره وماادراك مالغيره..
الساعه2
خلود فارحه انها بتسير عند إيلاف.
خلود:يمه انا فدالش بسير عند إيلاف.
خديجه ابتسمت:براحتش ياقلبي.
خلود استغربت ان امها رضيت وماصيحت زي كل مرة انا فدال قلبش.
خديجه:مشتي ازعل عروستنا سيري غيري جو.
خلود تغير وجهها:عروسه ايش.
خديجه:ابن خالش فارس يشتي يخطبش وانا وافقت باقي يتقدموا لابوش.
خلود حست خرج من اذانها دخان:فارس ماغيره يع مشتيش صاحب سروال طيحني ومشطه ساع حق الديك.
خديجه:لا تقولي هكذا على ابن خالش وبتوافقي غصب عنش والا تشتي تقهريني مثل اختش انا ربيت وبالآخر ماتسوين شي يسعدني.
خلود تضايقت:يمه انا فدالش مش مقصرات عليش بشي وبسعدش بكل شي الا الزواجه تيه لا.
خديجه:فكري لاغدوه ولو ترفضي انسي اني امش هذا ابن اخي ومشتيش نردهم.
خلود دمعت ودخلت غرفتها ماحبت تتقالع مع امها بتلبس بسرعه تشتي تسير تقول للبنات المصيبه الجديده وتفضفض لهن.
عند إيلاف قد هن عندها جالسات.
رشا:خليها لوما خليتها تتادب وماعاد تسوي معي مقالب.
عهود:بطلين خباله من المقالب والزعل.
رشا:ماشي ولله لا اردها وان قلتي لها ماعاد احاكيش.
عهود ضبحت:انتي اخبر.
شذا:انا مالي دخل بهذا الخبر.
ايلاف:خوافات خلاص انا معش يارشا وضحكت.
رشا مخططه وناويه على خلود.( مسكينه خلود سايره بضبح بيوفين لها فجايع😱) توقعاتكم ايش بيفعلين لها وليش علي بيصيح فوقهن وشذا ورشا بيحنقين من علي😱.
`يتبع...`
*تفاعل بذا الايموجي [🌝]*