الفصل 24
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 24 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
بيوم خطبه الرجال تجمعوا اصحاب راشد ومعاريفه واخوال رشا وعيال اخوالها والكل موجود شلوا الشنطه معاهم وصلوا راشد واهله وعلي يرحب بهم هو وعياله واخوته كلهم دخلوا بالطابق الي تحت حق الرجال والبنات قدكم متأكدين فينهن بيتشاقرين 😂😂🙊.
خلود:شوفي راشد هذك ياخبلا.
رشا:وين مااشوفه زحمه الرجال ملان.
عهود:ياخبلا الي لابس الجاكت السماوي والزنه البيضاء
رشا دق قلبها وابتسمت:اووه صح شفته ولابس صندل سماوي صح.
عهود خفعتها:وانا ماشفت صندله قد عيونش ساع الناظور بتركزي.
ورجعين يتكركرين.. شذا شافت خالد وسرحت فيه ماعاد حست بكلامهن بس مركزه لخالد وعيونها امتلت دموع تمنت هذه اللحظه انها خطبتهم وفرحتهم ابتسمت
سميره دخلت الغرفه وشقهت:يووو يابنات ياخزياه بتتشاقرين لو يدري مصطفى لا يكسر راسكن قدهو حذركن قبل يخرج لو تتشاقرين.
رشا خزيت وجلست:مشهو انا هن قليلات ادب بيتشاقرين الشباب.
سميره:اوووه صدقتش يا مجنونه هيا امشين قدامي للصاله.
كلهن خرجين بيتشاورين ويضحكين. (طبعآ محدا جت نسوان لانهو غدوه حفله النسوان بس جوا الرجال حتى اهل رشا النسوان ماسارينش ).
كلهم بيباركو لراشد.
راشد بياشر لخاله الي جاء من عدن.
خاله:ها ابن اختي ايش تشتي افعل لك من عيوني كم معي راشد هو الا واحد افديهو بعيوني.
راشد:افدي قلبك ياخال بس لاتنسى الي قلت لك قد الناس روحت باقي احنا نروح.
خاله ذكر قد كان ناسي:اووه قد كنتو ناسي الان بكلمه ولا تقلق.
خال راشد اقنع علي.
علي دخل للصاله :يارشا.
رشا:هاه.
علي:البسي البالطو وانزلي لشقه مراد راشد يشتي نظرة شرعيه.
رشا وقفت وشهقت:لالا مشتيش.
علي:هو طلب ومن حقه يابنتي يله بسرعه انزلي بعدي وخرج.
رشا ارتبكت والبنات بيعلقين عليها ويضحكين لبست البالطو ونزلت.
مصطفى :تعالي اجلسي جنبي بيجي الان.
رشا بارتباك:يووو كان مش ضروري جني يشله. . مصطفى:اصصص هذا هو جا مع ابي بين اسمعهم في الصاله .
رشا حست قلبها نكع
( طبعا طبيعي خزا بنات😂🙈)
راشد بيمشي وقلبه يدق ورشا ثلجت يداتها وتفحسسهن.
مصطفى ضحك على شكلها:مالش افتجعتي او بياكلش.
رشا لصقت في مصطفى ومسكت يده.
مصطفى مسك يدها:مالش ثلجتي لو ماتشتي خلاص بقل لابوي مابش نظرة شرعيه بس خليه يبسر الحلا ذيه الصدق من حقه وقد النبي حللها.
رشا: يوووه على لغج ايوه ايوه مشتيش.
مصطفى:ماتشتيش حن تبسريه في الجامعه وهو مسكين ربي ولا بيشوفش غير تيه اللحظة.
رشا:تشتي تتحاكا وقاطعها صوت راشد.
قاطعها صوت راشد:احم السلام عليكم.
رشا لصقت لمصطفى ونزلت راسها ومغمضه بقوه.
مصطفى:انا داري انو السلام لها بس شارد عليك انا وعليكم السلام
راشد ابتسم.
علي:اجلس ياابني.
راشد جلس بالكنب.
ومصطفى جلس و جلسها معه.
راشد بيتظيرف ويحك راسه:ذلحين جيت ابسر من مصطفى والا رشا.
رشا سمعته ذكر اسمها ودق قلبها أكثر.
مصطفى ضحك:هيا رشا ارفعي راسش ليش متخبيه تحت يدي.
علي بحزم:رشا ارفعي راسش وشوفي ليا يله.
رشا بعدت من يده مصطفى رفعت راسها واول ما فتحت عيونها ابسرت راشد خزيت وقلبها دققق.
راشد شافها😍 وابتسم بيحاكي نفسه:اخيرا شفت المجنونه ذي عيونها شلت عقلي ولا دريت ما شاء الله.
مصطفى:هيا ذلحين كيف خلصت حقك النظره قدهي الف نظره
رشا وقعت بها ضحكه بس خزيت تضحك ابتسمت بقوه🙈.
راشد زاد شاف اسنانها حلوات وبيض وعجبته ابتسامتها أكثر وضحك:اللهم لاحسد بتحسد حن انت مابش خطبه.
رشا بقصت مصطفى وتتحاكى من بين اسنانها:بس قله يخرج والا بخرج انا.
راشد سمعها وضحك:يله خاطركم ياعم واسلموا
خرج راشد و'مصطفى رجع يعلق عليها.
رشا خزيت وطلعت للشقه هربه😂.
وصلت دخلت غرفتها وجلست على السرير تبعد الشيله من راسها وتهفف حست بحما.
عهود وايلاف وشذا وخلود لحقين بعدها وغلقين.
إيلاف:كيف شفتي.
خلود:كيف قعت النظره الشرعيه.
عهود:تحاكي عجمتي.
شذا:كيف كان احساسش.
رشا مبتسمه:اششش اسكتين سؤال ولا سؤال.
أما كيف كان احساسي احساس صعب اوصفه مدري كيف اوصفه احساس حلوووو اول مرة اشوف راشد مثل اليوم.
إيلاف ضحكت:انهو الحب ياجناااه.
رشا ضحكت:يمممكن.
شذا فارحه من فرحة اختها:الله يتمم السعادة الذي اشوفها بوجهش الان.
رشا:يااارب.
ايلاف:عقبالي يارب ☺
كلهن ضحكين ورشا تحكي لهن وهي حاسه بفرحه مش هي عارفه سببها.
راشد خرج فارح ويتخيلها بعيونه.
اليوم الثاني قبل الظهر
ايلاف:رشاااا هيا بسرعه ساعه وانتي تتخيبلي.
رشا:عاد بكوي شعري.
ايلاف:والله مايحتاج شعرش ناااعم ذلحين نسير الكوافير عشان الزحمه هناك بنتاخر.
رشا:خلاص تمام هيا البسي وقلي لهن يتجهزين والغدا بنشتري من الطريق.
ايلاف:من بيشلنا.
رشا:عارفه ليش بتسالي هو مصطفى ياخطيره.
إيلاف ضحكت:المهم تفهمي.
خلصين لبسين كلهن خلود وعهود ورشا وشذا وايلاف وخرجين للسياره وطوال الطريق ومصطفى يضحكهن دمه خفيف😂حالي.
الساعه 2ونص خلصين كلهن رشا فعلت شعرها مندوش ونصه فير لان شعرها كثير وطويل وقع روعه وفعلت مكياج خفيف قوووي.
وكلهن فعلين خفيف عكس عهود.
وصلين البيت وقد الاهل كلهم موجودين خالات رشا وبنات خالاتها وعمتها خديجه واصوات الاغاني والضجه طبعا فعلوا حفله كبيرة.
دخلين الغرفه لبسين الفساتين رشا لبست فستان لونه ذهبي انيق ومخصر ومابش اكمام والباقيات فساتين قصيره انيقه خلصين اخر لمسات وقد بياذن العصر صلين العصر وتعطرين وصلوا اهل راشد استقبلينهم بالمحاجر وريم وامها شلين معاهن هدايا لرشا من راشد.
في الغرفه عهود شافت اتصال من مراد.
عهود:بنات بنزل شويه وارجع بسير اتعطر.
شذا ضحكت:تعطري العذر باااايخ قولي تنزلي عند مراد يشوفش ولاعاد تلفي وتدوري.
عهود ضحكت:يووو ع ذكيه اخوش الصدق ازعجني اتصالات ورسايل انزل يبسر الشياكه تيه.
رشا:والله لو تتاخري قد بدخل باقي دقايق بس .
خلود:بنجهز الاغنيه المناسبه عشان ندخلها ولو تتاخري بندخل وانتي اجلسي عند حبيب القلب.
عهود:ناهي بس خمس دقائق ولبست العبايه عشان لا تصدف أحد ونزلت.
وصلت شقتها ابعدت العبايه وشافت نفسها بالمرايه ودخلت للمجلس.
مراد عيونه رجعين قلوب😍:انا فدال الحاليه تيه تعالي مسكها من يدها وحبها عهود خزيت.
مراد:قد لنا مزوجين أكثر من شهر وعاد انتي بتخزي منهي هاه.
عهود:لا مابش خزا يتهيا لك.
مراد مسكها من خصرها وهي حمرت.
عهود:بطلع البنات قالين لااتاخر.
مراد ضحك:انتي قلتي مابتخزي افدي العيون المرسومه.
عهود:يووو جبرني بك انا فدالك انا كم بين احبك .
مراد فرح:يوووه ياقلبي اسكه عيديها مره ثانيه.
عهود خزيت🙈:مشتيش.
مراد بيضحك :يله عشاني.
نطلع لطالع.
رشا:تاخرت جعلها معص هيا ادخل وبس قدهو وقت.
خلود :بتلقيها ذلحين جالسه تترمسس واحنا نفتحر تطلع والله ماننتظر هيا مشينا.
نرجع لطيور الحب
عهود:احببببببببك.
مراد قربها منه وهمس باذنها :وانا اموت في حبش ياروحي انتي.
عهود بعدت:خلاص بطلع بيصيحين عليا والله.
مراد:تمام وانا بطلع وللمغرب برجع وانتي انزلي.
عهود:اممم مشتيش بجلس عند البنات.
مراد مثل زاعل:وانا اجلس وحدي والحلا ذيه لهن.
عهود ضحكت:غبني على الزعلان من عيوني بنزل هربه عليهن.
مراد حبها في راسها:وحصني نفسش.
عهود حبت يده :تمام ولبست وطلعت وقدهن دخلين الديوان.
البنات حوالي رشا وهي خازيه جلست بالكوشه وكلهن بيسلمين عليها ويباركين.
عهود ضبحت دخلين من غيرها:يووو قلعكن.
ايلاف:سيري كملي ماكنتي عليه قلك خمس دقائق.
عهود ضحكت:والله لاانزل صدق بس قدهو خزا.
طلعت سلمت ام راشد وفارحه برشا. .
ريم:الف الف مبروك ياحبيبه اخي الغالي.
رشا:الله يبارك بعمرش.
لبستها ام راشد الدبله والمحبس وسلس ذهب. 😍
*يتبعع...*
*تفاعل لنستمر بتنزيل المزيد [🧡]*