الفصل 23
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 23 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
علي بحزم:هيا سيروا ذاكروا من اول ماجيت وانا ماشفتكم فتحتوا كتاب.
مصطفى:مالك قلبت علينا قد كنت سلام الله عليك.
علي:انا الان ايش قلت.
منير:انا خلصت امتحانات الثانويه والدراسه بس منتظر النتيجه ومراد خلص بس مصطفى يقوم ينقلع.
مصطفى شاف له بنظره ضبح:هيا ناهي ياطحطوح يعلم الله بتجي راسب.
منير:ناهي بنشوف.
مراد:خلاص تصبحو على خير بننزل.
كلهم:وانتو من اهله ونزل هو وعهود.
شذا:تصبحوا على خير وانا شدخل اكمل اجهز للمحاضره وارقد.
سميره:لو تتاخر بالسهر ياويلك يا منير.
منير:حاضر من عيوني بس يخلص الفلم وادخل
كلهم دخلوا لغرفهم ماعدا منير جلس يتابع فلم اكشن اجنبي.
في غرفه شذا ورشا.
شذا:ذلحين ايش رايش الصدق.
رشا:والله مدري خليها مفاجأه لابعد اسبوع.
شذا:ليش اسبوع ابي قال ثلاثه ايام.
رشا:عيسسس بطلع عيون راشد.
شذا ضحكت:خلاص تمام قلي لي انا بس.
رشا:والله ماشي لليوم الي بقول لابوي واسمعي رايي.
شذا:قلعش قد انتي اخبر.
بعد ثلاثه ايام في الجامعه.
خلود:ذلحين كم عتجلسي تتدلعي علينا.
رشا:مدرري عاد افكررر بعدين راشخ هاذا يستاهل والله.
خلود:راشخ بعينش هيا للزنط تحمدي الله تقدم لخادمه.
رشا شهقت:انتي وهوه فداااالي.
خلود:فداش الخادم الاسود.
ايلاف:بس بس سديتين نفسي بسير للمحاضره حقي باي.
راشد بيشوفها من بعيد ومبتسم وحاس بفرحه.
محمد:وليش وجهك قدهو عيشتعط من الإبتسامه مش قلت مابتحبها.
راشد:والله مدريييش كيف بس مرتاح لها كثير واحس بفرحه وهي قريبه مني.
محمد ضحك:هو هذا ابن عم الحب يابطل.
راشد بيضحك:قلدني الله قدهو هو.
في الليل.
علي:هاه ماقلتي موافقه والا لا.
رشا بخزا:عاد شافكر اسبوع.
سميره:اسبوع عساس عتسيري تجهادي بسبيل الله.
رشا ضحكت:الجهاد اهون من الزواجه المهم زي ماقلت لكم لابعد اسبوع اشتي افكر سوا لانها زواجه.
شذا:عساس اول من خطبوها قليله ولف.
رشا ضحكككت:تفف عليش ايش من قليله ولف وهذي سادس مره يجي ابي يسالني.
شذا:تمام خمس أشخاص ومن بينهم ابن خالي وقلتي رافضه بنفس اللحظه وأكثر وقت جلستي تفكري فيه هو يوم ليش هذا اسبوع.
رشا بهررت لها:شذااااا مالش اشتي افكر.
علي:خلاص براحتش بتصل لهم الان واقلهم لبعد اسبوع ارد نابي.
اتصل لراشد راشد شاف الرقم وفرح وارتبك ورد عليه وبعد السلام.
علي:يابني مااقلك الا خير بس البنت تشتي تفكر أكثر بعد اسبوع ارد لك خبر.
راشد تبرقط وضبح:براحتكم عادي ننتظر ايش ورانا.
علي:تسلم وتصبحوا على خير.
راشد سكر وضابح مالها تيه رشا سااامجه قلك اسبوع والله لو ترفض بعده
راشد ضبح:اسبوع يخ ع سامجه رشا وبعد الأسبوع لو ترفض لا يوقع يوم جن عليها.
ريم:ايش في مالك ضابح كذا.
راشد:ابو البنت قال بتزيد تفكر اسبوع.
ريم ضحكت:اسبوع فوق التلاته الأيام الله واكبر دي البنت موش سهله.
راشد ضبح وقام يخرج:هيا ناهي.
بعد مرور الأسبوع من غير أحداث مهمه.
رشا بعد ما صلت استخاره وفكرت أكثر من كثير قررت ايش ردها لهم.
راشد متحمس متى يتصلوا له.
بعد الغداء جالسين يشربوا شاهي.
ورشا طلعت لايلاف لأن إيلاف قالت لها علي اخوها خرج .
رشا زبطت الباب: بخخخ
كلهم نقزوا
عمها مراد:ماهو هذا يابنتي فجعتينا.
رشا خزيت بضحكه:يووو سامحني كنت اشتي افجع الخبلا تيه.
إيلاف بتضحك:اكيد قد صورتش وحدها تفجع قبيله.
سماح:طلعت بطوني ماهي تيه الزبطه.
رشا😅:خلاص آخر مره المهم تعالي انزلي معي يا ايلاف ضروري .
مراد:ولا بتشبعين مجبر هيا انزلي حشي معاها.
إيلاف:ماااااعه اخوتش نازل وعاد بغسول حق الغداء .
رشا:اظن قد خرجوا قد هو وقتهم للخرجه.
مراد:حتى ولو هم عيال عمش مثل اخوتش عادي لو قابلتيهم.
إيلاف ابتسمت:بس اخزا.
سماح:جبر الخازيه سيري وانا اغسول هن شويه قد انتي من الصبح بتتعبي.
إيلاف حبت راس امها:تمام افدي قلبش ونزلين.
علي وعياله كلهم جالسين .
رشا دخلت هي وايلاف.
إيلاف شهقت:اخوتش هانا ياجزمه.
رشا ضحكت وتعمدت تحرجها:عااادي يابه شوف كيف بتخزا منكم عساس احنا غربا مش اهلها.
إيلاف بهررت لها وتتحلف مصطفى سمع رشا والتفت لخلفه وابسر إيلاف وتبتسم ورجع يشرب الشاهي حقه.
علي:تعالي ليش تخزي احنا اهلش.
ايلاف:ماشي بس بطلع اغسول.
شذا:وكان ليش عاد نزلتي دام مستعجله تطلعي.
مصطفى بيتكركر:هو من الخزا بس.
منير:ايوه والله صدق.
مراد خزي وساكت.
ايلاف:حست انها دوخت خزا وسكتت.
عهود:تعالي اجلسي قدهم بيطلعوا الان.
مراد:استأذن منكم بطلع لعملي. ملاحظه
( بعد ما خلص الاختبارات رجع يشتغل مع ابوه في المصنع لوما يحصل وظيفه).
علي:الله معك.
مصطفى:انا مابش معي عمل جالس عندكم اصلا فاقد للجلسه معاكم.
منير ضحك:الله اعلم ايش قد معانا.
مصطفى بهرر له وسكت وايلاف جلست جنب عهود وايلاف قبال مصطفى وخااازيه ولا رفعت راسها مصطفى فارح انه ابسرها وكل شويه يشوف لها نظرات بالخفا😂🙈.
علي:ذلحين ماقلتي موافقه والا لا الناس منتظرين عيب ناخرهم أكثر.
إيلاف حبت تنتقم وتحرجها:والله ياعم انها شكلها موافقه بس تفعل لنفسها زحمه.
كلهم فطسوا ضحك ورشا انحرجت بهررت لها.
مصطفى:اول مره اعرف انو معش لسان من دخلتي بيتنا فكرت قد عجمتي.
ايلاف
إيلاف:لالا معي لسان بس مش ساع حقك ذراع.
منير:جووول قصفت الجبهه..
مصطفى خزي واكتفى بضحكه بس.
سميره:كلكم لغجين يالطيف ذلحين ماقلتي يابنتي.
رشا بخزا:اااء خلاص زي ماتشتوا.
علي:كيف زي مانشتي قولي موافقه والالا.
رشا:موافقه وهربت للغرفه.
كلهم ضحكوا وإيلاف وشذا لحقين بعدها .
علي خلاص اتصل لهم الآن ع بركه الله.
راشد شاف الرقم وفز من مكانه.
محمد:مالك جغرت لي القات كيف عاد نخزن به رفسته.
راشد:اشششش عمي علي بيتصل.
محمد ضحك:قد هو عمك مسرع.
راشد رد :وعليكم السلام... كيف انتو... احنا الحمدلله بخير نسال عليكم.
علي:ع بركة الله يابني.
راشد عيونه قلبت قلوب:يعني موافقين ع بركه الله.
علي:ان شاء الله الله يتمم على خير .
راشد:خلاص بتصل لخالي وعمي ونتفق حفله الرجال متى.
علي:زي ماتشتوا الله معاكم.
راشد سكر بيحبب محمد:وافقت وافقت.
محمد قرح ضحك ع شكل راشد:يوو لو احد يشوفك ع يقولوا جاهل اجلس من التقفاز.
راشد:قول مبروك شلك بتيه الصوره ساع حق الخادم.
محمد ضحك:حن انا اسمر احلا منك هيا مبروك عقبال الفرحه للزفاف.
راشد:ياارب اتصل بشر امه وأهله وكلهم فرحوا
نرجع للبنات.
عهود:والله طلعتي خطيره وافقتي.
ايلاف:ايوه بس كانت تفعل لنفسها حضا وزحمه.
رشا ضحكت:حوووره.
ايلاف بقصتها بفخذ رجلها:ايوووه ذكرت ليش تخزي بي قبالهم كلهم.
رشا صاحت:اااح الله يقلعش يدش ساع قرصه النحله وانتي قد خزيتي بي.
إيلاف:تستااااهلي.
شذا:حضنتها الف الف مبروك مقدما ياروح اختش.
رشا انحرجت وفرحت:الله يبارك بعمرش ياروحي وعقبال الفرحه لش بالذي بنفسش.
شذا ابتسمت.
كلهن باركين لها واتصلين لخلود تسير عندهن بسرعه.
خلود وصلت.
ايلاف تمثل عليها:شفتي الجزمه رشخ رفضت.
خلود شهقت:احلفييي لييش تف ع وجهش ياربحه والله انو كان حالي كلهم عسل والرجال ما شاء الله عليه يخخخ كريهه.
رشا ضحكتتت:دلا بنفسش لا يقرح لش عرق.
عهود:لا تصدقي والله انها وااافقت وماناقص الا تباركي لها.
خلود فرحت :صددق ليش تكذبين عليا.
شذا:عشان تضبح بش بس لأنها شافت من اول ماتقدم وانتي تقولي وافقي.
خلود:حضنتها الف الف مبروك وعقبالي.
كلهن ضحكين وكملين مجبر وتخطيط لحفله الخطوبه.
راشد فارح اتفق مع اهله خطبه الرجال الخميس وحق النسوان الجمعه.
اتفقوا مع اهل رشا وجهزوا لكل شي وقبل الخطوبه بيوم خرجين السوق عشان الحلفه وجهزين كل شي وعزمين نص بنات الجامعه 😂وصحباتهن والمهم دوشه وماعجب رشا العجب تشراط بكل شي وماعاد سارت الجامعه من ثلاثه أيام .
*يتببع...*
*تفاعل لنستمر بتنزيل المزيد [🍁]*