الفصل 22
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 22 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
ريم:اووه منوه مجنون كه يفعل مصايب بمقالبوه.
رشا:ضحكت لغج بس ليش اخوش مش مبين من كلامه انهو عدني مثلش انتي تتحاكي عدني شويه ماكنت عارفه انهو عدني.
ريم:لانه بيخرج كثير ومصاحب كثير بصنعاء تعود لكلام صنعاء وانا اتحاكا صنعاني شويه وعدني شويه يعني ننوع وضحكت.
عهود:كله حالي ايش ماتحاكيتي سوا عدني سوا صنعاني.
وكملين مجبر وللمغرب بيتجهزين وراشد منتظر لهن بالحاره.
فاطمه:الله معاكم وخرجين.
سميره:الله معش.
خلود:ياعمه ياعمه ايش قالت وليش جت وماتشتي اكيد خطبه صح خطبو رشا صح.
سميره:يوووه بسم الله عليش مالش جننتي خليني اتحاكا ارد.
شذا:صدق يمه مابه امانه.
رشا انحرجت:قلعكن مجنونات.
سماح ضحكت:جبرني بعافيتش.
سميره:ايوة قالت جت تخطب رشا لاابنها راشد.
رشا حست انه خرج من رأسها دخان:خباله ودخلت الغرفه مش مستوعبه وماتوقعت راشد يفكر فيها اصلا.
كلهن في الصاله ضحكين عليها.
سميره:اوووه منكن يابنات هذي الايام كنا زمان نموت خزا لو يذكروا زواجه وخطبه.
سماح:الزمن تغير مش هن خبل ساعنا.
عهود:لا تبالغين بشي واحنا كمان بنخزا بس نحب نضحك.
شذا:ايووه بالضبط كلام عهود صح.
إيلاف:هيا ناهي لكن قومين نرفع قبل الاذان.
خلود:الله معاكن قد امي اكيد بتصيح عليا تاخرت.
سميره:الله يهديها الله معش.
قامين رفعين اذن المغرب وصلين ورجعين اجتمعين بالغرفه.
إيلاف:ذلحين عتوافقي والالا.
شذا:لالا شكلها بتوافق ولايقين لبعض.
عهود:الصدق شكلهم طيبين وو.
قاطعتهن رشا:يووو صرفو كسرتين راسي كم لكن تهذرين عساس اول من انخطب سعليكن ما بواااافق.
ايلاف شهقت:صددق ليش قلعش.
رشا ضبحت:لاني حوووره مالكن دخل.
شذا:هيا ناهي للزنط قومين نفعل عشا بيجوا يتعشوا واحنا جالسات نتفلسف.
ايلاف:وانا بطلع قد كل ساع وانا عندكن شكل امي بتضبح وتزبطني للدرج.
عهود ضحكت:يله وانا بنزل اجهز لمراد شوي ويجي.
وكل واحدة قامت لعملها.
إيلاف وهي خارجه انصدفت بمصطفى لأول مره يشوف وجهها.
ايلاف انحرجت ونزلت راسها ومشت هربه وتحكولت .
مصطفى فرررح وضحك ع حركتها ودخل غرفته.
بآخر الليل.
سميره:هيا ايش رايك ماقلت.
علي:بسال عن الولد واهله واشوف بعدين يحلها الله لان معرفهم ابدا.
سميره :قد انت أخبر.
بشقه مراد رتبت الشقه وبخرت ورتبت نفسها وجلسوا يتعشوا
مراد:ذلحين متى اوقع اب ساع الناس.
عهود ضحكت:ليش مستعجل عاد احنا ببدايه الزواج ايش حدنا من هرم الجهال.
مراد:الصدق مستعجل اشتي اوقع اب واسميه وافرح فيه وأهم شي حالي مثل امه.
عهود ضحكت :ان شاء الله لا تستعجل ويوقع مثل ابوه .
مراد:سهل مانختلف المهم يجي.
بعد يومين راشد وخاله وعمه وجده ساروا لبيت ابو مراد تقدموا بس علي قالهم ان شاء الله خير وماجابش لهم كلمه موافقه يشتي لوما يسال ويتصل لهم اذا قبلوا والا رفضوا وجلسوا اسبوع يسالوا عن راشد واهله وحتى سالوا معاريف لهم في عدن.
في الليل بعد العشا في غرفه سميره .
علي محتار :ذلحين يامره كيف نفعل الصدق سالنا على الولد وماعليه عيب مصلي شغال بيدرس معاهم بيت وأهم شي مستورين ومستقرين بصنعاء بس الصدق مشتيش رشا قبل شذا تتزوج .
سميره:لو هو نفس ماقلت توكل وشذا بيجي نصيبها سهل لا تقطع نصيب رشا عشان شذا بعدين عادها خطبه ثلاث سنوات من يدري قد شذا بثلاث السنوات تتزوج.
علي:صدقتي الله يوفقهن مشتي الا اشوفهن مرتاحات المهم تعالي للصاله نخرج نسمر معاهم واشوف راي البنت.
سميره:يله تمام.
في الصاله الجهال سامرين ماعدا شذا ورشا.
علي:وين روح ابوهن.
منير:اما شذا ورشا ورغد قدهن الروح واحنا ماعاد بقيت لنا.
علي ضحك:انتو القلب والكبد والرئتين والمعدة.
مصطفى بيضحك:خلاص بس بس انا القلب ومراد ومنير الرئتين صح والا صح.
سميره بتضحك عليهم :يووو على لغجين ابسروا لمراد جالس يضحك وبس عاقل مايدي كلمه.
مصطفى تنحنح وعدل جلسته:احم احم زوجونا نعقل.
علي:عليك غضبي عادك الا جاهل مش راكن عليك وازيد ا زوجك.
مصطفى ضحك:والله انني رجال ويركن عليا بس مدري مال عيونكم صغيرة تشوفني صغير هيا وسع عيونك انت والمدام حقك.
سميره:هيا تسمعوا للجنان حقه ويشتي نزوجه احلم لك احلم.
مصطفى:قد احنا نحلم الحلم ببلاش
مراد قرح ضحك.
منير:بس بس كركره من رايي شل مرتك وانزل احسن لك.
مراد من بين ضحكته: هيا للسماجه ادعوهن من الغرفه جالسات يحلين مشاكل الدوله كل ساع وهن مغلقات يتجابرين او مدري يذاكرين.
مصطفى:مركنكش يذاكرين من غير حش.
منير سار دعاهن ورغد قد رقدت.
عهود:مساء الخير ياعم.
مصطفى:شوفو على مجامله حتى مساء الخير بس لعمها واحنا لنا الله.
عهود ضحكت:يو على لغج اهم شي عمي وعمتي وانت بعدهم.
مصطفى:هيا ناهي عيدي لي الله من ينتبه لي ويهتم.
مراد ضحك:رجمه بالوساده حق الكنبه:جالس تتفلسف على مرتي قدامي.
رشا:ذلحين خليتونا نفلت المذاكره ونجي على هذا المجبر والهذره.
علي:لالا به مجبر مهم تعالين اجلسين هنيه واشر لجنبه.
جلسين جنبه وعهود جنب سميرة .
علي مسك يداتهن وحبهن:حقي هولا القمريات قد الخطاطيب بيجوا لهن ملان الباب وقدهن حق زواجه كبرين قدام عيني واجي امكنهن لناس غيري ظلم صح.
رشا عرفت انه موضوع راشد وحبت يده وضحكت.
شذا:اما انا تطمن مشتيش اتزوج لو يجي ابن الوزير .
علي:.....
شذا:اما انا تطمن مشتيش اتزوج لو يجي ابن الوزير.
كلهم ضحكوا
منير:ابن الوزير مره واحده قولي الوزير بكله أخرج لش.
شذا:مادخلك اصلا من هو الوزير ومن ابوه انا ببيت ابي مثل الاميره.
مصطفى:ههههههه اي اميره انا فدالش وانتي بتغسولي حق عشا وغدا.
شذا:مش ضرووووري أوقع اميره اذا ماغسلت لا أوقع اميرة إذا ما انضربت اذا الكل ببيتنا يحترمني اذا الكل يقدر وجودي واذا امي وابي واخواني سندي وجنبي أوقع اميره اذا ابي بيدلعني ومايرفض لي طلب وبخدمهم من عيوني مش بس اغسول يا كريه.
كلهم ضحكوا
علي:انا فدا لبنتي الاميره.
رشا:والله انو صدقتي انا فدا للقفش انا اشهد اني ببيت ابي مثل الاميرات وطز بالعمل مرتاحه نفسيا وجسديا سهل العمل مايموتش احد الله لا يحرمنا منكم.
مصطفى شل الدبه الصحه حق الماء وفعلها عند لقفها عساس مكرفون:هيا هيا كملي الاذاعه سعليش محدا بيشوف الا بقناة الجزيرة.
رشا ضحكت:يخخخ سامج قول صح لساني.
عهود بتضحك وفارحه بطيبتهم وجمعتهم.
سميره:انا فدالكم كلكم كيف تنسوا الواحد مواضيعه المهمه وانت ياعلي انا فدالك جالس تجابر ونسيت الموضوع.
منير:وووه يمه بتترمسسي مع ابوي قبالنا قلك انا فدالك واااعلي.
سميره خزززيت:قلعك من ولد استحوا
كلهم بيضحكوا
علي:يله خلونا بموضوعنا يارشا اكيد عندش خبر بالذي تقدموا صح.
رشا خزززيت ورجعت تفحسس اظافرها:مع ايش من موضوع.
منير:ايتها الاميره اقنعيني انكي لا تعرفين الموضوع اذاً لماذا تفحسيين اظافركي.
كلهم فطسوا ضحك على تقليده الكلام العربي الفصحى
رشا خزيت:خخخ سامج اميره بعينك وغصب عنك.
مصطفى:ناهي لش لا تغيري الموضوع.
علي بيضحك:جبرني بذي تخزا خلاص لاتخزوا ببنتي انا بقلها هذا راشد الي بجامعتكم جاء وتقدم هو واهله وسالنا عنه وطلع كل شي تمام وانتي فكري وخذي راحتش ورجعي لي خبر بعد ثلاثه ايام وانا بعدش بالذي تشتي.
رشا ارتبكت وقت تسمع اسم راشد ترتبك:ااء اصلا مشتيش الاخبل مش موافقه.
مراد:ايا ناهي قلش فكري ثلاثه ايام مش ثواني هذي زواجه مش نشتري طرزان..
شذا بتضحك:هي بس خازيه لا تسمعوا لقرارها الان.
سميره:لو ماتشتي عادي عنقلهم اليوم مانشتيش البنت تشتي تدرس من غير خطبه وهم.
رشا رفعت راسها:هاه.
شذا بتضحك:ليش مستعجله يمه خليها تفكر هي خبلا الان ماعليش منها.
شافتهم كلهم يضحكوا عليها ويعلقوا وضبحت.
رشا:اففف جحفه قامت حانقه للغرفه..
مصطفى بيداعيها يا برنسيسه يااميره تعالي.
منير:خلاص طارت من الخزا.
علي بحزم:هيا للفلسفه سيروا ذاكروا
*تفاعل لنستمر بتنزيل المزيد [📮]*