الفصل 21
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 21 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
مصطفى فرح:يعني هي تحبني.
رشا:مدري الصدق ماقالت لي بس بين اشك من تصرفاتها بس قلي انت تحبها صدق.
مصطفى:ايوووه والله اني احبها من الجامعه من قبل أعرف انها بنت عمي وان شاء الله بعد الدراسه اخطبها ووقت احصل الوظيفه اتزوج لاني اشتي اعتمد على نفسي.
رشا:ان شاء الله خير الله يوفقك بالذي في قلبك وهيا نصطبح جاوعه.
مصطفى فارح:بسم الله وجلس هو وياها يصطبحوا في الغرفه ويضحكوا.
اليوم الثاني فعلوا عزيمه على الغدا وعزمو اصحابهم واهل خديجه واهل سميره واجتمعوا الكل وتم اليوم.
وتم العرس وضجته ورجعوا للجامعه ماعدا مراد لأنه خلص اخر سنه له وعهود عادها عروسه ماسارت للجامعه.
في الجامعه بداخل المحاضرة .
رشا مركزه للشرح والتطبيق هي وخلود خلصين كتبين المهم وخرجين انتظرين إيلاف واجتمعين يكلين عصير وكيك.
خلود شافت إيلاف مش مركزه معاهن:ييي إيلاف الي ماخذ عقلش يتهنى به.
ايلاف: هاه قلعش بس ومرهقه فيني نوم 😴.
رشا:وليش نوم او بتسهري ياسعم.
ايلاف:مش اسهر بس امس مابش نوم للفجر.
خلود:لييش أما امس.
رشا ضحكت:تفكر بالحب.
ايلاف بهررت:اي احب اي طلي اسكتي خبلا.
رشا ضحكت:اسالش بالله مابش أحد في عقلش وقلبش.
إيلاف ارتبكت:ومن بيكون يعني.
رشا:مدررري.
ايلاف خزيت وسكتت.
خلود:ليش سكتي يعني به أحد منهو..
ايلاف:محدا.
رشا تشتي تتأكد من شكها:خلاص انسي نسيت اقلش ياخلود باخر اشهر بنخطب لمصطفى.
ايلاف حست انه انكب من فوق رأسها ثلج.
خلود:صدق من.
رشا:بنت خالي هناء تعرفيها.
خلود:من اختارها له.
رشا:اختارها هو يحبها.
إيلاف سمعت كلمه يحبها وانقهرت وتحاكي نفسها:يحبها معقوله مصطفى يحب بس تصرفاته خلتني اشك يحبني انا افف مااغباني يمكن مشهو معبر لي وانا قتلت نفسي عليه متى اشوفه متا اسمع صوته
( دمعت وتحاول تخفي دمعتها)
رشا:ييي من بين احاكي.
إيلاف:هاه ماقلتي.
خلود لاضحت عليها:إيلاف مال وجهش اقتلب لونه.
ايلاف:عن اذنكن بسير اشتري ماء
رشا قرحت ضحك:
خلود وإيلاف استغربين.
خلود:صرفوا مالش.
رشا بضحكه:الان تأكدت من طيور الحب.
إيلاف:وقلبها يدق ايش قصدش.
رشا:ولا بيخطب ولا بس اشتي اتاكد اذا تحبيه واتأكدت.
إيلاف انحرجت:قلعش ياجزززمه ياحيوانه.
رشا بتضحك.
خلود بتشوف لرشا:يعني الي في بالي ببالش.
رشا:بالضبط.
ايلاف بااحراج:مش احبه بس مدري كيف.
رشا:به مشاعر تجاهه وتفرحي اذا شفتيه يعني تحبيه بس اطمنش مصطفى يحبش ياخبلا .
ايلاف فررحت:صدق يحبني
رشا:به مشاعر تجاهه وتفرحي اذا شفتيه يعني تحبيه بس اطمنش مصطفى يحبش ياخبلا .
ايلاف فررحت:صدق يحبني ايش عرفش.
رشا:هو قالي بس لو يعرف قلت لكن بيكسر لقفي.
إيلاف براحه:يوووه فديتووه.
رشا وخلود ضحكين.
خلود:تفديه مره واحده.
إيلاف:بس بقلكن الحب هذا اشتي يضل بقلبي وقلبه بس لا تلماح ولا كلام بيننا ولا شي اشتيه حب طاهر نظيف والاهم محدا يدري غيرنا.
خلود:صدقتي والله الحب من بعيد لبعيد اجمل واطهر بس يعني ماتشتي حتى عهود وشذا يدرين هن عادي مايقلين لااحد .
إيلاف:لالا عادي انا اثق فيهن.
خلود:الله الله حركات قد العائله كلها تحب ماعاد الا البقرتين رشا وخلود.
كلهن ضحكين.
قاطعت ضحكتهن شذا:خير ياطير ليش تضحكين انا مدقدقه من المحاضره تيه الزفت وانتين تتكركرين.
جلست وحكين لها.
وهي تفاجأت وبنفس الوقت فرحت لهم ودعت الله يجمعهم على خير.
ايلاف:رشا شوفي هذك عينه بتدور عليش كل ساع.
رشا :وايش افعل له يعني.
خلود:هو هذا راشد صح.
شذا:ايوووه صح الرجال جالس مشخر تحمدي الله مكن امه واخته ماجلس يلعب ولا صارحش بحبه او اعجابه جا من الباب.
رشا بضحكه:ايش من باب لباب الصاله.
خلود:هو بيجي لباب البيت اصصصه.
وكملين مجبر.
بعد اسبوع مر من غير أحداث مهمه ورشا بدات تفكر براشد ويلفت انتباهها بالجامعه وريم تلمح لها في الواتس.
في غرفه رشا وشذا.
شذا:رشااااا ريم قالت انهي بتجي غدوه هي وامها عندنا بالبيت.
رشا بارتباك:ايوووه قد شفت في الجروب حن قالت.
ايلاف بضحكه:ايش احساسش امانه.
رشا بتفكر :ولا شي مدري كيف
شذا:سبحان الله هو نفسه الي كنتي ماتطيقيه ابدا ولا هو يطيقش بالجامعه.
ايلاف:ياخبلا هو كان كان الان كل شي تغير. (( ويدخل الحب بقلب كل شخص من غير اسباب ومن غير ان يطرق الباب ولا يوجد شخص لم يحب او لم يطرق بابه الحب فنحن بزمن لايخلو من الحب فقط القصص تختلف والأشخاص تختلف ويبقى الحب هو الأقوى قد يوجد من لا يحب حالياً ولكن مؤكد سيطرق الحب قلبه ذات يوم بذات لحظه بذات صدفه بذات سبب بذات نظره وتبقى الصدف هي الأجمل ❤ بقلميn_0 ))
اليوم الثاني عصر خلصت رشا لبست تنوره سودا طويله ساده وفنيله كم بيضاء عليها نقشه بالصدر وقصه انيقه رفعت شعرها بعشوائيه ووقع حالي فعلت روج خفبييف ومسكره بس.
وشذا لبست نفسها بس الفنيله لونها وردي ولفت شعرها لفوق.
شذا:الساعه 2ونص اعتقد قدهم جايين.
رشا: قد بخرت وجهزت كل شي.
شذا:وين إيلاف
شذا:وين إيلاف.
إيلاف دخلت:بخ.
رشا:عمرش طويل.
إيلاف:ايش كنتين تحشين عليا.
رشا ضحكت:قلنا إيلاف قرده وشوعه بس.
شذا:اسكتين للخباله فيسع انا بخرج اشوف لو امي تشتي شي وانتين اخرجين بعدي.
رشا:حاضر.
إيلاف مبتسمه:بيشوفوا هذا الحلا ويتقدموا على طول.
رشا:اشش للهباله مش ضروري انهم جوا عندنا يعني خطبه يمكن زياده تعارف.
ايلاف:ايييوه بنشوف.
بالعصر جت عندهن خلود وطلعت عهود واجتمعين بالمجلس وصلت ريم وامها ورشا حاسه بارتباك بس مش عارفه ليش.
سميره:اهلا وسهلا بام راشد وارحبي.
ام راشد:الله يحييك تسلمي الله يحفظك .
ريم فارحه سلمت عليهن ودخلين للمجلس.
في الغرفه.
إيلاف :قد جين يله ندخل.
رشا:يووو مدري ليش خازيه هكذا.
إيلاف بتضحك:هو النصيب يابعدي هيا امشي للخباله تيه.
دخلت رشا وايلاف والباقيات قدهن بالمجلس.
رشا وهي خازيه:اهلا وسهلا سلمت عليها.
فاطمه وهي مبتسمه ونظرها لرشا: يحييك ربي يابنتي.
سلمين على ريم وجلسين يتجابرين شويه.
شذا: عن اذنكن شويه وغمزت لخلود تلحق بعدها.
في المطبخ شذا:انتي دخلي الكيك وانا بدخل الشاهي وبعدين نرجع للحلا والعصير.
خلود:يله تمام اسبقي قدامي.
قربين واجب الضيافه ورجعين يتجابرين.
سميره:انتو من عدن قلتي صح بس من معاكم بصنعاء
فاطمه:ايوا نحنا من عدن من قبل موت ابو راشد نقلنا هنا عشان شغل ابو راشد مات الله يرحمه بقينا هنا واخي مايقصر معانا ابدا والان راشد يخلص الجامعه ويحصل وظيفه ويتزوج ونستقر هنا وكمان بنتي مخطوبه بصنعاني ومعي أصحاب بصنعاء كثير الحمدلله مرتاحين.
سميره:الله يسعدكم ويريح عليكم.
فاطمه تشتي تتحاكا بموضوع بس ماتشتي قدام البنات تحرج رشا.
فاطمه اشرت لريم وريم فهمت.
ريم:ممكن يابنات نروح مكان تاني نجلس فيبه لوحدنا.
شذا: اكيد يله بغرفتنا خرجين كلهن للغرفه وبقيت سماح وفاطمه وسميره.
فاطمه:من الاخر بقلك ياام مراد نحنا جينا لهنا عشان بنتكم رشا نخطبها لابني راشد بس اول انا بكلمك وانتي كلمي زوجك وان شاء الله بكره بيجي اخي وعم راشد لاعند زوجك .
سميره ماعرفت ايش تقول:والله مامعاكم الا كل خير نشوف البنت وابوها وان شاء الله خير.
سماح:هيا خزنين شرق.
عند البنات.
ريم بفرحه:والله انكن فله الصراحه افدي قلبو اخي عرف يختار.
خلود تشتي تسحب خبر:وايش اختار اخوش مافهمنا ايش دخل اخوش بمعرفتنا.
ريم انحرجت:ولا شي بس لانكم من نفس الجامعه حب نتعرف عليكن.
رشا:شلوه اخوش حن قد كان بيموتني.
ريم استغربت:ايش مافتهمليش.
حكين لها وهي استغربت.
ريم:اووه منوه مجنون كه يفعل مصايب بمقالبوه.
رشا:ضحكت لغج بس
*يتببع ...*
*تفاعل لنستمر بتنزيل المزيد [🩵]*