الفصل 20
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 20 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
سميره:اهلا وسهلا فوق عيني وراسي تعالي اجلسي معانا حياش الله.
شلتها لاعند سماح وخواتها وجلسين يتجابرين ويخزنين.
ريم جلست مع البنات وايلاف وخلود منتظرات تبعد منهن عشان يعلقين ع رشا ( احنا هكذا البنات اذا شكينا به خطبه لواحدة من شلتنا نجلس نفتحر من تتحاكا الاوله ونتشاور ونتباقص ونتكركر ونعلق ع الي بيخطبوها 😂) بنات خال رشا وبنات خالتها انضمين لهن يتجابرين وضحك ورقص وجنان شلت أرقامهن ريم عشان يتواصلين واتس .
الساعه عشر.
تلفون ريم بيرن شافت المتصل توام قلبي راشد.
ريم ردت وسدت اذنها الثانيه بيدها عشان الازعاج:الووووو.... هاااه...... مابتقول.... هاه حاضر حاضر بقلك وقت نخرج........ اقلك بطل دي الخباله بجي واحكي لك ( وتبهرر له عساس انهو يشوفها طبيعه بنات😹)
يله انقلع الان بنخرج ياكثير الهدره.
خلود وايلاف مركزات عليها بكل كلمه 😂.
ريم:يله يابنات اخي جا نروح تسلمين ع اجمل ليله معاكن حبيتكن من قلبي.
رشا ابتسمت:وانتي ما شاء الله عليش عسل ونورتينا بس عاده وقت زيدي اجلسي.
ريم:اخي جنني نروح يله استاذن منكن بنات شلت البالطوه وخرجت هي وامها للغرفه يلبسين.
خلود وايلاف متحمسات بضحكه ومره واحده:رشاااا اخت راشد.
رشا افتجعت من صوتهن:يو قلعكن والجنان فجعتيني مالكن.
خلود:راشد ياغبيه مكن امه وخته يشوفينش.
ايلاف بعدم صبر:اكيد يشتي يخطبش.
رشا مستغربه😳:ولا فهمت كلمه على واحدة واحدة.
شذا ركزت:اوووه والله صدق قالت ام راشد.
رشا فتحت لقفها وغمضت أكثر من مره وفتحت بسرعه.
مادراكن يمكن مش هو ويمكن فهمتين غلط.
ايلاف:فهمناها صح يا طحطوحه قد سالش بنت من انتي واحنا فهمناه غلط.
رشا سكتت شويه:تف عليكن انقلعين بس وقامت عند عهود.
شذا ضحكت:مستحيه ياسعم هيا عند عهود قدهي تتحلف لنا.
خلود:اكيد قد نفسها بتخرج ايش نتجابر وهي مش معانا كل شويه وسوت لنا نظرات تهديد نسير جنبها عند الكوشه.
عند ريم.
راشد:هاه كيف الامور.
فاطمه:الصدق ناس طيبين والبنت دخلت قلبي عسل.
ريم:اووه ع دا الاختيار البنت جنان.
راشد ضحك:الله يستر من الجنان يعلم الله كيف من غير مكياج مااضمن شوفتها بالعرس.
ريم ضحكت:صدقت بس يكفي طيبتها ولسانها عسل.
راشد:صدقتي اهم شي محترمه وطيبه وانا ومحمد سالنا عن اهل البنت ناس طيبين ومعروفين ومكنتكن للعرس عشان تشوفيها وحجه تتعرسين.
ريم:متى نتقدم نخطب.
راشد فارح :ان شاء الله بعد عرس اخوها على طول.
نرجع للعرس وقت الزفه دخل مراد تصورورا وقطعوا الكيكه لونها وردي جنان من لون الورد .
نرجع للعرس وقت الزفه دخل مراد تصورورا وقطعوا الكيكه لونها وردي جنان من لون الورد والكوشه وفساتين البنات طبعا فكره رشا التطقيم.
بقيوا الاهل تصوروا ورقص وجنان وتمت الزفه. 'وتروح الكل
دخلين عهود بالشقه الي تحت حق مراد وهي مرتبكه وقلبها يدق دخل مراد وزاد ارتباكها.
مراد فتح على وجها وحبها في راسها.
مراد مبتسم ويشتي يبعد ارتباكها ويضحكها:بسم الله عليش خلاص حسدت نفسي عليش حاليه مثلي.
عهود ضحكت بخزا. .
في الشقه حق ابو مراد رقدت عندهن ايلاف وصلين رقدين على طول من تعب العرس. .
يوم جديد للعرسان.
طلعوا لشقه وعهود خازيه خصوصا من مصطفى ومنير.
مصطفى:حيا الله باخي وبنت عمي.
عهود خزيت:الله يحييك
سميره حيا بالعرسان ليش طلعتوا الان رشا بتنزل لكم الصبوح.
مراد:متعود اصطبح معاكم وطلعنا.
رشا عوجت لقفها:مسكينه عهود زوجناه لواحد معه اعاقه في المشاعر 🌚العريس يجلس يصطبح مع مرته ويدوا لهم صبوح عرائسي للغرفه ورمسسه وخبر وانت شقه لك لحاله وعادك طلعت تزاحم.
كلهم ضحكوا وعهود خزيت وتبهرر لرشا.
شذا:ماعليكم منها اجلسو اصطبحوا وصبوحكم بطرحه تحتكم.
مصطفى بمزح:وين وين تحتهم مااكل الا من صبوحهم بلا مغالطه.
منير:وانا والكل والا العرس لكم والصبوح الحالي لكم واحنا لنا الله.
مراد ضحك:عوافي عليكم هيا اجلسوا نصطبح.
علي:ماعليك منهم شل صبوح وانزل تحت.
مراد محرج:لالا عادي.
علي:والله ماتنزل الا تحت تاخذ عهود راحتها قد اشوفها حمرت واتلونت.
كلهم ضحكوا
مراد:خلاص بعدكم ننزل ننزل.
رشا وشذا:واحنا شنزل الصبوح لكم.
نزلين الصبوح وطلعين
.
جلسوا ياكلوا مراد وعهود ويترمسووا ( ماعلينا منهم تعالوا نطلع لشقه الحاج علي وعياله😹 )
إيلاف في غرفه رشا حنبت ماقدرت تخرج لانهم بيصطبحو بالصاله.
رشا خلصت تقرب الصبوح وقامت:انا باكل مع إيلاف هي رقدت عندي.
علي:وليش ماتجي معانا.
شذا:هي تخزا من اخوتي.
مصطفى بفرحه:ليش تخزا من عيال عمها خباله قلي لها تخرج عادي.
رشا رفعت حاجبها الايمن:لا والله عمي مراد وابن عمي علي وعمتي سماح يصطبحوا وحدهم بنطلع انا وإيلاف عندهم نصطبح.
مصطفى عصب:ماهو ماهو مع من مع علي والله لااكسر رجلش.
رشا عوجت لقفها:حقك حق وحق الناس مرق سامج ومشت للغرفه وغلقت.
مصطفى خزي.
علي:محلل لبنت عمك انو عادي تكل معاكم لكن اختك مع ولد عمك لا خليك رجال وغيور على اختك وبنت عمك والا أكرمنا بسكوتك.
مصطفى زعل:هو انا كنت امزح معاكم والا بنت عمي الي مرضاه لاختي مرضاه لها.
مصطفى زعل:هو انا كنت امزح معاكم والا بنت عمي الي مرضاه لاختي مرضاه لها وقام من فوق الصبوح ودخل غرفته.
سميره:قومتوا الولد من فوق الصبوح وعاده مااكل الله يقلعش يارشا ضروري تحانكه وتجغر طبيعته.
شذا:اظن رشا ماغلطت.
رغد :يستاهل يشتي يشوف إيلاف انا عارفه.
علي:ضحك وبيتحيلا لها كلي سكته هيه ساع اخته.
منير بشكله الي يضحك:ناس تتزوج وناس تحب وانا جالس ارقد وادرس في المدعسه بنت المدعسه يالله ارزقنا من عندك.
علي:ياعاصي ماقصدك.
منير حس انه ودف:ولا شي ولا شي بين امزح افدي قلبك يابه ايش بتدي لي هديه نجاحي.
علي:اول نشوف النتيجه بعدين يصير خير.
منير:اكيد ناجح ومتاكد بامتياز اجتهدت اخر سنه عشان الجامعه انت داري اشتي احقق حلمي واوقع دكتور.
شذا:مااركنك دكتور مره واحده.
كلهم ضحكوا
ومصطفى في الغرفه بيفحس نفسه من كلام ابوه.
خرجت ايلاف من الغرفه بعد عرفت ان مصطفى مش في الصاله تشتي تطلع شقتهم:صباح الخير.
الكل:صباح الفل.
منير اول مره يشوفها:صباحش حالي مثلش يابنت عمي.
ابوه بهرر له.
منير:يو وانا ماقلت هي أكبر مني وساع اختي صح او لا يا إيلاف .
إيلاف خزيت وبنفس الوقت ضحكت على براءته:ايوه اكيد صح.
مصطفى سمع صوتها في الصاله وتبرقط:بتجابر منير الثور افف ليش لوما دخلت الغرفه خرجت ليش تتهرب مني اصلا عادي طز.
علي:اجلسي اصطبحي:.
إيلاف بابتسامه:عوافي على قلبكم بطلع اصطبح مع ابوي مايرضا يصطبح الا وانا معه واشتي عشان اساعد امي.
علي:تمام زي ماتشتي.
رشا:وين مصطفى مسرع قام.
سميره:حنق من الصبوح وانتي السبب.
رشا ضحكت:ماعليش خلي رضاه عليا.
إيلاف ابتسمت وطلعت.
دخلت غرفه مصطفى وبيدها صحن كبير فيه صبوح.
مصطفى لقا لها ظهره ضابح.
رشا وقفت قدامه :يووو من زعل اخي كسروا يده افدي قلبك والبرطامه تيه.
مصطفى:مش رايق لهذرتش اخرجي من عندي.
رشا:لاوالله شكل الموضوع كبير مالك.
مصطفى:ليش تتحاكي هكذا قدام ابوي ليش تصغريني قدامهم ليش.
رشا حست انه زاعل كثير:يووو انا فدالك والله مش قصدي وعد آخر مره.
مصطفى:تمام اخرجي.
رشا:انا فهمت ليش زعلت ومعصب عشان إيلاف سمعت والان خرجت ومنير موجود.
مصطفى بضبح:اشتي اعرف ليش انا تتهرب مني ليش منير ولد عمها وانا لا.
رشا ضحكت وعرفت انه يحبها :اهوووه الموضوع تطور اسمع هي تتهرب منك لان انت اكبر منها وهي بتخزا منك ومنير اصغر منها ومابش له مشاعر من ناحيتها عشان كذا عادي تقابله.
مصطفى:ايش قصدش بمابش مشاعر عندها ناحيته يعني لها مشاعر تجاهي انا.
رشا مبتسمه:يمممكن.
مصطفى فرح:يعني هي تحبني.
#يتبع...