الفصل 18
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 18 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
علي فارح :ماكنت متوقع يوقع معي اهل معاهم خير بس الغرفه مرتبه زياده ومشو ترتيبش هذا انا عارف تعطفي الملابس غير هذا.
إيلاف:ايوة خلود ساعدتني بغرفتك.
علي:ومن هي خلود.
إيلاف:بنت عمي ناصر.
علي:اها الله يجزاها خير.
في بيت راشد.
راشد:يمه خلاص قررت اخطب بعد كلامش.
امه فرحت:صدق اني فدالك عتدور لك احلا بنت.
راشد:البنت موجوده بس اشتي رضاش.
ريم غمزت له:موجوده هاه منهي.
راشد ضحك:لايروح بالك لابعيد والله حتا مش عارف منهي بس بسال.
ريم:وعادك مش عارف منهي قدك مجنون ياولد.
ام راشد:المهم تخطب اسال منهي والا بخطب لك انا ويمكن لان احنا من عدن مايقبلوش بنا خلينا نخطب بنت من قرايبنا بعدن .
راشد: واذا من عدن عادي وبعدين احنا بصنعاء من زمان واستقرينا هنا بصنعاء وخلاص بكره بسال عن البنت وان شاء الله خير يماه تصبحين على خير.
ريم:وانت من اهلو.
دخل غرفته بيفكر.
صباح اليوم الثاني وقت الاستراحه.
وكل عاده رشا سايره تشتري ومعاها خلود.
راشد بارتباك:وقفي لحظة.
رشا رفعت حواجبها باستغراب وطنشت ومشت.
خلود:ماله هذا بيداعي لو احد يشوفه.
رشا:مدري خليه يولي.
راشد وصل جنب البوفيه بارتباك:لو سمحتي بنت من انتي وايش اسمك.
رشا بعصبيه التفتت له:هي انت احترم نفسك باي حق جاي تسال انت جاي تدرس والا تقل ادبك هذي المره بعديها تنعاد حسابك عند المدير اقلب وجهك بس سحبت خلود ومشت.
راشد ابتلد من كلامها:مالها دي مجنونه من يفهم بقره اصلا انا الغلطان فكرت اتقدم لخادمه سار وهو معصب لاعند محمد.
محمد:هاه بشر بنت من.
راشد بضبح:اسكت اسكت لابارك الله فيك هزات فينا وكسرت جبهتي.
محمد ضحكككك:هههههه أسألك بالله ايش قالت.
راشد تذكر وضحك:قلدني الله اني استاهل في احد يسال بنت عشان يخطب شكلي خلاص هونت.
محمد:ماصدقت على الله توافق تخطب قلك هونت خليها عليا بعرف لك بنت من هي.
راشد:وكيف بتسوي والا تشتي ترجمك بصندل.
محمد ضحك:ماعليك مني.
عند البنات.
خلود بتضحك وتعلق على رشا:لو شفتين كيف الرجال ابتلد فجعته.
شذا:يستاهل لاذمتي.
ايلاف:نفس الشخص الي تصايحتوا عند البوفيه المرة الأولى صح.
رشا:ايوووه بالضبط وماعلينا منه واحد سامج.
عهود: انا اشوفه محترم وبعد حاله ومابيكلمش احد بس انتي مدري ليش.
خلود غمزت لرشا:يمكن وهو معجب .
رشا شخست:يخ لو اخر رجال .
عند محمد بيحاكي مراد.
محمد:لو سمحت من انت انا مشبه لك.
مراد:انا مراد انت من.
محمد:انا محمد ابن.... انت ابن من.
مراد:ابن علي ال....
مراد:ابن علي ال......
محمد:شكلي غلطان شبهت عليك العفو ياطيب.
مراد:عادي والله.
خالد:تفضل معانا صبوح.
محمد: عوافي تسلم .
عند راشد.
راشد:بشر عرفت.
محمد بيتهنجم:ايوه اكيد بنت علي ال...
راشد ابتسم:الله يقلعك ليش ماقلت لنا من اول عن طريق اخوها نعرف نزلت بوجهي وقت سرت اكلمها فهمت غلط.
محمد:عاد فكرت لو فيك خير كان فكرت انت من اول.
راشد😒:امش امش قدامي المحاضرات بتبدا.
محمد:تمام بس بتسال عن أهلها واخلاقها او كيف.
راشد:اكيد بسال واذا ناس طيبين امكن امي لابيتهم وبعدين خير.
وخلص اليوم ومرت الايام قليله واجت ايام الاجازه واستقبال عيد الأضحى والكل فارح فرحتهم هذي غير لان عمهم وعائلته معاهم.
واجا يوم العيد.
بوقت اذان الفجر.
رشا بتطابز منير:هيا صلاة قوم عيد.
منير:ناهي سيري وانا شقوم:
رشا:هاذي ثالث مره اجي والله مخرج الا بك ومسكته من اذنه.
منير قام بكسل:هيا قمنا.
سار يتروش ويلبس.
وخرجوا للصلاه كلهم
خلصوا يصلوا صلاه العيد والساعه تسع ذبحوا الذبيحه والكل كاشخ بيتهنجم باللبس اليمني كل الشباب .
عند البنات خلصين لبسين وبعدا تعودوا كلهم.
وايلاف أكثر واحدة فارحه اول مرة تعيد مع اهل.
اتصلوا لاختهم المغتربه يعيدوا عليها واخوان سميرة جزعوا سلموا عليهن وعاودوهن وخديجه ساروا اخوتها عاودوها
كلهم اتفقوا بعد الغدا يخرجوا يلووا
بعد العصر في الحديقه البنات بيمشين وحدهن والشباب وحدهم وعلي ومراد وناصر وحدهم وسميره وخديجه وسماح وحدهن بس خديجه كل كلامها مقارحه ومالها نفس.
إيلاف بتبسر مصطفى ومبتسمه وعهود محرجه اما شذا تبتسم بس كذب بوجود خالد يتلخبط جوها وفرحتها مع حزن. (ما اصعب حين تحب وترا من تحب ولكن الاقتراب ممنوع والابتعاد مميت والا صعب ان تتظاهر بالقوه بينما قلبك يموت) بقلميN_0
بعد العيد وزياراته وطلعاته رجعوا لدوام الجامعه والدراسه وايام اختبار مراد ومرت ايام اختباراته الآخر سنه معه وتخرج هو وعلي اخو إيلاف بعد اسبوع من تخرجهم.
خلود بفرحه :الحمدلله بشوفش عرووووسه غدوه العقد.
عهود:مسرع يوو مشتيش.
خلود:ع غيري قد عتطيري على حبيب القلب مراد.
عهود:ضحكت شلوش ذلحين ايش البس غدوه.
خلود:اليوم اتفقت انا والبنات نطلع السوق عشان نشتري لش فستان أنيق وخفيف.
عهود:بتخططين من وراي قلعكن هو انا العروسه.
خلود:سهل هو عشانش يله بخرج اقول لابوي قبل يخرج.
في الصاله.
خلود:يابه اليوم بنخرج السوق نشتري الناقص عشان غدوه.
ناصر:تمام ومن عيسيركن.
خلود:مدري بنشوف .
خلود:مدري بنشوف من.
ناصر:تمام على راحتكن.
خديجه:مابش سيره عاد العيد جزع البسين الحاصل ذي معاكن من العيد.
خلود:يو يمه انا فدالش قوا .
ناصر:سيرين اشترين وماعليكن قدهو فرحه بنتي عهود.
خلود:انا فدالك يابه وانتي يمه افدي قلبش خلينا نسير برضاش.
خديجه وهي زاعله:خلاص سيرين.
خلود فرحت:حبتها في راسها افدي قلبش.
بعد العصر خرجين البنات تسوقين كلهن ومنير معاهن ورغد مارضت تفلتهن سارت معاهن غصب عنهن ورشا تتحلف فيها.
اليوم الثاني بعد العصر بيت ناصر ملان نسوان اهل خديجه وسميره وسماح والجيران.
في غرفه عهود خلصت لبست واتجهزت.
شذا باعجاب:هنيت لااخي وقعتي قمر.
عهود بخزا:تسلمي هن عيونش.
كانت لابسه فستان احمر ضيق من الصدر والخصر ومنفوش من تحت وشعرها فردته ولانه طويل طلع حالي ومكياج خفيف قوي.
رشا:هيا نفعل لش زفه.
عهود:لالا وخري من قبال وشي زفه من الان مشتيش للعرس ونزتف كلنا.
كلهن ضحكين.
دخلين للديوان والنسوان ملان سلمين وجلسين يضحكين ويتجابرين وعهود خازيه وقلقه.
بعد صلاه العشاء
رشا:هيا خلصنا نصلي نرجع الديوان قبل ما يعقدوا الان بيعقدوا
عهود ارتبكت:يوو مسرع بيمشي الوقت هاتي لي شال اسود البسه.
رشا:شال ايش قدهو زوجش بلاها الخباله تيه.
عهود:بالبس غصب بعدين ماقدهوش زوجي الان.
سمعين صوت الرصاص والالعاب الناريه والصفير والضجه.
شذا:يوو عقدوا واحنا بالغرفه هيا للديوان امي عتبهذلنا.
عهود بهررت وارتبكت ماعرفت كيف تلبس الشال وترجف.
سميره دخلت تصيح:هيا الخباله تيه النسوان بيقلين فين العروسه.
خرجين للديوان وكلهن بيباركين لها وهي مربوشه.
عند الرجال.
خالد:الف الف مبروك يانسيب.
مراد الابتسامه شاعطه وجهه:عقبالك يارب.
خالد تنهد:وسكت.
مصطفى بيحبب مراد:الف الف مبروك ياحيد اخوك وعقبالي قريب.
كلهم ضحكوا
خرجو الرجال وبقيوا الاهل.
دخلو اعمامها وابوها وخالد يباركوا لها وهي خااازيه.
ناصر:احنا عنخرج ومراد يدخل خاطركم.
خلصوا باركوا لها وخرجوا وشذا تحاول تتجاهل خالد مع ان خالد عيونه بتدور عليها.
دخل مراد وهن بيحجرين وخديجه غاثيه.
عهود منزله رأسها وحست انها داخل نار وحما.
جلس جنبها في الكرسي.
مراد:الف مبروك ياقلبي.
عهود زاد سمعت كلمه قلبي وارتبشت😹:وانت مبروك.
مراد ضحك:الناس بيقولوا الله يبارك فيك والف مبروك عليك زواجنا.
عهود دوخت:وسكتت.
مراد:ما شاء الله والحلا.
رشا قاطعته:هيا لبسها جالس مشخر تتضحوك.
قربت من عهود سحبت.
يتبع ...
*تفاعل لنستمر بتنزيل المزيد [🍁]*