الفصل 17
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 17 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
وعلي وناصر وخالد ومراد ضربوا مجازن رصاص عشان رجعت مراد لهم.
دمع مراد ابو إيلاف من الفرحه وايلاف بكت.
كل الناس الذي بالشارع مستغرين.
واحد من الحارة:ايش معاهم اليوم مابش عرس صح.
الثاني:سمعت ان اخوهم الي كان ضايع رجع.
دخلوا ورحبوا بهم والرجال دخلوا مجلس الرجال الي بالدور الأول.
إيلاف وامها طالعات وخازيات.
استقلبينهن كلهن بالبخور وبيحجرين.
إيلاف حضنت رشا وتبكي وتسالمين كلهن.
سميره:وارحبي اهلا وسهلا نور البيت ياام وضحكت ايش اسم ابنش.
سماح بابتسامه:ام علي ما شاء الله هولا بناتش الله يخليهن.
رغد:وانا ياعمه احلا واحده صح.
سماح تتحيلا لها:اكيد احلا واحده انتي
رشا انتبهت لاايلاف :يو ليش وجهش وارم ياايلاف.
سماح ضحكت:من الصبح وهي تبكي وتضحك لو احد يشوفها بيقلوا مجنونه.
شذا:الله لا يغير علينا حال ونضل مجتمعين وأهل.
دخلين جلسين بعد ما خلصين يفعلين الغدا يتجابرين والرجال ساروا يصلوا الجمعه والبيت كلهم فارحين
بعد العصر جالسات سماح وسميره مخزنات.
والبنات بيضحكين ويذكرين مواقف المدرسه.
والرجال في المجلس مخزنين.
الشباب اتفقوا يخرجوا.
مصطفى:بعد اذنكم احنا خارجين نلوي.
ناصر:وين عتسيروا الان.
خالد:نلوي معاليكم مابنتاخر ان شاء الله.
ابو مراد:انتو أخبر.
استاذنوا وطلعوا كلهم يتمشوا وعلي حاس بفرحه كبيره لقي أهل وأصدقاء بيوم واحد بعد ما كان وحيد..
علي:يامراد ان شاء الله بعد اليوم تنقلوا اغراضكم وتسكنوا في بيتنا.
مراد:لا لاعاد نثقل عليكم والا شي شوفتكم عندي تسوا الدنيا بكلها.
ناصر:ايش من ثقل لو مايوسعكم البيت فوق روسنا.
مراد:الله يسلم راسك.
علي تنهد:لو عاد ابوي وامي عايشين كم عيفرحوا برجعتك كم تمنوا ترجع ابوي بعد ما رحت حس بندم ونقهر ودورنا عليك بصنعاء ومالقيناك وامي مرضت 'وماتت بعد فترة قصيرة.
مراد دمع:الله يرحمهم ان شاء الله انهم راضيين عليا.
ناصر:لا تهم شي والله انهم راضيين عليك وابوي كم دور عليك وكم حزن بغيابك خصوصًا تدري انت كنت المدلل حق العائله كلها بحكم انك الصغير والكل يحبك كثير بس نصيب وكانت ساعه غضب وطردك وانت ولاعاد رجعت .
مراد حس بررراحه ماحس فيها من سنين وبنفس الوقت بزعل : الحمدلله انهم راضيين اهم شي واذا عن ساعه غضب حتى انا كنت مقهور لانه هانني قدام الناس وانا احب سماح ووعدتها اتزوجها ماقدرت اتخلا عنها.
علي:خلاص انسى الماضي اهم شي انك بخير هاه ماقلت لي تجوا تسكنوا عندنا.
مراد:بس.
علي قاطعه:ولا بس ولا بسباس انتو
مراد:بس.
علي قاطعه:ولا بس ولا بسباس انتو بالطابق الثالث عتجلسوا لان الغرف فيه أكثر من الطابق الأول وبعدين هذا من حقك وعاد الورثه حقك موجودة بعد ما تقاسمنا ابي كتب باسمك مثل ماكتب لنا وان شاء الله لو تشتي نبني لك بيت قلت لنا .
مراد:مابش بيننا فرق انتو والا انا واحد واذا عن البيت هو بيتك انت وعيالك وبعد فترة ان شاء الله اعمر لي بيت.
علي:من العيون بااحلا مكان واكبر أرض
ناصر:لو بيتي انا كبير حرام مايجلسوا الا عندي بس يله حظك ياعلي.
علي:سهل احنا بحارة واحدة وانت يامراد كلم ام علي تجهز نفسها وغدوه وانتو هانا تنقلوا
مراد:ان شاء الله.
وجلسو لاقبل المغرب.
مراد دعا سماح وايلاف للصاله.
سماح:كان مكنت جاهل يدعينا بدال ماتطلع انت تعب عليك انت أسبق واحنا الان عنجي.
مراد:ماطلعت عشان ادعيكن نروح بس اشتي استشيركن علي اخي قال نسكن ببيتهم بالطابق الثالث بيتهم كبير وفاضي الطابق.
ايلاف بفرحه:صدق نسكن هانا.
مراد:ايوة لوما نعمر لنا البيت ان شاء الله.
سماح دمعت:اللهم لك الحمد ياربي عوضتنا.
إيلاف فااارحه:اخيرا برتاح اخيرا نخرج من الشقه والحاره هاذيك.
مراد:يله البسين نروح عشان نجهز الي نحتاجه وغدوه نجي هانا واخي قال انو الطابق مفروش كامل ولا ندي الا الي نحتاج وبس.
سماح:احسن اصلا كل الفرش حق الشقه قدهو شمات.
دخلين يلبسين وفارحات.
سميره:الحمدلله تجو نتوانس فارحه بش ياسماح.
سماح:الله يحفظكم يارب تسلمي.
رشا:لكن اسمعين من الان كل يوم تنزلين عندنا.
إيلاف:وليش ماانتين تطلعين.
كلهن ضحكين:
رغد:ايوة تضاربين يا عاقلات.
ايلاف:ضحكت فديت الخجمه تيه.
رغد:عيونش حلوات ياايلاف وحتى اسمش حالي.
رغد:انتي كل الحلا ياقلبي.
رشا عوجت لقفها:سبحانه وانتي لا تقولي ان لون عيوني مثل الدمه هن عيونها مثل عيوني.
رغد:كيفي مالش دخل.
سماح:ما شاء الله على بنات هاذي الايام لقنات.
سميره:هي ومنير ساع الطبان مضرابه كل ساع.
سماح:الله يخليهم لش
خلصين لبسين وخرجين وصلت إيلاف فارحه وتخرج أغراضها الذي تحتاجهن والكل بيخرج ويرتبوا
في صباح الصبح وايلاف اصلا مارقدت من الفرح تجهزت للجامعه وخرجت بكل نشاط مع انها مارقدت بس فرحتها وحماسها خلوها نشيطه.
دخلت الجامعه وهي فارحه وحكت لسوسن كل شي.
سوسن:الله يسعدش والله فرحت لكم من قلبي سبحان الله والصدف.
دخلين البنات وتسالمين.
في وقت الصبوح مثل كل يوم.
راشد شافها وابتسم.
محمد:ايش بك معلق لقفك قدهو سافي.
راشد:الحمدلله انها بخير ولازم اعتذر منها .
عند البنات.
رشا:يله إيلاف.
رشا:يله إيلاف نشتري قبل الزحمه.
ايلاف:اوك.
وهن بيمشين راشد: لحظه لحظه.
ايلاف ورشا بهررين.
راشد:اشتي اقلش كلمتين بس.
رشا بعصبيه:خير
راشد:انا اسف.
رشا باستغراب رفعت عيونها له وركزت على نفسها ورجعت تشوف للجهه الثانيه:ع ايش ان شاء الله.
راشد:ع الثعبان والله ماكنت عارف انهو مسمم وحبيت بس افجعش.
رشا بعدم صبر:كنت شاكه انهو انت بس حصل خير ومشت.
راشد( مغروره ماعتذرت على الماء البارد 😒)
مشت خطوتين ووقفت وهي ملقيه له ظهرها:وانا كمان اعتذر عن الماء البارد.
راشد ابتسم:بس محدا يعتذر وهو مقفي ظهره.
رشا بعدم صبر:امشي امشي قبل ارتكب جريمه فيه.
سمعها وضحك: مجنونه.
ايلاف:يو علا جريء يوقفنا بنص الجامعه لو علي والا اخوش يشوفه لا يقطعونا معه وبعدين هو سبب الثعبان قليل عقل .
رشا:ماعليش منه واحد من الذي يحبوا مجبر البنات.
اشترين وتمين ياكلين.
عند راشد.
محمد:ايش بك مشخر وفارح.
راشد:اعتذرت لها وهي اعتذرت لي بس شكلها مغروره ومجنونه.
محمد:اشوف فيه تغيرات ماعاد قلت لي على هذك الموضوع اقنعت امك والا ماشي .
راشد:ماشي تشتي اتزوج والا اتزوج اقلها لوما اخلص الجامعه باقي بس هذي السنه تقلي اخطب على الأقل خطبه اشتي افرح فيك.
محمد:من حقها مامعاها الا انت وتشتي تفرح فيك.
راشد:افعل ساعك اخطب واجلس سنين مايعجبنا الخبر ذيه.
محمد:ياخي جرب الحب والله انو حالي اخطب وحب.
راشد كشر:قليل ادب تقول تحب اختي قبال وجهي.
محمد:ضحك خطيبتي وانا حر ريم حقي انا حر فيها حبيت وخطبت من وقت شفتها صدفه ببيتكم عجبتني .
راشد خفعه بالملزمه:اسكت اسكت ابرك لك.
محمد:ايش رايك تخطب المجنونه هاذيك واشر لرشا.
راشد رفع حواجبه:المجنونه هاذيك ماعرفش حتى اسمها بعدين كارهتني وانا ماكنت اطيقها.
محمد:قلت كنت يعني فيه تغيرات بتعرفه وبتعرف منهي انت بس قرر وبعد الكراهيه يقولوا حب .
راشد:تتحاكا كانو صدق.
محمد:ايوة والله انو صدق اشوفك معجب بالبنت.
راشد سكت شويه وضحك والله انك جبتها.
بعد العصر كملوا نقلوا بيت ابو إيلاف.
إيلاف بتدور في الغرفه:هذي الغرفه عتكون حقي مش مصدقه.
سماح تضحك:قري ياقليله الولف.
وصلين البنات تسالمين. تقاسمين العمل وماخلين سماح تفعل شي ونزلت عند سميره .
شذا:وانتي ياخلود عليش غرفه علي.
خلود:تمام.
خلصين رتبين الملابس في الدواليب هن وخلود وشذا ورشا.
في الليل
علي فارح :ماكنت متوقع يوقع معي اهل معاهم خير بس الغرفه مرتبه زياده ومشو ترتيبش هذا انا عارف تعطفي
يتبع ...
*تفاعل لنستمر [🐥]*