الفصل 16
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 16 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
شذا ورشا بصوت واحد:صدق.
شذا:وليش ماقلتو لنا ان معانا عم اسمه مراد وليش مانعرفه.
رشا بفرحه:إيلاف يعني بنت عمي.
سميرة: اكلتني انا بقلكن القصه كلها.
رغد:قولي لنا يله.
سميره : بحكي لكن القصه من قبل اتزوج قبل أكثر من خمسه وعشرين سنه وانا عاد انا عزبه كانت معي صديقه وهي بنت جيراننا انا وهي مانفترقش ابدا نسير الوادي مع بعض ونسرح ونروح مع بعض دائما واحنا مانفترق كنت اعتبرها أكثر من اخت وهي نفس الشي ومانخفيش على بعض اي شي .
شذا:وبعدين.
سميرة :بعدين هي كانت تحب واحد وانا عارفه انها تحب بس مش عارفه منهو الي تحبه لانها هي نفسها مش عارفه ابن من هو بس كانت تشوفه وقت يجي مع ابوه يشتري من المزارعين واحنا بالمزرعه تعرفين زمان كنا عايشين من خير الوديان بس انا ماشفته ولا مره بس اسمع .
شذا :كملي ايش عاد
سميره:بعدين تقدم ابوش يخطبني وكنت فارحه بالخطبه لاني عاد انا صغيره وتم كل شي وصديقتي كانت فارحه معي
بعدها بيوم العقد وقت شافت علي جن عقلها لانه طلع علي نفسه الي تحبه وزعلت مني لاني وافقت على الزواج وخاصمتني وقاطعتني وقالت عني كلام مع اني ماكنت عارفه انهو نفس الشخص الي تحبه ووقت عرفت زعلت بس خلاص قدهو زوجي وقبل عرسي كانو بيدوروا عروسه لعمش ناصر وبعدها قلت لعمتي ام علي بصديقتي خديجه وخطبوها وتم كل شي ووقع عرسنا اثنتين مع بعض.
رشا طننت:اهااا الان فهمت ليش عمتي خديجه تكرهنا كلنا.
سميره:ايوة هو هذا السبب وزاد عمتي ام علي كانت تحبني أكثر ومقربه لها أكثر وخديجه كانت تغار وحقدت علينا.
شذا:ايوة وعمي ايش قصته.
سميره:عمكن مراد كان الصغير وقت تزوجت عمره 19 سنه وحب بنت جيرانهم الي هي ام إيلاف بس جدش رفض والسبب انهم مش من قبيلتهم وحاول عمش كثير بس جدش والكل رااافض وبعدها تزوجها غصب عن الكل وعقد لهم جد البنت الوحيد الي كان راضي بزواجهم وصارت مشاكل كبيرة وجدش طرد عمش وماقبل بزوجته والسبب كلام الناس وحتى اهل البنت كانوا رافضيين وتخلوا عن بنتهم لانها دعست كلمة الكل واتزوجته وبعدها عمش من يوم يومه اختفى هو وزوجته ام إيلاف.
شذا بحزن:اوووه وكيف حبها يمه.
سميره:كان معه محل عمش مراد وهي سارت تشتري وشافها وبعدها حبها وعمتش هي ذي وصلت بينهم
ملاحظه( عمتهن الي متزوجه ومغتربه ومابش لها دور كثير بالروايه)
رشا:قصتهم قصه المهم التقوا وبنعرف عمنا..
نرجع لبيت ابو إيلاف
علي فتح:اهلا وسهلا بكم مراد ومصطفى وخالد اعرفكم بالجامعه صح تفضلوا تفضلوا.
علي ابو مراد :هذي شقه مراد ال..
علي اخو ايلاف:ايوه ايوه وانا ابنه الكبير علي.
ابو مراد دمع وحضنه بقوه.
علي اخو ايلاف:ايوه وانا ابنه الكبير علي.
ابو مراد دمع وحضنه بقوه.
ونصر حضنه بعد أبو مراد.
علي مستغرب ليش حضنوه هكذا وسلم على الشباب ودخلهم. .
علي والدموع في عيونه ياحيد اخوك يامراد.
ابو إيلاف سمع الصوت والتفت اول ماشافهم وقف ودموعه نزلين.
علي حضنه بقوه وبيتسالموا ويبكوا.
علي اخو إيلاف متفاجئ ومش فاهم منهم.
مصطفى حرك يد علي مستغرب صح ياولد عمي كلنا مثلك.
علي ركز على كلمه ولد عمي:ايش ايش ابن من.
إيلاف جالسه تتشاقر من باب الغرفه.
إيلاف:يمه بيتحاضنوا ويبكوا مالهم.
امها دق قلبها وشكت:صدق ومنهم اسكه بعدي شويه.
علي بعد ما عرف حضن عمومته وعيال عمه والدموع بعيونه والدنيا مش سايعته من الفرحه لطالما حلم يكون عنده أهل.
بعد أحضان الشوق لاخوهم الي فرقتهم الدنيا لأكثر من خمسه وعشرين سنه جلسوا وكل واحد مش عارف ايش يقول من الفرح.
علي:وين انت تفعل بنا هكذا خليتنا ومشيت.
مراد:بعد ابوي طردني حسيت ان قد انا مكسور بعدها سافرت عدن انا والمره وعشت هناك ثلاث سنوات وبعدها رجعت القريه وماعاد لقيتكم قالوا نقلتوا للمدينه قبل شهور والمدينه كبيرة سألت ودورت ومالقيتكم وشاءت الأقدار تجمعنا اليوم والحمدلله.
ناصر:مابش شي قاهرني أكثر من انكم عايشين في هذه الشقه.
مراد:تنهد الحمدلله على كل حال المهم عايشين ولقيتكم قبل ما اموت.
خالد:بعد عمر طويل ان شاء الله.
علي اخو ايلاف:اختي وانا دائما نحلم يكون معنا اهل والحمدلله.
علي ابو مراد:وينهي نسلم عليها.
علي فااارح:الان ادعيها شفعل لها مفاجأة بس اشتي منك ياعم علي وعم مراد تجوا معي للغرفه الثانيه انتو وابي.
ناصر مبتسم:يله مشينا.
عند إيلاف:ليش طولوا هكذا ايش الموضوع.
امها:اسكتي اقلقتيني ساع الذي بتحس.
ايلاف بتحاكي نفسها:ايش مع مصطفى وأهله هانا وايش الموضوع اففف.
قطع تفكيرها اخوها علي:إيلاف تعالي.
امه طارت لجنبه:منهم هاذولا الناس وايش يشتوا
علي:شويه وجي سحب إيلاف من يدها وخرج معاها.
دخلها للغرفه.
إيلاف شقهت وغطت وجها:علي مالك للجنان منهم هولا.
ابوها:هاذولا هم اهلش الذي ازعجتينا بهم اهلي اشتي اهلي.
إيلاف ما استوعبت:فتحت وجهها اييش.
علي:ايوة هولا هم اعمامي اخوان ابي وعيالهم عيال عمومتي.
ايلاف دموعها تنزل من الفرح ومش مستوعبه:كيف ومتى يعني رشا وشذا وخلود وعهود ومص
( تشتي تقول مصطفى وغيرت الكلمه)كلهم عيال عمي.
ناصر بضحكه:ايوة ايوة والا مش عاجبينش.
ايلاف قرحت بكا وبتسلم عليهم ومش مستوعبه.
دخلت إيلاف عند امها بتتطمر من الفرحه وتبكي وتضحك الفرحه كانت أكبر من انها تستوعبها.
امها بخوف:يووو مالها بنتي ياعلي مافعلت بها جننت والا ايش.
علي:بيضحك ولا جننت ولا شي بس اعاقه بالمشاعر وحكا لها عن عمومته.
امه فرحت:اللهم لك الحمد ياربي قلت لكم ياعيالي لا تيئسو بعدالصبر فرج.
في المجلس.
علي اتصل لسميره تسوي غدا بيعزم أخوه.
علي:غداكم كلكم عندنا اليوم.
مراد أخوة:الله يكرمك ويكثر خيرك لاعاد نثقل عليكم وو..
قاطعه علي:ولا تكثر ولا اسمع كلمه انت اخوي مايصلح هذا الكلام والبيت بيتكم هيا قول للنسوان يتجهزين وبعدين امكن واحد من الجهال يرجع لهن.
مراد:خلاص زي ماتشتي.
علي:وانت ياناصر معزومين كلكم.
ناصر:ان شاء الله يله تحركنا للشغل تاخرنا كثير والبضاعه اشتي اسلمها اليوم الزبون منتظر من ساعه.
كلهم تسالموا وخرجوا
إيلاف فارحه ماعرفت ايش تختار تلبس وحلم حياتها تحقق وحست انها خلاص بتدخل لعالم السعاده.
بيت ابو مراد.
سميره وبناتها بيفعلين الغدا وسارت خلود تساعدهن وعهود ماسارت لانها بتخزا وخديجه رفضت تسير خالص .
البنات فارحات بعد ما عرفين القصه ومصطفى كل شويه وجاب شي للبيت ويسأل ايش ناقص ومتكشخ باللبس الصنعاني والزنه.
شذا:من بيتصل يمه.
سميرة:خالتش نور تقول معزومين عندهم اليوم عيسيروا عندها ضيوف واعتذرت لها.
رشا:ماجت الا اليوم تعزم تسلم كان تعزمنا من حن كنت ادور أخرج من البيت.
شذا:سوي عملش وانتي ساكته للهدره.
سميره:ياعيبتها عهود ليش ماجت.
خلود:هي بتخزا مارضيت بعدين العرس بعد شهر وتجي عندكم لوما تملوا
قاطعهن صوت مصطفى.
مصطفى:يمه متأكدة ماعاد شي ناقص.
سميره:لالا ازعجتنا سير دور لك مهره وعمل.
مصطفى:لو به شي ناقص اتصلي خاطرش بسير عند ابوي لو احتاج شي .
قبل الظهر في المصنع.
علي:ياجهال من عيسير يدي بيت عمكم وانا أسبق للبيت.
مصطفى اشتبح:انا انا الان اسير.
وصل باب البيت بيضرب هون السياره بقوووه.
خرج علي :يامجنون سمعت بنا الحاره.
مصطفى خزي:بس فارح واشتي نسير بيتنا بسرعه.
علي:الان بس دقايق وينزلين قدهن متجهزات من وقت رحتوا فارحات ومستعجلات ساعك بس اخرهن ابوي لانه خرج لشغله ورجع يتجهز.
نزلت إيلاف مع ابوها وامها وهي مش مصدقه حاسه انها بحلم من الفرحه ركبت السياره خلف مصطفى وامها وعلي جنبها وابوها ركب جنب مصطفى وطوال الطريق ومصطفى يهذر ويضحكهم بس إيلاف كانت مركبه صامت ومعلقه على الابتسامه.
وصلوا باب البيت.
وعلي وناصر وخالد ومراد ضربوا مجازن رصاص عشان رجعت مراد لهم.
يتتبع ..
تفاعل لنستمر بتنزيل المزيد 🔥