الفصل 15
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 15 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
بعد اسبوع اتحسنت رشا ورجعت الجامعه.
رشا وهي داخله الجامعه اشتقت للجامعه.
راشد شافها وفرررح وحس براحه:البنت جت.
محمد بضبح:طفشت روحي مالك فارح تقول شايف حبيبتك رجعت من الحرب.
راشد:ياخي لاعاد ليلي ليل ولا نهاري نهار خايف اكون السبب بشي للبنت.
محمد:وربك ستر وبطل جنان ومجهاله.
راشد:ان شاء الله ولاعاد اعيدها.
رشا شافته ودق قلبها بس ضبحت.
بعد ما البنات خلصين محاضرات.
رشا:إيلاف تروحت صح نسيت دفترها حق المحاضرات الغبيه.
خلود:سهل غدوه رجعيه لها.
رشا:خخخ ذكيه غدوه جمعه.
عهود:ههههه جبهتش دوريها.
خلود:خباله ومشت منهن بضبح.
شذا ضحكت:مالها رجعت حساسه زياده.
عهود:ماعليش منها أحيانا تقلب صورة ساع الخادم.
بصباحية الجمعة......
علي:وين البنات يصطبحين.
رغد:مارضين يقومين نوووم.
سميرة :كم جهدي اقوم من غرفه لاغرفه جالسه ادور مايقوم الا مراد الله يرضا عليه .
مراد:ابتسم:سهل خليهم يرقدوا اجازه.
علي قام:بس دقايق وكلهم فوق الصبوح.
دخل لمنير بهيبه:يامنير.
منير بكسل ونوم:هاااه ركز للصوت وهو انتفض ايوه ايوه يابه قمت بس دوخت ورجعت انسدح ولا قد قمت زمان.
علي كاتم ضحكته:يله بعدي.
منير وهو يتقعم:حاضر.
ومصطفى سمع صوت ابوه وخرج بسرعه.
علي دق باب البنات:ياشذا يارشا.
قامين يفحسين عيونهن.
رشا:ادخل ادخل.
دخل وهي جالسه تربط شعرها فوق السرير.
شذا قامت حبت راسه:صباحك ورد.
علي:يسعد صباح الكسلات هولا هيا صبوح مايهنا لي الا واحنا نصطبح كلنا بعدا كثر النوم مشو حالي.
رشا:حالي وحامض.
علي شاف الدفتر فوق حقهن الطاوله للمذاكرة وشله يشتي يفجعها انه بيرجمها.
علي:تتليقني على ابوش هاه.
رشا تضحك:خلاص خلاص اخر مره توووبه.
علي بيضحك يشتي يطرح الدفتر لفت انتباهه الاسم مسك الدفتر باهتمام وضحكته اختفت بصدمه.
علي:رشا شذا حق منهو الدفتر هذا.
رشا استغربت من علامات وجه ابوها:حق صديقتي من الجامعه ليش ايش فيه.
علي:بنت منهي صديقتش.
شذا عقدت حواجبها:تصدق ماجا على بالنا نسالها بنت منهي من قريب تعرفنا عليها .
علي:كيف تدرس معاكن ومش عارفات بنت من هي.
رشا:ايش فيك تلون وجهك الوان هي تخصصها غير تخصصنا وبس نلتقي بساحه الجامعه بس وما اعرف بنت منهي.
علي:اسمها إيلاف مراد قاسم ناصر ايش اللقب مش مكتوب الا إلا والله انهو هو.
رشا وشذا مستغربات.
شذا مستغربه :اسم اهلها نفس اسمنا.
علي دوخ وجلس ومش مصدق نفسه.
شذا ورشا افتجعين ومسكنه.
رشا بصوت:ابه مالك فهمنا.
سميرة سمعتهم وقامت والكل قام بعدها.
مراد:مالك يابه.
علي:اتصلي للبنت الان وقولي لها ايش لقبهم بسرعه.
سميرة:منهي البنت مالك.
رشا:رصيدي خلص بالليل.
علي:من منكم معه رصيد بسرعه.
مصطفى باستغراب:انا معي بس فهمنا.
علي:هات تلفونك شله ناول رشا اتصلي.
رشا ومش مستوعبه شي ولا فاهمه :حاضر شلت رقم إيلاف بتسجله.
بيت ابو إيلاف.
فوق الصبوح تلفونها بيدق.
ابوها مراد:من بيتصل من صبح الله.
اخوها علي:اكيد صحباتها النسوان ناقصات عقل.
إيلاف:هات لنا من عقلك ياعاقل.
شافت الرقم غريب ياعلي الرقم غريب رد انت يمكن احد غلطان .
علي رد:الووو.
رشا عجمت:ااء ا لو سمحت هذا رقم إيلاف.
علي:ايوه ناول إيلاف التلفون :صوت بنت ياخبلا.
ايلاف قامت من فوق الصبوح وجلست قريب منهم لحد بيسمعوها :هلا من؟ .
رشا:هو انا رشا.
إيلاف:صباح الخير ليش غيرتي رقمش.
رشا:بسالش بنت من انتي ايش لقبكم.
ايلاف استغربت:داخله مدوخه اول الناس يسلموا
رشا بعدم صبر:إيلاف لو سمحتي بسرعه بنت من
مصطفى بهرر: ايلاف ليش يسأل عنها ابوي غريبه
ايلاف:بنت مراد قاسم ناصر حميد ال.... رشا فتحت لقفها باستغراب.
ايلاف:الو.
رشا:بعدين اكلمش وسكرت.
إيلاف مستغربه:مالها تيه وليش سكرت وليش تسأل.
امها:منهي.
إيلاف:واحدة من الجامعه وقربت تكمل صبوحها وهي الف سؤال براسها.
علي:ليش بتسال بنت من انتي.
إيلاف:مدري والله.
علي:وكيف تدي اسمش لاي احد وماتعرفي ليش.
إيلاف:عادي ويش فيها البنت طيبه.
نرجع لبيت علي.
علي:ايش قالت بنت من تحاكي.
رشا وهي مطننه:إيلاف مراد ال.....
سميرة بهررت:بنت مراد.
علي تنهد وابتسم اتصلي لها.
منير بضبح:جالسين نلعب قلك اتصلي قلك هاه قلك إيلاف هيا فهمونا.
مراد:أكرمنا بسكوتك احسن.
رشا:ايش اقلها.
علي:اساليها وين ابوها.
إيلاف شافت الاتصال مره ثانيه:مالها تيه اليوم.
ام إيلاف :شكلها مابش معها لامهره ولا عمل.
إيلاف ردت:هلا بر.
قاطعتها رشا:فينوه ابوش.
إيلاف عيونها بتدور حول ابوها واخوها وامها ابوي ليش.
رشا:ياكثر اسالتش والله ردي وبس.
ابو إيلاف بياشر بيده ايش فيه.
إيلاف اشرت له بلحظه:
ايلاف:ابوي موجود خير.
رشا:يابه تقلك ابوها موجود.
علي فرح اللهم لك الحمد :قولي لها تقله لا يخرج بسير له الان.
إيلاف وهي تسمع كلامهم مستغربه.
رشا:قولي لاابوش.
قاطعتها إيلاف:قد سمعته تمام بقول له بس ايش في ايش يشتي من ابوي.
رشا:عساس انا فاهمه شي المهم باي شارع بيتكم.
إيلاف تنهدت:احنا بشقه ايجار بشارع..... جنب محلات... الشقه رقم....
رشا:تمام مع السلامه وسكرت.
إيلاف عصبت:مالها هذه تسكر قبل ارد.
ابوها مراد:منهي وايش الخبر.
ابو إيلاف:ايش الخبر.
ايلاف:والله مدري بس تقولي ان ابوها بيجي للبيت الان.
علي:ومنهو ابوها وليش يجي البيت الان.
ايلاف:ليش وانا عارفه شي علمي من علمك.
ام إيلاف:غريبه والله كيف لوما يجي هذا الوقت الان الساعه سبع ونص.
مراد:يعلم الله انا بنتظر شويه اشوف ايش الخبر.
علي:والعمل.
مراد ضحك بسخريه:عساس الشركه حق ابوك منتظره مننا توقيع مهم هو الا شغل يوم ويومين لا كله على الأرزاق سهل نتأخر شويه.
علي☹:انت أخبر وانا بعدك مااخطي الا لوما اعرف ايش يشتي هذا الرجال بهذا الوقت🤔.
نرجع لبيت علي
علي:يله ياعيال كلكم غيروا اخلص اغير وانتو قد لبستوا.
مصطفى:اين نسير.
علي:مش وقتكم البسوا وبس.
منير 😢😥:اول نصطبح انا جاوع.
سميره:هيا اخطي الله يرضا عليك وبجهز لك سندويتش تأكله بالسياره.
كلهم دخلوا يغيروا لداتهم ورشا وشذا في حيرة.
خلصوا وخرجوا علي وعياله الثلاثه.
بيت ابو خالد.
ناصر: وين خالد نخطى الشغل يجي يتفاقد معي البضاعه قدهي معي اجازه اليوم .
خلود:الان جايي بعدي.
الباب بيدق.
خديجه:من بيدق الان.
عهود:بشوف من( قربت من الباب )
من؟. علي:عمش علي.
عهود استغربت جية عمها هذا الوقت فتحت اهلا وسهلا بع شافتهم كلهم وارتبكت رجعت غلقت مراد شافها وضحك على حركتها.
مصطفى كاتم ضحكته:حقك الهانم غلقت لوجهنا.
منير:اكيد فجعتها صوركم الشوعه.
مصطفى:هات لنا من جمالك شويه.
عهود:يابه هذا عمي وعياله.
قام من الكنب وهو يشرب الكافي:وليش مافتحتي.
عهود سكتت ومحرجه من موقفها.
بعد السلام.
ناصر:اين نسير .
قاطعهم خالد:خير ان شاء الله ايش جابكم هذا الوقت.
مراد:كسروا راسك امشي بعدنا وبس ساع الأطرش في الزفه.
كلهم خرجوا بالسياره علي الشباب جالسين خلف وناصر جنب علي.
بعد ما حكا علي لهم.
ناصر بفرحه:تتوقع انهو هو.
علي:قدهو اكيد ان شاء الله خير.
منير وهو يكل:وليش ماخليتنا نصطبح يعني ليش مستعجل.
مصطفى:اسكت اسكت كل وانت ساكت.
وصلوا للحاره وهي مش نظيفه حارة ناس على قد حالهم والبيوت قديمه.
علي بيدق الباب وقلبه يدق.
مراد ابو إيلاف :شكلهم جو يله ادخلين الغرفه.
علي قام يفتح.
إيلاف طرحت المبخره من يدها والبخور ودخلت بعد امها.
نرجع لبيت ابو مراد.
سميره:صدق ان الدنيا صغيره سبحان الله والصدف كيف تجمع بعد الفراق.
رشا:ايش من فراق احكي لنا ايش الخبر وترتوني.
سميره:ابو إيلاف هو عمش مراد اخو ابوش.
شذا ورشا بصوت واحد:صدق.
#يتبع...
*تفاعل لنستمر بتنزيل المزيد [🫂❤️🔥]*