الفصل 13
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 13 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
وانا ادور شغل ساع الناس بدال كل يوم شغل بس خلينا نخلص الجامعه ويكون معي الوظيفه ونرتاح لا تفكري انه مني بخل بس الصدق فيه اشياء اهم.
ايلاف تنهدت:الله يخليك ماتقصر والله يعيننا ويستر حالنا خلاص هات حقي الالفين بدال المحاضره تيه.
اخوها ضحك:هه شليها وهاتي العشاء.
إيلاف:حاااضر وخلصت تجهز العشاء من الحاصل.
نرجع بيت ابو مراد.
كلهم في الصاله.
مراد فارح.
مصطفى:ايوة ايش قال عمي اكيد موافقين.
سميره:الله يرضا عليك صجيت اذاني هرم من اول كانه انت الذي بتتزوج مش هو خليه يتحاكا على نفسه.
كلهم ضحكوا.
مصطفى:هو بيخزا قلت اساعده شويه.
علي:هم كلهم موافقين بس.
شذا افتجعت:بس ايش اكيد عمتي.
مراد توتر:بس ايش.
علي:البنت مش موافقه.
مراد انصدم وتغيرت ملامح وجهه:صدق رفضت.
مصطفى تفاجا ماتوقع بنت عمه ترفض:طز فيها هي خسرته.
شذا استغربت:مستحيل عهود ترفض.
رشا غمزت لها تسكت.
مراد تضايق:خلاص ماشي نصيب تصبحو على خير.
علي:تعال تعال ولا تزعل ولا شي ندور لك احسن وست البنات.
مراد يكابر:من قالك ازعل مازعلت الله يوفقها.
سميرة :طززز فيها والله لادور لك من غدوه
رشا قرحت ضحكه :يووو مراد تلون الوان.
منير:ايش بها تيه الخبلا تضحك.
رشا:أخيرا مقلبتك.
مراد وهو واقف مكانه مافهم:ايش الي يضحك.
رشا وهي تحاول ماتضحك:تطمن هم موافقين كلهم واولهم عهود بس انا قلت لاابوي يتفق معي.
مراد:صدق يابه هذا الخبر.
علي:ضحك:ايوه صدق انا مالي دخل هي السبب.
مصطفى:تشتي لش ملان ظهرش خليتي الرجال صفر وخضر.
سميرة مسكت رشا من اذنها:هكذا تسوي في اخوش وفيني قد دمي بيحرق يامجنونه.
رشا تمثل الوجع:اااححح خلاص اخر مره.
مراد حس براااحه وابتسم:تمام ياقرده ماعليش.
علي:انت قلت مازعلت ليش الان فارح عكس اول.
مراد خزي:يخليك لنا يابه قدك تخطط مع المجنونه اوبه لنا تمسخك معها.
علي:قدك لقن هاه هيا انقلعوا كلكم وقت نوم وغدوه الصبح نتحاكى على الخطبه.
كلهم دخلوا الغرفه فارحين بخطبه مراد الكبير فيهم واول واحد في العائله بيتزوج.
مراد فاارح.
صباح اليوم الثاني بعد الصبوح.
سميره:منييير هيا قوم اصطبح.
منير:اليوم جمعه اجااازه يعني نوم مشتيش اكل اشتي ارقد افدي قلبش قولي لاابوي اني تاعب.
سميرة ضبحت منه:خلاص انت أخبر يابومه.
فوق الصبوح.
علي:وين منير ومصطفى.
سميره:منير نوم خله يرقد قدهي اجازه ومصطفى الان جايي.
بعد الصبوح.
علي:ذلحين متى الخطبه ايش رايكم.
شذا:خليها بعد عيد الأضحى باقي شهرين .
سميره:نخليها زواجه وبس معادهوش جاهل.
مراد فرح وساكت.
شذا:ايوه صح زواجه باقي لك شهرين وخلصت امتحانات الجامعه بعد اجازه العيد.
مراد:خلاص تمام زي ماتشتو.
رشا:وأخيراً عتتزوج عقبال مصطفى.
مصطفى فرح:اااامين.
علي:استح على نفسك زمان كانو يقولو زواجه ومتنا خزا.
مصطفى ضحك:هذا كان اااوول.
بيوم السبت اتفقوا على الزواج بعد العيد وخديجه مش راضيه ومخاصمه خلود وعهود.
في الجامعه.
صديق راشد محمد:يامجنون بطل الخباله شكلنا بنتورط.
راشد:ولا بيقع شي مشهو مسمم بس اشتي افجعها.
محمد:انت اخبر انا مالي دخل بس هي تجلس مع بنات مش لحالها كيف بتسوي .
راشد: هي دائما تخرج الاوله قبلهن بدقائق يعني سهله بطرحه في مكانها الذي تجلس عليه كل يوم تعال للمحاضره وقت الاستراحه انت بس تابع لوما خليتها تصفر من الفجيعه.
بعد المحاضرات.
راشد خرج قبل الكل بعذر يسير الحمام من غير احد يشوفه طرحه ورجع يجلس مكانه.
رشا:جالسه في مكانها مثل كل يوم فتحت شنطتها خرجت دفتر مذكرتها اليوميه كتبت. (اليوم حلو من صباحه ونشاط وكلنا فارحين بتحديد عرس مراد يارب تمم لهم على خير.،،ليس هناك اجمل من انتظار فرحه منتظره وموعدها قريب ) شافت لقدامها راشد.
رشا:ماله هذا بيبتسم هكذا وكانه منتصر في معركه صرفو ذا الوجه ورجعت تكتب.
عند راشد
محمد:اشوف البنت ماتحركت شكله راقد حقك الثعبان.
راشد ضابح:ماعليك اسكت وبس.
رشا حست حركشه تحت رجلها تشتي تشوف ايش هو حست بالم وصاحت بصوت خلا الكل يلتفت لها.
راشد:فرح ايوووه خلي القويه تفتجع.
رشا بتصيح وتبكي هربت وهي تعرج ونطلت
( وقعت)للقاع.
البنات شافينها وسارين بسرعه لاعندها والكل تجمع عليها.
شذا بخوف:رشا ايش فيه ليش تصيحي وتبكي.
خلود:رررشششا اسكتي الكل بيشوف لش مالش.
رشا صاحت:هناك حنش وتاشر للمكان وترجع تصيح رجلي.
محمد خاف:رااااشد انت قلت ماهو مسمم.
راشد بخوف :هو واحد جابه لي قالي مش مسمم.
مصطفى ومراد سمعوا وبخوف ساروا بسرعه وخرجو الدكاتره.
مصطفى افتجع:رشا مالش.
رشا دوخت.
شذا وعهود وخلود يبكين.
شذا:بسرعه نشلها المستشفى.
شذا:بسرعه شلها المستشفى الثعبان قبصها في رجلها.
الدكتور استغرب:ايش جاب الثعبان للجامعه اول مرة تحصل.
إيلاف:لاعاد تتجابروا شلوها المستشفى واحد فيكم يربط رجلها عشان السم ماينتشر بسرعه.
راشد ارتبك :هه شل حقي الشال ابعده من رقبته وناول مراد.
مراد شله بسرعه وربط رجلها
خلود:عهود انتي خليش مع خالد بسيارته وانا بسير معاهم.
عهود:يله تمام
مصطفى شل رشا في حضنه وقدهي مدوخه.
راشد خايف شل كتبه وخرج من الجامعه ومحمد لحق بعده.
فوق السياره مراد جنب مصطفى شذا بتبكي.
مصطفى:اسكتي ربشتيني خليني اعرف اسوق.
في مكان ثاني.
محمد:شفت ايش سويت انا حذرتك من اول البنت يمكن تموت والسبب انت الثعبان مسمم.
راشد بيعرق توتر وخوف:اسكت لاعاد تجنني ان شاء الله مايقع بها شي والله مش عارف انه مسمم ابن الكلب قالي مش مسمم.
محمد:الله يستر لو احد يعرف انه انت السبب.
راشد بخوف:محدا بيعرف بس لو يقع بالبنت شي بااقلهم انا بنفسي عشان اتعاقب على غبائي انا استاهل.
بعد ساعه في المستشفى خرجت الدكتورة.
شذا:ها ايش بختي قولي.
الدكتوره :السم مانتشر كثير الحمدلله بس الان فعلنا لها ابر للسم وصفيها رجلها والان هي تحت المراقبه لوما تصحا لان السم كان قوي وستر الله ماتاخرتوا جبتوها بسرعه .
عهود:يعني هي بخير نقدر نشوفها .
الدكتوره:ان شاء الله بخير بس بعد تصحا شوفوها مش الان.
كلهم جلسوا بتوتر.
وقت الغداء بيت علي.
سميرة:يامنير مش كان اخوتك تاخرو اليوم.
منير:يمكن معاهم محاضرات كثير .
سميره:قلبي مش مطمن انا اتصل كل تلفوناتهم مغلقه.
رغد:يمه ياقلبي هم بوقت المحاضرات يغلقوا التلفونات عشان الاستاذ مايضربهم.
منير:وانتي ايش عرفش يافالحه بعدين من متى في الجامعه يضربوا هذا بس عندش يضربوا لانش غبيه وقولي دكتور مش استاذ.
رغد:مادخلك بعدين أنا مش غبيه انا اذكى واحدة في الصف انت غبي وبومه وكل عقلك داخله نوم.
منير قام يشتي يضربها.
ورغد هربت خلف سميره.
سميره بعصبيه:رغد منير قروا من الجنان والا والله لاتتعاقبوا.
رغد:هو بدأ يطابز.
سميره:هو أكبر منش احترميه وبله اعتذري.
منير فرح ورغد قد بتبكي.
رغد:مابعتذر مالي شغل..
سميره:رغد اسمعي الكلام.
رغد وهي تشوف لسقف الصاله عشان ماتبكي اسفه ودخلت الغرفه وغلقت.
منير ضحك:كبرياء منذ الصغر تستاهل.
بعد دقايق دخل علي سمعت رغد الباب وجرت حضنته وتبكي.
علي استغرب اول مره تبكي رغد بحرقه بحكم انها دلوعه ابوها.
علي:من زعل روح ابوها.
رغد وهي تتشنهج:منير تصايحت انا وهوه وامي خلتني اعتذر.
يتبعع ..
*: ملامحك لمين تشبه؟!!*
*-ابوك 😂:*
*-امـك 😮:*
*-جدتك 😪:*
*ـ جـدك ❤️:*
*-محدا 👍🏻:*