الفصل 12
*روايات وقصص يمنيه 📚🖋️*
*روايه [مـابيــن الحـب والـحــرب عـقـلــي جُــن بــک ]*
*بارت رقم [ 12 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
خديجه:الصدق انا مش موافقه ولد سميرة غثيث شوفي ابن خالش مازن كل الحلا فيه.
خلود عوجت لقفها:قولي كل السماجه والصياعه فيه مابش فيه شحطت رجال.
خديجه:جعل انتي فداله ولد اخوي احسن من ولد سميره.
قاطعتهن عهود بضبح:خلاص ممكن اتحاكا انا والا ماشي اسمعي يمه مازن قلت لش من قبل مستحيل اقبل فيه وولد سميره انا مقتنعه فيه.
خديجه:يعني تكسري كلمتي عشان ولد سميره هولا عينهم على عيالي عيال سميره الله يقلعهم اسمعي هي كلمه والله لو توافقي لاانتي بنتي ولا انا امش.
عهود:....
بيت ابو مراد تحديدا غرفه سميره
علي:قد حاكيت ناصر وبيرد لي النبا لوما البنت تفكر.
سميره:البنت يمكن توافق لكن خديجه مستحيل.
علي:اذا البنت وابوها موافقين طز بخديجه.
في الصاله.
رشا:امانه امانه قلي منهي.
مصطفى:يووو للرفاس امانه ان انتي ساع الرازم ايلااااف خلاص ارتحتي.
رشا فتحت عيونها مع لقفها:احللللف😵.
مصطفى ضحك:سيري شوفي شكلش فجعتيني.
رشا:قلعك ولا قلت لي تحبها.
مصطفى بضحكه:مش احبها مسرع تشتي حب بس الصدق عاجبتني ادب واخلاق وجمال.
رشا باستغراب:ايش عرفك بجمالها😰.
مصطفى:عيونها تكفي تشرح باقي الملامح.
رشا:شخست قلعك يانزغه عيونك طويله.
مصطفى:ايش من طويله قدهي قدام وجهي تشتي اغمض والا كيف.
رشا:ضحكت لالا كان بهرر.
نرجع لعهود.
خلود:يمه حرام عليش ليش هذا الكره لعمتي وعيالها والله انهم طيبين بعدين حياتها وهي حره يكفي خالد.
خالد سمعهن ودخل:مالكن تتصايحين.
خديجه وهي خارجه:كلمه وسمعتيها ياعهود.
عهود:يمه واقفي واسمعي كلامي انتي على عيني وراسي وكلامش تاج راسي لكن اسفه مقدر ارفض مراد لان فعلآ انا احبه ومش مستعدة اخسر رجال مثله.
خديجه بعصبيه:على قلة حيا ماعاد تخزين تقولي تحبيه قبال وجهي وقبال اخوش انا قلت كلامي ياانا ياامراد.
عهود بكت:سامحيني يمه هذي المره بطيع قلبي وارفض كلمتش مقدر اكون مثل خالد.
خالد:انا اخوها وانتي امها مافيها لو قالت تحبه من حقها الحب مش حرام بعدين البنت موافقه واحنا موافقين.
خديجه:انا مشيت كلمتي على خالد وهو رجال تجي انتي تكسري كلمتي الله لا يرضا عليش
( فلتتهم وخرجت ).
خالد كلمة امه حسها طعنه بقلبه بيحاكي نفسه عهود طلعت اقوا مني وانا خسرت حبي عشان امي اااخ مااضعفني عيونه امتلت دموع.
خلود مقهوووره:صلوا على النبي مالكم. ( خالد خرج)
عهود بتبكي:سمعتي امي مش راضيه عليا ارضي قلبي والا ارضيها.
خلود:الله مايستجيب دعوة الام اذا ماكنت على حق بعدين مع الايام بترضا المهم سوي الذي يريحش ويسعدش.
خلود:ومراد اكيد بيسعدش ولا تهمي شي كلنا معش وامي مع الايام بتتقبل.
عهود:الله يسامحها كيف بتسوي بنا اموت واعرف ليش تكره عمتي سميره والله انها طيبه ومابش مثل قلبها بس امي ماتحبها مدري ليييش.
خلود:هذا السؤال الذي اشتي إجابته ليش تكرهها وايش بينهن لوما هن هكذا.
عهود تنهدت:الله اعلم.
الساعه 11 عهود قامت تصلي استخاره قبل النوم
عهود بعد الصلاه :يااارب اذا كان خير لي فقربه ولو شر لي فبعده ويارب ارضا عليا وحنن قلب امي علينا واجعلها راضيه عليا يارب مش عارفه لو انا بموافقتي بعصي امي بس ياربي لو كان مني عصيان ابعد مني هذي الزواجه بكلها وريح عقلي وقلبي وانت وحدك تعلم مافي القلب ولا غيرك يعلم ولا يحكى لسواك.
صباح اليوم الثاني خديجه مخاصمه الكل.
بعد الصبوح
ناصر:ماقلتي يابنتي موافقه والا لا اشتي اقل لعمش اليوم مابش داعي للتاخير.
عهود محرجه:الذي تشتيه انا بعدك.
ناصر:يعني موافقه.
عهود هزت رأسها بمعنى ايوه.
ناصر:على البركه.
خديجه فلتتهم وقامت.
خالد ابتسم الف مبروك الله يتمم على خير.
خلود: بس توزيع ابتسامات يله خالد بنتاخر على الجامعه معي محاضرة الساعه ثمان ونص.
عهود ابتسمت بزعل مش مرتاحه لان امها زعلانه منها كلهم حبوا راس ابوهم وخرجوا.
في الجامعه.
خلود:إيلاف ابشرش اخي خطب القردة تيه واشرت لعهود.
ايلاف:الف الف مبروك الله يتمم لكم على خير.
خلود غمزت لاايلاف:عقبالش يارب قريب.
إيلاف مافهمت ابتسمت وسكتت.
عهود بمزح:من قال لكن ان قد وافقت عاد افكر.
رشا ضحكت:بحاول أصدق قد انتي موافقه من قبل ما نتقدم.
كلهن ضحكين
شذا:هنيت لش قبال وجهش مراد شوفيه لما تشبعي
عهود:الصدق مشتي اشوفه.
رشا:انتي فداله ليش.
خلود:هي بس تتدلع والا هو بنفسها تشوفه.
عهود ضحكت:الصدق اخزا وقت اشوفه.
ايلاف:سهل شي طبيعي الخزا.
رشا شافت راشد والتفت انتباهاا أشرت لخلود تقوم بعدها.
شذا:على وين.
رشا:بنشتري ونرجع.
خلود:ماتشتي يامجنونه.
رشا:والله ماراحت له سيري اشتري ثنتين صحه ما بااااارد ثلج.
خلود:منهو الي تتحلفي له والاايش ماء بارد.
رشا:هيا اول نشتري.
خلصين اشترين الماء وحكت رشا لخلود وطلعين الطابق الثاني.
خلود:يامجنونه بطلي الجنان لحدا يشوفنا بعدين عيب تفعلي برجال هكذا.
رشا:اششش اسكتي والله لااسوي أكثر وابرد على قلبي.
خلود:خلاص تمام وانا اساعدش
( هههههههههه الصديقات هكذا العاقله تنصح المجنونه واذا مانفعت النصيحه تفعل الجريمه مع صاحبتها😂😂)
بعد ما خرجين الماء فكين الدباب وسكبينه للطابق الأول مكان ماجالس راشد بلمح البصر وهربين.
راشد.....
راشد حس ببروده الماء وصاح:يووو بااارد.
اصحابه كلهم نقزوا من صوته.
راشد عصب :من هذا ابن ال.... والله ماراحت له منهوو.
اصحابه ضحكوا.
صاحبه1:ههههههه شكله واحد حاقد عليك.
راشد بيمسح راسه جت عينه للدرج وشاف رشا وبيدها الدبه الماء البارد.
راشد:والله انها هي لكن سهل والله ماراحت لها ولا عدت.
صاحبه:منهي.
راشد:خلينا ندخل المحاضرة وبعدين اقلك.
عند البنات رشا فارحه فيه وبتضحك.
شذا:ايش قد فعلتين من فعله شكلكن مايطمن.
رشا بابتسامه:ولا شي
خلود:يووو على قلق فيني يالله مشينا.
في المصنع.
ناصر:مراد بحسبة خالد ولدي واحنا كلنا موافقين والبنت بنتك مثل ماهي بنتي.
علي:على بركة الله والله يتمم على خير وان شاء الله غدوه نحدد موعد الخطبه.
ناصر:ان شاء الله خير.
في الليل رجع من المصنع ابو مراد وكل واحد في غرفته ماعدا رشا في الصاله تتابع برنامج خواطر.
رشا:نوور البيت شلت الجاكت من فوقه وعلقته.
علي:النور نورش ياعيون ابوش.
رشا:تشتي العشا الآن.
علي:لا الحمدلله مابش نفس وين البقيه ادعيهم.
رشا:تمام ايش قالك عمي.
علي:موافقين وين مراد ابارك له.
رشا بضحكه:مارأيك نمقلب مراد.
علي:كيف يعني ايش نسوي بطلي الشقاوة هذه.
رشا:انا فدالك يابه بس هذي المره.
علي:خلاص تمام ايش اسوي انا.
رشا:اسمع يابه.....
بيت ابو إيلاف.
جالسه بملل تذكرت مصطفى وحست بشعور غريب وابتسمت.
اخوها دخل:مساء الخير.
إيلاف:يسعد مساك..
اخوها:ليش جالسه لحالش وين امي وابوي.
إيلاف تنهدت:هذا حالي كل يوم لحالي امي ترقد بحين وابوي يوصل من العمل تاعب ويرقد.
ملاحظه:عمل ابو إيلاف في مزرعه مع واحد وينقل بضاعه للمحلات.
اخوها:وانا قد انا تاعب بدخل ارقد بس اول هاتي لي عشاء جااااوع.
إيلاف:من عيوني بس.
اخوها:بس ايش قولي تشتي شي محتاجه شي.
إيلاف:اشتي فلوس لو معك لان معي اشياء احتاج اشتريها.
اخوها :حاضر كما انتين النسوان ماتخلص طلباتكن خرج من جيبه الفين واداها لها .
اخوها:هذه الي حصلت اليوم والف اشتريت بها قات
إيلاف حنقت:خلاص خلها لك عشان طلباتي تخلص وتخلص مني فلتته ومشت للمطبخ.
اخوها لحق بعدها:مالش برطمتي.
إيلاف دمعت :انت قلت النسوان ماتخلص طلباتهن عساس اطلب منك كل ساع بعدين أنا بين احتاج اشياء ومابش فلوس قلي كيف أفعل ومن من اطلب.
اخوها زعل عليها:مش قصدي بس انا اشتغل واتعب وانا نفسش اشياء تنقصني بس كل الفلوس نخليها للجامعه والمصروف فيه اشياء نقدر نستغني عنها ومش هي لازمه للحياه المهم نعيش مستورين وابوي قد بيتعب عشان راحتنا وامي تخيط وانا ادور شغل ساع الناس.
يتبببعع ...
*تفاعل لنستمر بتنزيل المزيد ...!!🫂💛"*