الفصل 8
*روايات وقصص يمنيه 📚🖋️*
*روايه [ مـابيــن الحـب والـحــرب عـقـلــي جُــن بــک ]*
*بارت رقم [ 8 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
ام إيلاف:ااه يابنتي لو تعرفي سبب وحدتنا في هذي الدنيا وفين اهلش ومن هم.
في اليل بيت ابو مراد....
مراد:احم احم كيف الجامعه معاكن.
رشا وشذا باستغراب:تماااام😳.
شذا:ليش بتسال مش من عوايدك.
رشا:انا فاهمه هذي الحركات ايش معك ايش تشتي😉.
مراد ابتسم:بس اخوكن يشتي يتزوج قلت نسال المزز الي قدام عيني☺.
رشا وشذا:احلفففف😻.
رشا:يو ليش تتحاكي نفسي اليوم😕.
شذا طنشتها:بختار لك احلا بنت😌.
مراد بضحكه:البنت موجوده.
رشا بعدم صبر:وين موجوده.
مراد بياشر لقلبه وعقله:هنا وهنا❤.
رشا وشذا:اوووووه.
شذا غمزت له:معانا عاشق بالبيت واحنا مش عارفييييين😉.
رشا بشك وتاشر لقلبه:منهي الي هنا.
مراد بفرحه:عهود.
رشا وشذا اختفت ابتسامتهن.
شذا بحزن :عهود ماغيرها ليش البنات ملان الجامعه ما اخترت الا عهود ليش.
رشا تتابع لاخوانها بصمت وحزن الي حبوا الناس الغلط.
مراد باستغرب وتغيرت ملامح وجهه :ليش ايش فيها عهود.
شذا دمعت عيونها :ولاشي قامت دخلت الغرفه وغلقت.
مراد بعدم صبر:رشا تكلمي ليش زعلتين انا عارف انهي صاحبتكن وتحبينها توقعت تفرحين ليش الزعل عهود فيها شي والا .
قاطعته رشا:لالا مافيها شي بس.
مراد بعجل:بس ايش.
رشا:مالك صل على النبي مافيها شي بس انت تعرف ست الحسن والدلال عمتك خديجه.
مراد بعدم فهم:وش دخلني من عمتي انا اتكلم عن عهود.
رشا:من الاخر عمتي بترفض زواجك من عهود مثل ماحرمت خالد من شذا
مراد باستغراب وعدم فهم :خالد وشذا.
قطع تفكيره دخول مصطفى: السلام عليكم.
رشا من غير رد قامت دخلت الغرفه وغلقت.
مراد بمزاج معكر وعليكم السلام دخل غرفته وهو يفكر وغلق .
مصطفى بضبح:مالهم هذولا كل واحد وجهه معفوس أكثر من الثاني.
رشا بحزن:شذا خلاص بس لاعاد تبكي كل واحد بيشل نصيبه.
شذا ببكا:عمتش بتحرق قلب مراد ساع ماحرقت قلبي.
رشا:من يدري لعل الأقدار تتغير.
"همسه
تَدْعِي اُلْقُلوبُ بِمَا تَشْتَهي فَيُجِيبُ الله بِمَا هُوَ خَيْرٌ لهَا. "
شذا تمسح دموعها :ونعم بالله.
رشا:يله ارقدي وانا شوي وجي ارقد.
شذا بضيق:تمام وغلقي الغرفه بعدش.
رشا : تمام وخرجت
اخذت مذكرتها اليوميه وهي تبكي وكتبت
و على حافة نافذتي هناك امنيه .. أسقيها كل يوم بالأمل لعلها تتحقق ولعل الله يقول لامنياتي كوني لتكون وها انا كل ليله ابكي على نافذتي شوقاً و حزناً على جمال الماضي واتمناه ان يعود يوماً ما ولكن لا ماضي يعود ولا حاضر جميل ولا مستقبل كما نريد فقط نحن نتنفس ونعيش على امل بمستقبل ُينسينا جمال الماضي 💔.
صباح اليوم الثاني كل من شذا ومراد مزاجهم معكر.
شذا خلصت تصلي الضحى وأذكار الصباح ابتسمت وقامت( ومااجمل ان تبدأ يومك بالاذكار ويتبعها ابتسامه تبدا بها يومك ومتوكل على الله )
رشا ترتب شنطتها :خلصتي يله بسرعه.
في الصاله....
سميره بضبح :منير الله يرضا عليك قد انت رجال كل يوم اصحيك وترجع تنسدح في الصاله
مصطفى وهو يشرب شاهي :مثل البومه كل ساع راقد.
منير يتمصع:ماتخلو الواحد يرقد.
رغد:اصحئ يامنير كسلان.
منير بعصبيه:انتي مالش دخل.
ابو مراد:الله الله وترفع صوتك هيا امشي تجهز.
منير :الله يشل الثانويه والدراسه والكل.
رغد:يشلك وحدك احنا نشتي ندرس.
منير يشوف لها بنظرات تهديد.
مراد:خلصتوا أسطوانه كل يوم يله مشينا.
رشا وهي تعدل اللثمه حقها:احنا جهزنا يله.
رغد:يابه شلني معك المدرسه منير أكثر من مرة ياخرني.
ابوها:طيب من عيوني يالله اسبقي للسيارة وانت ياويلك تتاخر على المدرسه .
منير وهو يأكل:تمام ان شاء الله
كلهم حبوا رأس سميرة وابوهم وخرجوا وسميره تستودعهم الله كعادتها.
وكل عاده رشا مع مصطفى بسيارته وشذا مع مراد بسيارته.
وصلوا الجامعه كلهم وخالد والكل.
رشا تتابع نظرات مراد الي كلها حب لعهود ونظرات خالد لشذا الي فيها حزن ونظرات شذا الي تحاول تتجاهل نظرة خالد.
خالد : صباحكم.
الكل :صباح النور.
مصطفى:صباح الكسل والخمووول.
رشا كشرت:عندنا في الجامعه منير نمبر تو مالت.
مصطفى:مالت على الربحه حقي.
عهود ضحكت وسحبت يد رشا:يله امشي لا تتضاربوا.
الكل دخل محاضراته.
في وقت الاستراحه.
البنات جالسات يتجابرين.
خلود:منهي الي تاشر لش يارشا.
رشا وهي تقوم:اووه هذي إيلاف سارت لها
عهود:إيلاف من.
شذا:مدرري.
رشا:صباح الخير.
إيلاف:يسعد صباحش قدهو ظهر.
رشا ضحكت:عاده وقت للظهر يله امشي اعرفش على البنات.
مصطفى شاف إيلاف معاهن وابتسم لا ارادياً😻. زميله وصديقه الي من ايام الثانويه محمد:مالك تتهنجم وتبتسم.
مصطفى:هاه ولاشي بس ذكرت الاكل وابتسمت انا جاوع هيا ناكل.
محمد:الله اعلم مامعك.
** ****
عند البنات.
إيلاف الي الشرف بمعرفتكن كلكن.
بتشوف لهن وهن يتجابرين ويضحكين وشوي ويتصايحين مبتسمه لهن وتتابع بصمت.
رشا:وين الماء اشرب.
خلود:خلص ياحلوتي.
رشا شهقت:صدق ولا بقيتين لي جعلكن ضما سنه يا وسخات سحبت إيلاف من يدها للبوفيه.
رشا معصبه:جني يشلهم زحمه افففف.
إيلاف بتضحك:اهداي اعصابش يابنت. ..... التفت وهو يشتري من بتتدعا علينت ساع جدتي شاف رشا وضبح اعوذ بالله ساع جدتي صدق ولا اذاعه😒 ورجع التفت للبوفيه.
رشا :عصبت...
التفت وهو يشتري من بتتدعا علينا ساع جدتي شاف رشا وضبح اعوذ بالله ساع جدتي صدق ولا اذاعه😒 ورجع التفت للبوفيه.
رشا شهقت ومعصبه :انت لك جني يشلك😡 جدتك بعينك عماء يعمي عيونك ان شاء الله .
راشد خلص يشتري التفت لها بهدوااااء:انا مااكلمش أطفال وعماء بعينش😏 ومشي وطنشها .
رشا😦:شفتي قليل الادب لاراحت له فأنا أمه😡.
إيلاف تضحك:منهو هذا.
رشا:مدري واحد دب انا ارويه.
رشا تقله دب لانه مليان ومعضل
شافهن مصطفى وابتسم لأنه شاف إيلاف قرب من رشا :مامعش هانا تشتي اشتري لش حاجه بشتري انا.
رشا بعصبيه:جيت اشتري ماء عندك مانع.
مصطفى بهدوء ويمسك ضحكته :لا عندي اخوه وخلي مانع يجي يشتري لش بعدين خايف يقولوا الناس ليش واقف مع ربحه كما أنكر لهم انش اختي مشي من جنبها وهو يضحك😹.
إيلاف بتضحك على رشا
رشا شهقت :جعلك عماء تعال اشتري لي مصصصصطفي تعال.
مصطفى، مشي وطنش.
إيلاف:خلصت الاستراحه وانتي تضاربي.
مشت وهي تلعن راشد ومصطفى.
******
في اليل كلهم في الصاله سميره جنب ابو مراد ورغد رأسها فوق ارجل ابوها منير بيلعب بتلفونه رشا وشذا في الجروب بيراسلين. مراد كأنه يشتي يقول حاجه بس متردد
مصطفى مش مركز معاهم خالص.
رشا:.......
يتبعع ..
*هت تفاعل بايموجي لطيف لاتبخل علينا [❤️❤️]*