الفصل 9
*روايات وقصص يمنيه 📚🖋️*
*روايه [ مـابيــن الحـب والـحــرب عـقـلــي جُــن بــک ]*
*بارت رقم [ 9 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
كلهم بيتابعوا التلفزيون مصطفى مش ركز معاهم خالص.
رشا:بخ.
مصطفى:رجمها بالمخده خبلا.
رشا بضحكه وبصوت محدا يسمعه غير مصطفى الي هو جالس جنبها :فين عقلك مش معانا.
مصطفى:مالش دخل ياربحه خليش مع الربحات وبس.
رشا بضبح منه :اليوم دخلت معانا ربحه جديده اقرررح.
مصطفى:مش بعيد عليكن تفتحين في الجروب حديقه حيوانات.
رشا😿:كلب واحد إيلاف مش ربحه.
مصطفى سمع اسمها وفز:إيلاف معاكن صدق هي مش ربحه بس ايش دخلها لحديقه الحيونات.
رشا عصبت:مصطفى مالك جعل انت فدالنا.
مصطفى ضحكككك: هههههههههه اخوش معجب.
رشا:احلف مننن وكيف وليش😍.
مصطفى:اششش اكلتيني لااحد يسمع.
رغد:مامعاكم تتشاوروا سكته ساع السرق.
مصطفى:تابعي سكته.
منير باستهزاء:خخخ طارت الجبهه.
رغد قلبت عيونها:مادخلك مني
مراد وهو مستحي :يابه انت وامي اشتي اقلكم حاجه.
ابوه:تكلم نسمعك.
كلهم فلتوا الي في يدهم منتظرين يتكلم مراد.
منير: تحاكا.
شذا ضحكت:ههههههه وش دخلك قال لاابوي بس.
منير رجع على ظهره:خخخ سامجه.
رغد بفرح:انا فدالش رجعتي حقي.
سميره بحزم:خلاص اسكتو تحاكا ياابني
مراد:يابه وهو يعرق لان طبعه يستحي عكس مصطفى.
مصطفى ضحك:شكل الموضوع فيه زواجه ولا كان ماتعرق.
مراد😁خزي:ايوه جبتها.
مصطفى ضحك:ههههههه قد انا عارف.
ابو مراد:اذا صدق زواجه هذه الساعه المباركه.
شذا:والجامعه كيف بها
.
مصطفى رجمها:اصص خلي الرجال يتحاكا قالت جامعه خبلا سامجه.
شذا😢:الله يقلعك احترمني انا اكبر منك.
سميره:بس اصه ماعليك منهم من اليوم اسير ادور لك احلا ووادب بنيه.
رشا تحاكي شذا صوت محدا يسمعه غيرهن:امي مش عارفه ان البنت موجوده الله يعينك يااخي ع الي بتحصله.
شذا تنهدت وابتسمت:يمكن نصيبهم غير نصيبنا الله يسعده
صعب ان توهم نفسك بأنك سعيد وأنت في داخلك روحآ تموت
مصطفى ابتسم:بس البنت موجوده يمه.
كلهم استغربوا
مصطفى بضحكه وغمزه:طلعت مش سهل يا جنتل مان😉موجوده هاه.
مراد خزي من ابوه وبهرر له.
سميره قاطعت نظراتهم:منهي وبنت من.
مراد:بابتسامه خفيفه عهود بنت عمي.
سميره آختفت ابتسامتها هي ماغيرها خديجه ماتنبلع لي بس ماحبت تجرح ولدها قالت : من عيوني نشوف ايش رد عمتك.
ابو مراد:خلاص انا غدوه احاكي عمك ومادخلنا من عمته نخطب من رجال مش مره.
مصطفى بمزح:تزوج تزوج اعتقنا لوجه الله.
كلهم ضحكوا.
ابوه بضحكه :بطل الشيطنه هذه
مصطفى تهنجم :وانا اشتي اخطب.
منير نقز:وانا والكل.
سميره:يو صرفوا مالكم والجنان.
مصطفى ضبح رجم منير :كان خليك ساكت احسن.
رشا ضحكت:ههههههه خرب عليك الجو.
مصطفى قام:يله تصبحو على خير وراي مذاكره.
شذا:وانا والكل..
مصطفى يتمصع:تصبحو على خير.
رشا غمزت له ودخلت المطبخ هو فهم ولحق بعدها.
مصطفى:ماتشتي جالسه تهاوزي.
رشا ضحكت:ههههههه قلعك بس نفسي تفحر من هي البنت الذي اخي معجب بها.
مصطفى فرح: احم خليها مفاجعه.
رشا :يخ والفجايع منهي صدق.
قاطعم منير:اللهم اجعله خير ايش تتشاوروا اكيد به شي خطير.
مصطفى:سير ارقد التفت لرشا وانتي مرة ثانيه نتجابر على هذا الموضوع.
رشا:تمام تصبح على خير.
منير بيتحاكا وهو يمشي سبحان الله قد بينهم مواضيع توم وجيري يغير من حال إلى حال.
مصطفى ضحك ودخل الغرفه.
مراد شاف له ورجع شاف للابتوب :ايش معك شاق وجهك ابتسامه شكله قدهو الحب.
مصطفى:ناهي ياحب ماقلت لي ياخطير عينك على عهود ولا قلت لي.
مراد التفت له بحزم:قطعوا لسانك لا تقول اسمها.
مصطفى ضحك:ههههههه الله قد الأخ بيغار كان تصبح على وجه عهود اقصد ع بنت عمي.
مراد ضحك:شلوك مجنون.
كل واحد طرح رأسه بوسادته مبتسم وبيفكر بالشخص الذي في قلبه
اما شذا تفكيرها كان حزن ودموعها ع خدها.. نشتاق لهم لأن جمال أيامهم أقوى من النسيان ..!!
صباح اليوم الثاني في الجامعه.
الكل يشتي يدخل لمحاضراته.
شذا بحزن:يامراد اشتي احاكيك.
مراد:عيوني تحاكي.
شذا :فديت عيونك.
مصطفى:تحاكي والا تشتي الكلام خاص بينكم يعني انقلع.
شذا:..... ساكته.
مراد:مابش بيننا خصوصيات كلنا اخوه تحاكي.
رشا بقله صبر:تحاكي بسرعه.
شذا:مش كأنك استعجلت يامراد تقول لامي وابوي عن موضوع الزواج بعهود.
مراد عقد حواجبه:ليش ايش فيها.
شذا:كان خليتنا نفتح الموضوع مع عهود من قبل تفتحه لاحد قبلها عشان هي يكون عندها خبر ونشوف رايها بما انها بنت عمنا.
شذا:كان خليتنا نفتح الموضوع مع عهود من قبل تفتحه لاحد قبلها عشان هي يكون عندها خبر ونشوف رايها بما انها بنت عمنا .
مصطفى رفع حاجب واحد:كلام شذا صح.
مراد بخوف :ليش يعني ممكن عهود ماتقبل فيني.
شذا:مش مساله ماتقبل فيك بس تتقبل الموضوع نفسه موضوع الزواج.
رشا بحيره:صح بس عادي انا بعدين افاتحها بالموضوع ولا تهم شي.
مصطفى:خلاص معك خوات خطيرات من قدك ياسيد مراد.
كلهم ضحكوا.
مراد:خلاص انتين تصرفين.
رشا نقزت:عندي فكرة حلوة.
كلهم بصوت واحد:ايش الخطه.
رشا :يو اكلتوني بقلكم انت يامراد بتصارح عهود بحبك واليوم.
كلهم بهرروا
مراد بصدمه:ايييش جننتي ...
في مكان ثاني.
ابو مراد:من غير لف ودوران انت اخوي اشتي اقلك بموضوع.
ابو خالد:مامعك ياعلي تحاكا.
ابو مراد:ابني مراد يشتي عهود ايش رايك.
ناصر :مامعك الا خير مااحصل مثل مراد رجال والنعم فيه بس نشوف راي البنت.
علي:خذو راحتكم وعن اذنك اسير اشوف العمل والعمال المصنع يشتي له مفاقده كل ساع.
ناصر:وانا والكل هيا.
نرجع لا أصحاب الخطط.
مراد بعصبيه:لالا مستحيل اسوي هكذا.
رشا:يخ للسماجه ايش فيها يعني هي بنت عمك عادي.
مصطفى:طلعتي مش سهله يا رشاش خليها لغدوه الخطه احسن اليوم مافيش وقت .
رشا بضبح😠:رشاش في بطنك لمن يفجرك ضروري اليوم لان ابوي بيكون قد فتح الموضوع لعمي ياشطور.
شذا:ذلحين عتدخلونا حرب والا ايش هيا المحاضرات عتبدا الان.
مصطفى بيحانكها:شويه على اعصابش يارشاشتي.
رشا :اف سامج.
مراد:خلاص افكر وبعدين اقلكم خلونا ندخل المحاضره الاوله بعدين اقلكم ايش نفعل خاطركم.
مصطفى:وهو بيضحك هههههههههه مع السلامه رشاشتي.
رشا بتشوف له بنص عين😒:خخ سامج. .
شذا سحبتها من يدها :امشي تأخرنا.
في المحاضره مراد مش مركز معاهم خالص.
خالد طبزه بلقلم:ييي وين سارح.
مراد نقز:هاه لالا ولا شي.
في وقت الاستراحه.
عهود بكسل:جاوعه يله نشتري حاجه.
رشا بضحكه :بقول لمراد يشتري لنا.
خلود بنص عين :ايش معش تضحكي.
شذا:بلاها الخباله سيري قلي له يشتري.
رشا:حاضر( وقامت )
شذا:وين إيلاف اليوم مش معانا.
عهود:مدري يمكن مع صاحبتها.
في مكان ثاني في نفس الجامعه.
ايلاف:اووو ياسوسن ذكرت وين صورتي الصغيره الي معش حق الجامعه.
سوسن :بغير جنان دخلتها لش في الملزمه بداخل ورقه لفيتها .
إيلاف بخوف:احلفي
يتتببع ...
*التفاعل يوصل 500 نبداء ننزل [❤️🩹👩🏻🦯]*