الفصل 6
*روايات وقصص يمنيه 📚🖋️*
*روايه [ مـابيــن الحـب والـحــرب عـقـلــي جُــن بــک ]*
*بارت رقم [ 6 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
في الجامعه
الاستاذ:حيا الله وارحبوا شي معاكم غدا.
مراد:صوت صغير بدا مستر بن لدعاباته السخيفه.
صاحبه:بيكتم ضحكته.
الاستاذ:مسك أذنه ايش قلت يااستاذ مراد.
مراد:قلت اهلا وسهلا فوق العين ورأس ايوه به غدا.
الاستاذ:الله يحييك سير تروح انت وهم جهزوا الغداء مطرودين اخر الناس تجوا الجامعه مش فوضى.
مراد:بيشوف لصاحبه الي اخرهم بنظرات ضبح وساكت.
صاحبه:يااستاذ هن الا عشر دقايق تأخرنا.
الاستاذ:عشر دقايق وعاد لك وجه تتحاكا الله معك.
صاحبه:كان خاطرك نروح نفتهن اليوم.
خرج مراد ضابح واصحابه يضحكوا.
صاحبه:يله نسير الحديقه وبس نفعل اليوم ضحك وجلسه.
مراد:بضبح والله ما اسير مكان مروح البيت ارتاح وارجع اذاكر.
صاحبه بضبح:مقلع عادك تتحنق
بيت ابو ناصر.....
عهود:يمه ياقلبي وعمري باسير اذاكر عند رشا.
خديجه:ليش من صباح الله مابش خرجه ذاكري في البيت.
عهود:يمه افدي قلبش شويه وارجع
خديجه:كلمتي ما اثنيها.
عهود دخلت الغرفه عند ابوها دقت الباب ودخلت ناصر بيلبس الشال.
عهود:بابه قلبي وروحي اسير عند رشا ذاكر.
ناصر:سيري ياقلب ابوش الي يريحش.
عهود:فديت قلبك حبته في رأسه وخرجت.
خديجه:فين سايره انا قلت مابش خرجه.
عهود:استاذنت من ابوي خرجت وغلقت الباب ( بعض الامهات يجبرين ابنائهن بعدم طاعتهن واحترامهن لانهن وبكل بساطه لايعرفين كيف يتصرفين نحو ابنائهن بتعامل الأم الحنونه التي تفهم ابنائها وحريتهم والأبناء يصبرون حتى صبرهم ينفذ والام تخسر طاعه ابناءها)
عهود:داخله بيت عمها ضابحه أبعدت اللثمه ودخلت ومراد يشتي يدخل اندقوا في رأس بعض.
عهود:من غير ما تشوف من الي عور راسها جني جني يشله يوم من اوله دبور.
مراد:خزي شاف لها انا اسف ما انتبهت.
عهود:خزيييت انا الي اسفه تشتي تهرب وتعور راسها في الباب احححح ياراسي.
مراد:ضحك ودخل بعدها.
عهود:دخلت غرفه رشا افففف.
رشا:يووو مالش ماوقع شكلش معفوسه.
( مراد،)،، في الغرفه بيفكر هذي عهود والا انا غلطان ماتغيرت كثير حلوه وكبرت.
عهود:وهذا كل الي حصل امي عافسه عيشتنا بس امانه لا تقولي لشذا شي حاولي تنسيها خالد.
رشا:استغفر الله هذه امش يشتي لها ملان ظهرها بالصميل.
عهود:هييي كسروا لقفش هذي امي اصه.
رشا:ذلحين فهمت ليش ماوصلتي شذا شي فكرنا انو نسيها بعض الظن اثم . (( سوء الفهم يُدمر العلاقات مهما كان جمالها))
اجا رمضان استقبال رمضان الكل فرحان بدات
اصوات التراويح والقيام وصالح الأعمال بدات الزيارات للاهل والاصدقاء والاحباب وكعادة أكثر العوائل في اليمن صلاة التراويح بعدها اكل الحلا والزيارات وقراءة القرآن باي وقت وصلاة القيام ولقا وتجمعات شباب في المساجد وفرح الأطفال بقدوم العيد وتمر اسعد واجمل ثلاثين يوم بالسنه فرحه العيد وتوديع الشهر الكريم.
بعد زيارات العيد والأفراح والاعراس الكثيرة الي بعد العيد تسجيل المدراس والجوامع وبدات الدراسه.
بعد مرور فتره طويله في الجامعه ،،،
رشا:اف الجامعه زبل خرجت نفسي.
شذا:مابش اتعب من تخصصي أما انتي رسم ازيءا بس سهل.
رشا:ايش من سهل طلعت روحي قالت سهل.
عهود وخلود:السلام عليكم.
رشا شذا:وعليكم السلام.
رشا:تاخرتين كل هذا عشان تشترين صبوح.
عهود: قد انتي تعرفي زحمه.
خالد خارج من المحاضرة شاف شذا من بعيد تنهد.
خلود:خالد خرج لحظه اقله بيوصلنا بعدين البيت والا نروح.
شذا:ابتسامتها اختفت(( كعادتها لم تنسى الحب ولم تنسى الوجع ولافراق ولم يحدث اللقا))
شذا:عن اذنكن قامت اخذت اغراضها ومشت.
عهود ورشا بيشوفوا لبعض بزعل.
عهود:الله يسامحش يمه كان قد تزوجوا وفرحنا فيهم قبل رمضان.
شذا:مابش نصيب والا بيقع غصب عن امش وعن كل الناس.
من بعيد شوي مراد بياشر لرشا.
رشا:سارت لاعنده هاه ايش تشتي.
مراد:اشتريتين صبوح والا اشتري لكن.
رشا:اشترينا ايوه.
مراد:شاف لعهود بسرعه ااء... وعهود أشترت يعني وبنات عمي اشترين.
رشا:نظرات تعجب ليش خصص عهود ايوه أشترت غمزت له ماقد معك.
مراد:خاطرش يالقنه.
رشا:بتمشي وتفكر عهود معقوله اوريك يا مراد تخفي عليا.
في الليل في بيت ابو مراد.
رشا دخلت غرفه مراد:كششش.
مراد افتجع:جني ماتشتي فجعتيني.
رشا:اشتي اعرف ايش في راسك.
مراد تنحنح:يعني ايش بيكون في راسي.
رشا:امممم نسال عهود.
مراد نظرات ابتسامه:احممم وش دخلها عهود ذلحين.
رشا:من الاخر انت تحبها صح.
مراد بهرر عيونه لبس النظاره: اللقانه توديش في ستين داهيه هيا اقلبي وجهش.
رشا تنهدت بملل: طيب بقلب وجهي بس جيت اقلك خطبه عهود بيوم الجمعه.
رشا تشتي تخرج
مراد سحبها من يدها :احلفي.
رشا: بضحكه كاتمتها ع ايش احلف.
مراد بقله صبر :عهود انخطبت.
رشا:وانت مادخلك اقلب وجهك.
في مكان ثاني وبعيد عن أبطال الروايه.
سماح:يابنتي كلمي اخوش والا ابوش يدبر بقيه الفلوس.
ايلاف تنهدت:وهم من وين بيدبروا الباقي قلت لعلي وطنش .
سماح بزعل:خلاص انا بحاكي ابوش واشوف ايش بيقول انا قد اخيط واتعب عشان الجامعه حقش انتي واخوش وربي كريم.
قاطعهن زوج سماح الي هو ابو ايلاف.
السلام عليكم.
ايلاف وسماح:وعليكم السلام.
ابو ايلاف:ايش بقلبي زعلان.
ايلاف بزعل:ولا به شي قد نحملك فوق طاقتك.
ابو ايلاف:ايش من تحمل انتو عيالي وواجبي البي طلاباتكم.
سماح:هي زعلانه لان في الجامعه عاد ماسددت
الذي باقي عليها وقد كل البنات سددين.
ايلاف:وفوق هذا حقي الكتب ناقصه اشل حق صحباتي والمدير كل يوم وثاني ومكن لي فين الفلوس طفشني لي يومين ماعد سرت الجامعه والسبب هو.
ابوها بزعل :من عيوني ادبر لش كم باقي عليش.
إيلاف:عشره الف.
ابوها:غدوه ان شاء الله وهي عندش.
إيلاف بفرح حبته في رأسه :الله يطول بعمرك ويخليك لي يااحلا اب في الدنيا.
نرجع بيت خالد....
مراد بعصبيه:رشا لا تقلي اقلب وجهي.
رشا:يو خلص تمام تمام لا تعصب ذلحين تصبح على خير.
مراد:رشا انا سالت خطبوها صدق والا تتملعني.
رشا:ههههههه ذلحين تأكدت تحبها امزح معك يا نظر
مراد براحه:الله يقلعش يله سيري ارقدي.
رشا بابتسامه:تمام ياطائر الحب.
مراد تنهد بابتسامه:الله يجعلش من نصيبي يابنت عمي.
*تفاعل بايموجي لطيف لنستمر بنشر المزيد [❤️🩷🤍]*