الفصل 5
*روايات وقصص يمنيه 📚🖋️*
*روايه [ مـابيــن الحـب والـحــرب عـقـلــي جُــن بــک ]*
*بارت رقم [ 5 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
خلود:( بكت )طيب سوي الي في راسك والي في راس امي هو الي بيمشي.
في غرفه خلود..
عهود:خلاص لاعاد تبكي ولا تتدخلي في احد هم أخبر.
خلود:طز ماعد بدخل بشي.
خالد(بيفكر )معقوله كلام خلود صح لالا مستحيل اتزوج غير شذا.
بعد مرور فتره قصيره...
خديجه:خالد ابني اخترت لك احلا بنت الكل بيحسدك عليها.
خلود: تشاور عهود ياحسره على ايش يحسدوها على طول لسانها والا جمالها الفتان.
عهود:بضبح اسكتي نشوف رد خالد.
خالد:من هي يمه اشتي اختار لنفسي.
خديجه:وانت وش عرفك في البنات انا اخبر وادرا اخترت لك منال.
خالد:قاطعها، انا احب شذا واخترتها.
خديجه:بعصبيه شذا مستحيل يخ على ثقاله دم لو تتزوجها لا انا امك ولا اعرفك.
خلود:يمه ليش هكذا حياته وهو حر فيها يختار البنت الي يشتيها محدا له دخل.
خديجه:انا قررت من زمان ومنال يعني منال.
عهود:( ببرود دم) مشو جاهل تقرري انتي عن حياته ومستقبله.
خديجه:بتصيح وتدوي.
خالد:تضايق،يمه انا جيت اتزوج وكنت ناوي الشهر الجايي بس خلاص انسي موضوع الزواج من أساسه.
خلود :مش انت جاهل تسمع قرارت غيرك احنا من زمان بعد قرارت امي بس هذا زواج تزوج شذا وبس ابوي اكيد بيوافق والمهم انت تشتيها هذا حب مش لعب.
خديجه: الله يلعنش ياطويلة اللسان شذا هذه ساحرتكم لكن والله العظيم ان تزوجت شذا لاانت ابني ولا اعرفك ويحرم وجهي من وجهك وبغضب عليك لا يوم الدين.
خالد:(وقف)طيب يمه مابتزوج شذا وو ...
تتوقعو ايش بيكون قرار خالد ؟؟
خالد: والدموع في عيونه وقف طيب يمه طاعتش واجبه مابتزوج شذا وكمان ماني متزوج منال وتحرم عليا الزواجه وتحرم عليا اي بنت غير شذا.
خلود وعهود :بيبكين
عهود :خالد مالك.
خلود:بكت صل على النبي واهدا.
خديجه:يعني هذا اخر تربيتي لك تعصي كلامي .
خالد،، خرج ورزع الباب.
عهود:طول عمرش يمه وانتي انانيه لمتى طيب لمتى هذا اخونا الوحيد نشتي نفرح فيه وبعياله حرام عليش تحرميه من حبه.
خديجه:معصبه والله مايتزوج بنت سميره وانا على وجه الدنيا وقله الأدب والمقاطعه حقكن انا ارويكن.
خلود:مافي شي جديد متعودين على قساوه قلبش.
دخلين الغرفه وغلقين وخديجه تصيح وتلعن.
خالد:فوق السيارة مقهوووور.
أيجب أن أموت في غيابك أختناقآ لـٍـً تدرك أنك هوائي الذي أتنفسه ..💔
بيت ابو مراد....
شذا روحت من الجامعه تاعبه خلست البالطوه توضت صلت الظهر ورقدت بتعب .
وقت الغدا.
سميره:يارشا هيا داعي شذا تغدا.
رشا:قالت لاحدا يصحيها تشتي ترتاح تاعبه .
سميره:خلاص تعالي بقي لها غدا لوما تقوم.
ابو مراد:كيف الجامعه معك يامراد.
مراد:الحمدلله ماشي الحال.
رشا:ليش ماتبتسم وانت حالي لكن ساع البومه كل ساع مبرطم.
كلهم ضحكوا
مراد:ابتسم أما انتي قد لقفش بيوجعش معلقه على الابتسامه كل ساع ياطويله اللسان.
رشا:الحياه حلوة خليني ابتسم شايجي موت.
مصطفى:اما انتي سبعه اروح مدري متى تموتي.
سميرة:بعد عمر طويل ان شاء الله قلعك من اخ.
رشا:بتحانك قلعك من اخ صدق.
رغد:خلاص اسكتوا ازعجتوني.
ابوها:ضحك ازعجتوا حقي القمر.
رشا:بتشوف لرغد بضبح عوجت لقفها لوما احبش كان دفنتش من زمان.
رغد:ادري تحبوني فديتني لكن منير احلا واحد يكل سكته.
رشا:قلي اهور واحد خلص علينا الغدا ومركب صامت.
منير:انا اخطط لمستقبلي بكون دكتور ياسلام الدكتور منير وانا اتهنجم والبس حق دكتور وكشخه.
رشا:ضحكككت قول دكتور بقر فديت حقنا الدكتور.
منير:كلمه فديت حقنا الدكتور نستني الكلمه الاوله قد كنت قايم ارفسش.
مراد:الله الله رونا عضلاتك.
رشا:قاطعتهم ياسلام بخلص المدرسه وارجع جامعه اكون المصممه رشا انا وخلود أشهر مصممات يمنيات .
رغد:وانا بكون المحاميه رغد احامي على الناس الفقراء والمساكين مثل ماعلمتني امي اكون طيبه مع المحتاج.
مصطفى:وانا ان شاء الله في مجال حقوق الإنسان والاعلام مش مهندس مثل السيد مراد والا طب اطفال مثل الأستاذة شذا.
ابو مراد:الله يطول بعمركم وترفعوا راسي وافتخر فيكم كلكم.
سميرة:اللهم امين واشوفهم كلهم عرسان وازفهم واشوف عيال عيالهم.
رجعو يضحكو ورشا ومصطفى يحانكوا...
بيت ناصر..
ناصر ابو خالد:وين خالد والبنات مايجوا يتغدوا
خديجه:خالد خرج والبنات شابعات.
في الغرفه،،،
عهود:كنت جاوعه وسدت نفسي.
خلود:كيف نفعل ذلحين حرام خالد يجلس هكذا.
عهود:مهما كان هي ام لازم نصبر حرام نرفع صوتنا عليها أو نزعلها.
خلود:صبرنا زياده ايش عاد باقي شي وماسويناه عشان تتغير بس ماشي دائما تشوف نفسها الصح والناس غلط
.في مكان بعيد في صنعاء خالي من الازعاج والناس....
خالد جالس جنب السيارة ماسك ارجوله بيداته وحاط راسه بيفكر مهموم حزين( وليس علينا سوا الصبر فطاعه الولدين ببعض الأمور صعبه وكل الأوجاع ستنتهي فقط بكثير من الصبر وحين يأذن الله لها" )
في اخر الليل تروح البيت وجهه معفوس.
دخل غرفته وغلق ماحكا مع أحد.
صباح اليوم الثاني على الصبوح،
خالد:يابه ببدايه السنه الجديده بسجل في الجامعه بدل الفضاوه هذه.
ناصر:والزواجه متى عاد انت ناوي الشهر هذا تخطب مش قلت لي هكذا.
خالد:بقهرر الدراسه اهم مش احنا مجبورين ندخل لحياتنا ناس مانطيقهم ولا نحبهم.
خديجه:بحرفه وجه ايش قصدك.
خالد:قام من الصبوح ولا قصدي شي سحب مفتاح السيارة وخرج .
خلود وعهود ساكتات قد بينفجرين.
ناصر:ماله خالد وجهه معفوس.
خديجه:ولا به شي.
عهود وخلود قامين من فوق الصبوح.
ناصر:اصطبحين مالكم اليوم.
خلود:شبعت.
عهود:وانا مش جاوعه عوافي على قلبك يابه.
خلود في الغرفه اتصلت لخالد التلفون خالد بيرن بالسياره وهو معصب ومطنش مشغل اغنيه حزينه.
خلود:اف ماله مايرد.
عهود:ليش تتصلي له؟؟.
خلود:بعدين بتعرفي رجعت تدق مره ثانيه.
خالد:خيررر ماتشتي.
خلود:خالد ليش قاسي عليا وش فعلت انا ارجوك ارجع مثل قبل وكل شي بوقته حلو لا تستعجل.
خالد:والمطلوب.
خلود:ارجع البيت الان واحنا بنقول لابوي في الموضوع وهو يتصرف.
خالد:.....
في مكان ثاني
في طريق مراد للجامعه اصحابه بيسافطوه فوق اليساره.
مراد:ياجنااااه اقلكم بطلوا مجهاله خلوني اراجع قبل الدكتور يطردنا اليوم قد احنا بنتاخر.
صاحبه:هيا ناهي احنا وثقاله الدم خلينا نتجابر وبس بعدين نلحق المحاضرة.
مراد:افهموا اقلكم بطلوا هدره شكلنا اليوم مطرودين.
صاحبه 2:جاوع اول نسير مطعم اصطبح.
مراد:لالا بعدين نتاخر.
صاحبه:لا والله اول الصبوح.
نرجع لخالد:انتي عارفه بامي بعدين مشتي مشاكل بين أمي وابوي بسببي بعدين امي تعاند منال وابوي يعاند رشا وتحصل مشاكل خليها على الله وانتبهي تفتحي الموضوع لااحد.
خلود:تنهدت حاضر.
عهود :بيتنا أصبح ملل وأكثر إحباط وقساوه بخلص اكتب واجبي واسير راجع عند رشا طفشت.
في الجامعه،.....
الاستاذ:.....
*يتببع هت تفاعل بذا [❤️👍🏻]لنستمر بتنزيل المزيد*