الفصل 2
*روايات وقصص يمنيه 📚🖋️*
*روايه [ مـابيــن الحـب والـحــرب عـقـلــي جُــن بــک ]*
*بارت رقم [ 2 ]*
*اعمل توجيه للروايه لحفظها وتفاعل بايموجي لطيف لنستمر [ 📖🖊️]*
شذا:كيف مادخلني منها وهي أمه اكيد تأثر عليه وتخطب له والمهم غيري الموضوع لاعاد تذكري الماضي عشان مشتيش افكر فيه وبعدين هو مش عارف فين انا يمكن نسي هو وعدني يكون يحاكي( يكلم) خلود تطمني عنه ولا عاد اي خبر بعدا الله معه نسي الوعد .
رشا:تمام على ماتشتي انسيه أفضل لش عمتي شريره .
بيت ابو خالد.
خديجه:ياخلود تعالي نظفي غرفه خالد.
خلود:يمه قد نظفتها تشتي كل ساعه نظاف وعاد هي جديدة الأثاث حقها .
خديحه:اشتي تكون غرفته احلى غرفه يتزوج وكل البنات يحسدين زوجته.
خلود:بضبح يمه انا فدالش شذا طيبه محدا يحسدها الكل يحبها.
خديحه:لفتت لها( بمعنى نظرت إليها)بعصبيه شذا في عينش وهي مادخلنا منها.
خلود:يمه خالد يشتيها ويحبها من زمان وقبل يغترب قال راجع يتزوج شذا.
خديحه:اسمعي قسم بالله لو اسمعش تذكري له شذا لااكسر لش لقفش( فمها) انا اشتي له بنت اخي انتي وشذا السامجه يخ.
خلود:والله مابها شي طيب وحلا وذكاء اما بنت اخوش زناطه مغرورة تدي الغاثي.
خديحه:رجمتها بصحن انتي وبنت عمش فدا لبنت اخي عاد تراددي ياقليله الحيا.
خلود:بكت طول عمرش وانتي انانيه يمه خالد يحبها وانتي تشتي مصلحتش انتي وبنت اخوش انتي ايش من ام دخلت غرفتها وغلقت.
عهود:مالكن ماوقع صياحكن ملان البيت.
خديجه:مالش دخل تمي عملش سكته.
في السعوديه.
خالد:ياخي فرحان برجعتي لليمن فقدت( اشتقت) للبيت والحاره واصحابي وبيت عمي.
صديقه يمني مغترب معه يشتغلوا بنفس الشغل.
صديقه:الله يسعدك ويهنيك باليمن وأهلك لو قد انا مكانك ابي مرتاح مااجي للسعوديه والبهذله انا شاقي على اسره انت ابوك مرتاح.
خالد:اشتي اعتمد على نفسي وازوج نفسي عشان هذا جيت السعوديه.
صديقه:والله زعلان بفقد لك يعني انت مش ناوي ترجع السعوديه.
خالد:لا ماارجع اسوي هانا اروح اتزوج واستقر وانت الله يعينك على الكفيل يطلع الضغط.
صديقه:الله كريم ويعين .
خالد رجع يلفلف أغراضه ذكر شذا آبتسم ياترا هي فاقدة لي مثل ماانا فاقد لها اخيرا راجع لش يا شذا بس ماعد فيه اخبار عنها تغيرت شل ( اخذ) تلفونه اتصل لخلود.
عهود:قد انتي عارفه باامي طنشي وبس لاعاد تكوني تردي عليها بشي.
خلود:تلفونها بيرن لحظه هذا خالد خليش ساكته.
خلود:ياهلا وغلا بااخي الغالي كيف حالك.
خالد:الحمدلله بخير كيف امي.
خلود:امك بخيرررر تقتل بلد.
خالد:ضحك ايوه وكيف حال شذا طمنيني عنها وصلتي لها كلامي حق اول امس .
خلود:بقهر ايوه وصلته زي ماقلت لي.
خالد:فارح وماقالت لش.
خلود:قلت لها خالد يسلم عليش قالت قد انا سلم قالت لها خالد راجع يتزوج قالت وإذا ايش افعل له.
خالد:.....
خالد:مصدوم صدق قالت لش هكذا.
خلود:ايوة بعدين يااخي هي مش مناسبه لك ومغروره وولد خالتها تقدم لها وهي شكلها موافقه.
خالد:انقهررر يمكن قد هي نسيتني الله يسعدها سلمي عليها الله معش.
خلود:يوصل الله معك.
خالد:جالس يفكر معقوله شذا تنسى الوعد الذي بيننا ونسيتني.
عهود:ليش تكذبي عليه انتي ولا مره وصلتي شذا بكلام خالد ولا وصلتي كلام خالد ل شذا .
خلود:دمعت عشان مصلحتهم ماله داعي يضلوا يحبوا بعض وامي تكره شذا وخالد طايع لامه كثير ومستحيل يرفض لامي طلب من الاخر نهايه حبهم واضحه انا ماوصلت كلامهم لبعض عشان مايحبوا بعض اكثر ويقتنعوا ينسوا الماضي.
عهود:صدقتي امي عنيده ماتسوي إلا الذي تشتي.
آخر الشهر يوم وصول خالد خديجه وبناتها مجهزات كل شي،
بيت ابو مراد شذا بتتشاقر من الطاقه.
رشا:شذا هيا معي بيت عمي خالد بيوصل وانا امي مكنتني أسير لعمتي حقهم الصحن.
شذا:لا سيري انتي مقدر أسير مصدعه
رشا:تمام. ( بيتهم بنفس الحارة جنب بعض )
بيت ابو خالد.
خديجه:حيا باابني وروحي وتحببه.
خالد:فارح كيف انتو كيف حالكم كلهن بيسلمين عليه.
ابوه:ما شاء الله على ابني أصبح رجال ضخم.
خلود:ما شاء الله عضلات وحركات.
خالد:ضحك الله يحفظكم ما شاء الله عليكن قد انتين نسوان مسرع طولتين.
قاطعهم صوت جرس الباب.
عهود:قومي افتحي ياخلود.
خلود:تمام عساس وانتي مكسره.
خالد:طول عمركن ماتتغيرين مراوعه.
خلود:ياهلا رشا سلمت عليها ادخلي.
رشا:دخلت خالد في الصاله انحرجت كيف حالك ياخالد.
خالد:الحمدلله بخير انتي رشا المجنونه مش معقول.
رشا:مبتسمه وانت ساع من قد انت كبير وضخم عكس اول.
خديجه( هذي من دعاها تجي ذلحين جني يشلها)قامت للمطبخ تفعل لهم عصير.
رشا:يالله مع السلامه مشتيش اتأخر.
خالد:اجلسي تغدي مابش خرجه.
رشا:وطتت صوتها اسلم مره ثانيه ماتشتي اوصل سلام لااحد.
رشا:وطتت صوتها ماتشتي اوصل سلام لااحد كما أنا كنت ساعي البريد حقكم.
خالد:ارتبش هاه( ذكر كلام خلود وقت قالت له عن شذا)سلمي على عمتي سميره .
رشا:خزيت الله معاكم.
وصلت البيت.
شذا:قامت من عند الطاقه هاه كيف حال خالد وكيف شكله تغير.
رشا:ايوه تغير كثير ليش ماشفتيه من الطاقه.
شذا:لا كان داير ظهره ماشفته بس قولي لي ايش قالش ماقلتوا قالش لش كلام لي والا لا.
رشا:بزعل على اختها لا بعدين انتي قلتي ماتشتي تذكريه انسي.
شذا:انكسفت اصلا نسيته بس حبيت امزح معش دخلت المطبخ وهي مدمعه.
رشا:ماله خالد ماغيره معقول نسي شذا؟ صدق من قال محدا تأمن الرجال.
بعد العصر مصطفى ومراد وابو مراد بيت ابو خالد مخزنين.
مراد:يييهييي يهاااه ساع من قد انت دب( سمين)
خالد:ايش من دب قول عضلات.
مصطفى:انا قررت اغترب ارجع بشكل ثاني ساع خالد.
خالد:ضحك الله لا رواك الغربه.
اليوم الثاني قبل الظهر .
خالد:يالله يمه طالع بيت عمي اسلم على عمتي سميره.
خديجه:وليش ماتجي هي تسلم عليك محدا احسن من احد.
خالد:انا من 'واجبي أسير اسلم عليها مش هي تجي تسلم عليا.
خديجه:طول عمرك وأنت خجيفه( اخبل)لاتنسى تسير تسلم على خالتك.
خالد:اكيد ولا تهمي.
خديجه:ايش الذي في يدك الكيس.
خالد:لعمتي سميره هديه بسيطه.
خديجه:يو وليش هديه خساره بعدين ليش تدي لها هديه وخالتك لا.
خالد:ضبح خالتي هديتها موجوده في الشنطه لاتخافي.
الباب بيدق.
سميره:رشا شوفي من بيدق يمكن شذا من المعهد قدهو وقتها والبسي الحجاب يمكن مراد بيرجع يصيح ليش تفتحي وانتي بشعرش .
رشا:تمام كل يوم واحنا في هذا الكلام فتحت الباب ياهلا بخالد تفضل يمه هذا خالد.
مصطفى:سمعها وخرج بهرر لها بعيونه تدخل الغرفه.
سميره:ياهلا وغلا بخالد سلمت عليه كيف انت ياابني.
خالد:الحمدلله بخير الله يحفظش كيف انتي والبنات.
سميره:الحمدلله بخير مانسال إلا عليك.
فوق السياره بالحوش.
مراد:هيا شذا بسرعه جاوع.
شذا:صل على محمد خلني انزل أول.
رغد:يو منكم تطفشوا الواحد.
شذا:انتي ياام لسان اسكتي.
مراد:انا داخل وانتي غلقي باب السيارة وادخلي.
شذا:أمري لله حاضر.
سميره:ليش عاد تخسر نفسك الله يحفظك المهم سلامتك.
خالد:مابش خسارة.
قاطعتهم رغد: من هذا الوحش ساع من يده كبيرة.
كلهم ضحكوا.
خالد:مبتسم ما شاء الله قد انتي رغد.
رغد:لا كان اختها.
منير:يقلدها لا اختها خبلا.
رغد:شلوك مابش اخبل منك
مراد:بطلي اللقانه وادخلي.
خالد:استاذنكم.
سميره:ادخل تغدا ليش مستعجل.
خالد:مره ثانيه امي اليوم الغدا عندها.
مصطفى والكل :الله معك.
خالد يشتي يخرج في الحوش وشذا داخله هو وقف وهي
*وين التفاعل عشان ننزل بقيه الفصول نوصل 1000 تفاعل نبداء ننزل انتم قدها 🫡🔥🧑🏻🦯*