جرح القريب غريب - من 351 إلى 360 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 14* *الفصل (من351وحتى360) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب غريب😔💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعة 🥹💗⃟🎀* كمال قلب عيونه بضيق ومط رأسه شوية: يا هيفاء اسمعينا.. هيفاء ترجف وترجف وهدى تمسك بيداتها وتحس كمية البرودة فيبهم.. أياد دهفه: كمال روح لك لا تخليناش ابتلي فيبك.. _ والله!، وأيش بتسوي هاه، بتجيب عصابة زي البارح وتخليهم يضربونا يعني! الكل شاف لأياد بصدمة وعزام مش مصدق يلي سمعه، وأياد ما رف له جفن: _ لو اضطريت أيوة، لأن شكل الدرس يلي هبيته لك البارح ما فادك، وناقصك تاني.. عزام: أنته يلي ضربته يا أياد! هيفاء تشوف لأياد ودموعها ينزلوا، أيوة يا اباه، هو كسر قلب هيفاء، ولأنه قليل أدب كان لازم يتأدب لأنه.. ورجع شاف لهدى يلي تحرك رأسها بالنفي، وحس أن يلي سواه يمكن يخلق شرخ بعلاقتهم يلي بدأت تتأسس.. كمال شاف لهيفاء: هيفاء، اسمعينا (هيفاء نزلت رأسها بتجاهل) أنا عارف إن انا قهرتك وزعلتك وانتي يلي راعيتي لي سنين، ب..بس.. أياد: ما شاء الله، الحمدلله إنك عارف بدا الشي ومعترف فيبه.. _ أياد اسكت وخلنا اكمل، (وشاف لهيفاء) صدقينا أنا أحبك، و..وما كانش قصدي ا..إن انا اسيبك، ب..بس انتي ما تعرفيش بيلي حصل وإن انا.. هيفاء لفتت له وبمقاطعة: إنك أيش هاه، إنك أيش.. كمال شاف القهر منحفر بعيونها، نظرات قاتلة رمقتهم بها ما عمره شاف بنظراتها غير فيض الحب، والآن ما ينضحوا غير بالشر، بسبب كف تسيبني يا كمال، بسبب كف!! _ أ..أنا كنت مقهور يا هيفاء و.. هيفاء صاحت ودموعها تفيض بلا توقف: حتى ولو، حتى ولوو، أنته علقتني فيبك وخليتني أحبك يا كمال، وبسبب كف واحد نسيت سبع سنين!، أيش أنته من بشر أيش! أياد حط يده فوق كتفها وهي حركته لمن بعدتها: أنته أيش!!، كدا بكل بساطة تقول عقد وبعده زواج و...وبيوم العقد يلي مراعية له سنين و..وقلت خلاص أخيرًا بنعقد وبنتزوج، ب..بعدين (ورجفوا شفايفها) بعدين اتفاجأ بدخول أبي ويقول لي إنك سبتني، دا يلي كنت ناوي عليه من سبع سنين! عزام أغمض عينيه بقهر، كمال نزلوا دموعه وهو يزدرد ريقه بقهر، هيفاء حاولت تبين قوتها وعقدت ملامح وجهها: _ خلاص يا كمال، دامك ما تشتيني، فأني.. كمال يحرك رأسه بالنفي: لا تقوليه يا هيفاء.. الكل يشوف لها بقلب منقبض، وهي غمضت عيونها وتنهدت كبداية لأعلان نهاية ابدية وقرار حاسم، ومسكت ببنصر يدها اليسار وهم يشوفوا لها وهدى فتحت فمها: _  لا يا هيفاء.. وهي اصابع يدينها يرجفوا، وغمضت عيونها كتأكيد للقرار يلي بتتخذه، كمال شاف لها:  _ ه.. هيفاء.. نعمة يدها على فمها، هيفاء سحبت المحبس بعده الدبلة وحست أنها سحبت قلبها واحشاء روحها معاهم، وشافت لكمال ورمتهم بوجهه ووقعوا للأرض:  _ خذهم، كانوا الحاجة الوحيدة يلي مبقية لعلاقتنا تحت اسم "مخطوبين" روح لك يا كمال.. كمال بنبرة متحشرجة: هيفاء.. هيفاء بدموع منهمرة وبشموخ قشة على جرف هاوية تصارع الرياح كي لا تأخذها معها.. _ يلي ما يشتينيش مرة.. كمال دمعته سالت على طول خده ووقعت للأرض، وهو يشوف لدموع هيفاء يلي كانوا اضعاف ادمعه.. _ ما اشتيشه مليون يا كمال.. كلمة وقتلته، ما تمالك نفسه وسماع كلام يقصم ظهره كدا: لا ل.. لا تقوليه امانة عليك (هدى تبكي ونعمة ترجف بهلع)، ص.. صدقينا يا هيفاء (وراح برجفات وبز الدبلة والمحبس من الأرض) إن انا أحبك و.. ومستعد أحارب العالم كله على شانك.. هيفاء بسخرية: هه، تحارب العالم على شاني، أنته ما قدرتش تحارب كف عادك بتحارب عالم على شاني يا كمال! (ودهفته للخلف) يا كداااااب.. رعد شافه الموضوع يشتد وتراجع للخلف يراقبهم من بعيد عشان ما يشوفوه، وتصرخ بهستيرية وأياد يمسكها: _ كداااااااب، اخرج من هنا اخرج اخررررج.. هدى ونعمة يهدينها: هيفاء بس أني افدا لك اهدأي.. رعد جرى للخارج وكمال ترنح للخلف وعزام مسك بيده وسحبه للخارج، هيفاء تبكي لمن جلست: _  اخرررج اهئ اهئ، خلوه يخرج يا اماه خلوه اهئ اهئ.. صفية ضمتها: بس يا هيفاء بس، قسما بالله أنه ما يستاهل ظفر رجلك، طز فيبه طزز.. _ هئ هئ، ب.. بس هو قهرني اهئ اهئ، ق.. قهرني يا اماه قهرني.. صفية: طز فيبه يا روح أمك، ربنا له حكمة بدا الشي يا روحي لا تبكيش على شانه.. نعمة تتسمع اهاناتهم وهي تنزل جبال من النيران عليها، لكنها فضلت تسكت على أنها تزيد الطين بلة.. عزام خرج كمال للخارج ودهفه وشاف ابو بكر والبقية جايين، وسكت، ابو بكر شاف ابنه وراح لعنده: _ كمال يا ابني فين كنت؟ (ولف بجسمه لعنده)  كمال أيش دا بوجهك من عمل فيبك كدا؟ كمال شاف له وهو يدمع، وما كلمه على السبب وراح، عبدالباسط  شاف لعزام: _ أيش في يا فندم عزام؟ _ اااح، لا بسس، هو جاء لهنا وكانت هيفاء داخل،  و.. وحصلت مهاوشة وكدا.. . البـارت 352 ◇ جُــرح القـريب غـريب 💔 👌🏻👇🏻 😍 ابو بكر مسح وجهه: يا رب على المصائب يلي تنزل على نحنا كدا، الآن كيف براوية قد غسلُونّه؟ _ لا، عاد انا اتصلت بعارف يجيب زوجته وكم وحدة تساعده.. ابو بكر: الله يرحمه، والله العظيم مش مصدق يلي يحصل، خلاص مش قادر استوعب.. عبدالباسط: قد كان اغمي عليه لمن كلمته بالخبر، اصطرع من كتر المصائب يلي تنزل اليوم.. عزام حط يده على خصره والثانية غطي فيبها عيونه بعدين نزلها: _ بنراعي لهم يكفنونُنه بعدين سهل، الله يرحمه ويرحم نوال وخالد كمان.. عبدالباسط وابو بكر: اللهم آمين يا رب العالمين.. عزام: أنا بدخل قليل وارجع، وانتم خليكم هنا، بدل ما يشوفكم أياد أو هيفاء، وراح للداخل.. رعد كان يشوف لهم من بعيد ومشى بضيق وطلع جواله واتصل.. _ الو أمجد.. أمجد بضيق: خير يا طير أيش تشتي؟ _ معي لك خبر يمكن ما يعجبكش.. _ خبر! معناته تافهة زيك، غلق غلق مش فاضي لك.. _ يا أخي اسمعنا أول، مش نوال ماتن أمس.. _ أيوة.. _ واليوم بيدفنوا أمه وأخوه خالد معه.. أمجد وقف وبدهشة: كييف! زينة تشوف له وهي تلاعب لعبة بشعر اصفر طويل، ا..أيش تقول يا رعد مجنون أنته! _ والله دا يلي حصل، وعاد اسمع الخُبارة الأكبر، يلي قتل خالد هو ابن أخته نوال، داك يلي اسمه جروح مدري مجروح.. أمجد بعدم استيعاب: جراااح!! _ أيوووة، دا جراح، والكبير داك ابوهم الكبير يعني، (ومسح جبينه) صابنُه جلطة والآن هو بغيبوبة يمكن ما يصحاش منه، (مجد ماسك رأسه) والُخبارة الأكبر من الكبيرة إن بنت الفندم عزام فسخت خطبته.. أمجد صاح: الآن أنته من جدك أو مجنون، كيف يحصل كدا كيييف.. _ والله دا يلي حصل، اووو نسيت أن خالد داك صهيرك، مسكينة زينة، لو تعرف أنه مات بتنقهر، الأفضل تروح تشوف أختك، سمعت أنه مش بخير بعد ما سمعت الخبر، الو، الوو أمجد.. أمجد وقع الجوال وزينة وقفت: ما لك يا خال وقعت التلفون؟ (وراحت وبزته من الأرض) اووو اشترخن الشاشة حقه.. أمجد فك الشميز من فوق ومسك رأسه وفرك شعره ومسح وجهه وهو يمشي، زينة ضغطت على ازرار الجوال وصاحت بفرح: _  اشتغل يا خالو ما عطل.. أمجد راح جري وأخذه، وراعاه لمن اشتغل وهو يصك اسنانه مرة، ومرة يعض شفايفه بتوتر وغضب: _ اشتغل يا جني بسرعة بسرعة.. وفتح الرمز ودق على رقم محدد، راعى شويات لمن رد المتصل: شوفنا مشغول مش فاضي الآن، اتصل لي بعدين.. أمجد: لا بعدين ولا شي.. القائد: ما لك تكلمنا كدا يا أمجد! _ قل لي، أنته ليش خليتنا أحتجز خالد صهيري هنا وارسله مع العيال لعندك هاه؟ القائد: في مهمة كان لازم ينفده.. _ هاه ينفده، وأيش دي المهمة هاه؟ _ وأنته أيش دخلك، لا تتدخلش بشغل ما لكش خص فيبه يا أمجد.. أمجد يمشي بغضب وزينة تشوف له، المهمة كانت أنه يقتل أخته نوال صح؟ _ قلت لك ما لكش دخل، أنا مشغول يا أمجد.. أمجد صاح بغضب: خالد مات يا قائدنا مااات، صهيري مااات، أنته مستوعب يلي سويته أو لا.. بعدين لفت خلفه بصدمة، وشاف لزينة يلي تلاعب العروسة وهي تشوف له.. _ أبي مات! أمجد بلع ريقه ووقعت يده وفلتت الجوال، وترنح الغلاف وحدة والبطارية وحدة، زينة رجفوا شفايفها: _ ا..أبي مات (أمجد راح لعندها وهي بكت) لا أبي مش مات اهئ اهئ.. _ ز..زينة اهدأي ي.. _أبي ما مات اهئ اهئ ااااااا.. _ زينة يا روح خالك اسمعينا.. بس زينة ما وقفت بكاء وهو بز العروسة: شوفي عروستك محسنة لو تسمعك تبكي بتبكي من جيزك اهدأي يا زينة.. بس زينة ما وقفت بكاء: اشتي ابيييي اهئ اهئ، ودني عنده ودنيي.. أمجد يشتي يتكلم لكن ارتدم حلقه، وشاف لها وضمها: بس يا روح خالك بس.. وزينة تبكي وتبكي: اشتي أبي اهئ اهئ اشتي ابيييي، اااااا اشتي أبي اشتي ابييي.. زينة تتشطط وتضربه: فينه أبي، أبي ما ماتش ما ماتش، فينههههه.. _ ي..يا زينة ل..لحظة، ااح مله، (وطوق معصميها بيداته) خلاص بوديك عند أمك.. . . وهن روحه وانهداد حاله، كسير متألم مخذول، كل شي مثقل له لدرجة ما قدر يستوعب فين هو، شاف حوله بانهاك كبير، صقر شاف له وطبع أيهم يلي يشوف بالجوال: _ أيهم أيهم جراح صحا.. أيهم فز وشاف له: جراح.. ووقفوا بسرعة وراحوا لعنده، وجراح يحاول يتذكر بعد ما عدل جلسته، شاف تحته وانقبض قلبه وأسارير وجهه: _ الله يرحمك يا اماه، الله يرحمك يا الغالية.. صقر جلس جنبه: جراح صحيت.. جراح شاف له: أيهم!، صقر!، أيش معاكم هنا؟ أيهم: نحنا لحقناك لهنا بعد ما صحيت، وشفناك راقد وما سخيناش نصحيك.. جراح شاف للقبر: حتى وهي ميتة لاقيت رجولي يشدونا لعنده، عارفين إن انا ما ارتاحش وما يخفف حزني وهمي غير أمي يا صقر.. صقر حط يده فوق كتفه: جراح يا صاحبي خلاص، خلنا نروح من هنا، بيجيبوا خالد عشان يدفنوه، ولازم تهرب من هنا.. البـارت 353 ◇ جُــرح القـريب غـريب 💔 👌🏻👇🏻 😍 وهن روحه وانهداد حاله، كسير متألم مخذول، كل شي مثقل له لدرجة ما قدر يستوعب فين هو، شاف حوله بانهاك كبير، صقر شاف له وطبع أيهم يلي يشوف بالجوال: _ أيهم أيهم جراح صحا.. أيهم فز وشاف له: جراح.. ووقفوا بسرعة وراحوا لعنده، وجراح يحاول يتذكر بعد ما عدل جلسته، شاف تحته وانقبض قلبه وأسارير وجهه: _ الله يرحمك يا اماه، الله يرحمك يا الغالية.. صقر جلس جنبه: جراح صحيت.. جراح شاف له: أيهم!، صقر!، أيش معاكم هنا؟ أيهم: نحنا لحقناك لهنا بعد ما صحيت، وشفناك راقد وما سخيناش نصحيك.. جراح شاف للقبر: حتى وهي ميتة لاقيت رجولي يشدونا لعنده، عارفين إن انا ما ارتاحش وما يخفف حزني وهمي غير أمي يا صقر.. صقر حط يده فوق كتفه: جراح يا صاحبي خلاص، خلنا نروح من هنا، بيجيبوا خالد عشان يدفنوه، ولازم تهرب من هنا.. جراح شاف له: اهرب!، مستحيل يا صقر، أنا بسلم نفسي للشرطة عشان يعاقبونا.. أيهم: مجنون أنته مجنون، حسام ما خاطرش بنفسه وجلس بمسرح الجريمة لمن مسكوُنّه عشان تجي وتسلم نفسك.. _ أيش عادك تشتينا أهرب وما اتحاسبش، أنا قتلت خالي يا أيهم قتلت خالي، عارف أيش معناته دا الكلام، معناته إن انا صرت قاتل يا أيهم، قاتل.. أيهم شاف لمكان آخر، ما قدر ينكر يلي سواه جراح وبأنه فعلًا جريمة مهما كان السبب.. صقر: خلنا نروح الآن بعدين سهل، ما نشتيش المشكلة لمن يشوفك العم رضوان.. _ ودا يلي كاسرنا يا صقر، ا...أنا كيف بقدر أواجه جدي وجدتي، ح..حتى سارة و..وزينة يلي كنت اروح اجيبه على شان خالي بس (وبكى) ب..بس الآن كيف بقدر اشوف لوجهه يا عيال كيف كيف اهئ اهئ.. أيهم وصقر تضايقوا، وجوال أيهم رن وهو رد: هاه الوو.. _ الوو أيهم كيف حالك؟ _ الحمد لله بس من معي؟ _ ماهر ماهر، يلي من ردفان.. _ حيااااك الله يا ماهر، زمان ما سمعناش صوتك، فينك يا ليد.. _ أنا بعدن، كلمنا حسام بيلي حصل وقررت أجي لعندكم.. أيهم شاف لجراح يلي يبكي: حيا بك يا صاحبي.. _ طيب رسل لي عنوانكم.. _ هاه، طيب الآن بهب لك ياته.. وكلمه على العنوان واتفقوا يلتقوا، وغلق وشاف لصقر: دا ماهر يلي من ردفان، قال بيجي عدن، حسام كلمه بيلي حصل مع جراح وقرر يجي.. صقر: صاحب واجب والله، وفين بتلاقيه؟ _ قلت له يجي لبيتنا، بروح لهناك وبجيبه لهنا.. صقر: أيش لهنا يا مجنون، خلنا نروح من هنا، الليد بيجي لعند نحنا وطوالي بتخليه يجي للمقبرة! _ خلاص الآن لا تناكزناش (وشاف لجراح) قم يا جراح خلنا نروح من هنا.. صقر مسك بيده: تعال يا جراح تعال.. ووقفوا وهو يشوف لقبر أمه لمن طلعوه وهو مكانه يشوف له ودموعه ينزلوا بغزارة.. عزام دخل للمستشفى وشاف هيفاء في حالة انهيار وهن يهدينها، ووقف قدامهم، هيفاء خلاص يا روح ابوك بطلي بكاء (وشاف لأياد بعيون أسد)  وأنته تعال معي.. _ ليش يا اباه؟ عزام وهو يصك اسنانه: أنا ما اكررش كلامي يا أياد.. وراح وأياد شاف لأمه يلي باين خايفة وشاف لهيفاء يلي تشهق بمرارة وألم، ولحق أبوه.. صفية: هيا دخلنه عند رغد يا بنات، الآن بتجي سامية عشان نغسل راوية.. ووقفين هيفاء يلي قالت: ف... فيبي ظمأ يا اماه.. هُدى: اني بجيب لك، دخليه للداخل يا اماه.. نعمة هزت رأسها ودخلين وهدى راحت، عزام راح بعيد ووقف قدامه: خير يا اباه أيش تشتي؟ عزام لفت له بغضب وصمخه كف لمن رنحه وأياد لفت له بدهشة واستغراب، أنته أيش سويت هاه،(وصاح بصوت أكبر) أيش سويييت؟ أياد بلع ريقه: ا..ب...أيش س..سويت! _ وعادك تنكر!، ليش ضربت كمال يا أياد ليشش! _ لأنه يستاهل يا اباه، يستاهل، كان لازم ينضرب وينهان زي ما هاننا وهان أختي يوم ما سابه قدام الكل.. عزام صاح: ومن أنته عشان تعاقبه هاااه، (وشاف يمين ويسار وخفض صوته بس مكانه محتفظ بنبرته الغاضبة)، حسك عينك تسوي كدا مرة تانية لأن انا وعزة الله بكسر لك يدينك تسمعنا.. أياد فزز عيونه: وعادك تدافع عليه يا اباه!، فوق يلي سواه تضربنا كف على شانه! _ وبقتلك لو اضطريت، (ورفع اصبعه بتهديد) الآن بتروح وتجمع لي كل العصابة يلي شكلته عشان يضربوا كمال وتجيبهم للمكتب حقي وأنته معاهم.. _ وليش؟ _ لا تسألنااش، نفد يلي قلت لك عليه، بروح الدفن وبرجع للمكتب، وصدقنا يا أياد، لو ما الاقيك أنته وكل العصابة حقك إن انا بدوركم واحد واحد واسحبكم بالطقم قدام الكل، تسمعنا.. وراح طوالي وأياد صك اسنانه ولكم الجدار: الله ي...* يا كمال وي....* الساعة يلي صاهرتنا فيبه، لا وفوقه زعلان إن انا ضربته!، دا بدل ما يشكرنا.. ورجع للداخل بس قابل هدى قدامه ودموعها ينزلوا وتصنم مكانه وهو يشوف لها: هُ...هُدى!! _ يعني صدق إنك ا..أنته يلي ضربت خالي يا أياد؟ البـارت 354 ◇ جُــرح القـريب غـريب 💔 👌🏻👇🏻 😍 ورجع للداخل بس قابل هدى قدامه ودموعها ينزلوا وتصنم مكانه وهو يشوف لها: هُ...هُدى!! _ يعني صدق إنك ا..أنته يلي ضربت خالي يا أياد؟(أياد بلع ريقه) ي..يعني فوق الاهانات يلي تعرض له، ر..رحت مسوي عصابة عشان تضربه يا أياد!  (أياد مسح فمه ويتجاهل النظر لعيونها) ك...كيف سخيت تسوي كدا بخالي! أياد لفت لها بغضب: بس خالك هاننا قبل ما نهينه، خالك خلي الكل يتكلم على أختي ويجيب معدله، وكان لازمه من يأدبه.. _ بس خالي مأدب يا أياد.. _ لو كان زي ما تقولي ما سوى يلي سواه.. هدى بعدم تصديق: ا..اني مش مصدقة يلي سويته يا أياد.. أياد أدار وجهه عنها: براحتك، صدقيه أو لا، بس دا يلي حصل، ورجاءً يا هُدى، روحي لك من وجهي لأن انا مشتيش اجرحك.. _ تجرحني!، وليش اني أيش دخلني عشان تجرحني؟ لفت لها بغضب: كيف أيش دخلك وكمال يلي هان أختي وأديه هو خالك.. _ أنته قلته، هو خالي، بس مش اني.. أياد مسح وجهه: هدى روحي لك خلاص مشتيك، زي ما خالك وهيفاء كل واحد بطريق، أنا وانتي كمان كل واحد بطريق.. _ دامك يلي تشتيني ابعد منك، فأني ببعد يا أياد،  بس لا تتوقعش بيوم أنني بسامحك، ما توقعتش إن الشخص الطيب مخفي دا الوحش القاسي داخله، ما توقعتش قناعك يكون زائف كدا أبدًا أبدًا.. وبكت وراحت جري للخارج وهو غمض عيونه وفرك جبينه بقوة وشاف للسماء: ياااااا رب صبرك بسسس.. هدى خرجت وهي تبكي وتمسح دموعها، ما حست إلا وصدمت شي قدامها بقوة لمن رجعت للخلف وهو لفت لها: ا.. العفو منك.. عزام شاف لها وغلق الجوال: هدى يا بنتي.. هدى شافت له: ا.. آسف يا فندم عزام، م.. ما كانش قصدي.. ومسحت دموعها، وهو استغرب، ليش تبكي يا بنتي! _ ل.. لا ولا شي يا يا فندم، ب.. بس زعلت على الخالة راوية و.. خالي.. عزام: ما عليك يا بنتي، صدقينا، كل شي بيتصلح والأمور بترجع أحسن من قبل.. هدى لفتت له باستغراب: أيش قصدك يا فندم؟ عزام ابتسم: ما عليك انتي، فين كنتي تشتي تروحي؟ _ ا.. هيفاء قالت فيبه ظمأ وقلت بجيب له.. _ أنا برسل واحد من العسكر يجيب له، ويجيب لكم كم حاجة معه، ارجعي للداخل انتي وخليك معه، حاولي تهديه وما تخليشه تزعل.. هدى هزت رأسها ودخلت وأياد مع خرجته، وشافوا لبعض وعزام يشوف لهم، وأياد شاف كمية الانخذال والانكسار بعيونها، وكم هم محمرين وفيبهم شوية دمع، وهدى راحت من جنبه ودخلت، وهو مسح فمه وينفخ، وشاف لأبوه ورجع شاف للبعيد، ومر من جنبه بسرعة وراح، عزام رجع شاف لهدى يلي دخلت ورجع شاف لأياد يلي ركب سيارته وراح ورفع اكتافه: ما لهم دونه! على انغام هدير البحر تعزف الرياح الحان حداد على قلبه الذي مزقه بيده، وكان يشوف للبحر وهو جالس على رماله التي تتلألأ وكأنها تحاول جذب انتباهه لها لتخفيف حزنه ومداراة لأدمعه.. _ سامحينا يا هيفاء، أنا عارف إن انا كسرت قلبك وحطمته، لكننا كسرت قلبي وحطمته قبل، سامحينا يا هيفاء، ما كان لازم اسيبك، ما كان لازم أقبل بدا الشي أبدًا، ليش كدا سويت يا كمال ليش، ليش خسرت حب حياتك للأبد، خسرته ومستحيل تلاقي زيه، مستحيل (ودعك عيونه وشاف للبحر) خلاص أنا انتهيت، حكاية سبع سنين من الحب انتهت، كتبناه سوا أنا وهيفاء، لكن للأسف نهايته أنا يلي كتبته، وكتبت بحبر الدم يلي فاض بعد فراقي لك يا هيفاء، يا رب صبرنا ولا تخليناش انكسر يا رب، يا رب عليك.. . . صقر وجراح بمكان يشربوا عصير، وأيهم راح يستقبل ماهر يلي يكلمه بالجوال ويأشر بيده: أيوة أيوة شفكك، يلا.. وغلق وشاف للأمام بإبتسامة، والموتور حق أيهم رسا سناه، ونزل أيهم وهو يبتسم ومشى لعنده ومد يده والإبتسامة سابقته: حياااا بحفيد لبوزة.. وطبعوا يدينهم ببعض وسلم عليه: الله يحييك ويخليك.. _ حيا بك بين أهلك وناسك يا ابن ردفان.. _ الله يحييك، كيف حالك يا أيهم وكيف البقية؟ _ الحمد لله نص نص، واحد فسخ خطبته وواحد مات اخوه والتالت أمه وخاله ماتوا، والرابع محبوس والخامس مش قادر يضبط أخته المصرية.. ماهر مال برأسه: ك.. كيف يعني ما فهمت.. أيهم ضحك ومسك بكتفه: هيا تعال الآن بكلمك طول الطريق، حيا بالردفاني حيا.. _ الله يحييك يا العدني.. وركبوا بالموتور وراحوا لين عند جراح والبقية وسلم عليهم، وجلس مقابلهم: عظم الله أجرك يا جراح، وأنته كمان يا صقر، اعذرنا ما جيت اعزيك قبل، بس وقعت بي حصبة كانت موتتني.. صقر: معدور والله يا ماهر معدور، ما تقصرش والله، وأهل ردفان أصحاب واجب معروف عليهم.. ماهر لفت لجراح: على الله يا جراح، هونها تهون يا صاحبي.. جراح غمض عيونه: أنا فقدت أمي يا ماهر، وفوقه قتلت خالي، كيف بهونها كه قل لي.. ماهر فتح فمه: قتلت خالك! صقر بلع ريقه وأيهم توتر: ق..قصة طويلة يا ماهر.. ماهر.. البـارت 355 ◇ جُــرح القـريب غـريب 💔 👌🏻👇🏻 😍 ماهر فتح فمه: قتلت خالك! صقر بلع ريقه وأيهم توتر: ق..قصة طويلة يا ماهر.. ماهر ما استوعب شي، كلموه يا عيال، ماهر صاحبنا ويتأمن له.. أيهم تنهد وقص له يلي حصل، وماهر شرب القلص العصير كامل كأنه مش مصدق: _ ك..كل ذا حصل لك يا جراح!، والله مش مصدق أبدًا.. أيهم: دا يلي حصل يا ماهر، وحاليًا حسام بالسجن، ومش عارفين أيش حصل له.. ماهر: والله صرعتوني بكلامكم ذا، ط..طيب وكمال ليش فسخ خطبته؟ صقر: داك مدري به، دي الأيام ولا عرفنا أيش يحصل.. ماهر زم شفايفه ويشوف لجراح يلي دموعه توقع لفوق الطاولة من غير وعي، وانقهر على حاله.. أيهم رن جواله وهو وقف: العفو يا عيال، اتصل وارجع لكم.. ماهر: خذ راحتك.. أيهم خرج عند الباب: هاه يا عم.. منصور: حيا حيا أيهم، كنت اشتي اسألك على صاحبك داك يلي جبتوُنه لبيتي، عاد صحا؟ _ ا.. أيوة صحا، ونحنا خارج الآن.. _ هاه، احسبك عادك ببيتي، اتصل لعمتك ما ترد، كنت اشتي أقول له إن انا بجلس عند صاحبي وما بجيش على الغداء.. _ هاه، خلاص طيب.. _ ااا أيش اشتي أقول لك كمان، اااا أيوة أيوة، صاحبك داك يلي اسمه كمال، ليش ما شفته معاكم؟ _ اااا، والله كمال حزين وما جبته معانا.. _ حزين!، ليش أيش حصل له؟ _ كان بيعقد وبعدين انسحب بآخر لحظة مدريش ليش، فسخ خطوبته وساب خطيبته بيوم عقده.. _ فسخ!!، وليش فسخ وليش من كان خاطب؟ _ والله مش عارف ليش بس كدا موضوع قديم وما يستاهلش، هو كان خاطب بنت الفندم عزام الاسد.. منصور وقف: أيشش، عزام الاسد ما غيره؟ _ أيوة هو (منصور مسح وجهه) أنا مشغول قليل يا عم منصور، بكلمك بعدين.. _ ط.. طيب خلاص.. وغلق وفتح فمه ومسح وجهه: بنت عزام الاسد ما غيره!!، أيش دا.. وجلس وفرك رأسه والباب انفتح، وهو شاف خلفه ورجع شاف للأمام: _ فين رقدت يا مدحت؟ مدحت وهو يمشي ناحيه: على أساس مش عارف (وجلس وفك ربطة العنق حقه) ااااح معي لك اخبار أييش، بتعجبك وبنفس الوقت بتزعلك.. منصور غلق التلفزيون وشاف له: وأنا معي لك خبر عالمي يا مدحت.. _ ما أعتقدش أكبر من خبري.. وهو فتح عيونه: ليش عرفت شي عن جراح ابني؟ مدحت حك شعره: اااااا، مدري أيش أقول لك.. منصور عدل جلسته: اليوم يا مدحت خارجنا أيش في؟ مدحت تنهد وشاف له وشبك اصابعه ببعض: أنا لاقيت ابنك جراح يا منصور.. رجع للبيت وفتحه، ودخل وهو فارح كثير، واتقدم للداخل وراح ووقف قدام غرفة مغلقة بقفل حديدي كبير، طلع مفتاح من جيبه وتردد لبعض الوقت في فتحه، شاف له ورجع شاف للقفل، ما قدر يحسم قراره في فتحه أو لا، أطلق تنهيدات ضيق لمعرفته بأنه سيعاقب في حال فتحه، لكنه لم يهتم وأصر يفتحه، وحط المفتاح داخل القفل وفتحه، وغمض عيونه، ليتأكد هل الخطوة المقبل عليها صحيحة أو لا، مع ذلك فتح الباب وإبتسم بسرعة: _ اماه شوفينا جيت اشوفك.. وقفت طوالي بشعرها المنكوش وشكلها المتبهذل، وأول ما شافته رجف جسمها وشفايفها افتروا عن ابتسامة عدم تصديق.. رعد يصيح: يا اماه، اماه (وعمل لفه بعيونه على أركان الغرفة) اماه، (وشافها جالسة وأول ما شافته وقفت وهو ابتسم) اماه، شوفينا جيت اشوفك.. ابتسمت لمن شافته بعدم تصديق وراحت طوالي وضمته وهي تبكي وهو يبتسم ويفرك ظهرها:  _ فقدت لك يا اماه.. وهي تتحسس وجهه بملامح بتنسلخ من البكاء وهو مسك يداتها ويبوسهم وشاف لها: _ فقدت لك يا نبع الحنان كله.. وهي تتحسس ملامحه وتفترس كل تفاصيل وجهه، ب..ا.. رعد: اششش، عارف أيش تشتي تقولي، بس لا ما عليك، جيت لك بدون ما يعرف إن انا جيت، أصلًا داك يله يفضي يسرح شعره.. وضحك بهدوء وهي ضحكت بدون ما يبانوا اسنانها، ورجعت تشوف لصدره ووجهه وهو يبتسم، وشافت للضماد بيده وشافت له بخوف.. _ هاااا ل.. لا تقلقيش يا اماه وقعت شوية وأديت يدي وراسي ما عليك، هيا تعالي يا اماه، معي لك خبر ما قدرت اراعي لين اخلص شغل وأجي لك، تعالي تعالي يا قلبي.. ومسكها ومشوا وهي مكانها تشوف له وتفرك صدره وظهره، وجلسوا وهي تشوف له ولا شالت عيونها عنه وتتحس وجهه:   _ اسمعي يا اماه أنا جيت لك عشان أقول لك إن انا، (وحك انفه) والله إن انا منحرج أقوله، ب.. بس بقوله لك، ا.. أنا يا اماه لاقيت البنت يلي بتصير زوجتي، يعني معي بنت أحبه يا اماه.. وهي ابتسمت بعدم تصديق ورعد هز رأسه: أيوة  يا اماه أيوة، (وعدل جلسته) اسمعي التفاصيل،(بعدين تذكر شي وكشر وهي تشوف له وتهز رأسها عشان يكمل) ب..بس يا اماه، (وشاف لها بحزن) أناااا.. . . منصور بعدم تصديق: ل..لاقيت ابني!!، (ووقف بسرعة وراح لعنده ومسك بيداته) م...من صدقك تتكلم يا مدحت... . البـارت 356 ◇ جُــرح القـريب غـريب 💔 👌🏻👇🏻 😍 📚 @rewayatyamania  🇾🇪 منصور بعدم تصديق: ل..لاقيت ابني!!، (ووقف بسرعة وراح لعنده ومسك بيداته) م...من صدقك تتكلم يا مدحت، ف..فينه ابني و..وكيف شكله اتكلم يا مدحت اتكلم.. _ ط..طيب اهدأ أول، ه..هو لاقيته، ب..بس في مشكلة صغيرة.. منصور انسلخت الفرحة من وجهه: م..مشكلة!، و..وأيش هي؟، ا..ابني حصل له شي يا مدحت، ابني حصل له شي؟ _ مش له هو تحديدًا، ي..يعني تعرف أن نوال أمه ماتن صح.. _ أيوة.. _ و..ويلي قتله طلع خالد اخوه.. منصور بصدمة: أيشششش!! مدحت وقف بخوف: م..منصور اهدأ.. منصور بغضب مستعر: كيف اهدأ ويلي قتل نوال هو خالد كيييف، (ومسح وجهه بضيق ويده على خصره) داك الملعون، اقسم بالله بقتله.. ومشى بغضب بس مدحت مسكه وطوقه بيداته وهو يتفرع: اهدأ يا مجنون اهدأ، أيش تشتي تسوي جنيت.. منصور يتفرع: فك لي يا مدحت فك لي، بروح اقتله ابن الكلب داك، فككك.. مدحت مسكه باكتافه وهزه: بس يا مجنون اهدأ أقول لك، أصلًا خالد مات.. منصور ارخى يداته وشاف لمدحت يلي بلع ريقه وفلت له، بعدين رجع مسك بأكتافه: _ ا..اهدأ يا منصور، و..واسمعنا، ي..يلي قتل نوال هو خالد، و..وخالد مات، و..ويلي قتله ه...هو (منصور ما قدر يرمش من توالي الصدمات) ي...يلي قتله ه..هو، ج...جراح، جراح ابنك نفسه.. وسمر عيونه بعيون منصور يلي الصدمة ثبتت اهداب عينيه عن الرفرفة، والدمع بلل عينيه وشق طريق ضيق على طول خديه ومدحت بلع ريقه: _ ا..أيش ق...قلت!! (مدحت مسح وجهه بتوتر) ي..يعني ج..جراح ي..يلي كتب الرسالة هو نفسه ا..ابني! ج..جراح ه..هو اسم ا..ابني! (ووقعوا دموعه يقطروا للأرض) ج..جراح هو ابني!!.(ومسك باكتاف مدحت يلي يتجاهله بنظراته) ابني صار قاتل يا مدحت، قاتللللل.. _ م..منصور اهدأ، ع..عاد الخبر مش أكيد، ي.. منصور هزه وهو يصيح: كيف مش أكيد كيييف! كيف وأنته تقول لي إن  يلي قتل خالد هو جراح ابني كيييف! _ د..دا يلي وصلني من التحقيقات يلي سويته، ش..شكله جراح لمن عرف إن يلي قتل أمه ه.. هو خاله ر.. راح وقتله، و.. وكمان قالوا لي أنهم حطوه بالسجن.. منصور بصدمة أكبر: الشرطة مسكونّه؟ _ د.. دا يلي وصلنا، و.. ويلي مسكه هو عزام الاسد.. منصور جحظوا عيونه: عزام عزام عززززززام نفسه يلي بسببه تغربت عشرين سنة (ومشى يذرع الغرفة بغضب) عزام عزام عزاااام، (وشاف لمدحت) دا الداهية لمتى بيظل ملاحقنا، حتى لمن عرفت ابني راح وحبسه!، والله، والله ويلي خلقه إن انا بقتله بيدي يا مدحت.. ومشى وسحب الجاكيت حقه ومدحت فزز: م.. منصور (منصور يمشي بغضب وهو لحقه) منصور يا مجنون، (وقطع عليه الطريق ووقف عند الباب ومد يداته عليه) ما بسمح لكش تروح.. _ ابعد يا مدحت، ابعددد.. _ ما ببعدش، لو عزام شافك يمكن يحبسك كمان.. _ خله يحبسنا ما همنا، خلنا اشوف ابني يا مدحت ابعد (ويحاول ينحيه عن الباب بس مدحت يمنعه) ابعد يا مدحت قبل ما ارتكب فيبك جريمة.. _ عادي، اقتلنا وروح، دامنا عايش ما بسمح لكش تسلم نفسك للحزام الأمني يا منصور.. _ بس هم ما تبتوا التهمة عليا للآن، ابعد يا مدحت خلنا اروح اشوف ابني، (ونزلوا دموعه) خ.. خلنا اروح اشوف روح نوال يا مدحت، ا... اتخيل ا.. أنه يكون زيه، عيونه ذابلين وحلوين، تفاصيله يلي مرسومة ومنحوتة زي أمه، ابعد يا مدحت ابعد.. _ منصور، عارف إنك تشتي تشوفه وروحك ناطفة على شوفته، بس مش بدي الطريقة، خلنا نتأكد أول.. منصور بغضب: أيش نتأكد أيشش.. _ يمكن دي تكون خطة من عزام على شان يوقع فيبك (منصور مال برأسه بعدم فهم) ق..قصدي يمكن يطلع موت خالد كدب، و..وأن يلي قتله مش ابنك، بس هم قالوا كدا عشان تجي للسجن تدور عليه ويمسكونّك.. _ ب..بس ما أحد يعرف أن جراح هو ابني!، ع..عزام مستحيل يكون عارف دي الحقيقة.. _ داك عزام اتوقع منه أي شي، داك يدور لك من زمان، وأكيد بيدور على أي أشياء ترتبط فيبك وعلى أي دليل عشان يجيبه لك ويمسكك (منصور مسح فمه) خلنا ما نستعجلش يا منصور، خلنا اتأكد أول من يلي حصل واكلمك.. _ بسرعة يا مدحت تأكد لي بسرعة، أنا بحرق حريق من داخلي يا مدحت.. مدحت بعد من الباب ومسك بيد منصور ويمشوا لفوق الكرسي: ولا يهمك يا صاحبي ولا يهمك، وعد إن انا بتأكد لك، هيا تعال واجلس (وجلسوا ومنصور يصك اسنانه ويفرك اصابعه بغضب) عارف بشعورك يا منصور، لكن راعي لي شوية خلنا اتواصل مع رجالي عشان نتأكد، خلك هنا وأنا بسوي اتصالاتي.. وربت على كتفه ووقف وراح، منصور حط قبضة يده بفمه وعضها بقوة ودموعه ينزلوا وهو يبكي وبينه وبين نفسه: _ جراح، د..دا اسم ابني، (وغمض عيونه ونزلوا دموعه) ما قدرتيش حتى تغيري اسمه يلي حبيته واخترته له يا نوال، اااااااااخ... . البـارت 357 ◇ جُــرح القـريب غـريب 💔 👌🏻👇🏻 😍 وربت على كتفه ووقف وراح، منصور حط قبضة يده بفمه وعضها بقوة ودموعه ينزلوا وهو يبكي وبينه وبين نفسه: _ جراح، د..دا اسم ابني، (وغمض عيونه ونزلوا دموعه) ما قدرتيش حتى تغيري اسمه يلي حبيته واخترته له يا نوال، اااااااااخ يا جراح ابوك اااخ اهئ اهئ، اشتي اشوفك يا روح الغالية أنته، وعد إن انا بطلعك من السجن واضمك لصدري وأنسيك سنين اليُتم يلي عشته، وعد يا روح ابوك وعد.. . . وخلصوا الدفن حق راوية وخالد، وكل واحد راح بحال سبيله، وعزام يمشي وهو ماسك بيد عارف.. _ خير يا فندم بأيش تشتي تكلمنا؟ عزام وقف مشي وشاف له: في شغلة لازم تعرفه يا عارف.. _ شغلة!، وأيش هي يا فندم؟ _ حسام.. _ أيش فيبه حسام؟ _ حسام بالسجن (عارف فزز) لا تتفاجأش كدا،  حسام ما سوى شي، بس حصل سوء فهم، أو هو يشتيه كدا.. _ ك.. كيف يا فندم والله العظيم ما فهمت شي،  ف.. فهمنا لأن عقلي بيخرج، ب.. بعدين كيف لما ما فيش أحد من الشلة هنا، ح.. حتى جراح يلي هي جدته وخاله ما اشوفه هنا، أيش في يا فندم؟ _ قصة طويلة، هيا تعال معي للطقم نروح للسجن واكلمك طول الطريق، هيا.. عارف مسح وجهه بتوتر: هيا يا فندم هيا.. وراحوا للسجن يلي فيه كان حسام، في مكتب عزام تحديدًا، هو طلب يخلوه بالمكتب، وكان حسام يمعط شفايفه ويهز رجله وهو يشوف للي واقف قدامه ومسوي يد فوق الثاني وبدوره باين متضايق ويتجاهل النظر لحسام يلي رجع وشاف يمينه وخمسة اشخاص جالسين هناك كل واحد بوضعية مختلفة، وشافهم من فوق لتحت ورجع شاف لأياد يلي شاف له: _ أيش تشوف فلم من قبيل جالس تشوفنا.. حسام رفع حاجبه: يا ليت كان فلم، على الأقل استمتع وأنا اسمعه، مش متلك جالس من أول ما جيت على الصامت، أيش خلص الشحن حقك.. أياد تأفف: أيش تشتي الآن كه فهمنا، وبعدين أيش جابك لهنا؟ حسام رجع للخلف وسند ظهره للكرسي ولف رجل على الثاني: جابنا يلي جابك.. أياد شاف له بغضب ونزل يداته: أيش قصدك؟ حسام رفع اكتافه: شكلك مسوي مصيبة عشان جابونّك لهنا.. _ لا يا روح أمك، أنا جيت برجلي لهنا وما أحد جابنا.. _ هاه، قل والله، جيت برجلينك يعني، احسبك جيت مشي.. أياد وقف ومشى ناحيه: تدور مضرابة صح يا حسام.. حسام تنهد: والله بيني وبينك أيوة، لأن انا مالل هنا كتير، بس مشتيش اضربك أنته شخصيًا.. _ وليش؟ _ سهلة ما يحتاج له شرح.. _ لا اشرح لي ياته أنته.. _ للأسف معرفش اشرح كما الأساتدة.. أياد مسكه بغضب: أقول لك ا.... قاطعة انفتاح الباب ودخول عزام وهو فلت له ورجع للخلف وأصحابه وقفوا، وعزام شاف له من فوق لتحت وأياد خاف ونزل رأسه، حسام شاف له ورجع شاف لعزام: _ حياك حياك يا فندم.. ودخل عارف وحسام وقف وعارف شاف له: حسام.. حسام فزز وأشر بيده لعنده: دا أيش جابه يا فندم؟ عزام مشى لفوق الكرسي حقه: اهدأ يا حسام وخلنا اخلص شغلة أول، (ووقف هناك وحط اصابعه فوق الطاولة وشاف بسرعة للموجودين هناك، وخصوصًا أصحاب أياد) يلي كلمتنا عليهم؟ أياد هز رأسه بضيق وحسام وعارف شافوا لهم باستغراب، وعزام هز رأسه وأشر لهم: _ اقربوا لهنا، واوقفوا بخط واحد (ولفت لأياد) وأنته اوقف جنبهم هيا.. أياد استغرب وأصحابه أكثر وكل واحد يشوف للثاني لعل أحدهم يعرف السبب، عزام شاف لهم وصاح بغضب: _ بسرعةةةة.. الكل فز من صوته ونفذوا الأمر ووقفوا بخط واحد باستغراب، وعارف وحسام يشوفوا لهم، وأياد مشى ناحيهم ببطء.. عارف: خير يا فندم أيش في؟، وليش أياد ابنك هنا؟ عزام يمشي ناحيهم: لا بس، دونه يلي تشوفهم سووا خطأ، دونه أصحابك يلي جبتهم يضربوا كمال يا أياد؟ حسام شاف لأياد بصدمة وعارف فتح فمه: أ..أيش! عزام: جاوبنا يا أياد.. أياد يشوف للبعيد وبضيق مخلوط بخوف: أ..أيوة.. أصحابه خافوا لأن يسمعوا بعزام الاسد يلي سمعته أشهر من نار على علم، والكل يهابه وعارف بصرامته ناحي أي ظلم وحبه لوطنه، ووقف عزام قدام الشخص الأول ولفتوا له كلهم بخوف، وأصحاب أياد يرجفوا من الهلع، وهم عارفين أنهم غلطوا لمن ضربوا شخص بس ما كانوا يعرفوا أنه صهيره لعزام الاسد بكله، عزام يشوف للأول وصمخه  كف، والكل رتعب من الخوف وأصحابه وقعت قلوبهم من الخوف، ومشى لعند الثاني وصمخه كف وكدا كدا بكل واحد وحسام يبتسم بتلذذ للي يحصل للي أذوا صاحبه، ووصل عزام لعند أياد يلي بلع ريقه بهلع وحسه يرتجف وهو ينزل على طول حلقه، والكل شاف لعزام ومراعيين الخطوة التالية، وعزام صمخه كف جيز الكل بس كفه كان أقوى أكثر لمن نزل عارف رأسه كأنه هو يلي حصل الكف، (عارفة دا المشهد حصل بروايتي الأولة، ولأن يلي سواه ابو موسى حبيب قلبي، حبيت ادكره بدي الرواية 🙈😍).. أياد يده اليسار على خده اليسار... البـارت 358 ◇ جُــرح القـريب غـريب 💔 👌🏻👇🏻 😍 أياد يده اليسار على خده اليسار، وشاف لأبوه: ت..تضربنا يا اباه، ل..للمرة التانية، ع..عشان واحد حقير زي كمال!! حسام: كمال مش حقير يا أياد.. عارف مسك بيده وهو شاف له وسحبها، أياد أشر لعند صدره: ت..ضربنا ق..قدام أصحابي عشانه! عزام وهو مسمر عيونه بعيون ابنه: المرة التانية لا تنساش إن في قانون يمنعك تشكل عصابة وكل من زعجك تروح تضربه، أنا ابوك صح، بس بالشغل لا أعرفك ولا تعرفنا، وداك الكف يلي هبيت لك ياته بالمستشفى، بس عشانك عصبتنا، ودا الكف عشان يعرف الكل وأصحابك على وجه التحديد إن عزام الاسد ما يفرقش بين أحد، والناس تحت العدالة سواسية، فهمتنا.. أياد يرتعد من الغيظ: ليش أنته واقف وتحامي على كمال رغم يلي سواه لييش! _ أنا ما احاميش عليه، بس انتوا غلطتوا وأنا بعاقبكم، وسواء كان كمال والا غيره، كنت بسوي نفس الشي.. وأياد زاد غضبه وعزام حط بداته خلف ظهره وهو يشوف له وصيح: يا عسكري.. عسكري دخل والكل شاف له وعزام ما غير من وضعيته والعسكري ضرب له التحية: _  أمرك يا فندم.. _ بز الستة دونه الحبس (أياد شاف له بصدمة وعزام شاف له وبجمود) هيااا.. ورجع للكرسي حقه وأياد مصنم ومفزز ما قدر يصدق، وعارف راح لعنده والعسكري بز أياد وأصحابه للسجن وأياد يشوف لأبوه يلي جلس فوق الكرسي.. عارف: ف.. فندم عزام اهدأ لا تسويش كدا.. _ يستاهل، مسوي لي عنتريات وكان بيقتل كمال،  أنته ما شفته كيف منضرب ومتبهدل.. حسام راح وجلس مقابله: ط.. طيب وكمال كيف هو؟ عزام هز رأسه شويات: كمال قوي وما بيهزوش شي، المشكلة الآن بجراح، بعد ما قتل خالد وهرب ولا سمعت عنه أي شي، (وشاف لحسام) أنته تعرف فينه يا حسام؟ عارف شاف لحسام يلي بلع ريقه: ه..هاه، ل..لا والله يا فندم، ب..بس أيهم وصقر هربونّه، و..ويمكن معاهم، ليش تشتي تحبسه يا فندم؟ _ لازم على الأقل نعرف فينه، هروبه دا مش بصالحه، خاصة وأن أخته أصبحت وحيدة ورضوان مدري متى بيرجع له وعيه.. حسام: ليش أيش حصل للعم رضوان؟ عارف تنهد: ااااح ااح، رضوان يا حسام لمن عرف بموت خالد وأن جراح يلي قتله ما تحملش وضربنُّه جلطة والآن بغيبوبة الله أعلم متى بيخرج منه (حسام مش مستوعب يلي يسمعه) وفوقه كمان راوية زوجته لمن عرفت بالخبر دوخن و...وما وصلونّه للمستشفى إلا وهي جُتة.. حسام وقف بصدمة: ماتت!! عارف امتنع عن الرد وعزام رد بداله: مع الأسف (حسام جلس ببطء من صدمته فوق الكرسي) وأخته بالمستشفى كمان، والآن لو ينحبس جراح بتكون وحيدة.. حسام مسح شعره ووجهه: ب..بس ج..جراح عاده ما عرفش بالخبر صح؟ عارف: يمكن أيهم والعيال كلموه، مش عارف للآن.. حسام طلع تلفونه وهو يرجف: خلنا اتأكد.. أيهم شاف جواله ورد: حيا حسام.. _ ا..الو أيهم، انتوا فين؟ _  خلصنا صلاة بالمسجد وبروح المطعم نتغدى.. _ طيب وجراح فينه؟ _ هنا كلنا مع ماهر.. _ ليش ماهر قد حصلكم؟ _ أيوة، أنته بالسجن مكانك؟ _ أيوة، بس في مصيبة حصلت، مدري لو سمعته أو لا.. أيهم خاف: أيش حصل؟ حسام مسح وجهه وأخذ كفايته من الصمت: العم رضوان ضربنُّه جلطة، وهو الآن بغيبوبة، و..والخالة راوية ماتن، وأخت جراح بالمستشفى.. أيهم صاح: أيش تقول! ماهر توتر: ما لك يا أيهم؟ حسام: أيوة دا يلي حصل، قد عرفت انكم ما سمعتوش بالخبر، لو يعرف جراح بيقتل نفسه، انتبه عليه يا أيهم وحسك عينك يعرف بالخبر.. أيهم يمسح وجهه وشعره: ب..بس أكيد بيعرف و..وقته أيش بسوي؟ حسام بلع ريقه بعدين تغيرت ملامح وجهه وكأن فكرة قد لمعت في عقله: _ ك..كمال (عزام شاف له باستغراب) ، ك..كمال هو الوحيد يلي يقدر يهديه لو عرف جراح بيلي حصل.. أيهم: بس جراح و..وكمال متزعلين.. _ يا أخي جراح يعتبر كمال اخوه ومستحيل يزعل منه، خل كمال يلحقكم وهو بيقدر على جراح، انتبه عليه يا أيهم تمام؟ _ خ..خلاص تمام، لا حول ولا قوة بس، يلاقيها من موت أمه والا خاله والا جدته، أو جده يلي الله أعلم متى يصحي، أو اخته يلي بتكون وحده الآن بدون أحد.. حسام تنهد بقهر ومسح دمعه كانت على وشك الأفاضة من عينه: خلاص كلمنا لو بيحصل شي.. عزام شاف له: ليش كدبت وقلت إنك ما تعرفش فينهم يا حسام؟ حسام خاف: و.. والله يا فندم بجد ما كنتش أعرف، و.. وقد معك رقم أيهم اتصل له.. عزام هز رأسه: طيب سهل.. أيهم غلق وشاف لجراح يلي متكدسة الأحزان بوجهه وانقهر عليه، ودق لكمال يلي رد.. _ هاه كمال فينك؟ _ وبروح البيت ابدل، عاد انا قلت بتصل لك اشوف فينكم.. _ يعني عرفت بيلي حصل للخالة راوية؟ _ أيوة، أنته من كلمك؟ _ حسام اتصل لي، قال يشتيك تكون مع جراح لمن يسمع بالخبر، الليد ما يقدرش يتحمل يا كمال، أكيد بيقول أنه هو سبب يلي حصل لجده وجدته.. كمال مسك جانبي جبينه: ... البـارت 359 ◇ جُــرح القـريب غـريب 💔 👌🏻👇🏻 😍 كمال مسك جانبي جبينه: خلاص راعي لي، بجي لك، بعدين ابدل سهل، فين انتوا؟ _  بال.....، تعال لهناك.. _ خلاص واتي لك.. أيهم غلق وراح لعند جراح والبقية.. حسام مغطي على عيونه وعارف يشوف له وعزام سند ظهره للكرسي وعيونه رفعهم للسماء: _ والله مش مستوعب يلي حصل، كيف انسان متل خالد توصل به المواصيل يتاجر بالمخدرات ويقتل أخته! عارف: وفوقه جراح، كمان هو كيف قتل خاله مش فاهم.. حسام رفع رأسه وشاف له بغضب: بس خاله قتل أمه، ولو أنا مكانه كنت بقتله.. _ على أساس عارف ليش قتل أمه عشان يقتله، كان عرف منه السبب على الأقل.. حسام: داك طلع محشش وشبو ومدري أيش، أكيد ما عطته حق الحشيش بسبب الفندم عزام يلي مضيق عليهم الخناق ومش قادرين يوصلوا للحشيش وهو قتله، على أساس مش عارف بالحشيش أيش يسوي.. عارف: عارف ومش محتاج تعلمنا، بس ما توقعتش جراح يقتل خاله وهو شاب مؤدب وواعي و.. _ بس فقد غالي، فقد انسان غالي على قلبه، ويلي سواه بعيني مئة بالمئة صح، (بعدين رجع ملامحه حادة وباردة) وصدقنا، لو أعرف يلي قتل أبي إن انا بقتله، حتى لو كانت علاقتي فيبه رابطة دم.. عارف باستنكار: أيش قصدك يا حسام؟ _ قصدي واضح وما يحتاجش شرح، ويلي برأسه بطحه، هه، يحسه.. عارف وقف وبغضب: حسااام.. عزام بهدوء: بسسس بس يا حسام، وأنته بس يا عارف.. عارف: سمعته أيش يقول يا فندم.. _ خلك منه، هو بس مقرح وزعلان على صاحبه (وشاف لحسام) وأنته اهدأ يا حسام، لا تخليناش اندم إن انا خليتك بمكتبي وما نزلتكش للسجن احترامًا لأبوك والمعزة يلي كنت أعزه له بقلبي.. حسام قلب عيونه بضيق، عارف شاف لعزام: ومتى بتخرجوا حسام يا فندم؟ _ كله كم تحقيق نخلصه ونطلعه، بس بيكون تحت المراقبة في حال حصل شي، وهاه، لو لاقيت جراح كلمه يسلم نفسه، الهرب والمرمطة مش مناسبة لشاب متله.. حسام: أيش عادك تشتيه ينسجن يا فندم.. _ أنا اشتيهم يخففوا عليه فترة السجن، خاصة أن ابو الضحية الآن بغيبوبة والله أعلم متى بيصحي.. عارف تنهد: بحاول الاقي جراح واقنعه، فينه يا حسام؟ حسام جلس: مش عارف، تشتيه روح دوره.. _ حسام بطل الملاكعة حقك وجاوبنا، ما سمعت الفندم عزام أيش قال.. _ خل كمال يتصرف الآن ويحاول يقنعه، بعدين خلك بعيد من أصحابي ولا تتدخلش.. عارف صك اسنانه: الآن أنته متى بتقتنع إن انا ما ليش دنب بموت ابوك متى!! حسام وقف وقرب منه بغضب: قلت لك لا تدكرش أبي على لسانك، بعدين أبي مات بسببك، بسببك وحدك.. عزام يفرك جبينه وهو يتسمعهم، بطل الحقد حقك يا حسام، سواء صدقتنا أو لا، أنا ما ليش دنب بقتل ابوك ولو ما تشتيش تصدق لا تصدقش.. وخرج طوالي، حسام جلس بضيق وهو ضامم قبضة يده: وعاده يقول ما لوش دنب، يقتل قتيل ويمشي بجنازته صدق.. _ برأيي لا تتسرعش بالحكم عليه يا حسام، عمك عارف ما لوش دنب بقتل ابوك.. حسام شاف له بغضب: له ونص، لو أنه ما وراش أبي الرسالة داك اليوم ما كانش راح ومات.. _ ب... بس يا حسام.. حسام شاف له: بس أيش يا فندم.. عزام شاف له وعيونه تشي بالكثير مما يختلج بداخله، كأن في شي عالق بين حنجرته ولسانه مش قادر يبلعه أو يطلعه، وكل ما يفتح فمه يشتي يتكلم يلاقي صعوبة بقوله، رجع تنهد وفرك جبينه وفضل التزام الصمت يلي التزم فيبه عشرين سنة بطولهم.. _ س..سهل سهل، كل شي بينكشف مع الوقت يا حسام، المهم حاول تخفف شوية على عمك.. _ لو أموت، لو أموت يا فندم ما بخففش عليه، يكفي إن انا سمحت له يتزوج أمي ويخلف عيال منه، بس أنا سويت كل دا عشان غزل وحده، ما كنتش اشتيه تكبر بدون أب، ولمن كبرت ووعت كلمته على يلي استوى لأبي بسبب عمي، بس نظرته له ما تغيرت، مكانه تحبه وتصيح له يا اباه، بس عادي، لو هي نست يلي حصل لأبي فأنا ما نسيت، ولا عمري بنساه.. عزام تأفف: خلاص مش وقت الكلام دا الآن، المهم كيف نبعد الشبهة عنك وأنك هربت القاتل، اسمع أيش تقول المحقق بالضبط.. حسام يتسمع له بإنصات لمن خلص، وأنا من جهتي بساعدك وبكلم المحقق عنك وأكيد بنطلعك عشان تروح توقف مع جراح، ما معوش الآن غيركم توقفوا معه، انتوا مش بس أصحابه يا حسام، انتوا اخوته يلي يحبكم، والوحيدين يلي باقيين له الآن.. حسام هز رأسه وضغط على عيونه وعزام جلس يشوف له، وبينه وبين نفسه: _ سامحنا يا حسام، بس مش قادر اخبرك بالحقيقة، يلي حصل من عشرين سنة ما لعارف دخل فيبه، أنا كنت السبب وقته، أنا ومش أحد غيري، سامحنا يا ابني، (والتمعت نجوم الدمع في عينيه) سامحنا يا حسام.. . . لمار تتصل بشيماء: ازاي يعني لساتك ببيت رغد؟ شيماء: زي ما بقول لك، المشكلة خاله لرغد مات كمان.. البـارت 360 ◇ جُــرح القـريب غـريب 💔 👌🏻👇🏻 😍 لمار بصدمة: ايه!!، انتي بتقولي ايه، ازاي كدا، ايه العيلة المجنونة دي.. _ اااخ يا لمار، المشكلة مفيش حد يوديني المستشفى اشوفها، ومراته لخالد حامل، والمسكينة تعيط بالصوت العالي، ربنا يكون في عونها.. لمار: يعني أسماء وأمها مش هيرجعوا اليوم كمان؟ _ الواضح كدا، لأن الوضع متأزم هنا، خلاص هبقى أكلمك.. لمار غلقت وتأففت: أنا هعمل ايه بدا البيت لوحدي، اوف بقا.. أكرم أجا وهو يعدل شعره: أنا بخرج قليل اروح للعزاء، خلاص بدلت وقد بتغدي هناك، سوي لك غداء لنفسك.. _ ايه، بس أنا معرفش اطبخ حاجة، (أكرم شاف لها وهو مفزز عيونه) ما لك بتبص لي كدا ليه، دي هي الحقيقة.. _ الله الله، كنت اضحك على رزان لأن السمك ما تعرفش تقطعه، الآن اجيتي انتي اخس منه.. _ طبيعي يعني، أنا  مصرية مش زيكو.. _ ليش أيش زايد فيبك، معك قرن زائد يعني.. _ قرن أيه وكلام تافة ايه، ااقول لك، جب لي معاك أكل من المطعم وسيبك من الخرابيط دي.. _ يا بنت مش فاضي لك، يكفينا إن انا جالس معك من أمس وأبي حارمنا اخرج ولا رحت للدفن مع البقية.. لمار معطت شفايفها: ااقول لك ايه يا أكرم، يلي ماتت أمه، ابوه فين؟ _ قصدك جراح، داك ابوه مات من زمان، ما أعرفش متى بس هو مات، والمسكين الآن ماتت أمه وخاله وجدته، وجده بالعناية المركزة، الله يعينه كيف بيقدر يتحمل.. لمار الواضح زعلت: امم، ربنا يوقف معاه، ط.. طيب ابوه مات ازاي؟ _ وأنا أيش عرفنا، كل يلي أعرفه أنه مات، وبعدين ليش كل الأسئلة دي؟ _ كدا من باب الفضول، فيها حاجة يعني؟ _ لا،  هيا أنا رايح، عايزة حاجة اجيبها لك معايا وأنا راجع؟ لمار شافت له بابتسامة تنم عن الدهشة: والمصرية ضابطة معاك! أكرم غمز لها: أنا سيد سيده للمصرية، هيا سلام.. _ لحظة استنا أنا لسه مقلتلكش نفسي فأيه.. أكرم فتح الباب: لو غداء مقدرش ارجع، كلي لي أي شي بالتلاجة، دا لو لقيتي، معك رزان ديناصور ولا تخلي شي.. وخرج وغلق وهي ضحكت: اقسم بالله مجنون، وأنا عصافير بطني هيشبعهم أيه.. وتأفف وراحت للمطبخ.. رغد تبكي وتبكي بقهر وهي ضامة رجولها، أسماء وهدى يهدينها: _ رغودة بس قولي الحمدلله والشكر على يلي حصل.. هيفاء: دا مكتوبهم ما نقدرش نمنعه يا رغد.. رغد: .... نعمة: رغد قولي لك كلمة.. رغد: ا... اشتي أخي هئ هئ، ا... اشتي جراح اهئ اهئ، ج.. جيبوا لي جراح أخي اهئ اهئ، جيبوووه جيبوه اهئ اهئ.. صفية: يا بنتي اخوك الآن هارب، أكيد خايف الشرطة تمسكه.. رغد بكت بقوة وهي تشد اللحاف: لاااااا اهئ اهئ،  لا لا لا اهئ اهئ، اني خسرت أبي وأمي، وخالي وجدتييي، ويمكن جدي، مشتيش اخسر جراح مشتيييش، مشتيش اخسر أخي ووحيد قلبي لا لا اهئ اهئ.. هيفاء راحت تهديها: رغد يا قلبي اهدأي، إن شاء الله ولا بتخسريه شي.. رغد بهستيرية: اشتي جراااااااااح، اشتي أخييييي، جيبوه لي اهئ اهئ.. هيفاء ضمتها وبكت هي كمان: اشتي جراح يا هيفاء اشتيه اهئ اهئ، اشتي أخي يا ناس اهئ اهئ.. هيفاء تبكي كمان وصفية مغطية عيونها وهي تبكي ونعمة ينزلوا دموعها بحرقة.. أمجد وقف سيارته بعيد شوية من بيت كمال، وشاف له: في نسوان كتير يجين، كيف بودي زينة؟ وشاف لها وهي جنبه بالكرسي تلعب بدبدوب احمر كبير حامل قلب بين يداته، وبجانبها كيس مليان اشياء للأكل وعصائر، والعاب وغيرها، الواضح لف بها المحلات شويات لمن وقفت بكاء، تنهد بقهر وهو متذكر كلام القائد، وأنه يمكن كان سبب بقتل صهيره وكان هو ضحية كمان لمؤامرة خفية عليه للآن، وغطى وجهه بالمشدة وشاف لزينة: _ زيونة هيا بنروح لعند أمك.. زينة بفرح: صدق يا خالو؟ أمجد اكتفى بتحريك رأسه ونزل وفتح الباب ونزل وفتح لها الباب كمان وخرج الأكياس ومسك بيدها:  _ الآن بشوف أمي يا خالو؟ _ أيوة بتشوفيه (وشاف لبيت كمال) بس مدريش لو الوضع بيعجبك أو لا.. زينة شافت للبيت: بس دا مش بيتنا.. أمجد حملها: قد غيروا بيتهم زمان، هيا تعالي.. وعدل المشدة عند وجهه ومشى لهناك، لكنه أول ما شافهم جايين عدل عن رأيه وانسحب جري للسيارة وجلس يراقب بخوف، زينة بزعل:  هيا يا خالو اشتي اشوف أمي.. _ راعي يا زينة راعي (ومط رأسه يشوف للأمام)  أيش معاهم الشرطة هنا؟ وكان في طقم يمشي ناحي البيت ووقف هناك، ونزلوا عسكر مع أكياس ودباب ماء، ونزلوا دست كبير مليانة رز ولحم، وحطوه عند الباب، وجين نسوان وبزونه للداخل، زينة شهقت: هييي، العسكر يلي جوا وكانوا بيقتلوا أمي وجدتي.. _ أيوة هم، عشان كدا ما نقدرش نروح نشوف أمك، لأن بيمسكونا أنا وانتي.. _ اني فجعانة يا خال أمجد.. أمجد ضمها: لا ما عليك، خلينا ندخل...