جرح القريب غريب - من 341 إلى 350 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 14* *الفصل (من341وحتى350) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب غريب😔💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعة 🥹💗⃟🎀* _ وااااي واي على بنتي يا سامية، اهئ اهئ، بنتي ماتن وعاده صغيرة، لا فرحت بعياله ولا تهنت شي اهئ اهئ، يا رب ليش كدا يحصل له وتموت ولا نعرف ليش أو من قتله اهئ اهئ، ااااخ يا قهر قلبي عليك يا بنتي.. سوسن: ادعي له يا راوية خلاص، دا قدره ومكتوبه، وربنا أخد امانته ودا حقه.. _ بس دي بنتي يا ناس بنتي اهئ اهئ، اااخ عليك يا بنتي اهئ اهئ، حتى دفنوه وما شفته، واي عليك يا بنتي.. أسماء والبنات وبعض النساء يسوين أكل بالمطبخ، ورغد تسمع صوت جدتها وتبكي بحضن شيمَاء: _ بس يا رغد امانة عليك لا تقطعي قلبي عليك.. _ أمي ماتن وما عاد بشوفه يا شيماء اهئ اهئ، راحت وعاده ما سامحتنيش واني يلي صايحته اهئ اهئ.. _ يا قلبي دي أم، ومهما زعلت مننا لا يمكن ما تسامحنا.. _ ا...اني اشتي اشوف جراح اهئ اهئ، ا...اشتي اشوف أخي اشتي اشوفه اهئ اهئ اااااا جيبوا لي جراح اهئ اهئ جيبوا لي ياتو جيبوووه.. شيمَاء تهديها: ر..رغد بس اهدي قليل.. رغد ببكاء: لا لا اشتي أخي جراح لا، لاااا اهئ اهئ جيبوا لي جراح.. صفية والبنات جين: رغودي ما لك يا اماه.. شيمَاء: ت..تشتي اخوه جراح يا خالة.. أسماء: ط..طيب خلينا نتصل بجراح.. ورغد تبكي وتبكي، وأسماء طلعت تلفونها: بتصل لأيهم بقول له يجي.. صقر خلع شميزه وغطى رأس جراح من الشمس، وراح وجلس عند أيهم بالجرم العلاقي، الآن أيش بنسوي، بنخليه كدا نايم بالشمس فوق الغبار والقبر.. _ خل لي حالي يا صقر، ضابح ولا لي نفس انطق بحرف.. _ على أساس أنا تشوفنا اغني لك اغاني، قد انا ضايق أكتر منك، حسام الآن داخل السجن بدل جراح، لو عرفوا الشرطة إن جراح هنا بيجوا يمسكوه.. _ ما أعتقدش إن حسام كلمهم بيلي حصل، خلك من جراح وحسام الآن، تقول كمال فينه، أول مرة أعرف أنه ندل كدا، ساب جراح يلي واصل يقول له اخوي ومدري أيش وراح، حتى ما جاش يواسيه ويوقف معه.. _ يا أخي يلي حصل له هو كمان مش قليل، الله يعينه هو كمان.. أيهم شاف له بغضب: حتى ولو، أصلًا هو سوى كدا بإرادته، لو كان صدق كان تحدى الكل وجاء يشوف جراح ويوقف معه، لكنه واحد جبان، خاف على نفسه من الفندم عزام وما جاش.. جوال أيهم رن وهو رد: هاه أسماء.. _ أيهم، رغد تبكي ورافضة تسكت تقول تشتي اخوه جراح.. أيهم طبع رأسه وشاف لصقر وحط يده على السماعة: أسماء تقول أن رغد تشتي اخوه جراح.. صقر غمض عيونه وتأفف: اصحك تقول له على يلي حصل يا أيهم.. _ طيب أيش بقول له؟ أسماء: الو أيهم تسمعني.. _ معك معك، جراح حاليًا نايم، لمن يصحى وبكلمه.. _ بس رغد تقول تشتيه الآن، البنت تصيح وتبكي مش قادرين نوقفه.. _ اوووف ياأاسماء أنا افدا لك لا تضبحيش فيبي مش ناقصنا شوفي، دبري لك حل.. وغلق وجلس يفرك شعره، صقر يحك ذقنه: أيش بنسوي الآن، أكيد الفندم عزام عرف بيلي حصل وبيدوروا على جراح عشان يمسكونه.. _ والله مش عارف يا صقر يش الحل.. وتقدمت اقدام ناحيتهم من الخلف: حل أيش؟ صقر وأيهم شافوا خلفهم باستغراب ووقفوا طوالي بدهشة وصوت واحد: كمال!! . . منصور ومدحت يتصبحوا مع بعض: والله مش عارف أيش أقول لك، لكن زوجتك معه حق، نوال خلاص ماتت والله يرحمه، خلاص انساه والتفت لمرتك نجوى وعيالك أحسن لك.. _ مش قادر يا مدحت مش قادر، موت نوال هزنا ومش قادر ارجع زي ما كنت، ح...حاسس كدا إن الشغف يلي عايش عليه خبا  فجأة، م...مش عارف كيف اشرح لك.. مدحت وقف أكل: همم، بس نجوى مزاجه صعب وما بتتفهمش تغيرك المفاجئ كدا، لازم تسايره.. _ سهل بلاقي له حل، المشكلة إن انا هامل الشغل بمصر وراكن على بلال صهيري، الله أعلم يعرف يدبر الأمور هناك والا لا.. _ إدا ما تركن عليه ليش امنته على الشغل هناك؟ _ مش قصة مش راكن عليه، هو رجال ويتأمن له، بس صعب يدير شركات لوحده وكدا، وبسبب يلي حصل ما عاد تواصلت معه، كاره كل شي ومش قادر اتقبل أحد.. _ وكيف الحل، لو تلاقي ابنك بترجع زي ما كنت؟ منصور شاف له وعيونه برقوا حنية وشوق: يا ليت أعرفه وأقدر اشوفه يا مدحت، يمكن دا الانطفاء يلي حاسس فيبه لمن يقابله يرجع يشتعل حياة من جديد، صدقنا يا مدحت، ما فيش أحد غير ابني يقدر يساعدنا بوضعي المتدهور دا.. مدحت ابتسم: وأنا وعدتك إن انا بسوي جهدي وأحاول أجمع لك أكبر قدر من المعلومات عن مكان وجوده، قل لي بمكان البيت يلي وصلت بنتك عليه وأنا بحط رجالي يراقبونّه.. _ بالنسبة لبيته أنا عارف له، بس المشكلة كله معزيين من النسوان وهو مهلوش هناك.. _ يعني البيت يلي قلت إنك وصلت بنتك شيماء له؟ _ أيوة، هو نفسه، بنته لنوال صاحبة بنتي.. _ كييف!، ق...قصدك إن مع نوال بنت من محمد العدني! منصور وقف ومسك رأسه: لا تجيبش لي...   . البـارت 342 ◇ جُــرح القـريب غـريب 💔 👌🏻👇🏻 😍 _ كييف!، ق...قصدك إن مع نوال بنت من محمد العدني! منصور وقف ومسك رأسه: لا تجيبش لي سيرته يا مدحت الله يرضى عليك، من غير شي اسمه يجيب لي الجنان، لا وفوقه تطلع نوال مخلفة منه، ااااخ يا قهر قلبي، والله لو يرجع يعيش مليون مرة إن انا بقتله من أول وجديد وانهي حياته ابن الكلب داك.. مدحت شاف له: دامك تكرهه ليش خليت بنتك تروح تشوف بنته؟ _ شيماء ما اسخاش ازعله، وبعدين البنت مش له دخل بأبوه.. _ طيب وكيف بتسوي لو لاقيت ابنك، قصدي بتبزه معك البيت تسكنه فيبه؟ منصور لفت له ومشى ناحيه: أكيد، فين عاد انا بسكنه يعني.. _ بس ما اعتقدش إن رضوان بيخليك تبزه.. منصور عصب: وأيش دخله هو، جراح دا ابني مش ابنه.. _ طيب فرضنا قدرت تبز ابنك، تتوقع هو بيقبل يعيش معك؟ _ ك..كيف يعني ما فهمت؟ مدحت حك انفه: يعني تتوقع جراح لمن عاش عشرين سنة بدون أب، وكان يحسب أن ابوه ميت وفجأة كدا يطلع عايش ومطلق أمه، تتوقع يقبل يعيش معك؟ منصور تجاهل نظرات مدحت وبلع ريقه ومسح وجهه بيد وحدة: ب...بس دا ما يغيرش حقيقة ان انا ابوه وهو ابني من لحمي ودمي.. _ دي حقيقة، بس لو طلع يلي كتب الرسالة يلي حصلته هو جراح ابنك نفسه، فدا الشي صعب.. منصور لفت له: و.. وليش صعب؟ _ لان بالورقة كان مكتوب جراح محمد العدني، يعني الليد يمكن يكون ابنك، بس محمد خلاه ابنه واعطاه اسمه كمان وابنك مصدق دي الحقيقة.. منصور صاح بغضب: مش هو ابنه جراح دا ابني، ابني يا مدحت ابني، ما خلقش يلي بيبزه مني ويهب له اسم أب ماهوش ابوه تسمعناااااا.. مدحت وقف ومشى ووقف قدامه: م.. منصور اهدا اهدأ لا تنفعلش كدا.. منصور وجهه يرتعد من الغضب وهو يصك اسنانه: ما خلقش يلي يبز ابني مني ما خلقش.. _ ب... بس اشوفه صعب أنه يتقبل كدا حقيقة، وفرضاً كمان وافق يروح معك، أخته كيف بتسوي فيبه؟ _ أخته! وأيش اشتي فيبه أخته!، تاك البنت بنت محمد العدني، يلي سرق زوجتي مني وخلانا اطلقه وحرمنا من ابني، أيش تشتينا أعيشه ببيتي مع ابني وعيالي؟ _ طيب افرض جراح رافض إلا تعيش أخته معه.. منصور مشى بغضب: مستحيل، ما بوافقش، أنته مجنون أو بس تشتي تعصبنا.. _ أنا احطك قدام الأمر الواقع والحقيقة غير المقبولة يلي يمكن تواجهه يا منصور، حب الأخ لأخته مش شي بسيط، فما بالك وهو عاش معه سنين ومات ابوه والآن أمه، العلاقة بينهم بتكبر أكتر.. منصور راح ناحيه وهو يصك اسنانه: أخته دي بنت محمد العدني يا مدحت (ويضرب صدر مدحت باصبعه السبابة) بنت محمد العدني.. _ بس مكانه تبقى أخته.. منصور مسك رأسه ويمشي بغضب: وعاده يقول لي أخته، (ولفت له) يا أخي داك ابني ودا يلي يهمنا، البنت تموت تحرق إن شاء الله حتى تجي الجن وتبزه ما ليش دخل فيبه، كل يلي يهمنا ابني وبسسس.. مدحت حط يداته بجيوب بنطلونه: اااح، أنا قلت يلي عندي وبس، خلنا نحط كل الاحتمالات الواردة ويلي يمكن تحصل، عشان لو حصلت ما ننصدمش، أنا بلحق على شغلي، لو بتجلس هنا حيا بك.. _ لا بروح لي البيت ضيقت فيبي أصلًا.. _ أنا مش قصدي اضيق فيبك يا صاحبي، بس دي كانت مجرد احتمالات، ويمكن تصيب ويمكن تخطئ، المهم عرضته عليك.. منصور حط يداته على خصره بضيق، وشاف لمدحت يلي شاف له وراح، وهو جلس فوق الكرسي بضيق.. أياد وصل أمه وهيفاء لبيت كمال عشان يعزوا، ووقف السيارة وشاف هو وأمه لهيفاء يلي تشوف للبيت ودموعها ينزلوا، صفية حطت يدها فوق يد هيفاء يلي ترجف: _ انسي يا بنتي، لا تزعليش، خلينا نعزي الناس، ما مع نحنا غير دا الحل.. أياد: هيفاء خلك قوية، انتي بنته لعزام الاسد، ادخلي رافعة رأسك ولا تهتميش لكلام أحد.. هيفاء ترجف ودموعها ينزلوا، هيا يا بنتي انزلي هيا.. وفتحت الباب ونزلت وهيفاء بعدها ولفتت للبيت، البيت الذي حلمت أن تجتمع مع من أحبتّه تحت سقفه، من شاركت في بنائه وتعميره ليكون مأواها، ولكنه أصبح لغيرها، أغمضت عيونها وصفية تفرك اكتافها عشان تهديها، أياد يتأفف بضيق وصفية باست راسها: _ امشي يا بنتي امشي.. هيفاء مسحت دموعها وكان الباب مفتوح والنساء يدخلين، وهن دخلين وأياد راح بالسيارة، ودخلت صفية وهيفاء ضامة يداتها عند صدرها تمشي ببطء وتشوف للجدران والأرض وكل تفصيلة بالبيت، شافته وتذكرت كيف جاءت معه وكان يسألها عن رأيها بالبيت وكانت تبتسم بحب وأعجاب، نزلوا دموعها ومسحتهم سريع لمن سمعت خطوات خلفها ودخلين نساء: _ السلام عليكم.. وهيفاء هزت رأسها لهن وهن دخلين وهي لحقتهن وتسمع الصياح والبكاء، وكانين النساء حول راوية يلي تبكي، جيران ما يعرفوها، لكن لمن سمعوا بأنها فقدت شخص عزيز عليها راحوا عشان يقوموا بالواجب، هدى شافتها وراحت لعندها: _ هيفاء... . البـارت 343 ◇ جُــرح القـريب غـريب 💔 👌🏻👇🏻 😍 هدى شافتها وراحت لعندها: _ هيفاء (هيفاء لفتت لها وضموا بعض) حيا بك يا قلبي.. هيفاء هزت رأسها وأسماء جت وسلمت عليها: ح.. حيا هيفاء.. هيفاء نزلت رأسها بخجل وهدى شدتها: تعالي نروح نشوف رغد.. وراحين عند رغد يلي تبكي وهيفاء جلست مقابلها ولا قادرة تقول كلمة عشان تواسيها، فروحها هي التي تحتاج من يواسيها.. ماهر جالس يتفرج مباراة في التلفزيون، وأمه جالسة عنده: اقلب القناة ذي رجع لي مسلسل من أي قناة.. ماهر: يا اماه الله يحفظش قدش واصل تتفرجي المسلسلات بس قد غثيت أنا.. _ أنته يلي بك غاثي مش اني، هيا اقلب لي mbc هيا وروح شف بنتك دلال هيا.. _ اماه قدش تشوفيني اتفرج المباراة خليني اشوف من بيفوز واقلب لك، بعدين وينها هديل خليها هي تبننه.. _ عند جارتنا اليافعية.. _ وهي أيش معاها واصل هناك ما تستحي على نفسها.. فريدة: يا ابني خلك منها، البنت وحدها وبتضبح لها، خاصة بعد ما غزل رجعة مع اخوها.. ماهر معط شفايفه: ولا اتصلت بحسام والبقية شي، فقدكهم والله العظيم يا اماه.. _ طيب اتصل له.. ماهر هز رأسه وهو يوقف: بجيب التلفون واتصل له.. وراح والباب اندق وراح يفتح ودخلت هديل وهي تهز يداتها: واااااه يا اماه وااه.. ماهر شاف لها باستغراب: ما لك دخلش كذا لا سلام ولا شي.. هديل مكملة مشي: واه يا اماه واه (وجلست جنبها وهي تهز يداتها) لو تشوفي يا اماااااااه.. فريدة باستغراب: ما لش كذا تهزي يداتش أيش في؟ ماهر جاب بنته يلاعبها ويتسمعها وهو يجلس، واااه يا اماه، لو تشوفي جارتنا اليافعية أيش كد له زوجه من السعودية، كثييير حاجات وفساتين يا حظه يا اماه.. ماهر: يه، وليش كذا متفاجئة يعني! هديل لفتت له: مله دي ملابس من السعودية مش تفهم والا كيف.. ماهر: انتي أول بطلي الهدرة العدنية عشان الواحد يقدر يفهمك أصلًا.. هديل بغنج: اني أصلًا عدنية ويلي ما يفهمنيش خسراااان.. ماهر: والله ربحان قولي، كه اسكتي خليني اتصل بحسام (وشاف لبنته) وعسولة ابوه الحلوة (ودلال تضحك وهو يهزها).. هديل فزت: حسام!! (ماهر شاف لها وهو فزز وهي بلعت ريقها) ق...قصدي ي..يعني غ..غزل، ا..أيوة غزل اشتي اكلمه.. ماهر يتصل: انقلعي يا ربحة خليني اتصل.. وهي وأمها يتسمعوا وجوال حسام يرن، هاه الووو.. حسام: حيااا ماهر، مله فينك يا ليد نسيتنا.. ماهر: ما عاش يلي ينساكم، كيفك وكيف العيال جراح والبقية؟ حسام تنهد: ااااخ يا ماهر، للأسف مش عارف أيش أقول لك.. ماهر عدل جلسته: خير أيش حصل؟ هديل شافت لأمها بخوف، والله يا صاحبي توفت علينا أم جراح وخاله كمان.. ماهر فتح فمه: أيش تقول أنته، ك..كيف حصل ذا الشي ومتى؟ _ قصة طويلة يا صاحبي.. ماهر بلع ريقه ومسح وجهه: ط..طيب وهو كيف حاله؟ _ كيف تشتيه يكون، الله يعينه، الليد مش عارف رأسه من رجلينه، حاولنا نوقف معه بس هو رافض.. _ ط..طيب أنا بجي لعندكم اشتي أعرف فين ساكنين بالضبط.. _ حيا بك بتشرف نحنا في عدن، نحنا في خور مكسر، لمن توصل هناك، برسل لك رقم أيهم تتواصل معه، أنا مشغول حاليًا.. _ خلاص تمام، مع السلامة.. هديل بخوف: ما لك كدا تقلب وجهك؟ ماهر بزعل: اووووف، جراح صاحب حسام، أمه وخاله توفوا.. فريدة بحزن: اوووو الله يرحمهم، كيف ماتوا الأخ واخته؟ _ والله يا اماه حسام ما كلمني على التفاصيل، بس أنا بنزل عدن واشوف وافهم كل حاجة (ووقف ومد دلال لهديل) بروح البس واجهز نفسي وانتي بزي دلال.. فريدة: واي أين شتسير؟ _ انزل عدن يا اماه لازم اعزي جراح، ذاك واحد طيب ومحترم.. هديل: مسرع قد فصلت الليد وما لك يوم تعرفه.. _ اصه انتي اسكتي، حرام ماتت أمه وخاله (وشاف لأمه) اماه جهزي لي حق المواصلات بنزل الآن.. فريدة: يا ابني أين تسير وعادك ما سالت ابوك ويمكن تضيع داخل عدن، هي كبيرة مش زي الحبيلين صغيرة.. _ يا اماه ضروري اعزي جراح أقول لك، وبعدين أنا رجال أيش تشوفيني جاهل.. هديل: تقول غزل تعرفه؟ _ دام حسام وجراح أصحاب فيمكن، هيا يا اماه فديتش، وأنا بسير اجهز نفسي.. _ طيب وابوك كلمه.. ماهر وهو يمشي: تمام تمام.. وراح وهديل شافت لأمها: مسهل نزله عدن عند العيال يا اماه، سعيدددك يا ماهر بينزل عدن يا اماه اتخيلي، بينزل عدن بكله، عند غزل وحسام.. فريدة طبعتها وهي توقف: صدق انش بلا أدب وما تستحي، رجعش لي عدن باريس، قد الناس ميتين حمى هناك.. _ عادي يا اماه أهم شي أنه حلوة، اني هامة غزل لو تقرب له، والمشكلة حتى لو سألته هي مش معه تلفون، وحق أمه مشتيش اتصل له، ومش أقدر اتصل لحسام الآن.. _ ولا تتصلي لأحد، خلينا اشوف اخوش قبل ما ينزل عدن.. وراحت وهديل تفكر: يا حرام، ماتت أمه وخاله، والله الموضوع صعب، الله يعينه.. شويات... . البـارت 344 ◇ جُــرح القـريب غـريب 💔 👌🏻👇🏻 😍 شويات واتجهز ماهر وخرج وهو يعدل الكشيدة حقته: خلاص يا اماه انا بروح لي.. _ الله يحفظك يا روح أمك، لمن توصل اتصل لي، واتصل لصاحبك انتبه يخربطك بالطريق.. _ طيب طيب يا اماه (وراح عند دلال وباسها) قلب بابا بيروح ويرجع لك (وشاف لهديل) اهتمي فيها ولا تبكيها.. هديل: تمام يا فحاس، يا حظظظك يا ماهر، بتنزل عدن تشوفه وأنته يلي تكرهه،  واني يلي متمنية ليل نهار ازوره مش بروح له عمري.. _ سهل بصورها لك ولا يهمك.. هديل بفرح مسكت يده: صدق! سحب يده: يا سيري لك سيري قبل ما اعطيك كف الهبالة حقتك.. _ امااانة يا ماهر صور لي ياته، و..وصور لي البحر، ا..أو كدا جب لي ياته داخل كرتون احتفظ فيبه.. ماهر شاف لأمه: وديها مستشفى المجانين تتعالج والله يا اماه.. فريدة: ذي مجنونة رسمي.. _ هيا بخاطركم يا اماه.. فريدة وهديل: الله معك.. فريدة: الله يحفظك يا ماهر الله يستر عليك.. _ يا اماه ما لك كدا، ماهر رجال لو يسافر الصين مش عليه شي، هميني اني يلي جالسة مسجونة داخل الشقة دي، اااخ يا ربي متى اتحرر من هنا.. ودلال بكت وهي رفعتها للجو تلاعبها: شكلك عرفتي إن ابوك راح وبتفقدي له.. رضوان والبقية وصلوا للمستشفى: الآن ليش جبتونا لهنا يا شيخ ابو بكر؟ ابو بكر زم شفايفه وشاف لعزام يلي مسح وجهه ورضوان يشوف لكل واحد منهم: _ الآن أيش في.. ابو بكر: حج رضوان، أنته انسان مؤمن وربنا يمتحن ايمانك وصبرك.. من الكلمات دي خفق قلب رضوان بقوة، وبلع ريقه بغصة: ا..أيش حصل؟ عزام مسح فمه وراح بعيد شويات، مش قادر يشوف لرضوان وردة فعله، عاده دافن بنته الوحيدة والآن بيدفن ابنه الوحيد، ابو بكر شاف له: _ ج...جراح.. رضوان: أيش فيبه جراح؟ عبد الفتاح: مله أيش في اتكلموا.. ابو بكر بيتكلم بس حس الحروف تبعثرت عليه وضاعت، وحك جبينه بتوتر، ونزلت دمعته بألم.. رضوان توتر أكثر: اتكلم اليوم يا ابو بكر قلبي مش متحمل اتكلم.. عزام يشوف لهم وابو بكر شاف لعيون رضوان يلي قد الدمع مراعي ابسط الكلمات عشان يفيض.. _ ا..ابن بنتك جراح، ا...البارح ق..قتل خاله خالد.. رضوان فتح عيونه بصدمة، وعزام غمض عيونه ودموعه انهمروا: ك..كيف!! ابو بكر كمل كلامه بمرارة متقطعة: خ..خالد هو يلي قتل نوال بنتك يا رضوان، و..ونحنا جبناك لهنا عشا.. ما كمل كلامه من رضوان يلي اغمي عليه وهو مسكه ووقعوا كلهم، وعزام راح بسرعة.. _ رضوان، ر..رضوان (ويطبع خده عشان يصحيه) حج رضوان، حج رضوان.. عبدالباسط: حج رضوان.. ابو بكر: رح اطلب الدكتور بسرعة يا عارف.. عارف راح جري وابو بكر يحاول يصحي رضوان يلي هده دا الخبر والكل خاف عليه وزعل.. . . في بيت كمال يلي فيبه راوية والبقية، كانت راوية تبكي وتنشج وعيونها ورمانين، والجيران وسوسن والبقية يهدينها: _ يا راوية يا أختي بس الله يحفظك، انتي انسانة مؤمنة بربك، ودا قدره ومكتوبه.. راوية: واي يا سوسن واي، دي بنتي وقطعة من روحي، ك...كيف اقدر اصدق أنه ماتن وعاده خرجت من عندي و..ورجعوا لي ياته جُتة كيف اهئ اهئ اهئ.. صفية: نوال دا مكتوبه يا أختي، على الاقل خليك قوية عشان احفادك جراح ورغد، المسكينة ولا وقفت بكاء من أمس، خليك قوية على شانه بس.. راوية: بس دي أمه يلي ماتن يا ناس أمه اهئ اهئ هئ هئ، ا..اني مش مصدقة ان بنتي ماتن لا، لا جيبوا لي بنتي جيبوه.. سوسن زعلانة كثير، وأسماء خرجت من الغرفة وجلست عندهم، كيفه رغد يا بنتي؟ _ عاده رقدن الآن يا خالة، المسكينة ما وقفت بكاء من أمس، وقالت تشتي تشوف اخوه جراح.. راوية: ما عاد بقي له بالدنيا دي غيره، ابوه مات والآن أمه، ااااخ يا ربي بس، اللهم لك الحمد والشكر يا رب، اللهم لا اعتراض.. صفية: أيوة كدا يا راوية لا تعترضيش على حكم رب العالمين.. راوية وقفت: ب.. بروح أصلي وادعي له.. في المطبخ، صاحت هيفاء بصدمة: أيشش! هُدى: ا..أيش تقولي يا اماه.. نعمة: و..والله كدا قال لي ابوك.. هيفاء مسكت رأسها: و..واي يا ربي أيش دا، ط...طيب من قتله! _ ما قال لي من، ب..بس قال أنه مات وبيدفنوه، ورضوان بالمستشفى مدوخ وعادهم مراعيين الفحص يطلع.. هدى جلست تبكي: يا ربي ما بتقدر رغد والخالة راوية يتحملين كدا خبر اهئ اهئ.. هيفاء انهالت بكاء، موجوعة ومكسورة وابسط الأسباب تدور عليهم عشان تبكي، وجت الفرصة عشان تطلع يلي داخلها، الآن كيف بقول لراوية كيف، المسكينة ماتت بنته من هنا والآن ابنه، واي يا ربي صبره اهئ اهئ.. سوسن جت: نعمة فين الصبوح اليوم، (وشافتهم يبكين) أيش في ليش تبكين؟ هيفاء ببكاء: خ...خالد ابن الخالة راوية م...مات، ح...حصلُونّه م..مقتول بالرصاص.. _ هيييييي.. شهقت راوية بقوة من خلفهن و... . البـارت 345 ◇ جُــرح القـريب غـريب 💔 👌🏻👇🏻 😍 هيفاء ببكاء: خ...خالد ابن الخالة راوية م...مات، ح...حصلُونّه م..مقتول بالرصاص.. _ هيييييي.. شهقت راوية بقوة من خلفهن والكل لفت لها وهدى وهيفاء وقفين بخوف.. _ ا..ب...خ..ل.. ووقعت من طولها كخشبة جوفاء لا حركة ولا سكون، الكل صاح وهو يجري لعندها، ويحاولين يصحينها ويرشينها بالماء لكن ما في فائدة، والكل يبكي ويبكي، رغد وشيماء راقدات بالغرفة، ولمن سمعين الصياح وقفين، ورغد قلبها تحسه يدق من رأسها: _ أيش فييييي.. وراحين جري لخارج الغرفة، وشافين تجمع الكل حول راوية ورغد صاحت، وشيمَاء والبنات منصدمات.. صفية: راوية ردي علينا راوية.. رزان: أيش حصل له يا اماه ايش؟ رغد تشوف النساء حول جدتها وما قدرت تنطق ودموعها تنزل للأرض، شيمَاء تبكي وهي تشوف لها ومسكت بيداتها.. سامية: واي يا ربي، ما قدرت تتحمل خبر موت بنتها، والآن ابنها يموت واي يا ربي أيش دا المكتوب عليها.. صفية والبنات لفتين لها بصدمة ورغد صدمتها أكبر: أ.. أيش! صفية: خالد مات! رضية شهقت بقوة وسارة صاحت: وااااااي، و... وااي خالد!! سامية بكت بقوة، ورضية وقفت وراحت لعند بنتها يلي تصيح بهستيرية: _ خالد، واي خالد، لااااااااا، واي أيش تقولين ايشش.. رغد ما قدرت تتحمل كل دي الصدمات وعجزت تفاصيل وجهها ترسم ملامح البكاء، بس الدموع ما وقفت.. سامية: ا.. اتصل لي عبد الفتاح وقال لي ا.. أنهم حصلوه م.. مقتول اهى اهئ اهئ.. سارة طوالي وقعت ورضية مسكتها ويلي راح لعندها والبيت تملي صياح ورغد تغطي اذونها وهي ترجف وشيمَاء تبكي عندها:  _ ر.. رغد رغد يا قلبي.. نعمة ببكاء: اتصلين بواحد يجي يسعفه هياااا.. هيفاء وقفت: اني بتصل بكمال يجي.. وكانت بتجري بس ذكرياتها يلي داهمتها حول يلي حصل سمرتها مكانها، وصفية ونعمة وهدى لفتين لها، ورجفوا شفايفها ببكاء، سامية شافت لها: _ بسرعة يا هيفاء اتصلي بواحد يجي يسعفه.. هيفاء هزت رأسها وراحت تتصل بس ابوها وأياد جوالاتهم يرنوا وما أحد يرد، ورغد جثت للقاع تبكي، وأسماء وشيمَاء عندها، رضية ورزان وكم وحدة عند سارة المغمى عليها، ورضية تبكي فوق رأسها: _ ويلي عليك يا بنتي، ويلييييييي، ويلي عليك يا بنتي، واي يا ربييييي.. ورغد تبكي وتبكي وعيونها ما رمشوا، وشيمَاء أخذت الدور بالنيابة عنها وضمتها وهي تبكي، صدمة بعد صدمة ما قدرت تتحملهم أبدًا، هيفاء تلف وتدور وهي تتصل.. _ اوووف الكل يرن بس ما يرد، (وشافت لهن) اماه لبسُونّه واني بخرج اشوف باص يجي يسعفه.. أسماء وقفت: واني بجي معك.. وراحين يلبسين، نعمة شافت لهدى: شوفي لنا عباياتنا يا هدى هيا.. هدى وقفت بخوف: ح...حاضر يا اماه.. وراحت وأسماء وهيفاء لبسين عبايات وخرجين جري، وشافين سيارة تمشي ناحيهن.. هيفاء: د..دي سيارة عمي ابو بكر.. أسماء: أيوة هي.. ووقف السيارة ونزل ببدلته العسكرية حامل أكياس بيده والثانية عليها سلاحه، هيفاء فززت عيونها لمن شافته ينزل ويمشي ناحيهم وباين الضيق بوجهه وهو يهادر نفسه ورأسه للأرض.. _ يعني ضروري اسوي نفسي الحمل الوديع، وكل شي أنا يا فندم أنا يا فندم، أيش دا، أنا حمار معه والا أيش.. تصنم مكانه لمن شافهن قدامه وخاصةً هي، يلي حبها ونبض قلبه لها، وما انضم للعسكرة إلا عشانها، وبلع ريقه بتوتر وهو يشوف لها _ ه...هيفاء! هيفاء بصدمة: ل..ليش راكب سيارة عمي؟ رعد: د..دي ك..كنت معاهم ب..بالمستشفى و..والفندم عزام قال اجيب لكم د..دي الخضرة وأوصله لهنا ب..بالسيارة د...دي.. أسماء: من دا يا هيفاء؟ هيفاء: د...دا عسكري م..مع أبي.. رعد ابتسم: و..وكمان كنت زميله بالمعهد.. هيفاء بسرعة: ما فيش وقت للكلام، دامك جيت وصل نحنا للمستشفى بسرعة.. رعد: للمستشفى!، وليش؟ أسماء: مش وقت الكلام، اني بصيح لخالتي والبقية عشان يخرجين بسرعة.. وراحت جري وهيفاء تمسح وجهها ورعد يفترس ملامحها وهو يبتسم ابتسامة خفيفة، وهي شافت له واستغربت: م...ما لك كدا تشوف لي؟ رعد فز: ه..هاه، ل..لا و..ولا شي.. وشاف يمين ويسار بخجل، شويات وطلع الصياح ورغد ماسكة يد جدتها وهي تبكي: قومي يا جدة اهئ اهئ، جدة قومي.. هيفاء ورعد شافوا لها، ورعد فزز لمن شافهن ماسكات لها بصعوبة يحاولين يشيلينها، بس هي مرتاحة شويتين وصعبت عليهن، وطوالي راح جري: ا...ابعدي يا خالة أنا ببزه معاكن.. وحط الأكياس ومد لهيفاء البندق: امسكي دا.. وهي بزته وسامية بعدت وهو لف يد راوية حول رقبته ومسك بالثانية خصرها وصفية ساندة لها من الجنب الثاني وودوها للسيارة، ورغد دخلت خلف، وصفية بعدها، ودخلين راوية وطلعت نعمة معاهن.. ورعد راح جري وطلع وشغل السيارة، صفية شافت لسامية: . البـارت  346 ◇ جُــرح القـريب غـريب 💔 👌🏻👇🏻 😍 ورعد راح جري وطلع وشغل السيارة، صفية شافت لسامية: _ خليكن مع سارة يا سامية واني ونعمة بسير مع راوية.. سامية هزت رأسها ونعمة خرجت وهي تتبرقع وهدى شافت لأمها: واني بسير معاكم يا اماه.. نعمة هزت رأسها وهدى أشرت لهيفاء: هيا اطلعي اطلعي.. هيفاء طلعت وجنبها هدى جلست، وانحرجت هيفاء وهي تشوف أن المسافة بينها وبين رعد تقلصت، وباقي شوية ورجله تلمس رجلها، وهو يبتسم شوية، ولف المقود وراحوا للمستشفى.. . . منصور جالس يشوف الأخبار بالتلفزيون ولافف رجل على الثانية، ويشرب كوفي، وهو يشوف الشريط السفلي ومكتوب في أحد الأخبار فيه.. _ " اغتيال رجل في منتصف الشارع في مساء البارحة على يد مجهولين لاذوا بالفرار فور ارتكابهم الجريمة " _ اووف يا ربي، من صباح الصبح قتل وجرائم، من لمن وعيت على الدنيا دي والقتل بالبلد دي، متى بيوقف دا الشي يا ربي، شكلنا بموت وتقوم القيامة والبلد دي ولا بتعرفش الراحة أبدًا، لو ما قتلوا مسؤول أو قيادي يرجعوا المواطنين يقتلوا بعضهم، الله أعلم فين نهايتنا.. ووصل رعد للمستشفى ونزل بسرعة وصيح: نقالة بسرعة هبوا لنا نقالة سريع.. وفتحت رغد الباب ونزلت وهي تبكي، ورعد ينزل راوية وصفية ونعمة يساعدينه، وجابوا له نقالة وطلعوها ودخلوها للداخل ودخلوا كلهم، وجلسوا يفحصوها ورغد تبكي وتتنفس بصعوبة، لكن ملامحها خالية من تعابير الحزن والبكاء، وهيفاء وهدى جلسين عندها، ورعد يتصل: الو فندم ، نحنا بالمستشفى حق ال... عزام: ليش أيش في؟ رعد مسح وجهه: والله رحت للبيت ولاقيت بنتك والبقية يدوروا باص عشان يسعفوا وحدة منهم مدوخة.. _ ومن هي؟ _ والله مش عارف، (وشاف لهيفاء وبصوت صغير) يا هيفاء من دي يلي اسعفناه؟ هيفاء شافت له: د..دي خالتي راوية أم خالد، عرفت بخبر موته و.. واغمي عليه.. رعد بلع ريقه ومسح وجهه: ر... راوية، سمعت بخبر موت خالد و.. ودوخن.. عزام مسح وجهه: خ..خلاص، بجي لعندكم الآن.. وغلق وشاف لأبو بكر: راوية دوخن واسعفونّه للمستشفى حق ال... عبدالباسط تأفف، وابو بكر حرك رأسه: لا حول ولا قوة يا رب العالمين، أيش دي المصائب يلي تنزل على دي الأسرة، الله يعينهم بس.. الدكتور خرج من عند رضوان وهم راحوا لعنده وهو حط يداته بجيب اللاب كوت: من منكم يقرب له؟ ابو بكر: ك...كلنا هنا يا دكتور جيرانه، خ..خير أيش فيبه؟ الدكتور زم شفايفه بتردد: للأسف ضربته جلطة بالدماغ.. الكل انصدم، عبدالباسط: ك..كيف يا دكتور، و..وكيف هو الآن؟ _ وضعه غير مستقر للأسف، وللأسف مش عارف كيف أقوله لكم بس في نزيف دماغي حصل له بسبب الجلطة، ودخل بغيبوبة.. عزام قلب عيونه ورجع يمسح وجهه، ابو بكر غمض عيونه: لا حووول ولا قوة يا رب العالمين عبدالباسط: و..وكم ممكن يجلس بغيبوبة يا دكتور؟ _ والله يمكن كتير، بندخله غرفة العناية المركزة، وما اضمنش أنه بيصحى من هنا لشهر، دا إدا جلس عايش.. الكل شاف له بصدمة أكبر، يمووت، أيش تقول يا دكتور؟ _ الاعمار بيد رب العالمين، لكن النزيف يلي حصل في الدماغ كان حاد، ولازم نسوي له عملية بأسرع وقت ممكن، فلو موافقين لازم نقوم بالاجراءات اللازمة عشان نبدأ العملية.. ابو بكر: ي..يا دكتور ب..بنته ماتن وابنه كمان، و..وما فيش معه أحد غير زوجته يلي بالمستشفى الآن.. _ براحتكم، أنا قلت يلي عندي، ولو حابين نكمل الاجراءات ونلحقه، كلمونا، عليه العافية إن شاء الله.. وراح وابو بكر جلس بتعب: يا ربي عليك أيش بنسوي الآن؟ عبدالباسط: والله ما عاد قدرت استوعب الصدمات يلي تنزل كدا وحدة بعد التاني.. عزام بضيق وتأفف: أنا بروح للمستشفى أشوف راوية والبقية، وبرجع لكم، خليكم عنده.. عبدالباسط هز رأسه، ابو بكر شاف له: يا فندم لا تكلمهم على يلي حصل له، مش ناقصين صدمات.. عزام تنهد: طيب والدفن حق خالد كيف؟ ابو بكر: خلاص يا ابني بندفنه، دام رضوان بغيبوبة والله أعلم متى بيصحى، لازم ندفنه، والأحسن ما نوديه لأمه تشوفه، المسكينة فيبه ضغط ومش ناقصة، (ووقف) أنا بتصل لصاحبي الشيخ عشان نغسله، وأنته يا عبدالباسط رح شوفوا لنا قبر عشان ندفنه ونصلي عليه لمن نجتمع على صلاة الظهر.. عزام: خلاص تمام، وبشوف كيف على شهادة الوفاة، هيا بخاطركم.. وراح وعارف تنهد: اللهم لك الحمد والشكر بس، أيش عاد الواحد بيقول.. عبدالفتاح: هيا نمشي نشوف موضوع القبر.. وراحوا كلهم عدا ابو بكر يلي جلس عند رضوان.. . . أيهم وصقر شافوا خلفهم ووقفوا طوالي، وكان كمال خلفهم واقف ومشى ناحيهم ووقف قدام أيهم وسمروا نظراتهم ببعض: _ كمال.. أيهم يشوف له وهو معقد لحواجبه بغضب وهو يشوف لكمال يلي وجهه كله كدمات وبقع من أثر الضرب.. . البـارت 347 ◇ جُــرح القـريب غـريب 💔 👌🏻👇🏻 😍 صقر يتفحص ملامح كمال بعيونه: أ..أيش حصل لك يا كمال، ل..ليش كدا وجهك كله كدمات من ضربك؟ كمال شاف له بفتور: مش مهم من ضربنا، (وشاف لأيهم) المهم إن انا مش جبان زي ما قلت يا أيهم.. أيهم رفع حاجبه: والله، وليش ما جست للعزاء حق أم جراح ووقفت معه، كه جاوبنا.. كمال ضايقة السؤال: يلي حصل لي مش قليل يا أيهم، دا واحد، اتنين أنا ما عرفت بخبر موت أم جراح إلا بالليل، لأن غلقت جوالي وما عرفت الا لمن فتحته.. صقر: ط..طيب وليش سبت هيفاء بيوم العقد حقكم؟ كمال: مش وقته الآن يا صقر، المهم ال... أيهم: المهم إنك سبت جراح بأكتر موقف كان محتاجك فيبه، دا معنى الصداقة والأخوة يلي كنت تقول عليه! كمال: يا أيهم افهمنا ا... _ أنته سبته يا كمال، (وأشر بيده لعند جراح وهو يشوف لكمال) شوف لجراح ومنظره شوفه (كمال لفت لجراح) شوفه كيف راقد فوق قبر أمه كما الرضيع، عاجبك منظره كدا؟ (كمال ذاب قلبه ونزلوا دموعه) دا المنظر يمكن ما كنا نشوفه لو إنك وقفت معه، كنا معزيين ما ننعدش، لكن وحدك يلي كنت تقدر تجبر بخاطره يا كمال.. كمال يبلع ريقه بغصة ودموعه يستمروا بالانهمار وصقر يشوف لجراح بزعل، خلاص يا كمال، جراح انكسر وانخدل، أولًا موت أمه، وعدم وقفتك معه، والآن موت خاله.. كمال شاف له بدهشة: خاله! صقر: أيوة يا كمال، للأسف خالد طلع هو يلي قتل الخالة نوال.. كمال زادت دهشته وصدمته، أيهم بسخرية: وقل له كمان أن جراح يلي قتله.. كمال فتح عيونه وفمه بعدم استيعاب ومسك بأيهم: أيش تقول يا أيهم جنيت! _ دا يلي حصل، أصلًا كيف بتعرف وأنته ما كنتش موجود أصلًا.. كمال يهزه: مش وقتك الآن وفهمنا أيش يلي حصل لا تجنناش.. صقر: نحنا عرفنا من جراح إن يلي قتل أمه هو خاله، بس ما عرفناش السبب، وجراح لمن شافه قتله، وللأسف خالد مات، ونحنا هربنا جراح بآخر اللحظات، وحسام جلس هناك وحبسونّه، وهو الآن بالسجن.. كمال يمسك رأسه ويدعك جبينه وشاف لجراح: ي...يعني جراح ق... قتل خاله و.. وبينسجن الآن!! أيهم هز رأسه: شكله كدا، بالزور قدرنا نسكته، والآن خايف يصحى ويتدكر يلي حصل ويجنن.. كمال ما صدق شي، وجواله رن ومن صدمته بيلي سمعه ما سمع الجوال، وأيهم وصقر يشوفوا له وهو دموعه ينزلوا، وأيهم هزه: _ كمال، كمال جوالك يرن.. كمال فز ومسح دموعه بسرعة وطلع جواله وراح يرد بعيد، أيهم حط يداته على خصره: _  الآن أيش بنسوي يا صقر، نروح نصحيه أو كيف، لو خليناه كدا الشمس بتقرح له رأسه.. _ والله مش عارف، خلنا نسأل كمال ونشوف لنا حل.. _ بس لو صحا جراح وشافه يمكن يسوي مشكلة.. _ جراح يمكن زعلان منه بس لا يمكن يخاصمه يا أيهم، أنته ما تعرفش مكانة كمال بقلب جراح.. كمال: لا حول ولا قوة، خلاص الآن بجي.. وراح لعند العيال: أنا بروح المستشفى يا عيال.. أيهم: خير إن شاء الله أيش حصل؟ _ اوووف مش عارف أيش أقول، بس الحج رضوان سمع بيلي حصل لأبنه وضربنُّه جلطة، واحتمال دخل بغيبوبة (أيهم طبع وجهه وصقر تضايق) وكمان راوية زوجته، اسعفونّه للمستشفى لمن سمعت بالخبر، ضروري اروح دام جراح هنا، أكيد في شرطة هناك، خليكم معه.. صقر هز رأسه: الله يعينه بس، مش عارف أيش دا يلي يحصل.. كمال راح وأيهم جلس ينفخ بضيق ومرر يداته بين شعره ويشده: الآن كيف بنكلم جراح بيلي استوى كيييف.. صقر: لا تسألناش يا أخي لا تسألناش، من غير شي رأسي بينفجر.. . . عزام والاطقم حقه وصلوا للمستشفى، ونزل بهيبته وأشر بيده: خليكم هنا لا أحد يلحقنا.. ولبس قبعته العسكري ودخل، وسأل على الغرفة يلي فيبها راوية وراح، وشاف رعد مدكي برجله للجدار ويد على الثاني وراح ناحيه، ورعد شريد في الفراغ، عزام وصل لعنده: _ رعد.. رعد باله غارق وعزام مسكه بالكتف: رعدد.. رعد فز لمن ترنح ومسك القبعة يلي كانت بتوقع والكل لفت لعندهم، ف..فندم عزام! عزام: ما لك اصيح لك ما تجاوبناش؟ وفلت له ورعد بلع ريقه بخوف وعدل ملابسه وقبعته ووقف باحترام: _  ا..العفو منك يا فندم م..ما سمعتكش.. عزام شاف لهم وهيفاء جت وحضنته: اباه اهئ اهئ.. عزام تفاجأ: هيفاء يا قلبي، أيش معك هنا؟ هيفاء شافت له: ض..ضبحت و..وقررت اروح اشوف الخالة راوية والبقية وأوقف معاهم، بس لمن دوخن قررنا نسعفه (وشافت لرعد) و..ودا العسكري هو يلي ساعدنا.. رعد بسرعة وهو يبتسم: اسمي رعد رعد.. عزام شاف له بتهكم: بس.. رعد خاف وهيفاء نزلت رأسها وصفية جت: عزام!، أيش معك هنا؟ _ رعد كلمنا بيلي حصل وجيت، أيش حصل له راوية؟ _ ااااااح اح بس، الله يعينه، سمعت بخبر موت ابنه ودوخن، وفوقه خلينا مرته بالبيت، المسكينة الله يعينه هي التانية.. نعمة: ربنا يشفيه ويعينه يا رب.. البـارت 348 ◇ جُــرح القـريب غـريب 💔 👌🏻👇🏻 😍 أياد وصل: اباه أنته هنا؟ عزام شاف له: وأنته أيش معك هنا كمان؟ _ هيفاء اتصلت لي وأنا جيت، والحج رضوان صدق دخل بغيبوبة؟ هيفاء يداتها على فمها، وصفية بخوف: رضوان دخل بغيبوبة! رعد الواضح تفاجأ، والكل سمعوه وهي وقفت وتشوف له والدمع مليان عيونها، عزام ما ركز على رغد أنها موجودة: _ للأسف ايوة، ضربنُّه جلطة وحصل له نزيف بالدماغ، ويمكن يجلس كتير بغيبوبة، ويمكن.. رغد يرجفوا شفايفها بقوة وهي ترجف وترجف وتشوف لعزام.. صفية: ويلي عليه يا ربي، ما تحمل فقد بنته وابنه كمان.. أياد: ما مسكتوا القاتل يا اباه؟ _ للأسف لا، ولا لي رغبة امسكه حتى.. صفية باستغراب: وليش؟ _ لأن يلي قتل خالد هو.. جراح.. رغد فززت عيونها وهدى شافت لها وأياد والبقية انصدموا ورعد فتح فمه باستغراب.. أياد: ج...جراح هو يلي قتل خاله؟، و..وليش رعد فاتح فمه بصدمة، عزام حرك رأسه: لأن خالد هو يلي قتل نوال، وجراح انقهر على أمه وقتل خاله.. كل واحد تلقف الخبر بصدمة وطريقته المختلفة، لكنهم اجمعوا على شي واحد وهو النظر لرغد يلي بتكون أكثر من صدمة بالنسبة لها، ما ركز عقلها على أي تفصيلة وخبر.. هدى مسكتها: ر...رغد ما لك؟ الكل لفت لها وعزام انصدم: رغد! أياد لفت لها لكن عيونه تشوف لهدى الواقفة جنبها، الدكتور خرج من الغرفة وهو يتنهد، والكل لفت له ورغد شافت له وعيونها تنهمر وتقطر للأرض.. هدى: دكتور كيفه خالتي راوية؟ الكل راح لعنده عدا رغد وهدى يلي مسكتها، الدكتور عض شفته السفلى: _ اااااااه، عظم الله اجركم، الله يرحمه..💔 رغد حست الدم توقف بعروقها وتجلط، ما تخلص من مصيبة إلا يجوها عشر، ورجفت أكتر وهدى تمسكها: _ ر..رغد.. هيفاء بكت وصفية مسكت رأسها: و..واي واي يا دكتور أيش تقول؟ _ هي عنده الضغط، وارتفع عنده بقوة وانفجروا شرايينه، ودا سوى له نزيف حاد وماتن، الله يصبركم، وعظم الله اجركم مرة تانية.. رغد الكلمة دي حستها طعنة سيف قتلتها، وذبلوا عيونها ووقعت وهدى صاحت: _ رغددد.. الكل لفت وشافها وصفية تصيح وهيفاء راحت لعندها ويصحينها بس ما تصحى، نعمة تبكي بوجع.. عزام لفت لأياد: صيح للدكتور يا أياد صيح له.. ورعد يسمع البكاء والصياح والتوتر وجاء دكتور ومعه ممرضة، وعزام حمل رغد لفوق النقالة وودوها للغرفة وهيفاء والبقية لحقينها وهن يبكين.. هيفاء: اهئ اهئ يا ربي، أمه ماتن وخاله والآن جدته اهئ اهئ.. هدى: و..وجده كمان بالمستشفى ويمكن يموت هئ هئ، واي يا ربي أيش دا اهئ اهئ.. عزام حس بدوار ومسك رأسه وترنح بس رعد مسكه: فندم عزام.. عزام عدل وقفته: ا..أنا بخير أنا بخير ما عليك.. أياد: اباااه.. رعد: أ..أنا بروح اجيب ماء عشان تشربه، اجلس أنته هنا.. عزام مسك رعد بيده ورعد شاف له: ا..أنا بخير لا تقلقش يا فندم.. حرك رأسه بموافقة: روح يا ابني روح.. وراح وأياد يشوف لهن كيف يبكين وانقهر.. محمود والد ماهر رجع لبيته، وفتحت له هديل: حيا حيا يا اباه.. محمود: حيا بك يا بنتي، عاد رندى واخوش ما رجعوا؟ _ لا عادهم.. ودخل وهي راحت المطبخ تجيب له ماء، فريدة جت: حيا بك يا محمود، متى رجعك؟ _ قبل قليل، معي لك خبر يمكن يعجبك ويمكن لا.. فريدة جلست: خير إن شاء الله.. محمود: خير خير، بس شائف صاحبي تعرفيه؟ _ قصدك داك يلي سافر السعودية؟ _ أيوة هو، أخوه كان ساكن بعدن ببيته بداله، وحاليًا قرر يسفره هو وأسرته عنده السعودية، وقال يشتيني اسير أسكن ببيته يلي هناك.. _ اااااااااااا.. صاحت هديل لمن فززتهم كلهم والماء يتطعفر منها، ما لش يا مجنونة أيش حصل لك؟ هديل راحت بفرح لعند ابوها: اباه من صدق بنسكن بعدن من صدق! _ يا بنت صلِ على النبي قد قلبي بالقاع (الأرض) فلتشيه من كثر ما فجعتيني.. _ اباه اباه مش مهم، الآن قل لي صدق بننزل عدن؟ _ عاد انا مش قلك له إذا موافق أو لا، قلت اسألكم أول.. _ أيوة ايوة موافقين يا اباه خلاص، متى متى بننزل متى يا اباه هاه متى بننزل عدن.. فريدة: يا بنت بس صرعش راسنا، خلينا أول نتأكد، بعدين كيف تشتينا ننزل عدن ونحنا لنا سنين هنا.. هديل: يا اماه على أساس عايشة بباريس، خلينا ننزل عدن ونشوف البحر ونتعرف عليها امانة يا اماه امانة يا اباه.. _ والله نفسي نغير وننزل عدن نشوفها ولو ما عجبتنا نرجع لهنا عادي.. _ أيوة أيوة يا اباه اماااانة عليك.. فريدة: يا بنت اسكتي بطلي الجنان، خلي اخوش يرجع أولًا من عدن بعدين نشوف رأيه.. _ هو موافق يا اماه موافق، وأصلًا قد معه أصحاب عدانية ويشتي يسكن عندهم.. محمود: أيوة قد كلمني أنه بينزل، خلاص اتصل له هو يشوف البيت كيف هو وكيف المكان هناك، ولو حسين نزلنا لنا.. البـارت 349 ◇ جُــرح القـريب غـريب 💔 👌🏻👇🏻 😍 هديل مسكت بركبته: ايوووة يا اباه فديت قلبك اتصل له اتصل، الآن بجيب لك تلفوني تتصل قد  مليان معي رصيد.. محمود ضحك على حماسها: يا بنتي ليش كذا متحمسة وفارحة، تحبي عدن؟ _ أيوة أيوة يا اباه، وبعدين قد قلت لك على غزل صاحبتي يلي كانت ساكنة هنا وبعدين اخوه جاء وروحه عدن معه، اباه خلنا ننزل اماانة عليك.. فريدة: يا بنت حما هناك كثير بنموت.. _ والله يا اماه لو الحما بيموت قد ماتوا أهل عدن من زمان، بعدين عادي خليني أموت أهم شي انزل عدن، اباااااه هيا هيا اتصل لماهر يشوف البيت واتصل لصاحبك كلمه أننا موافقين ننزل نجلس ببيته.. فريدة: يا بن.. _ يا اماه فديت قلبك تشتي تموتي لي داخل ردفان ولا عمرك خرجتي من عمارة، خلينا ننزل نشوف عدن ولو ما عجبتنا على ما قال أبي خلاص بنرجع هنا.. محمود: خلاص تمام بكلم ماهر يجزع يتفرج البيت.. هديل بفرح ضمته وطلعت جوالها وهو يضحك واتصلت ولمن رن مدته لأبوها: _  كلمه كلمه، قل له الاااان يجزع يشوف البيت يا اباه.. محمود يضحك: هاه الو.. ماهر: هاه اباه.. _ وينك قد وصلت عدن صح، اسمع سيارات عندك.. _ لا عاد انا باقي قليل.. هديل تلاعب اصابعها بفرح: صاحبي شائف اتصل لي، وقال يشتينا ننزل نسكن ببيته يلي بعدن.. _ طيب.. _ فلو تقدر تجزع لهناك تشوف البيت والمكان، وتكلمنا نرتب أمورنا.. _ يعني بننزل نسكن بعدن؟ محمود: ع... هديل مسكت بيده تقرب التلفون: أيوة أيوة يا ماهر، وبتكون تجلس عند أصحابك حسام والبقية وتروح البحر وتشوف البيوت الحسينة يلي عندك ونخطب لك عدنية حسينة، وكللل حاجة وافق وافق واجزع اتفرج البيت.. _ والله مش داري، أمي راضية؟ _ أيوة أيوة راضية.. فريدة طبعتها: بطلي الكذب يا هديل.. _ طيب فين بيته؟ محمود: هو بخور مكسر، برسل لك رقم أخوه يلي ساكن داخله واتصل له ورحك له.. _ خلاص طيب رسله لي.. هديل بفرح غامر: الاااااان ولا يهمك الآن.. وغلقت: اباه اباه هات لي الرقم ارسله له بسرعة بسرعة.. فريدة بغضب: والله يا هديل لو ما تسكتي انني بوري لش، اسكتي يا ماطور من وين يطفوش.. _ يا اماه مش وقتش الآن، هات الرقم يا اباه.. وأعطاها ياته ورسلته لماهر وضمت التلفون، واااااي بننزل عدن يا اماه، أخييييرًا حلم حياتي بيتحقق واشوف عدن، يا ليت بيتنا يكون جنب بيت غزل يا ليت.. فريدة: والله النزلة لعدن ذي مش عجبتني، وصاحبك ماش حصل غيرك يسكنه ببيته.. _ قدش تعرفي أنه صاحبي من زمان ولمن كنا عسكر بحضرموت كنت معه واصل، وهو يعزني وعارف اني بكون امين على بيته.. هديل: ما عليك منه أمي دي يا اباه، اني بسير اجهز التياب حقاتي وحتى حقات أمي وأنته وماهر والكل الكل، اووو بس ما فيش معانا شناط، بسير عند جارتنا اليافعية تجيب لي أو أقول لكم انزل المول يا اباه وجب لي من هناك، والصحان والغسالة و..اااااا والتلفزيون كيف بنبزه و.. فريدة: بسسسس بس يا بنت بس لش خجاج يخجش بس اسكتي ما تقدري تمسكي لسانك وتسكتي قليل.. محمود: مش داري ليش كذا فارحة، المهم الله يفرحش يا بنتي، خلينا نشوف ماهر كيف بيقول بعدين سهل.. ومحمود يضحك عليها ويشوف لفريدة يلي باينة مش عاجبها وضع السكن الجديد في عدن والبقاء فيها.. وكانت رغد نائمة فوق السرير وعليها الكونيلا وباينة كالميت، هدى وهيفاء عندها.. هيفاء: والله للآن مش مصدقة يلي حصل، خالد يقتل نوال أخته من لحمه ودمه، و..وبعدين جراح يجي يقتله عشان ينتقم لأمه، بس خالد ليش قتله؟ هدى: مش عارفة والله، بس باين الموضوع خطير، ليش يقتلها أصلًا كدا بدون سبب.. هيفاء: ااااخ يا ربي مش مصدقة، الآن رغد بتبقى وحيدة، أمه وخاله وجدته واخوه يلي بينحبس الآن، حرام والله عاده صغيرة ما بتقدرش تتحمل.. هدى: الله يعينه، وعاد سارة المسكينة تأرملت الآن، حرام يحصل له كدا والله.. هيفاء وقفت: اني بخرج اشوف أمي أيش استوى معه، قالت بتغسل خالتي راوية هي والخالة وأمك، يمكن يقبروُنه هي وابنه، يعني أم وأبنه وبنته اندفنوا كدا وما بينهم إلا كم ساعة، سبحان الله مقرب الموت.. هدى: الموت يلاحق نحنا بكل مكان، ومراعي الأمر عشان يخطف نحنا ويموتنا، والله أعلم من التالي.. هيفاء خرجت، وشافت ابوها وأياد يمشوا: اباه أياد، متى قررتوا موعد الدفن؟ عزام: قد كلمت عمك ابو بكر عشان نصلي عليهم بالمسجد، وبعدين ندفنهم.. أياد: وجراح يا اباه، بتسجنوه الآن أو كيف؟ _ والله يا ابني مش عارف، بس دامه قاتل شخص فأكيد بنسجنه، بس المشكلة مش عارفين فين هو الآن.. كمال وصل المستشفى ودخل للداخل، وشاف عزام وراح لعنده، هو ما شاف هيفاء لأن نحيفة وجسم عزام المربوع غطى عليها: _ فندم عزام.. البـارت 350 ◇ جُــرح القـريب غـريب 💔 👌🏻👇🏻 😍 كمال وصل المستشفى ودخل للداخل، وشاف عزام وراح لعنده، هو ما شاف هيفاء لأن نحيفة وجسم عزام المربوع غطى عليها: _ فندم عزام.. هيفاء فززت حتى قبل ما تشوفه، قلبها دق دقات الحنين والفراق بنفس الوقت، أياد وعزام لفتوا له، وأياد انقض عليه ومسكه ويرجعه للخلف: _ أيش جابك لهنا يا ملعون أيش.. _ فلت لي يا أياد شوفنا ماسك اعصابي بالزور.. _ وأيش بتسوي هاه أيشش.. كمال مسك بيداته: أياد أقول لك فلت لي لا تخلناش اطلع قرحتي فوقك.. _ كه طلعه لو أنته رجال طلعه.. هيفاء وجهها وجسمها يرجفوا ودموعها طفرت بسرعة، وعزام مسك بيد أياد: _ أياد فك له، مش وقت الصياح الآن نحنا بمستشفى.. _ فلت لي يا اباه فلت، نسيت أيش سوى بهيفاء نسيييت.. هيفاء غطت اذونها وهي تبكي، عزام سحب أياد لمن فلت لكمال: _ لمن أقول لك فلته يعني تفلته، (وشاف لكمال) أنته أيش جابك هنا؟ _ ب...ب ا...أنا سمعت بيلي حصل و..وقلت بجي لهنا م..ما كنت أعرف أن.. أياد: ان انا هنا صح، والله إنك حقير وتافه يا كمال.. عزام شاف لكمال: أيش فيبه وجهك؟ أياد مسح فمه وهيفاء رفعت رأسها: ل..لا ولا شي، ك..كدا تضاربت مع العيال.. هيفاء لفتت له وشافته، كيف وجهه ممردغ، كيف ذابل وباهت الملامح، والتعب مدثر له، كانت تصارع صوتها عشان ما يطلع، كمال لفت وشافها وفتح عيونه: _ ه...هيفاء! عزام وأياد لفتوا للخلف، وهي شافته وانهالت تنشج، أياد راح جري عندها: _ هيفاء ما لك؟ هيفاء تبكي وتبكي، هدى سمعت صوتها وخرجت، وشافتها تبكي وأياد يهديها وراحت لعندها.. هدى: ه..هيفاء ما لك؟ صفية جت مع نعمة وشافت بنتها تبكي وجرت: هيفاء يا اماه ما لك، هيفاء، ما له أختك يا أياد؟ نعمة: هيفاء ما لك؟ أياد أشار بذقنه لعند كمال: شافت داك الحقير هنا.. ولفتوا للأمام وشافوا كمال وهدى حطت يدها على فمها وهيفاء تبكي، وعزام يمسح وجهه بضيق، صفية شافته بغضب وراحت لعنده وهي تشتعل غضب، عزام لحقها: _ صفيةةة.. صفية وقفت قدام كمال يلي يشوف يمين ويسار ونزل رأسه بخجل، أيش معك هنا هاه.. عزام مسك يدها: صفية نحنا بمستشفى.. نعمة تشوف لهم بخوف، صفية سحبت يدها: فلت لي يا عزام، أنته صدق واحد ما تستحيش، انسان بلا كرامة يا كمال، كيف تسخي ببنتي يلي معلق له سبع سنين وبالأخير تجدل به كما الكلبة كدا كيييف!! (هيفاء تبكي أكثر) أنته انسان بلا كرامة، أيش تحسب بنات الناس لعبة بيدك تتقدم له متى ما تشتي وتسيبه وقت ما تشتي، كدا آخرة سبع سنين يا كمال كدا! عزام يصك اسنانه: صفية أقول لك بسسس.. _ خلني اطلع يلي بقلبي يا عزام خلني (وبدأت تبكي) اني مقهورة على بنتي مقهورة (رعد جاء ووقف لمن سمع صياحهم ويتفرج لهم) اني مقهورة على بنتي يلي كانت مايتة فايتة على واحد تافه زي دا.. كمال يبتلع الاهانات بمرارة، وهدى تبكي، صح زعلانة عليه بس مش راضية تسمع عليه كلام لاذع ومسموم زي دا، ليش سويت كدا وتركته بيوم عقدكم ليش! كمال: يا عمة اس.. _ لا اني عمتك ولا جن تشلك، لو كنت ما تشتي هيفاء ليش تقدمت له، ليش علقته فيبك سبع سنين، خليته تحبك أكتر من نفسه حتى، وصدقت إنك تحبه وبالنهاية تبين له العكس وتخلي وجهنا اسود قدام خلق الله كلهم، ليش كدا سويت بنحنا وسويت لنا سمعة زبالة بالحافة يا كمال ليششش؟ عزام رجعها للخلف: خلاص يا صفية مش وقتك الآن روحي لعند بنتك.. صفية ببكاء: لا ما بروحش لمن اهينه اهئ اهئ، هو قهر بنتي وكسره يا عزام، كسره وعلقه فيبه دي السنين كله، وشوف أيش سوي بنحنا، نهاية الكلب يلي تربيه يعضك يا عزام يعضك.. هيفاء تبكي وتبكي، بس يا هيفاء بس، من غير شي ماسك نفسي اهدأي وإلا بروح واقتله لك شوفينا.. هدى شافت له بصدمة وهو شاف لها، ورجع شاف لأبوه يلي شاف لكمال: _ روح يا كمال.. _ ب..بس يا فندم.. _ كمال اقصر الشر وروح لك مش وقت الصياح الآن نحنا بمستشفى.. وكل واحد سمر سهام نظراته للآخر، وعزام قرأ في عيون كمال القهر والندم، والدمع يلي يتلألأ فيهما.. كمال رفرف بأهدابه والكل يشوف له، وشاف لهيفاء يلي اشاحت بناظرها عنه، وأياد يشوف لها، كمال رجع شاف لعزام: _ لا يا فندم عزام.. عزام فتح عيونه وكمال راح ناحي هيفاء وعزام شافه له وصاح: كمااال.. بس كمال واصل مشيه وهيفاء لفتت له ورجعت قفت منه والخوف والرجفة مكتسحين لها، ووقف قدامها وأياد رجعها بيده للخلف ووقف قدامه: _ ابعد خلنا اكلمه يا أياد.. أياد بعناد: روح لك يا كمال.. نعمة: كمال روح لك خلااااص.. هيفاء تبكي، أقول لك ابعد يا أياد.. أياد: لا ما ببعدش، روح لك يا كمال.. كمال قلب عيونه بضيق ومط رأسه شوية: يا هيفاء اسمعينا..