جرح القريب غريب - من 281 إلى 290 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 14* *الفصل (من 281وحتى290) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب غريب😔💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعة 🥹💗⃟🎀* _ ط.. طيب أيش معك هنا وحدك، أيش تسوي؟ _ أ.. اني تُهت ضيعت الطريق.. _ وكيف ضعتي، وليش خرجتي من بيتكم وحدك أصلًا؟ _ أ.. أني رحت المعهد و.. وبعدين طلعت منه و.. ومعرفتش ارجع ازاي، و.. وكل ما اتصل لبابا وماما، واخواتي ما بيردوش خالص اهئ اهئ.. كمال مسح وجهه: ط.. كيب خلاص اطلعي الطقم حقي وبوصلك لبيتكم، هيا اطلعي قد انا عارف فينه.. شيمَاء فرحت كتير: ب.. بجد؟ _ لو كان صقر أو حسام كانوا بيقولوا لك لا بعم أو بخال، لكن دامنا أنا فأيوة بجد، هيا اطلعي نمشي وعاده ما ادنش المغرب.. شيمَاء هزت رأسها: ط... طيب.. ومشى لقدامها وهي ضامة يداتها بفرح وتفركشت وهو لفت ومسك بيدها قبل ما توقع: دلا دلا.. وهي انحرجت وسحبت يداتها، وهو عدل البندق حقه، هيا تعالي.. وطلع وهي طلعت جنبه بخجل، وكان يشوف لها وباين بكت بقوة، وسحب لها منديل من العلبة ومد لها: _ امسحي دموعك، الواضح بكيتي كتير.. شيمَاء أخذت المنديل: ش.. شكرًا.. وشغل الطقم ومشى بها للبيت... جراح وصل للبيت وفتحت له رضية: حيا ابني.. _ الله يحييك يا خالة، خالتي سارة فينه معي له خبر حلو.. رضية: و.. وأيش من خبر؟ _ الفندم عزام اتصل لي، قال إن زينة مع خاله أمجد.. رضية فرحت: واي يا ربي، صدق يلي تقوله يا جراح؟ جراح هز رأسه وهو فارح: أيوة يا خالة، الحمدلله أنه معه ومش ضايعة زي ما كنا نحسب.. رضية بفرح: يا سارة، سارة تعالي لاقوا زينة يا سارة.. سارة ورغد وراوية خرجين جري، تعالي يا راوية، سارة يا اماه لاقوا زينة.. سارة تسمرت مكانها وفمها مفتوح وراوية راحت لعند رضية: _ص... صدق يلي تقوليه يا رضية صدق! رضية تهز رأسها: أيوة جراح قال لي، (ولفتت لسارة) سارة يا اماه بنتك زينة بخير.. سارة بكت وبكت: يا ربي اهى اهئ، يا رب لك الحمد والشكر يا رب يا رب.. رغد: و.. وفينه زينة يا جراح فينه؟ _ مع خاله أمجد.. راوية وسارة مُحت فرحتهن وراوية ما استوعبت: أيش، مع خاله أمجد؟ جراح تنهد: أيوة يا جدة، كانت ببيت واحد لاقيه وخلاه عنده، بعدين أجا خاله أمجد وبزه معه.. سارة مشت لعنده: ي...يعني طول الأيام د.. دي اني ابكي و.. وانحرق على بنتي وهي ع.. عند أمجد أخي! جراح زعل: مش عارف والله، بس المهم إن زينة عنده الآن.. راوية رفعت يداتها وشافت للسماء: الله يبزك يا أمجد يا حقير وينتقم منك.. رضية: ر.. راوية لا تدعيش على ابني.. لفتت لها: ما ادعيش عليه، بالله يعني عاجبك كيف أخته جالسة تبكي على بنته وهو مخبي له عنده ولا كلف نفسه حتى اتصال او رسالة يطمن قلبه وقلوبنا إنه عنده، هاه كه قولي لي.. رضية طأطأت رأسها بخجل، وسارة ملامحها مش مصدقة يلي سمعته: _ ا.. أمجد يا كلب (وراحت الغرفة جري والكل لحقها وجابت جوالها واتصلت) الو يا كلب.. أمجد: مله ليش قلبتينا كلب يا سارة، دا بدل ما تقولي لي كيف حالك يا اخوي وتطمني عليا.. سارة بغضب: فينه زينة يا أمجد فينه بنتي؟ أمجد عدل جلسته: بنتك بخير ولا فيبه حاجة، جالسة ومرتاحة له وما تشتيك أصلًا.. سارة تبكي: ي... يعني بنتي عندك يا أمجد، بنتي عندك يا حقير عندك.. _ أيوة عندي، أحسن له تجلس عند خاله ومش مشردة بينك وبين ابوه.. _ كيف سخيت تسوي فيبي كدا كييف اهئ اهئ هئ هئ، كيف سخيت تحرق لي قلبي وتقهره وما طمنتني عليه كيف يا أمجد كييف! _ خلاص قد عرفتي أنه عندي تطمني، لمن املل منه بجيبه لك.. وغلق وهي صاحت: الو أمجد، الوو، (ورجعت تتصل وهو مغلق وجثت تبكي) اهئ اهئ يا ربي، اااااااخ يا ربي.. رغد خرجت من الغرفة، ورضية راحت لعند سارة: يا بنتي خلاص لا تبكيش الحمدلله إن بنتك عند خاله ومش بمكان تاني.. راوية: أيوة عند خاله المحشش وشلته المحششة كمان.. سارة بكت أكثر وجراح مشى لعند جدته: جدة خلاص امانة عليك ما تشوفيش وضع خالتي سارة! راوية تأففت وهي تشوف للجهة الثاني، جراح شاف حوله وأنها مش موجودة وراح للغرفة الثاني.. _ رغد.. رغد كانت تبكي وشافت له وراحت جري لعنده وضمته: اهئ اهئ جراااح.. جراح خاف: رغد ما لك أيش في وفينه أمي وجدي؟ رغد بس تبكي: اهئ اهئ.. جراح مسك رأسها وخليها تشوف لعيونه: رغد ما لك ليش تبكي؟ _ هئ هئ ا... أمي يا جراح، ط... طردت صديقتي شيمَاء يلي كلمتك عليه اهئ اهئ.. جراح استغرب: وليش طردته؟ _ م.. ما ادريش اهئ اهئ، ق..قالت لو تكلميه أو تراسليه وما تحظريش رقمه بتأخذ جواله مني وما بتهب لي ياته، ا.. الآن شيمَاء بتزعل مني وما بتكلمنيش اهئ اهئ ااا.. جراح ما استوعب شي: ب.. بس ليش فهمينا،  أكيد في سبب محدد.. رضية والبقية خرجوا من الغرفة وسارة تبكي وهو لفت لهن: _ ليش أمي طردن صديقة رغد يا جدة؟ راوية خافت: ا... . البـارت 282 ◇ جُــرح القـريب غـريب 💔 رضية والبقية خرجوا من الغرفة وسارة تبكي وهو لفت لهن: _ ليش أمي طردن صديقة رغد يا جدة؟ راوية خافت: ا... ب.. رضية: والله يا ابني مش عارفين ما له، ب.. بس البنت لمن قالن أنه بنته لمنصور الردفاني، أمك قرحن، وقامن تصيح وتبكي وطردن البنت.. راوية شافت لها: رضية بس اسكتي.. جراح انصدم بقوة: ب..بنته لمنصور الردفاني!. رغد: ا..أيوة هي بنته وأمي لمن عرفن قامن تصيح وتصيح.. جراح بلع ريقه: و..وفينه أمي؟ رضية: قالن بتروح تخلص ما ادريش أيش من موضوع مع منصور داك، وجدك راح معه.. راوية بغضب: مله بس ما تعرفيش تسكتي قليل.. جراح: كيييف، أمي وجدي راحوا لبيت منصور الردفاني!، طيب ليش وأيش من موضوع يلي بتخلصه معه؟ راوية خافت: ل.. لا يا ابني ولا شي ب... بس.. جراح مسك رأسه ما عاد استوعب شي: م..من منصور دا، و..وليش أمي تصايح عليه، ا..أيش في يا ربي؟ الباب اندق ورضية فتحت، ودخلت نوال وبعدها رضوان وجراح شاف لهم ورغد كانت نظراتها مليئة بالعتاب والحزن.. نوال بتعب: هيا يا اباه ادخل.. دخل رضوان وغلق الباب ولفتوا وشافوهم: جراح يا ابني، لاقيت خالك؟ جراح شد ملامح وجهه وراح لعند أمه يلي مسكت ساعده: فديتك يا روح أمك.. جراح سحب يده وهي استغربت قبل الكل، جراح بإصرار وملامح حازمة: _ من هو منصور الردفاني يا اماه؟ ابرقت وارعدت في جوف نوال، ووقع قلبها بقلق، رضوان خاف وتوتر، وهي رجفت بقوة، وخافت بقوة: _ م... ن.. _ جاوبينا يا اماه، من هو منصور الردفاني؟ رضوان مسح وجهه وراوية خافت، جاوبينا يا اماه من هو منصور الردفاني.. نوال بغصة وحشرجة: م.. منصور د... دا و... واحد واحد.. _ عارف أنه واحد، بس أيش علاقتك فيبه يا اماه؟ _ و... ولا شي (وبلعت ريقها) ولا بيننا أي ع.. علاقة يا جراح، ب.. بس ل.. ليش تسأل؟ _ لأن رغد كلمتنا على يلي حصل، وفوقه يلي حصل لك داك اليوم لمن شفتي صورته بالتلفزيون، و.. وفوقه جدي كان عنده وكان واضح أنهم تصايحوا.. راوية مشت ناحيهم: أيش، كنت عند منصور الردفاني يا رضوان! رضوان بضيق: يا مرة بس اسكتي.. نوال ترجف ويدها عند صدرها تشوف تحتها، شفتي يا اماه، حتى جدتي طلعت تعرف منصور دا، يا اماه حرام عليك قولي لي القصة، ومن هو منصور الردفاني دا، ا.. أنا مش قادر ارقد النوم وأنا افكر.. _ ب.. بأيش تفكر يا ابني، ا.. ابعد دي السماسر من رأسك، م.. منصور دا مجرد شخص عادي، ب.. بس كان بيننا معرفة قديمة و.. وخلاص انتهت.. _ طيب ليش رحتوا لعنده، وليش طردتي صديقة رغد لمن عرفتي أنه بنته، جاوبينا يا اماه حرام عليك.. نوال تلبكت ولا عرفت أيش تقول، وراوية توترت وخافت، ورضية تشوف لهم هي ورغد ولا عارفين أيش في.. نوال بتلعثم: د... دي.. _ أيش يا اماه اتكلمي.. رغد: ولا في سبب مقنع لك عشان تطرديه يا اماه، شيمَاء بنت طيبة وحبوبة، ليش سويتي فيبه كدا واحرجتيني قدامه يا اماه ليش هئ هئ.. نوال بغضب: اصه ولا كلمة، البنت تاك اصحك تكلميه مرة تانية تسمعي، تسمعييي.. رضوان مسك بأكتافها: بس يا بنتي بس اهدأي.. نوال تتشطط: لا ما بهدأش ما بهدأش يا اباه (وشافت لجراح) وأنته التاني حسك عينك تدكر منصور داك مرة تانية قدامي، تسمعني يا جراح.. جراح قلب عيونه: طيب ليش يا اماه ليشش.. _ ولا ليش شي، كدا حر مزاج، ولا اقبل أي حرف أو كلمة تنقال عن منصور داخل البيت هنا، منصور شي من الماضي مات وانتهى وخلاص،  خلااااااص.. وسحبت يداتها بغضب ومشت، جراح شاف لها: لا مستحيل يا اماه (نوال وقعوا دموعها وتسمرت مكانها) مستحيل تتأتري لدي الدرجة وتصايحيه كدا بدون سبب، أكيد في شي تخبيه، قولي لي يا اماه، يا أما.. نوال شافت له بخوف وهو يصك اسنانه: ي... يا أما أيش يا جراح.. جراح تنهد بحشرجات: يا أما أنا بروح بنفسي لبيته واسأله يا اماه.. رضوان وراوية ونوال لجمهم كلامه والصدمة داهمتهم بشكل قوي، نوال كف وصل لها بقوة وحست طنين قوي بأذونها وتفتح وتغمض عيونها، بعدين شافت له بعدم تصديق.. _ ت.. تروح له!! جراح بدون تردد: أيوة بروح له يا اماه، بروح لعند منصور الردفاني.. نوال صكت اسنانها بغضب وراحت وتدفعه بيداتها بغضب: تروح له أيش تقول له، أيشش.. الكل مستغرب ورغد تسمرت من الخوف وسارة نست بكاءها وشافت لهم بصدمة، ورضوان يمسك نوال وهي تدفعه وتدفع جراح: _ مجنون تروح لعنده مجنووووون (ووقع الحجاب حقها وشعرها تناثر على وجهها والعرق ملصق له)  تشتي تموتني يا جراح، تشتي تقتلنيييي.. رضوان: نوال اهدأي بس.. جراح ما كان مستوعب يلي يشوفه وعيونه تشوف لأمه بصدمة ودهشة ما قدر ينطق حرف، رضوان مسك اكتاف نوال من الخلف:  _ نوال بس اهدأييي.. نوال دفعته: ... . البـارت 283 ◇ جُــرح القـريب غـريب 💔 نوال دفعته: ما بهدأش يا اباااااه (ومسكت بجراح بوجه متعروق غضب وهي تهزه) اني ما سويت يلي سويته عشان تجي وتخربه، ما حميتك وحميت اختك عشان تجي وتدمر يلي سويته يا جراح، ما بسمح لكش ما بسممممح.. _ ل... ليش يا اماه ا.. انتي كدا،  ل...(بعدين صاح)  من هو منصور الردفاني يا اماه من هوووو.. نوال بصوت أكبر: مش لك دخلللللل، مش لك دخل منه يا جراح مش لك دخل.. جراح بغضب ورغد تبكي والكل متسمر من الخوف: إلا لي يا اماه لييي، من دا عشان يبكيك ويخوفك ويعيشك برعب كدا من أول ما شفتيه، من دا عشان تحمينا أنا ورغد منه من، قولي لي يا اماه وريحيني (وبدأت دموعه تنزل) ي... يا اماه أنا مقهور عليك، م.. مقهور وأنا اشوف حالتك وخوفك وقلقك منه، ل.. لا تحسبيناش طفل صغير اصدق حكاية أنه شخص عادي ومن الماضي زي ما تقولي وخلاص يا اماه (نوال دموعها تنزل وراوية تبكي، ورضوان يمسح وجهه) يا اماه ريحينا وقولي لي من هو دا الرجال مننن.. _ جراح بس أقول لك بسس.. جراح طلع عرق الغضب عنده وأول مرة يتكلم ويقرح كدا بطريقة خلت الكل مستغرب منه: _ لا مش بس يا اماه لا مش بس، (ورفع يده بتهديد) والله يا اماه، لو ما تقولي لي من هو منصور الردفاني دا إن انا بروح له الآن وبسأله واتحداك تمنعينا.. نوال عصبت: ما بسمح لكش تروح لعنده يا جراح.. _ إدًا قولي لي يا اماه بالحقيقة قولييي.. _ أقول لك لاااااا (ومسكت رأسها) لااااا لاااا اهئ اهئ.. رغد تبكي وتبكي، جراح هز رأسه: طيب يا اماه،  أنا بروح اسأله.. وأعطاها ظهره بيمشي وهي خافت وجرت ومسكت بيده: جراح ارجععع.. جراح يسحب نفسه: فكي لي يا اماه بروح له.. رضوان يهديهم بس هم يصيحوا، ما بسمح لكش تروح لعنده لااااا.. جراح دفع يده لمن رجع أمه للخلف ومسكها رضوان: ت... تدفعني كدا يا جراح!! (جراح مسح وجهه بضيق) ت... تسوي فيبي كدا وأنته عمرك ما عليت صوتك عليا حتى! جراح راح لعندها: كله منك يا اماه، لأنك ما رضيتي تكلمينا على منصور داك.. نوال اسم منصور يطلع الجنان برأسها وبغضب وتهديد: منصور داك لا تدكره قدامي يا جراح لا تدكرره.. _ إلا بدكره يا اماه بدكره وبروح لعنده.. نوال رفعت يدها بتهديد وهي تبكي: اقسم بالله يا جراح، لو تروح للي اسمه منصور داك إنني لا اني أمك ولا أنته ابني، تسمعنييي.. جراح فزز عيونه بصدمة رضوان مسك يدها وصاح بغضب: نواااااال.. رغد يداتها على فمها تبكي، راوية راحت لعندها:  اماه نوال مش كدا يا بنتي.. نوال تشوف لجراح، يلي مسمر عيونه لها بصدمة ودموعه هوت للأرض وهي سحبت يدها: _ كلامي واضح يا جراح.. جراح بإنكسار: بروح له يا اماه.. نوال فززت: تكسر كلامي يا جراح! @rewayatyamania المصدر الأول للروايات جراح بعد تنهيدة عميقة: ما اكسره ولا عمري بسويه، بس أنا من حقي أعرف كل حاجة.. نوال: جراح أقول لك ممنوع تروح له.. جراح بهدوء قاتل: بروح له يا اماه، وما بتقدريش تمنعينا.. نوال بصدمة هبت له كف خلي الكل يتصنم من قوته ورغد ورضية شهقين ورضوان شد نوال: _ ليش كدا يا نوال ليشش.. نوال سحبت يدها: اني ما عرفت اربيك يا جراح ما عرفت (ونزلوا دموعها) ما توقعت بيوم تجي وتعلي صوتك عليا وتعاندني كدا، وكله على شان من (ورجفوا شفايفها وبكت وجراح شاف لها بقهر) عشان واحد جزمة زي منصور داك، ل.. ليش يا جراح ليش؟ جراح بلع ريقه: الله يسامحك يا اماه، الله يسامحك.. وطوالي خرج ورغد جرت: جراح، جراااح.. نوال انهالت بكاء وجلست على الأرض تبكي، سارة راحت لعند أمها: اماه أيش يحصل؟ رضية رفعت اكتافها: والله يا بنتي ما لي علم.. رضوان: ليش كدا يا نوال ليشش! راوية: ما كان لازم تسوي كدا يا بنتي.. نوال بس تبكي وتبكي، رغد بغضب راحت ووقفت قدامها: أنتي ليش سويتي كدا! رضوان: رغد بس لا تزيديه على أمك.. _ لا بزيده، فوق ما هي مخبية علينا مدريش أيش من سر شوف كيف ضربت جراح كف قدام نحنا كلنا، ليش كدا يا اماه لييشش (نوال غطت اذونها وهي تبكي)، عمري ما بسامحك يا اماه، عمري.. وراحت الغرفة وهي تبكي، وسارة لحقتها، نوال تبكي وتبكي: ااا اهئ اهئ، حسبي الله ونعم الوكيل فيبك يا منصور، حسبي الله ونعم الوكيل فيبك، اهئ اهئ.. رضوان يفرك ظهرها: بس يا بنتي بس.. _ رجع عشان يفرق بيني وبين عيالي يا اباه اهئ اهئ، يشتي يبز ابني مني اهئ اهئ اااااا.. راوية ضمتها: بس يا روح أمك بس، بس يا قلبي لا تقطعي قلبي عليك.. نوال تبكي بحضن أمها بقهر، وهي تدعي على منصور. . . كمال وصل شيمَاء للبيت ووقف عند البوابة، شيمَاء طلعت رأسها من الطاقة: _ خلاص وصلنا دا بيتنا.. كمال: خلاص تقدري تنزلي.. _ ش... شكرًا ك يا كمال، الله يعطيك العافية.. كمال إبتسم: العفو، مرة تانية... . البـارت 284 ◇ جُــرح القـريب غـريب 💔 كمال إبتسم: العفو، مرة تانية لا تروحيش المعهد وحدك.. وهي هزت رأسه:، ح.. حاضر، متشكرة اوي.. ودخلت وكمال راح له بالطقم، ودخلت بفرح وأخذت تقفز بفرح:  _ ركبت مع كمال ركبت معاه، يا فرحة قلبك يا شيمَاء، (وراحت ولاقت أمها، وطوالي حضنتها)  ماما وحشتيني اوي.. _ مله ما لك كأنك ما شفتينيش من سنين ما لك.. شيمَاء استغربت: بس اني ضعت يا اماه خربطت بالطريق.. نجوى مسكت رأسها: فين تضيعي تقول عمرك سنة ونص، بعدين قدك قدامي ولا فيبك شي.. شيمَاء زعلت: ما لك يا اماه أقول لك كنت ضايعة.. نجوى وقفت بغضب: اوووف اوف، يا بنت بس لا تصرعينيش أكتر مما اني مصروعة.. وطوالي طلعت جري للطابق العلوي، شيمَاء انصدمت: ما له أيش حصل؟ وراحت للديوان وابوها وعبدالقادر يتصايحوا، يا أخي الحق عليك أصلًا.. منصور بغضب: وليش عليا هاه قل لي ليشش؟ وشافوا للباب وشيمَاء واقفة هناك، ما لك واقفة هنا، تتسمعينا يا شيماء؟ _ ل.. لا يا اباه اني بس.. _ اخرجي من هنا اخرجي.. شيمَاء خافت: ب.. بس يا اباه اني ضعت واتصلت لك و... وهو صاح بغضب عارم: أقول لك اخرجيييي.. شيمَاء راحت جري وعبدالقادر تأفف: مله حبة حبة لا تعصبش فوقه كدا.. _ يا أخي اسكت أنته التاني.. وجلس ينفخ بضيق، عبدالقادر ينفخ وهو يمشي ومتوتر ومتردد يسأله بعدين قرر يرتاح: _  تتاجر بالمخدرات صدق يا منصور؟ منصور صاح: احترم نفسك يا عبدالقادر شوفنا ما اسمح لكش تهيننا كدا.. _ طيب ليش نوال قالت لك كدا ليشش.. _ هي تكدب، أصلًا محمد العدني كدب عليه عشان يطلقه مني، وهي لأنه غبية صدقونّه، غبييية.. عبدالقادر مسح وجهه: منصور قل الصدق، شوف تجارة المخدرات مش أمر بسيط تسمعنا.. منصور وقف بغضب وراح ناحيه ووقف قدامه: اسمعنا يا عبدالقادر، صدقنا أو لا، براحتك، بس أنا ما اسمح لكش ولا لأي واحد يقول لي كدا وينزل من قيمتي، تسمعنا.. عبدالقادر يتأفف: بس يا منصور أنا اشتي ارتاح، ا...اشتي أعرف دي الفلوس يلي جبته من فين و... منصور قاطعه بغضب: من عرق جبيني يا عبدالقادر، نسيت كم اشتغلت وأيش اشتغلت لمن كونت نفسي(عبدالقادر يشوف يمين ويسار ويمسح وجهه) عشرين سنة وأنا قاتل نفسي شغل لمن كونت نفسي، لو عندك شك بدا الشي قوله.. عبدالقادر بلع ريقه: طيب طيب خلاص، ااااخ، قلت لك من أول خلنا ارجع وأنته اجلس بمصر رفضت.. _ خلاص أنا ما عاد اخاف من أحد، ويلي له عندي شي يجي يواجهنا.. نجوى دخلت بغضب ومشي سريع ووقفت قدامهم وعبدالقادر لف منها بخوف، عجبك كدا صح؟ منصور بضيق: نجوى اطلعي مش فاضي لك شوفينا.. _ والله، قلت لك من البداية يا منصور لا نرجعش اليمن بس أنته لااااا، اشتي ارجع، قلت لك إنك تشتي ترجع عشان نوال دي وأنته ما صدقتنيش.. منصور صاح: نجوى اطلعي من هناااااا.. عبد القادر يدهفها: نجوى اخرجي مش وقتك الآن.. نجوى بعدته: لا ما بخرجش، كنت عارفة من البداية أنه راجع هنا عشان نوال وابنه يلي ما يعرف شكله أصلًا.. منصور شاف لها وصاح بغضب عارم: نجوووى،  احترمي نفسك أحسن ما اقلب الدنيا فوقك.. _ اقلبه عادي، أني ما بسكتش على يلي حصل يا منصور، ما بسكتش، دي المرة عرفت بيتك وكل يوم على الطالعة والنازلة بتجي لهنا (وبدأت تبكي) تشتي تقهرني يا منصور، عرفت أنه رجعت وجت عشان تلحس فلوسك وتلحسك منيي.. _ بس يا مجنونة بسسسس، انتي أيش، دا كل يلي هامك، الفلوس وأنا، ارحمينا أنا يلي من عشرين سنة انحرمت من ابني وما أعرفش شكله حتى، أرحمينا أنا يلي كل يوم أموت عليه وأنا اشوفه ومش قادر، ارحمينا يا شيخة ارحميناااا.. _ أنته يلي ارحمني يا شيخ، سنين وأنته تكدب عليا وجالس تقنعني إنك ناسي لمرتك وابنك واني يلي تحملت زواجك فوقي ودعست على قلبي بالجزمة على شانك، وبالأخير ترجع لهنا وتشتي ابنك!، تشتي ابنك يا منصووور.. _ أيوة اشتي ابني، اشتييييه، ولو عرفت فين هو ومن هو بجيبه لهنا.. _ لا ما بسمح لك تجيبه يا منصور، مستحيل اسمح لواحد تاركه عشرين سنة وجاي تصيح له ابنييي.. منصور لفخها كف لمن وقعها لفوق كرسي المجلس، وعبدالقادر دهفه:  _ منصور بسس.. منصور شاف لنجوى يلي يدها على وجهها: دا ابني تسمعينا، ابني يا نجوى، ولا أنتي ولا نوال حتى قادرين تمنعونا من ابني، تسمعينا.. وسحب نفسه وخرج طوالي، نجوى انهالت بكاء وهو شاف لها: غبية ليش تقولي له كدا.. نجوى تبكي: قد قلت لك يا عبدالقادر، قلت لكك،  قلت لك أنه جاي لهنا عشان ابنه ومرته، وأنته ما صدقتنيش، لا سماسر ومدريش أيش، (ووقفت قدامه) شفت السماسر حقي الآن أيش هيي.. وطلعت طوالي وهو غطي وجهه ورفع رأسه ونفخ وارتمى فوق الكرسي.. . . وجاء المغرب وخلصوا صلاة، وكمال وقف بيخرج، بس شافه جنب العمود داخل... . البـارت 285 ◇ جُــرح القـريب غـريب 💔 وجاء المغرب وخلصوا صلاة، وكمال وقف بيخرج، بس شافه جنب العمود داخل المسجد يداته فوق ركبه وباين بعالم ثاااني، وراح لعنده لمن عرفه طوالي، وجلس مقابله:  _ جراح!! جراح رفع رأسه ببهوت وتعب، أيش ما لك كدا أيش في؟ جراح، نزل رأسه بخجل..   بعد كم دقيقة.. _ ااااااح، وأنته ليش تصايحه أصلًا؟ _ ما قدرت يا كمال، اشتي أعرف أيش مخبية عليا عشان ارتاح واريحه من الهم والقلق يلي معيشه نفسه فيبه.. _ كنت بقول ما في شي بس نحنا نكبر الموضوع، بس دام أمك طردن بنته زي ما تقول، فأكيد في شي أمك تخبيه وخايفة منه.. _ طيب وأيش اسوي عشان أعرف أيش؟ _ والله مش عارف يا صاحبي، خلنا من دا الآن وقم نروح المطعم نتعشى.. _ لا والله ما ليش نفس، روح لك أنته.. _ والله ما اروح إلا رجلي على رجلك أو بجلس كدا بدون أكل.. _ يا كمال لا تربطش نفسك فيبي وروح لك.. _ وأنا برتبط فيبك ومستحيل اخليك، هيا قم معي أو بنجلس هنا، اتنين وما في حل تالت، ولو إن انا جاوع لا غداء ولا عشاء، بس هيا.. جراح تأفف: خلاص قم هيا.. كمال ضحك وضمه بسرعة وفلت له: فديتك مله، هيا قم وبعدين بنلاقي حل إن شاء الله.. وراحوا يتعشوا.. نجوى جالسة مربطة رأسها وماسكة له، وكريمة جنبها: مله يا بنتي وإنتي من قال لك تصيحي فوق زوجك كدا، الليد ابنه ومن حقه يشوفه.. نجوى شافتها بغضب: والله!، وتشتي كدا واحد لا نعرفه ولا يعرف نحنا يجي يقاسم عيالي بالبيت ويورت ابوهم يا اماه ما لك جنيتي.. _ هاو، مله ابنه ودا حقه وشرع الله ما لك يا نجوى، (وشافت لعبدالقادر) مله قل كلمة يا عبدالقادر أيش فيبك اعتجمت.. عبدالقادر تأفف: أنا ما ليش دخل فيبهم يا اماه، أنا حانب بمشاكلي ومن غير شي يلي حصل اليوم عصد رأسي.. _ هااااو، مله أيش فيبكم تتقارحوا كدا، وبعدين منصور قال المرة تفتري عليه وأنه ما يشتغلش بالمخدرات، يعني الكلام كله كدب في كدب.. عبدالقادر: أنا خايف يا اماه لو هي ما تكدبش وأن صهيرك هو يلي يكدب.. نجوى غطت عيونها وكريمة عصبت: لا لا يمكن، صهيري محترم وأني اعرفه، مستحيل يسوي كدا شي ويتاجر بشي يضر صحة أهله وبلده، مستحيل.. عبدالقادر بصوت صغير: هه، انتي ما تعرفيشه يا اماه وما عاشرتيه عشرين سنة.. كريمة ما سمعته: أيش قلت؟ نجوى صاحت: يا اماه بس أني افدا لك رأسي يعورني وما فيبيش طافة للصياح معك، خلاص.. كريمة معطت شفايفها وسوت يد فوق الثاني:  براحتك.. شيمَاء كانت تبكي داخل الغرفة حقها: ل.. ليه بابا عيط عليا بالطريقة دي، أ.. أنا عملت لو ايه اهئ اهئ.. الباب اندق وهي مسحت دموعها بسرعة: اتفضل.. جت لمار لابسة عباية وشنطة: شيمَاء أنا ماشية.. شيمَاء استغربت: ماشية رايحة فين؟ _ هروح عند بابا، في البيت بتاعو، هو طلب مني أجي أعيش مع مراتو وعيالو.. شيمَاء هزت رأسها: صدقيني أحسن لك، البيت دا بقيت أكرهه بجد.. لمار تذكرت يلي حصل وهي تلاعب اصابعها، وفضلت تسكت وما تكلم شيمَاء إن معاها أخ ما تعرفه.. _ ط.. طيب أنا هروح دلوقتي، عايزة حاجة؟ شيمَاء وقفت وراحت، لعندها وضمتها: ابقي زورينا، هشتاق لك اوي يا لمار.. لمار ضمتها: وأنا كمان، هزورك إن شاء الله.. _ إن شاء الله، وسلمي لي على أسماء ورزان، وخالتو سوسن كمان.. لمار خرجت تسحب شنطتها ونزلت مع شنطة كبيرة وصغيرة على ظهرها، ووقفت قدامهم.. _ أنا جاهزة يا بابا.. الكل لفت لها، مله فين رايحة يا بنت؟ _ أ... أنا عايزة اروح مع بابا البيت يا عمتو.. كريمة: هاااو،  وأيش قلبك كدا فجأة مع إنك كنتي تصايحي وما تشتيش تروحي! عبدالقادر: خليه يا اماه، لو هي تشتي حيا به ( ووقف وشاف للمار)، تشتي تروحي معي البيت من صدق يا بابا؟ _ أ... أيوة يا بابا، خلينا نروح بسرعة.. منصور خرج من الديوان الثاني وهي شافت بخوف وهلع وراحت لعند عبد القادر ومسكت بيده وهو شاف لها:  _ ما لك أيش في؟ لمار بس تشوف لمنصور يلي كلهم يشوفوا له، وطوالي طلع الغرفة يلي فوق، خ... خلينا نروح من هنا يا بابا.. عبد القادر هز رأسه: طيب، هيا تصبحي على خير يا اماه، وانتي يا نجوى.. نجوى هزت رأسها وكريمة ردت: وأنته من أهل الخير يا ابني.. ومشوا وخرجوا، وعلى خرجتهم جاءت سيارة مجد، ونزل منها هو وسامر، عبدالقادر يشوف لهم: _ مله فينكم انتوا ما نشوفكم غير بالسنة حسنة.. مجد: حيا بعمو، والله كنت أعّرف سامر على عدن وحوافيها.. عبدالقادر شاف لسامر يلي باين تاعب ومرهق: وما له دا كما السكران؟ _ دا أول مرة يخزن، وشكل القات شفط الطاقة حقه كله.. عبدالقادر: ومنصور يعرف بدا الشي؟ _ أ.. أكيد، و.. وبعدين سامر قده كبير ومن حقه يخزن.. سامر: ... . البـارت 286 ◇ جُــرح القـريب غـريب 💔 سامر: أ.. أيوة يا خال، عاد القات دا واهبوووي بس.. لمار تشوف له بتقزز، وهم دخلوا، وطلع عبدالقادر  ولمار بالسيارة وراحوا لبيته، سامر ومجد دخلوا البيت مجد: السلام عليكم.. نجوى وأمها: وعليكم السلام ورحمة الله.. كريمة: مله فين كنت يا ليد أنته وهو هاه، ما عاد نشوفكم إلا نص ساعة باليوم فين تروحوا؟ مجد: يا جدة أنا افدا لك كله خرجات أعّرف سامر على عدن، وشوفينا رجعنا.. سامر: أيوة يا جدة لا تكبريش الموضوع، هيا أنا تاعب اشتي ارقد... وطلع ومجد بعده، كريمة شافت لنجوى: هااو، ما لك ما تقولي لأبنك فين كان ولا تصايحنُه يا نجوى.. _ يا اماه مش فاضية له الآن، رجال وعقله مليان راسه خلي لي حالي بس.. _ مله ما يستويش الليد الله أعلم مع من يخرج.. _ يا اماه قده مع مجد ما لك انتي.. _ يا ربي على راحة فيبك! نجوى وقفت وبغضب: مله يقرحوا حتى بلغم أيش دخلي فيبهم يا اماه ارحميني بسس.. وراحت وكريمة فززت: مله ما لهم العائلة دي كله مصايحة ومجانين!، واي يا ربي بس.. مجد يمشي وشاف باب غرفة شيماء مفتوح وراح لعنده وشافها فوق السرير جالسة تبكي وعقد حاجبيه بدهشة وراح وطرق الباب: _ شيماء.. شيماء مسحت دموعها وشافت له: م..مجد (ووقفت وراحت عند الباب)حيا بك.. مجد مستغرب وهو يشوف لها: م..ما لك كدا! _ ل..لا ولا حاجة، بس فقدت لمصر وأصحابي يلي هناك.. ابتسم لها: هاه، عادي سهل بتتعودي، كوني لك صداقات هنا وأصحابك يلي بمصر راسليهم ولا تقطعيهم وخلاص ما بتزعليش.. ابتسمت وهزت رأسها: إن شاء الله.. _ لا تزعليش كدا يا بنت العمة، ولو احتجتي أي شي كلمينا، (ودق صدره) ابن خالك موجود.. ابتسمت أكثر: شكرًا لك يا مجد، ما تقصرش والله.. _ هيا بروح ارقد لي، تصبحي على خير.. _ وأنته بخير.. وراح وهي تنهدت براحة ودخلت وغلقت الباب، وقف لمن سمع صوت الباب تغلق ولفت له وابتسم: _ حتى وهي زعلانة قمر.. وراح وهو يضحك.. عبدالقادر ولمار وصلوا للبيت، وهي طول الطريق ولا كلمته، وفك حزام الأمان: هيا انزلي وصلنا.. لمار تلاعب اصابعها: ب..بابا.. عبدالقادر لفت لها: أيوة ما لك؟ _ ب...ه..هو بجد ع...عمو منصور ي.. يتاجر بالمخدرات...و...وعنده ابن من نوال! عبدالقادر عقد حواجبه بغضب وهي خافت ورفع اصبعه: اسمعينا يا لمار، يلي سمعتيه اليوم امسحيه من داكرتك نهائيًا وحسك عينك أحد يعرف بيلي سمعتيه، تسمعينا.. لمار هزت رأسها بخوف: ي...يعني الموضوع طلع حقيقي! عبد القادر عدل جلسته وتنهد وحط يداته فوق المقود: بالنسبة للأبن فهو معه ابن صدق، كان متزوج وحدة بعد ما تزوج نجوى (لمار يدها على فمها،) بعدين قال لي أنه طلقه، بس ما قال لي السبب، ومش متأكد من الكلام يلي قالته تاك يلي اسمه نوال، ومش عارف إدا صدق منصور يتاجر بالمخدرات، وعشان كدا سابته أو لا، أنا عقلي بيضيع.. _ ط..طيب و..وابنه دأ مين بيكون؟ _ ااااح، والله مش عارف يا بنتي، خلك من دا وهيا ندخل.. ونزل الشنطة الكبيرة، وهي تعض اظافرها بتوتر، وصيح لها ونزلت سريع، ودق الباب وفتحت له مُنى يلي حضنته: _ بابي، دا أنته وحشتني اوي.. عبدالقادر باس خدها: وانتي كمان يا روح بابا، شوفي من جبت لك معي.. مُنى لفتت وشافت لمار وصاحت بفرح وراحت تحضن رجولها: لمار وحشتيني اوي.. لمار ضايعة بس حضنتها: و..وانتي كمان وحشتيني.. _ هي لمار هتعيش معانا يا بابا؟ _ أيوة يا روح البابا، هيا تعالين.. مُنى مسكت يد لمار وتشدها: تعالي هعرفك على اخواتي وخالتو، هما طيبين اوي.. ودخلوا للديوان والكل هناك، ولمن شافوهم وقفوا، وكل واحد يشوف للثاني بدهشة واستغراب.. مُنى: بابا جاب لمار وقال هتعيش معانا هنا يا خالتو.. سوسن فرحت وراحت لعندها: ص..صدق يا لمار؟ لمار من غير نفس هزت رأسها، ح..حيا بك يا بنتي بيننا وعند اخوتك.. أكرم همس لرزان: الليه، شكل البنت بتسوي لنحنا افلام هندية هنا.. رزان: اسكت يا اهبل بتسمعك.. أسماء راحت لعندها ومسكت يدها: حيا بك يا يا لمار، والله فرحت بجيتك لهنا.. لمار التزمت الصمت، أيهم يشوف لها: مله نهادرك أيش اكلن البسة لسانك.. أكرم ضحك هو ورزان ويداتهم على فمهم، لمار شافت له وعصبت: _ أنته حكايتك أيه، بديناها صياح من اولها.. _ أنا أيش قلت لك عشان تعصبي أصلًا، من جد الكل جالس يهادرك وانتي ساكتة.. سوسن: أعدره يا ابني عاده جت ومستحية أكيد (وحطت يدها فوق كتف لمار) صح يا بنتي؟ لمار سحبت كتفها: مش مهم السبب، أنا جيت هنا لأن دي أوامر بابا، (وشافت له) بابا، أنا عايزة أنام معاك، حاكم أول يوم ومش هتعود بالسهل.. وشافت لهم ويد فوق الثاني، أيهم قلب عيونه بضيق، رزان همست لأكرم:  قده تشراط من أوله.. _ دي بنت مصر ومدلعين له.. رزان ضحكت... . البـارت 287 ◇ جُــرح القـريب غـريب 💔 _ دي بنت مصر ومدلعين له.. رزان ضحكت بصوت كبير شوي ومُنى ضحكت على ضحكتها ولمار عصبت:  _ هو انتوا بتضحكوا ليه، أنا قلت نكتة يعني.. أسماء: دونه بلا أدب ما عليك منهم، تعالي ارقدي عندي أني ورزان ومُنى، وبنجلس نتهادر ونتكلم.. مُنى: أيوة يا لمار، أسماء بتقص لي قصة حلوة كل يوم وأنا بنام طوالي.. أكرم: مله تنامي لأنك كيس نوم.. مُنى يداتها على خصرها: مش أنا كيس نوم يا أكرم.. أكرم قلدها: لا انتي كيس نوم وكيسين كمان.. الكل ضحك عدا لمار، ومُنى هجمت على أكرم تضربه وهي تضحك وهو يرفسها، أيهم قفز وكتف أكرم وبطحه للقاع: _ قد مسكته اضربيه يا مُنى.. منى فرحت وراحت تلكم أكرم وتزبطه وهم يضحكوا، اااااح مله ما ينفعش دي خيانة، يا رزان ساعدينا.. _ لا يا روح أمك تستاهل، نسيت إنك أخدت الخمس مية حقي واشتريت فيبه سكريم.. _ مله برد لك الف بس ساعدينا.. أسماء: والله لو تهب له مليون ما بتساعدكش أصلًا عارفة أنه بتخسر قدام أيهم وبيكتفه بيد.. أيهم: فديت الفهيم أنا.. سوسن تضحك: خلاص نوم يا عيال معاكم مدرسة بكرة بطلوا المعاركة هيا.. لمار تهز نفسها وهي تشوف لسوسن يلي شافت لها بابتسامة: _ هاه يا اماه لمار أيش قلتي، بتنامي عند نحنا أو عند خواتك.. _ لا مش عندكو، أنا هنام عند بابا.. وراحت ومسكت يده، عبدالقادر رفع اكتافه: عندنا عندنا، حيا بك.. أيهم: مله ما يستويش تنام عندكم أيش جاهله عمره خمس سنين.. لمار: ما يخصكش.. _ يخصنا ونص كمان.. سوسن: بس يا عيال بس خلاص،  عادي يا بنتي حيا بك، أسماء بزي مُنى وادخلو ارقدوا هيا.. أسماء مسكت بيد منى وراحوا كلهم للنوم، لمار تشوف للبيت وباين مش عاجبها: _ المكان حر اوي.. عبدالقادر: عدن كدا من يوم يومه، المكيفات والبانكات يساعدوا نحنا قليل.. وجلست تشوف البيت وهي تمعط شفايفها.. جراح وكمال داخل الطقم: الآن اوصلك للبيت؟ _ لا شكرًا  بنام لي بالمسجد أحسن، ما ليش نفس ارجع البيت.. _ كيف بتنام بالمسجد يا اهبل صعب كدا، بعدين أمك بتقلق عليك.. _ قد رسلت له رسالة، أحسن اشتي اريح قليل.. _ طيب تعال معي للبيت حق اختي وارقد لك معي.. _ لا صعب، البيت ضيق وأنا ما اشتيش اضيق عليكم.. _ اسكت لأضيق وجهك ببوكس الآن.. _ صدق اكلمك يا كمال، وصلنا للمسجد وجزاك الله خير.. كمال فكر قليل، ورجع شغل الطقم ووصله للمسجد.. _شكرًا لك يا كمال.. _ العفو.. ونزل وغلق الباب وودع كمال يلي نزل وغلق الباب ولحقه، جراح شاف له: _ ما لك أيش تسوي؟ _ بروح ارقد بالمسجد.. جراح قلب وجهه: كمال بطل الجنان حقك روح ارقد لك سكتة لا تتبهدلش جيزي.. _ يا أخي كيفي اشتي ارقد بالمسجد، عندك مشكلة؟ _ أيوة.. _ رح اشتك المخفر ههااااي.. _ يا كمال اكلمك صدق.. _ وأيش تشوفنا امزح معك يعني، برقد هنا جيزي جيزك، ولو أنته شجاع اعترض.. جراح فتح فمه بيتكلم بس شاف لكمال يلي باين ما بيرجعش بكلامه لو يموت، ورجع تنهد: _ ليش تسوي كدا يا كمال وتبهدل بنفسك جيزي! _ قولتك، جيزك، وأنا وأنته واحد يا أخوي.. جراح ابتسم: ويا زين اخوي منك، هيا طيب امش قدامي.. كمال ضحك ولف يده على كتف جراح ودخلوا وهم يتهادروا..   عند أمه كانت تبكي: _ الآن بسببي بيرقد بالمسجد يا اماه بسببي.. رغد وقفت بغضب: أيوة بسببك، جراح بيرقد بعيد من البيت بسببك يا اماه اهئ اهى.. وخرجت وهي تبكي، رضوان مسح وجهه: الليد رجال وما ينخاف عليه.. _ بس يا اباه اني مقهورة عليه وعلى يلي سويته فيبه.. رضية: بكرة وينسى يا بنتي، بعدين هو عاقل ما شاء الله عليه وما بيزعلش منك.. سارة: أيوة يا نوال اهدي قليل.. نوال تفرك فخوذها بخوف وقهر وزعل على جراح ويلي سوته فيبه وسواه بنفسه بسببها.. . . وانتصف الليل والكل عايش بجوه، يلي نايم ويلي مش قادر وجالس يفكر ومهموم ومتكدر، مثل كثير من ابطال روايتنا، واقف فوق البيت، رغم اتساعه وكبر حجمه وكل الأشياء يلي فيبه تبعث الأنشراح والراحة، إلا أنه كان مختنق بقوة، طلع عشان ينفس عن نفسه من الضيق يلي خانق له، الريح تهز شوية، غمض عيونه عشان يرجع لذكريات الماضي، الماضي البعيد، قبل أكثر من عشرين سنة، ترك كل الذكريات السعيدة يلي جمعت بينهم، وركن لركن الذكريات الحزينة، لذاك اليوم يلي كانوا يتصايحوا فيبه وهي تبكي... _ ليش سويت فيبي كدا يا منصور ليش اهئ اهئ.. _ نوال اسمعينا، أنا ما كنتش ناوي اخدعك، بس والله أنا حبيتك وعشقت الأرض يلي تمشي عليه.. نوال ببكاء: كداااب، لو تحبني صدق ما كنتش خبيت عليا إنك متزوج من قبل، ليش جبتني لحياة مرة تانية يا منصور لييش.. _ نوال بس بطلي الصياح، دا مش حلو لصحتك وصحة يلي ببطنك.. . البـارت 288 ◇ جُــرح القـريب غـريب 💔 _ نوال بس بطلي الصياح، دا مش حلو لصحتك وصحة يلي ببطنك.. _ ما لكش دخل بيلي ببطني يا منصور ما لكش دخل.. _ كيف ما ليش دخل دا ابني، نوال أنا افدا لك، خلاص انسي يلي حصل، وبعدين نجوى بعدن وإنتي هنا، ما عمرك بتشوفيه أو تتعرفي عليه (وراح وحط يداته على خدودها) نوال، انتي حبي الأول والأخير، صح إن انا متزوج، بس أول ما شفتك حبيتك وخليت قلبي لك سكن ومأوى، أنا خبيت عليك لأن انا خفت اخسرك، خفت إنك ترفضينا لمن تعرفي إن انا متزوج.. نوال هدأت شويات وهو مسح دموعها وبابتسامة: صدقينا، لو اتزوج نساء العالم كلهم، إنتي بكفة لحالك وهم بكفة، انتي مو أي شي بالنسبة لي يا نوال، انتي الحياة والروح وكل شي.. نوال شافت له: بس يقولوا ما الحب إلا للحبيب الأولِ يا منصور.. منصور ضحك: ويقولوا كمان لكل قاعدة استثناء، وانتي دا الأستثناء، "ما الحب إلا للحبيب التاني".. وابتسم أكتر وهي تمعط شفايفها ورجعت هزت رأسها: هيا بسايرك، واشوف آخرته لفين.. منصور ضحك وضمها ورأسها لين انفه: آخرته لعندي يا نوال، آخرتي لعندك ولو لفوا نساء العالم عليا.. نزلوا دموع عينيه بغصة، حط يده على قلبه وما قدر يطلع الضيق يلي طوق قلبه وبيعصره.. نوال كانت عايشة نفس الذكريات، جالسة فوق السرير ضامة ركبها وشعرها متناثر على كتفيها، ويدها ماسكة ساعة يد مذهبة، والدموع تفيض من عينيها، تذكرت اليوم يلي كان سبب إنفصالها عن منصور، كانت تدفعه وتدفعه وهو يحاول يدافع عن نفسه.. نوال وهي تدهفه وشعرها يتراقص مع كل دفعه تدفعه اياها كموج البحر يصطفق للأمام والخلف.. _ اخرررررررج، اخرج من بيتي يا منصور اخررررج.. _ نوال لحظة اسمعينا وخلينا افهمك.. نوال تغطي اذونها وتصيح: اخرررج ما اشتيش اسمع منك شي ما اشتيش، اخرج يا منصور اخررررج (ودفعته) اخرج أقول لك اخرج.. منصور مسك يداتها بغضب: بسسس بسس،  اسمعينا أول يا نوال اسمعي.. نوال تسحب يداتها وهو رافض يفلت لها: فك لي فككك، أيش تشتي اسمع أيش، أنته واحد مجرم يا منصور، مجرررم، جالس تبيع المخدرات وتّاجر فيبه يا منصور!، ع... عمري ما توقعتش كدا شي منك عمري.. _ نوال اسمعينا.. _ ما اشتيش اسمعك ما اشتيشش (وكانت تسحب يداتها) فك فك يا منصور، طول السنين دي تكدب عليا وإنك صاحب شركات ومدير اعمال، وبالنهاية اكتشف أن الشي دا كله جايبه من المخدرات يا منصور!، من المخدررررات.. منصور يهزها بغضب: بس أنا ما أتاجرش بالمخدرات يا نوال من يلي كدب عليك.. _ مش مهم من مش مهم، المهم إنني عرفت، اخص عليك يا منصور اخص تشتي تقتل عيال بلدك بالمخدرات وتضيع البلاد يا منصور، تشتي تضيعههه.. منصور هزها أكثر وبغضب أكثر: بس أقول لك بسس اسمعينا.. نوال دفعته بالقوة لمن فلت لها: لا ما بسمعكش لااا، اخرج يا منصور اخرج، بس قبله طلقني يا منصور طلقنييي.. منصور فتح عيونه بصدمة: اطلقك! _ أيوة تطلقني يا منصور، ايووووة، طلقني يا منصور طلقنيي.. منصور راح لعندها يأشر بيده: أيش جنيتي يا مجنونة جنيتييي.. _ لا ما جنيت، اني صحيت يا منصور صحيييت، طلقني يا منصور طلقني أقول لك طلقنيييي.. _ لا مستحيل اسويه أيش جنيتي.. نوال تتنفس بصعوبة من كثر ما صاحت وبتهديد بأصبعها: و.. والله،  والله يا منصور لو ما تطلقني الآن إنني بروح وافضحك بكل مكان، بكلم الكل بيلي تسويه وإنك مجرد تاجر مخدرات سافل وحقير.. منصور مسك بأكتافها ويهزها: أيش تفضحينا جنيتي يا نوال، ما بسمح لكش تسويه لو تموتينا.. _ إدًا طلقني يا منصور، طلقنيييي، طلقني وإلا والله بروح الآن وابلغ الشرطة عليك، طلقني يا منصور طلقققق (وجثت على ركبها وشعرها لامس الأرض وهي تبكي بقوة) اهئ اهئ، طلقني يا منصور طلقني اهئ اهئ.. منصور يمسح وجهه ويمشي ويدعك شعره، وهي شافت له وشعرها لاصق بوجهها: طلقني أقول لك طلقنيييي.. _ ب.. بس أنا ما اقدرش أعيش بدونك وبدون ابني يا نوال.. _ حسك عينك، تقرب من ابني يا منصور، دا ابني ومش ابنك، تسمعنييي.. منصور يبكي: بس دا ابني كمان، ابني يلي مراعي يجي لي منك يا نوال، حرام عليك تعيشيه بدون أب.. نوال وقفت وراحت ناحيه: مش أحسن من أنه يكبر ويصيحوا له يا ابن المخدرات، هاااه، مش أحسن من كدااا (وكانت تضرب صدره) مش أحسن يا منصور مش أحسسن، طلقني يا منصور اهئ اهئ طلقني، اااا اهئ اهئ طلقني.. منصور غطى عيونه بيده اليمين وهو يزم شفايفه بحزن وقهر: و... وكيف بقدر أعيش بدونك وبدون ابني كييف اهئ اهئ اااا، كيف بعيش بعيد من دون ابني يا نوال هئ هئ.. نوال رفعت رأسها: انساه يا منصور وانساني.. منصور بعد يده وشاف لها: أنسى يا نوال!، أيش انسى أو أيش، ا... أنا اراعي لأبني يجي وبالأخير تقولي لي اطلقك وانساه.. _ ما فيش معك... . البـارت 289 ◇ جُــرح القـريب غـريب 💔 _ ما فيش معك غير دا الحل يا منصور، يا أما بقتل نفسي وبقتل ابننا يا منصور(منصور يبس من كلامها وبتر الكلام منه) والله العظيم بسويه، الموت اهون لي من أنهم يعايروا ابني ويصيحوا له يا ابن تاجر المخدرات، بكرة دا اللقب بيلاحقه لقبره يا منصور، واني لا يمكن اسمح بدا الشي، طلقني يا منصور عشان نعيش اني وابني، يا أمّا بنموت كلنا، والله العظيم بسويه، قدك تعرفني مجنونة يا منصور.. منصور بلع ريقه ورفع رأسه للسماء وقلب عيونه: يعني مصرة يا نوال؟ نوال بإنكسار وخذلان وهي تشوف لليسار: ا..أيوة يا منصور.. منصور غمض عيونه وسكت لبعض الوقت: ا... إنتي ط... طالق يا نوال.. نوال غمضت عيونها بقوة عشان تمنع الدمع يخرج، غمضتهم وهي تتخيل أنها بتسد اذونها من سماع صوته.. _ ط.. طالق يا نوال، طالق.. نوال زمت شفايفها ووقفت بشموخ لكن قلب وروح منكسرتين، وهو نزل رأسه وشاف لها: _ وورقة طلاقك بتجيك بكرة، ب... بس لي طلب واحد قبل ما اروح.. نوال بزت المقرمة وغطت شعرها، الآن صارت غريبة عنه وما يحل لها، وشافت لعيونها يلي الدموع ما وقفت تنضح منهم، وهي كانت أخس منه لكن بقيت محافظة على كبرياءها وشموخها:  _ و.. وأيش هو طلبك.. وانهالت بكاء وبكاء بعد ما عادت لحاضرها ويداتها يلي حاضنين الساعة عند فمها تشهق بقوة، غطت اذونها وهي تسمع صياحه بعد عدد من السنين، كان يصيح وهو يأشر بالمسدس ناحي شخص يحمل مسدس كمان.. نوال ببكاء: اهئ اهئ،  منصور أيش تسوي يا منصور.. منصور بغضب: بقتلك يا سافل، بقتلك عشان سرقت زوجتي منيييي.. الشخص يصيح: اسكت يا منصور، نزل مسدسك قبل ما اخلص الرصاص ببطنك نزلههه.. منصور يصيح: والله ما ينزل إلا لمن اقتلك يا حقير (وشاف لنوال يلي تبكي) كدا يا نوال، كدا تتزوجي عليا يا نوااال، وعدتينا تربي ابني وتحميه، وبالأخير تتزوجي وتخلي غريب يربي ابني غرييييييب.. نوال تشهق وتبكي: منصور مش كدا يا منصور، لا تفهمش الموضوع غلط  د.... منصور صاح لمن غطت اذونها: اصةةةةةةةةةةة،  اصة قبل ما اخلص المسدس براسك إنتي.. جاء طفل صغير يمشي: اماه.. نوال شافت منصور يلفت له ويشوفه بنظرات صادمة مليانه حنين وشوق، وراحت طوالي جري وغطت عليه.. منصور: ا... ابن... ابني.. نوال شافت له: اخرج من هنا يا منصور اخررررج... منصور صاح: دا ابني يا نوال ابنييييي، مخليه دا يربي ابني يا نوال، خنتينا معه يا نوااااال.. الشخص يهدد منصور وهو مصوب المسدس عليه: منصور اهدأ ونزل المسدس خلاص.. الصغير صاح بكاء على الصياح والشخص لفت له ومنصور صك اسنانه وقلبه يشعل شعيل ووجه المسدس ناحيه واعطاه الطلقات حبة بعد حبة ونوال تكورت حول ابنها وهي تصيح والصغير ماسك عليها بقوة وهو يصيح بكاء، وسقط الشخص للأرض ووقع المسدس، ويشوف للسماء وغمض عيونه، نوال شافت له بخوف وصاحت وهي تغمض عيونها: _  لااااااااااااااااااااااااااا.. وراحت لعنده والصغير لحقها وهو يبكي وصوته ضاع، وكان ماسك فيبها ويصيح بقوة ويجلس فترة لمن يرجع صوته، نوال تهز الميت: _  لااااااااااااااااااااااااااا،  لا لا تموووت لا تموت لاااا اهى اهئ (وكانت تطبع نفسها) اهئ اهئ يا رب لا لا لاااااااااا (ولفتت لمنصور المنصدم مكانه ويداته يرجفوا بقوة وانفاسه تسارعت) قتلته يا منصور قتلته يا مجررررم.. وراحت تدفعه وهي تصيح والطفل ما قدر يتحرك من، كثر الخوف والبكاء: قتله يا ملعون قتلتهههه،  الله ياخذك يا منصور، الله ينتقم منكككك (ورجعت لعند الشخص تهزه) واي يا ربي لا لااااا.. منصور حمل حاله وجرى بسرعة للخارج، نوال رمت نفسها فوق السرير وانهالت بكاء وهي ضامة الساعة: _ اهئ اهئ هئ هئ، ااااه يا محمد اهئ اهئ، اااخ يا حبيبي فقدت لك اهئ اهئ، ا.. الله ينتقم منك يا منصور.. هئ هئ، الله ينتقم منك دنيا واخرة، فرقت بيني وبين زوجي وابني، الله لا يوفقك يا منصور اهئ اهئ ااااا.. وجلست تبكي وتبكي بهدوء يدوي بداخلها حتى تتحطم روحها المحطمة منذ الأزل منصور كانت دموعه تنزل كمان لكن بشهقات ضعيفة عكس نوال، تذكر ذاك اليوم يلي قتل فيه نفس للمرة الأولى، لكن للآن ما عمره حس ولو للحظة بالندم، لأن برأيه داك الشخص استحق الموت لأنه أخذ محبوبته وابنه منه، تذكر كيف خرج وسط زخات المطر الغزيرة، كيف يمشي وهو يترنح وقلبه يميل من قوة الرجفان، انصدم به وفز بخوف بس هو مسك باكتافه: _ م.. منصور ما لك أيش فيك؟ منصور بفرح شافه وكأنه مش مصدق أنه شافه ومسك بأكتافه: م... مدحت، مدحت الحقنا يا مدحت.. مدحت بخوف وهو يشوف منصور وحالته يلي يرثى لها... . البـارت 290 ◇ جُــرح القـريب غـريب 💔 منصور بفرح شافه وكأنه مش مصدق أنه شافه ومسك بأكتافه: م... مدحت، مدحت الحقنا يا مدحت.. مدحت بخوف وهو يشوف منصور وحالته يلي يرثى لها، والمطر يلي يغطيه وشعرها يغطي عيونه من طوله وكلامه متقطع من كثر الخوف، أ.. أيش في يا منصور ليش كدا حالتك أيش حصل؟ _ ا.. الحقنا يا مدحت، الحقنا يا صاحبي، أ.... _ ما لك أيش في أيش حصل؟ _ أ.. أنا قت... قتلت و.. واحد يا مدحت.. مدحت تثلج جسمه: أيشش؟ (وشاف يمين ويسار لو أحد سمعهم) ا.. أيشش، ومن قتلت يا مجنون من.. منصور جلس من كثر الخوف: ق... قتلته يا مدحت، قتلته.. مدحت جلس والمطر فوقهم: من يلي قتلته يا منصور من؟ _ قتلته يا مدحت، قتلته لأنه سرق مني مرتي وابني يا مدحت، قتلته بيدي، خزقت جسمه بالرصاص.. مدحت مسك بأكتافه يهزه: من هو انطق مننن؟ _ م... محمد العدني، م.. محمد زوج نوال.. مدحت عقد حواجبه بصدمة: أيش، ق... قتلت محمد العدني!، (وهزه بقوة) أيش جنيت يا منصور جنييت.. منصور دفعه ووقف بغضب: دا تزوج مرتي وبيربي ابني يا مدحت (وأشر لصدره) بيربي ابني، ابن منصور الردفاني ابننننه.. مدحت وقف وهو يشوف يمين ويسار ومسك يد منصور: امش الآن يا غبي امشي.. _ لفين؟ _ لازم تهرب يا غبي لازم تهرب.. منصور انصدم: ايشش، تشتينا أهرب يا مدحت؟ مدحت صاح بصوت كبير: أيوة يا مجنون (بعدين حط يده على فمه وصغر صوته وصك اسنانه)، أيوة لازم تهرب يا غبي، أيش مفكر يلي سويته شي قليل، أنته قتلت نفس يا غبي نفسسس،  (منصور يمسح وجهه وشعره بخوف) لازم تهرب يا غبي، روح جهز نفسك واهرب لبيتي هيا.. _ ب..بس.. _ ولا بس ولا شي، نوال أكيد بتبلغ عليك يا غبي، وأكيد الشرطة بيجوا وبيدوروك، هيا بسرعة هياااا.. وعاد لحاضره ومسح وجهه وشاف للأبنية قدامه: انحرمت منك عشرين سنة يا عدن، عشرين سنة وأنا مغترب بعيد منك يا الحبيبة، تغربت عنك يا الحب الأول والأخير، رحت وهديتك وهديت ابني وزوجتي بين احضانك، احتويتيهم باحضانك وما خدلتينا فيبهم، لكنك خدلتينا لمن رجعت لك، خدلتينا بأن خليتي نوال تكرهنا، ليش يا أم المساكين ليش، (ونزلوا دموعه)، اااخ يا عدن، غربتي عنك قتلنا، لكن رجوعي لك سلخ روحي من جسدي سلخ، ما توقعت تسوي فيبي كدا يا الحبيبة، بس دا مش طبعك، دا طبع البشر يلي فيبك، حرمتينا ابني وزوجتي، ااااح، اللهم لك الحمد على كل شي، بس وعد يا نوال، وعد إن انا برجع ابني لحضني ولو اضطريت دي المرة اقتلك بيدي زي ما قتلت محمد العدني، بقتلك زي ما قتلت زوجك الملعون داك.. واشرقت الشمس بنورها وأضاءت به مدينة عدن الحبيبة، انعكس ضوءها على البحر واشعله لآلئ تلمع فوق صفحاته، والتمعت حبيبات الرمل في ساحله الجميل، حركت رأسها بفرح: _ محلا شعري كدا.. غزل: مله الحالي حالي ولو قام من النوم (ومسكت بخدودها) وانتي حالية بكل حالاتك (رُبا حضنتها) هيا قومي البسك الشنطة هيا.. ولبستها الشنطة وهي فارحة كثير: باقي قبعة حسام فينه؟ غزل جابتها لها: دي هي، شكلك تحبيه كتير.. _ أيوة، دي حق حسام، حتى لمن وقعت داك اليوم وقعت عشانه.. غزل ضمتها: تندكر وما تنعاد يا قلبي، الحمدلله إن حسام لمن رجع يجيب شنطتك حصله معه، هيا قد تأخرتي امشي.. ومسكت بيدها وخرجين، حسام خرج وهو يزرزر الشميز ولابس شنطته الظهر على كتف: _  يا زيد اليوم بروح أنا افدا لك هات التلفون.. زيد صاح: باقي حبة حبة، راعي أهرب دا قتلنا.. _ مله دا داهية ما قدرت له أنا عادك تقدر له أنته يا شبر ونص هه.. غزل: شكله خلاص ما عاد بيفك لتلفونك أبدًا.. _ والله شكله.. _ متى بتشوف لي جوالي يا حسام؟ _ بمر لعند المصلح اشوفه لو صلحه (وشاف لرُبا وإبتسم) صباحو رُبا اخوها.. رُبا ابتسمت: صباحو حسام أخته.. حسام ضحك: وطلعتي تعرفي تتغزلي يا ليدة.. رُبا غمزت له: أكيييد.. وقرح ضحك هو وغزل، وداد جت واعطت رُبا فلوس: دي مصروفك يا اماه.. رُبا بزتها بفرحة: شكرًا يا اماه.. عارف خرج وهو يعدل المشدة حقه: خلاص جهزت، هيا يا رُبا ابوك مشينا.. حسام: لا أنا بوصله اليوم.. الكل شاف له باستغراب وخاصة رُبا، وهو شافهم وانحرج: م..ما لكم تشوفونا كدا، أيوة بوصله ما لكم.. وداد: تشتي توصله للمدرسة؟ ا..أنته يا حسام! _ لا جدي يا اماه، مله أقول لك أنا.. رُبا فرحت: من صدق؟ حسام: أيوة ما لك انتي.. وهي طوالي راحت وحضنت رجوله: فديييتك مله والله بفرح كتييير.. حسام فرك رأسها: إن شاء الله يوميًا بوصلك أنا (وشاف لعارف) لو وافق داك الآدمي.. عارف: أولًا أنا معي اسم، تانيًا لو رُبا موافقة توصله فما فيش مشكلة عندي.. رُبا: أيوة أيوة يا اباه خله يوصلني امانة عليك.. عارف هز رأسه: خلاص طيب.. رُبا تصفق و...