جرح القريب غريب - من 231 إلى 240 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 14* *الفصل (من231وحتى240) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب غريب😔💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعة 🥹💗⃟🎀* حسام حس قلبه ذاب: ا..أيش فيبه رُبا؟ غزل لفتت خلفها وشافت الأطباء يدخلوا الغرفة وتشوف من الزجاج والدكاترة حول رُبا متجمعين، وأمها خارج تبكي وهي ضامة زيد وتصيح: _ ويلي عليك يا بنتي اهئ اهئ يا ربي لا تحرمني منه يااا رب.. حسام سمع صوت أمه: مله أيش حصل له اتكلمي.. _ م..مش دارية الحقنا يا حسام امانة عليك.. حسام غلق بسرعة: ر..رُبا يا عيال م.. أيهم مسكه بسرعة: هيا هيا للسيارة خلنا نروح.. وركبوا بالسيارة وجراح وكمال بالطقم، وراحوا للمستشفى، عارف وصل جري وراح لعند وداد وغزل يلي تبكي جنبها: _ و..وداد ما له بنتي أيش حصل له؟ وداد تبكي: ر..رُبا وضعه ساء يا عارف، بنتي بتموت يا عارف بنتي بتموت اهئ اهئ.. عارف يبس مكانه ووقف قدام الزجاج يشوف الأطباء حول رُبا، ونزلوا دموعه بحرقة وألم وجلس يبكي _ يا رب بنتي بين يدينك، يا رب اشفه لي يا رب ولا تحرمني منه يا رب.. وغزل تبكي وهي ضامة زيد يلي يبكي، حسام وصل مهري جري ووقف قدامهم: _ فينه رُبا يا غزل أيش حصل له؟ غزل: م..مدريش، ب..بس فجأة قلبه وقف و..هئ هئ والآن يسووا له انعاش.. حسام راح لعند الزجاج وشاف خط قلبها ضعيف والدكاترة باين يشتغلوا بسرعة، شاف الأجهزة فوقها وحسها بتفارقه للأبد، نزلت دمعته وطوالي جري للغرفة، كمال صاح: _  حسام لحظة.. حسام فتح الباب والأصوات طلعت حق الأجهزة والطنين كان قوي والدكاترة اصواتهم تطلع.. _ بس النبض ضعيف واحتمال نخسر المريضة يا دكتور.. _ راقبي نبضه هيا.. وكسر ابرة ودقها داخل الوريد بسرعة، الدكتورة شافت حسام، أيش معك هنا اخرج.. الدكتور شاف له: لو تسمح اخرج بسرعة.. حسام راح وهو يبكي: د..دكتور ما له اختي أيش حصل له؟ _ لو سمحت اخرج لا تعطلنا.. _ دكتور ك..كلمنا أختي أيش فيبه؟ _ الماء يلي شربته أتر على الرئة والأنسجة بقوة، لازم ننقذه.. ورجع يشوف للأجهزة والنبض ورُبا تتشروغ والماء يطلع من فمها، وعارف يشوف عند الزجاج ويبكي _ رُبا يا روح ابوك لاااا، رُبا اهئ اهئ.. @rewayatyamania المصدر الأول للروايات صقر تذكر منظر صفوان والأجهزة وجلس يبكي بالأرض، وأيهم جلس يواسيه والكل يشوف من الزجاج عدا وداد يلي ما قدرت توقف، الخوف شل حركتها، وزيد يبكي، حسام لمن شافها تتشطط وقف وتسمر مكانه ما قدر يتحرك، الدكتور مسك برجلينها، ثبتوها لا تخلوهاش تتحرك، وراح وسوى ابرة ثانية ورُبا تتشروغ وترفع رأسها، وحسام يبكي ويهز رأسه بالنفي، وراح ومسك يدها وهو يبكي.. الدكتور: لو تسمح اخرج لا تعطلناش عن شغلنا.. حسام ببكاء وشهقات وهو يشوف لرُبا: ر...رُبا (وباس يدها ويفركها) رُبا يا روح اخوك لا تموتي، و..هئ هئ والله ما عاد بزعلك واديك، ر...رُبا يا روحي امانة عليك لا تسيبينا مع دنبي دا، رُبا بموت بعدك، لا تخليني اتعدب بسبب يلي سويته لك شوفينا بموت يا رُبا امانة عليك.. عارف يبكي عند الزجاج وكمال وجراح يهدوه، يا رب بنتي ما يحصل له شي يا رب اهئ اهى.. كمال: بتكون بخير يا عم إن شاء الله لا تخاف.. جراح: خلنا ندعي له يا عم.. عارف يشوف رُبا بين الحياة والموت: يا رب ما اقدر اتحمل فراق بنتي، يا رب لا تختبر صبري بعيالي يا رب.. صقر يبكي بهدوء وينشج، وأيهم يوقف ويشوف ويرجع لعند صقر، حسام باس يد رُبا وفركها: _ ر..رُبا يا روحي لا تموتي امانة عليك يا رُبا.. عارف ما قدر يتحمل وراح جري للغرفة ولمن فتحها تسمر مكانه من الأصوات حق الأجهزة والصياح، شاف رُبا والماء يطلع من فمها وهي تتشطط، وحس بسومة ومسك برأسه ووقع واندق بالجدار وللأرض، كمال وجراح جروا ويصحوه: _ عم عارف قم عم عارف.. الدكتور صاح: أيش دي الفوضى الكل يطلع من هنااا.. حسام يبكي ويبكي: رُبا لا امانة عليك يا رُبا، و..والله بكون أخوك وسندك وعزوتك العمر كله بس لا تسيبيناش يا رُبا، ر..رُباااا.. الدكتور يشوف له وهو يعرق بقوة ويرجع يشوف لرُبا وهم يحاولوا يوقفوا تشططها، وشاف للجهاز وحسام يبكي: _ ر..رُبا لا تموتي يا روح أخوك، رُبا (وحط رأسه فوق يدها يلي ضامم لها وبكى بقوة) اهئ اهئ رُبا لا يا رُبا.. جراح وكمال خرجوا عارف لخارج وساعدوهم أيهم وصقر، وواحد من الدكاترة طلع حسام يدفقه.. _ هيا اطلع يا ليد خلنا نشوف شغلنا.. وخرجوه وهو يبكي وجلس خارج ضامم لرأسه ووداد وغزل يبكوا، وجلسوا مراعيين، الدكتور جلس يبذل جهده وهي تتشطط شويات، وكدا كدا لمن هدأت، وهو شاف لها إنها وقفت وقلبها رجع يدق بشكل طبيعي، وانحنى وهو ماسك ركبه، الدكتور الثاني: _  القلب نبضه انتظم يا دكتورة.. الدكتورة: وقدرنا نسيطر على السوائل الزائدة في الرئتين.. صقر كان يشوف من الزجاج: و.. وقفوا شغل يا حسام وقفوا.. حسام والكل فز ووقف يشوفها، حسام بذهول... . البـارت 232 ◇ جُــرح القـريب غـريب 💔 👌🏻👇🏻 😍 حسام والكل فز ووقف يشوفها، حسام بذهول شاف لرُبا وشاف نبض قلبها طبيعي على الجهاز.. وداد: واي بنتي أيش حصل له.. وشافوا الدكتور يخرج وطوالي جرى لعنده والباب انفتح وكلهم بعد حسام يلي يرجف بقوة وخايف.. _ د..دكتور كيف اختي ك..كيفه؟ وداد: طمني على بنتي يا دكتور امانة عليك اهئ اهئ.. الدكتور مسح وجهه وخلع الكمامة: الحمدلله قدرنا ننقده بآخر اللحظات، إن شاء الله قريب بتصحي، الحمد لله على سلامته.. وراح ووداد انهالت بكاء بفرح وغزل ضامة لها وكلهم فراحنين، وصقر نزلوا دموعه، تمنى لو كان الدكتور قال لصفوان نفس الشي، بس لكل انسان أجل، حسام يداته على فمه يشهق بقوة، وأيهم يشد على كتفه: _ الحمدلله على سلامته يا حسام.. حسام حضنه وهو فارح: عاده عايشة يا أيهم عادة عايشة.. _ الحمدلله والشكر، الحمدلله.. كمال وجراح وصلوا بعد ما ودوا عارف للغرفة الثانية: هاه خير أيش حصل؟ صقر مسح دموعه: الحمدلله قدروا ينقدونّه وبتصحى قريب زي ما قال الدكتور.. كمال وجراح فرحوا وراحوا وضموا حسام يلي الدنيا ولا وسعته، ومر الوقت وانقضى العصر، وصحى عارف وكان مسوي فراشة، وراح يشوف رُبا كان فارح، ونوال جلست لين العشاء ببيت العزاء، بس ما شافت نجوى لأن مشغولة بالمطبخ وضيافة المعزيين، وسامية هدأت قليل على ابنها، بينما سارة ولا وقفت بكاء على زينة وخالد وجعوه ركبه من كثر ما يدور عليها ويسأل، وكان بنفس الوقت عشان يخفف حزنه يتعاطى عشان ينسى ويقدر يدور، واذن المغرب، وخلص الكل صلاة وعشاء، وقرروا العيال يروحوا للفِلة حق منصور، وراحوا لهناك ودخلوا من الباب الخلفي، وجلسوا هناك، جراح والكل يشوفوا البيت.. حسام: شوفوا يا عيال على بيت معه!! أيهم: يا أخي بيس بيس.. جراح: ما شاء الله حلو كتيييير.. كمال: أيوة ما شاء الله.. صقر كان عند ابوه يتهادروا، وراحوا العيال هناك، منصور ومدحت يتهادروا بالديوان الثاني، وخلصوا وقرر مدحت يروح، ووصله منصور للباب، كنت تجلس نسهر.. _ تسلم الله يعافيك، معي شغل ولازم اروح، وهاه، ضروري تجي لعندي عشان نناقش الموضوع حقنا.. _ تمام ولا يهمك، بس خل اليومين دي حق العزاء تخلص وأمر لعندك ولا يهمك.. _ خلاص تمام مراعي لك، مع السلامة.. _ الله معك.. ودخل منصور للداخل، ابو بكر وقف، أنا بروح اصلي العشاء وبروح ارتاح لي قليل قد انا تاااعب.. رضوان وقف: خدنا معك كمان، أنا تاعب زيك،(وشاف لعبد الفتاح) قد برجع عندك بكرة إن شاء الله.. _ حياك أي وقت ومشكور ما قصرتوش والله.. ابو بكر: واجبنا الله المستعان، بعدين نحنا أخوه وأهل، يلا استودعكم الله.. الكل: الله معك.. وخرجوا يصلوا بالمسجد.. نوال كانت تلبس العباية وتتجهز عشان تروح، يا خالة نوال خليك هنا.. _ قدني من الصبح هنا يا بنتي، بروح وبكرة وارجع، قد أمي وخالتي رضية بيجلسوا هنا.. شيمَاء: طيب رغد تقدر تجي لهنا؟ _ بشوف إدا جراح أخوه يوصله بخليه، هيا مع السلامة يا بنات.. شيمَاء: كنت بعرفك على أمي يا خالة.. _ ليش أمك جت لهنا؟ رزان: قده من الصبح هنا يا خالة، بس لأنك بالمطبخ ما ركزتيش عليه.. أسماء: قد هلكت نفسه شغل، سامحينا امانة عليك يا خالة ما قصرتيش والله.. نوال فركت رأس أسماء: العفو يا روح خالتك دا واجب، وأمك يا شيماء إن شاء الله إدا جيت بكرة بتعرف عليه مستعجلة الآن، هيا بخاطركم.. الكل: الله معكك يا خالة.. شيمَاء: لو رغد ما تجيش سلمي لي عليه يا خالة.. _ طيب يا عيوني يصل إن شاء الله (وخرجت من الغرفة) ما شاء الله عليه متل العسل هدرته، وباينته مأدبة وحبوبة، أكيد أمه زيه كدا.. نجوى خرجت من الحمام كانت تتوضى، ومشت وهي تعدل المقرمة، نوال تمشي وهي منزلة رأسها واندقت بكتف نجوى يلي شهقت، نوال رفعت رأسها: _ ع...عفوًا  م..... تذكرتها طوالي، كيف كانت تهادره وهي تأكل البسبوسة وكيف كان يضحك معاها، وما قدرت تكمل اعتذارها وبلعت الكلام.. . . رزان وأسماء يضيفين المعازيم ورجعت أسماء للمطبخ ضايقة وتتأفف كثير، وشيماء جت: _ الله يعينه أمه مسكينة ولا وقفت بكاء على ابنه.. أسماء بدموع: الله يصبره، ويصبر صقر كمان، يحب أخوه كتير يا شيماء، متعرفيش كم يعزو ويحبو، اني مقهورة عليه كتير.. شيماء راحت وربتت على كتفها: الله يرحمه ادعي إن ربنا يصبر خالتك وزوجه وابنه أحسن من البكاء.. أسماء مسحت دموعها: معك حق.. شيماء: بخرج اني تمام.. _ تمام.. وهي خرجت وأسماء تنهدت: الله يصبر قلبك يا صقر، دحين بيستوي وجعك وجعين، يا الله صبرو وخلو يسامحني يا رب.. . . في بيت منصور.. رضوان وابو بكر يتهادروا: _ الله يرحمه، شوف حالة ابوه لصقر كيفه.. ابو بكر: ربنا يصبره ويهون عليه مصيبته، الضنا غالي يا حج رضوان.. . البـارت 233 ◇ جُــرح القـريب غـريب 💔 👌🏻👇🏻 😍 ابو بكر: ربنا يصبره ويهون عليه مصيبته، الضنا غالي يا حج رضوان.. رضوان: ااااح معك حق والله، ربنا يعينه.. _ هيا نسبق الآدان أيش رأيك! _ أيوة والله، قد ضيق فيبي المكان وأنا أشوف عبد الفتاح بدي الحالة.. _ هيا قم إدن.. وقف رضوان وشاف لهم: بنروح نصلي يا جماعة ونرجع لكم إن شاء الله.. كمال: بنلحقكم بعدين يا حج رضوان.. ابو بكر: بنرجع سريع يا عبدالفتاح ما بنتاخرش.. عبدالفتاح: شكرًا لك يا شيخ ابو بكر.. وخرجوا من الديوان يتهادروا،، ومنصور دخل من الباب الخلفي يتصل وغلق الجوال وابو بكر ورضوان رفعوا رأسهم وهو رفع ناظريه وشاف لهم، بالذات هو، ما قدر يشيل ناظريه عنه، أما هو، تسمر مكانه لمن شافه وما قدر ينسى تفاصيل وجهه من عشرين سنة، وبصوت متحشرج وهو مضيق لعيونه بعدم تصديق: _ م..منصوور! منصور فزز وبلع ريقه بخوف: ر..رضوااان!! عزام يقلب بالملفات والباب اندق، وهو سمح له يدخل، ودخل ضابط ضرب له التحية: _  سيدي وصلت الدفعة حق العسكر تقدر تجي تشوفهم.. عزام هز رأسه: خرج لي تلاتة أو اربعة على جنب عشان يكونوا من ضمن الحرس حقي، الحرس حقي كلهم بمهمات يلاحقوا العصابات تبع المخدرات، كان في نقص بالعسكر ورسلتهم مع البقية.. _ خلاص بجهز لك أربعة منهم، (وراح شويات ورجع ودق الباب ودخلهم له) دونه أربعة زي ما طلبت يا فندم.. عزام وقف وراح لعندهم يتفحصهم بعيني مشرف خبيرة، يشوف لطول أجسادهم وعرض أكتافهم، والهيبة يلي يحاول يرسمها وجه كل واحد منهم، يربت على كتف الأول: أنته أيش اسمك؟ _  عمار سيدي.. _ حيا بك يا عمار.. وراح لعند الثاني والثالث بنفس الحركة ونفس السؤال، لين وقف عند الرابع يشوف لملامحه القوية وتفحصه بدقة وعمق كبير: _ وأنته أيش اسمك؟ وهو ابتسم: اسمي رعد، رعد سيدي.. . . نجوى: عادي، أصلًا اني خرجت من الحمام وكل عيوني مي ما شفتكش.. نوال تشوف لها من فوق لتحت بعدم تصديق وعيونها، تجري فحص دقيق لها، نجوى عقدت حواجبها بإستغراب: _ ما لك كدا تشوفي لي! نوال فزت: ه..هاه، ل..لا لا ب..بس كنت مشبهة بك ب..بس.. نجوى هزت رأسها وراحت، نوال حطت يد على قلبها ويد على رأسها وهي تحس قلبها يدق من رأسها بقوة وكأنه بيخرج من مكانه، نزلت يدها عند عنقها وشافت لنجوى وهي تدخل الغرفة، حاولت تبلع ريقها بس انغصت به _  ت...تاك المرة ه..هي نفسه زوجة م..منصور، هااا هي نفسه زوجة يلي قتل زوجي.. وطوالي خرجت تترنح، تحاول تسرع وهي تسند يدها للجدار والثانية تتنقل بين أعضاء مختلفة من جسمها، قلبها تجس نبضاته، وعقلها الرازح تحت عدم التصديق، وكذلك الإختناق الذي اوشك أن يقطع عنقها، جلست تأخذ نفس وهي تاااااعبة ومنهارة كثير، جلست تنشج وتبكي بقوة: _ اهئ اهئ هئ هئ، ل...ليش يا ربي كدا اهئ اهئ، ل..ليش دي جت للعزاء اهئ اهئ، م...منصور يا قاتل، يا مجرم اهئ اهئ، ل..ليش رجعت يا قاتل (وشدت على التراب والمقرمة نزلت شوي على رأسها وبان شعرها وخصلات منه تدلوا على جانبي وجهها وهي ما تغطيه) ، ليش رجعت يا قاتلللل، الله يقهر قلبك زي ما قهرتني اهئ اهئ، الله يحرق قلبك زي ما حرقت قلبي على زوجي وابني اهئ اهئ، ااااااا يا ربي اهئ اهئ (وسندت كتفها اليمين للجدار) هئ هئ، الله ينتقم منك هاا الله ينتقم منك يا ظالم اهئ اهئ يا اماه اااا يا اماه اهئ اهئ.. . . رضوان بصدمة: م..منصوور! منصور بدهشة وصدمة أكبر: ر...رضوااان! ابو بكر بلع ريقه وهو يشوف لهم، رضوان صك اسنانه وهجم عليه وشده من البدلة حقه: _  يا حقيييييير.. ابو بكر جرى ومسكه: رضوان اهدأ يا رضوان.. رضوان بغضب: يا حقير يا منصور، يا حقييير، أيش رجعك لعدن يا قاتل، أيش رجعككك؟ منصور عاده يشوف له بصدمة ما استوعب وجوده هنا في بيته، ابو بكر يشد رضوان: _ رضوان نحنا بالعزاء اهدأ.. _ فك لي يا شيخ فك ليي، دا قتل زوج بنتي ورمله، رمل بنتي يا شيخ ويتم عياله، قتل زوجه الحقير دا قتله.. منصور الكلمات دي صحته من صدمته بقوة، ودفع رضوان للخلف: _ أنته من تحسب نفسك عشان جاي لهنا، من أنته عشان تجي وتدوس بيتي يا رضوااان.. رضوان فزز مع ابو بكر: ب..بيتك؟ _ أيوة بيتي، أيش جابكم لبيتي أيششش؟ ابو بكر بلع ريقه: ع...(وشاف لرضوان ورجع شاف لمنصور) ع...عبد الفتاح صديقنا، ج..جينا نعزيه هنا.. منصور: جيتوا تعزوا هاه، والا جيتوا عشان تدكرونا بالماضي يا شيخ ابو بكر (وشاف لرضوان) ويا حج رضوان رضوان ما تحمله واندفع يشتي يضربه بس ابو بكر يمنعه شده وهو يتشطط: _ كله منك يا حقير، رملت بنتي على شان أيش يا منصور، على شان أيششش؟ . البـارت 234 ◇ جُــرح القـريب غـريب 💔 👌🏻👇🏻 😍 رضوان ما تحمله واندفع يشتي يضربه بس ابو بكر يمنعه شده وهو يتشطط: _ كله منك يا حقير، رملت بنتي على شان أيش يا منصور، على شان أيششش؟، أنته تحسب إن الفلوس والنعيم يلي أنته فيبه يقدروا يمنعوك من عقاب الدنيا، لكن في آخرة وربنا بيأخد بحق بنتي منك وبيعاقبك، لأن عدالة الله فوق كل شي يا منصور، وبينتقم منك شر انتقام يا قاتل، يا قاتلللل.. منصور بغضب: كله منكم، كله منكم أنتم، لو كنت ربيت بنتك صح ما كانن جبرني اقتل زوجه، كله من بنتك يلي اخلفت بوعده لي يا حج، كله من بنتكككك.. _ بنتي لا تجيبش سيرته على لسانك الوسخان يا منصور، لا تدكره على لسانك.. في الديوان، جراح وقف: طيب يا جماعة أنا بلحق الصلاة بالجامع، (وشاف لصقر) متواصلين يا صقر.. صقر هز رأسه، كمال وقف: بجي معك كمان نصلي لنا ركعتين، كلمونا إدا في شي يا عيال، وعظم الله اجرك وصبر قلبك يا عم عبد الفتاح.. عبد الفتاح حرك رأسه: واجرك الباقي يا ابني، تسلموا وما قصرتوش والله.. _ دا واجبنا يا عم الله يحفظك، بعدين صقر اخونا مش بس صاحبنا (وشاف لجراح) هيا مشينا.. جراح مشى وهو بعده، منصور يتشطط: والله ما الوسخانين إلا أنته وبنتك الخاينة تاك.. _ بنتي اشرف منك يا حقير، قلت لك لا تجيبش سيرته على لسانك أحسن ما اقطعه لك يا منصور.. ابو بكر: منصور بس اقصر الشر واسكت وروح لك من هنا.. _ بس دا بيتي وانتوا يلي بتنقلعوا منه، هيا انقلعوا هيااا رضوان: يا ظالم، يلي يداتك موسخين بالدم، ربنا بينتقم منك وبيأخد بحق بنتي وعياله منك يا ظالم.. منصور ما تحمل صياحه وكلامه: لا تنساش يا رضوان أن بنتك أصلًا ا......... بس وقفه سماع صوت صرير الباب ينفتح، وخرج جراح وهو يكلم كمال، ابو بكر فزز ورضوان يشوف لجراح وينشح عرق وبصوت صغير: _ لا يا جراح، يا ربي لا، ل..لا تلتفتش لا، يا رب سترك يا الله.. منصور لفت لهم وعرفهم طوالي، الأول تذكره وبيده سكريم منزلي كان بيعطيه لبنت صهيره، وبعدين صايحه عند الساحل، والثاني تذكر لأعجابه بكلامه وشجاعته، وجلس يتفرج ناحيهم وهم يتهادروا.. جراح: على قولتك بيتعود، لكن الله يعينه دي الأيام، خاصة لمن يرجع ويشوف بيتهم.. كمال: بيتعود يا صاحبي بيتعود.. رضوان يده على صدره يحس قلبه بيخرج من اذونه، وهو يشوف لجراح: _  لا تلتفتش يا جراح لا تلتفتش.. جراح وكمال رفعوا رؤوسهم وشافوا لهم، الأول ماسك للثاني يلي الخوف مرتسم بعيونه، وباين الأنقباض والهلع بوجهه، بينما الثالث يشوف لهم بغضب واسنان مسطكة، كأنه كان على وشك قول كلام مخبي له من سنين، لكن قدومهم قاطعه عن قوله وأغضبه بقوة.. كمال: اباه عم رضوان أيش موقف لكم هنا؟ جراح: جد ر..... ابو بكر صاح: كمال بز جراح واخرج من هنا هيا (كمال وجراح استغربوا) ، هيا بزه واخرج يا كمال هياا.. جراح وكمال شافوا لبعض بإستغراب ورجعوا شافوا لهم، جراح شاف ملامح جده باهتة ومخنوقة خوف، ورجع شاف لمنصور وفزز لمن شافه، عرفه طوالي، صح ما عرفه لمن صايحه بالساحل واهانه، بس يلي انحفر بعقله ومستحيل ينساه هو رؤيته لملامح أمه وخوفها أول ما شافته بالتلفزيون، لمن تم إعلانه كأغنى رجل يمني، تذكر كيف الهلع والخوف سيطروا عليها ووقعت بلا حراك، وكيف صحت تنشج وتبكي بهستيرية والرجفة والخوف مدثرين لها، ما عمره نسى تلك الملامح الخائفة من جراح قديمة غائرة عن أعين العيان، ولكنها وضحت في ملامح أمه وجده وجدته، عرف إن الماضي يربط بينهم بخيط  رفيع لم يتمزق بعد، ضيق عيونه وسمرهم بعيون منصور يلي استغرب من نظراته، وبصوت مخنوق: _ ا...أنته! ابو بكر بقوة لمن فزز الكل حتى منصور: بز جراح واطلع من هنا يا كمااااااال.. كمال فز بخوف ومسك يد جراح وسحبه: ه...هيا خلنا نخرج يا جراح هيا.. جراح صوت ابو بكر يلي ما طلع من لمن عرفه اعجمه، وما قدر يتكلم بس ملامحه تفيض بالكثير، كمال يسحبه وجراح ما شال عيونه عن منصور يلي يلاحقه لمن خرجوا من الباب الخلفي، وكمال ماسك بيده ويشده لمن خرجوا من الباب قليل وجراح سحب يده ووقف.. _ بس يا كمال أيش يحصل؟ كمال مسح وجهه: و..والله مش عارف، ب..بس دي أول مرة اشوف أبي كدا معصب ومقرح وصوته يطلع كدا.. جراح صك اسنانه: ط...طيب داك منصور، منصور يلي سافر مصر وطلع اغنى رجل يمني، د..داك هو نفسه يلي أمي انصدمن لمن شافنه واغمي عليه يا كمال.. كمال قوس حواجبه بدهشة: ب.بس (جراح مسح وجهه بتوتر) د..دا الشخص هو زوج عمة أيهم نفسه، و..ودي الفِلة هي حقه (جراح شاف له بصدمة) و..وهو نفسه يلي قابلناه بالساحل داك اليوم وصايحنا على البنات، ب..بس كان لابس كمامة وما عرفناه.. جراح فتح عيونه: ي...يعني منصور الردفاني ه...هو زوج عمته لأيهم! منصور شاف لرضوان وابو بكر: ... . البـارت 235 ◇ جُــرح القـريب غـريب 💔 للكـاتبـة: هنــد القطـيبي 👌🏻👇🏻 😍 📚 @rewayatyamania  🇾🇪 جراح فتح عيونه: ي...يعني منصور الردفاني ه...هو زوج عمته لأيهم! منصور شاف لرضوان وابو بكر: دا إبنك إدًا يا ابو بكر (وهز رأسه) قد قلت طالع مأدب ومحترم لمن.. ابو بكر خاف: م...من فين تعرف كمال؟ منصور تجاهل سؤاله ورفع اصبعه لرضوان وبكلمات تحتوي الكثير من التهديد: _ اسمعنا يا رضوان، أنا راجع لهنا على شان يلي بالي بالك (رضوان حس قلبه وقع) ويا ويلكم تمنعونا، والآن اخرج من بيتي (وصاح بصوت أكبر) اخرررج، اخرج.. رضوان فز وسحب نفسه وخرج وابو بكر بعده، منصور مسح فمه بغضب ويده على خصره، وراح ناحي الكرسي وزبطه بغضب: _  الله يبزكم كلكم، الله يبزكم كلكممم.. ورجع مسح وجهه ورمى بنفسه فوق الكرسي الآخر وكان وجهه محمر بقوة، وبالكاد يقدر يتنفس، رضوان وابو بكر خرجوا من البوابة الرئيسية ووقفوا عند الصالون حقه، ورضوان يفرك وجهه وباين متوتر كثير.. _ ما عرفت إن انا كنت ببيت قاتل يا شيخ ابو بكر، ما عرفت وإلا كان يحرم عليا ادخله.. _ بس ما كناش نعرف يا أخي رضوان، نحنا جينا من باب إننا أهل وجيران وتقديم المواساة وترزية أهل الميت واجب على نحنا.. _ بس دا قتل زوج بنتي ورمله ويتم عياله يا شيخ.. _ ااااه، ربنا فوق كل ظالم، وربنا بيعاقبه ويأخذ حقكم منه.. وصل جراح وكمال يمشوا وهو شاف لهم، وقف الهدار كمال وجراح وصلوا، ابعد التوتر وخلك عادي.. رضوان مسح وجهه ولف ظهره منهم يعدل ملامحه، جراح وكمال وصلوا.. _  اباه ما لكم واقفين هنا؟ _ ه..هاه، ل..لا بس كنا نشتي نخرج نصلي ورجعنا نتهادر لنا شوية.. جراح يشوف لجده يلي مقفي منه: ب..بس ليش صيحت فوقنا يا اباه و.. ابو بكر بمقاطعة: كمال يا روح ابوك كان بيننا كلام رجال ومش كان لازم شباب صغار زيكم يسمعوه.. جراح: ب..بس انتوا كنتوا متوترين و.. ابو بكر: قلنا لك ما في شي يا ابني، أنته لا تهم شي ولا تشغل بالك، هيا روحوا صلوا قد بيقوم بالصلاة الآن.. جراح شاف لجده وراح لعنده: جد رضوان ما لك، فيك شي جاوبنا؟ _ ل..لا يا روح جدك وقلبه أنا بخير، ب..بس زي ما قال الشيخ ابو بكر، كنا نتكلم وخرجنا عن الموضوع قليل.. جراح مسك بيدات جده: ب..بس يداتك يرجفوا وصاقعين كتير، ا..أيش فيبك؟ رضوان سحب يداته، ابو بكر راح وحط يداته فوق اكتاف جراح، وبهدوء يبعث على الإطمئنان: _  جراح يا ابني، قلنا لك ما في شي، بس كدا الكلام وتر نحنا قليل و.. جراح: ب..بس داك يلي اسمه منصور الردفاني أمي كانت خايفة و..ومتوترة لمن شافنُه و...(رضوان مسح وجهه ولف من توتره) وأمي لمن اغمي عليه وصحن كانت تبكي وتنشج وخوفتنا عليه و.. ابو بكر: جراح يا ابني زي ما قلت لك كان كلام رجال وجانبي ولا في شي، يمكن أمك شبهت فيبه أحد أو كدا، أو ربما هبطن وكدا بس مع الضوء حق التلفزيون وكدا اغمي عليه (وشاف لكمال وأشر له برأسه) كمال بز جراح وروحوا صلوا، وفهمه ينفض دي الأفكار والسماسر من رأسه.. كمال راح ومسك بكتف جراح: خ...خلنا نروح نلحق الصلاة يا جراح، ودام أبي قال ما فيش شي فما فيش شي قدك تعرف أبي أنه لا يمكن يكدب عليك، صح يا اباه.. ابو بكر إبتسم وشاف لجراح: إدا قال جراح كدا فهو كدا، وإدا قال العكس فهو العكس وأنا كداب.. جراح مسك يد ابو بكر وباسها: لا استغفر الله إن انا اكدبك يا شيخنا، ب..بس تعرف الانسان بطبعه فيبه شك وتوتر، وخاصة موقف أمي يلي مش قادر انساه (رضوان فلتت منه دمعه بالخفاء) ودا يلي قابض لي قلبي وموترنا، لكن دامك قلت ما فيش حاجة (وإبتسم وهو يشوف لعيونه) فأنا واتق فيبك وعارف أنه ما فيش حاجة.. ابو بكر إبتسم وفرك شعر جراح: الله يكبرك بعقلك يا ابني ويكتر من الشباب يلي واعيين زيك، وأنا ما كدبت عليك يا ابني وكل شي تمام.. جراح هز رأسه بعدم اقتناع، وكمال مسك بيده: هيا تعال نروح نصلي عشان يروح دا الشك منك.. وراحوا وابو بكر شاف لرضوان: ما لك كدا قد طمناه إن ما فيش حاجة.. رضوان شاف له ومسح دموعه: دا جراح يا ابو بكر، ليد دكي ومستحيل الشك يدخل رأسه ويطنشه، دا إدا شك إن في شي مستحيل يسيبه، هو دكي وفطن، ومستحيل ما شك بشي لمن كنا نتصايح ودكر يلي حصل لأمه لمن شافن منصور بالتلفزيون.. _ ااااح، ربنا كريم، هيا خلنا نلحق الصلاة.. _ بروح ابدل أول قد انا لابس لهم من الصبح، وبجزع المسجد يلي بالحافة عندنا أصلي فيبه.. كمال هز رأسه: خلنا نصلي أول وبعدين نروح لنا مقهاية كدا نشرب شاي حليب ونفكر براحتنا وبهدوء . . _ اسمي رعد، رعد القاضي سيدي.. عزام هز رأسه: حياك يا رعد، باين من ملامحك إنك شجاع وقوي، بس بنفس الوقت باين صغير، ليش جاي العسكرة وأنته عادك شباب صغير؟ _ أولًا أنا مش... . البـارت 236 ◇ جُــرح القـريب غـريب 💔 👌🏻👇🏻 😍 _ أولًا أنا مش صغير يا فندم بس ملامحي مخليتنا كدا، تانيًا الشجاعة والرجولة مش بالعمر يا فندم، إنما بالأفعال.. عزان رفع حاجبه اليسار بإعجاب من كلامه: همممم، (وهز رأسه ومشى ويداته خلف ظهره) حلو كلامك يا رعد، عجبتنا، بس لازم تعرف إن انا اشتي رجال ما يهابوش الموت، اشتي حرس خاص فيبي، أنا رسلت عسكري بمهمات واشتي عسكر حرس لي ولو في كدا أمر خطير لا سمح الله، تعرفوا كلكم إن انا مستهدف وأنا ما اشتيش أموت وعاد انا ما مسكتش يلي يهددوا أمن وسلامة بلادي وأهله، لازم أمسك يلي يحاول يقتل شباب بلادي بالمخدرات، عشان كدا أنا اشتي رجال بأفعاله زي ما قلت يا رعد، فهمتونا.. الكل ضرب برجله وبصوت واحد: أمرك سيدي.. _ تقدروا تروحوا الآن، الضابط عيسى بيفهمكم كل شي.. وهم ضربوا له التحية وخرجوا، كيف شفتهم يا فندم؟ عزام راح وجلس فوق الكرسي: ااااه، تمام باينين لا بأس، بس قدك تعرفنا اشتي رجال يوقفوا قدام الرصاص بدون بنادق حتى، ما اشتيش رجال من قرحة طماشة يفحطوا ويسووها تحتهم يا عيسى.. _ ولا عليك يا فندم، أنا بخليهم لك على كيفك.. _ ودا يلي راكنة عليك، دربهم وفهمهم كل شي، بعد شوية برجع البيت وببزهم معي.. عزام سند نفسه للكرسي وتنهد، وجسمه المهيب  المربوع واصل من ركن الكرسي لركنه.. _  ااااااه، والله مهما جوا لي عسكر وحرس شخصيين إن انا مستحيل الاقي برجولة وشجاعة وحب الوطن بشخص متل رسلان، الله يرحمه ويغفر له.. _ معك حق يا فندم عزام، قائد بحجم وطن صدق (وضرب له التحية) عن ادنك يا فندم.. وخرج وعزام يشوف للفراغ: اااه يا كمال، إن شاء الله يقدر يسامحنا ويتقبل يلي حصل داك اليوم.. رعد خرج ودق واحد اتصال ومن رنتين رد المتصل: الو قائدنا.. القائد: هاه رعد.. رعد بإبتسامة وهو يغمز: شوفنا قدرت اخترق الأمن وصرت عسكري تبع الحزام الأمني، ويا ليتك تعرف مع من، بيطير قلبك من الفرح.. _ مع من خارجنا اليوم.. _ مع يلي يسموُنّه عزام الاسد.. _ اسد!!، هه، والله شكله بسة مش أسد.. _ والله يا قائدنا إن ركبي ورجولي قصفوا من الخوف لمن كلمته وشاف لعيوني، عيونه بجد كانوا متل عيون الاسد ويدوبوك خوف، لقب الاسد قليل عليه.. _ همممم، أصلًا هو سبب كل المشاكل يلي نحنا فيبه وتوقفنا عن العمل، لكن هين، بلاقي له تصريفه والحقه بيلي قبله.. _ تعجبنا يا قائدنا، أنا لازم اروح الآن يصيحوا لي، قد بكلمك بالجديد.. وغلق القائد وتنهد: هه، لا الاسد ولا الضبعة يقدروا يمنعونا من تنفيد خطتي، كلهم ما بيقدروش يمنعونا.. وقهقه ضحك بصوت كبير.. نوال وصلت للبيت وفتحت لها رغد: اماه!، حيا بك (نوال هزت رأسها ودخلت طوالي) اماه كيف لاقيتي خالتي سامية وسوسن؟ _ ي...يبكين يا بنتي، عاد المرة دفنوا ابنه، طبيعي تبكي عليه، ب...بس قلبه صبور ومؤمن بتتجاوزه إن شاء الله.. رغد: إن شاء الله، قد مليت وحدي يا اماه وقلت ليتني رحت معك.. _ كل البيت معزيين وبكاء فين كنتي بتجي، وهاه صح، ص..صديقتك شيماء تاك جت وتسلم عليك كتير.. رغد بفرح وعدم تصديق: هاااا شيماء!، واي فديت قلبه، متى جت يا اماه ولا قلتي لي اروح اشوفه.. _ مله يا بنتي ما عرفته غير لمن كلمني عليه أسماء وعبير، بكرة لو تشتي روحي شوفيه، قد هم يقربوا  لعبدالفتاح، اني تاعبة وما اقدرش اروح بكرة.. رغد ضمت يداتها بفرح: وااي فديته بس، خلاص تمام يا اماه.. _ خالتك سارة فينه؟ _ اووو قطعني عليه، ولا وقفن بكاء على زينة شي، حاولت اسكته رفضن، شوفيه يا اماه يمكن تهدأ لك.. نوال تنهدت وراحت لعندها ولاقتها تبكي، وجلست بتعب: سارة يا اختي بس، إدا لك مكتوب ونصيب ببنتك بترجع لحضنك ولو هي خارج اليمن، ولو ربنا ما كتب لك تحصلينُه ما بتحصليه.. سارة انهالت بكاء: ب..بس دي بنتي وحيدتي يا نوال هئ هئ، ما توقعت يحصل كدا، كله من أمجد الله يسامحه اهئ اهئ.. _ خلاص يا اختي ما بيفيدك الندم والبكاء شي، ادعي ربنا يفرجه على نحنا وعلى عباده اجمعين (وشافت للسماء) ويأخذ حق كل واحد مظلوم من يلي ظلمه.. سارة شافت لها وهي تشهق: ن..نوال، ق..قولتك ع...هئ هئ عمتي وعمي و..وخالد بيسامحونّي على يلي سويته اهئ اهئ.. نوال شافت لها وإبتسمت: انتي ما غلطتيش يا سارة، انتي طلبتي حقك زي كل مرة متزوجة، بس غلطتك أنك طلبتيه بالوقت الغلط، كنتي راعيتي وضع خالد وظروفه، قد شفتي إننا كنا بلا بيت وراتبه يله يأكله (سارة طأطأت رأسها بخجل) بس عادي، ربنا عرفك بغلطك وندمتي، ودامك نادمة أكيد كلنا بنسامحك، وأولنا خالد زوجك وابو عيالك، بس عندي لك نصيحة يا سارة، دام معك زوج طيب وحنون زي خالد لا تخسريه، (ونزلت دموعها) ش...شوفي كيف حالتي وأيش استوى لي بعد ما مات زوجي، هئ هئ، الإنسان ما يحس بقيمة النعمة... . البـارت 237 ◇ جُــرح القـريب غـريب 💔 👌🏻👇🏻 😍 نوال شافت لها وإبتسمت: انتي ما غلطتيش يا سارة، انتي طلبتي حقك زي كل مرة متزوجة، بس غلطتك أنك طلبتيه بالوقت الغلط، كنتي راعيتي وضع خالد وظروفه، قد شفتي إننا كنا بلا بيت وراتبه يله يأكله (سارة طأطأت رأسها بخجل) بس عادي، ربنا عرفك بغلطك وندمتي، ودامك نادمة أكيد كلنا بنسامحك، وأولنا خالد زوجك وابو عيالك، بس عندي لك نصيحة يا سارة، دام معك زوج طيب وحنون زي خالد لا تخسريه، (ونزلت دموعها) ش...شوفي كيف حالتي وأيش استوى لي بعد ما مات زوجي، هئ هئ، الإنسان ما يحس بقيمة النعمة يلي بين يدينه إلا لمن يخسره، فحافظي على زوجك وبيتك يا سارة قبل ما تخسريهم وما يفيدك الندم وقته.. سارة شافت لها وعيونها مليانة دموع، وطوالي ضمتها وانهالت بكاء، نوال تربت على ظهرها وتبكي بصمت، لكن داخلها الف بركان يتفجر.. . . أسماء بإستغراب: أيش دا يا عبير؟ _ دا الملزمة يلي قلت لك وقعن من الليد يلي صدمنُه جنى المجنونة الله يقلع ابليسه.. _ طيب وأيش اسوي اني فيبه؟ _ اعطيه أيهم يسأل أصحابه من يلي ضيعه، ولمن يحصله كلميني.. أسماء هزت رأسها: إن شاء الله ولا يهمك (وحطت الملزمة فوق الكرسي) تعالي نروح نجلس عند خالتي نتهادر معه قليل هيا.. _ هيا تعالي.. وخرجين من الغرفة وشيمَاء دخلت: يا أسماء (وشافت الغرفة) كله فينه دي؟، يا أسماء (وشافت للملزمة وجلست تقلبه) الله!، باينته منهج حلو.. رزان جت: يا أسماء، مله فينه؟، خلتني اسوي العصير وهي طحست مع عبير يتهادروا.. _ رزان حق من دا؟ رزان تشوف له: ما أعرفش والله، ما عمري شفته.. _ عادي ابزه معي اقرأه؟ _ بزيه.. _ بس يمكن حق صقر ما ادريش أيش اسمه ابن خالتك.. _ أصلًا صقر يشتغل بفرشة وما يدرسش، بزيه عادي، ولو سألت خالتي أو أي واحد عليه بقول له أنه معك ورجعتيه لهم.. شيمَاء بفرح ضمته: خلاص خليه هنا لمن اروح وابزه.. _ خلاص تمام، تعالي نسوي عصير للبنات ونسير عندهم.. _ هيا.. ومر الوقت وروحت نجوى والبقية عدا مُنى يلي فضلت تجلس مع خواتها ببيت سامية، رضوان فضل يتكتم عن موضوع منصور وما يكلم أحد عليه، ورغد كانت تروح بيت سامية عشان تقابل شيمَاء ويجلسوا هدار وكدا، ولمار رافضة تتكلم أو تتكيف معاهم، ونوال اعتزلت البيت وما عاد تروح عند سامية، وجراح يوميًا يساوره الشك لكن ما قدرش يقطع حبل الشك باليقين ويعرف نتيجة شكوكه، والعصابات عاده تبيع مخدرات بالسر وتقبض بداله ملايين، وصقر عاده ما تجاوزش موت أخوه ودائمًا يروح عند قبره يطلع وجع قلبه هناك ويفرغ حمل الجبال من الشوق والحنين عند قبره، فروحه قد ألفت عليه وليس من السهل نسيانه، وكدا لين انقضوا الثلاثة الأيام حق العزاء، ورجع عبد الفتاح بيته بعد ما كانوا المعزيين من النساء يجوا بفترات متقطعة.. آسِمًعٌ صّوٌتٌ ضحًکْآتٌکْ تٌفُجّر طِبًلَ آذِنِيَ، لَيَصّدٍحً صّدٍآهّآ فُيَ آرکْآنِ قُلَبًيَ وٌعٌقُلَيَ، وٌلَکْنِ يَؤسِفُنِيَ أنِنِي لَآ آرآکْ وٌآقُفُآ أمًآمًيَ (بًقُلَمًيَ).. صقر فتح باب البيت وأغلق على قلبه وعنقه ليختنق بسماع اصوات ضحكاته تطغى في المكان، نزلت دمعته بحرقة، تذكره كيف كان يسمع صوته قبل ما يشوف وجهه وهو يصيح باسمه ويجري طوالي يحضنه، كان يسمع صوته قوي يصيح "صقرررر" تسمر عند الباب مراعي وصوله لكن بلا فائدة تطال، غمض عيونه بقهر وجلس وحضن رأسه عند الباب يبكي بصمت يكسر الجبال، عبدالفتاح مسح دموعه ونزل مقابله: _ ااااااه، صقر يا ابني خلاص، تلاتة أيام وأنته بكاء قد قطعت قلبك يا ابني، بس يا ابني الله يرحمه، صفوان ما بيرجعش لازم تقتنع وتقبل دي الحقيقة، اليوم خسرت اخوك بكرة يمكن أنا يمكن أمك، الحياة ما توقفش على واحد يا ابني، كلنا بنموت وكلنا بنتجرع ألم الفقد والفراق للي نحبهم، لكن نعمة النسى والتجاوز يلي ربنا اكرمنا فيبه نعمة كبيرة لازم نستغله مش نسيبه، نجلس كدا حاطين يدنا على قلبنا وسيل الدموع ما يوقفش من عيوننا.. _ ب...هئ هئ، بس يا اباه أ..أنا مش قادر انساه، ك...هئ هئ اهئ اهئ، كل ما اشتي ادخل اسمع صوته و..وهو يناديني يا صقر ويجي يحضني طوالي هئ هئ (عبد الفتاح يضغط على عيونه بالمشدة) خ...خايف ادخل واشوف البيت واتخيله قدامي و..(وانهال بكاء) مش قادر اشوفه يا اباه مش قادر اهئ اهئ اهئ.. عبدالفتاح ضمه وانهال يبكي هو كمان: ا..الله يرحمه يا ابني اهئ اهئ، ص..صفوان طير من طيور الجنة، وإن شاء الله ربنا يعوضنا بلقائه بالجنة وحياة ابدية معه اهى اهئ.. صقر يبكي بحضن ابوه: ب..بس أنا فقدت يا اباه اهئ اهئ، ف..فقدت له واشتي أضمه وأشم ريحته اهئ اهئ اااااا، اااااه يا ربي بس صبرنا.. عبدالفتاح باس رأسه وضمه بقوة أكبر عشان يخفف حزنه، لكن... . البـارت 238 ◇ جُــرح القـريب غـريب 💔 👌🏻👇🏻 😍 عبدالفتاح باس رأسه وضمه بقوة أكبر عشان يخفف حزنه، لكن حزنه هو ضاغط على قلبه وبيمزقه بأي لحظة.. شويات وصقر وقف ومسح دموعه وشد على قلبه عشان يدخل، وبكل خطوة يخطوها يسمع صوته بأركان عقله لمن يحس أنه بيوقع بأي لحظة، مسك بيده عبدالفتاح عشان يقويه يدخل يشوف أمه يلي ما شافها من ثلاثة أيام، كان المفترض يكون هو سند ابوه ومقويه، لكنه ضعيف أمام موت اخيه، كان الأب له وصفوان كان ابنه، بحكم انشغال ابوهم بالشغل من الصباح لين الليل، غمض عيونه ورفرف بأهدابه ووقف عند الباب وطلعت رزان وشافتهم: _ ح...حيا عم عبدالفتاح.. عبدالفتاح: الله يحييك يا بنتي، أحد عند خالتك؟ _ بس اني وأمي وخواتي.. عبدالفتاح: كلميهم أننا بندخل.. رزان دخلت: يا اماه خالي عبدالفتاح وصقر خارج يشتوا يدخلوا.. أسماء وقفت: صقر جاء؟ _ أيوة وعمي عبد الفتاح كمان.. أسماء إبتسمت وفركت يداتها وبينها وبين نفسها: صقر جاء، يا ربي كيف أقدر اواسيه وأقول له عظم الله اجرك واني زعلته داك اليوم، يا رب ساعدني.. سامية تبكي ومربطة رأسها ووجهها الأبيض مسود من كثر الفقد والحنين لفلذة كبدها وتلك القطعة من قلبها التي رحلت وتركتها تنزف على فراقه دما، اهئ اهئ ويلي عليك يا صقر، ا..اشتي ابني خلوه يدخل يا بنات.. مُنى: انا هنده لو يا خالتو (وراحت لعندهم) خالتو بتقول ليكو اتفضلوا.. صقر ترك ابوه يدخل أول وهو مسح وجهه ودموعه، بس بدل الدمع تنزل عشر، وقف عند الباب يشوف أمه كيف ذبلانة، دخل لعندهن ومشى ببطء: _ السلام عليكم.. الكل عدا سامية: عليكم السلام.. سامية كان سلامها مختلف، بكاء قوي وبحرقة: ابني راح يا عبدالفتاح، راح وما عاد بشوفه يا عبدالفتاح اهئ اهئ، مات ابننا هئ هئ.. عبدالفتاح طوالي نزلوا دموعه بخجل، وسوسن راحت عندها: _ أختي يا قلبي بس حرام يوميًا وانتي تحرقي ابنك.. _ هئ هئ يا سوسن، دا ابني، و..واصل عندي ما يخرجش، ك...كيف تشتيني اتقبل دا الشي يا سوسن كيف، اااا اهئ اهئ يا وجع قلبي عليك يا ابني، يا وجع قلبي عليك يا صفوان أمك اهئ اهئ.. الكل بكى على نواحها، وصقر صوتها هد كيانه وأثقل اقدامه وجلس يبكي وماسك رأسه، عبدالفتاح جلس مقابلها: _ يا سامية بس الله يرضى عليك، من غير شي أنا مقهور وبالزور ماسك نفسي عشان صقر، شوفي كيف حالته.. والكل شاف للباب وأسماء تقطع قلبها لمن شافته كيف قهره أخذ جزء كبير من جسمه وهد بنيانه، شوفيه، لا يأكل ولا يشرب، وفوقه بكاء ولا يوقف، أنا صح منكسر ومقهور ومحروق على ابني، بس على شان صقر بحاول أكون قوي (ومسك بيداتها) وعلى شانه لازم تكوني قوية كمان، لو جلس كدا بيموت علينا من قهره على اخوه، خليك قوية على شانه وبس يا سامية امانة عليك.. أسماء والكل يبكي، ومُنى ضمت أسماء: أسماء متبكيش أنا هعيط كمان.. أسماء بس تشوف لصقر وكان يمسح عيونه بس دموعه رافضة توقف، سوسن تفرك ظهر اختها: _ أيوة يا أختي قوي نفسك عشان صقر وحيدك، قوية عشان يقوى وما ينهار يا سامية، عاد معك هو بس لا تخسريه.. سامية شدها كلامهم قليل ومسحت دموعها: ص...صقر يا روح أمك.. صقر مسح دموعه وشاف لها ودموعه ينزلوا ورجع مسحهم وعيونه ما يبانوا من كثر الإحمرار يلي دفنهم ودفن وجهه، وفتحت يداتها: _  ت..تعال يا روح أمك لحضني تعال هئ هئ (صقر وقف ودخل ببطء يحس بسومة لكن مسك نفسه) تعال يا روح أمك اهئ اهئ.. صقر ارتمى بحضنها كطفل رضيع لعل الحنان يدثره فيرتاح، انهال بكاء وسامية تضمه وتبكي: _  ب..بس يا روح أمك لا تبكيش يا صقر، (وتفرك ظهره وتبوس رأسه وترجع تحط رأسها فوق ظهره) لا تبكيش يا روح أمك بس.. _ ب..هئ هئ بس صفوان مات يا اماه اهئ اهئ، مات وم...وما اقدرش اشوفه.. سوسن انهارت بكاء وأسماء جلست وهي تبكي ما تحملت، ورزان تبكي وهي ضامة لمنى يلي تبكي، عبدالفتاح يحاول يأخذ نفس بس دموعه رافضة تخليه، م...ما عاد بيرسمني يا اماه، ما عاد بيصلي جنبي و..هئ هئ ويجلس يخربط بالسور واذكره يا اماه اهئ اهئ اااااااااااا، اااااااااااه يا اماه فراقه قهرنا وحرقنا، حرقنااا.. سامية ما قدرت تواسيه، عجزت أمامه ولكل حقيقة قالها، وجلست تبكي فوق ظهره وهو يبكي بقوة، والكل طلع صوت نواحه وبكائه، وأسماء تشوف له وهي مقهورة على حالته... @rewayatyamania المصدر الأول للروايات أيهم خرج من الديوان حق منصور: طيب يا اباه أنا بخرج اتغدى لي خارج بالمطعم.. منصور: أجلس اتغدى هنا قد عمتك بتسوي أكل أحسن من الزربيان حق المطاعم دا أكل مصري.. _ لا تسلم يا عم منصور، بس كدا أشتي اخرج أنفه عن نفسي قليل، حسام بالمستشفى عند أخته وصقر رجع بيتهم اليوم، والبقية مشغولين، وأنا ضابح واشتي اخرج.. عبد القادر: زي ما تشتي يا ابني.. _ مله فينه سامر ابنك يا عم، على أساس تعرفنا عليه بس... . البـارت 239 ◇ جُــرح القـريب غـريب 💔 👌🏻👇🏻 😍 _ مله فينه سامر ابنك يا عم، على أساس تعرفنا عليه بس ما شفتوش من لمن رجع عدن، حتى وأنا هنا ما اشوفه.. _ دا واصل خارج مع مجد والشلة حقهم، وكل ما يجي لهنا أنته مش موجود والعكس، خلاص بتصل له عشاء يجي وتقابله وتتعرفوا على بعض.. _ خلاص تمام، هيا بخاطركم.. عبدالقادر: الله معك يا ابني.. وخرج وهو يشوف الجوال، ولمار نزلت الدرج بالفنيلة والبنطلون وشعرها المنثور وآخذة راحتها للأخير، وشافت أيهم يلي رفع رأسه وشافها من فوق لتحت، وهي تشوفه وتمعط شفايفها، ودخل جواله بجيبه وبغضب: _  الآن أنتي ما تستحيش على نفسك أو كيف، جالسة طلعة نزلة بالبنطلون والفنيلة كدا، عيب عليك استحي على نفسك.. _ هو ايه، يعني احنا في الشارع وأنا مش عارفة والا ايه.. _ أقول لك حشمي نفسك يا بنت خيرة الله عليك، شوفي سامر ابن عمتي ومجد داك واصل خرجة دخلة، عيب عليك يشوفوك كدا حرام عليك.. _ بس سامر ابن عمتي ومجد ابن عمو كمان، فأعتقد ملكش دعوة.. أيهم راح لها بغضب وهي رجعت للخلف بخوف وهو مسك يدها وشدها لعنده بقوة ويهزها: _  اسمعينيا يا لمار، أنا متحملك كدا الله أعلم لمتى، خليك أخت عاقلة أحسن جناني بيطلع عليك، ووقته لا أبي ولا أحد بيقدر يمنعنا من إننا اربيك، تسمعينا.. ودفعها وهي قرحت: هو أنته ايه مبتفهمش يعني، بقول لك دا ابن عمتي والتاني ابنه لعمو بلال، وفيها ايه لو شافوني باللبس دا.. أيهم مسح وجهه بضيق: يا الله صبرنا بس، اسمعينا يا لمار، كلمتين والتالتة خليها لك، مرة تانية أجي هنا واشوفك كدا لابسة قدام ابن عمتي أو زوج عمتي اقسم بالله ما بيحصلش خير، ووقته قولي أيهم قال.. وخرج من الباب حق الديوان، وهي عصبت، ايه يا متخلف أنته، فاكر نفسك مين اه، فكر نفسك ميين، ااااااااه يا ربي بس من العيشة دي.. شيمَاء جت: مله ما لك تصيحي كدا أيش في؟ _ دا أيهم صاحب العنتريات والحلف بالله، عايزني البس جلابية زيكوا كدا، قال ايه عيب قدام مجد وسامر.. _ بس هو معه حق، وسامر ابن عمتك ما يجوزش تطلعي قدامه كدا بشعرك ولبسك.. لمار شافتها بإستهزاء وغضب: هو انتي ايه، شكل البنات صُحابك دول قلبوا لك عقلك وبقيتي زيهم.. _ بس دا حرام ومعروف عند الكل، ما يحتاج أصحاب عشان يقولوا لنا عليه يا لمار.. لمار تشططت غيظ من كلامه ودفعتها: يا شيخة اوعي كدا، قال حرام.. وراحت للمطبخ بسرعة، شيمَاء تنهدت: الله يعينك على نفسك يا لمار، الله أعلم آخرته أيش.. الباب اندق وشيمَاء راحت تفتح الباب وانصدمت لمن شافته واقف قدامها، شميز اسود طقم المعوز يلي عليه سير بني وبشرته باينة مع اللون وكان ماسك الجوال وأول ما شافها نزله.. كمال: ا..السلام عليكم.. شيمَاء: و...وعليكم السلام.. _ ا..العفو منك، بس اتصلت لأيهم قال أنه هنا وأنا جيت اشوفه، هو هنا؟ (شيمَاء بس تشوف له) أنا اسألك هو هنا؟ _ ه..هاه، ا...أيوة أيوة، ق..قصدي لا خرج قبل قليل.. _ اووو، شوفي لك على كداب، قال لي أنه هنا وأنا جيت، اووف منه، هيا شكرًا لك.. منصور خرج من الديوان ويداته بجيوبه، وشاف له وكمال كان رايح.. _ كمال.. كمال وشيماء لفتوا له، وهو راح لعندهم، أيش معك هنا؟ _ ا...أنا جيت اشوف أيهم اتصلت له قال لي إنه هنا طلع يكدب.. _ بس هو كان هنا، بس قال بيروح المطعم يتغدي له.. _ هاه، خلاص بلحقه.. ولف بيروح بس منصور وقفه: مله راعي اجلس اتغدى عندنا.. كمال انصدم وشيمَاء استغربت، كمال يأشر لعند نفسه: ا..أنا؟ _ أيوة أنته من عاده جدي.. _ ل..لا تسلم الله يحفظك أنا مستعجل وبروح لي.. منصور مسكه باليد: لا تعال فين بتروح والله بتجلس.. _ ا..اسمعنا يا سيد منصور أنا ما اشتيش والله بروح لي المطعم عند أيهم.. منصور سحبه للداخل وشيماء تشوف لهم: يا أخي اجلس على الأقل نشرب شي بارد (ولفت لشيمَاء) شيماء يا بابا سوي لنا عصير بارد نشربه.. كمال يشوف لشيمَاء وهي تشوف له: ت...تمام يا اباه الآن على طول.. وراحت للمطبخ ومنصور طبع ظهر كمال: حيا بك يا كمال حيا، هيا تعال ندخل الديوان هيا.. وراحوا هناك وجلسوا، عبد القادر شاف له: كمال!، حيا وسهلا بك.. _ الله يحييك يا عم عبد القادر، كيف حالك؟ وجلس مقابله، الحمدلله والشكر بخير، فينك ولا عاد شفناك؟ _ والله هنا وهنا، خرجات ومع العيال وكدا.. منصور جلس جنب عبدالقادر، ولف رجل على الثاني ومد يداته على طول الكرسي بعد ما سند ظهره له _ شكل ابوه ابو بكر بعد الصياح يلي حصل بيننا منعه يدخل بيتي.. كمال انحرج: ل..لا الله المستعان يا عم منصور، وبعدين حتى لو تصايحت مع أبي وكدا، أنا ما ليش دخل فيبه، الصياح والزعل يبقى بينك وبين أبي وأنا خارج الموضوع، لا ازعل منك ولا اقاطعك حتى لو قال لي.. منصور إبتسم: رجال يا كمال تعجبنا.. . البـارت 240 ◇ جُــرح القـريب غـريب 💔 👌🏻👇🏻 😍 عبدالقادر قرب من منصور وهمس له: مله قدك عارف أنه ابن ابو بكر، لو يعرف بيلي حصل بتكون مصيبة.. _ لا ما عليك، أصلًا اشتي استغل دا الشي لصالحي، ما عليك أنته (وشاف لكمال يلي يبتسم بخجل) حيا بك يا كمال.. كمال حرك رأسه: الله يحييك يا عم منصور.. في المطبخ، دخلت شيمَاء جري وبفرح ولمار تشرب ماء عند الثلاجة: _  ما لك ليه كدا بتجري؟ _ لمار لمار، شفتي داك الليد يلي التقينا فيبه عند الساحل حق البحر، داك الليد يلي جالس يتكلم بأدب واتأسف بدل أصاحبه مننا ومن أبي.. لمار بإستغراب: أيوة.. شيمَاء بفرح: جاء لهنا وهو الآن بالمجلس عند أبي وخالي.. لمار بإستغراب: وبيعمل ايه هنا وجابه ايه؟ _ مش عارفة مش عارفة (وضمت يداتها بفرح) مش مصدقة أنه هنا.. لمار عقدت حواجبها باستغراب: وانتي فرحانة كدا ليه فهميني.. _ م..ما ادريش والله، ب..بس كدا لمن شفته فرحت، حتى شوفي (وفتحت يداتها) يداتي يرجفوا وقلبي يدق بقوة، واااي يا ربي.. _ ايه العبط يلي بتقوليه دا، انتبهي تطبقي المقولة بتاع الحب من أول نظرة.. _ ااااااه يا لمار مش عارفة مش عارفة، بس يا رب يكون كدا.. _ لا انتي شكلك كدا جنيتي رسمي، ايه التخريف دا، وعجبك ايه بالواد أصلًا؟ _ كيف أيش عجبني، هو وسيم وحليوة، وعاد لو شفتيه وهو لا بس المعوز ومسرح شعره، واااي _ لابس ايه؟ _ معوز م...اني الحق عليا اكلمك، انتي تشتي تلهيني، اوعي كدا خليني اسوي لهم عصير (وراحت تدور) امممم، بسوي له أيش من عصير مانجا والا تفاح والا أيش يا ربي (وشافت للمار)  لمار أيش اسوي له برأيك؟ لمار قلبت عيونها: لا انتي كدا بجد جنيتي، عصير ايه وهباب ايه، متبطلي جنان يا بنت انتي.. _ أبي قال لي اسوي له عصير، وبعدين فيها ايه، دا ضيف وضروري نضيفه وعاد اسمه كمال اتخيلي، ما شاء الله وسيم ومربوع الجسم ومأدب، كامل ومكمل.. _ يبنت بطلي كلام يمني ومصري وتكلمي معايا مصري حاكم مش فهمة عليكي خالص.. _ لا يا أمي فاهمة، أصلًا أمك الله يرحمه تعلمت من ابوك اللهجة العدنية وكانت تحبه، وعلمنك ياته والا نسيتي.. لمار ما ردت وباين زعلة وخرجت طوالي، مله راعي يا لمار اهادرك، اوووف منه، خلاص بسوي له عصير مانجا طبيعي اعصر له ياته، أيوة أحسن.. وراحت وطلعت حبتين مانجا وقطعتهم وعصرت له.. كانت تبكي وهي بحضن أمها وهو يصيح عليها بالصوت العالي، أقول لك كله منه يا نوال، لو ما خرجت من بيتنا وراحت تحتمي بأخوه تاجر المخدرات داك، ما كان كمال والحزام الأمني داهموا البيت وهربن وضاعن بنتي، كله بسببه يا نوال بسببه.. نوال: بس سارة ما لش دخل بهروب زينة، زينة خافن من العسكر والسلاح يلي معاهم وهربن، بعدين ربنا كريم وإن شاء الله بنحصله.. _ فين بنحصله وله تلاتة أيام ضايعة فييين.. راوية: ااااخ يا رأسي يا ربي آخ، بس يا ابني بس، قد ربي عاقبه وعرفن غلطه.. _ بعد أيش يا اماه، بعد ما ضيعن بنتي.. سارة ببكاء: بس يا خالد بس اهئ اهئ، ا..اني استحق أي عقاب، ب..بس ليش ربنا يعاقبني ببنتي وما اعرفش له اتر هئ هئ، ل...ليته موتني ولا ضيعه، بنتي فينه اهئ اهئ فينه يا اماه.. رغد: خلاص يا خالة اني افدا لك بطلي بكاء، عاد الأمل موجود دام ربنا موجود، وبعدين قد نزلنا الخبر في الجرائد ومواقع التواصل وإن شاء الله نحصله.. _ رضية: يا ابني ارحم نفسية مرتك الحامل، الضغط والزعل بيأتر عليه هي والجاهل يلي ببطنه.. خالد بغضب يمسح وجهه ويدعك انفه: خليه تموت، ما يهمناش، كل يلي يهمنا بنتي وبسس.. سارة بكت أكثر، وراوية وقفت: بس يا خالد أيش تقول، بس بطل الصياح.. خالد بغضب أكثر لمن خوفهم: لا ما ببطلش يا اماه، كله بسببه وهي لازم تدفع التمن.. نوال وقفت: خالد بس أيش حصل لك؟ خالد ماسك جانبي رأسه ويترنح: ما لكش دخل انتي، (وأشر لعند سارة) دي لازم تموت، و...والله لو يحصل لزينة شي إن انا بقتلك ويلي ببطنك يا سارة.. سارة ضمت أمها أكثر وهي تربت على ظهرها: بس يا خالد أيش تقول حرام عليك.. رغد ضامة يداتها بخوف: ل..لا حرام ولا شي، دي بنتي يا عمة رضية بنتيي، والله إنك بعده ل..لو يحصل له حاجة..