اكتب ياصغيري - الفصل 44 - بقلم ضاقت انفاسي - مكتملة | روايتك

ناظرته باستغراب من جنانه ما تدري وين رح يروح فيها ...عقدت حواجبها لما لف و استقر فيها قدام شقتها ...عقدت حواجبها لما ناظرته وهو يكلمها بصراخ ما تشوف له مبرر: مو هذا الي تبغينه ؟! خلاااص ارجعي لشقتك !! يلا انزلي!!! ما أدري ليه عقلك ما هو قادر يستوعب إني رفضت الزواج من غيرك ...وكلها لعبة لعبها علي أبوي...بس خلاص أنا مليت ...وما رح أرمي نفسي على ناس ما تبغاني!!..وما رح أبرر لأنه الكلام معك ضايع!! زفرت وهج بضيق بعد كلامه ...ما تدري وش يخبص ما يبغى الزواج إلا منها ...ومن قبل خبرها ما يدري عن زواجها منه ...ما تدري عقله ضارب وإلا وش مشكلته...ما عادت تفهم له!! فتحت الباب بهدوء ونزلت بدون ما تناظر له ...يمكن اكبر غلط ارتكبته رجعت لسراج ... أحياناً البعد أفضل من القرب... تابعت خطواتها للشقه ..حمدت ربها إنها معها نسخه ثانيه من المفاتيح وإلا كان الحين توهقت ..زفرت والضيق يعتريها ... وبداخلها شيء يصرخ لا تعقدي الامور وارجعي له ... عضت على شفتها من الحسره ..مجرد دخولها للشقه رح تتخربط الأمور من جديد ...ومع ذلك تجاهلت قلبها وتابعت خطواتها بدون ما تلتفت للخلف!! دخلت للداخل خطوة... تنفست بعمق وهي تحس بالاختناق...لفت حتى تقفل الباب ..سرعان ما جحظت عيونها باستنكار وهي تشوف سراج دخل خلفها مباشره وقفل الباب وهو يرسم ابتسامه عريضه!! لحظة لحظة هذا الي دوبه يصارخ وحالته وحاله وإلا استبدلوه ...وبانفعال نطقت وهي تحس نفسها ارتكبت جريمه بتواجده معها: وش تعمل هنا!! نطق بروقان وهو يتجول بالشقه: دام إنك ما تبغين تنتقلين لبيتي ..خلاص أمري لله أنا أحمل قشي وأعيش معك هنا!! مو يقول المثل الي ما ييجي معك تعال انت معه!! ختم كلامه بابتسامة مستفزه!! فتحت عيونها باستنكار لكلامه: نعم ؟! نطق بحاجب مرفوع : ونعامه ترفسك إن شاء الله!! تابع تجوله وهو ينطق بعدم رضا: وش ذوقك الخايس بالبيوت !! إما تعيشين بخرابة أو تعيشين بشقة صغيرة ... أنا متأكد لو أتمدد إلا تطلع رجولي من الشباك!! تابع خطواته للمطبخ ..ناظره بتقييم وبعدها ناظر وهج الي تناظره بصدمه من تطفله: كيف تطبخين هنا ..صغير حيل !! ..للحين على عادتك كل شيء فوضى ؟! فتح الثلاجه وهو يناظرها بتقييم ...كانت شبه فاضيه ..قفلها وهو ينطق باستغراب: ناويه تعرضيها للبيع ؟! نطقت بقوة وقهر من تطفله: وش يخصك؟! نطق باستفزاز: والله ابغى اطمئن على كرشتي ..تراني ميت جوع ..من الصبح وأنا منشغل بزواج الزفته سوار ...وللحين على لحم بطني ...والحين وش رح تعملين لي أكل ؟! جهزي أكل حتى أشوف باقي المكان!! تحركت خلفه قبل ما يدخل الغرفه الي يناموا فيها .. وكأنه ينقصها فلسفته على ذي الغرفه ...وبسرعه تحركت وقفت بطريقه ...تمنعه من الدخول للغرفه ...عقد حواجبه باستغراب: ليش ما تبغين أدخل هنا!! وهج ونفسها يهبط ويصعد من الانفعال: انت ما تحترم خصوصيات العالم!! أبعدها عنه وهو ينطق: غرفة ولدي وزوجتي ما في احد غريب عني!! صفر بذهول أول ما فتح باب الغرفه ..وبتعجب نطق: هنا صاير معركه ؟! وش فيه صاير ؟! شدت على أسنانها بقوة من وقاحته: سراج ترى ما أسمح لك !! ناظرها بابتسامة واسعه: ترى أمي بطريقها رح تمر هنا وتأخذ أغراض لك ..ما هي حلوة تدخل لهنا وتشوف كل هالفوضى!! فتحت وهج عيونها بصدمة ...كيف نسيت ذي النقطه .. تحركت لداخل الغرفه ترتب الحوسه ..بس وقفها سراج وهو يمسك يدها: لو أخذتي الأغراض بنفسك رح تفهم أمي إنك ما تبغينها تدخل الشقه لوحدها وكأنك ما تثقين فيها !! عقدت حواجبها وكأنها تسأله وش رح تعمل!! نطق بابتسامة : انت جهزي شيء أتناوله لأني ميت جوع ... وأنا أرتب أغراضك بالحقيبه!! خزته بقوة ما بقى الا هو ..نطقت بقوة : انت لا تتدخل بشيء! وبحركات سريعه دفست الأغراض بالحقائب بدون ترتيب .. يناظرها والإبتسامة مرسومه على ملامحه ..عادتها ما تغيرها ...وهج والفوضى ما يتفارقوا....وضعت الملابس بالحقيبه بدون ترتيب ...وبوقت قياسي كانت الغرفه خاليه من الفوضى!! تنهدت وهج بعد هذا الانجاز ...ناظرته وهو يضحك بخفه!! هزت رأسها بأسف ..وبداخلها ما تدري تتعامل معه ...وقبل ما تنطق تكلم سراج بجديه وكأنه ناصح ومهتم لمصلحتها: تحركي نطلع قبل وصول أمي ... إذا شافتك اكيد رح يحز بخاطرها ... وكأنك ما تثقين فيها تأخذ أغراضك ... عقدت حواجبها كم مره عاد هالسالفه ..وبرفض نطقت: ما رح تقول شيء .. لأنها رح تعرف إني ألغيت رجوعي!! احتقن وجه سراج بالقهر .. سرعان ما استدرك نفسه وارتسم الهدوء على ملامحه بعد ما ضبط نفسه بقوة لزوم ما ينفعل ...وبنبره هاديه نطق وهو يجلس على السرير : مثل ما تبغين ..الحين لما توصل رح أكلمها بالموضوع حتى تتفهم.... ما له داعي تأخذ أغراضك ..رح أخبرها إنك رافضه تعيشين معهم بنفس البيت وتبغين أعيش معك بشقتك ... وأنا ما عندي مانع ..لو بخيمه اجلس معك ؟ ختم كلامه بابتسامة مستفزه!! تحس انتفخ وجهها من القهر ..هذا وش يخبص ..وش يعيش معها هنا ...وبنفس الوقت يكذب على لسانها إنها ما تبغى تسكن مع أهله ... وبقهر نطقت:انت قاطعها بروقان وهو يناظر انفعالها: اعتقد امي على وصول .. اختاري إما نعيش هنا أو تتحركين معي لبيتي ...وتأكدي ما في فكه عني... صكت على أسنانها بقوة من وقاحته ...ضربت الارض من القهر وخرجت من الغرفه وهي تردد على مسامعه: وربي إلا أطين عيشتك !! ضحك بخفه بعد خروجها..سرعان ما اكتسى ملامحه الضيق من الكره والجفاء الي تحمله وهج له!! تنهدوبقلة حيله تحرك خلفها يشوف النهاية مع هالمجنونه!! ** ** ** رفضت تدخل للداخل جلست بالحديقة تنتظر وصول أم سراج حتى تأخذ الصغار ..الصمت يخيم عليهم وكل واحد غارق بأفكاره وكأنه بعالم لوحده .... تناظر المكان بحنين اشتاقت له ...كانت أيام جميله عاشت فيها هنا ...ما كانت أيامها سيئة أبدا هنا .. حتى بداية زواجها بالرغم من النفور الي كان بينهم إلا إنها كانت تحس بالراحه والأمان هنا. ... رفعت نظرها لما نطق سراج بهدوء: وش تستفيدين من الجلوس هنا؟! تعالي بدلي ملابسك فوق قاطعته بجمود بدون ما تناظره: رح انتظر خالتي تجلب الأغراض قاطعها وهو يخزها: عادي خذي من ملابسي ..ناسيه لما عملتيها من قبل!! ناظرته بطرف عينها بغيض ..وبنغزه نطقت: ما له داعي للمخاسر ...خساره تتلفها بعد ما ألبسها !! ابتسم بروقان: ما رح اتلفها !! ما ردت عليه واكتفت بالصمت ...لحظات ونقزت من صراخه عليها: وبعدين معك ؟! أقولك تيس تقولين احلبوه؟! وش مشكلتك معي وحاقده علي وكأني سارق حلالك ؟! قلت لك من قبل ما كنت بوعيي ...وحتى الرساله ما أدري قاطعته وقلبها يدق بقوة من بعد ما ارعبها من صراخه:انت وش مشكلتك معي .. كل شوي بوجه؟؟ ساعه رايق وساعه تصارخ علي!! ارتخت ملامحه وحس إنه انفعل زياده .. ابتسم وهو ينطق بملامح بريئه: لا تلومني ..ترى ما هو مني ..هذا الجني الي بداخلي يعمل كذا ...ما ادري عنه ليه كارهك هالكثر ..اقوله تراها لطيفه ووديعه بس يقول لا تغرك تراها شريره وما عندها قلب؟! عقدت حواجبها وهي تخزه: والله ؟! قلت لي جنجونك هو الي يعمل فيك كذا ؟! على أساس إنك تشافيت من السحر ... ابتسم ابتسامه عريضه: ايه تخلصت من السحر ...بس لما سحرتيني بجمالك تلبسني هالجن وما هو قابل يطلع حتى ترجعين قاطعته بعبوس حضرته شايفها محتوى جالس يتمسخر عليها:ترى ما أحب الكلام الناقص والي بدون معنى !! هز كتزفه ببراءة: بكيفك لا تصدقين ...المهم لا تلوميني على تقلباتي ... إذا كنت رايق اعرفي إنه جنجوني على قولتك نائم وإذا عصبت اعرفي إنه صاحي ومعصب !! زمت شفتها بملل من كلامه السخيف: وليش يعصب ؟! توسعت ابتسامته وهو يناظر ملامحها حتى يشوف رد فعلها: لأنه ما يحبك وما يبغاك ..كان يبغاني أخطب بنت أخوه يقول حلوة وانيقه ولسانها دافي ما هو مثل هاللبوة الي متزوجها!! هزت رأسها وبداخلها قهر من كلامه ..وبكل وقاحه يتكلم إنه ما يبغاها ويتحجج بسالفه الجن حتى يوصل لها مشاعره . .لكن ما هي وهج إذا أظهرت له قهرها ..وببرود نطقت ولا كأنه يهمها كلامه: ترى عادي ما عندي مشكله ..مثنى وثلاث ورباع... تزوج ابنة أخوه لجنجونك لعل عسى تسحبك لعالمهم ونخلص من أنفك الي رافعه على قلة سنع!! ختمت كلامها وصدت عنه وهي تناظر جهة البوابة تنتظر رجوعهم!! أما سراج حس وكأنه أحد صفعه على وجهه من كلامها .. اخخخخ من لسانها ..نطق بغيض وقهر من ردها: ما ألوم جنجون يوم كرهك لأنك بغيضه ولسانك يبغى له قص!! ختم كلامه وناظرها وهي تضحك بروقان...زمان ما شاف ضحكتها ...ومع ذلك اكتسى العبوس ملامحه من كلامها... إذا ما طلع هالحركه من عيونها ما يكون اسمه سراج ...هز رأسه بتوعد الا يرد لها هالحركه نطق بحاجب مرفوع: ليه تضحكين ؟! ما تخافين الحين يسحبونك لعالمهم ويخلصونا من عقلك اليابس!! زمت شفتها للحظات بعدها ارتسمت ابتسامه عريضه على شفتها وهي تنطق: وليه رح يسحبوني؟! نطق بطريقه احترافيه فيها خبث وهو ينطق بصوت خافت مع الإضاءه الخافته دب الرعب بقلبها لما وصلتها همساته وهو ينطق: لأنهم يحبوني ورح يبعدون كل شخص يضايقني !! الحين بس إشاره مني ..يسحبونك لعالهم !! حست شعر رأسها وقف بسبب نظراته الخبيثه وصوته الخافت الجاد وأجواء الليل ... بالرغم إنها عارفه هذا الشيء خرافه ومستحيل ...ومن الرعب نسيت إنها محصنه نفسها ...بلعت ريقها وهي تشوف نظراته مسلطه خلفها .. وكأنه يناظر احد خلفها وينتظر منه الإشاره ينقض عليها ..معقول بعد السحر صار يتعامل مع الجن ...من شدة الرعب ما قدرت تلتف خلفها حتى تقنع نفسها إنه يمزح وما فيه شيء من هذا القبيل!! حست النفس وقف لما أشر على رقبته بحركه القتل .. وكأنه أعطى إشاره لأحد من خلفها يقتلها ...وبدون وعي التفتت والدم نشف بعروقها.. لحظات وصرخت من كل قلبها لما مر شيء مثل البرق من قدامها ... وقفت برعب حتى تهرب ما تدري كيف تعثرت واصطدم رأسها برأس سراج!! لحظة وش جاب سراج لهنا ..كان جالس والأهم ليش صرخ وملامحه مخطوفه!!! سراج يحاول يهدي أنفاسه ..كان يمقلب فيها ما يدري من وين طلع بوجهه هالخفاش ..من الرعبه صرخ وولما بغى يهرب تدعثر وضرب رأسه برأس وهج!! يفرك مكان الضربه .. نطق بعبوس:الحين عرفت سبب العناد الي برأسك ..حشى رأسك صخره!! وهج تفرك مكان الضربه بعبوس: قول لنفسك وكأنه حديد فلعت لي رأسي!! رجعت جلست مكانها وبداخلها تدعي على هالخفاش ظنته للحظه جني طيار ...وبلحظة ادراك رفعت حاجب وهي ضاغطة على جبهتها مكان الضربه: على اساس عامل نفسك جني ومسيطر وحالتك حالة ...فشيله لو احد سمع صراخك!! حرك شفته بقهر من سخريتها ..كان يبغى يتسلى ويمقلبها انقلب السحر على الساحر ... نطق يرقع: أنا لما صرخت صرخت عليك علشان تسكتين فضحتينا بصوتك!! خزته بقوة: احد يصرخ على الثاني علشان يسكت ويقول له " ااااااااه" ترى ما بقى تقول إلا " يمااااااامي" ختمت كلامها بضحكه رنانه... انقهر من ضحكها .. اخ لو يرد لها هالحركه ..وقف وكله قهر : خليك هنا يا شجاعه .. أنا داخل للداخل ..وانتظري أهلي لوحدك !! حست نفسها تورطت والمكان مرعب بالنسبه لها ...بس إذا دخلت رح يتمسخر عليها إنها جبانه وهربت ... رح تجلس وتثبت نفسها إنها ما تخاف من شيء ..وما تنسى إنها محصنه نفسها ..وما رح تخاف!! سرعان ما وقفت لما وصلها صوت سراج وهو ينادي بأعلى صوته بنبره مستفزه: انتبهي ورااااااااك !! ما عندها الجرأة تناظر خلفها وبسرعه البرق كانت عند الباب !! سراج وازن نفسه لما دفته ودخلت قبله ..صدق إنها جبانه !! نطق وهو يدخل خلفها وبداخله يشكر الخفاش الي قدر يقنعها تدخل: اخص يالقويه!! ردت وقلبها يخفق ..ما تمري ليه مرعوبه : أنا بنت وشيء طبيعي أخاف وأصارخ قاطعها وهو فاهم كلامها: أقول انكتمي .. ليش الي يجلس ويسمع صراخك يبقى فيه عقل ...تنفعين تشتغلين بمدينة الأشباح!! ختم كلامه وتوجه للجناح وخاطره متكدر بسبب وهج!! وهج ناظرت من حولها برعب ..كيف تجلس بالصالة لوحدها ...بس بنفس الوقت ما رح تطلع للجناح رح تنتظر الصغار هنا!! لحظات ورجع سراج وبيده قطعه ثلج ..اقترب منها ومد يده: حطي ثلج مكان الضربه!! مسحت على مكان الاصطدام وحست انه منتفخ بسيط ... أخذت الثلج ووضعتها وهي عابسه ملامحها ...لحظات وتحركت ترميها للزبالة ...رجعت والسكون يحيط بالبيت ...السكون بالنسبة لها مرعب ...تعترف بداخلها إنها جبانه ...للحين ما تخطت الكلب والشخص الي شافته بالبيت ما تدري كانت تتوهم من الرعب...بس الحين مرعوبه لحد النخاع..حتى سراج خايفه منه ...معقول متلبسه جني ...بتردد رفعت نظرها له حتى تشوف إنه انسان طبيعي او لا ؟! سرعان ما جحظت عيونها برعب وهي تشوف عيونه مسلطه عليها ...رددت بخفوت " بسم الله بسم الله" ما تدري هذا مين مسلطه عليها!! طلعت جوالها تشوف وين خالتها تأخرت...عقدت حواجبها وهي تشوف رسالة من ام سراج ...اول ما فتحت الرساله وشافت المحتوى ..جحظت عيونها من الرعب " وينك اختفيت جالسه ادورك حتى نرجع للبيت ..سراج معي ما أبغى يتأخر بسببنا" ارتجف فكها ...لحظة ناظرت ساعه الارسال..قبل دقائق ...اذا كانت ام سراج وسراج بالقاعه ...هي هنا مع مين ؟! رفعت نظرها برعب وناظرت سراج جالس يناظرها بنفس النظره ....عقلها ما عاد يستوعب شيء ...كيف الجني تشكل على شكل سراج وأمه ؟! والحين وش موقفها لو رجعوا وهي جالسه لهم بالبيت !! والأدهى كيف جالسه مع الجني بذاته ...تحس ريقها نشف ..تحاول تبل ريقها بس ما في ..قلبها رح يتوقف بأي لحظة ...لزوم تهرب بس رجولها ما عادت تحملها ..يدينها ترتجف بقوة .. حتى شفتها. .. صرخت بهستيريا لما تحرك سراج لجهتها ...وكلما يقترب تنهبل زياده ...صرخت صرخت وبعدها ما تدري عن شيء!! سراج لما طلع فوق للجناح أرسل لها رساله من جوال أمه ..يبغى يطقطق عليها ...كان يبغى يضحك وهو يشوف ملامحها لما فتحت الجوال ..ما توقع المقلب يمشي عليها بذي السهوله.... توقع تكشفه أو تتصل على جوال امه ... أما إنها تصدق بذي السرعه ما توقع ..تحرك من مكانه حتى يخبرها إنه مقلب ...انقلبت ملامحه وهو يشوف رعبها وصراخها .... اقترب وهو يقول لها مقلب مقلب بس ما في فائدة ما تسمع منه ولا شيء ...لحظات كانت ساكنه ما في منها أي حركه ... حاول يهز فيها يحركها بس ما تحركت ...يحس الرعب دب بقلبه معقول صار لها شيء .... ناظر اهله الي وصلوا ويناظروا الموقف باستغراب وملامح سراج أرعبتهم !! تحرك سراج وبسرعة مسك كوب المويه ..يمسح على وجهها حتى تصحى ... سرعان ارتاح لما بدأت تستعيد وعيها ...تنفس براحه لما فتحت عيونها بعبوس ... ام سراج اقتربت منها وجلست عندها وهي تذكر الله ... زفرت بتعب ووهن ...ناظرت سراج بعبوس ...وقبل ما يستوعب عقلها الي صار معها ..نطق سراج بسرعه: صدقيني مقلب ...هذا أنا وأمي وأبوي وروريد ..التفت سراج على رويد الي واقف يناظر باستغراب: تعال رويد !! ابو سراج ما فهم كلام سراج ..اي مقلب وش يخبص بالكلام!! رويد اقترب منها وحضنها وهو ينطق بزعل: ماما ليه تأخرت علينا!! مسحت على رأسه وهي تؤكد لنفسها هذا حقيقي !! مالت رأسها بخفه وناظرت ورد واقف بعيد عنها ويناظر والتردد والخوف بعيونه ...مكان جديد عليه .. وأكيد يشعر بالغربه ...مدت يدها له وبصوت خافت متعب نطقت: تعال ورد!! تقدم بتردد وهو يوزع نظره بين الموجودين ...اول ما اقترب منها بدأت دموعه تنزل بخفه ... ابعدت رويد عنها وأخذت ورد بحضنها ..ما تردد دفن وجهه بحضنها ..وصوت بكاء ورد يتردد بالمكان ...ما تدري ليه يبكي .. معقول أحد زعله ؟! مسحت على شعره بخفه ..همست بإذنه : يا قلبي ليه تبكي !! ما رد ورد وهو مستمر بالبكاء!! سراج يناظر المشهد بهدوء وبداخله يحمد ربه مر الموضوع على خير وما صار لها شيء ..توبه يعمل مقلب فيها ...كان للحظه رح يفقدها بعد ما نشف ريقه حتى رجعت له!! ناظر رويد عابس ملامحه بزعل وهو يناظر ورد بحضن أمه ...مشاعر الغيره واضحه بعيونه ... مسح على شعره بخفه ..اول ما ناظره رويد ابتسم له ... سرعان ما عقد حواجبه لما ناظره رويد بعبوس وكأنه يقول له مو ناقصك!! صدق إنه وقح مثل أمه !! أبعدت وهج ورد عن حضنها بلطف ..مسحت له دموعها وهي تسأله عن سبب البكاء بس ما لقت منه إجابه!! رفعت نظرها لأبو سراج الي جلس وهو ينطق باستغراب: ترى أحس نفسي غايب طوشه!! وش صاير ؟! وليه وجهك شاحب كذا؟! سراج نطق بسرعه حتى ما يتورط مع ابوه اذا عرف بالمقلب: هذا من المكياج بدأ يزول ..تعالي وهج غسلي وجهك من هالخرابيط!! ناظرته وهج بعبوس ...فوق وقاحته يتكلم كذاة..ناظرت ابو سراج الي نطق بإصرار: أنا أسأل عن فقدان الوعي ؟! وش فيه ؟! سراج بلع ريقه بتورط ...نطق بتبرير: لا ما في شيء ..بس هي خافت رويد وورد ما تجلبوهم معكم !! ابو سراج خزه بتكذيب: هذا سبب لفقدان الوعي؟! ناظر وهج مباشره وسألها: وش صار يا ابنتي!!! وهج فرصتها رح تراويه كيف يمقلبها كذا ..للحظه حست نفسها رح تنجن ..نطقت بعد ما ناظرت سراج بتوعد وبعدها التفتت على ابو سراج : هذا يا عمي قاطعها سراج وهو يمسك بيدها ويسحبها : تأخر الوقت ..ناظري الصغار كيف النوم بدأ يداعب جفونهم ...صدقني يبه ما في شيء ..باكر نتكلم بالموضوع!! وهج بغت تعترض ...ما ترك لها فرصه سحبها بالغصب معه للجناح ومن خلفهم الصغار... ابو سراج ناظر زوجته بحواجب معقودة: ولدك وش مهبب مع البنت ؟! واضح إنه الغلط عليه ...يحاول بكل جهده يقفل الموضوع ! ام سراج تنفست براحه: نشف دمي أول ما دخلت وشفت الموقف ... أهم شيء رجعت لهنا من جديد .. وعسى ربي يبعد عنهم كيد الحاسدين !!! ابو سراج من كل قلبه: آمين آمين!!! ** ** ** ** اليوم الثاني طلع من الغرفه وقف على الباب وهو يناظر وهج والصغار بالصاله ..فرك وجهه حتى يتأكد إنه حقيقه ما هو حلم...ابتسم وهو يشوف الفوضى بالمكان ..هذا أكبر دليل على إنه واقع...اقترب منهم وهو ينطق: صباح الخير!! رويد ترك القلم الي بيده وركض لسراج : بابا !! وهج تكدر خاطرها وهي تناظر ورد يناظرهم بصمت ...ما تدري ليه يكسر خاطرها بقوة ...اقتربت من ورد ونطقت بابتسامة له: روح سلم على بابا!! ورد ناظرها باستنكار: بابا!! وهج هزت رأسها : ايه ابوك ..أنا ماما وهو بابا!! سراج ناظرها وهي تكلم ورد .... اقترب وهو يشوف ورد متردد وباين عليه التردد والإحراج ..جلس على الأرض قريب منه ..نطق بابتسامة: ما تبغى تسلم علي!! ورد ناظره للحظات وبعدها نزل نظره بحرج ...قرص خده بخفه : يلا يا بطل!! ناظر وهج بتردد ...هزت رأسها وهج تشجعه حتى يسلم عليه ... مد يده بتردد ..سرعان ما وقف سراج وحمله وقبله وهو ينطق بابتسامة عريضة: وش فيك مستحي؟! وقفت وهج وهي تناظرهم بابتسامة سرعان ما ضحكت من قلبها وهي تناظر رويد الي كان عباره عن بركان ورح ينفجر..وزاد غضبه من ضحك وهج ...وبدون تردد ركض عند ابوه وتعلق برجوله وهو يردد : هذا بابا لي أنا! هزت راسها بأسف من الغيره الي يحملها رويد ..ما يبغى احد يقرب منها والحين يعمل نفس الشيء مع سراج!! نزل سراج ورد على الارض ..نطق وهو يكلم رويد: هذا اخوك ...رضع منك صح يا وهج؟! وهج هزت رأسها : ايه إخوة رضعوا مع بعض!! سراج رجع يناظر رويد: انتم إخوان قاطعه رويد بزعل: لا سراج عبس ملامحه: اعوذ بالله عنيد هالولد ..ما ادري لمين طالع كذا رأسه يابس؟! ختم كلامه وهو يخز وهج ..عقدت حواجبها من كلامه : لا يا شيخ ..الي يسمع يقول إنك قاطعها بابتسامة مستفزه: الكل يقول عني شخص مسالم وما يعاند على غلط مطت شفتها بسخريه: كثير مسالم ..واكبر دليل زوج أختي !! انقهر الحين رح تذله على ذي السالفه وإنه ذابح نفسه علشان ترجع له .. اخخخخ كيف خسر الرهان ...كيف عجز وما قدر يخليها تهوجس باسمه ...يصير خير يا وهج اذا ما خلاها تنام وتحلم فيه ما يكون سراج ... وبعبوس نطق: لا يروح ذهنك لبعيد ..بس انا ما أقبل شيء كان ملك لي أحد يأخذه !! اشتاظت من الغيظ يعني حضرته السالفه تملك ... نطقت بقوة: ترى انا مو ملك لأحد ...وقبلت وإلا عمرك ما قبلت ... حياتي واختارها بنفسي!! ولولا رويد صدقني ما رجعت قاطعها بابتسامة مستفزه: وأكبر دليل ملكت قبل وصولي خفت أطير منك او أغير رأيي!! شدت على قبضة يدها بقوة: الحين رح تشوف كيف اخليك تطير يمكن تلاقي خفاشه تناسبك ؟! مسك يدها قبل ما تتهور هالمجنونه ما يستبعد عنها تزعل وتطلع من البيت ..نطق بسرعه: ولا ألف خفاش ابدله فيك !! عقدت حواجبها الحين يمدح فيها والا يذم فيها ...نطقت بعبوس: تشبهني بالخفافيش؟ هز رأسه بالنفي: لا والله ...وش جاب هالقمر لهم ..صدقيني انت اجمل ما خلق ربي !! خلاص وهج فكيها هالعقدة وتعالي نجلس نشرب قهوة . ناظري الصغار يناظرون!! زمت شفتها بعدم رضا ...رح تخليه يركض خلفها وهو ما يشوف الدرب ... توجهت للمطبخ ..تجهز القهوة وصوت سراج يتكلم مع ورد يحاول فيه ما يلحقها ..تتمنى من قلبها ورد يتعلق بالحياة الجديده ..وما تتكون عنده عقد بداخله!! زمت شفتها باحباط وهي تشوف ورد خلفها ..يحتاج وقت حتى يتعود .. نطقت بعتب: اجلس مع بابا؟ هز رأسه بعبوس: ما أحبه!! ابتسمت لما قاطعهم سراج بعد ما سمع كلام ورد : ما ألومك دام أختك تكرهني وش ارتجي من أخوها !! ضحكت وهج بخفه بعدها نطقت: ما في شيء للحين يشفع لك حتى تتغير نظرتي عنك ... نطق باتهام: انت حاقده علي علشان المقلب وهج هزت رأسها بتأكيد: للحين ما سامحتك نطق بتبرير: ما كنت ادري إنك جبانه قاطعته بتهكم: وما كنت أدري إنه طينتك ثقيله. .هذا مو مقلب ..يا اخي إذا مو طايقني وتبغى تتخلص مني ..عادي قولها بالمفتوح وأنا أغادر ما له داعي أموت علشان ترتاح مني!! حملت القهوة وتحركت خارج المطبخ وهو يجاريها بخطواتها : لا تكونين حقوده .. قلت لك مقلب وما توقعت تصدقي المقلب ..واعتذرت لك ..لا تخلين قلبك أسود!! هزت رأسها بهدوء بعد ما جلست : صدقني إذا كررت هالمقلب ما أضمن لك رد فعلي!! نطق يغير مجرى الحديث عن المقلب: ما توقعت اشوف شعرك طويل ..توقعت للحين بويه!! مسحت على شعرها لا إراديا...ما تدري يتمسخر عليها ... تجاهلت كلامه وما علقت على شيء... تنهد بعد ما شاف منها إجابة ..ما يدري اي جنون تمتلكه حتى تقص شعرها ...صدق لما قالوا جمال المرأة بشعرها ....عندها هالنعمه وبكل برود تروح تقصها ...التفت على ورد يلعب مع رويد وعيونه على وهج كل شوي واضح متعلق فيها ...نطق بتعجب: واضح أمك كانت تتوحم عليك حتى انجبت نسخه منك !! مطت شفتها بابتسامة ونطقت وعيونها على رويد: يقولون اذا انجبت المراه ولد يشبه لها يكون زوجها يحبها أكثر مما هي تحبه!! ختمت كلامها وناظرته بحاجب مرفوع !! وكأنها تقول له وش رأيك بهذا الكلام!! ضحك سراج على كلامها ..واثقه من نفسها ...نطق يرد لها كلامها: ترى لما كنت حامل فيه ..كنت مسحور ومو طايق اشوف وجهك ... وإذا موجوده ما ادري عن هوى دارك!! انتفخت ملامحها بقهر من كلامه: لا يا شيخ انا الي كنت قاطعه وهو يحرك حاجبه باستفزاز: حاولت بكل الطرق ما تنفصلين عني ..ادري بك اعترفي!! صكت على أسنانها بقوة ..يتكلم بثقه وكأنها هي الي تراكض خلفه ...ضبطت أعصابها حتى ما تنفجر بوجهه ...وما رح تعطيه مراده باستفزازها ....حرك حواجبه بطريقه مستفزه لما ما شاف منها رد : وش فيك ساكته ؟! ...مو قادرة تكذبين وتقولين كلامي غلط ...خلاص ما له داعي تعترفين!! نطقت بجمود والعبوس مرتسم على ملامحها .. علشان كذا شايف نفسه عليها يظن إنها تراكض خلفه : ممكن أعرف دامك لذي الدرجه كارهني ليه قاطعها بنفي: ومين قال اني أكرهك بالعكس قاطعته بقوة: بالعكس ؟! والرساله أكبر دليل!! مط شفته بضجر: يا ذي الرساله الي علقت عليها ... اقولك ما كنت واعي وما ادري وش اصابني لما كتبتها ؟! نطقت بانفعال: ما تدري ؟! وأفعالك الحين تؤكد كل كلامك ...حتى الملكه ما كلفت نفسك تحضر ..والحين كلامك وكأنك الملاك الي تتسابق كل الناس لرضاه ...كل شيء يدل ويؤكد إنك ما تبغاني ..تعرف صدقت بشيء واحد كتبته ...لو عندي كرامه ما بقيت على ذمتك!! قاطعها بنفي: انا كتبت كذا ؟؟ نطقت بقهر: وكتبت ازفت من كذا !! نطق بانفعال وهو يشوف الامور بدأت تخرج عن السيطره والنقاش ما رح يرسي على خير : تراك بالغت برد فعلك على الرساله مع اني اعتذرت وقلت لك ما ادري وش أصابني لما كتبتها..بالمقابل انا ما حاسبتك ولا على شيء من أفعالك الماضيه ؟! عبست ملامحها: أفعالي؟! نطق بقوة: ايه أفعالك مع ريان!! ارتخت ملامحها وبلامبالاه نطقت: ما لك حق تحاسبني وانا مو على ذمتك ... أتزوج أموت ما لك علاقه بهذا الشيء!! انقهر من برودها: والله!! تتكلمين بكل برود ...ترى أنا أتكلم عن حركاتك وانت على ذمتي لما كنت بالجامعه ؟! ناسيه سكن الطالبات... ما عمري حققت معك كيف وصلت صورك لريان ... طول الوقت يتغزل بخطيبتي وانا الغبي جالس معه ما ادري عن الطبخه!! وهج حست وكأنه احد سكب عليها مويه بارده: صوري؟! أي صور؟! زفر بضيق بعدها نطق: البنات الي معك اعطوه صورك ومن يومها كان يلاحقك حتى يعرفك ويخطبك وما كان يعرف إنك وهج قالوا له اسمك فجر!! تحس كلامه مثل الصدمات الي تضرب فوق رأسها ...صدق بهذا الزمن ما في امان ...نذاله ما عمرها شافتها ...شحب وجهها بزياده لما نطق: ترى البنات ما كانت اخلاقهم سويه ..كان يجلبوا الشباب للشقه وانت حضرتك جالسه هناك!! عضت على شفتها بقوة من القهر الي فيها .. لأي درجه كانت غبيه وسهل استغفالها ...كيف صدقت لما قالوا لها إخوانهم ... فعلاً مهما جار الزمن عليك ما في مثل بيت اهلك يحميك ....الناس كثير ما عندها لا ذمه ولا ضمير ..وبهذا المجتمع صعب تميز بين السيء والجيد .... رفعت نظرها لما نطق بعبوس: وش فيك سكتي ؟! وهج ناظرته ينتظر منها كلام ...ما عندها اي كلمة تعبر عن قهرها وسذاجتها ... تتمنى البنات يكونوا تحت يدها وتمسح فيهم الأرض ... كتمت ضيقها وبخفوت نطقت: ممكن تقفل الموضوع!! نطق بانفعال لردها: لما يكون الحق عليك مباشره تحاولين تقفلين الموضوع ... آه نسيت إنك الملاك الي ما تغلطين ..الحين عرفت ليه ابوك يسميك ملاك!! ابتسمت بمراره : والملاك ما تتزوج الا ملاك ..مثلك بالضبط دوم تشوف نفسك على حق وما تغلط ...وكل الناس غلط!! نطق بصوت مرتفع يعبر عن قهره: بس انت كل تصرفاتك غلط ؟! عقدت حواجبها باستنكار: تصرفاتي غلط ؟! تصرفاتي غلط لما تملكت على انسان ما عنده مسؤولية وما اعرفه ...تصرفاتي غلط يوم تلقى نفسك بالشارع بين ام وأب منفصلين ...تصرفاتي غلط لما تممت زواجي بدون وجود ابوي ...تصرفاتي غلط يوم كلفت نفسي فوق طاقتها وانا اراكض حتى اجهز أموري للزواج!! تصرفاتي غلط يوم قبلت أتزوج وقطعه وحده ما جهزت لهذا الزواج وكأني متسوله وزوجي يجلس يتنمر علي بدون ما يعرف ظروفي...تصرفي غلط يوم قبلت اكمل حياتي مع شخص دلوع الماما وكل شيء يبغاه يحصله...تصرفاتي غلط يوم تجاهلت كل سخريتك وطريقتك الزفت بالكلام معي!! ..تجاهلت كل شيء حتى نتجاوز ونبني حياة جميله .... تصرفاتي غلط وانا انتظر طول الحمل ينفك السحر عنك ..انا الغبيه وبالنهاية تم طلاقي بكل برود وكأنه شيء عادي ...وش تنتظر مني اصفق لك؟! زفرت بتعب وش تقول وش تخلي ...قلبها موجوع على الايام الماضية الي قضتها تراكض هنا وهنا !! سراج بخفوت نطق وهو يشوف ملامحها والضيق واضح عليها والعبرة تخنقها: وهج قاطعته والغصة تخنقها: أنا عشت حياة فوق طاقتي ..تحملت مسؤولية ثلاث اطفال بعمر متقارب ووظيفه وبيت ..ومع ذلك ما انحنيت لأحد ...انا انطفت بداخلي اشياء كثيره ..يعز علي إني ظلمت نفسي وما عشت لأجل نفسي ...وبكل بساطه تقول تصرفاتي كلها غلط ؟! لا تنتقد ولا تحكي على حياة انت ما عشتها ولا ناظرتها من قريب !! لا تفكر رجوعي لك ميته عليك ...اشكر رويد الي كان السبب قاطعها بحنق من كلامها ...هو معها إنها اكيد تعرضت لضغوطات كبيره ..بس تتكلم بوجهه إنها ما تبغاه: ما أحب اسمع هذا الكلام ...انت شخص عزيز علي وانا شخص عزيز عليك ..كل واحد منا تعرض لظروف اجبرته يتصرف بطريقه ما استساغها الطرف الثاني ...رجوعنا للحين لبعض فرصه حتى نمحي الماضي بتعبه وأحزانه ..خلاص أنا تعبت من كل شيء ...كل الي أبغاه ارتاح ونعيش حياة سعيده ما له داعي للنكد والأحزان ...لا تفتحي سيرة الماضي وانا مثلك ونكون طويناه مع بعض...اتفقنا!! نطقت بعبوس: لولا أني أبغى كذا ما لقيتني هنا موجوده!! قاطعهم رويد وهو يقترب وينطق بتذكر: بابا انت قلت تشتري لي سيارة كبيييره إذا جاءت ماما هنا!! سراج بعبوس: انت ما تنسى شيء ... وهج رفعت حاجب: وعدته لا تخلف الوعد!! ابتسم سراج بدون نفس: وحنا نقدر نرفض اوامر الملاك!! هزت رأسها بتأكيد: لا تنسى سيارتين وحده لورد والثانيه لرويد!! نجق باعتراض: انت تعرفين كم ثمنها؟! خلاص الاثنين يلعبوا عليها قاطعته برفض: رح يتشاجروا ...لا تخاف سيارة ورد رح ادفع لك مني!! خزها بتكذيب: مثل ديونك السابقه..رح أدفع لك ! ابتسمت بتورط: ديوني السابقه دفعتها لك ...لا تقول نسيت الكاميرا إلي كسرتها!! كش عليها بضجر: أستغفر الله ما تنسى شيء!! ** ** ** أريام جالسه مع اختها وعيونها تترقب نزول سراج ووهج ... زمت شفتها بضجر: وين ولدك كم صار لي جالسه ؟! ام سراج تثاوبت : الحين ينزل ..انت رح تعملين مثل سوار من قبل جالسه لهم مثل العذول!! اريام خزتها : عذول ؟!الحين تشبهيني بسوار ؟! الله يسامحك!! ضحكت ام سراج بخفه: والله لو تسمعك سوار إلا تمسح فيك الأرض!! نطقت اريام بابتسامة: والله الحين لو في اريام مو داريه عنها !! ختمت كلامها وناظرت سراج ووهج متوجهين لهم ...وقفت وهي راسمه ابتسامه عريضه .. سلمت على سراج: هلا والله بالعرسان!! خزها سراج على سخريتها: عن الملاقه !! دفته بخفه: الحق علي تارك كل اشغالي وجاي أسلم عليكم!! ختمت كلامها وسلمت على وهج بابتسامة: كيف حالك!! وهج بهدوء: الله يسلمك!! اريام جلست وهي تكلم وهج: ما بغيت ترجعين لولد اختي!! نشفت ريقي ذبحتيه ... صار من بعدك قيس وإلا عنتره يا ام سراج ؟؟ ابتسمت ام سراج ونطقت بسعاده: الحمد لله الي لم شملهم من جديد!! أريام هزت راسها: ايه والله صادقه .. ايام عصيبه مرت على سراج وهو يتعذب من بعد الفراق!! نفخ بضجر سراج من خالته الي رح تجيب العيد ..اعطاها نظره تختصر وتقفل حلقها ...وهج بدون ما تسمع هالكلام رافعه خشومها عليه .. وهج تناظر اريام بهدوء .. لأنها متأكده جالسه تطقطق عليهم وتتمسخر ... اريام بابتسامة خبيثه: وش فيك تناظرني كذا ..خلي وهج تعرف كم تعذبت بفراقها!! سراج بضجر بعد ما ارتفع ضغطه: وبعدين!! ام سراج بروقان: خلاص يا أريام قاطعتها اريام: نبغى تعرف وهج كم تعذب من بعدها سراج ...تكلمي يا ام سراج كيف فقد عقله لما قالوا وهج تزوجت ...يلفلف هنا وهنا مثل المجنون وهو يصارخ ابغى وهج رجعوا لي وهج .. وهج وين وهج !! ختمت كلامها بضحكه رنانه وهي تشوف ملامح سراج الغاضبه: تراك زودتيها!! وهج ابتسمت على شكل سراج الغاضب من خالته الي جالسه تؤلف كلام من عندها!! اريام لحظات واخذت نفس بعد موجة الضحك: زودتها ؟! وإلا انت الي فقدت عقلك ...مين الي رفض الزواج وما يبغى يتزوج غير وهج ؟! ابو سراج يقولك يا سراج البنت تزوجت وراحت بنصيبها وانت مصمم وتقول من بعدها ما أبغى الزواج ...يقولون لك ناظر وهج كملت حياتها وتابعتها وانت جالس على أطيافها ..ليه توقف حياتك علشانها ... وانت معند وحتى بعد ما عصب أبوك وأجبرك على الخطوبه سرعان ما فسختها .... قاطعها سراج بعبوس: أبفهم وش غايتك من كل هالكلام؟! اريام ابتسمت : علشان وهج تشعر كم ضحيت علشانها ... وجهت نظرها لوهج وهي تتابع كلامها: حتى انت ما كان يعرف إنك العروس ...بعد ما رفضت بالبداية وبعدها ما أدري كيف اقنعوك ووافقت ترجعين له ...بس سراج ما كان يعرف بموافقتك .. النكته ذابح نفسه حتى يرجعك لذمته وبنفس الوقت رافض الزواج ما يدري إنك نفسك العروس .. أبو سراج حلف إلا يعطيه درس قوي...قال له رح يخطب له والبنت رح يكون اسمها وهج بما إنه ميت عليك ...والاخ انقهر وطلع من البيت حتى ابو سراج ما يجبره يحضر الملكه ...ويتوعد إلا يحول حياتها جحيم ...وما كان يدري إنه اسمه انكتب مع اسمك من جديد !! تدرين قاطعها سراج بغبن خلاص انفجر من لسانها: تدرين إنك مثل سوار ما تنبلعين !! وبعدين مع هالسوالف الماصخه ..ما بقى تقولين إني حاولت الانتحار!! أريام حكت خدها بتفكير وهي تناظر أختها: كأنه حاول الانتحار ؟! وإلا أنا مخربطه؟! ختمت كلامها وناظرت وهج الي دخلت بموجه ضحك ...صدق خالته ذي طافيه انتحار مرة وحده ....بعد لحظات تنهدت بمراره ..وهي تتمنى لو كان كلامها صحيح ويكون سراج ذابح نفسه عليها ..حلو هالشعور تحس إنك مرغوب وفي ناس متعلقه فيك وتعتبرك جزء كبير من حياتها ...بس وش نقول تبقى الاماني والاحلام أمنيات جميلة تداعب قلوبنا بابتسامة عليله ما لها دواء .... هزت كتوفها لما سألتها اريام عن سبب ضحكها!! سراج بعبوس: تضحك عليك ..اكيد الحين تقول ذي خالته طافيه !! اريام خزته : طافيه ؟! التفتت على وهج ونطقت بجديه: وأقسم برب الكعبة الكلام الي قلته صحيح باستثناء إنه يلف حول نفسه مثل المجنون ..ذي انسيها ..بس الباقي كله صحيح وفي اشياء كثيره ما رويتها ....وربي نجحت تخلينه خاتم بإصبعك ..يا ليت تعطينا الوصفه !! وهج ما تدري وش المشاعر الي باغتتها فجأة لما حلفت يمين اريام وام سراج هزت رأسها بتأكيد بدون ما ينتبه عليها سراج ....تحس نفسها بحلم ...مستحيل مستحيل ...معقول تكون كسبت الرهان ..كيف تقدر تثبت هالشيء .... قاطع افكارها لما نطق سراج بسخريه: تبغين الوصفه ؟! والله يا خالتي انت بالذات مو بحاجه لأنه ما شاء الله عمي مو خاتم بإصبعك إلا قولي خيخه او دجاجه ...روح روح تعال تعال اجلس اجلس اشرب اشرب ام سراج بعتب: وش هالكلام هذا عمك يا سراج!! سراج حرك حواجبه يغيض خالته: هذا الواقع ليه يزعلون منه!! اريام بتوعد: وربي كلامك هذا إلا يكون بإذن عمك يا قليل الأدب !! نطق بلامبالاة: إيدك وما تطول ... قبل ما ترد وقع نظرها على ورد ورويد دخلوا عندهم .. عيونها مسلطه على ورد يدخل بخجل وتوتر .... سبحان الله الشبه بينه وبين اخته ما هو طبيعي ..نطقت بإعجاب: اخوك صح؟! وهج مدت يدها لأخوها حتى يقترب منها : اخوي ورد!! اريام بابتسامة مشرقة: الجمل والهر بدينارين ؟! سراج يناظر ورد الي اقترب من وهج: يعني وش نعمل ..مستعد استقبل كل العالم علشان ما تنحرم عيوني شوفتها قاطعته أريام: دوبك تكذبني!! كش عليها سراج بضجر: وربي جالسه لي مثل الشوك بالبعلوم!! اريام طنشته واقتربت من ورد وهي تلاعبه ..تحس هالولد تدخل محبته القلب اول ما تشوفه ... وهج مسحت على شعر ورد الي يحس بالاحراج وقلب وجهه طماطم... نطقت وهج بهدوء: للحين ما تعود على المكان !! اريام بابتسامه : وش اسمك يا بطل!! رويد ناظرها باستصغار : قالت لك ماما اسمه ورد. .. انت ما تسمعين؟! سراج ضحك بقوة: أيوه كذا تم قصف الجبهة بنجاح!! خزته اريام بقوه: تدري إنك وقح مثل ابوك ..ما عندكم احترام للشخص الي أكبر منكم ..وبعدين انا ما سألتك يا يالبزر ..يا حبك للقافه!! رجعت ناظرت ورد بابتسامة: وش اسمك يا بطل!! رويد بضجر: أستغفر الله قلنا لك اسمه ورد ..بابا ذي ما تفهم؟! اريام وقفت وهي ناويه عليه: لا ولدك هذا تعدى حدوده تعال عندي!! وربي إلا شعرك هذا أنتفه سراج حمل رويد وبتحدي: إذا فيك خير قربي وإلمسيه!! اريام وهي تناظر فارق الطول بينهم .. نطقت بوعيد: رح اختلي فيك يا أبو لسان ! اقتربت من ورد وهي تحاول فيه تسمع صوته ...رفعت حاجب لما نطق سراج بغيره بعد ما جلس وبحضنه رويد: اشوفك جالسه تتلصقين بورد وساحبه على ولدي !! نطقت بجعرفه وهي تناظرهم بتقييم: من زين ولدك ...ترى طينته ثقيله مثلك بالضبط .. وش جابه لهذا الملاك الصغير ... أول ما تناظره يدخل القلب !! يا قلبي كيف يناظرني ..وش اسمك يا قلبي ؟! سرعان ما زفرت بضجر لما نطق رويد بعبوس: بابا ذي ما تسمع ..قلنا لها ورد !! نطقت وهي تناظر رويد وكأنها وحش كاسر حتى تفترسه بأي لحظة: وأنا قلت لك انكتم ما تسمع !! رويد قلب شفته دليل على الزعل وهو ينطق: بابا شريره !! سراج مسح على شعر رويد: وش نعمل ابتلينا فيها ...تجاهلها يا ولدي!! وهج تكدر خاطرها وهي تشوف نظرات ورد مسلطه على سراج ورويد ..ما تبغى يحس بالنقص .... وقفت والغصه تخنقها ...وقفتها اريام : وين وين بعدني ما شبعت من هالقمر!! وهج بكل جهدها تحاول تتكلم بهدوء وما يظهر الضيق بصوتها : عندي قاطعها سراج وهو يشوف ملامحها تغيرت : انتظري ... وقف وهو يؤشر على اريام: رح اترك الصغار عندك بس انتبهي يشتكي منك رويد !! رويد برفض: ما أبغى أجلس عند الوحش! أريام كشت عليه: وحش بعينك يا قليل الأدب!! مسكت بيد ورد الي يحاول يفلت منها ويتعلق بوهج: تعال يا قلبي!! وهج بهدوء ظاهري: مو متعود عليك سراج فك يد ورد عن وهج ونطق بابتسامة له: اجلس مع خالتو... أنا وماما رح نجيب لكم هديه ونرجع!! من الشارع ما رح نتأخر !! زم شفته ورد بحرج من سراج وبنفس الوقت مخنوق ما يبغى يجلس بدون وهج! وهج ما تفكر تطلع بدونه ..وقبل ما تعترض ما ترك لها سراج مجال سحبها معه للخارج ..فكت يدها منه بعبوس: اتركني ....الحين يتضايق ورد قاطعها بحزم وإصرار: انت كذا تخنقين الولد ..لزوم يتعود على الحياة ..يشوف ناس غيرك ..ما يصير تدفنينه معك ...هذا رويد اصغر منه وتركته ...خلهم يتعودون ويشعروا بالانتماء إنه هذا بيتهم وهذا مركز الأمان لهم ..ما هو انت بس مركز الأمان ..انت كذا تدمرين هالطفل ..لزوم يتعايش مع المجتمع !! ختم كلامه وهو يزفر بضيق ... ناظر وهج لما نطقت باختناق: ما أبغى يشعر بالنقص لما يشوف رويد معك ويحس بطعم اليتم قاطعها بضجر من تفكيرها: لا تكونين حساسه ..بالعكس تفكيرك هذا يغرس السلبيه داخل الطفل ... أنا ما رح افرق بينهم ومستحيل أقبل أنزل دمعة يتيم ...مع الوقت رح يتعود على وجودي وبعدها أقدر اقترب منه بدون ما يحس بالحرج أو التوتر والضيق ...لا تستبقي الأحداث..وصدقيني رح يرتاح أخوك معنا كثير ..بس انت لا تعقدي الامور ..والحين ابتسمي ترى والله ما أحب أشوف الضيق بعيونك !! مطت شفتها بابتسامة بدون معنى : خلينا نرجع ما أبغى أتأخر عليه ...ما هو متعود على الوضع هنا!! سراج هز رأسه: لحظة خليني أقطف لكل واحد منهم ورده بما إني قلت لهم رح أجلب لهم هديه !! ابتسمت لما قطف وردتين وتوجه لها بابتسامة...تحركت معه بدون أي تعليق ... أول ما دخل اقترب من ورد الي جالس جنب اريام وفاتحه معه تحقيق ..الله يكون بعونه ..مد له الورده بابتسامة: هذي الهديه لك!! أخذها وملامح الخجل مرسومه على محياه!! أريام قرصت خدوده بخفه: تبارك الرحمن يجننن!! ام سراج بدأت بخفوت تردد الاذكار خايفه أختها تصيب هالولد عين!! اقترب سراج من رويد ومد له الورده وهو ينطق بابتسامه: هذي هديه لك!! أخذها بعبوس وهو يحركها برفض: ذي هديه؟! اريام ضحكت بشماته: تستاهل .. أنا تمنيت يرميها بنص وجهك قطعت كلامها وانفجرت من الضحك وهي تشوف رويد رمى الورده على سراج وهو ينطق بعبوس:ما أبغاها!! سراج التف على وهج الي تضحك بخفه : ايه اضحكي .. عاجبك تصرفه فشلني قدام الشامتين ؟! ام سراج بابتسامة: وهو صادق جاي تضحك عليه بورده !!! ** ** ** أم ليث تأكل تفاح وتتكلم بتحليل: تتوقع ابنتك تسلك عند زوجها؟! مط شفته بضجر من صوت الأكل : أي بنت؟! ضحكت بسخريه: نسيت عندك كتيبه ما شاء الله ... أتكلم عن وهج!! نطق بملل: وليه ما تسلك عند زوجها!! زمت شفتها بتفكير: ما أدري أحسها قويه وما أحد يمشي كلمته عليها ..فيمكن تتصادم مع زوجها ؟ نطق بنغزه: هذا انت ما أحد يمشي كلمته عليك ..وعامله نفسك مديره بالمدرسه ومديرة هنا ..وهذا أنا ساكت قاطعته بتبرير: كأنك جالس تغلط علي ؟! ترى في فرق كبير بيني وبين وهج !! أنا ما قصرت معك بشيء .. وبالنسبة لبناتك من حقي أعيش في بيت مستقل ومو مجبورة أعيش مع أحد !! هز رأسه : خلاص انسي الموضوع ...اليوم اروح لها وأشوف كيف الوضع قاطعته باعتراض: وليه تروح لها ..اتصل الحين واعرف أخبارها حتى يرتاح بالك !! هز رأسه بضجر: ما لي خلق أكلم أحد!! ردت بلامبالاة: بكيفك!! ** ** ** دخل الجناح وابتسم وهو يشوف الفوضى تعم بالمكان .. بالرغم إنها طبيعته ما يقدر يشوف مكان فوضوي كذا ... بس حالياً يرتاح لما يشوفه كذا أهم شيء إنها وهج موجوده ...استند على الباب بعد ما قفله وهو يناظرها بابتسامة حنين. ... يتذكر أول أيام زواجهم وكيف التنافر الي كان بينهم ... عزم بداخله إلا يخليها تراكض خلفه حتى تعرف مين سراج ..بس للأسف خسر الرهان وهو إلي يراكض خلفها وكأنه مراهق... متغيره كثير خلال هالمدة ...بالرغم من شعرها الجميل إلا إنه يحس مشتاق يشوف شعرها القصير ....زم شفته بتعجب من حاله ..بكلا الحالتين يشوفها ملاك ... تنهد واقترب وهو يرد السلام بهدوء!! حست بدخوله للجناح ...بس ما رفعت نظرها ..ما له حس ...لحظات ورفعت نظرها له لما اقترب وهو يلقي السلام بهدوء ... ردت عليه ورجعت تكمل التلوين مع الصغار ...وبداخلها راحه إنه سراج للحين الوضع طبيعي ..ما في أي شيء يدل على إنه ما يبغاها ...بالعكس يحاول بقدر الإمكان يظهر اهتمامه بأخوها....فالأوضاع للحين سالكه وما في تصادم بأي شيء ...بعد ما قررت ما تفتح صفحات الماضي ...رح تعيش كل لحظة بلحظتها!! اقترب منهم وجلس قريب منها...نطق وهو يشوف اندماجها: ما كنت أدري زوجتي فنانه !! ناظرته وابتسمت بخفه وهي عارفه يتريق عليها !! رويد ناظر أبوه بابتسامة ظهرت فيها الغمازه الي بخده: ماما فنانه!! ابتسم سراج وهو يشوف الشبه الي بين وهج ورويد...بالماضي كان خايف على عياله من العين اذا تزوج بنت جميلة ..ما كان يتصور جمال عياله ..بس الحين يحس بالانتكاسه وهو يشوف جمال رويد الي طلع نسخه عن وهج ...نفسه يكون عنده طفل يجمع جمال وهج وجماله ..نطق بروقان : طول الحمل وانت تناظرين نفسك ؟! وهج ناظرت رويد ..نطقت بنغزه: الظاهر إني كنت ادعي ربي يرزقني طفل جميل قاطعها وهو يدفعها بإصبعه بخفه على جبهتها: لا لا يا شيخه القليل من التواضع ... سرعان ما فتح عيونه بصدمه وهو يشوف ورد ابعد يده عن وهج وهو يناظره والدموع على وشك النزول: ماما ضحك سراج وهو رافع حاجب : ما شاء الله ..وطلع لك محامي دفاع!!..هذا وهو بعده شبر!! وهج جذبته لحضنها وهي تشوف الدموع على وشك النزول : يا قلبي وش فيك؟! نطق بنبره حزينه: يضربك!! وهج جذبته بقوة وهي تشوفه زم شفته بقوه حتى ما يبكي: لا يا قلبي تراه يمزح معي !! سراج مط شفته بسخريه: قلبه رهيف !! يا عمي الاخ سند!! اشوف ولدك مكتفي بالنظر!! عقد حواجبه باستنكار وهو يشوف وهج تنزل دموعها بخفه : وش فيك تبكين؟ وهج هزت رأسها بالنفي ..بدون ما تنطق حرف واحد ... قلبها حزين على ورد خايفه عليه ما يتأقلم على الوضع ... سراج مط شفته بملل: ترى ما صار شيء قلبتوها دراما؟!! رويد يناظر أمه الي تمسح دموعها وهي محتضنه ورد الي يبكي ..نطق بتساؤل: ماما وقفت وهج بدون أي كلمه وتوجهت للغرفه الي خصصوها للصغار ..دخلت الغرفه وهي متمسكه بورد ...توجهت للسرير وجلست عليه ..رفعت رأس ورد وبتساؤل نطقت: ليه تبكي!! ورد وهو يمسح دموعه: ما أحبه يضربك؟! وهج ابتسمت له: ومين قال إنه ضربني ..تراه يمزح معي ..يعمل لي كذا !! طبقت له نفس الحركه وبعدها تابعت كلامها: شفت ما توجع !! نطق بملامح عابسه: نرجع لبيتنا ..ما أبغى هنا!! مسحت على رأسه: هنا بيتنا يا ماما ..الحين سراج يزعل منك ... فتح سراج الباب بخفه وصوت ورد وهو ينطق بنبره باكيه: خلينا نرجع لبيتنا ..ما ابغى أجلس هنا!! سراج انتفخت ملامحه بقهر ..ما يضمن هالمجنونه تحمل قشها وترحل علشان ورد ...وهذا الشيء مستحيل يقبل فيه ... اقترب وهو ينطق يحاول يلطف الجو: البطل ورد ليه يبكي!! وهج ناظرته بلوم على دخوله تبغى تجلس مع ورد لوحدها وتقنعه ... سراج اقترب من ورد وحمله وهو ينطق بابتسامة: ليه تبكي يا بطل؟! الابطال ما يبكون ؟! انت بطل وإلا لا؟! ورد هز رأسه بالنفي!! سراج اعاد سؤاله: بطل وإلا مو بطل؟! ورد نطق بصوت فيه بحة بكاء: بطل!! قبله سراج على خده : ايوه كذا انت بطل ...والحين خبرني البطل يبكي ؟! هز رأسه بالرفض .. سراج تابع كلامه : يا عيني عليك ...انت رجال وما يصير تبكي !! لزوم تكون رجال علشان تهتم بوهج مو انت أخوها ؟! اكتفى يهز رأسه ..تابع سراج كلامه: والاخ يهتم بأخته!! والحين رح نطلع نغير جو ونروح للألعاب ؟! وش رأيك؟! نزله سراج وهو يكلم وهج: خلينا نطلع نغير جو للصغار !! روح يا ورد نادي رويد حتى تجهزون!! هز رأسه وتحرك للخارج .. سراج التفت على وهج ونطق بانتقاد: تراك تخربين الولد بدلالك وكأنه بنت ...لو احد يقول له " بع " يبكي .. حرام عليك هذا أمانه عندك لزوم تحسني تربيته ..وتعلميه الرجوله مو تربيه وكأنه بنت !! من اليوم وطالع رح أراويك بهذا الزوج ..رح ارجع اعيد تربيتهم من جديد ..ورح تشوفين.. والحين جهزي العيال يا مدلعه!! فتحت عيونها بعد ما رمقها بقوة ...وش فيه هب فيها كذا ..نطقت بقهر من اسلوبه: سراج قاطعها وهو يناظر دخول الصغار: ما رح نتكلم قدامهم الحين ..بعدين!! ختم كلامه وتحرك للخارج ...شدت على قبضه يدها بقوة ...يقهر بكلامه ..الحين هي افسدت تربية الصغار..ناسي نفسه دلوع الماما!! يصير خير يا سراج!!! ** ** ** انتهى فيهم المطاف بالحديقة بعد ما راحوا لمدينة الألعاب وتعشوا واشترت ألعاب للصغار ... جالسه على المرجيحه وعيونها على الصغار يلعبوا قريب منها . .. سراج جالس على المرجيحه الي جنبها والسكون يحيط فيه ...بداخله ضيق وهو يحس إنها مو سعيده .. وكأنه شيء ينقصها أو يعكر مزاجها ... ولما يسألها ترد بإجابة ما دخلت عقله ...كيف ما في شيء وهو يقدر يشوف الكدر بعيونها ...معقول ما تبغى ترجع له وعلشان كذا متضايقه؟! نفسه تفتح له قلبها ...ويعرف وش المشكله بالضبط حتى يتم حلها .... ناظرها لما بدأت تتأرجح وتناظر السماء وكأنها بعالم لوحدها ... بالرغم من قربها منه إلا إنه يحس بينهم مسافات طويلة!!! أغمضت عيونها وارخت رأسها للخلف بانسياب .. جلوسها على المرجيحه رجعها لأيام الطفوله ... مشاعر حنين تغزوها من لما جلست عليها .... تتذكر حياتها مع أخواتها وكيف قطعوا بعض علشان المرجيحه وكل وحده تقول دوري!! بداخلها حنين لأيام زمااااااان ....ما تدري ليه نتغير لما نكبر ....كانت مع اخواتها جزء لا يتجزأ ...علاقتهم امتن من الحديد ... بس الحين كل شيء تغير ... مستعده تغيب عنك أختك سنوات وعادي تمشي الحياة ...حتى لو اجتمعوا ما تحس نفس القلوب والمشاعر الي كانوا يحملونها زمان ....كل وحده انشغلت بحياتها ....مشتاقه لبيتهم مع أمها وأبوها ...تحس بالنعمة هذي بعد ما فقدتها ...يا كثر ما كانت تحس بالضجر والضيق ببعض الاوقات في بيت اهلها من قوانينهم الي يطبقوها عليهم او بعض تضرفاتهم ...كانوا يتضايقوا ويشكوا لبعض من هالعيشه ..والحين حست بنعمتهم بعد ما فقدتهم ...بيت كان يلمهم ويوسع همومهم ومشاكلهم ...آه ما أصعب شعور لما يتقفل البيت الي كان يجمع أمك وأبوك ...مستحيل ينفتح من جديد ... وخاصه بعد رحيل أمها ...تقفل للأبد ... رفعت نظرها للسماء والنجوم وعيونها تلمع بالدموع ...بداخلها نوبة بكاء مو قادرة تكتمها ...بالرغم إنه كل شيء انتهى ورجعت لزوجها الي ما دخل قلبها غيره ...وضمت لعائلتها أخوها الصغير وكل شيء تمام ...بس ليه تبغى تبكي ؟؟ توقفت عن التأرجح واكتفت بالجلوس على المرجيحه الي تتحرك حركه بسيطه ... التفتت على سراج الي نطق بدون ما يناظرها : وش النهايه ؟! لمتى الحزن والدموع ؟! إذا لذي الدرجه كارهه رجوعك لي تكلمي؟؟ ختم كلامه وهو يناظرها ينتظر الاجابة... نطقت بخفوت: لا نطق بتساؤل: دام جوابك لا ...ليش كل هالحزن والضيق الي اشوفه عليك!! زفرت بضيق ما تدري وش ترد عليه ....زمت شفتها للحظات بعدها نطقت : قلبي محروق على ورد .. اخاف عليه من النسمه ...ذي دنيا أخاف إذا صار لي شيء ...وش رح يصير عليه !! زفر بضجر من تفكيرها: يا ربي عليك تفكير غريب ..وليه كل هالسلبية .. أخوك هذا هو يلعب وكل شيء طبيعي ..بس هو للحين ما تعود على وجودنا .. يحتاج فترة قصيرة ويتعود ...انت لا تكونين حساسه كذا ... لزوم تعطيه مساحه يختلط بالعالم ...حتى ما يغرق بوحل الوحده ...انت لا تكبرين الموضوع ...تراه مثله مثل رويد ما رح ينقصه شيء!! هزت رأسها بتسليك ...وهي موقنه مستحيل احد يعوض مكان الأهل ... رح تبقى أمه وأبوه غصة بحلق هاليتيم .... تابع كلامه وهو يشوف سكونها: إلي يشوف ملامحك وحالتك يقول نصبح أخوك بطراق ...تراك تكبرين الموضوع ...حطي اخوك على جنب ولا تتحججي فيه ..والحين تكلمي وش مكدر خاطرك!! هزت كتوفها: ولا شيء ...بس جلوسي هنا ذكرني بأيامي مع اخواتي!! نطق بهدوء: وش رأيك باكر تعزمينهم عندك وتجتمعون يمكن ترتاح نفسيتك!! ناظرته وهو يحاول يعرف سبب ضيقها ويخلصها منه : لا تشغل بالك .. اكتفت بذي الجمله ورجعت لسكونها ...وهي عازمه بكل إرادتها تنسى الماضي ..وتنسى كل مرت فيه ...هي حياة وحده ما رح تضيعها على أعتاب الماضي الي ما رح يرجع .... هي تقدر تبني مستقبلها من جديد ....وترسم السعاده من جديد بعد ما رجعت لزوجها وعندها بيت تحس فيه بالأمن والاستقرار وعندها وظيفه وعندها طفلين وش تبغى اكثر من كذا نعم من ربنا ...رددت بخفوت الحمد على ذي النعم حتى ما تفقدها ... لأنها بداخلها موقنه إذا حمدنا ربنا ورضينا بكل شيء أعطانا إياه رح يزيدنا من فضله!! تنفست براحه بعد ما أغمضت عيونها باسترخاء ... لحظات وفتحت عيونها برعب وصرخت من الصدمه وهي تشوف نفسها طايره بالهواء ...نطقت بصوت مرعوب: سراااااج!! ضحك سراج وهو يدفعها بكل قوته..وهو يردد على مسامعها: علشان لما تعبسين يكون فيه سبب يا نكديه!! وهج صحيح كانت تتأرجح بس على الخفيف مو بذي القوة ..تحس نفسها رح تطير بالهواء ...صرخت من الرعب: سراج اتركني !! سراج بخبث: وربي ما اترك دفعك حتى تتعلمين وتحسبين حساب للنكد!! وهج خايفه تنقطع فيها المرجيحه وتسقط...نطقت برجاء: بالله عليك وقفهااااا...سراااااج!! ضحك من قلبه سراج على تسولاتها وصوتها المرعوب ..ما يدري كلها مرجيحه ليه خايفه هالكثر!!! ** ** ** جالسه بالمجلس مع أبوها الي جاء لزيارتها ...هزت رأسها بمضض من الكلام الي تسمعه ...وبعدم رضا نطقت: يبه قاطعها بإصرار: بالنهاية ذول اخواتك والدين ما يقبل القطاعه بينكم!! نطقت بمراره: بس الوجع الي حصلته منهم كان كثير!! نطق بإقناع: بيان وإيمان ندموا على الماضي ويبغون يفتحون معك صفحه جديده ..انسي زينب تراها محراك الشر وهي الي فتنت العالم ببعضها!!!