اكتب ياصغيري - الفصل 41 - بقلم ضاقت انفاسي - مكتملة | روايتك

٤١ مساء الخير ...للمعلومه هذا الأسبوع ما كان فيه بارت ...وعملت تصويت حتى انزل الكميه الي كتبتها بغض النظر عن كميتها ..وكان التصويت للاغلب تنزيل البارت بغض النظر عن حجمه ....فلا احد يحكي عن طول البارت ...دمتم بخير للصدفه كانت بزيارة ابوها وانصدمت وانصعقت من الكلام الي وصلها .. يبغى يخطبها زوج زينب؟! اكيد انجن رسمي او يبغى يقهر زينب وما لقى الا ذي الطريقه ... ما تعرف من لما عرفت بالسالفة والضحك مسيطر عليها ...تضحك من كل قلبها على الموقف ..وهي تتخيل شكل زينب لما تعرف !! ما هو شماته او شيء بس زينب الاذى منها وصل اقصاه وفوق هذا هي كانت أكبر الأسباب بطلاق امها وتشتت بيتهم ... ابو ليث رفع حاجب وهو يشوفها من لما عرفت وهي تضحك مثل المجنونه ..ضرب كفوفه بقلة حيلة وهو يكلم زوجته : الله يخلف علي بذي الخلفه!! وتحرك رايح راجع بالصالة وبداخله نار للحين ما هو متصور الوقاحه ...كيف سولت له نفسه يخطب غسق ... حقير وما عنده ذرة كرامه ..يوم يفكر بأخت زوجته ...ضرب قبضه يده بكفه وهو ينطق بقهر: انا لزوم كسرت راسه ...اخخخخ ام ليث بهدوء نطقت:تراك مسحت فيه الارض وما تركت شتيمه الا قلتها له!! نطق والنيران مشتعله بداخله: للحين النار مشتلعه بقلبي ...ما لقى الا وهج ...وهج !! وربي نفسي يكون قدامي واكسره تكسير!! نطق بانفعال وهو يناظر وهج الي بعد كلامه انفجرت من الضحك: بسك عاد ضحك؟! على وش تضحكين يا حظي!! اعطوني الجوال اشوف زينب الزفت واتفاهم معها؟ ام ليث بعبوس: كم مرة اتصلت عليها وحضرتها ما ردت!! قاطعها بإصرار : يمكن ترد اتصلي عليها .. برطمت شفتها واتصلت عليها ووضعت سبيكر حتى تسمع المكالمه !! ابو ليث سحب منها الجوال لما ردت زينب بصوت واضح عليه البكاء ..وبكل غضب نطق: وينك عن الزفت ..وينك الحين!! زينب ونبره البكاء ظاهرة بصوتها: بالبيت قاطعها بغضب: وش تعملين للحين في بيته وهو مطلقك ؟! جهزي اغراضك قاطعته برفض: ما رح اطلع من بيتي ..هو الي يطلع ما هو انا !! نطق بغضب من الغباء الي فيها: وش تبغين فيه وهو مطلقك!! وليش طلقك من الأساس!! ردت باختناق:والله ما عملت شيء ..كان نقاش عادي وبعدها انفعلت وشتمته وشتمت امه وكل اهله ..وبعدها ضربني ضرب وطلقني والله ما عملت شيء يستحق كل هذا؟! ابو ليث زم شفته بقهر وبعدها نطق: كذا مو عامله شيء؟! هذا لو عملت وش رح تقولين؟! سكت وهو يناظر وهج انفجرت من الضحك على أختها ..ما تدري هي عبيطه والا غبيه ..شاتمه الرجال وأهله وتبغاه يصفق لها !! زينب عقدت حواجبها وهي تسمع ضحكات وهج ..نطقت بتوجس: وهج الي تضحك!! ابو ليث بعبوس: ما عليك منها من لما سمعت بالسالفه وهي ما عندها الا الضحك قاطعته ذي نهايتها وهج تتشمت فيها...وبنبره غاضبة وكأنها بركان: والله لأذبحك بيديني يا سراقه الرجاجيل ...خلصوا الرجال من العالم حتى تحومين على زوجي ..ما لقيتي الا زوجي!! وهج باستمتاع نطقت: بالضبط ما لقيت الا طليقك والاسبوع الجاي رح نملك وش رأيك ؟ ام ليث بروقان: لا ما يجوز لما تكمل زينب عدتها وقتها يصير تملكون ..يعني بعد ثلاث اشهر!! وهج بابتسامة عريضة: خلاص بعد ثلاث اشهر نملك!! زينب انفجرت منهم: والله لاطلع هالحركه من عيونك يا كلبه !! بس اصبري ارجع زوجي لي وبعدها اتفضى لك وربي لأخنقك بيديني!! ابو ليث بانزعاج: خلاص انكتمي.. جهزي نفسك مسافة الطريق واكون عندكم!! قاطعته برفض : بيتي ما اتركه ولا رح اقبل اشتت عيالي !! وهج انقهرت من ردها ..سبحان الله على نفسها رفضت الطلاق وما تبغى تشتت اولادها ...اما أمها لعبت بعقلها وخربت بيتها وحالتها حاله ..صدق موازين مقلوبه وأنانيه ما شافت مثلها ..اقتربت من ابوها ونطقت بقوة حتى تسمع زينب كلامها : حسبي الله عليك ...الحين جالسه تذوقين نفس الكأس الي تجرعته أمي ...ما احد خرب بيتنا غيرك ...لعبت بعقل امي حتى تتطلق وانت تتكلمين عن الكرامه والزفت ...وما فكرت فينا يوم شتتينا ...والحين اشوفك ملتصقه بزوجك ...على الاقل ابوي ما عمل مثل زوجك ... ابوي كان سببه للزواج واضح يبغى ولد ..وقال لأمي اجلسي في بيتك معززة مكرمة ...بس انت دمرت كل شيء ...جعلك لهذا الحال واردى!! زينب بقهر من وهج وهي تتشمت فيها: لو على جثتي ما تمت ملكتك من زوجي ..وربي الا أذبحك بيديني!! حقيره وما لقيت احد يوقفك عند حدك ..وما خربك الا ابوي الي يرقع لك !! ابو زينب بضجر: والحين وش الحل عندك؟! رجال ما يبغاك وقالها بالحرف ما يبغاك ولا هو قادر يبلعك قاطعته بقهر من هالكلام وخاصه قدام وهج: يا جعل الحوت يبلعه ويخلصني منه ... وبكذا الراتب كله يصفي لي!! قاطعها بحزم: اتركي العيال عنده ..صدقيني رح يرجع خلفك مثل الكلب يرتجيك!! بس انت اسمعي كلامي واعملي لنفسك كرامة يا عديمه الكرامه ..تعلمي من وهج شوفي كيف بيت ابو سراج يرتجوها حتى ترجع وهي رافضه ..بس وش اقول واضح يوم توزيع الكرامه كنت نايمه ضحكت وهج على كلام أبوها جكر بزينب حتى تستفزها !! زينب والنيران تشع من عيونها: وربي لأذبحها واشرب من دمها !!! ابو ليث بغضب: روحي اشربي من دم زوجك الي طلقك ويبغى يتزوج عليك ..اختك وش علاقتها تطلعين حرتك فيها ...صدق غبيه قفل الخط وناظر وهج الي الابتسامه شاقه الحلق ..نطق بغضب: وانت ما تعرفين تقفلين حلقك ؟! على وش تضحكين ؟! ما تعرفين ما يجوز الشماته ...اذا تشمت فيها يمكن ينقلب الحال وتذوقين نفس الكأس!! ام ليث بانتقاد: وبالنهاية ذي اختك مهما كان سوء التفاهم بينكم ما توصل لذي الدرجه ...انت بطريقتك تثبت لها إنك على علاقه مع زوجها او متفقه معه !! الإنسان لزوم يكون اكثر ادراك من كذا ... انمحت الابتسامه من ملامحها ونطقت بجديه: علاقتي مع زينب ما احد يتدخل فيها .. لأنه ما احد رح يفهم طبيعة هالعلاقه...جعلها لهذا الحال وأردى لأنه ما خرب حياتنا الا هي وشلتها!! ما رح اسامحهم بيوم من الايام!! تحركت حتى ترجع للبيت أفضل لها...وقفها ابوها وهو ينطق بتحذير: انتبهي يكون لك اي تواصل مع هالمجنونه ما استبعد تذبح بدم بارد ...قفلي باب الشقه ولا تفتحين لأي أحد تفهمين!! هزت راسها بدون ما تتكلم وتوجهت خارج للبيت والصغار خلفها!! زفرت بضيق اول ما طلعت من البيت ..ما عمرها تشمتت بأحد .. بس زينب غير عن الكل ...للحين ما تعافت من جروحها!! ناظرت بيت ابو سراج مقابل لها ... تنهدت بقلة حيله وتوجهت راجعه لشقتها !! ** ** ** ** جالس واللاب بحضنه يطقطق عليه..قاطع اندماجه صوت الجوال ...مد يده وتناوله بملل ..استغرب رقم مو مسجل ... رد بهدوء : الو زينب بهجوم وصوتها يرعد رعد: اسمعيني زين قاطعها باستغراب مين ذي الي داخله عليه بالشر : اللهم سكنهم مساكنهم؟!! ..عفوا مين حضرتك!! نطقت بكره وحقد: انا الي رح اذبح طليقتك وهج...يا اخي رجع زوجتك وبعد شرها عنا!! عقد حواجبه ما هو فاهم شيء: نعم ؟! مين حضرتك وجالسه تهددين وتلقين اوامر؟! نطقت متجاهلة اسئلته: كلمتين ورد غطاهم .. ا ذا ما ابعدت وهج عن زوجي وربي إلا اذبحها واذبح ولدك معها ...اذا ملكت على زوجي الا قاطعها بغضب تتكلم وما هو فاهم شيء عليها: لا تخليني اقول الله يأخذك انت وزوجك ..مين انت ؟! وملكة مين؟! نطقت بنحيب: انا زينب اخت وهج ..حضرتها فقدت الامل منك قامت ترسم على زوجي ..زوجي الي طلقني وخطب وهج من ابوي ولما تنتهي العده رح يملك عليها ..خربت بيتي الله لا يوفقها!! قفل الخط بوجهها والنار تشتعل بداخله من الكلام الي سمعه ...وهج رح تتزوج طليق أختها ... اي واحد فيهم ؟ ...زوج زينب ؟! معقول نفسه الي اتصل فيه من قبل يشتكي من وهج؟! والله الا يخليه يندم على اليوم الي فكر بوهج ...والله ما رح يرحمه ...لزوم يتحرك لانه بكل بساطه ما يضمن ابوها يزوجها له ... انسان غريب اطوار عجز يفهمه .... بس الي استغربه موافقه وهج ؟! كيف تملك بعد ما تنتهي عدة اختها ...كيف تقبل بطليق اختها !! يحس النار تشتعل من تفكيرها ...توافق على الكل الا هو ...وش هالذنب العظيم الي اقترفه حتى تعامله كذا ...اذا ما خنقها بيدينه ما يكون سراج !!! ما يستبعد عنها هالمجنونه توافق على طليق اختها حتى تقهر أختها بما انهم علاقتهم زفت !!! ** ** ** ** فتح الباب بأمان الله ..رفع حاجب بقرف وهو يشوف سراج واقف قدامه ..يا كرهه لهذا الانسان شايف نفسه بقوة ..ايه من قده بعد ما تزوج الملاك بذاتها ....بس ما يستاهلها ما حافظ عليها ... وبملامح عابسه نطق: نعم انفجع بعد ما نطق هالكلمة من وين انهالت عليه الرفسات والبوكسات والكفوف ... يحس وكأنه اعصار داهمه وما اعطاه فرصه يدافع عن نفسه ... زينب الي طلعت على صوت صراخهم .. انفجعت وهي تشوف سراج مثل البركان الثائر ..وهو يردد بكل قوته: وربي اذا قربت من صوب وهج الا ادفنك بأرضك ..تفهم والا ما تفهم!! زينب بدأت تصرخ وهي تشوف زوجها حالته حالة وسراج ما رحمه. ...اجتمع عليهم بعض الجيران وابعدوا سراج عنه بالقوة ....للحين ما برد حرته فيه ...كيف تسول له نفسه يفكر بوهج ...يحاول يفلت من الرجال ويرجع له مرة ثانية .... فقد اعصابه لما نطق وهو يمسح الدم عن وجهه مستقوي بوجود الناس: رح اتزوجها غصب عنك سرعان ما زحف للخلف لما هجم سراج عليه مرة ثانية وهو ناوي يطلع روحه بيدينه!! وزينب تصارخ عليه حتى يتركه وتردد: روح ربي طليقتك!! ** ** ** ابو سراج يحس بالاختناق..ذي نهايتها يراكض بالمراكز .. اخخخخ من هالسراج ...ناظر ابو سائد وهو ينطق بسخرية: ذي نهاية العاشق الولهان !! ابو سراج بعبوس ما هو ناقص سخرية اخوه : لا تزيدها علي !! قول عسى يقبل يتنازل عن حقه ويطلع سراج من التوقيف!! ابو سائد مط شفته بسخريه: انا لو مكانك ما اراكض خلف التنازل .. خلي ولدك يتربى ويتعلم كيف يتعامل مع الخلق ...وش ذي الهمجية يهجم على الرجال في بيته!! اتركه فترة بالسجن وخلي حب المراهقه ينفعه!! الحين كل واحد يبغى يخطب سندريلا يروح يطقه ...ترى ولدك زودها!! البنت ما تبغاك خلاص خلي عندك كرامه!! ابو سراج تنهد بضجر:تتكلم وكأنك ما تدري وش خلفي ..ترى اليوم لو ما طلع الا افقد ام سراج ...والا على سراج يحتاج يتأدب بالتوقيف كم يوم !! أحسه وكأنه ملبوس ...ما عمره كان خرج مشاكل وذي الخرابيط!! اليوم رح أكلم ابو ليث لعل وعسى يرجعها له قاطعه ابو سائد بملل: بالاول خلينا نطلع ولدك وبعدها نشوف سندريلا لعل وعسى تتنازل وترجع له!! وقف السيارة ونزل منها لعل وعسى يتنازل عن حقه ويطلع سراج ..حس بالصدمه من الصراخ والجلبه الي عندهم !!! ** ** ** من لما وصلها الخبر وهي مصدومه ...سراج بالتوقيف ؟! ما تدري عقله كيف يفكر ..يظن الحين اذا عمل ذي البطولات توافق ترجع له؟! ناظرت ابوها الي يطالعها بعبوس وهو يلقي عليها اللوم لو رجعت لسراج كان ما صار الي صار ..تجاهلت كلام ابوها وبهدوء ظاهري نطقت: خلينا نطلع لبيت زينب اشوف كيف الوضع ..ما نبغى الامور تسوء اكثر من كذا.. ابو ليث اشر لها: انت اجلسي هنا وانا اروح اتفاهم معهم ...اذا طلعت يمكن تزيد الأمور سوء !! انا اتفاهم معهم قاطعته بإصرار: ما رح أجلس هنا مكتفه يديني وسراج بالتوقيف!! رفع حاجب وهو يخزها بقوة: على اساس ما تبغينه وحالتك حالة قاطعته بتأكيد: وللحين عند كلمتي..وبنفس الوقت ابو ولدي ما اقبل يكون بالتوقيف وما اساعده خزها بقوة: ابو ولدك قلتي لي!! لعنبوووو ابليسك دامك تبغينه ليه تعملين كل هالبلبله والمشاكل الي حنا فيها كان ما صارت!! هزت راسها تنفي كلامه بس قاطعها بتكذيب: اقول تحركي بلا كذب ..وقرودك ذول حطيهم عند ام ليث ..الله يعيني على حنتها لما نرجع!! هزت راسها وتحركت مع ابوها ..وتحس نفسها تبغى تسارع الزمن ... بالرغم من زعلها وخيبتها من سراج بس ما يهون عليها ...مع إنه الغلط راكبه من اساسه لرأسه ....بس الي تبغى تعرفه سراج كيف عرف ؟! معقول زوجة ابوها تورد اخبارهم لبيت ابو سراج ؟! والله ما تستبعد عنها شيء!!! او زينب وصلت له ؟! ** ** ** ** من اول ما وصلوا كتمت ضحكتها بصعوبه وهي تشوف زوج اختها يده ورأسه بالشاش ...احقر منه ما عمرها شافت ....كيف يفكر يخطبها ؟! عبست ملامحها بانقراف ما تتخيل نفسها تأخذ زوج أختها ... ناظرت زينب الي تردح لها وتهدد انهم ما رح يتنازلوا عن سراج...صدق حريم بحاجه لتدبيغ ...هذا وهو ضاربها ومطلقها وتقدم يخطب اختها وجالسه تدافع عنه ...يعني لو كانت مكانها الا اكسره تكسير مو تجلس محامي دفاع عنه!! سبحان الله ولما أبوهم قرر يتزوج قلبت الدنيا وحالتها حاله ضد ابوها ... والحين زوجها فوق كل الي عمله واقفه محامي دفاع عنه!! تجاهلت ردح زينب لها وناظرت ابوها الي نطق بانفعال: خلاااااااص انكتمي خليني اتفاهم مع زوجك!! زينب بقوة: اي تفاهم وهم مكسرين زوجي ...وربي الا اخليه يندم...وانتِ بس اصبري علي والله لأشرب من دمك!! وهج بهدوء اشرت عليها: تقدري تدخلي للداخل وتنبحي بالداخل ازعجتينا!! كلامي ما هو معك يا عديمة الكرامه... زينب ولعت بزياده: أنا اذا ما ذبحتك ما رح ارتاح يا خطافه الرجاجيل!! فتحت عيونها زينب بصدمة لما نطق زوجها بقوة: خلاص انكتمي ..انا اعرف اتفاهم وآخذ حقي وزيادة... ختم كلامه وناظر وهج وهو يتكلم بتوعد : وربي الا اخليه يندم قاطعته زينب وللحين ما طلعت حرتها: اسمعيني زين ..الحين تحملين نفسك وتطلعين من هالمكان قبل ما وهج قاطعتها بقرف: لا تجلسي تهددين ... لأني متأكدة انت الي خبرتِ سراج عن الموضوع ...فكل الي حصل لزوجك بسبب لسانك الطويل !! زينب بلعت ريقها برعب لما التفت عليها زوجها بعيون تقدح شرار : انت الي خبرتِ الكلب سراج ؟! الحين فهمت السالفه ..ما لقيت طريقه تنتقمين مني فيها الا كذا ....والله لألع* ابوك يا بنت الكلب ..والله لأربيك من اول وجديد...وبدون تردد كانت تحت قبضة يده السليمه ..الي غرزها بشعرها!! زينب هزت راسها بضعف تنفي كلام وهج ..بس وين مع هالثور الهائج ... وهج عبست ملامحها ..صدق لما قالوا اسد علي وبالحروب نعامة ..يتمرجل على زوجته ...اما سراج ما قدر يفتح حلقه معه .. صدق ذول اشباه الرجال ...ناظرت ابوها لما اقترب يحاول يفلت زينب منه وهو يتوعد فيه ... تحركت بسرعه واسندت ابوها لما فقد توازنه لاخر لحظة من حركة زوج زينب .... زاد عبوسها وهي تناظر زينب وزوجها اشتبكوا مع بعض بالايدي والشتائم ...وين راحوا عصافير الحب؟! انتهى البارت..دمتم بخير ????