اكتب ياصغيري - الفصل 29 - بقلم ضاقت انفاسي - مكتملة | روايتك

بارت ٢٩ لحظات ونبض قلبها والتفتت لما وصلها صوت سراج وهو يقترب منهم بحاجب مرفوع: وش فيه؟؟ ريان تفاجئ بوجود سراج ما توقع وجوده : سراج!! سراج الي يوزع نظره بينهم وش الموضوع الي يجمعهم مع بعض ...يحس النار شبت بداخله ... وهو يشوف تواجد ريان قريب منها ويكلمها ...سرعان ما عقد حواجبه لما نطق ريان بوقاحه ما هي غريبه عليه ..متعود على وقاحته : والله ما هي من سلومنا تطرد البنت بهذا الوقت ... اسمعيني يا وهج لا تظني إنه الخير خلص من الدنيا ... هذي سيارتي تعالي اوصلك لأهلك!! ما له داعي لسيارة اجره وانا موجود!! سراج يحس نفسه بحلم من وقاحة هالشخص ...وبكل وقاحه يتكلم كذا ...شد على قبضة يده قبل ما يوجهها على وجهه ...نطق سراج بنبره حادة وعيونه تقدح شرار: تعرف تعطينا مقفاك افضل لك..احسن ما تنام اليوم بالقبر!! ختم كلامه وهو يعطيه نظرات ناريه ...بعدها التفت على وهج وبكذب نطق حتى يبعد ريان عنها وما يعرف بالمشاكل الي بينهم ويظهر له إنه الوضع طبيعي بينهم : قلت لك انتظريني بالداخل ما هو بالخارج ..الحين اجلب السيارة تأخرنا على جدتي علشان نودعها قبل السفر وبعدها نطلع قاطعه ريان وهو يسمع كلام سراج ..الحين هو الغبي الي فرح وظنها زعلانه ..طلعوا رح يسافروا مع بعض ....رح يموت اذا ما فرق بينهم ...بس كيف ما يدري ...وبكل كره نطق: مسافر سراج رفع حاجب بقرف وضيق من رؤية ريان يكرهه وما يطيق يسمع اسمه كيف اذا اقترب من وهج ..وبكل قوة وملامح منقرفه نطق: انت للحين هنا ؟! ريان أعطاه نظره متوعده بعد كلامه ..رح يردها له اضعاف مضاعفه ورح يشوف ...ما هو ريان الي يسكت عن حقه ...توجه لسيارته وغادر والنار مشتعله بداخله.. ما يدري كيف يطفيها !! وهج تناظر الموقف بصمت مطبق...بالرغم من قرب المسافة الي بينها وبين سراج الا انها تحسها بعيده وكأنه بينهم أميال ...ملامحه وعبوسه والضيق الي واضح عليه كله يدل على إنه ما تعافى للحين... سراج الي تعمد يتكلم كذا قدامه لأنه متأكد يبغى يلتقط اخبارهم ويوردها لجدتهم ...ومن طبعه اسرارهم الخاصه ما يحب تطلع من باب البيت ...التفت على وهج والسكون يخيم عليها ... بالرغم من الكره الي يحمله لها الا إنه للحين يحس بنار بقلبه من تواجد ريان قريب منها ....نطق بنبره تحذير: اول مرة وآخر مره اشوفك واقفه مع هذا الزفت ...ان جاء لجهتك اتركي المكان مباشره!! تفهمين علي!! وهج تناظر انفعاله ...هزت راسها بدون ما تنطق اي حرف ..... ناظر أغراضها ...ونطق بتساؤل: راجعه لبيتنا؟! ما خبرتك امي بسفرنا ؟! ارجعي عند أمك واجلسي هناك ... لوقت رجوعنا يفرجها ربك!! الحين اجلب سيارتي واوصلك لاهلك!! ما نطقت وهي تناظر زوله ... لما توجه راجع للداخل .... ما تدري متى ينفك السحر ويرجعوا مثل قبل واحسن ؟!! ما رح تضغط عليه اكثر ..ورح تحاول تبعد عنه حتى ما تكلفه فوق طاقته ...اشرت لسيارة الاجره ....وضعت اغراضها وغادرت المكان بهدوء .... حست بالضيق يخنقها لما سألها سائق السياره عن وجهتها ....وش اصعب من شعور ما تلقى بيت يحتويك!! ** ** ** جالس في بيت جدته والضيق يكتسي ملامحه..ما يدري وين راحت لما طلع كانت غادرت المكان ؟! ما عاد يفهم لنفسه ..دام إنه يكرهها ليه انفعل وتضايق لما شاف ريان واقف معها ...يحس للحين الدم يغلي بعروقه .... رفع نظره لجدته لما نطقت بتساؤل: ليه ما جبت زوجتك معك؟! ام سراج ناظر خالتها للحظات .. سألتها وجاوبتها والحين رجعت تسأل سراج وكأنها ما هي مقتنعه بسالفتها ؟! حولت نظرها لولدها لما نطق بهدوء: عند امها قاطعته وما هو عاجبها هالكلام: امها زمان انجبت وربعنت وزوجتك هناك ...ما يصير تترك بيتها ؟! صدق أمها ما تفهم بالاصول المفروض تقول لها ارجعي لبيتك وزوجك ...يا جيل اليوم بس يبغون طول وقتهم في بيت اهلهم ...اسمعني تبغى نصيحتي ..الحين تتصل فيها وخليها ترجع لبيتها ام سراج بضيق من تدخل خالتها: يا خالتي حنا رح نسافر ..وين تجلس بغيابنا ؟! عند امها نكون انها بخير ونطمئن انها بخير !! قاطعتها برفض: انت كذا تخربين بيت ولدك ..حتى لو كنتم مسافرين تجلس بالبيت ...لا تسمع لامك اتصل فيها وخليها تجلس بالبيت !! ام سراج نطقت باعتراض: ابو سراج ما رح يقبل ... هو الي طلب منها تجلس عند امها لوقت رجوعنا!! نطقت بقهر: والله ما احد خرب البنت غير دلال ابو سراج لها ..اعرفه وكأنه ما احد عنده كنه غيره!! سراج ينهي الموضوع : يا جدتي دام حنا مو بالبيت ليش تجلس فيه ...تراها تخاف وبعدين هي حامل لو صار لها شيء وهي وحدها قاطعته بغبن: قول انك ما تقدر لها وانتهينا!! ابتسم بدون نفس ونطق : بالضبط ما اقدر لها!! ختم كلامه وناظر امه بابتسامة وهو يشوف ملامحها مقلوبه ومتضايقه من كلام جدته!!! ** ** ** ** سناء الي تستمع لها بهدوء وهي تفضفض لها بعد ما وعدتها ما تخبر أحد بأي شيء ولا كأنها سمعت شيء ... أحياناً نوصل لمرحله ما نقدر نكتم اكثر ..نجتاج شخص نفضفض له الي بقلبنا ..حتى لو ما اعطانا حل ..على الاقل الفضفضه بتريح ...اختارت سناء تفضفض لها تحسها اكثر عقلانيه من الباقي!!! تنهدت سناء بعد ما كملت وهج كلامها ...وهي تحس الغصه بحلق وهج .. زمت شفتها بحيره من هالسالفه ..وبتردد نطقت: انت متأكده من سالفه السحر؟! عقدت حواجبها وهج بعدم فهم: كيف ما فهمت عليك؟! سناء بحيره من هالموضوع: يعني يمكن كذبه من سراج او من اهله حتى اممم يعني وهج ارخت حواجبها لما سكتت سناء وما كملت ..معقول عملوا كل هذا حتى يتخلصوا منها ؟! عقلها بدأ يستحضر بدايه زواجهم وكيف كان سراج ما هو طايقها .... فجأة صار يحبها .. وكأنه العاشق الولهان ...والحين رجع بعد ما قدر يكمل بالتمثيل ...بس وش هدفه من كل هالتمثيل ... بهتت ملامحها واكتساها الحزن ..اذا كان فعلاً كذا ليش يضحك عليها ويخليها تعيش بوهم... زفرت بضيق بعد ما ضاق عليها النفس ...وناظرت سناء الي مسكت يدها : لا تضايقين نفسك كل هذا مجرد توقعات .... لزوم تضعين كل الاحتمالات حتى ما تكونين الهبله المغفله !! بس الي يحيرني لو ما يبغاك كان طلقك وما هو بحاحه ليعمل كل هذا الفيلم ..الا إذا في شيء يمنعه من الطلاق !! فتحت عيونها وهج من كلامها الي نبهها على شيء مهم ...عمها ابو سراج مستحيل يقبل بالطلاق ودوم واقف معها ضده ... معقول عمل كل هالفيلم حتى يوصل للطلاق وما احد يلومه من أهله!! ياااااه ما اصعب هالشعور لما تنطعن من الخلف!! سناء قطعت افكارها :وش ناويه الحين ؟! هزت راسها بقلة حيلة: ما ادري ...عند امي مستحيل اجلس .. اخاف تعرف بالسالفه وقتها سكتت وهي تزم شفتها بضيق سناء بحيره: والله ما ادري وش اقول...اسمعيني انا مثلك أقول امي ما تعرف بشيء ..لانها بكل بساطه تنتظر الزله حتى تطلقك ...وما تدرين يمكن يكون زوجك فعلاً مسحور وما هو بوعيه ...يعني كل الاحتمالات وارده !! لو بحثنا عن شقه قريبه من هنا وتسكنين فيها لوقت قاطعتها وهج بقلب ميت: قالوا لك الشقه ببلاش ؟! من وين احصل الاجره؟! عفست ملامحها سناء ما حسبت حساب هالشيء!! نطقت بتفكير: خلينا نبحث لك عن وظيفه ما تدري يمكن ربنا يفرجها عليك ...تشغلين نفسك فيها لقبل موعد الولاده ونشوف وش رح يصير!! هزت راسها بقلة حيلة ما في غير كذا !!! فتحت سناء الجوال وبدأت عملية البحث ....بعد وقت طويل نطقت بتردد وهي تشوف وهج سرحانه: في وظيفه هنا ... بس بمنطقة ****** يبغون مشرفه سكن جامعي وهج بعبوس: مشرفه سكن ؟! بس ذي مسؤوليه وانا سناء تحثها: جربي اذا عجبك كملي ما عجبك نبحث عن وظيفه ثانيه!! وهج برفض: ما ابغى ..ابحثي لي عن وظيفه معلمة!! هزت راسها ورجعت تكمل بحث ....سناء بابتسامة واسعه نطقت: شوفي يبغون راقية شرعية وش رايك؟! سناء كشت عليها وهي تشوف عبوسها ...بعد وقت نطقت بتردد سناء : وهج هنا مطلوب معلمه بمنطقة****** ،الراتب حلو وتقدرين تمشين حالك فيك ..وتقدري تشوفين معلمات وتستأجرين معهم؟! وش قلت ؟! وهج بالنسبة لها رافضه تنتقل لمنطقه لوحدها وتعيش لوحدها وخاصه إنها حامل .. الإنسان ما يدري وش يصير معه ...قبل ما ترفض سناء تكلمت باقناع: انت جربي وش رح تخسرين!!! رح ابعث لهم معلوماتك ونشوف!! ** ** ** تحس بالاحراج بتواجدها في بيت سناء ...نطقت وهي تهم على الرحيل : بيننا تواصل واخبرك قاطعتها سناء بإصرار: ما في طلعه حتى أتأكد إنك رتبت امورك .. ولا تخافين على زوجي يجلس عند أمه !! زفرت بضيق كأنها جالسه على جمر ...قررت تقبل بأي وظيفه حتى تطلع من هنا وما تضايق زوج اختها ... قبل ما تنطق ناظرت جوالها الي يرن ...وفتحت عيونها باستنكار وهي تشوف اسم المتصل ... نامت البارحه وهي تدعي ربنا يفرجها عليها ...هذا الشخص الوحيد ما توقعت خروجه بهذا الوقت!! ** ** ** من بعد سفر اهل سراج ما تكلمت معهم ..بينها وبين ام سراج رسائل وملها سؤال عن الحال والاحوال ..بدون التطرق لأي شيء...ما سألتها عن حالة سراج وعن المستجدات ..لو صلر شيء جديد كان تكلمت بدون ما تسألها!! تحس نفسها مثل المعلق بين السماء والارض ... قطعت أفكارها وناظرت ابوها لما نطق باستفسار: وين الغداء ترى متت من الجوع!! هزت راسها بهدوء : دقيقيتين وينزل !! نطق وهو يجلس على الارض: بالله عجلي ترى ميت من الجوع!! هزت راسها وتوجهت للمطبخ تشوف الأكل ... بدأت تسكب فيه ...وبعدها حملته للصالة ...بعد ما فرشت الارض ...وضعت الاكل على المفرش ... وجلست بثقل على مقابل ابوها ... ابو زينب نطق بتساؤل: اختك نايمه ؟! هزت راسها بابتسامة باهته: بطلوع الروح حتى نامت !! ابو زينب هز رأسه: هالبنت شرانيه ما ادري لمين طالعه كذا ...حسبي الله انا اخر عمري ابتلش ببزران!! وهج اكتفت بالصمت على اساس لما يسافر ريان تاخذ ابنتها ..وللحين ما أخذتها !! بلعت اول لقمه وحست نفسها غصت لما نطق : وش رايك ارجع امك لذمتي؟!! شربت مويه مباشره قبل ما تطلع روحها ... ابوها اكيد انجن مستحيل امها ترجع له!! نطقت تقفل الموضوع: اتوقع الي بينكم انتهى ما نبغى نرجع لنفس المشاكل ...وبعدين كيف ترجعها وهي متزوجه؛ رد بكل بساطه: عادي اطلقها منه !! وهج برفض قاطع واضح ابوها فقد عقله: ترى ما يصير هالكلام!! لو بغيتها ما تخليت عنها علشان ام ريان!! نطق بغيض: وانا وش يعرفني إنها رح تطلع بنت كلب !! انا ظنيت كل الحريم مثل امك !! صدق لما قالوا ما تعرف خيري الا لما تجرب غيري!! وهج بهدوء: خلاص راحت ام ريان بنصيبها ..ما تشتم ابوها .. الميت له الرحمه !! هز رأسه : استغفر الله ... أحيانا افقد أعصابي . لا تتصورين قهري على الفترة الماضية ... وهج بهدوء: ربك يعين!! تنهدت وهي تسمع صوت بكاء اختها الصغيره ..نهضت بصعوبه من ثقل الحمل ...وتوجهت تشوفها .... حملتها وهي تشوف وجهها احمر من كثر البكاء...وقفت فيها والتفتت على ابوها لما نطق بضيق بعد ما لحقها: اليوم رح اتصل فيهم يأخذونها ما علقت وهج بنظرها امها اولى فيها ..هي يا دوب تقوم بنفسها حتى تبتلش ببزر .. يحتاج وقت ...وهي محتاجه لكل دقيقه !! ** ** ** ريان متمدد على الكنبه بعد ما فقد الامل من طلاقها ...حاول بابو زينب يطلقها ومستعد يعطيه اي شيء بس رفض بقوة ...ليته معه دليل على الذهب الي سرقه ابو زينب حتى يرفع عليه قضيه ...صك على اسنانه من قلة الحيله ...خطط كثير ...ورسم احلام بمخيلته والكل باء بالفشل ...ما يدري الخلل فيه والا بخططه الفاشله!! ناظر امه الي دخلت بملامح عابسه ..متاكد للحين زعلانه علشان بنت الزفت ..هذا الي ناقص يبتلش ببزران ..نطق بتساؤل وهو عارف الاجابه: وش فيك يمه؟! ام ريان جلست بهدوء وبداخلها نار مشتعله على ابنتها ...نطقت باختناق: ما ادري وش العناد الي فيك ...دامه متكفل بنفقتها ليه ترجعها له ؟! قلبي يحترق عليها ...ما ادري عنها شبعانه والا عطشانه والا مريضه ...كيف ابو زينب يهتم فيها لوحده ؟! نطق بلامبالاة: ما شاء الله عنده كتيبه لو تركها يومين عند كل بنت من بناته كذا ينتهي الشهر تقريباً... قاطعته بحسره: يا قسوة قلبك .. كيف ترضاها لاختك تعيش ذي الحياة كل يوم في بيت!! يا حسرتي عليها !! انا بقلبي نار وانت مو حاسس فيني!! رد ببرود: متى ما سافرت رجعيها عندك ..تحملي كم يوم !! زفرت بضيق قلبها يحترق وهو ولا على باله!! ** ** ** ** ** ابتسمت اول ما شافت رقيه داخله عليهم ...وحامله ابنتها بحضنها ...اول ما دخلت الصالة وضعتها على الارض بضجر: افففف جننتني تبغى تحوس الدنيا !! وهج ابتسمت وهي تحمل البنت وقبلتها على خدها: تجنننننن تبارك الرحمن!! رقيه وهي تجلس وترمي الشاله: اكيد طالعه لي !! وين ابوي ما اشوفه؟! وهج جلست قريب منها وهي تمسح على شعر الصغيره: طلع للشغل !! رقيه هزت راسها: الله يهديه ويستمر بالشغل وتنعدل تصرفاته وما يطلع لنا بسالفه زواج مرة ثانيه!! توسعت ابتسامتها وهج وما خبرتها عن كلام أبوها برجوع أمها ....ما تدري ابوها كيف يفكر ...رجوعه بهذا الوقت استغربته ...ولما تسأله عن سبب غيابه وبعض الامور ..يقفل الموضوع ويقول لها " انشغلي بنفسك ولا تفكري فيني ".... تحس ابوها بحياته ألغاز ما عرفتها ...نطقت تغير الموضوع: وين باقي الشله ...اتفقنا يكونوا قاطعتها رقيه بضجر : يا اختي اقرفوني وبالنهاية كنسلوها .. رنا لما وصلت الباب جاء عندها ضيوف..قلت لهم بالناقص منهم .. والله الا اروح لبيت ابوي...لبست وجهزت نفسي علشان اجلس بالبيت !! المهم كيفك وكيف اخبار بابا المفقود ..واخبار اختنا البزر؟! وهج بهدوء: الحمد لله بخير ...واختك دوبها نامت ... نكديه بشكل كبير ... رقيه لانت ملامحها: يمكن فاقده امها ..لا تقولين صغيره ..ترى الأطفال يعرفون أمهم!!! حسبي الله على ريان يوم فرق البنت عن أمها ..وش استفادت الحين !! الحمد لله ابوي طلقها وارتحنا منهم !!! بس تدرين بداخلي فرحه غير وانا ادخل بيت ابوي ...شعور جميل... وهج عبست ملامحها لما شدت الصغيره شعرها: اخ اخ شعري يا شريره!! رقيه وهي تسترخي على الكنبه: احمدي ربك شعرك قصير ..لو تشوفين وش تعمل بشعري!!! باكر لما تنجبين رح ينتف شعرك !! وهج ابتسمت بشوق لطفلها : حلاله !! رقيه اعتدلت بجلستها لما تذكرت شيء مهم: الحين لما يرجع زوجك من السفر ..اختك مين يهتم فيها ؟! لا تقولين رح تأخذينها معك ؟! وهج حست بشيء اطبق على صدرها من ذكر سراج ...واوضاعهم المنقلبه ؟! تروح للشركه بشكل مستمر لعلها تلتقط اخباره... سناء نصحتها لا تتصل ولا تسأل ..لزوم هم الي يتصلون فيها ....حتى ما يفكروا انها ميته على ولدهم !!! هي تعرف بيت عمها وتعرف معزتها عندهم .... وما رح يقولون كذا .... زمت شفتها بإحباط....تحس نفسها مقطوعه عنهم ...وخاصه الرسائل الي بينها وبين ام سراج ما تشبع فضولها !! تحس نفسها ضايعه ....وما تبغى تتخذ قرار وتندم عليه بعدين!! رح تنتظر لوقت الولادة وبعدها تتصرف!! ** ** ** ** ** قرر يزور جدته ويشوف وش اخبار الاهل والاقارب ..يحس نفسه بعيد عنهم ... ما يذكر متى دخل بيت جده ...اول ما شافته جدته صدت عنه وهي تنطق بعبوس: انقلع لا بارك الله فيك ...يا قليل الخاتمه! ضحك بخفه واقترب وهو يقبل راسها وهي صاده عنه للجهة الثانيه : ابعد عني يا عاق!! انا جدتك وما تزورني طول هالمده! نطق وهو يجلس جنبها: والله انشغلت بأمي وطلاقها وشغلي واخواني احس الف سالفه بعقلي!! نطقت بحاجب مرفوع: وخلاص امك تطلقت؟! هز رأسه بهدوء: ايه حركت رأسها بأسف: الله يصلحها امك ما ادري وش تبغى بالزواج ...والحين وش استفادت ترجع تبتلش ببزران.... الله يهديها..وانت عاد امسك زمام الامور وما تسمح لذي المسخره تنعاد!! تراها امك لو زوجتك من مبطي ...كان عندها احفاد!! ابتسم على انفعال جدته ...نطق بهدوء: إن شاء الله!! اخذت نفس بعد انفعالها وبعدها نطقت بنبره هاديه: هذا الزمن صعب تلقى احد من ثوبك ...البنت وابوها الله يهديهم ؟! عقد حواجبه بعدم فهم..وليه جدته تقول كذا: اي بنت ؟! قصدك اختي ؟! نطقت وهي ترجع لانفعالها:لا اقصد وهج بنت طليق امك !! استجمع كل اذانه حتى يسمع بكل دقه ..واضح في موضوع وهو اخر من يعلم ..نطق واللقافه تذبحه: وش فيها ؟! نطقت بضجر: حسبي الله على عدوها ...نكدت حياة حفيدي...الواحد يتزوج حتى يرتاح ما يدري انه رح يطلع له زوجه تنكد عليه عيشته!! نطق بتوجس وبريق امل يرفرف قدام عيونه: ليش وش صاير! هزت كتوفها : ما ادري بالضبط ...بس سمعت او خلينا نقول وصلتني اخبار انه علاقتهم زفت ..وبينهم مشاكل ...كم صار لها عند اهلها زعلانه...تنتظر سراج يرجع من السفر ويراضيها!! ريان يحس انتعش من هالخبر...نطق بنبره فيها فرح وكأنه ملك الدنيا: صدق ؟ خزته وهي تشوف ملامح الفرح على وجهه: اشوفك فرحان بخراب بيت ولد عمك!! استدرك نفسه وهو يرقع ما يبغى يكون بموقع شبهة : انا ؟! لا الله يسامحك يا جدتي ...بس مستغرب وماني مصدق لأني توقعت سراج يكون قد المسؤولية ويكون أسره متحابه بدون مشاكل !! الجده تنهدت: وش يطلع بيده والحرمه حامل ؟! يعني يضربها حتى تطيعه ؟! وبعدها افقد حفيدي .... بالناقص منها ومن اهلها!!! انا اقول يعطونها فرصه ترجع للبيت لوحدها ..واذا رفضت ترجع أقول يطلقها وما عليه منها ! ريان والامل ينعش بداخله ..يبغى يقفز من الفرح ...على ذي الاخبار الحلوة...بس لزوم يضبط نفسه قدام جدته الي رح تشك بالسالفة!!...نطق بحاجب مرفوع: ومين يسمع لك يا جدتي ...وين الحين سراج؟! زمان ما شفته؟! ردت بهدوء؛ مع اهله مسافرقريب رح يرجعوا ... نطق يشحن جدته على بيت عمه : انا لو مكانك يا جدتي ما اسكت ...اشوفهم حاطينك رجل طاوله وما احد يستشيرك ...عمي خطب لسراج وما استشار ولا خبر أحد ...ولا كأنك أمه يأخذ رايك ...انا لو مكانك ما اسكت على ذي المهزله ...الحين زوجة سراج زعلانه وحضرته جالس بدون زوجه؟! ليه الواحد يتزوج علشان تقضي زوجته وقتها في بيت اهلها؟! وعمي ابو سراج ليه ساكت على ذي المهزله ؟! ردت بقهر: عمك هذا رح يجلطني وكأنه انقطعت البنات ...ما احد خربها غيره .. مدلعها زياده وكأنها ملاك ..شوف النتيجه ..شافت نفسها عليهم وما عاد احد يقدر لها !! اغترت بجمالها وكأنه ما في احد جميل غيرها!! نطق بهمس موجوع: يحق لها!! عقدت حواجبها ما وصلها همسه: وش قلت ؟! هز كتوفه بترقيع: اقول طالعه لابوها..الله يأخذه !! ما ادري اخوالي من وين وصلوا له!! نطقت بعد ما لقت احد يصفق لها: انا اقول ما تبغى ترجع تنقلع وتجلس عند اهلها طول عمرها..وولدنا عندنا حنا نربيه!! قاطعها بثقه بعد ما نسي نفسه: يا ليت والله ما لي خلق ابتلش بالبزران؟! عقدت حواجبها بشك من كلامه: ما فهمت؟! اي بزران؟! حس نفسه تورط نطق بترقيع: اقصد يعني يا ليت اذا تطلقت اكيد رح تجلس عند ابوها وتهتم باختها الصغيره ..ترى ما لي خلق للبزران ..ابنته هو اولى فيها ؟!! هزت راسها الجده بتأكيد: كل شيء يرجع لأصله ...ومرجوع اختك لأبوها ... ومرجوع الجنين الي ببطن وهج لنا !! ** ** ** ابو زينب ما هو مرتاح لاتصاله ..نطق بجفاء:نعم ؟! ريان بداخله يا جعلك للفنى بس مضطر يسايره حتى يحصل مبتغاه.. وبنبره هاديه نطق: ازعجتك بهذا الوقت ابو زينب يبغى ينهي المكالمه لأنه ما يضمن هالشخص يورطه بأي شيء: تفضل ريان بنبره متقنه: انا بغيت اعتذر لك يا عمي عن كل اساءه وجهتها لك ... رفع حاجب : والله ؟! ريان يتابع كلامه متجاهل سخريته: انا يا عم حسيت نفسي وكأني بحلم وصحيت منه ...ما ادري كيف تعاملت معك باسلوب خايس .. ابو زينب بشك : وش الي تغير؟! رد ريان بكذب متقن : اليوم ربي لطف فيني من حادث متوقع .. لآخر لحظة ربي نجاني منه ...ما تعرف شعوري وقتها ... خلال لحظات مر من قدامي كل اللحظات السيئة بحياتي وندمت عليها ندم ..احس وكأنه ربي اعطاني فرصه جديده وحياة جديده !! من بعدها قررت اطلب السماح من كل شخص اسأت له ...وانت من بينهم يا عمي!! والحين السموحه منك ..واتمنى منك تتجاوز أي غلط بدر مني؟! ابو زينب يحاول يصدق كلامه بس ما هو مقتنق : يومين وترجع حليمه لعادتها القديمه!! قاطعه ريان : إن شاء الله ربي يساعدني على طول اتغير للافضل ...ومثل ما قلت لك كل ابغاه منك تسامحني!! واي شيء تحتاجه أنا تحت الخدمة !! ابو زينب يبغى ينهي المكالمه: يصير خير!! ريان يتابع كلامه: وبالنسبة لاختي رح اخذها ...وما رح اكلف على وهج فوق حملها ومشاكلها أزيد عليها ؟! ابو زينب عقد حواجبه: مشاكلها ؟! اي مشاكل؟! ريان بخبث: ليه انت ما تعرف عن المشاكل الي بينها وبين زوجها وبيت عمي؟! ابو زينب بخفوت نطق : وش تقول؟! مثل ما توقع ابوها ما يدري عن شيء ..لزوم يستغل ذي النقطه ويملح ويبهر من عنده حتى تكبر السالفه: والله هذا الي صار ..وهج زعلانه واصله بينهم للطلاق.. وبيت عمي الظاهر طردوها وسافروا ما يبغونها ...وسمعت من مصدر موثوق يجهزون إجراءات الطلاق قاطعه وهو يحس بثقل على صدره من هالاخبار: وربي اذا كنت كذاب ريان بثقه: غريبه وهج ما خبرتك ...تقدر تسألها وتتأكد من صحة كلامي ... أو اسال عمي ابو سراج ...وش مصلحتي اكذب عليك؟! بالنهاية وهج احترمها وتضايقت على الأحداث الي صارت لها لانها ما تستاهل كذا !! لزوم يا عمي ما تسكت عن حقها ..واضح انها مسالمه وما تبغى المشاكل واكبر دليل تكتمها على الموضوع ...يمكن خايفه يلوون ذراعها بطفلها الي رح يطلع لذي الدنيا!! حتى لو كان بيت عمي مستحيل اشوف العوج واسكت ....ابنتك عاشت الضيم في بيت عمي وساكته ..انت ابوها ولزوم توقف هالمهزله قاطعه بضجر من ثرثرته: خلااااص .. مع السلامه!! ريان يناظر الجوال بعد ما قفل الخط ابو زينب..ابتسم بخبث ابو زينب الي رح يحصل له طلاق وهج بدون ما يتدخل مباشره!!! لزوم يحسن الوضع معه حتى يحصل مراده!!! *** ** عقدت حواجبها من استجواب ابوها.. ما تدري من وين له هالأخبار ...نطقت بهدوء ظاهري: لا مو صحيح ؟! ابو زينب بملامح عابسه: لا تكتمي على الموضوع.. ترى الي خبرني قريب منهم ...ولا تنسين انا ابوك ولزوم اعرف كل شيء حتى اتصرف؟!! تنهدت وهج الحين جاي يقول إنه ابوها وينه عن الايام الماضيه ...نطقت بهدوء:ما في قاطعها بحاجب مرفوع: باكر ابو سراج راجع ..وخبرني لما يرجع رح يجلس معي ونتكلم!! تكلمي يا وهج ابغى اعرف وش السالفة بالضبط ؟! انت مرتاحه مع سراج واهله ؟! بلعت غصتها وهي تحس بالاختناق من هذا الموضوع ما لها نفس تتكلم فيه ...ضغطت على نفسها وبهدوء نطقت: مرتاحه معهم ...ما ادري بالفترة الاخيره تعب سراج وكان طريح الفراش ...والمشفى عملوا له فحوصات وكل شيء تمام ما فيه شيء؟! اخذه عمي لشيخ وقال إنه سراج مسحور ختمت كلامها والعبرة تخنقها ...ناظرت ابوها الي يناظر الموضوع بعدم تصديق: مسحور؟! كيف ؟! وما فكيتم السحر ؟! ومين له مصلحة يعمل كذا ؟! هزت كتوفها بعجز : ما عرفنا ...السحر الاول انفك بمجرد ما طلقني بس السحر الثاني للحين ما قدروا يفكوه!! ابو زينب هز رأسه بضيق: لا حول ولا قوه الا بالله...والحين عليك طلقه ؟! حسبي الله على الي ما يخاف ربه؟! مين له مصلحه يخرب حياة سراج! له اعداء؟! هزت راسها بهدوء: ما ادري؟!! ابو زينب شد على يدها يدعمها: لزوم تكونين قويه وتساندين زوجك وما تتخلين عنه !! فتحت عيونها بصدمه ما توقعت رده كذا ؟! تابع كلامه ابو زينب: هذا زوجك ولزوم تتمسكين فيه وما تسمحين للحاقدين يخربوا بيتك .. وبتساؤل تابع كلامه: السحر الاول يعني ينفك بطلاقك؟! هزت راسها ما لها قلب تتكلم بالموضوع...هز رأسه بتفهم: باكر اشوف ابو سراج ونشوف وش رح نعمل لهذا الوضع ..بس بالنهاية هذا زوجك ولزوم تمسكين بيده للنهايه ما تكونين مثل امك !!! غمضت عيونها للحظات باستياء من ابوها ...للحين يظن نفسه المظلوم ... وش كان ينتظر من امها تصفق له ؟! تنهدت وقلبها متخوف من لقاء بيت ابو سراج وخاصه سراج !! تحس قلبها ما له حيل يسمع أي شيء يوجعها !! ** ** ** ام زينب وهي تعدل جلستها بتوعد : يصير خير!! بنت ابوها وش ارتجي منها ؟! زوجها مسافر ولا قالت اجلس عند أمي ؟! عند ابوها ملتصقة ...انا اعرف البنات دوم يلتصقون بالام بس مثلها ما عمري شفت ...تعلقها بأبوها اكثر مني يقهرني !! ن نور الي كانت بزيارة امها نطقت بترقيع: يمكن ما اخذت راحتها بوجود ابو رائد!! قاطعتها بانفعال: والله!! ترى ابو رائد افضل من ابوها بألف مرة ...ناظريها تحسفت تزورني مرة وحده ؟! نور بتردد وهي تشوف انفعال أمها ..واضح شلة الانس شحنوها من جديد : يا يمه اختي الصغيرة عندها وما تقدر تجلبها معها ...وما تقدر تحطها عند وحده فينا بعد ما رفضنا ورفعنا يدنا عنها؟! ام زينب تحس النار تغلي بقلبها ..نطقت بعدم رضا من تصرفات وهج: انا قلت لها ما تتحمل مسؤولية البنت وما لنا علاقه فيها ..ومع ذلك رمت كلامي بعرض الحائط... ما ادري من وين طلع ابوكم مرة ثانية ؟! على اساس انقلع وما رح يرجع؟! هزت كتوفها نور بملل من هالموشح الي ما خلص من لما وصلت وامها وتعيد وتزيد بنفس السالفه ...ردت بهدوء: والله ما ادري عنه ... يا يمه اتركي وهج بحالها ..واعتبريها مثل نوره سافرت بعد الزواج !! ام زينب كتمت غيضها وهي تتمنى تكون وهج قدامها..تقهرها بتصرفاتها كيف تربي ابنة ضرتها ؟!!! * * * وقفت بعد ما دخلوا من البوابه...ناظرت المكان بهدوء وهي تحس بحنين لهذا المكان ....تنهدت وشيء بداخلها ينهش قلبها ما تدري وش سببه؟! ناظرت ابوها الي يناظر المكان بإعجاب وانبهار ...تحس عيونه رح تطلع وهو يتكلم: كنت تعيشين هنا؟! وهج اكتفت تهز رأسها ما لها نفس تنطق حرف ؟!! التفتت على عمها الي اقترب وهو يرحب فيهم بملامح مبتسمه !!! ناظرته وهو يسلم على ابوها بحراره ... والمحبة الي بينهم واضحه ... ما تدري ليه خنقتها العبره وهي تناظر سلامهم الحار ... تنهدت واقتربت وسلمت على ابو سراج بهدوء ...شد على يدها بابتسامة: كيفك والله اشتقت لك!؟ وقبل ما تنطق مسح على راس اختها الي حامليتها: ذي اختك ؟! ما شاء الله!! وناظر ابو زينب ونطق بابتسامة: ما ارتحت الا لما جبت رقم 13؟! ابو زينب بهم : لا تفتح مواجعي ... وكأنه مكتوب علي البنات!! استغفر الله!! ابو سراج بابتسامة عريضة على ملامح صديقه البائسه: ما يجوز كلامك ..يا زين البنات !! عندك هالجوهرة تسوى الف ولد!! ابو زينب ابتسم بالرغم من ملامحمه العابسه وهو يناظر وهج: بذي صدقت !! ابو سراج اشر للداخل: تفضلوا تقضلوا !! تحركت معهم وقلبها ينبض بقوة كلما اقتربت من مواجهة سراج ... خايفه من اللقاء كيف يكون ؟! دخلت معهم المجلس الخارجي بترقب معقول سراج بانتظارهم بالداخل ...قررت تدخل للمجلس الخارجي ...شيء بداخلها يجبرها تتحاشى المكان الي يتواجد فيه سراج!! جلست وهي تناظر عمها الي يتكلم بأريحية ويسأل عن الحال والأحوال ... وبعدها انتقل الحديث عن وضع ابوها ...ابو سراج بانتقاد نطق: كل اسلوب حياتك غلط ...ترى مو كذا تورد الابل ؟!! اسمعني زين اعتبر نفسك بدأت من الصفر !! واذا تبغى مشروع لك انا مستعد اعطيك مبلغ تبدأ فيه مشروعك ولما تستند ترجعهم بالاقساط ما عندي مشكله ؟! بس الاهم ما تبقى كذا ؟! وهج فتحت عيونها بفزع من كلام عمها ... مستحيل تقبل بهذا الشيء ... متأكدة ابوها رح يصرف الفلوس وما يعمل لا مشروع ولا بطيخ ..ولو فتح مشروع رح ينكسر .. لأنه بكل بساطه من السفهاء ما يعرف يمسك فلس واحد... متأكدة الفلوس رح تطير وتزيد ديون ابوها..من وين له حتى يدفع لابو سراج ...وين عينها منهم اذا عمل ابوها كذا ...نطقت باعتراض: ما له داعي يا عمي!! ابو زينب رفع حاجب وهو يخزها: وليه رافضه؟! زمت شفتها بضيق كيف توصل له الفكره بدون ما تستنقص منه..وبحذر نطقت: المشاريع تحتاج عقل خالي من المشاكل ...وانت يبه الف سالفه بعقلك ...واذا ما نجح المشروع تزيد ديونك وكأنه ينقصنا !! ختمت كلامها وهي تناظر عمها ابو سراج برجاء ما يعطي ابوها فلوس!! ابو سراج فهم من ملامح وهج الي ظهر عليها الانزعاج ..نطق بتفهم: اذا ما تبغون مشروع ..وش الحل؟! لزوم تلقى دخل قوي تتخلص من ديونك؟! وش رايك اشوف لك وظيفه عندنا بالشركه .. تمشي امورك فيها ؟! ابو زينب نطق بسرعه قبل ما تعترض وهج وتخرب عليه : ما عندي مشكله!! وش طبيعه الشغل؟! ختم كلامه وهو يوزع نظره بين وهج وابو سراج!! وهج كتمت ضيقها ما تبغى ابوها يشتغل عند ابو سراج حستها ثقيله والاهم ما تضمن ابوها يجيب العيد بالشغل !!! تنهدت والضيق يعتليها وهي تشوفهم يتفقون على الشغل!! وقفت بعد ما زادت الكدره الي بداخلها : وين خالتي ..ابغى اسلم عليها؟! ** ** ** جالسه مع خالتها بهدوء..تكلمت بكل شيء الا سراج ما طرت سيرته ابد ولا وهج سألت اي شيء عنه ..ما تدري ليه متخوفه تسأل..تحس قلبها ما يتحمل اي صدمه جديده ... نطقت بهدوء : يقولون لما يسافر ولدها رح ترجع تأخذها !! ام سراج هزت راسها: الله يهديها احد يرمي ضناه ...بس ما ألومها ما تدرين عن وضعهم يمكن ما تقدر تعارض ابنها!! الله يهديهم يا رب!! تنهدت بعد ما عم الصمت بالمكان ... مسحت بخفه على شعر الصغيره ...تحس قلبها ما هو مرتاح تبغى تعرف اي شيء عنه ...تبغى تعرف ايش صار معهم بالسفر ..ما قدرت تسيطر على نفسها ..وبتردد نطقت: كيف سراج؟! ما فاتها ملامح خالتها الي بهتت من اول ما طرت ذكر سراج ...سرعان ما عدلت ملامحها وهي تنطق بهدوء: الحمد لله بخير!! سكتت للحظات وهي عارفه قصد وهج من السؤال ..وبتلعثم نطقت: الشيخ يقول وضعه تمام ونسبة تخلصه من السحر كبيره بس الاهم نلقاه؟ حست نفسها هوت في بير عميق ما له قرار وهي تنطق بخفوت: نلقاه؟! كتمت ضيقها خالتها تتكلم وكأنه الموضوع بهذا البساطه ..وين رح يكون السحر ؟! وما هو بالسهل يعثروا عليه!!! زاد عبوسها لما تابعت خالتها : عمك ابو سراج متفائل يقول من هنا لوقت الولادة رح نلقاه ...انت لا تشيلي هم ..واي شيء يصير مباشره رح اتصل فيك وأخبرك؟! عقدت حواجبها من كلامها الواضح إنها ما رح ترجع بذي الفترة ...ما نطقت وهي تحس بالعجز ما في كلمة توصف الضيق الي بداخلها!! عم الصمت للحظات ..بعدها تكلمت وهج بهدوء تغير الموضوع: وش اخبار سوار ابتسمت ام سراج : بعدها هالبنت وش رح الي يتغير عليها!! رسمت على ملامحها ابتسامة وهي تشوف سوار داخله: جبنا سيرة القط ! ضحكت ام سراج وهي تناظر سوار: لو طرينا الف سوار نفشت نفسها بغرور: أنا قطعت كلامها لما ضربتها امها بالعصا: اقول ابعدي عن طريقي ..يا حبك للثرثره!! ضحكت وهج بخفه على شكل سوار المتفشل ...زادت ضحكتها لما أشرت لها سوار بتوعد: انا اراويك يا دبه!! سلمت وهج على جدة سراج بابتسامة وبعدها على سوار الي اشرت على الصغيره: مين الحلوة ذي؟! وهج جلست وهي تنطق بابتسامة: اختي!! سوار جلست قريب منها : ياااااه حلو يكون عندك اخت صغيره كذا ؟؟ ليت ابوي الله يرحمه تزوج قبل موته وأنجبت لنا اخت صغيره قطعت كلامها لما قاطعتها امها بغضب: انكتمي يا زينك وانت ساكته!! عبست ملامحها من امها وهي تنطق بضجر: انا وش قلت!! وهج تناظر الجده وهي تبربر على سوار وتضحك بخفه اسلوب الجدة بالكلام والشتيمه يضحك!! سوار خزتها: ايه اضحكي وش عليك انا الي انمسح فيني الارض!! ام سراج خزتها بعيونها:تكلمي بكلام زين علشان ما تنمسح فيك الارض!! سوار بضجر: وربي لو اقول " استغفر الله الا تهب فيني أمي" قاطعتها امها بانتقاد: لأنك ترفعين الضغط..لزوم يحطونك بالمستشفى علاج الضغط!! ما قدرت وهج تكتم ضحكتها واطلقتها وهي تشوف سوار الي فتحت عيونها باستنكار من كلام امها!! دخل وصوت ضحكها مرتفع واصل للخارج ... ناظرها قبل ما احد ينتبه على تواجده... يحس بداخله متحامل عليها للحين ....وبنفس الوقت بداخله حنين له ..... التقت عينه بعيونها وهو يشوفها كيف بلعت ضحكتها وتلبسها الجمود وكأنها شافت جني بوجهها!! زم شفته بضيق ودخل يسلم على جدته وخالته..متجاهل وجودها ... يحس بشيء يخنقه اذا اقترب من جهتها !!! كمل سلام وجلس عند جدته بدون ما يناظر جهتها!! سوار ما فاتها انقلاب ملامح وهج من لما دخل سراج .. معقول تشاجروا ؟! ما امداهم ؟؛ وهج استاذنت وطلعت لما بدأت الصغيره تبكي!! ** ** ** طلبت من ابوها يرجعون علشان اختها الصغيره ...واقفه تناظر عمها يؤكد عليها إنه كل الامور تمام ..والمطلوب منها تنتظر بعض الوقت!! هزت راسها بتسليك ما لها الا الانتظار ...وما لها نيه ترجع تزورهم مرة ثانية طول ما الوضع كذا ... تحس عمها يرجع ويؤكد على نفس السالفه وكأنه ما يبغى تواجدها هنا ...اقنعت نفسها يمكن الراقي طلب منهم كذا !! طلعوا من البوابه وهي تناظر ابوها يبغى يوقف سيارة اجرة بعد ما رفض بإصرار عرض ابو سراج إنه يوصلهم؟! من اول ما ركبوا السيارة وابوها يمدح بالبيت والخير الي عايش فيه ابو سراج ..نطق بحرص:لا تفرطين بزوجك ...عمك يحبك ويعزك لزوم تتحملين حتى يتشافى!! هزت راسها بتسليك لكل كلامهم رح تنتظر وتشوف النهايه معهم!! ** ** ** يراقب البيت بدقه وهو ينتظر خروجهم منه ....تنفس براحه لما غادروا والبيت الحين فاضي .... ما يدري من وين يدخل البيت ...ما يبغى اي اثر يدل انه احد دخله !! ما يقدر يخلع الباب ويترك اثر خلفه ...يبغى كل شيء من خلفه يكون تمام !! عقله يستذكر ايام ابو زينب كان يضع مفتاح البيت قريب من الباب .. تحت الاشياء الموجودة بالمكان ... المكان فاضي وما في اغراض ... وين رح يكون المفتاح ... معقول يتركونه بمكان متفقين عليه ؟! دار حول البيت مرة ومرتين وهو يفكر كيف يدخل للبيت .... لو تسلق للسطح معقول يلقى منفذ؟! تشنج لما حس الباب الخارجي انفتح ..حمد ربه انه بالجهة الجانبيه لو كان بالجهة الاماميه كان انكشف امره!! كتم انفاسه للحظات يسيطر على نبضات قلبه ..وبخفه يتسارق النظر حتى يعرف مين الي رجع ... نبض قلبه وهو يشوف وهج راجعه ومعها أخته ...راقبها لما دخلت البيت وبخفه وبتهور دخل خلفها مباشره للداخل ..بعد ما تأكد انها دخلت لاحدى الغرف ... وبحركه خفيه توجه لدرج السطح حتى يقدر يتابع خطواتها بخفه !!! اما عند وهج الي رجعت للبيت بعد ما اتصلت فيها رقيه... وخبرتها إنها امها وزوجها عملوا حادث ...تحس كل خليه بجسمها يرتجف ... جهزت اغراض لها وللصغيره ووضعتهم بحقيبه ما تدري كم يوم رح تجلس بالمنطقه الثانيه!! مسحت على وجهها وعقلها رافض يسمع اي خبر سيء ...بالرغم إنها طمنتها رقيه وإنه الوضع تمام ..بس ما تدري ليه ترتجف كذا!! قفلت الحقيبه وعدلت نقابها ...حملت اختها وتوجهت للخارج قبل وصول رقيه الي رح تمرها وتأخذها معها !! فتحت الباب وسرعان ما تجمدت لما حست صوت شيء ارتطم على الارض!! انتهى البارت.. بالنسبة لمواعيد تنزيل البارتات ..انا بنزل الموعد على الانستقرام....دمتم بخير ❤️