اكتب ياصغيري - الفصل 27 - بقلم ضاقت انفاسي - مكتملة | روايتك

بارت ٢٧ جالسه بالصالة وكالعادة الفوضى من حولها ...ما تنجز اذا ما كان كل شيء من حولها موجود....كل يوم تزور نور ما كانت تعرف بموت طفلها ..للحين تحس بغصه بوسط حلقها ...تتخيل نفسها ...تنتظر طفلها تسع شهور وبعدها ما تقدر تلمه ...صعبه صعبه ...كيف تكون نفسيتها لما تشوف اغراضه الي جهزتها له ...راح قبل ما يلمسهم ...شعور صعب ما هو سهل عليها .... تدعي ربها يربط على قلب نور ويرزقها اطفال يعوضونها!! حمدت ربها من بعد الموقف الي صار ... امها صالحتها وما عادت تطري سراج لا بخير ولا بشر ...اما اخواتها اعتذرت منهم ...وبررت موقفها ما كان قصدها الاهانه ....ما تدري اذا اقتنعوا او لا ..لانه واضح شلة الجن شحنوهم بقوة ..حتى يحملوا عليها ويقاطعونها كذا ...الاهم شلة الانس تحاول تتجنب اماكن تواجدهم حتى ما تلتقي فيهم ..خلاص الاذى منهم ما عادت تتحمله ...واي اشتباك معهم ينقلب ضدها وامها تزعل منها .. الافضل تكون بعيده ... كل الي تبغاه السلام من حولها ....وتعيش مع سراج بسعادة ... رفعت نظرها لما حست شيء ارتطم بجبهتها .... ناظرت سراج الي متربع على الكنبه بالجهة الثانيه واللاب بحضنه ويقال مندمج بالشغل !! خزته وهي تلمح ابتسامته الي يحاول يخفيها..ناظرت الورقه الي ارتدت على الارض ..سحبتها وفتحتها وهي رافعه حاجب لما قرأت المكتوب" ما في خدمات" مسكت القلم وكتبت عليها الرد ...بعدها كمشتها ورمتها عليه!! التقطها سراج وهو يناظرها بابتسامه...فتحتها وهو يشوف كاتبه" الخدمة ذاتيه" قطع الورقه وهو ينطق باعتراض: كيف يعني ؟! والله نشف ريقي وانا اشتغل ؟! وهج زمت شفتها : يا سلاااام ؟! اتوقع تدل الثلاجه ..روح اشرب حتى قاطعها بملل: وهج ...يهون عليك اموت وريقي ناشف!! هزت راسها بلامبالاة: ايه عادي!! خزها بقوة: صدق ما لك صديق ... بما انك شريره .. قومي وتحركي ونظفي كل هالحوسه ذي ؟! لا تشوفين إني تغاضيت عنك..قمت اخذت راحتك وعفيت الصالة!! تحركي اشوف! ضحكت وهج بخفه وهو يلقي عليها اوامره بصرامه ..نطقت باعتراض: والله حاله !! اقولك ما اعرف ادرس واشتغل اذا ما كان كل شيء حولي موجود!! نطق بعدم اقتناع : اقولك ما اطيق اشوف كل هالفوضى؟! وبعدين افرضي امي جاءت هنا ؟! وقفت وهج بضجر وهي تجمع اغراضها: انا رايحه لذيك الغرفه واكتب براحتي ..وانشر اوراقي وكتبي من حولي براحتي !! قاطعها برفض وهو يشوفها بدأت تجمع أغراضها: وين وين اقول اجلسي هنا .. بس رتبي المكان قاطعته وهي رافعه حاجب بتحدي: تبغى اجلس بذي الفوضى ... كان بها ..ما تبغى احمل قشي واروح!! ختمت كلامها وهي تناظره بحاجب مرفوع !! ناظرها سراج بغيض ..مشكلته ما يطيق تبعد عنه ..حتى لو كان منشغل بالشغل ..يحب يشوفها قريبه منه ...نطق باستسلام: خلاص اجلسي نطقت بنبره استفزته: مع الفوضى!! نطق بغيض وهو يشد على اسنانه: مع الفوضى! افففف ..ما ادري وش ينقصك لو كل شيء حولك مرتب!! وهج جلست بابتسامة واسعه : والله كذا متعوده من ايام المدرسه! سراج وهو يعزي نفسه: ما اقول الا ربي يرزقني عيال مثلي ...كلهم اناقه وترتيب وما يطلعون لامهم الرفله!! فتحت عيونها باستنكار: سراج كأنك جالس تشتمني؟! سراج هز كتوفه بلا مبالاة: مو شتيمه لانه هذا هو الواقع ؟! بالله تخيلي يصير عندنا ١٢ طفل ويكونون مثلك ..عز الله البيت الا يتحول لقمامه قاطعته باستنكار: ١٢ طفل ؟! نطق سراج بتأكيد: ايه ابغى البيت يضج بأصوات العيال ....ابغى امي يصك راسها من صراخهم ...ابغى يصير لهذا البيت روح وحياة ...طق قلبي من الوحده ..ما ابغى عيالي يعيشون حياة الوحده ...حلو يكون عندك اخوان تتشارك معهم قاطعته وهج باستنكار: اوكي ما اختلفنا ..بس ١٢ حسستني فقاسه بيض قاطعها وهو رافع حاجب: ترى امك انجبت ١٢و ١٣ على الطريق!! خزته بقوة: قل اعوذ برب الفلق!! تظن سهلة تربي العيال ... نطق بابتسامة واسعه: ولا في اسهل من تربية العيال...انا رح اساعدك بتربيتهم !! وامي وابوي رح يساعدونا!! وبتردد نطق: وش رايك لو نروح للدكتورة ..تشوفي سبب تأخر الحمل ؟! اذا في مشكله حتى نعالجها ...ما تدرين كم متشوق يكون عندي اطفال!! خزته وهج وهي ماسكه نفسها ما تقوم وتضربه..نطقت وهي صاكه على اسنانها: ترى كم شهر لنا متزوجين ...عز الله لو نروح للدكتوره الا بالنعال تطردنا!! عبس ملامحه من رد فعلها : يعني متى ؟! ردت وتكدر خاطرها ...بعد كلامه وبدأ الشك يدخل قلبها ..معقول تكون ما تنجب ..هبط قلبها من ذي الفكره ...بداخلها شوق كبير لطفل ...نطقت وهي تناظر سراج ينتظر الجواب: بعد سنة نراجع عفس ملامحه بتنكيسه : بعد سنه ؟! يا برودك ...انا اقول نهاية الشهر نروح ونشوف ما رح نخسر شيء!! قبل ما ترد قاطعهم طرقات على الباب وصوتها يوصلهم: افتحوا الباب ..حشى مندفسين داخل الجناح ليه ؟ سراج بضجر: هذي الي ابغى اذبحها واخلص منها ... طالعه لي مثل الشوك بالبلعوم ..والحين لاحقيتني للجناح!! وهج ابتسمت: حرام عليك ..لا تكسر بخاطرها ..لانها وحيده وتحس بالملل !! ** ** ** اخذ نفس عمييييق من الأرجيلة ...نفث الدخان وهو ينطق بقهر: ولا مرة مشت خطه من خططي ؟! منير ابتسم بسخريه: خططك فاشله.. وكأنك ما تعرفها لو تجلس الف سنه ما ردت علينا ...مجرد تسمع صوت رجال تقفل وتعمل حظر!! نطق ريان بعجز : خلااااص ما بقى عندي حلول الا حل واحد !! منير عقد حواجبه بعدم فهم : كيف ؟! ريان نطق بخفوت: رح اسحرها ..وربي الا اخليها تهوجس باسمي ليل ونهار ....واخليها تكره شي اسمه سراج !! غير كذا ما بقى عندي حلول!! منير زم شفته بتعجب من تفكير صديقه : تراه حرااام ريان خزه بسخريه: على اساس الي كنت تعمله حلال!! انت لا تتدخل منير قاطعه: اكيد تبغى اثر لها؟! ريان ابتسم بخبث: عندي صور لها ...انا اكثر من كذا ما اقدر اصبر ...وجودها قريب من سراج رح يصيبني بالجنون!! منير ابتسم شبح ابتسامه ..واضح صاحبه ما بقى فيه عقل ...ومع ذلك رح يستمتع وهو يناظر الأحداث ويشوف النهايه معه!! ** ** ** وهج منشغله تجهز البيتزا لسراج بعد ما عزمت انها تعملها بنفسها ...مندمجه بالتحضير وعقلها يستحضر نفس الخطوات الي قالتها لها خالتها !! حست بشيء ضرب رقبتها من الخلف بخفه ...تركت الي بيدها وناظرته بابتسامه: هلا سراج!! سراج تقدم واستند على الطاوله وهو يناظر شغلها: وش عندها الشيف اليوم! وهج ابتسمت بثقه: اعمل بيتزا!! زم شفته بتعجب: بيتزا ...عمرك عملتيها من قبل .. عدل سؤاله لما خزته بقوة: اقصد اذا ما عمرك عملتيها انا اساعدك فيها !! تركت الي بيدها وناظرته وهي رافعه حاجب وزامه شفتها بتعجب : ما شاء الله ....انت تساعدني ؟! ابتسم وهو يشوف نظراتها بعد ما تورط ..هز راسه بتأكيد وهو يسلك لها: فنان بتجهيز البيتزا ... اي مساعده انا موجود!! نهضت نفسها وحركت الاغراض امامه وهي تنطق بحاجب مرفوع: تفضل اعملها بنفسك وخلينا نشوف وش رح يطلع معك !! حس نفسه تورط ...ما عمره جهزها ولا يعرف كيف يعملوها..بس نظراتها المكذبه خلته يصر ويثبت لها انه افضل منها بالطبخ ..تناول منها علبة الذره الي تحركها باستفزاز قدامه..وضعها وما يدري كيف يطلع نفسه من ذي الورطه !! ناظرها لما تكتفت وهي تناظره بتحدي..حرك حواجبه بمعنى خير: ليه واقفه؟ ابتسمت ابتسامه واسعه : ابغى اشوف كيف رح تعملها واتعلم منك !! ابتسم بتورط مستحيل يسمح لها تتشمت فيه ...نطق وهو يؤشر للخارج: عمرك شفت شيف يعطي سر طبخاته السحريه لأحد ..اقول اطلعي ولما اكمل اناديك ... وقبل ما تعترض نطق: ترى وجودك يخربطني وافقد تركيزي ..اطلعي واعتمدي علي !! يلا يلا برا برا حاست بوزها بعد الطرده ..متاكده ما يعرف يعملها ..نطقت بتحدي: رح اطلع واشوف وش رح يطلع معك انا بالصالة رح ادرس قاطعها بحزم يمكن يحتاج مساعده خارجيه ..لزوم يبعدها عن طريقه: لا لا تجلسين بالصالة...وتصير حوسه وفوضى ..ما ندري مين يزورنا ...خلاااص اجلسي بالغرفه وما تصدري اي ازعاج ..والحين تفضلي!! ناظرته بتعجب من كلامه ...هزت راسها تشوف نهايتها معه ...رح تجهز جوالها اول ما تطلع ومباشرة تصور شغله ..حتى ما يفكر بأي يوم يتمسخر على طبخها ...رح تقول له مباشره " شفنا العجائب بالبيتزا" بعد خروجها زفر بتورط ... مسك الجبنه باستغراب ...متى يحطوها ؟! واذا ما حطها وش رح يصير يعني؟! فتح جواله وهو يبحث عن اسهل طريقه لعمل البيتزا ... زفر بضجر وش الي خلاه يتورط ... بدأ يطبق مثل ما شاف بالفيديو بالدقه وهو يتمنى تطلع عيون وهج بس لما تتذوقها ..ابتسم وهو يتخيل شكلها لما تشوف مهارته .. ويكسب التحدي!! قطع سرحانه لما شافها دخلت المطبخ ...وبحركه خفيفه قفل جواله حتى ما تعرف انه استعان بالنت ... نطق بهجوم: وش تبغين ؟! وهج وهي تناظره بدأ بتجهيزها ...منظره وهو بين ذي الحوسه يضحك ...كتمت ضحكتها ونطقت : ابغى مويه!! ترك الي بيده واقترب منها ...ناولها المويه والقهوة وهو ينطق بتحذير: يا ويلك لو دخلت المطبخ بدون ما اسمح لك .. متى ما كملت يصير خير!! عقدت حواجبها ..ليه عامل كل هالبلبلة ؟! رح تشوف نهايتها معه ..طلعت وهي تنطق بابتسامة واسعه: حظ موفق !! زفر بضيق بعد خروجها ..وهو متوهق بالتجهيز..بعد وقت حس بالانتكاسه وهو يشوفها جهزت ...واطرافها محروقه تاخر عليها ...اقنع نفسه الاهم الطعم ؟! تذوق منها قطعه صغيره وهو عافس ملامحه ...اقرف بيتزا تذوقها بحياته .... شد على قبضة يده بقوة ..الحين رح تشمت فيه وهج!! مستحيل يقبل بهذا الشيء ...مباشره تواصل مع صديقه عنده مطعم ...طلب منه بيتزا مستعجله ...مستحيل يخسر قدامها ....توجه للبيتزا الي عملها ....وضعها بكيس للقمامه ... وأخذهم معه حتى يخفي جريمته ..واخذ معه طبق فاضي ..وقفل المطبخ بالمفتاح حتى يضمن هالمتطفله ما تدخل المطبخ بغيابه ..وطلع من الجناح بخفه ..بدون ما يصدر اي ازعاج ... واول ما وصله الطلب ...مباشره وضعه بالطبق الي اخذه من الجناح ... وتخلص من تغليف المطعم ... الي يشوفها بالطبق يظن إنه صنع بيتي!! وبخفه رجع للجناح بحذر وهو يمشي على رؤوس اقدامه..رجع للمطبخ ..دخله وقفل الباب خلفه...وضعه على الطاوله ...وناظره برضى ... بدأ ينظف المكان ويتخلص من الحوسه !! بعد وقت كان كل شيء جاهز ! ** ** ** ريان يتكلم بالجوال بحماس: اعطيتها كل شيء تبغاه. ..وطلبت اعطيها مهله وارجع لها بعد فترة!!..... دفعت لها مبلغ محترم ....الاهم القى نتائج...اااااه تخيل تكون نهاية الشهر مطلقه .....الله يعيني انتظر نهاية العدة... وليه ترفضني؟!... اقولك يا غبي سحر محبه تصير تعشقني ... ما يهمني .... إن شاء الله...مع السلامه ... قفل الخط وهو يبتسم بسعاده ... متشوق للحظة الي ترفض وهج سراج وتقول ابغى رياااااان!!. متى ذاك اليوم ؟! اليوم الي ينتقم من سراج ...وبنفس الوقت يحصل على فجر ...وبنفس الوقت يربي وهج ويعلمها كيف تكلمه !! اخخخخ متشوق لذاك اليوم!! متى يحقق انتقامه منهم؟! لزوم ما يتسرع ويستبق الأحداث حبه حبه ...حتى تكون النتائج مبهره ...من فرط سعادته ما قدر يكتم ضحكاته ....ترددت ضحكاته بالسيارة وكأنه مجنون ....ما هو مصدق أنه واخيرا رح يحقق انتقامه!! ** ** ** تناظر البيتزا بحاجب مرفوع ...ما توقعت إنه يضبطها بهذا الشكل .. رفعت نظرها لسراج الي واقف فوق راسها يشوف رايها بعد ما تذوقتها ويناظرها بانتصار ...نطقت بتعجب: بصراحه ما توقعت تطلع معك كذا ؟! بس غريب بعض المكونات الي وضعتها لك ما استخدمتها!! سراج الي خاف يتورط ويخربط بالكلام وتكتشفه ... سحب كرسي وجلس وهو ينطق: كل شخص له مكوناته السحريه!! نطقت بتساؤل: كيف الطريقه ..حابه اعمل مثلها!! كتم ضحكته ما يبغى يفضح نفسه ... بصعوبه تحكم بملامحه وهو ينطق بغرور وثقه: سر المهنه ..لا تحاولين ما رح اخبرك!! وهج حسته يبغى يضحك ..نطقت باستغراب: وليش تضحك!! سراج بترقيع: سعادة النصر ..لانك تحديتني وهذا انا كسبت التحدي!! ما تنكر انه كسب التحدي ...رجحت مهارته بذي الامور بما انه عاش لوحده واكيد كان يعتمد على نفسه .... ابتسمت وهي تأخذ قطعه : تدري ما توقعت ماهر كذا !! بس واضح الوحده علمتك امور كثير!! وش رايك كل يوم تعمل لنا ...بصراحه طعمها خرافي واعجبني!! قاطعها برفض : بأحلامك ..الظاهر اعطيتك وجه !! عقدت حواجبها ..واضح شاف نفسه عليها ..هي الغبيه الي صفقت له والا المفروض ما اظهرت اعجابها ...نطقت باستدراك: واضح اخذت بنفسك مقلب...كنت اجاملك وما ابغى اكسر بخاطرك قاطعها باستنكار: نعم؟! وهج هزت راسها بتأكيد: ايه ما حبيت اكسر خاطرك فوق تعبك ..حبيت اجاملك بس ما تستحق المجامله..تراها مو ذاك الزود ..الي اعملها افضل بكثير!! قاطعها بفزع من نكرانها: الحين ذي الي عملها اشهر طباخ بالمنطقة ما هو عاجبك!! عقدت حواجبها : اشهر طباخ ؟! وش تقصد ؟! سراج الي توهق وللحظه كان رح يفضح نفسه..نطق باستدراك: مو عاجبك اكون اشهر طباخ؟!! صدق ما تستاهلين ..هاتي الطبق اشوف..والله ما تأكلين !! وهج طلعت عيونها لما سحب الطبق لجهته..بحياتها ما تذوقت مثل هالطعم .. وكأنه شغل مطاعم ...الي يشوفه مستحيل يصدق إنه شغل البيت ..بلعت ريقها وهي تشوف لما سحب قطعه والجبنه متشابكه ..منظرها يذوب النفس ...نطقت بغبن وهي تشوف ياكل باستمتاع: ان شاء الله تغص قطعت كلامها..لما بدأ يكح بعد ما غص بالاكل ..مدت له الماء بسرعه ...ونظراتها كلها خوف يصير له شيء.. بعد ما شرب ما قدرت تمنع الضحكه على منظره وهو يناظرها بحقد: اعوذ بالله من عيونك!! وهج من بين ضحكاتها : تستاهل .. هز رأسه بتوعد : صدقيني ما رح اعطيك الا لما تعتذري ؟! وهج شدت على بطنها من شدة الضحك ...منظره وحركات البزرانه وملامحه المقهوره تضحك بقوة ..ما هي قادرة تأخذ النفس !! جثت على الارض وهي تحاول تمسك نفسها عن الضحك ما هي قادرة تتحمل وجع بطنها !! ** ** ** ام سراج بزياره لحماتها ...تضايقت من لما جاءت وهي تسأل عن زوجه سراج ..حملت او لا ...نطقت بضجر: يا خالتي دوبهم متزوجين ..خليهم يعيشون حياتهم قاطعتها بنغزه: ما ابغى يصير فيه مثل ولدي ...راح العمر وهو يعيش حياته وما طلع الا بسراج!! كتمت ضيقها من نغزاتها ... نطقت : والله ابو سراج يقول بالنسبة له سراج عن 10عيال قاطعتها ما هو عاجبها هالكلام: وش هالكلام !! اقولك من الحين يراجعوا واذا في مشاكل يتعالجوا ...خليها تنجب لها 8 عيال يحملون اسم ولدي!!! واذا ما في فيها فائدة للحمل ...يشوف نصيبه ...هذي وتين جالسه قاطعتها بضيق: وش هالكلام ؟! سراج مرتاح مع زوجته .. والبنت ما شاء الله عليها ما هو ناقصها شيء ...وهالكلام ما له داعي!! مطت شفتها : نشوف نهايتها معك ...وينهم ليش ما احد جاء معك !! ردت باقتضاب والجلسه ثقيله عليها : وهج عندها دراسه وامتحانات ...وسراج جالس عندها زمت شفتها بعدم رضا: وش يعمل عندها ..يحفظ الدروس عنها ؟! المفروض حتى تدرس سحبت ولدك هنا ...اقص يدي اذا فتحت كتاب!! ام سراج رفعت عيونها للسقف بضجر: بكيفها تدرس ولا عمرها درست !!! والحين اتركينا منهم ...وش صار على ام ريان ؟! زمت شفتها بعدم رضا: ذول سرهم مثل البئر العميق ما له قرار ... وما تقدرين تاخذين منهم سر واحد ...وما ادري شيء عن حياتهم ...كل شيء تمام يقولون ...كل نهاية الشهر يزوروني العيال ام سراج بتساؤل: وهي زارتك قاطعتها بالنفي: لا ما تيجي يقولون تعبانه من الحمل... ام سراج بتساؤل: هي بالشهر التاسع نطقت بتصحيح: لا بالشهر السابع ..والدكتوره اكدت لهم أنه ولد ام سراج هزت راسها... ما تدري كيف رح يكون شعور وهج لما يكون لها اخ: الله يقومها بالسلامة!! *** *** *** *** يحس بالقهر بداخله كل خططه تفشل ..نطق بكل قهر وغضب: كيف يعني ؟! ردت ببرود: البنت محصنه طول الوقت ما اقدر اعمل لها اي شيء!! نطق كمحاولة: والحل يعني؟! ردت بقلة حيله: ما اقدر اعمل لها شيء طول ما هي محصنه ...اذا تبغى اعطيني فرصه شهر او شهرين يمكن تسهى ونقدر نعمل شيء!! نطق بكل غضب: ما اقدر اصبر كل هالمدة ....ابغى حل ثاني؟! نطقت بخبث: وليش ما تعمل لزوجها ...رح نخليه يكرهها ويطلقها ! ..وش قلت؟! رفع حاجب كيف غابت ذي عن باله ...نطق بموافقه وبدون تردد: اتفقنا ...ابغاه يكره سيرتها ... لحظة واذا كان محصن نفسه بالاذكار نطقت بقلة حيله: ما اقدر اعمل شيء...رح نشوف وما رح نخسر شيء ...الحين اطلب منك وش رح تجلب قاطعها ريان: انا مستعد اعمل اي شيء ..والفلوس اعتبريها مضاعفه بالمقابل يقع الطلاق بينهم !!! متى رح تعمليه!! قاطعته : لا تستعجل .. اعطيني مهله اسبوع وبعدها نبدأ بالشغل ** ** ** ضحكت من قلبها على سراج لما قرصها بكتفها بخفه: حسابك بعدين!! ام سراج ابتسمت وهي تناظر اندماجهم وسعادة ولدها واضحه عليه ....بالفترة الاخيره تحس سراج متعلق فيها بشكل كبير ...وخاصه بعد حملها ... نطقت بروقان وراحه وهي تشوف وضعهم كذا: سراج انت الي بدأت سراج فتح عيونه: انا الي بدأت والا هي ؟! بلعت ضحكتها لما دخلت جدة سراج ومعها سوار ....وقفت باحراج وكتمت ضحكتها لما اعطاها سراج نظره توعد ... الجدة وهي تنطق بانتقاد: وش فيه صوت الضحك طالع!! ام سراج سلمت على امها: خليها تضحك سراج ناظر امه: تراها تضحك علي يمه ؟؟ ام سراج بشماته: تستاهل انت الي بدأت ترمي الكلام ...والا مرة وحده تعمل بيتزا ..ما لقيت الا ذي الكذبه!! وهج مو قادرة تكتم ضحكتها على شكل سراج المتفشل ...سلمت على جدته الي قرصتها بكتفها: عيب هالضحك!! سوار نطقت وهي تسلم على وهج: اضحكي وما عليك من احد ...يستاهل هالجوكر !! سراج طق سوار على راسها: ما احد جوكر غيرك!! سوار جلست وهي تنطق : وش مهبب ولد اختي!! وهج تمسح دموعها من الضحك ...وناظرت سراج وهو ينطق بقرف: انت بالذات انكتمي...وما لك علاقه بشيء!! ام سراج ناظرت سوار بابتسامة: تخيلي حضرته جالس يعرط على هالمسكينه .. إنه يعمل بيتزا الجده قاطعتها: بيضه ما يعرف يعمل ... مرة وحده بيتزا؟! ام سراج بابتسامه واسعه:شفتي يمه..وذي الخبله صدقته ...طلع حضرته موصي من المطعم ..وقدام وهج إنه هو الي جهزها بنفسه ...سبحان الله ...لما رجعت للبيت ...لقينا لؤي صديقه بالطريق وسألنا عن البيتزا كيف كانت ..اذا عجبتنا او لا ؟! سراج هز رأسه بتوعد بلؤي ومن لسانه الطويل ...نطق بإصرار: هذا لؤي يتكلم عن طلبيه ارسلتها للشباب!! اما البيتزا الي هنا انا عملتها ... ام سراج خزته بقوة: بعدك مصمم ؟! سراج بجكر وعناد ...ناظر وهج الي جالسه جنبه : قولي لهم البيتزا الي اكلتيها من وين؟! وهج وللحين الابتسامه مرسومه على ثغرها...نظراته تطلب منها ما تفشله قدام سوار ...نطقت والغماز زاد جمالها: انا شفته لما عملها فوق !! حرك حواجبه يغيض سوار الي عفست ملامحها ما هو عاجبها رد وهج !! سراج ناظر جدته الي نطقت بتذكر: نسيت ابارك لك ...مبارك وإن شاء الله يكون من الصالحين!! سراج توسعت ابتسامته: ربي يسعدك يا جدتي ... سوار كشت عليه: ترى مو لايق عليك تكون اب !! رد بثقه : رح اكون اجمل وافضل اب لولدي !! وانت موتي بحرتك !! ** ** ** خلاص قرفت نفسها من الوحام ما تأكل لقمه الا تحس نفسها تقلب عليها ....وخاصه فترة الصبح ... جالسه بالشركه بمكتب سراج وهي عافسه ملامحه من رائحه القهوة . بعد ما كانت عشقها ...الحين تنقرف من ريحتها ..ما تدري كيف يشربونها ... سراج ابتسم وهو يشوف ملامحها المنقرفه: كسرتي خاطري ...حتى القهوة ما عدت تشربينها رفعت حاجب: لو عندك احساس كان ما شربت القهوة قدامي ..وانت تعرف إنها تقلب معدتي من ريحتها!! مط شفته بابتسامة: يعني بالله وين اشربها ؟! بالبيت معي وبالشغل حضرتك معي ؟! ناظرته بعبوس ورجعت تكمل الشغل الي بيدها ..ضحك بخفه بعد نظراتها: لا تقولين متوحمه فيني ترى قاطعته بابتسامة: لا اخذ القهوة وتحرك وهو ينطق: ربي يعيني على وحامك ...انا طالع برا اشرب القهوة وارجع!! هزت راسها : يا ليت احس نفسي رح استفرغ من ريحتها ما ادري كيف تشربونها!! نطق زهو طالع: يرحم ايام تشربين خزان قهوة!! ابتسمت بعد خروجه ..ما تدري كيف كانت تشربها ...وااااااع مقرفه ...كرهت اللحوم بجميع انواعها ..واغلب الاكل تقلب معدتها منه ... تحاول تقنع نفسها انه كل هذا نفسيه ...واكبر دليل من لما عرفت انها حامل بدات ذي الامور تظهر عليها !! اليوم بالليل رح تزور سناء وتاخذ لها هديه بعد ما انجبت بنوته مثل القمر ... ورقيه انجبت بنت ورنا مثلهم بنت ...وامها فيها بنت ...موسم بنات ....تتمنى الي بطنها بنت ... سمعت من خالتها انها ام ريان فيها ولد ...تحس بداخلها مشاعر كره لهذا الاخ الي بسببهم تدمرت حياتهم ... معقول بعد ولادة ام ريان يرجع ابوها ؟! ابوها لغز ما قدرت تحله !! ما توقعت بيوم من الايام يصير فيهم كذا ويتقفل بيتهم للابد ... ضغطت على معدتها وهي تحس بالجوع .. والمشكلة اذا اكلت تحس بالاستفراغ ... متى تنتهي هالمدة وترجع مثل قبل !! ابتسمت لما رجع دخل سراج ..ما توقعت بيوم من الايام تتعلق فيه ...كان كل هدفها توقعه بحبالها ..بس وقعت هي ...تحسه صار جزء من حياتها ....غير كثير من نظرياتها القديمه ..حسسها إنه سند لها ... يعجبها تفهمه اكثر من قبل ...يحاول يحتويها ... ويكملوا هالطريق مع بعض ..ويقبلوا بعيوب بعض!! اخذ بعض الاوراق وطلع بعجله .....بعد وقت قطعت افكارها لما دخلت سوار وهي تنطق بروقان: هااااي!! وهج ابتسمت لها: هلا سوار وهي تقترب منها : اشوفك جالسه هنا وزوجك واقفه مع زوزو !! اجلسي توحمي وجوزك يطير منك !! اطلعي شوفي طاق الحنك معها ...انا لو مكانك اطحنه باسناني !! ابتسمت لها وهج تحسها متحامله على سراج كثير ..وحياتهم مثل توم و جيري!! مستحيل يلتقوا بدون مشاكل!! ما تنكر ما هو عاجبها هالموظفه واقترابها من سراج ...تحس شيء يعكر مزاجها لما تشوفها واقفه معه ... ما قدرت تفسر هالسبب ... "" "" "" مرت ايام وانتهى الشهر الاول من الحمل على خير ....على كثر فرحه سراج بالحمل ..الا انه تحسه من البارحه متغير .. وكأنه متضايق من شيء ..ولما تساله يقول ما في شيء!! وتحس فيه التعب !!! معقول في شيء يضايقه وهي ما تدري عنه ...تسمع عن الرجال لما يتغير على زوجته يكون شايفه لها شوفه ..ابوها تغير على امها لما كان ناوي على الزواج ... معقول سراج يحب بنت ثانيه او معجب باحد! طرت على بالها الموظفه الي عندهم ...تكدر خاطرها من هالاستنتاج ...ما تدري وش فيها يتعكر مزاجها من هالاحتمال ... وين نظريتها رح تزوجه بنفسها ....تحس شيء صعب عليها...ما كانت تتوقع رح يكدرها هالموضوع كذا ... يمكن تعلقها بسراج الفتره الاخيرة ما تبغى تفقده..بس هو واضح عليها ما يبغاها .... حست بغصه وعقلها يفكر ..معقول كان تمثيل كله .. وانكشف كله الحين ؟! معقول يبغى ينتقم منها...يعلقها فيها وبعدها يتركها ؟! ما في تفسير لتصرفه الا كذا ... هي الغبيه الي ظنت انه تقبلها وتعلق فيها ..ما في تفسير غير كذا يبغى ينتقم منها ...حست بداخلها خنجر انغرس بقلبها .... طنشت ضيقها وجهزت الاكل مع خالتها وهي كاتمه نفسها من ريحة الدجاج ... بعد وقت جهزت السفره معها ...جلست وهي تشوف سراج دخل بنفس العبوس ..ما تعرف هي تتوهم والا وش بالضبط ... سحب كرسي وجلس مقابل لها ..على عكس العادة دوم يجلس جنبها !!.. والإبتسامة شاقه الحلق!!! طنشت حركته ...وناظرت خالتها الي جلست وبما انه عمها ما هو بالمنطقة رح يأكلون بدونه! جهزت طبق وناظرت سراج بتساؤل: تبغى من قاطعها بنرفزه وهو يناظرها وكأنها ماكله حلاله: ما ابغى شيء .. انا اخذ بنفسي!! ختم كلامه وهو يزفر بضجر!! ما تنكر انها انجرحت من تصرفه وخاصه قدام خالتها ...بلعت ضيقها واكتفت بالسكوت.. بعد ما فشلها قدام امه!! ام سراج ناظرت ولدها باستغراب: وانت علامك منفس كذا ؟! زفر بضجر مرة ثانية: ولا شيء ..بس ما أبغى احد يسألني وش ابغى وكأني طفل صغير!! وهج زمت شفتها بتعجب ..دوم تسأله وتكون ابتسامته شاقه الحلق .... وش فيه قالب عليها...رقعت له يمكن عنده مشكله مع احد برا البيت وعلشان كذا متضايق!! انتهى الأكل والهدوء يخيم على المكان ..وقف وهو ينطق: انا طالع انام ما احد يزعجني!! عقدت حواجبها من كلامه ...ناظرت خالتها الي اشرت لها تطنش ...واقنعتها بعد خروجه يمكن متضايق من شيء ...وطلبت منها تتركه على راحته ومتاكده رح لوحده يتكلم عن الشيء الي يضايقه !! هزت راسها على مضض وهي تحس بالغصه ... مجروحه من تصرفه ...ما رح تكبر السالفه ورح تنتظر تشوف نهايتها معه!! بعد وقت رجعت للجناح ..توجهت للغرفه حتى تبدل ملابسها ...عقدت حواجبها باستنكار لما حركت مقبض الباب ...مقفل الباب بالمفتاح .... شدت بقوة على مقبض الباب من القهر ومن تعامله الزفت معها ...كارهها وما يبغاها ابركها من ساعه ..ينقلع ويتزوج الي يبغاها بقلعته وما رح تهتم له ....رفعت نظرها للسقف لما حست نفسها تبغى تبكي ....ارخت يدها عن مقبض الباب وتوجهت للصالة استلقت على الكنبه وعقلها يفكر بسبب تغيره ... معقول عملت شيء وضايقه؟! ....بس ما تذكر انها غلطت بحقه ... ** ** ** اليوم الثاني جهزت نفسها للجامعه ونزلت تحت ... للحين معبس بوجهها ...وملامحه واضح عليها التعب ... معقول تعبان وضايق خلقه علشان كذا ؟! زمت شفتها وتحركت للخارج لما خبرتها خالتها انه سراج سبقها للخارج ... توجهت له وهي تشوفه يتكلم بالجوال ....سبقته عند السيارة بهدوء ...وقفت تنتظره وبداخلها ضيق وكدر ما يعلم في احد ... التفتت عليه لما تقدم منها ونطق وهو يناظرها بنفس النظره: شوفي احد يوصلك انا مستعجل وما عندي وقت اكون سواق عندك !! قاطعته باعتراض: عندي امتحان قاطعها بغضب وصوت مرتفع: اقولك مو فاضي ...بالحريقه انت وامتحانك!! ختم كلامه وتوجه للسيارة وهو يحس انه حاقد عليها ومو طايق يشوف وجهها ..شيء يخنقه من شوفتها ...ولا متقبل قربها منه!! حرك السيارة وغادر ومتجاهل وجودها ...ناظرت السيارة لما غادرت المكان ...اخذت نفس عميق تخفف من الضغط الي بداخلها .... ما تدري هذا سراج والا بدلوه؟! تحركت بخطوات ميته للخارج تشوف سيارة اجره والدموع معلقه برموشها!! ** ** ** **"" مرت الايام وما في تغير ...سراج انتكس وضعه الصحي واغلب وقته بالفراش ...والمشفى قالوا ما فيه شيء ... والي محيرها ما يطيقها لا من باب ولا من طاق ... ناظرت خالتها الي تمسح دموعها وهي تنطق بحزن وضيق : وضعه ما هو طبيعي ...خلينا نأخذه لشيخ يقرأ عليه!! انا متاكد احد عامل له شيء!! شوف كيف ما هو طايق زوجته بعد ما كان يموت عليها !! حسبي الله على كل واحد يخرب حياة غيره؟! بلعت وهج غصتها والدموع تنذر بالنزول ..شوفة سراج بهذا التعب والضعف اوجع قلبها ..حتى للشركه ما عاد يروح !! كل يوم ينطفي فيه شيء.. معقول احد عامل له شيء ...تستغرب من الناس المريضه الي تدمر غيرها بقلب ميت!!! لزوم تقرا عليه قرآن وتساعده ... اول ما اقتربت منه ومدت يدها على رأسه حتى ترقيه... نطق بغضب وهو يضرب يدها بعيد عنه: قلت لكم ما ابغى اشوفها ... اطلعي من حياااااتي!! ام سراج ابعدت وهج عنه : اهدا اهدا يا سراج!! وهج تناظر يدها مكان ضربته ...رجعت ناظرته وهو مغمض عيونه من التعب ...يشكي الم من كل جسمه وطول وقته بالفراش!! معقول عين ضربته ...ما تستبعد هالشيء ...ناظرت عمها الي ساكت وما نطق حرف ..وواضح الضيق عليه وجهه مسود من الضيق .. ما هو سهل عليه يشوف ولده يذبل قدام عيونه!! تحركت خلفه لما توجه خارج الغرفه ...نطقت بتوجس: عمي ابو سراج ما رح يسكت اكثر من كذا ..ما ترك مستشفى والكل يقول ما فيه شيء ...نطق بضيق: رح اشوف شيخ ثقه ...وضعه ما هو طبيعي!! هزت راسها بتأييد ...اكثر من كذا لازم ما يسكتون!! رجعت ادراجها للغرفه ووقفت عند الباب ..ناظرته وهو يكلم امه: والله ما فيني شيء ...بس مجرد ارهاق !! اتركوني ارتاح!! ** ** ** للحين تحس اصابها صمم لما خبرهم الشيخ انه احد عامل له سحر !! غمضت عيونها برعب من الكلام ....يا الله من الناس الي ما تخاف ربها ...توجهت للخارج تقدر تستنشق الهواء ....استندت على جذع الشجرة وهي تحس كل قوتها خارت ... تقنع نفسها يمكن الشيخ مو صادق ويتوهم ...يمكن مجرد تعب ومرض ورح يرجع مثل قبل ... الي يوجعها حال سراج والتعب كيف ظاهر على ملامحه...مين الي حاقد عليه لذي الدرجه حتى يعمل له سحر بهذا الخبث ... يقول الشيخ انه من اقوى السحر ...ورح تتردى حالتها حتى توصل للموت وما في حل الا يلاقوا مكان السحر وينفك ...او شدت على قبضة يدها بقوة من الحل الثاني ...ما هو سهل عليها تختار الطلاق !! السحر ما يتوقف مفعوله الا بالطلاق ....نفسها تعرف مين الي عمل لسراج كذا ؟! وليه حاقد عليه هالكثر؟! زفرت باختناق وناظرت عمها لما وضع يده على كتفها بمواساه: لا تخافين رح نلقى مكان السحر ...ورح اخذه لأكثر من شيخ حتى ينفك السحر ..انت لا تشغلين بالك؟؟ نطقت باختناق: حسبي الله عليهم ...وش يبغون منه؟! خايفه على سراج ابو سراج ربت على كتفها: لا تخافين ...ورب الكعبه ما احد يفرق بينكم ...انت لسراج وسراج لك ...مجرد وقت ويرجع لطبيعته ...الحين علينا بالدعاء .. وإن شاء الله نقدر نفك السحر عنه!! هزت راسها بعد غمضت عيونها ...وسمحت لدموعها تنزل ... ابو سراج مسح دموعها: ما نبغى دموع ...الحين سراج بمحنه ولزوم نوقف معه !! ** ** ** جالس عند امه بالمستشفى ...وعقله يفكر بسراج للحين ما سمع اي شيء عن طلاقهم ...سمع إنه تعبان ... المشكله الاخبار توصله بالقطارة ...ناظر امه الي تكلمت بتعب: شفت اختك!! مط شفته بقرف: ايه شفتها نسخه عن ابوها الله يأخذه إن شاء الله!! إم ريان الي كان كل املها يكون ولد وطول فترة الحمل يقولون لها ولد والحين بنت !! ما تدري وش رد فعل ابو زينب لما يعرف انه جاءته بنت رقم ١٣ ناظرت ريان وهوينطق: ليه ما تعطينها لاخواتها يربونها..وش جابرك تبتلشين ببزر ..اخواتها اولى منك قاطعته بنفي: مجنون انت ..هذي ابنتي ومستحيل اتخلى عنها ...وقلت لك من قبل شيل هالافكار من رأسك!! ريان هز رأسه بتوعد : ما اوعدك اسكت كثير ...رح اعطيك مهلة اذا ما رجع ابو زينب رح ارميها على اخواتها ..حنا مو مجبورين فيها ..لا تنسين مصاريف هالطفله انا مو مجبور فيها ..يا دوب اتحمل مصاريف اخواني!! دبري امورك وشوفي وين ابوها طس .. وخلينا نتفاهم معه على رواق!! ام ريان عقدت حواجبها: كيف يعني؟؟ ريان نطق بخبث يضغط على امه: يرجع ويعيش معنا مثل قبل ما عندي مشكله ...اذا ما رجع انا رح ارمي البنت على اخواتها!! وهذا كلامي الاخير ...رح اعطيه فرصه وبعدها ما رح يعجب احد تصرفي!!! ** ** ** واقفه عند باب الغرفه تناظر خالتها جالسه على السرير وتمسح على شعر سراج بحنيه ..وهو مستكين بحضنها ... التعب هده هد...ما في حيل يقوم ويتحرك ..وكل يوم عن يوم ينتكس أكثر من اليوم الي قبله ... تتمنى لو تكون قريبه منه وتخفف عنه ..بس عمها وخالتها منعوها تقترب حتى ما ينفعل ...وتزداد حالته سوء ...تناظر من خارج الغرفه ... ما ترك عمها شيخ الا اخذ سراج له او جلبهم للبيت ..والكل تقريباً نفس الكلام ... تعبت من الوقوف توجهت للصالة جلست بتعب ...كيف يلقوا مكان السحر؟! وكانك تبحث عن" ابره بكوم من القش" ناظرت جوالها الي اعلن عن وصول رساله ...فتحتها وهي تشوفها من سناء تذكرها لا تنسي اليوم اجتماعهم عندها ...اجتمعوا اكثر مرة واعتذرت بسبب وضع سراج ... قررت تطلع وتروح لبيت سناء على رجولها ...تحس بداخلها كبت تبغى تطلع من البيت يمكن ترتاح نفسيتها شوي...هالمكان يخنقها ما تدري وش السبب!! بعد ما اعطت بيت عمها خبر بخروجها ...طلعت وهي تمشي بروح خاويه ... وكأنها بيت بدون ابواب او شبابيك...شيء بداخلها تفتقده ....الامور تتعقد ...كم صار له سراج تعبان وللحين ما في خيط يوصلهم لمكان السحر!! بعقلها تدور فكرة الطلاق ...تفكر تفتح مع بيت عمها فكرة الطلاق حتى ما تفقد سراج للأبد ...ما رح تكون انانيه ...وضع سراج ما يتحمل اكثر من كذا ...رح تفاتحهم بالطلاق مرة ثانية ويكملوا الاجراءات ..من قبل لمحت للطلاق بس عمها وخالتها رفضوا رفض قاطع ....بس مستحيل تسكت اكثر من كذا ... ما تنكر إنها احبت سراج من كل قلبها ...وله مكانه خاصه بقلبها...وعلشان تحبه وتعزه رح تتركه !! ما قدرت تمسك نفسها وانفجرت بالبكاء ...من حالها المتقلب ...بعد ما زانت حياتها رجعت انقلبت ...شدت على قبضة يدها وطيف شلة الانس يمر قدام عيونها ...اااااه من عيون الشماته!! والاهم وين تروووووح بعد ما لقت الامن والاستقرار والسعاده!! رح ترجع لنقطة الصفر من جديد!!زادت من نحيبها والوجع الي بقلبها يزيد ... والاهم بعد الطلاق كيف تتحمل مسؤوليه طفل صغير!!! تحس بالضعف والعجز الي بداخلها !! بعد وقت طويل كانت في بيت سناء والهدوء يغلفها ...تناظر جلستهم والضحك يميزها ...الوضع بينهم رجع طبيعي ولا كأنه صار بينهم شيء!! كتمت ضيقها وناظرت رنا الي تحمل طفلتها وهي تنطق باستغراب: وش فيك ساكته؟! وهج هزت كتوفها بقلب ميت: ما في شيء؟! رقيه ملاحظ سكوت وهج وواضح عليها الضيق ...بس تعرفها لو تموت ما خبرتها بشيء ..دوم متكتمه على حياتها ...نطقت تغير الموضوع: امي نهاية الشهر حددوا لها عملية الولادة ...ما اتوقع ينتظروا حتى تدخل شهرها ..متشوقه حتى يكون لنا اخ او أخت ويصير عددنا ١٣ قاطعتها رنا بضحكه: قصدك : ١٤ نسيتي اختك الجديده ....بصراحه لما سمعت بالخبر وكأني حصلت على طبخه مشتهيها من زمان..بس نفس اعرف ابوي وش رد فعله!! وهج ما تدري وش رح يكون رد فعل ابوها لما يعرف بالبنت ...ما احد منهم زارها او شاف الاخت الجديد ...كل شخص منشغل بحياته ..وما عندها نية تشوف اختها الجديدة ....قلبها ميت من كل شيء!! تحس قلبها ما هو متقبل هالاخت ...بالعكس بداخلها ضغينه عليها الي بسببها تدمرت حياتهم ... وبنفس الوقت تعرف إنه هالبنت ما لها ذنب بشيء!! والحين ولادة امها قربت ...لو دراستها بالجامعه كان جلست عندها بفترة الولادة..بس ما تقدر تارك دراستها ..وبنفس الوقت سراج قلبها ما رح يرتاح ويتركه ....صحيح ما تقترب منه ...بس على الاقل تشوفه من بعيد..وتكحل عيونها بشوفته!!! بعد وقت رجعت للبيت قلبها ما هو مطمئن تبعد عن سراج كل هالوقت ...ما تدري كيف رح تطلب الطلاق !! رجعت ادراجها للبيت ...الوقت بعد المغرب...تمشي بسرحان ...رفعت راسها لما وصلها صوت سوار ... ارتجف قلبعا ونبض وهي تشوف سراج جالس بالحديقه مع اهله وباين عليه الراحه ... وقفت ما تدري تقترب او لا ...خايفه اذا اقتربت تنتكس حالته .... ناظرت خالتها الي اشرت لها تدخل وما تقترب منهم !! عضت على شفتها بقوة تمنع نزول الدموع ...لاي حال وصلوا ... هزت راسها بهدوء وتوجهت للداخل بكل هدوء !! ** ** ** بعد يومين جالسه مع خالتها وعمها الي طلب يجلس معها ... قلبها مقبوض .. اليوم كان لسراج جلسه عند الراقي ...تحس وضعه زاد سوء ..اليوم ما قدر يقوم من الفراش ...وضعه يزداد تعب ...غير ملامحه الي تغيرت ..الي يشوفه ما يصدق تغيره .... ناظرت عمها الي نطق بهدوء: اليوم بالجلسه ما في تغيير ..والشيخ يقول لزوم نعرف مكان السحر حتى ما نفقد سراج!! انقبض قلبها ما تبغى تفقده ...بلعت ريقها برعب ما هي متخيله فكره انه يصيبه اذى ؟! هزت راسها حتى يتابع عمها الكلام ...نطق بجمود والضيق واضح على ملامحه: ما تركنا طريقه الا حاولنا نعرف فيها .... بس للأسف مو قادرين نتوصل لأي شيء!! ما هو من السهل نلقى السحر ...علشان كذا انا قررت سكت للحظات وهو يحس بصعوبه نطقها...اخذ نفس وبضيق نطق : قررت تنفصلين عن سراج ...باكر نروح للمحكمه ويتم الطلاق!! حست وكأنه شيء شرخها من النصف ...هذا اخر شيء توقعته منهم ...حاولت تتماسك قدامهم..بس ما قدرت وخانتها دموعها ...بالرغم انها فكرت بالانفصال حتى يشفى سراج وكانت تفكر تفتح معهم الموضوع ..بس حست بصعوباتها لما طلب عمها هالطلب ...تحسه فوق طاقتها!! ابو سراج تكدر خاطره..وبضيق نطق: بس مجرد مسألة وقت ..نبغى نشوف هالكلام صحيح او لا ...الكل يقولون متى ما طلقها رح ينفك عنها مباشره.. ولا تخافين سراج رح يداوم على اذكاره وبعدها بفترة قصيره رح ترجعين لذمته ...الاهم الحين ما نفقد سراج ...لزوم نضحي علشان سراج!! ام سراج وهي تمسح دموعها: ما ابغى افقده وهو كل دنيتي ...بس مجرد مسألة وقت ..بمجرد ما يتشافى ترجعين له !! وش قلت؟! تحس وهج المكان يخنقها ...وقفت وهي تنطق والعبره تخنقها: اعمل يا عمي المناسب ... ما رح ابني سعادتي على سعادة سراج ..الاهم الحين سراج يقوم بالسلامه ..وبعدها يصير خير ...انا الحين رح اجمع اغراضي ... انتهى البارت...دمتم بخير ????