طفلتي اليتيمه - *بارت6* *ليلة من فبراير* - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *البارت6* *ليلة_من_فبراير* *ما بقو عندي هواي ناس* *كل المشتريهم رخصو بية* *اصافحهم واحس بأطراف اديهم* *غيض كاتل بشر منهم وما دافع* *الدية* ❤️ منال ـ هااا شكلتتت موو كلتلكممم مهزوومة وية واااحد هالمصخمة الوجه ام الرجوولة راايحة تتونس وشامرة جهالهه عليينة هااي علموود مرة ثانية من تحجي مناال تصدكوون شفتوو وين لكووهه ام محمد ـ كعدتي الجهال من الصياح دنصي صوتج شوي ـ اااي خلي يسمعون و يشوفون مرة عمهم الدايحه وين جانت خلي بناتهه يكعدن يسمعن وين لكو امهننن ـ كمت من فراشي اركض للهول وكفت يم الباب .. وووين ماما وووين لكيتوهه وشوكت تجيينةةة عفية عمةة ووينهه ارريد اشووفهه ام محمد ـ شفتي وولج بناتهه كعدن من صياحج... تعاي كعدي هنا عمة هسة تجي ـ طزز خلي يسمعنن اموت واعررف شوداهه للكراددة شعدهه هنااك ام الرجولة ـ وج بابا سكتي منعرف المرة عدلة ميته خلي نفتهم ـ من سمعت هالكلمة عطت.. ااامي ميتةةةة لااا عفية عمةة كولي غيرهه ام محمد ـ لا عمة لاا ان شالله مابيهه شي ..راحو ديشوفوهه ويرجعون منال ـ عسااااهه محكمتهه بالااعظمية ولكوهه بالكرادة شعدهه موولية هنااك مدكليليي بسس الله راد يفضحهه وهيج سووة بيهه نهاوند ـ صفنت علئ حجيهه .. ماندل وين الكرادة سامعة بيهه بس ما اعرف مكانهه وين.. عفية عمةة يعني بعيدة هاي الكرادة مو هنا قريبة زززين اخذونني اشوف امي الله يخليـــج عمةة ام محمد ـ وين تروحين ياعمة .. راحو عمامج يشوفوهه و ان شالله مابيهه شي كعدي يابنتي كعدي منال ـ روحي احمي الجاي دنتريك وطفي القنينة من راس المنظم مالتهه لاتبقيهه مفتوحه لان تسرب غاز ـ ماجوعانة عمة ـ انتي شنو؟ اني جوعانة .. يلةة كوومي ـ حجت وياية بنتر وخزرتني اضطريت اكوم بس الدمعه بطرف عيني وكارهه الدنية وكارهه كل شي رحت للمطبخ حضرت صينية الريوك وحميت الجاي وطلعت جبن من الثلاجة وصبيت واجيت .. خليت يمهه الصينية ورجعت لمكاني ام محمد ـ هسة يجي ارشد يريد غدة اروح اطبخ ـ اني عندي اكل بايت بالثلاجة اسوي وياه كباب عروك وياكلون .. ـ ضليت كاعدة وعيني علئ الباب انتضر امي شوكت تجي وتاخذنة كعدن خواتي واجن يمي شفت شعرهن مخربط ووجوهن يرادلهه غسل وعمة منال تباوع بأشمئزاز علينة اخذتهن غسلت الهن ورتبت شعرهن .. وية دخلتنة للهول كعدو اولاد عمو ناصر كامت امهم تركض للمطبخ سوتلهم جاي وحليب وطكتلهم بيض .. منال ـ لج نهااااوند العووبة مو كلتلج سدي منظمم القنينة تبقين غبيية مثل امج رحييمةةة مو كلتلج االغااز خلص مين اجيب فلووس من جيب ابووج ـ سمعتهه تحجي علية لان نسيت اطفي المنظم .. سكتت شجاوبهه بس اني ممتعودة علئ هيج شي ابيتنة .. رجعت من المطبخ تباوعلي بخزرة عين دنكت عيني بالكاع وعفتهه وراحت لجهالهه تريكهم خواتي ضلن يباوعن جوعانات منال ـ كوومي كوومي لا تخليهن هيج يباوعن راح يغصصون جهالي .. روحي صبيلهم جاي وهذا جبهن ريكيهم نغم ـ نونة اني اريد حليب صبا ـ اني هم ـ خزرت خواتي بعيوني وشاورتهن .. اش عيب تطلبن نغم ـ ليش عيب مو ديشربون حليب اني هم اريد منال ـ والله اني ماعندي … خلص كميلة ـ اني عندي هسة اسويلكم منال ـ خطية توفيق جيبه اتفرهد هاليومين.. واحد كوة مكفي جهاله انوب جهال غيرة كميلة ـ اي والله مو فلوس بك عبالك يجيبهن منا يطيرن منا ـ راحت عمة كميلة تسوي ريوك لخواتي ورجعت .. ريكت خواتي وشلت الصينية وعيني علئ الشارع ليش اتاخرو وين راحت امي ليش مارجعت منال ـ كومي نهاوند نضفي الهول وشوي رتبي هوسة فد مرة ـ طلعت روحي من تصخيرتهه بنتهه شطولهه وكاعدة تتفرج تعوفهه وتجي عليه .. عمة ماكوم اريد انتضر ماما ـ يااااا .. شوووف الصلااافة بعدهه ما اجتي امج وهيج تفرعنتي وبعدين شطالبة منج ولج اشو هالهوسة والبهذلة كلهه بسب خواتج الوصخات شتريدين ابقئ انضف وراج ـ مو بس خواتي ترة كل الجهال يوصخون اكثر من عدنة واني والله اي شي يسوونة خواتي ارجعه بمكانة وارتبة مابقي هيج ـ سمعتييي كمييلة سمعتي لسانهه الزفررررر شطوولة شفتي ترررربيه الدايحات ام الرجولة شلووونه بس سمعت لكو امهه مدددت لسانهه مترررين ـ عمة ما مديت لساني بس انتي ابد متصخرين دعاء كلة براسي ـ اانجببييي انجبيي .. ادبسزز تخلي راسهه براس دعاء مو هي بكدج وبعدين عدهه امتحانات ماضل يومين تلاثة وتبدي ـ اشوف دعاء تباوعلي وتضحك من جوة لجوة ولازمة الريموت وتكلب بالتلفزيون.. بس هي ماكاعدة تدرس هيانهه دتفرج التفت عليهه شفت نضرات عمة منال صارت تخوف .. ـ اكص هذاا لسانج اكصة مو بنت ابوية ولا من ضهرة اذا ماكصيت لسانج يابنت فؤاد ـ كلبي رجف من حجيهه ماعرف ليش هيج تعاملنة وهالكد تكرهنة بقيت كاعدة بمكاني وساكته.. انحبرت وكمت من مكاني رتبت الهول وشتريد مني اسويه تقريبا صارت ساعه 11 الصبح اجئ عمو توفيق كمت اركض علييه .. عمووو وين اااميي ليشش ما اجتي ووين جاانت ـ اصبري عمو اصبري خلي اكعد الازدحامات لعبت نفسي نهاوند ـ نزلت عمة ام محمد تركض من فوك واجتي يمنة واني عيني علئ عمو اريدة بس يحجي كلمة حتئ افتهم كميلة ـ بشر وين جانت ليش ما اجتي شبيهه ـ بالمستشفئ حالتهه خطرة جايتهه رصاصة وجاية يم كلبهه وفوكاهه مدعومة بسيارة دايسة عليهه ومكسرتهه تكسر القفص الصدري كلة متاذي حسب كلام الطبيب منال ـ ادري صارلهه جم يوم يعني معقوووولة من شالوهه لا تلفون وياهه لا هووية لا شي يتعرفون عليهه ـ حسب كلام الاطباء كالو الناس الجابوهه او الشهود الشافو شنو صارله كالو اكو رجال يمشي وراهه وقبل لا توصل محكمة الكرداة ضربهه طلقة وسرق الجنطة منهه وسيارة جانت تمشي وراهه تتبعه للمجرم داست عليهه ومشت مسافة صعدت هالمجرم واختفو ام محمد ـ ادري محد ووكفهم محد حماهه ززين السيارة مابيهه رقم شي يكدرون يوصلوهه توفيق ـ ام محمد الناس تخاف علئ نفسهه .. دولة ماكو وعصابات تارسة بغداد وطائفية كبت انوب فـ متعرفين مين تجيج التايهه وشوفة عينج المجرمين يسرحون ويمرحون وكالو السيارة اصلا مابيهه رقم حالهه حال هواي سيارات داخلة للعراق بدون رقم كميلة ـ والشرطة شنو كالو ـ من عرفونة احنة اهله بدو يحققون ويانه منال ـ وانتو شعليييكم عييني لعد فؤاد شو محد حقق وياكم علمودة ـ فؤاد يعتبر مخطوف واخذو افادتنة بس ازدهار مضروبة طلقة وانوب مدعومة كأنو احد مترصد يقتلهه ام محمد ـ يا ستار يارب دخيلك .. شفتي ياامناال شلتي غيبة المررة وهي فاقدة مو بوعيهه ـ عزةةة شلت غيبتهه شنوو عيني قابل شحجيت وبعدين شمدريني هيج حااالتهه كميلة ـ وهسة ماكعدت شلون حالهه ـ مو زينة بعدهه فاقدة الوعي ومتدري بنفسهه .. ام. محمد ـ زين شلون خابروكم شلون عرفتو مكانهه ـ والله حسب ماعرفت اهل زوج اختهه لازدهار رايحين للمستشفئ وبالصدفة لاكيهه نايمة بالردهه سألين عنهه كايليلهم مجهولة الهوية محد يعرفهه عاد كايليهم هاي كرايبنة ومخابرين عليهم وخابرو علينة ـ احس الدنية اسودت بعيني ليش مارجعت امي وياهم معناهه حالتهه خطرة ومو زينة مثل بابا من انخطف.. ماكدرت اسيطر علئ روحي وكمت ابجي واشهك خواتي من شافني ابجي كابلني وكعدن يبجن وياية.. كلهم يتفرجون علينة بيهم يباوعولنة بنضرة شفقة وبيهم ممهتمين محد بيهم حن علينة احنة البنات وحضنة وطمئنة وكال لاتخافون جنت بأمس الحاجة لاي شخص يهدئني اني وخواتي قبل كم شهر فقدت ابوية ماصارلة سنة وهسة امي ماعرف حالتهة شنو ام محمد ـ كافي عمة ان اشالله مابيهه شي لاتبجون ـ هزيت براسي وسكتت .. صار الليل واني اللوب واللح علئ عمامي ياخذوني اشوف امي بس ردت المحهه ولو من بعيد حسيت اذا اشوفهه واحجي وياهه راح تكعد وترجعلنة مرة ثانية بس محد يقبل ياخذني الهه كلهم معتبريني طفلة وممهتمين بكلامي بس بالصُخرة والشغل يعتبروني جبيرة ولازم اشتغل مثل ميردون ضليت ابجي وادعي اني وخواتي ياربي ماما تكول دعاء الطفل مستجاب عفية ربي رجعلنة ماما والله نضيع بدونهه عفية ربي اريد امي تجي وتاخذنة ونرجع لبيتنة .. نغم ـ والله بعد اسمع كلام ماما وماعاندهه بس خلي تجي اشتاقيتلهه صبا ـ اني هم بعد ماعاند ماما وبعد ما اضرب الحان يعني ماما زعلانة من عدنة وراحت متقبل تجينة نهاوند ـ كلام خواتي خلاني اموت بجي بعدهن جهال مديفتهمن شديصير ضلينة يومين نفس حالنة اشوف عمامي ممهتمين ولا عبالك مرة اخوهم بالمستشفئ نايمة يضحكون ويتفرجون ويشاقون بيناتهم ماعرف يجوز اني متحسسه زيادة عن اللزوم .. بس العرفته الشرطة دتحقق وية خوالي وعمامي ..هيج مجرد اسألة تسالهم وتاخذ افادتهم ويوم 1 ايار 2005 صادف يوم جمعه كاعدين الضهر كلنة سوية انتضر امي علئ امل تدخل علينة وتفرحنة وتاخذنة للبيت محد قلق منهم غيري الوحيدة الجنت انتضرهه ودمعتي بعيني اجئ اتصال لعمو ناصر ناصر ـ اااي الحمد لله همزين كعدت من الغيبوبة .. صار يابة صار فد ساعه واني يمكم يلة خوية الله وياك ـ كمزت من مكاني حسيت هالكلام علئ ماما .. شنو عمي ماما كعدت ـ اي بنتي كعدت وطالبة تشوفكم انتي وخواتج بسرعه حضريهن بين ما شغل السيارة ـ من فرحتي كمت بوست كل نسوان عمومتي اخذت خواتي وغيرت ملابسهن علئ السريع وبدلت وطلعت اركض منال ـ سلمينة علئ امج لو اكدر جان رحتلهه بس نفسي تلعب من المستشفيات ام محمد ـ اي والله لو نكدر جان رحنة يلة ان شالله من تطلع نروح نشوفهه ـ عفتهم وطلعت لازمة لحونة بايد وخواتي بايدي الثاينة صعدت خواتي بالسيارة وانتضرت عمو صعد وشغل سيارتة وطلعنة الشارع جان ازدحام وسيارة عمو كل شوي تطفئ ..ويرد يشغلهه مادري شبيهه حسيت الطريق شطولة مديخلص اريد اوصل للمستشفئ واشوف امي فرحانة بروحي دعائي استجاب مثل ما امي كلتلي بهالحظات صرت احب كل الناس ومستعدة اخدمهم باي طريقة كانت حتئ لو عمة منال تبقئ تصخر بيه بدل بنتهه ما اهتم بعد .. ماعرف ليش هيج حسيت وصلنة للمستشفئ ونزلنة دخلنة للردهة وشفنة خالو نعيم وخاله وداد يمهه شافتنة ماما ابتسمت بس من شفتهه مكدرت اتحمل راسا بجيت وخواتي هم بجو ويايه ركضنة عليهه وراسا لزمتنة خاله وداد ولكم مكسررة متتحمل هيج تذبون نفسكم علييهة كمزت من بيناتنه الحان وراحت تركض عليهه لزمهه خالو نعيم بس ضلت تبجي ماسكتت الا قربهه من امي وكامت تشم بصدرهه وتحط راسهه عليهه يلة ضحكت بس امي متكدر تتحرك ملفوفة ايدهه ومادري شنو حاطين برقبتهه هيج فد شي رافعهه اتقربت عليهه شفت وجهه متاذي بي جروح .. عيوني تدمع ما اتحمل هيج اشوف امي .. ماما والله اشتاقينالج ارجعيلنة عاد .. متجاوبني بس عيونهه تدمع مثلي وتحاول تبتسم وداد ـ خالة لا تبجوهه مابيهه حيل خطية ستوهه كعدت وكوة نطقت كلمتين بس كالت اريد جهالي وسكتت ـ نغم وصبا يبجن ويكللهه راح نسمع كلامج بعد منعاند والحان تشم بيهه واني ابجي ماعرف شسوي .. دقايق واجة الطبيب .. ـ شنوو هاي ميصير اخي ميصير كلكم يمهه ستوهه كعدت من الغيبوبة ترة ميصير هيج منو دخلكم يمهه نعيم ـ هو انتو ردهه انفرادية مثل البشر ماعدكم الناس داخلة وطالعه عبالك اسواق مو ردهه بقت علينة احنة اهلهة جينة نشوفهه ـ واالله هذا حال المستشفيات الحكومية الردهه لكل المرضئ واذا خايفين عليهه نقلوهه لغير مستشفئ اكو اهليات تلكون طلبكم بيهن واكدر احولكم علئ مستشفئ خاص عندي عرف بي .. نعيم ـ ميحتاح استفاقت بعد ان شالله كم يوم وتطلع بالسلامة ـ علئ العموم اجو الشرطة ياخذون افادة المريضة طالما صحت.. سوو مجال نهاوند ـ ملتهين يحجون وية الطبيب واني وخواتي عينة علئ امي شفت لونهه تغير وعيونهه بدت تتكلب ماعرف شبيهه عمووو مااما ماادري شبـــيهه الطبيب ـ صيحوولي الدكتوور اركاان بسرعةة .. سوو مجاال سووو مجاال نهاوند ـ اخذنة عمو ناصر ووكفنة برة خواتي ضلن يتصارخن ويبجن خاله وداد ضلت جوة يمهة مقبلت تطلع اريد افتهم شبيهه امي ليش هيج صارت ربع ساعه وسمعت صوت خاله وداد تبجي وتصرخ وتصيح بأسم امي عمو ناصر راد ياخذنة ويرجعنة للسيارة كمت اجر بأيدة واكلة ..عفييية عموو عووفني شبيهه مامااااا خااالة وداااد شبيهةةة ماماا بس ماقبل عمو ناصر نبقئ جرنة من ايدينة وصعدنة السيارة وكل شوي يجي اتصال ويكول الله يرحمة صحوة موت هاي عموو شبيهه مامااا مو جانت كااعدةةة فهمني عمو الله يخليك.. ماقبل يحجي شي وياية.. بس كلي ااش اهدئي هسة نوصل .. ضل ساكت الطريق كله واني اوهم نفسي امي مابيهه شي يجوز بس اتخربطت وصلنة البيت وكاللهم ازدهار توفت .. سمعت الخبر مادري شصار بيهه كمت ابجي واشهك وماكدر اسيطر علئ دموعي ولا اسيطر علئ نفسي نغم كامت تبجي و تصيح اريد ماما خواتي الصغار راحن يركضن يلعبن وية ولد عمي لزمت نغم وكعدت بمكاني احس حرارة تطفر من راسي التفتت علئ عمو ناصر وضليت اباوع عليه اتمنئ يكول مابيهه شي كذب لا تبجون او اي كلمة ترجعلي الامل .. بس هو ابد ماحجئ وياية ولا حتئ شاف بوجهي منال ـ اكلك والفاتحة عليمن ناصر ـ غير هي مرة اخونة يعني علينة الفاتحة ـ عزةة وين بينة حيل نوكف بفاتحة صدك تحجي انتت ام محمد ـ اكلج يعني اذا تموتين الفاتحة علئ اهلج تصير ؟ ـ اسم االله عليية شنوو هالحجي ام محمد ان شالله لليكرهوني ـ اي ان شالله بس حجايتج مووبمكانهه ـ عيني احنة حالتنة علئ كدنة ترة مو مثل اهلهه خلي هم يشيلون فاتحة بنتهم نهاوند ـ مستغربة من الاسمعه هذول شديحجون اشو ممهتمين امي ماتت ويحجون بفاتحه ووين يسووهه عادي ولا متأثرين متقبلت الشفتة منهم هذيج الليلة ابد مامنة نوبة اتصفن نوبة ابجي خواتي صغار ومديفهمن نغم مرة تبجي ومرة تلعب صار الصبح عيوني مورمة من البجي عرفت الفاتحة راح يسووهه بيت جدو حمزة ارشد ـ يابة عيب من العالم مرة اخونة وعدهه جهال منة يعني الفاتحة هنا تصير مترهم ابيت اهلهه منال ـ لعد هي الله يرحمهه مو ماقبلت تسوي فاتحة رجلهه هنا ارشد ـ اي هذاك بيته وهي زوجته ومشت كلامهه بس هسة شلون نرووح نفتح بيتهه ونسوي الفاتحه شبيج ام دعاء شنو قصتج ـ اووي شعلية بالنسبة الي مابية حيل اشتغل لا اني ولا بنتي من هسة اكلكم ـ اي ميخالف كعدي وسكتي محد طالب منج شغل.. ـ طلعو عمامي ونصبو جادر يم الباب وراح عمو ارشد وية خوالي حتئ ياخذون امي ويروحون يدفنوهة التمن النسوان وكعدو يذبون شفقتهن علينه .. الرايحة والجايه يحجن هالكلمتين خطية هاليتامة منو بقئ الهن.. احس روحي هواي كبرت قبل وقتي صرت مسؤلة عن 3 اطفال صغار ماعرف شلون اتعامل وياهن لوحدي اول ليلة كلش صعبة ماكدر استوعب بعد ماشوف امي منو النة اني وخواتي شلون راح نعيش مادري خايفة من عمامي واذيتهم وخايفة من خوالي ماعرف شسوي اتمنئ لو الله ماخذنة وية امي وابوية ولا عايفينة وراهم ثاني يوم الفاتحة اجتي جيرانة خاله ام حسين تبجي وتشبك بينة شفتهه وركضت عليهه .. ـ سودة عليية خاله راحت الطيبة راحت ام الملكة الحلو لا اعتراض علئ حكمك ربي شلونج خاله شلون خواتج يمة ـ ماكدرت احجي بس شابكتهه وابجي كعدت بالفاتحة وضلت تذكر امي بخير يم السنوان .. ـ والله مسكينة منو هيج غدرهه الله ينتقم منة عساهه بصحتة وعافيته القتلهه ام نغم .. منال ـ خطية ياعيني.. الله يرحمة اي بس صوجهه شوداهه بالكرادة شعدهه هناك كعدي وسكتي بمكانج نهاوند ـ طلايب منال متخلص تسوي نفسهه حزينة علئ امي وكلامهه تشمرة مثل السم علينة وحجيهه كلة بسامير وداد ـ رايحه للمحكمة ترة همزين الناس شافوهه دتمشي للمحكمة ـ اي شعدهه بمحكمة الكرادة ؟ مو محكمتهه بالاعضمية شوداهه هناك بهيج وكت اليمشي بالشارع ميأمن علئ روحه ـ يمكن رادت تغير محامي لو تنقل ادعوة والله مادري ـ اايهه ..الله يعلم . كميلة ـ هسة الا طلايب سكتي وكعدي شستفادت من هوسة المحاكم وداد ـ كلة. بسببكم لو قابلين تكعد وياكم بهالبيت لو قابلين تنطوهه حق رجلهه وتعيش بناتهة بي ماجان مشت محاكم وصار الصار سهير ـ ايبااخ.. ليش هي بس علئ حصة فؤاد جانت تمشي بالمحاكم ؟ مو رادت حصتهه منكم ليش مانطيتوهه وفلوسكم تسد عين الشمس يابة ـ معليج بحصتهه احنة بيناتنه.. بس هذني بناتكم انتو وانتوو الزم بيهن تعيشوهن وهذا حق رجلهه وانتو جلبتو بحق رجلهه سهير ـ عيوني الحجيي مو بس الج لو ناطيهه حصتهه من وررث ابووهه جان اكتفت المرة لان حصتهه خير من الله بس انتو جشعكم خلاكم تموتوهه ولعملج اني واثقة ركضهه بالمحكمة علمود حصتهه لان حصة فؤاد تطلع تفاليسس متستفاد منهه هي اصلاا ذابته ازاااله شيطلعلهه يجوز الذبته بالمحكمة اكثر من حصت فؤاد بس هي مبين علموود حصتهه انكتلت وماتت والله يعلم منوو كتلهه ومنو المستفيد من موتهه ـ شتقصدين ؟ ـ ماقصد شي عييني لا ادخليني بسيين وجيم بس مو تذبون بلاويكم علينة هي رايحة للمحكمة علمود ورثهه مو ورث رجلهه ـ صارت عركة جبيرة بين خالاتي وعماتي حاولت خاله ام حسين تسكتهن ماكدرت عليهن و الهوسة وصلت للزلم برة الناس الغربة بدت تنسحب من الفاتحة بسبب المشاكل خالة وين رايحة ـ مدتشوفين هالنصايب والله عيب ـ كمت ابجي وكلت الهه .. عفية خاله لا تعوفينة ام حسين ـ الله يعينكم يمة سودة عليه شبيدي عليكم ـ خايفة منهم خاله ياريت ارجع للبيتنة ـ شلون ياخاله خو مو وحدكم تكعدون بي زيين هو مفاتيح البيت يمكم ؟ ـ اي يم عمو ارشد ـ تحتاجون نجيبلكم شي خاله كولي احجي ـ امتحانات نهاية السنة بدت واني ونغم ماعدنة كتبنة وماعرف شلون اداوم منال ـ اسمع اسمع هاي البطراانة صدك محد يحن علئ الام غير بناتهه لو جنتي بنتهه من دمهه ولحمهه جان ماهتميتي بدراسة ولا مدرسسة ستوهم دفنوهه وجاية تبيع شطارة بنت رحمة نهاوند ـ متت بجي من حجيهه معرفت شأرد.. ام حسين ـ حرام عليج ام دعاء شنو هالحجي علئ الطفلة ترة هي ماطلبت شي غير دراستهه والمات راح لرحمة الله وهذني بنات ميفيدهن غير دراستهن لا عدهن اب ولا ام علئ الاقل شهادة ياخذنهه بيدهن بهالزمن الطايح حظة شفاء ـ اي والله صح حجيج خاله خطية بلكي يلحكن علئ الامتحانات منال ـ عود الله كريم ـ لاتهتمين خالة هسة اكلة لابو حسين بلكي يقنع عمامج تجون يمنة اداومن الامتحانات وعود نرجعكم ـ راحت خالة ام حسين وبعد عركة النسوان الصارت راحو خوالي كلهم زعلانين وضلينة اني وخواتي لوحدنة فرغ البيت علينة وصار وحشة مادري ليش ممرتاحة بيه اتمنئ نفسي بحلم و اكعد منه واشوف امي عايشة بعدهه مر يومين وماكو خبر من خاله ام حسين كلت احجي وية عمو ارشد عن دراستي اني ونغم لان عمو ارشد احسن من عمو ناصر رجع عمو من الشغل وكعدت يمة .. عفية عمو منروح نمتحن بالمدرسة ـ منو ياخذكم ويرجعكم عمو الوكت اغبر ماكدر التزم بيكم ـ زين عمو .. عمو ابو حسين ماحجة وياكم ـ اي حجة.. بس عمج ناصر ماقبل يكول بنات ميبقن ابيت غربة ـ عمو همة مو غربة جيرانة منال ـ واذاا جيرانكم يمة ؟ نعرفهم يعرفونة عدهم شباب بطول عمامج وانتي صرتي مرة مو مال تبقين ابيت احد يابة ـ زين شلون السنة راح تضيع علينة ارشد ـ تتعوض عمو عادي السنة الجاية ننقلكم هنا بهاي المدارس اليمنة وتنجحون لا يضل بالج ـ ماكدرت احجي اكثر بس كلبي معصور خلصت الامتحانات مال الابتدائية والمتوسطة وكعدو الجهال بالبيت .. خواتي شبعن كتل من جهال عمامي محد يكدر يحجي ولا يفتح حلكة اشتكي لعمامي يرزلوهم رزاله خفيفة ويبقون يتمضحكون ولدهم ابد ميخافون من اهلهم وبيوم .. شفت دعاء ضربت اختي صبا علئ راسهه لان هي واخوهه اتعاركو متحملت لزمت دعاء وضربتهه واثنيناته اتلازمنة اجتي منال ولزمتني وضلت تضرب بية واني اصرخ .. ليشش تضرربونه لليشش شمسووين ـ ادبسززز اتمدددين ايدددج علئ جهااالي اكطعهه وووالله كميلة ـ متستحيين اتمدين ايدج علئ الاكبر منج دعاء مو اكبر منج ليش تضربيهه ـ عمة ضربت اختي صبا علئ راسهه كلش قووي ليش همة يضربونه عادي واحنة لا ـ اي تجين تحجين الامهه لو ابوهه وهمة يحاسبوهه مو انتي ـ لعد هي مو تحاسب ااختي وتضربهه ليش محد يحجيي منال ـ ادبسززز تقارنين روحج بجهاالي اليووم املخجج تملخخ ـ محد وكف وياية لان ضربت دعاء اعتبروهه شي جبير مني شلون اتجراء وامد ايدي عليهه بس جهالهم عادي يضربونه وياذونة شبعت كتل من منال ودعاء كوة فلتت منهن واخذت خواتي ودخلت للغرفة.. صار الضهر ورجعو عمامي وسمعت منال تحجي وتعيط وية زوجهه ـ عييني اسمعع اني ممجبورة بوولد اخوك المخاابيل الممتربيين شووف شووف شلون اتجاوزت علئ جهالي وعلئ دعااء شووف شلون مشرمختهه من ايدهه شووف شلوون تتجاوز علييه وتغللط ناصر ـ نهااااونددد ـ سمعت عمو يصحيلي يبست بدمي حضنت خواتي وضليت ابجي كميلة ـ كتلناهه ابو دعاء منال ماقصرت بيهه ناصر ـ تعااالي وووينج ـ ردت اعوف خواتي بالغرفة خاف ينضربن وياية .. بس ماقبلن ولحكني .. طلعت ووكفت يم عمو ناصر وهو يصيح عليه ويهوس منال ـ اسمع ناصرر هااي الحالة متتصرفليي بعدد اخذهم ذبهمم علئ خواالهم مااريدهم مااريدهمم باباا خليي ياخذووهم ناصر ـ مو احنة عمامهم الناس شدكول علينة اذا نذبهم علئ خوالهم ـ اااني معليية بالنااااس جهااال فؤاااد ماررريدهممم ـ اعتبريهم موويمج يم ام محمد لو كميلة عوفيهم ـ ام محمد تتكفلين بيهم ؟ ـ شتكفل بيهم همة باقين يمنة بالبيت شلون اتكفل بيهم يعني؟ ـ ااحجي كميلةة ليشش سااكتة تتكفليين ـ عيني اني معلية شيحجي توفيق اني وياه خووش حجي انتو عماامهم ارشد وتووفيق تريدون وولد فؤااد توفيق ـ خلي نشوف خوالهم بلكي ياخذوهم ارشد ـ لو المادة تساعدني اني اتكفل بيهم بس الاوضاع تعبانة والفلوس كوة تتحصل ـ هاا شفت نااصر ..كلامي مضبووط خاابرو خوالهم خلي ياخدوهم ونخللص نهاوند ـ كل هذا الصياح لان ضربت دعاء وهي اكبر مني بسنتين مو عشرين سنة عبالك ضربت وحدة من عماتي مو بنت عمي .. تولد بداخلي حقد وغيرة وغل .. ليش هيج يحبوهه ويريدون خاطرهه والكل ماقبل تتاذة .. وليش هيج ياذونه ومحد مهتم بينة اتصل عمو ناصر علئ خالو نبيل وحجاله بالصار وااضاهر خالو نبيل سمعهم حجايتين بالعظم .. نبيل ـ والله انتو عمامهم وغصبا عليكم تتحملوهم .. هذول شايلين اسم والدكم ما شايلين اسم والدي حتئ اتكفل بيهم ناصر ـ شنو اسم ابوك شنو اسم ابوية اني وين احجي وانت ووين تحجي بنات اختك منكدر نربيهن احنة ناس علئ كدنة بيتنة صغير جهالنة محشوكين حشك بالغرفة تعالو اخذوهم ميصير من يوم الفاتحة رحتو وبعد ما سألتو ـ يابة هاي وين صايرة المتعارف عليه العمام يشيلون ولد اخوهم يعني هسة اذا اخوية صار عليه شي اذب جهاله علئ خوالهم شنو هالحجي نهاوند ـ عمو ناصر وخر التلفون شوي عنة وكال لعمامي خالهم مديقبل ميريدهم .. منال ـ نشمررهم بالشارررع وااالله ارشد ـ مو هيج الحجي منال .. انطيني التلفون ناصر .. الو السلام عليكم شلونك ابو ايوب ـ ياهلا بيك ابو محمد عليكم السلام ـ يابة ما متعاجزين من بنات اخونة بس انت تعرف الضروف ـ كلنة دنمر بهالضروف مو بس عليكم ـ زين اقتراح يرضي كل الاطراف ان شالله.. اسبوع يمكم واسبوع يمنة هيج يخف الحمل علينة ـ قابل هنة بضاعه حتئ كل اسبوع بمكان مترهم ابو محمد والله اسف البنات مسؤليتكم ـ يعني هذا اخر حجي ؟ ـ اي طبعا بنات اخوكم انتو تشيلوهن مو احنة ـ تمام .. مع السلامة ميريدهن ابد قافل منال ـ تدري هيج واحد شنو دواه؟ تروح تحرك عليه دعوة قضائية وتخلي محامي تكول احنة دخلنة محدود منكدر نعيل هالاطفال وخوالهم ميردوهم لذلك نطالب بحق الاطفال من ورث امهن حتئ نكدر نعيشهن وشووف وراهه شنوو راح يصير ارشد ـ انتي صاحية لو نايمة ؟ هي امهن علئ شنو فقدت حياتهه علمود ورثهه انوب احنة نمشي دعوة حتئ هم ننعلس وراهه منال ـ منوو يكوول علموود ورثهه بابا الله يعلم منو كتلهه استغفرر الله ام محمد ـ معقولة ااهلهه القتلوهه ارشد ـ الدنية متنحزر ـ قابل الشرطة هيج تايهه ومتعرف مو لهل درجه ـ عشرات الاشخاص يومياا ينقتلون بالشوراع محد يعرف اسباب قتلهم شنو واغلبهه تصفيه حسابات بس يذبوهه براس الطائفية والسلب والنهب لان اسهل طريق حتئ محد يلزم من القتلة التحجين بي يامنال سالفة جبيرة وتخوف وكلنة اصحاب عوائل منكدر نجازف بهيج خطوة منال ـ بنات اخووك ماكليين شاربين نايمين بلاااش اذا مياخذوهن خوالهم فـ علئ الاقل ناخذ منهن مصررف الهنن ابتلشنة بييهن ؟ علئ الاقل همةةة يدفعوونلةة اكلهن شرربهن كعدتهن وياانه يككفي متحملين هوستهن ولعباان نفسهن علينة وخوالهم بارد راسهمم ولافطين فلوس امهن .. هدددووهم نشمرهن بالشااارررع وشوفو شيحجوون نهاوند ـ ضلت عمة منال تحاول تقنع عمامي بكلامهه ولو همة مقتنعين بس يخافون يتحركون .. من الاكل السيئ والقليل اني وخواتي هوواي ضعفنة النساتل والجبوس والحلويات صارت حلم بالنسبة النة اختي لحونة كلش صغيرة وتركض من تشوف حلويات بيد احد ولو الحك الزمهه.. لو تنضرب هواي ايام اكعد ابجي لان مابيدي شي عليهن ومن الضغط اليصير عليه خصوصا طلبات وصخرة عمة منال وهي اصلا ذابة هواي شغل عليه ومنا تعب خواتي لازم اركض وراهن ولجتهن بالبجي لو بالعراك لو بالطلبات من التعب ما اتحمل شي و احيانا الزمهن واضربهن وبعدين اكابلهن واكعد ابجي مر اكثر من اسبوعين وعمة منال قنعت عمو ناصر يخابر خالي ويكلهم بهالحجي مجرد يجس نبضهم يشوف شنو راح يسوون وفعلا اتصل عليهم عمو ناصر وكلهم راح نشمرهم بشارعكم معلينة بيهن انتو الله مفضل عليكم وماعاجبكم تصرفون علئ بنات اختكم واحنة علئ كد حالنة مين نجيب نبوك حتئ نصرف عليهن باجر الفجرر نشمرهم بالشااررع وصار صياح بيناتهم بالتلفون واني كاعدة واسمع حجيهم وارجف من الخوف احس ايدي تختض من الخوف راح يمشرونة بالشارع وين نروح وين انام اني وخواتي جنت دائما اسمع امي تكول الشارع مو امان كمت اتخيل الرعب والظلام بكل مكان ماعرف شسوي غير الدموع تجري من عيوني لهلدرجة متثاقلين من عدنة هوربس اكل وشرب ممشتريلنة شي حتئ حلويات مشايفيهه احس حياتي اني وخواتي مجهولة سد التلفون عمو ناصر وكال خلص باجر نشمررهم بالشااارع وطزز بيهم احس روحي راحت وية هالحجاية حضنت خواتي وكمت اشهك بالبجي منال ـ وليـــــــش باااااااجر هسةةةةة طلعوووو ووشـــمرووهم مننرريددهممم كوووم نااصر اشمررهم برررة وخلصـــــــــنة وللحكاية بقية…………