الفصل 10
😒🩵 *#بكرهك الي حين* 🩵😒
*#بقلم_عسجد_Asgad*
&
*#محمد_سرالختم*
💥 *#Part_No*:: 10 💥
*﷼¦}{¦﷼¦}{¦﷼¦}{¦﷼¦}{¦﷼¦}{¦﷼*
طبعا جود السنة دي ممتحنة الشهادة الثانوية للجامعة علمي احياء
مدروشة درش جد وهي اصلا جرسة
رغم انها مجتهدة وبتذاكر اول باول
زي كل البنات ممكن تتعرض للتنمر وممكن في الشارع يعاكسوها كتير خاصة هي جميلة شديد وجيمها منسق طبعا هي محجبة ما منقبة
ومافي سبيبة بتظر من راسها والا الين حتزعل منها
*©¥€£©¥€£❤️🔥❤️🔥©¥€£©¥€£*
#بلسان_جود : اول ما رحلنا مدني كنت في الصف الثاني والمدرسة ما بعيدة من البيت
بس مجتمع جديد وزميلات اول مره نتقابل
مرشدة الصف دخلتني وعرفتني عليهن وورتني اقعد وين
من اول يوم واثناء خروجنا للفطور في بت طقشتني ولزتني عشان تطلع قدامي
ما اشتغلت بيها وخليتها تطلع . بطبعي ما بحب المشاكل
معاها شلة من ثلاثة بنات كل يوم يحاولن يعملن معاي مشكلة بدون سبب
عرفت انهن بنات عز وكل البنات بخافن منهن
شنطتي بقت ملازماني باستمرار عشان مرة لقيتها كلها مشتتة ومرة كراسي مشرط
ومرة بلقي جواها حشرات تخوف
عرفت دا كله من الشلة دي لحدي ما اختي عرفت من جارتنا بتقرأ معاي وجات المدرسة وكلمت الادارة
*©¥€£©¥€£❤️🔥❤️🔥©¥€£©¥€£*
المهم ارتحت منهن شوية
وجارتنا اسمها ريان بعد المشكلة دي صرنا صحبات نمشي ونجي مع بعض
طلعن ظريفة ووناسة وجنها رغي 😂
ما بتسكت لحدي نصل
حاجة تانية
بعد كم شهر كدا في ولد كل يوم بنتظرنا لحدي ما نطلع من المدرسة ويتابعنا لحدي مانصل
الموضوع دا استمر كم يوم لحدي ما ريري *( ريان )* لاحظت
تاني اتجرأ وحاول يسلم من بعيد
بنرد السلام بدون يسمع
رد السلام فرض
تاني حاول يتكلم معانا ووضح قاصدني انا
لكن ما اديتو اي وش عشان ماعندي في الحاجات دي
هو وجيه وجسمو رياضي واي شئ لكن نحن ارتباطات وكدا ما عندنا
*©¥€£©¥€£❤️🔥❤️🔥©¥€£©¥€£*
فجأة اتغيب قريب اسبوع
للاسف لقيت نفسي فقدته
وريان لاحظت لي
#ريان : ما تخافي بظهر 😜
#جود : منو البظهر 😳
#ريان : الشاغل بالك 😍
#جود : مافي حد شاغل بالي غير مستقبلي
#ريان : يابت انا خابزاك وعاجناك وملاحظه ليك من مدة
الحب ماعيب . العيب الارتباط في الظلام بعيدا من الاهل
#جود : .......
*©¥€£©¥€£❤️🔥❤️🔥©¥€£©¥€£*
بعد كم يوم ظهر
قلبي عمل شح
يارب دا شنو . مايكون كلام ريري صاح 😭
المهم جاء ماري فينا وسلم بالاشارة ولما اتقدم خطوتين جدع ورقة قدامنا
ريري ما صدقت طوالي شالتها وختتها في شنطتها
#جود : يابت جنيتي انتي ؟؟
#ريري : بعد نصل البيت نشوف عايز شنو
وما تخافي انا معاك وما بتجيك عوجة 😘
وصلنا البيت
خشيت معاها بيتهم اولا عشان نشوف المصيبة دي فيها شنو
*©¥€£©¥€£❤️🔥❤️🔥©¥€£©¥€£*
#ريري طلعت الورقة :
كاتب فيها انو كان سافر مأمورية تبع الشغل
وان هو مدير تسويق في الشركة الفلانية واسمه
محمد الختمي وهدفه نبيل
وحباني من طريقة لبسي وادبي واحترامي للشارع
وكتب رقم تلفونه عشان لو ماعندي مانع هو يجي بالباب لانو جادي وملتزم
وماعنده مانع اواصل في دراستي حتي النهاية
حتي لو وافقت على العقد ممكن يأجل بقية المراسم للوقت البريحني وهو عندهم بيت الاسرة في نفس الحي بس بعيد شوية علي الزلط وعنده فيه شقة منفصلة
واتكلم عن كل اسرته بالتفصيل
يعني ما خل لي فرقة اتهرب بيها
بس ماعارفه اعمل شنو
هو ظاهر عليه جادي وملتزم
لكن امي واختي اقولهم شنو 😭
*©¥€£©¥€£❤️🔥❤️🔥©¥€£©¥€£*
#ريري : يابت لو عايزه نصيحتي كلمي ناس البيت
دا زول ما بتفات والله لكن لازم تسالوا عنه وتتاكدوا
ولو وافقوا اعملوا عقد والعرس بعد سنتين تلاته
تكوني الوقت داك في الجامعة
هو زي شفتي ما كبير وقال عمره 24 سنة
دا بعد تستخيري ربنا
#جود : الفيها الخير ربنا بتمها ان شاءالله
رجعت البيت
غيرت لبس المدرسة واخدت شور ونمت
امي صحتني للغداء وبعدها صليت العصر
*©¥€£©¥€£❤️🔥❤️🔥©¥€£©¥€£*
قريب المغرب لين جات من الشغل
خليتها غيرت وجاتنا تحت الشجرة لونسة المغرب حقت كل يوم 😂
ماقدرت افتح معاهن الموضوع
اتكسفت شديد وكان صعب علي
المهم بعد العشاء استخرت ربنا ومشيت لقرايتي وهدفي الاهم ومستقبلي العلمي
نشوف البحصل قدام شنو
*¦}﷼¦}{¦﷼¦}{¦﷼¦}{¦﷼¦}{¦﷼¦}{¦﷼{¦*
*وأجعل بينـي وبيــن مـن رزقتنـي حبــه ميثاقـك الغليـظ يارب اللهم اجعل لقصتنا الكمال الجميل اللهم آمين يارب 🫂♥️.*
*¦}﷼¦}{¦﷼¦}{¦﷼¦}{¦﷼¦}{¦﷼¦}{¦﷼{¦*
*يتبـــ Asgad 🥴 سرالختم ـــــــع*
*#سرالختم_0121045450*
*#في_التنسيق_والنشر*