الفصل 01
🩵 *#نظرات_الطفل_الابكم*🩵
🤡 *#Part No* :: 01 🤡
*#بقلمي_حسن_تبيدي*
مافي زول عارف كيف تنتهي الرحلات الكانت مليانه ضحكات عالية وصخب وصور وذكريات ....
في شارع الرجوع من الرحله الساعة 9 مساء
بينما الأصحاب الأربعة مرهقين وتعبانين واي واحد ماسك جواله ...
كاان حسن سايق العربية بسرعة عالية فجأة العربية اهتزت وتوقفت ..
#مصعب : مالك ياحسن وقفت .؟
#حسن : والله ماعارف فجأة العربية دي ماتت م عارف الحاصل شنو
كدي ياخالد انزل شوف الحاصل فيها شنو ...
نزل خالد بدأ يفتش في العطل ...
#منزر : وهو بصحى من نومه ويتثاءب
في شنو يا ابو الحسن ماله العربية ؟
#حسن : فجاة وقفت
خالد ده مكنيكي معلم اسي بظبطها ..
#منزر : اي عشان كده جبناه معانا
ههه وبدو يضحكو الثلاثة م عارفين المنتظرهم *
خالد.العربية دي م فيها عطل والله راجعتها كلها حتى البنزين مفول ...
#حسن : والله دي غريبة معقولا بس الحاصل فيها شنو ...
#منزر : كدي النتصل لي ابوي يجي يرفعنا ...
طلع منزر التلفون اتفأجأ لما ما لقى شبكة في المنطقة دي
حسى بالخوف انو ح يقضوا الليلة في الحتة المقطوعة دي في البرد ده ..
بعد محاولات خالد لتصليح العربية اللتي باءت بالفشل ..حلت لحظة صمت مخيف واليأس يتملكهم جميعا والظلام الدامس كان كفيل بإدخال الخوف في قلوبهم وصوت الرياح وهي تحرك أغصان الاشجار ولسعات البرد اللتي تخترق جلدهم كالسهم ..
#خالد : وهوى بيرتعش من البرد ياجماعة لا شبكة لا عربية جات مارة فينا ساي نعمل شنو
#منزر : ياحسن اطلع في ظهر العربية شوف في قرية والا نور ساي نمشي عليه ..
#حسن : بعد طلع في العربية وعاين يمن وشمال وشرق وغرب شاف إضاءة بعيدة كأنها إضاءة فانوس اوشمعة ...
نزل وقال ليهم ماف قرية قريبة بس شايف حبة نور بعيدة نتوكل نمشي عليها ..
#مصعب : نور شنو يازول معقول في بني آدم عائش في الخلا ده ..
#منزر : م شايف حل غير نتوكل نمشي ناحية النور ده والا ح نتجمد من البرد ...
#حسن : يلا طيب لأنه انا متجمد من البرد حاليا ..
*
ذهب الأصدقاء نحو الضوء ..
لكن ماكان في انتظارهم لم يكن دفئا بل بداية الكابوس
مشو الأربعة ناحية النور ....
#حسن : والله قلبي م مرتاح لي المكان الماشين عليه ده واحساسي دايما بصيب ...
#مصعب : ماف حاجة يازول مالك داير ترعبنا ساي ..
#منزر : اسكتو انتو الاتنين م ناقصين يااخ نحنا الفينا مُكفينا ...
#خالد : والله انا مع حسن كيف يعني زول ساكن في حت خلا زي دي
كلما قربوا ناحية الضوء كان معالم المكان بتوضح ليهم ...
لما وصلوا كان بيت طين قديم فيه باب خشبي كبير مفتوح نص فتحه طالع منها ضوء فانوس جاز قديم
#حسن : ندق الباب والا نخش ساي ..؟
#منزر : قرب من الباب الخشبي وبدأ يدق ..
بعد دقايق طلع ليهم راجل كبير في العمر طويل القامة لابس جلابية قديمة ...
قال ليهم : ادخلو ماقال ليهم اهلآ ..
ماسألهم انتو منو ..؟
ولا جيتو من وين ...
*
هنا ارتبكوا الأربعة ودخلوا بتردد ..
البيت صامت وهدوء مخيف
كان في طفل صغير واقف في نص الغرفة م اتكلم
بس بعاين ليهم بنظرات جامدة كأنه بقول ليهم انتو في المكان الغلط
*يتبــــــــــــ تبيدي ــــــــــــــــــــــــــــع*
*#سرالختم_0121045450*
*#للتنسيق_والنشر*