كتبت أسمي على صدر السما وأيامي - الفصل 5 - بقلم ألايدا | روايتك

*********************************** نرجع لفيصل ومواز اللي عطته العنوان بس عنوان جيرانهم بغصه.. اول ماوصلو نزل معها وهي اخيرا فتح الباب عفطت برا السيارة بفرح كبير.. مواز جت بتروح بس وقف قدامها فرجعت ورا بسرعه ولزقت بالسيارة اللي وراها:خير؟ فيصل:مافي شكرا؟ موزة استحت:هاه.. شكرا فيصل:زين يالله امشي موزة بهتت:هاه!! فيصل:شوه هاه يله ودي اتعرف على اهلج موزة بققت عيونها:انت اكيد استخفيت؟؟.. راجعه متأخر لا وجايبتلهم رجال غريب بعد.. بنذبح فيصل:هههههههههههههههههه ودي احضر جنازتج واودعج وهو يدق الجرس.. موزة: صرخت بعفويه:بس هذا بيت جيرانا فيصل بدون مبالاه:ههههههههههه عادي موزة راحت ركض عنه بيتهم اول ماسمعت صوت الباب ينفتح له.. دخلت بسرعه البيت وطيران للصاله.. حصلت البنات راقدات على الكنبات وشكلهن كانن ينتظرنها...ارتاحت وبسرعه رمت جسمها على النبه وهي تصرخ بفرح:الحمدلله البنات فزو:مواااز!!! مهره راحت لمتها بقو:الحمدلله...صار فيج شي؟ مواز براحه:لا تطمني دانه وهي تسحبها من حضن مهره بدفاشه وتلوي اذنها:استرحتي برد فوادج سويتي مغامرتج الغبيه هاه؟ مواز وهي تتلوى:اي اي اي عليا بعتاب:الله يهديج وقفتي قلوبنا دانه بغضب:هايته لنصاص اليالي عند شباب ياقليله الادب مامنج منا حن اللي ماصلبناج من اولها...كان زين الحين لو فاضحتنا؟! مواز وهي تناقز:اي اي اي انززززين اذني وعند فيص اللي وقف ينتظر قدام بيت الجيران... فتح له بو سليمان:هلا ياولدي وش بغيت؟ فيصل يمثل انه متلوم:والله ياعم من المغرب مضيع اختي الله يهديها عاطتني دفتر ربيعتها بكره اختبار عندهم.. اذتني.. والعنوان طلع غلط عاد ضيعت والله حدي متلوم السموحه منك بو سليمان:هههههههههههه ماعليه.. من البنت؟ فيصل:مدري ماقالتلي بس العنوان غلط واسمها مامكتوب فالدفتر بو سليمان:وانا بالله كيف بساعدك ألحين؟ فيصل:والله ياعم انا شفتها البنت مرة مرتين وانا امر اختي المدرسه صدفه وربي بو سليمان بنص عين:ههههههههههههههههههه صدفه هاه..يله زين اوصفها فيصل تبسم:هي قصيره.. ومدري شكلها ربشه..ومشاغبه و مدري والله كيف اوصفها بو سليمان:ههههههههههههه والله ظنتي ظالتك مواز قصدي موزة.. محد اخبل عن هالبنت واجن عنها..بس الاكيد هالبيت اللي مقابلنك فيه بنات بالمدرسه اسألهم فيصل فرح من خاطره لانه شافها تتدخل نفس البيت:مشكور ياعم السموحه عاد تعبناك بو سليمان:مسموح يايبه اقرب اقرب فيصل فخاطره.. تو الناس:لا والله تأخر الوقت ماعليه بو سليمان:براحتك الله معك فيصل فخاطره وهو يركب سيارته:ول مشهوره بهبالها....ههههه طلع اسمها موزة ويدلعوها مواز بعد..اش هاليوم ياربي اما هالبنت تحفه جاب يحرك بس خاف يشك فيه الجيران قام نبش حصل المذكره خذها وكتب فيها شي ونزل دق الجرس..موزة اللي كانت بالمطبخ تشرب ماي عقب ماخبرت البنات وحكتلهم السالفه دانه فزت:من يدق فهالوقت؟ موزة خافت:لايكون بو سليمان شافني؟!...اعرفه ملقوووف هالشيبه عليا والنعاس فعيونها:قومي شوفي من مواز بقتت بعيونها:من نا؟؟ عليا وهي تتثاوب:ايه موزة صرخت باستنكار:ليش؟ عليا ببساطه:لانه يايكون بو سليمان ياللي وصلج دانه وهي ترفع نظارتها بتهديد:فالحالتين ان مارحتي بخبر يدي ...واصلا محد بيدق علينا نص الليل...واليوم بذات...وفهالوقت...الا مصيبه من صوبج موزه قامت تتأفف:افف ناقصه غثتج انا اخخخ دانه تصرخلها بغضب:والله انتي اللي جبتيها لعمرج وراحت.. البنات لحقوها بس وقفو ع بعد.. موزة قبل لاتفتح بدون نفس:من؟ فيصل سمع صوتها فرح من خاطره ماعباله ابدا انها بتفتحله هي بعد اللي صار:انا ياسالم موزة شهقت.. وصدت ع البنات بقهر.. البنات اللي وقفو على بعد عنها:هذي بلاها؟؟ موزة تلثمت وفتحت الباب:نعم؟ فيصل شافها صاده ورا الباب عنه:ههههههههه هاج الدفتر من اختي مو بكره امتحانكم موزة عبست تحاول تستوعب:هاه فيصل:جاركم الشيبه الله يجازيه خير هو دلني عليكم وشكله ملقوف بكره ان سألج عن السالفه خبرتج بشو تردي عليه لاتفضحينا.. هاج دفترج موزة خذت منه المذكره بقهر..وفهمت انه كذب هالكذبه ع بو سليمان:شكرا بس هذي مذكره فيصل:اهم شي وصلج الدفتر موزة.. يستهبل حضرته هه فيصل:اقول مواز بكره بجي ازوكم موزة فزت:خير؟؟ فيصل:لا اطول عليج رقمي مسجل فالمذكره بس بالغاز.. حليه وسوي رنه احسلج لا اطب عليكم.. عندج مهله لبكره موزة عصبت:اقووول ماحزرت انا بنت ناس واحسلك تنساني طلعت وفرت المذكره فوجهه وسكت الباب وراها بقو.. البنات راحولها.اش صار؟؟ موزة بعصبيه:قليل الادب هه فيصل اللي نقع ضحك يعرف انها بتفر المذكره فوجهه بس حب يرفع ضغطها:ههههههههههههههههههه? ?ههههههههههههههههههههههه شل المذكر ودخلها من فتحت الباب:هههههههههههههه ماعليه انا أأدبج وراح... وعند البنات... مهره:اش صار؟؟!! موزة بعصبيه وهي تدخل:ولا شي دانه ترفع ضغط موزة:ههههههههههههههه والله شكله يابنات جا اللي يصلب مواز مواز صدت صوبهم بنظرة حقد:شووو؟؟؟!! عليا وهي تدخل عنهم بتعب:يله تصبحون على خير دانه:لحظه خذيني معج وراحت وراها... مهره:وانتي ماتبين تنامين؟ مواز جلست ع المدخل بتنهيده:حسبي الله عليه هد حيلي مهره وهي تشد يدها:قولي الحمدلله ماسوابج شي...يله قومي خلينا ننام مابقى شي على الساعه اربع ******************************************** وعقبها بيوم...فبلاد ثانيه وبعيده... تنهد والنوم مجافيه يحاول يغفى بس من دون فايده...مب قادر يرتاح بعد ماخبره انه الرقم اللي اتصل به ومنتحل شخصيه المرحوم منصور رقم صاحبه مسافر وخارج البلاد...وهالشخص من جنسيه اسيويه...كل الطرق منسده فوجهه...تنهد بقو وهو يتذكر اش سوا فشريكه وصديق عمره وطفولته اللي كبر وصار تاجر وفهد كبر وصار فاشل ماله مستقبل بسبب ابوه المدمن على الخمور واللي سبب ف ضياعه وضياع مستقبله اكثر بعد سفر منصور عنه يكمل بعثه للخارج...حس انه خانه وتركه بعد ماخذله الكل وتوفت جدته ومابقاله الا ابوه اللي ضيع ضياعه اكثر واكثر... غمض عيونه بقو وهو يطرد شبح منصور من راسه يوم رجع وماهن عليه حال ربيعه قام ساعده وشاركه فمشروع عمره ومن قام المشروع ونجح... هز راسه بقو ينفض ذكرى منصور من راسه وكل شي متعلقبه... بس الذكرى باغتته يوم نهب ربيع عمره وطعنه فظهره وطاح منجلط بين الحياه والموت...وماهي الا ايام وودع هالدنيا مجزوع القلب على اللي سواه فيه ربيع عمره واخوه اللي وثق فيه وامنه على كل شي فهد وهو يحس بصداع:اااه يافهد اهههه يالخاين....يالظالم عمرها حوووبت منصووور مابتودرك ونزلت دموعه بحراره....دموع ندم ولا شو بضبط ماهو عارف بس هالدموع عمرها ماوقفت من توفى منصور على يدينه... فهد شهق بغصه:اااه يالمجرم ذبحت اقرب ناسكوبكى بمراره ولوعه طفل توه فقد امه قدامه وتيتم...من توفى منصور وهو يبكي الليل ويصبح يجير ويظلم وكنه قلبه وضميره مايصحى الا نص الليل بس...نسى نفسه وانخرط فزوعه بكاء مرير...بكى ندم بكى الم بكى قهر.. ****************************************** صرخت بقهر:مقهوووره وستين مقهوووره على غباءج يالبهيته مهره بعصبيه:طالعه عليج موزة صرخت بشراسه:تشب ولا كلمه بعد لج ويه ترادي؟؟!! مهره كتمت غضبها وببساطه:الحين انتي معصبه على ايش بضبط؟!...كلها كلها مسرحيه وبقدمها؟! دانه وهي متكتفه:مانقصد المسرحيه مواز منقهره على شيـ(ن) ثاني مهره تخصرت:ايش بعد غير تفاهاتكم اللي كربتونا بها؟!! دانه قطبت بحواجبها:الحين صار خوفنا عليج تفاهه؟! مهره عطتهم ظهرها:هه مايخصني مواز ترجف من الغضب اللي كابتنه:عيل راعي الشات هو اللي يخصج؟! مهره غصت بفجعه وبققت عيونها ع الاخر:شــ...شـــوووو؟؟!! مواز انفجرت:اقووول راعي الشات ياراعية الشااات ماعرفتيه؟!! دانه وقفت وسطهم مقابل مهره:ترا حن عارفين كل شي...انتي تواعدي واحد ع الشات كل يوم ع 11..و من اسبوعين شكينا فيج... وسكتنا عنج لا نظلمج لحد ماتأكدنا للاسف للاسف طلع شكنا بمحله... يعني باختصار لا تحاولي حتى تنكري مهره بغيض وغضب:يعني الحين سالفه انج انتي اللي تراسلي ع الشات كانت مسرحيه؟ دانه بهدوء عقلاني:مسرحيه صغيره عشان نوصلج المعلومه انا عرفنا فبطلي هالحركات بدون احراج... بس تراج... يا ماتفهمي او... انج تستغبي عمد مهره تلاهث من الغيض وقلبها يرقع طبول:انتووو مايخصكم فيني... لاتدخلو فشي مالكم فيه.. هذي حياتي وان احره فيها.. اسوي اللي ابيه مواز تجازوت دانه اللي قدامها ومسكت اختها من كتوفها تهزها بوحشيه:تسمي الشات وخرابيطه حريه...يالمتخلفه يالياهل يالغبيه؟! مهره دفت مواز عنها بقوه:ايه اسميها حريه مثل ماتسمي لبسج لثوب والغتره وتنكرج على انج ولد وهياتج لعب كوره عند الاولاد حلم وتعيشيه بطريقتج انا بعد لي طريقتي واسلوبي مواز تركت مهره مصدومه من كلامها:انتي هيه اصحي على نفسج اش قاعد تقولي...ومعصبه وفاير دمج ع شي تافهه نفس عقلج ياتافهه مهره خلاص ماتشوف اللي قدامها:تافهه لانج اختي...ولاتسبي احسلج مواز بغت ترد تهجم عليها بس دانه مسكتها:هديني عليها الكلبه وتقارن اللي اسويه بسواد ويها دانه تحاول تهدي هالجو المشحون:خلاص مواز هذا مو اسلوب لاتفضحونا اعقل وترا اصواتكم بتجمع علينا الجيران مواز تحاول تتحرر من قبضه دانه:هديني عليها قبل لاتفضحنا صدج...مسوده الويه مهره وهي رفع سبابتها فوجه مواز ودانه وويها محمر وتلاهث:انا اشرف منكم وقبل لاتحاسبن حاسبن عماركم يالعاقلات..بعدين انا بكيفي انتن مايخصكن فيني وربي ان تدخلت اي وحده مره ثانيه وفتحتلي هالسيره لا اقطعها بسنوني مواز فار دمها على كلام اختها الغير منطقي ابدا:والله انا اللي بفرمج وبكسر عظمانج ياقليله الادب دانه اللي انصدمت من كلام مهره اللي واضح عدم استيعابها للي تقوله ماحست الا بمواز محرره نفسها و هاجمه على مهره بوحشيه:موااااااااااااز لاااااااااااااااا عليا الي كانت بالحديقه...شارده....وفخاطرها. ..اه لمتى لمتى ياعليا وانتي على هالحال؟!...متى بينسى قلبج الجروح ويداويها ويعيش...كل شي فيج يبكي الا عيونج....اه ياقلبي اه...حسبي الله ونعم الوكيل... بلعت غصتها وهي تتذكر كيف انسابت من بين احضانه للارض...كيف ارتطمت بقسوة على الارضيه كأنها تهوي من سابع سما لقاع الارض...وعيونها معلقه بعيونه تدور عذر..سبب...اي شي ينقذها يساعدها...قبل لاتغرق وتختنق...بس للاسف مالقت الا الجمود...كيف قسى قلبه عليها يذبحها فاول امسيه لهم سوا...كيف تركها وانسحب بكل برود واختفى من قدامها..من عيونها..من البيت..من حياتها..ولا عاد شافته ولا سمعت حسه مره...بعد طالق ماسمعت شي ثاني وبعدها تتردد صدى مثل المنشار يقطع شرايين قلبها بدون رحمه...تحس بقلبها يأن داخل ضلوعها وييذبل يغووووص للسواد للظلام للالم والوجع والوحده...ولاهي عارفه كيف تصحى.... صحت من شرودها ودموعها متحجره كالعاده فيونها على صراخ البنات وراحت ركض بس جرس الباب وقفها:يالله.... وراحتلهم ركض...دخلت على مواز اللي غارسه يدها بشعر مهره بشراسه و مهره اللي تحاول تفك شعرها بصراخ والم...ودانه اللي تحاول تفكمهم من بعض عليا بصراخ:هيه انتو فضحتونا... الجيران جو يدقو الباب يتشوفو بلانا... حسبي الله عليكن من بنات دانه تستنجد بعليا:عليوه تعالي ساعديني عليا بصرامه:موووزة هديها دانه خلاص تعبت وصرخت فمواز:خلاص موزوه هديها مواز دفت مهره ع الارض بعنف:تستاهل اذبحها الغبيه مهره ويدها على راسها اللي ولع:الله ياخذج يالمسترجله دانه وعليا اللي شهقو...!!مواز كنه حد كب عليها ماي بارد....وقفت مصدومه ومبققه عيونها اللي شوي وتطلع...وهي تحس بخنقه كل الهوا اللي حولها فجأة انسحب مهره كملت الغضب عامنها وهي تشوف وجه اختها شحب من الصدمه وقفت بغضب كبير:بالله هذي تصرفات بنات تضربيني وتنفتي شعري اش بقيتي لصقر هاه؟! عليا اللي ماعادت تتحمل صراخهم وضراياتهم وهي بروحها تعبانه وشايله بداخلها حمل ثقيــــــــــــل صرخت فيهم بقهر:مهره انجعمي احسلج....بسسسسس خلاص افهمي ان ماودرتي الشات وحركاته والله لا اعلم عليج منى وصقر مهره اللي ماعجبها اسلوب عليا اللي صبت غضبها عليها وهي تلاهث:خبريهم مايهمني...هذا اللي ناقص مطلقه وتهددنا...انتي مفروض ماتورينا ويهج يامسوده الويه وطيتي الروسنا ولا في وحده تتطلق عقب زواجها بشهر؟! البنات سكتو منشل تفكيرهم وغضب مهره صادمنهم....بس دانه عطتها كف من قوته طاحت على الارض مره وهي تلاهث بقهر من كلام مهره الجارحه:هيه انتي اصحي على نفسج مهره اللي بدت تستوعب ويدها على خدها اللي احمر وانتفخ... ودموعها بدت تنزل... انهارت تصارخ وتشاهق اربع بحرقه ولوعه وقهر:اصحى على شو؟!...على انكم جايين تحاسبوني وانتو كله حاقريني ولا حد فيكم مهتم...ولا وحده فيكم تكلف نفسها حتى سألني عن اخباري؟...اش مضيقبي اش مفرحني كيف دراستي ومن ارابع واماشي من البنات؟....وجايين تحاسبوني على دخولي الشات....فكرو اول ليش ابدخل الشات........بإرادتي؟؟!!...تحسب? ?ني فرحانه وصلت اواعد فالشات وحبيت منه؟!!.....مـــــاتجـــــااا? ?ااوبـــــن؟؟...انــــ ــطــــقــــــن صرخت فيهن وراحت وهي تعرف ولا وحده بترد عليها لانهن الغلطانات وهي بعد غلطانه....بس انسحبت تبكي بمراره... عليا اللي طلعت عنهم ركض للغرفه ماعادتت تحمل اكثر... موزة بعدها مصدووومه انسحبت بهدوء للحديقه... راحت وجلست منهاره تحاول تتنفس تحس بخنقه امس واليوم مرتين تسمع هالكلمه هي نفسها بويه ومسترجله اش قد جاحره هالكلمه...كتمت غصتها بقو وهي تحاول تنظم تنفسها...راحت تمشي وتبتعد تحاول ماتذرف دموعها وتنفجر...بس فرفرت فالحديقه لمحت المذكره طايحه عدال الباب...فزت...وعفطت ركض لها:هذا شكله فرها امس عقب مارحت مره...النذل عصبت وهي تحس دمها بدا يغلي ونست كل اللي كانت فيه وهي تفتح المذكره وتشوف اللي كاتبنه لها:انا اوريك ودخلت داخل ركض..وهي تسمع جرس البيت...رجعت بتفتح بس لمحت دانه رايحه تفتح... ************************************احمد اللي من رجع امس من بيت اهله وهو حاس انه متغير وانه صحى من غيبوبه طويله...وكل الثقل اللي كان كاتم على انفاسه بدا يزول... تنهد براحه وهو يشوف الخدامه تزهب الفطور احمد:لازم يا أحمد ماتستسلم كافي اللي صار للحين من ورا انهزامك وسكوتك تنهد وهو يسمع رنين جوله طلعه من جيبه ورد وهو يقرا اسم سلطان على الشاشه وهو يعرف زين ليش متصل عليه وببتسامه:وعليكم السلام مابخبرك شي لاتحاول سلطان بصوت ناعس:هههههههههههههه ول اشكره من اولها؟!! احمد:ههههههههههههههههه شفت اش قد اعرفك؟!! سلطان:ههههههههههههههههههه? ?هههههههه حسستني... ترا تعرفني امس رامس وبقوم متأخر فاول مابشوف مسجك العجيب بتصل احمد يضيع السالفه:الا كيف كان البر امس؟ سلطان:بدينا فسوالف التضيع؟!! احمد:هههههههههههههههههههه? ?ههههههههه سلطان:يله غرد احمد:اخبرك بس بشرط سلطان:بعد!!!...زين قول احمد:تجيب سيف وشلته سلطان صرخ بفجعه:نعممممممممم احمد كتم ضحته:بلاك تبا تعرف هاتهم سلطان:عقب اللي سووه فالبر حرمت اشله وربعه مكان هذول يهااال احمد:هههههههههههه حرام عليك هاتهم بيستانسو سلطان:ليشج يايين الملاهي ولا فلتك اقول ماني جايب يهال معي احمد:والله براحتك...بس ترا تعرف شرطي سلطان:اخرتي بعرف ايش سر هالعزيمه المفاجأة احمد:بس انا عازمنهم بعد سلطان صرخ بتذمر:وانا مايخصني احمد فيه ضحكه الا يطفربه:خلاص بطرشلهم فيصل سلطان استسلم لانه يعرف احمد بيسوي اللي قاله:لاه...لاتعني بالريال انا بجيبهم على طريقي احمد:ههههههههه ايه تعدل سلطان بتذمر:بس ماعرفهم هم ضيوفك انت... انا مايخصوني احمد:هههههههههههههههههههه? ?هههههههههه ان شاء الله سيد سلطان ولا يهمك بنكرم ضيوفنا سلطان:اوووه مرووووق احمد:الحمدلله سلطان بلهجه مكر:لا انت شي صاير معك احمد:هههههههههههههه انت باي طريقه تبا تعرف اي شي؟!....ماعلينا المهم...اسمع قدم زين اباك فسالفه سلطان:هههههه ولا يهمك بقدم اصلا لاني مابقدر من اللقافه بتذبحني احمد:هههههههههههههههههههه? ?هههههههههه زين اعترفت سلطان:يله عيل بقوم اكشخ احمد:عزيمه ماعرس تكشخله سلطان:اهم شي اطلع حلو باي وسكه.. احمد:ول سكه؟!!....استخف هالولد؟!! سوما:سير الفطور جاهز احمد تبسم على كلمه سير مايعرف من معلمنها تناديه سير:زين روحي كملي شغلج وفخاطره:وينها اليوم مالها حس؟!! ونادى بأعلى صوته:مهاااااااااااااااااا? ?ااااااااااا ماهي الا دقايق وجاته تلاهث من الركض... احمد طالعها واقفه اول الدرج ورفع حاجب:ماتنزلين ايش له مرتزه مكانج؟! شده شكلها وهي تنزل اول درجه باختلال... كشر..وهي تحط يدها على وجها...حسها كنها انعمت فجأه... توه بيصرخ فيها لاتطيح..وتحاسب.. الا هووت قدامه... ************************************* نرجع للبنات... لدانه اللي جلست تهدي مهره....بس صوت الجرس ازعجها قامت عن مهره وراحت تشوف من عسى مايطلع بوسليمان...عاد هالشيبه ابو اللقافه...وقفت ورا الباب وهي ترفع صوتها:من؟ :خطيب دانه عبست بعدم استيعاب وهي تكرر سؤالها عسى سمعت غلط:من؟؟!! :خـــــــــــــــــــــــ? ?ــــــــــــــيـــــــــ ــــــــــــــبدانه بعصبيه على وقاحه هالادمي:من انت وايش تبا وعن قلة الادب؟ :قلنالكم خطيب شو قلة ادب بعد جايين وندق بابكم بأدب ليش المهانه ياخي ما اسلوب والله دانه ارتفع ضغطها لانه سكتها وبهمس:اااخخخ بس لو اني اقدر كان ادبتك :احممم احممم نحن هنا...ترا الخيل بدا يتعب ما حاله ساعه ننتظر وفالاخير هالاستقبال الجاف الوقح دانه تحاول تستوعب:خيل؟!!! وشهقت:وقح؟!! ماقدرت تمسك نفسها ع اخر كلمه وبعصبيه كبيره:محد وقح غيرك قليل الادب :انا فارس احلامج جاي على خيلي وتسبيني افا وراحت وهي ترفس الارض بكل قوتها:ناس وقحه وراحت داخل تنافخ ماقادره توقف اكثر تكلمه تخاف تعصب اكثر وتطلعله تكفخه... مهره اللي دخلت الغرفه بتغسل وجها شافت عليا ففراشها ومتغطيه بالكامل عورها قلبها رجعت تبكي مره ندم ع اللي سوته... دخلت اللحمام بسرعه تشاهق... عليا اللي حالتها يرثى لها...ودها تذرف دموع متحجره داخلها ولا راضيه تذوب تنصهر عذبها كتمها و تحجرها وتبلدها اللي ذابحنها..ماتت كل مشاعرها واحاسيسها....شهاب....شهاب ذبح كل شي فيها كان ينبض به مو له به... عشقته عشق جنوني...عشق قيسي... عشق شكسبيري... عشق فكتوري..عشق خرافي... استنزف كل شي فيها واول شي قلبها...قلبها اللي حفر اسمه فالوتين.... اللي... ماكملت مناحتها الخاليه من الدموع...لانه صوت دانه المتأفف بشكل ملحوظ افجعها... قامت وهي تشوف دانه اللي تفرفر فالغرفه بعصبيه كبيره:سلامات ايش فيج؟! دانه بعصبيه وهي تنافخ:هاللي يدق الجرس هالبجح عليا مامستوعبه:من؟! مهره اللي توها تطلع من الحمام غاسله وجها:ايش فيكم؟ دانه بعصبيه:استفزني الوقح...قليل الادب اقوله من يقولي خطيب :هههههههههههههههههههههههه? ?هههههههههههه دانه صدت وراها بخرعه ويدها على قلبها:بسم الله الرحمن الرحيم عليا:مواز شو يضحك تراني مافاهمه شي؟!! مواز ويدها ع بطنها:ههههههههههههههههه هالغبيه راحت تشوف من مأذنا يدق الجرس وتناقرت معه عليا عبست:والجديد؟ دانه تخصرت:بالله وايش يضحك فالسالفه؟! مواز:هههههههههههه انا شفتج تدخلي وتتحرطمي رحت شفت من هههههههههه دانه بلعت ريجها وهي حاسه باللي بتقوله موزه:لا تقولي مواز وردت لنوبه الضحك:ههههههههههههههههههه? ?ههه ايه هو ههههههههههههههههههههههههه هههههههههههه دانه غطت ويها بفشله:اوووووووووووووووووف لااااااااااااااااااااا توني بس انتبهت للصوت عليا بتذمر:اوففف مافهمت بعدني شي مهره اللي فهمت:قصدهن طلع صقر عليا من دون ماطالعها ببرود:اهاه... وصرخت بس استوعبت:صقررررر ****************************************************************** احمد اللي شهق وهو يشوفها بتهوي من الدرج بس سوما اللي جت من وراها باخر لحظه و مسكتها... سوما وهي تساعد مها توقف:مدام انتي... مها قاطعتها:ثانكس سوما انا بخير تقدرين تروحين تكملين شغلج سوما ودرتها بتردد وراحت عنها تنظف قريب منها.... مها وهي تسند على عارضه الدرج وتنزل درجه درجه...تحس بدوخه ودوار ولوعه كبيره زادت عليها... وهي تحس جسمها يعرق وشاب نار بس اطرافها بارده وترجف...بدت اللوعه تزيد...وهي تتنفس بسرعه تحس قلبها يضرب طبول...ماعادت تشوف قدامها الا السواد... فتحت عيونها وهي تجلس على السلم بلهاث...لا تطيح من السلم وتتكسر احمد عفط صوبها:ايش فيج؟ مها ماقدرت تنطق وهي تتنفس بسرعه... احمد:ايشح حاسه فيه؟ مها بلعت ريجها:برجـ....ـع.....غر...فتـ...ـ ي احمد شافها توقف بتعب:لحظه فر جواله على الكنبه القريبه وصد صوبها توه بيمسكها الا هي طايحه عليه... احمد بفجعه:مهاااا شلها بسرعه وهو ينادي على الخدامه:هاتي ماي بسرعه ورجع نادى عليها:والتلفوووون بعد بسرعه حطها على الفراش وهو يحاول يصحيها....بس مشي فايده...جاته سوما ركض بكوب ماي وجواله.. احمد رش على وجها شويه ماي بس ماتنبهت...قام بسرعه جاب عطر رجالي ريحه قويه وفش براحه كفه وقربه من خشمها.. مها وهي ترمش:اه احمد فرح انها تنبهت:سوما خلج مع المدام وراح عنهم...وهو يتصل فعمر... مها اللي تحس بصداع ولوعه...مامستوعبه للحين اي شي... احمد:يله عمور رد عمر:السلام عليكم هلا والله بالقاطع احمد:وعليكم السلام...عمر بسألك عمر خاف من لهجه احمد:خير؟! احمد:لا بس استشاره طبيه عمر فهم:اهاه أسأل أحمد بلع ريجه:مها طاحت علي لازم المستشفى ولا مايحتاج؟ عمر:احسن توديها المستشفى تتتطمن اكثر احمد بتذمر:لازم؟! عمر عبس يعرف اش كثر احمد يكره المستشفيات:تمام قولي ايش فيها بضبط؟ احمد عبس:هاه؟! عمر:قولي ويش حاسه فيه عشان اشخص الحاله...ولا اجيك احسن؟ احمد فز:لا عمر:هههههههه زين برسلك دكتوره اعرفها تشتغل فعياده خاصه وتقدر تجيك الفله احمد تنهد:ايه هذا المطلوب عمر:بس تراها غاليه احمد:مايهم عجل تمام؟ عمر:زين هي بس طاحت لامن عمرها؟ احمد:مدري شكله صابها دوار معرف معرف يله باي ارسلي الدكتوره بسرعه لاني متلته ماعارف شاسوي عمر خاف من لهجه احمد اللي اول مره يحسه مهتم بالبنت:انا اقرب بجيك باي احمد فز:لا والله...الووو الوووو...عموووور...هذا اكيد استخف؟! احمد رجع الغرفه:سوما خلاص انتي روحي سوما طلعت عنهم...مها اللي بعدها تعبانه ومتخدره... احمد قرب منها:انتي دوم تييج هالحاله؟ مها تبسمت بذبول:لا عادي تعودت احمد كشر:هاه؟!! مها وهي تحس بدوار:هذا بسبت الانيميا...تجي احيانا بس مايغمى علي...هالمره اول مره فالعاده اول ماحس بالدوار ماتحرك من مكاني ليخف احمد بقق عيونه:انيميا؟!! سوما:سير هزا سير أمر(عمر) يريد يشوف انته احمد تذكر عمر:طيب روحي انتي وصد لمها:برجع وراح عنها يشوف عمر... عمر اللي جالس بالصاله ينتظر... احمد:هلا بالدكتور عمر:هاه بعدك مصر ماشوفها؟ احمد:اكيد عمر:ههههههههههههههه ياخي انا دكتور افهم احمد:ماعلينا هي اصلا تقول انها انيميا عمر:انيميا.....شكلها حاده احمد جلس:مدري عمر:خلاص بسيطه...بس ترا لازم تتعالج منها احمد طنشه:ياسووووما سوما جت.. احمد:قولها ايش تسويلها؟ عمر عبس وخبر الخدامه شتسوي ورجع صد للاحمد الشارد عنه:احمدوه احمد:هاه؟! عمر:لازم تشلها لاخصائي احمد:عادي الانيميا طبيعيه فهالعمر عمر:فهالعمر للبنات اللي مو متزوجات مو للمتزوجات ومازين الاهمال احمد:زين عمر قام وقف:انا بعدني برسل الدكتوره...وانت لاتهمل الموضوع ترا السالفه خطيره احمد نص عين:عمور كلها كلها انيميا عمر بجديه:لاتستهين بشي وراح عنه احمد زفر:بونه الاطباء يبالغو.. ********************************* نرجع للبنات عليا اللي من سمعت اسم صقر وفزت ركض للصاله... حصلته منسدح على الكنبه ومغطي وجهه بيده يحاول ينام وشكله مرهق:عمي صقر بعد يده وشافها:ههههههههههههههههه عمي مره وحده عليا راحت له:هههههههههههههههههههه تو مانور البيت ولمته بشوق:اشتقناااالك صقر يكمل عنها:ايه ادري اشتقتولي بزاااف بزااااف عليا بعدت عنه:وااااي صقور من متى ماشفناك ايش هالغيبه؟!...طولت وااايد هالمره صقر:هههههههههههه توني عمي فجأة صرت صقور عليا جلست جنبه وبحماس مطنشه تعليقاته:وااايد متغير صقر:هههههههههههههههه للافظل ولا للسوأ؟ :الاسوأ طبعا صقر فرها بالمخده اللي جنبه:اكيد للسوأ دامي خال لمهبوله مثلج... مواز شهقت ببرأه:انا ولا انت...اصلا انا وارثه هالهبال من من يعني؟!...منك صقر كشر بعدم مبالاه:تشب اصلا انتي محد سألج مواز بنص عين:مايحتاج واضح يعني بالله بعيد عن الحب وتحلو؟!! صقر زفر وهو يحط يده ع صدره:اه ياقلبي...وينه هو الحب علامه ماطل علي يبشرني بالسعاده؟ عليا كاتمه ضحكتها على حركات صقر اللي ماتغيرت..... وهو طول عمره مسوي عليهم جو بس من قلبت سالفه حبه لدانه جد و اعلن رغبته بالارتباط بها وابوه عصب ومحد يعرف السبب لدرجه طرد صقر من البيت ومنى بررت السالفه انه في مشاكل غير موضوع دانه اللي قصتها بتعرفوها مع تتالي الاحداث والغريب انه ماكلم دانه ولا فتح السالفه ولا كنه صار شي... عليا تتأمله ببتسامه على هباله اللي خافي حزنه وهمه الكبير اللي واضح فعيونه:اسكت احيدها متفشله منك صقر كشر:لااااااااااامواز:هههههههههههه والله ماظنك تشوف ظلها صقر عصب:فالج ماقبلناه سيري نهميها مواز تخصرت:طير زين فشلتها وتبا تشوفها اقول كل تبن صقر عفط صوبها:اوريج الطيران الحين مواز جات بتشرد بس مسكها ولفها له:هههههههههههههههه على وين؟ مواز وهو مثبتنها:ههههههههههههههههه? ?ه صقير بعد عني يالنذل والله يعوووور صقر بعصبيه مصطنعه:صقير اصغر عيالج انا....مسودة الويه خالج انا مواز وهي تحاول تتحرر منه:مابودرج قبل لا اشوف دانتي مواز عبست:اوووف يدي هدني والله يعوووووور وصرخت بعبوس والم:وايش لي انا بكم؟! صقر بعناد:محد هنيه تستنجديبه ياترضي ياتمي كيه....ترا عادي معي مواز عبست وهي تعرفه مابيودرها صرخت بأعلى صوتها:داااااااااااااااااا? ?ه لحقي عليـــــــــــنــــــــــ ــــا عليا تخصرت:اش هالحركه القديمه صقر:خطه فاشله نفس صاحبتها مواز كشرت:فاشله فعينـ.. ماكملو الا بدانه طابه عليهم ووراها مهره بفجع.. دانه بفجعه:بــ.. صقر اللي من شافها وطاحت عيونه فعيونها نسى عمره وهد مواز وكل العالم تمحور حولها بس... ماعاد يشوف غيرها...هي لمحه بس كنه الزمن وقف...اهداه هالنظره اللي روت حنينه...وزادت النار بقلبه حطب... دانه اللي تبخر صوتها من طاحت عيونها بعيونه...حست كل الهوا انسحب من المكان...وهي تلمح شبح ابتسامته وهو يتأملها بغمره...انتبت لنفسها وبربكه طلعت بسرعه... مهره اللي مانتبهت الا ع غبار دانه:ايش فيها شردت؟؟؟!! صقر وهو يرمي جسمه ع الكنبه كنه بدوخه ويده على صدره وتنهيده عميقه:اااه ياقلبي مهره بققت عيونها عليه:هذا ايش فيه؟ مواز اللي تفرك يدها من الالم بجفا:هذا خالج وراحت طلعت عنهم... مهره تذكرت اللي صار بينهم وبلعت ريجها وهي تنزل راسها للارض.. صقر مافاته هالشي نسى اللي كان فيه وفز بجديه:مهروووه مهره رفع عيونها له:هلا صقر بعبوس:ماسلمتي علي مسودة الويه مهره تذكرت وعفطت تسلم عليه:سوري مانتبهت يعني نسيــ.. ماكملت الا صقر اللي من مدت يدها تصافحه مسكها وشدها له:اووووه كبرتي وصرتي اطول عن قبل مهره استحت وهي بطبيعتها خجوله... قامت بسرعه من حضنه ووجها احمررر وبعتاب:خالي صقر:افا...يامسودة الويه الحين انا خالج اللي كله مدللنج ليش كيه تستقبليني؟!...خلاص زعلت وتكتف وهو يصد عنها بتكشيره طفوليه عليا اللي كاتمه ضحكتها على شكل صقر... مهره تلومت فوق لايمتها على اللي سوته فموزة وعليا اكثر وانفجرت بكي مره... صقر فز بفجعه:افاااااا مهروووه ايش فيج؟! عليا جات بتطلع...بس صوت صقر وقفها:وين رايحه؟ عليا:بروح اشوف دانه وطلعت عنهم...راحت للمطبخ وحصلت دانه جالسه تطبخ ومواز جالسه على طاوله الطعام ويدها على خدها وسرحانه...جت وجلست قبالها:هذي بلاها تطبخ فهالوقت؟ مواز وعيونها فالفراغ:ليش من متى الطبخ له وقت؟ عليا بنص عين وهمس لمواز:الا انتي بلاج؟...لايكون تفكري بالحب مواز عبست:اي حب؟!..من فيصل؟! عليا ويدها على خدها بابتسامه خبيثه:اسمه فيصل عيل مواز تكتفت بقهر من تذكرت المذكره:ايه عليا بحماس:بشو تفكري؟ مواز قربت من عليا اللي مقربه منها على الطاوله وهن مقابلات بعض وبهمس:ولا شي بس مليت وقامت عنها عليا عبست:هذي بلاها؟؟!! ****************************************