جرح القريب غريب - الفصل 157 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 14* *الفصل (157) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب غريب😔💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعة 🥹💗⃟🎀* أيهم: كانت معي شغلة أنا والعيال، هاه يا سوسو رجع زوجك وما قلتي لي.. سوسن ضحكت: والله مش عارفة إنه بيرجع إلا لمن دق الباب وفاجأني.. أيهم شاف لأبوه: ويا محلاها من مفاجأة.. وحضنه وهو باس رأسه وحطه فوق رأس أيهم.. . . كان يبوس رأسه وخدوده وهو يشوفه نايم والدمع لسة مبلل اهداب عينيه صقر: حبيب قلبي، قلتي لي بكى عليا؟ سامية: أيوة، ولا سكت من لمن رجع مع ابوك وما حصلك هنا.. صقر رجع باسه وفرك شعره: فديت قلبه أنا، والله إن انا زعلان لأنه بكى بسببي.. عبد الفتاح: هيا سهل، بكرة بتشل له شاورما أو تلعب معه وأنه فرح ونسى أيش استوى، لكن ما قلت لي، فين رحت وليش تأخرت؟ صقر: والله يا اباه رحنا لين أرض لبوزة، لردفان.. سامية: واه، وأيش وداك لردفان؟ صقر قص لهم القصة كله، الله لا وفقه ما زوجه، كيف يسوي فيبه كدا.. سامية: وجع قلبي عليك يا غزل، والله بنت زي الوردة وما تستاهلش يلي استوى له.. صقر: الحمد لله ربنا ساعده ورسل له ماهر عشان يحميه من أنور داك الله لا جبره.. عبد الفتاح: المخدرات دي لعبن على نحنا وشبابنا، الله يستر بس.. صقر: هيا أنا بروح اتغسل لي وارقد، قد انا تااااعب.. سامية: والعشاء يا ابني تشتي احط لك؟ صقر: لا تسلمي يا اماه ما ليش نفس، تصبحوا على خير.. امه وابوه: وأنته بخير.. @rewayatyamania المصدر الأول للروايات في مكان بعيد شويات، كان جالس داخل سيارة وكل يلي فيها يشربوا سجارة، وهو بين فينة وأخرى يفرك جانبي رأسه بتوجع: _ اووووف، دا الصداع مش راضي يسيبنا مدري أيش دا.. عماد: دا شكل الجن يلي برأسك مسويين حفلة ويرقصوا داخله😂 وصاحوا ضحك خالد شاف له: بطل ملاكعة يا عماد، اكلمكم رأسي يعورنا من الصبح والصداع مش راضي يروح.. يونس: يا أخي سهل، نروح الصيدلية ونجيب لك حبة بندول أو فوار تشربه.. خالد بتوجع: أحسن، شوفنا دايخ من صدق.. عماد مد له حبوب: أو اشرب دونه وبيروح الصداع من راسك كلللله.. خالد شاف له: ل.. لا أيش تقول، ب.. بعد دونه من وجهي بعدهم، استغفر الله إن انا اشرب الأشياء دي.. يونس: يا أخي اشرب وخل الصداع يروح، أنا اضمن لك.. خالد: ل.. لا لا ما اشتيش، أحسن لي يقتلنا الوجع ولا احشش، شوفنا خالد ابن رضوان.. يونس شاف لعماد وهو يضحك: هه، الحمد لله، فكرت خالد بن الوليد😂 عماد:  يا أخي اكرع لك قليل منهم وما بيحصل لكش شي.. خالد: ل.. لا لا يا عيال ما اشتيش اشربه لا.. يونس: يا أخي قدك تبيعه كيف ما تشتي تشربه.. خالد شاف له واطرق مفكرًا بكلام يونس وحس بالزعل والقهر.. خالد: دي الحاجة خلتنا اسوي كدا يا يونس، أنا مستحيل أسوي كدا وابيع مخدرات وشبو لعيال بلدي لولا الحاجة والفقر الله يقتله.. عماد: سرحتك، تمنيتك ترفضهم لأنهم آخر يلي معي.. يونس بزهم منه وكرعهم كلهم: شكلنا بنجلس بدون حشيش الأيام دي، الوضع متأزم والشرطة مضيقة علينا.. عماد: لا أيش تقول يا يونس الزباين بيأكلوا نحنا لو وقفنا بيع.. يونس: وأنا أيش دخل أمي دا يلي بيحصل ما تشوف يعني كيف الدنيا معفوسة والأخبار ما وقفت نشر على نحنا وعصابة وما ادريش أيش،  وعاد داك عزام خانقنا خنق، الله يخنقه مله.. خالد شاف له بصدمة: عزام! يونس: يا أخي ايوة داك الاسد أو أيش يسمُونّه، داك داهية وحالف إلا يمسك نحنا ويسلم نحنا ويسجنا.. عماد: الله ياخذه، يا ليت نعرف نلاقي له تصريفه ونقتله.. خالد بصدمة: تقتلوُنّه! عماد: أيوة نقتله عشان نعرف نوزع بضاعة ونحصل لنا زايد ناقص منه.. خالد بلع ريقه ومسح وجهه ورأسه رجع يوجعه: اااااخ يا ربي من دا الصداع.. يونس: يا أخي ازعجت نحنا بصداعك دا، هيا مشينا للصيدلية.. وراحوا بالسيارة ويونس أشر لعماد يلي هز رأسه ونزل، وجاب له بندول وقبلها اشترى ماء.. _ هب له ماء يا عماد هب له.. مد لخالد: اشرب لك وخلص نحنا من صياحك.. خالد شرب حبتين بندول وشرب الدبة الماء كله ويونس ومعاد يشوفوا لبعض، هيا خلونا نروح للشقة حقنا.. خالد: لا وصلونا لبيتي برجع له.. عماد: يا أخي فين ترجع الدنيا قده نص ليل، هيا تعال نام مع نحنا.. خالد: لا م..... عماد شده: يا أخي تعال، قدك تقول لأبوك إنك تدور شغل مدري تشتغل عند صاحبك خلاص،  ارجع معانا الآن، قد الشقة ولا فيبه إلا أصحابنا يلي يوزعوا المليح (قصده الحشيش والشبو).. خالد فكر شوية وهز رأسه، وراحوا لشقة دور، بس طويلة عريضة وفيبها ناس كتير، وشافهم يلي يتقلب ويلي يحشش ويلي يدخن، وبعضهم يكرع حبوب والأكياس مملية المكان، وهو غزت نفسه منهم.. يونس: عادي بتتعود على دا المنظر، تعال نخزن سوا.. خالد: لا راسي يعورنا واشتي ارقد لي قليل.. عماد:  يا أخي قليل بطل ملاكعة..