جرح القريب غريب - الفصل 145 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 14* *الفصل (145) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب غريب😔💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعة 🥹💗⃟🎀* ماهر: من عزام دا؟ صقر: أيش جابه لهنا؟ كمال: أنا اتصلت له عشان موضوع المخدرات، قلت يجي عشان يشوف الوضع أحسن شي.. ونزل عزام بهيبته وجسمه المربوع، وصافحوه العيال: أيش تستقبلونا😂 كمال ضحك: أيوة يا فندم.. جراح: حيا بك.. ماهر: أمن عدن نور ردفان.. عزام: حياك حياك يا ابني، دا صاحبكم؟ أيهم يطبع ظهر ماهر: أيوة يا فندم، اسمه ماهر، من هنا... عزام: والنعم فيبك يا ماهر، (وشاف لكمال) أيش الخبر يلي كلمتنا عليه، وفينه غزل؟ كمال: غزل ببيت أم ماهر، بالشقة قصدي، وحسام مقرح فيوز يشتي يقتل صهيره، والآن مش عارفين أيش نسوي، لدلك اتصلت لك.. عزام: خير ما سويت، كدا كدا كنت بجي لردفان، قد سمعت عن تهريب المخدرات لهنا، طيب بدخل اشوف مدير الأمن، وأنته تعال معي يا كمال.. كمال هز رأسه: طيب يا عيال برجع لكم.. صقر هز رأسه، ماهر شاف لهم: شكل عزام ذا رجال وله هيبته، بس ليش صيح لكمال وحده؟ أيهم: كمال دا صهيره، خاطب لبنته، وعسكري معه كمان، والفندم عزام يحبه ويقدره.. ماهر: اوهوو، صهيره، طبيعي يعني يصيح له وحده.. جراح: أيوة، هيا تعالوا ندخل السيارة نراعي لكمال.. وراحوا، ورحب مدير أمن ردفان بعزام، وجلس يتناقش معه حول الوضع، واذن العصر وراح الكل يصلي، ولمن خلصوا خرجوا عزام شاف لهم وبتحذير.. _ إدا تشتوا ترجعوا لعدن ارجعوا، بس انتبهوا أحد يعرف بيلي حصل، ما نشتيش نعقد الوضع ونخوف الناس.. حسام: والله ما بتحركش من هنا غير لمن اشوف أنور الكلب داك.. عزام: حسام، أنا قلت ولا اشتي أي مشكلة، جينا نحل الوضع مش نعقده، فلا تسوي لنا وجع رأس هنا تسمع.. حسام: بس هو كان بيقتل أختي يا فندم عزام.. عزام: بس ربنا ساعده وأختك عاده عايشة، فهدي قليل، وللمرة التانية إدا شفت أنور لا تقربش عليه، وخلنا نتصرف.. حسام صك اسنانه وراح وعزام تأفف.. أيهم: والله شكله مش اقتنع.. عزام: المهم عندكم له، انتبهوا يتهور وتتهوروا معه، خلكم عُقال هاه، نحنا مش بعدن، ابعدوا عن المشاكل تسمعونا.. جراح والعيال: أمرك يا فندم.. وراحوا بس هو مسك يد كمال: كمال، أنا بروح للقطاع الشرقي اشوف العقيد حقه ونتناقش على الوضع، إدا تشتي تجي تعال.. كمال: والله ما أحب أجي وأنا لابس مدني وبدون سلاح، بجلس لي مع العيال وأنته خد راحتك يا فندم.. عزام هز رأسه: خلاص تمام، هاه، انتبه على أصحابك وحسك عينك يسووا مشكلة، وحسام داك اقرص له ادنه إدا حاول يجي هنا أو هناك، عقل أصحابك يا كمال.. كمال: تم يا فندم، بحاول له، مع إن حسام داك رأسه حجر.. عزام: إدا حجر اكسره، ما اشتيش مشاكل يا كمال مش ناقصنا، أعرفك عاقل يا كمال، إدا بيسووا مشاكل امنعهم ولا تتورطوا.. كمال هز رأسه وراح كل واحد بطريقه.. ماهر يشوف لعزام يلي طلع الطقم مع العسكر حقه: والله الفندم عزام ذا عجبني، وخوفني بنفس الوقت.. أيهم: دا عزام الاسد، يخوف الحجر، مرعب كما الشبح.. كمال طلع: هيا فين نروح؟ الفندم عزام بيروح القطاع الشرقي عند العميد يلي هناك، نحنا بنجلس نراعي هنا أو كيف.. صقر شاف لحسام المتضايق: كيف يا حسام؟ حسام: ودونا عند الجن، ما همنا.. أيهم: قدك جني بكلك، بعدين الفندم عزام حدرنا وقال ما يشتيش مشاكل، ما سمعتوش يعني.. حسام طنشه، صقر ضحك: هو يشتي قلص شاي حليب يهدي قرحته دي.. ماهر: عندي، بوديكم عند أحسن واحد يسوي شاي حليب هنا بالحبيلين.. جراح: تسوي خير والله.. كمال شغل السيارة: هيا فين هي؟ ماهر: جي من هنا، بنروح بوفية الشهداء هيا..(وراحوا) . . كانت تمشي ورجل وراء ورجل قدام، خايفة ومترددة من القرار يلي اتخذته، لكن حسمت قرارها وراحت ودقت الباب بعد ترددات طويلة، فتح الباب وفرح لمن شافها.. حسن: ن...نوال، ح..حيا بك.. نوال: ا..اني بس جيت اكلمك عشان الموضوع يلي قلت لي عليه.. حسن إبتسم: ط..طيب قولي.. نوال: ا...اني....اني موافقة اتزوجك يا حسن.. . . _ طيب طيب... كانت تصيح وهي تمشي ناحي الباب يلي يندق بقوة، لحظة مله راعي.. وتلثمت وفتحت الباب وبغضب: كسرت الباب ي....... انقطع الكلام ووقعت المقرمة من على وجهها لمن شافته بعد غياب سنين طويلة، وبصدمة وعدم تصديق _ ع..عبد القادر!. عبد القادر بابتسامة ودموع: ف... فقدت لك يا سوسن.. . . العيال فارحين وضحك وهم يشربوا شاي، وحسام باين متلذذ وعدل مزاجه.. ماهر حط القلص: هاه عيال كيف شفتوا الشاهي الردفاني؟ جراح: والله بنخلي المقرح حقنا يجاوبك😂 ماهر إبتسم: هيا يا حسام احكم أنته.. حسام: والله على كدا طعم شكلي بستأجر لي بيت هنا😂😂 وضحك والعيال ضحكوا معه، حيا بك بين أهلك وناسك.. حسام يكمل شرب آخر رشفة بالقلص و...