جرح القريب غريب - الفصل 80 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 16* *الفصل (80) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب😔غريب💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعةلاتلهكم الروايه عن ذكرالله اللهم اني بلغت اللهم فاشهد 🥹💗⃟🎀* _ حيا من تبن لاصيرة يا طج السحابة شني، حيا بالفريق المعني، ذي جاء معتني متعني، ابرك يوم وابرك ساعات فيك القدر بشرني، ودانة دنا  وادانة...😂 ونزل وهو يتقنفز، بعزف نغمة الحرية من عنده ثقة يمنعني.. ومع نزوله صادف غزل يلي تجنبت للركن عشان تتحاشى الإصطدام، وهو شافها، وشافت له وعيونهم التقت ببعض، وطوالي نزل رأسه بخجل وكمل مشي، غزل مشت وشافت له.. _ دا داك الليد يلي شفناه هنا، فارح ويغني، ليتك اعطيتني قليل من السلى يلي معك..😂 ( وهزت رأسها)، ذي حرر عدن يحكمها حيا بالحزام الأمني، الله يحفظك يا حسام، كان واصل يغني دي الشيلة..😂 وكملت مشي وفتحت باب شقتها بالدور الرابع، ودخلت، يا ربي اني خايفة كيف بجلس وحدي، اوووف منك يا أنور، يا ليت كان مخزن قريب من هنا، لكنه خارج، فارح لي بالقات يقرع الخرمة، الله ي* القات وساعته.. ورمت الجلباب والبرقع وكل يلي فوقها، وراحت الحمام.. ماهر ينزل الدرج، ومحسن صاحبه بالدور الأول كان طالع له: سبحان الله، عاد انا جايي اصيح لك، هيا تعال نخزن سوا، في مليان عيال هنا.. ماهر: طيب تمام.. محسن: شفك البنت يلي طلعت الآن؟ ماهر: أيوة، ذي زوجة جارنا الجديد، يلي سكن بالطابق الرابع.. محسن: هاه، وزوجها جالس مخزن خارج وسلبها ( خليها ) تطلع وحدها لفوق.. ماهر: وأنته تقول عايشين بين وحوش، ولا بيوقع بها شي، قد الجيران فوقها وتحتها، هيا نروح نخزن لنا.. محسن: بعدك يا كوماندر ( قائد).. ماهر ضحك: يا حبي للكومندر تبع الحصن ( دا اسم برنامج، عاد أنا من معجبين تاكيشي 🤗).. @rewayatyamania المصدر الأول للروايات كمال وقف بالطقم حقه عند بيت عبد الباسط، ونزل ودق الباب، هدى قفزت بفرح: هيييي، خالو كمال أجا.. وطوالي جرت، وهم ضحكوا عليها.. عبد الباسط: تموت على خاله.. ابو بكر: أيوة، الله يديم المحبة بينهم.. وفتحت الباب: حيا بيلي تأخر على نحنا، وجالسة اطبخ له واجهز له ملابسه من العصر، وهو الله أعلم فين كان غاطس.. كمال: وانتي أيش دخلك فين كنت، كه انقلعي خلينا ادخل.. هدى مدت بوزها: بنقلع من وجهك، بس تهب لي تلفونك العب فيبه، وتحول لي رصيد لأن النت خلص عليا.. كمال: تمام يا فحسة تمام، بحول لك، بس أنا كدا كدا قد خلصت راتبي كله اليوم.. هدى: خلصت راتبك!!، فين صرفته؟ كمال فز: ه.. هاه، قصدي بخلصه، يعني ديون وكم شغلة اشتريته و.. وكدا بس.. هدى: صدق أو... في شي تاني.. كمال: لا تاني ولا تالت،  كه ابعدي خلينا ادخل مستعجل.. واندفع للداخل وهي لحقته، ودخل: السلام عليكم.. الكل: وعليكم السلام ورحمة الله.. وراح وسلم على ابوه: كيفك يا اباه عساك بخير وطيب؟ ابو بكر: بخير الحمد لله والشكر يا روح ابوك دامك بخير، حياك يا ابني حياك.. وسلم على نعمة وعبد الباسط، وجلس وهدى طوالي راحت وسحبت جواله منه: _ كه هاته ارسل منه.. نعمة: يا بنت استحي قليل أيش تسوي.. عبد الباسط: قومي جيبي شي لخالك يشربه أو عشاء، يمكن جوعان.. كمال: لا تسلم يا صهير، اكلت لي قليل كعك من حق هيفاء.. هدى شافت له بصدمة وهو فزز: ق.. قصدي... هدى حطت يدها على خصرها: واني أقول فين تأخرت، تاريك حانب عند حبيبة القلب هيفاااء.. كمال بلع ريقه بإحراج: ل.. لا أ.. أيش تقولي، أ.. أنا بس ر.. رحت أجيب كم غرض للفندم عزام.. وهم صاحوا ضحك، أيوة تعدر تعدر، أصلًا أنته تدور ابسط سبب عشان تروح تشوفه، أصلًا أنته خطبت بنت عزام عشان يعسكرك معه، وواصل تروح وتجي لبيته، وعادكم تقولوا نحنا الخبيتات، شكلكم نسيتوا إننا عيال أم وأب واحد..😂😂 كمال: يا بنت اصه اصه فضحتينا لك عجام.. ابو بكر وهو يضحك: ما عليك منه، هي تحب تحرجك بس.. نعمة: الحق عليا ما ربيته يا اباه، اف منك بس.. هدى: هاو يا اماه ليش تقولي كدا، الله يسامحك بس.. عبد الباسط: هيا شد حيلك يا كمال، نشتي نفرح فيبكم قريب.. ابو بكر: أيوة يا ابني، قد لك خاطب البنت خمس سنين، حرام تمرمطه كدا.. كمال: على أساس بيدي يا اباه، لو بيدي بروحه اليوم من بيت ابوه، بس قدك تشوف الوضع.. نعمة: ما عدر ربنا يفرجه عليك، أهم شي هيفاء وأهله صابرين على نحنا، ودا المهم.. ابو بكر: والله معك حق يا بنتي، لو واحد غير عزام معلق لبنته مع واحد سبع سنين كان فسخ من زمان، بس لأنه محترم صابر على نحنا.. هدى: وليش ما تقول لأن خالي رجال وشهم ويسوى مليون واحد وأدب واخلاق ومش بيحصل متله لبنته ولو يلف عدن كله.. كمال: كفو كفو، فديته روح خاله يلي تسلك له، أول ما اخرج من هنا طوالي بحول لك رصيد.. هدى: مله معك معك يا خال، بس أنته كدا خلك واصل ولا تنساش هدوشتك حبيبة قلبك.. كمال والكل ضحكوا، وجلسوا يتكلموا وضحك وهدار..