الفصل 66
*روايات يمنيه عربيه مميزه 🇾🇪*
*بإدارة : شـٰٓمـُـس⁞♩⁽📚🖊️₎⇣℡*
*رقم الروايه 16*
*الفصل (66) ☆*
* جرح القريب😔غريب💔*
*تفاعلوالنستمر😍* *قراءة ممتعةلاتلهكم الروايه عن ذكرالله اللهم اني بلغت اللهم فاشهد 🥹💗⃟🎀*
ماهر: على أساس ما تتفرجي هنود وذاك يلي يقولوا ( ولصق يداته ببعض وهز رأسه) دخيلك يا قدير، يا قدير ساعدنا..
هديل: أصلًا ملل وبتابعهم..
ماهر: وأنا ملل وبتابعه، هيا هيا بي جوووع..
هديل: اصلًا آحين شبعك يا اهبل..😂
ماهر: والله ما الهبلا إلا انتي، انقلعي هيا مله..
هديل ويد على الخصر: مله!!، والله وطلعك داري بالكلام العدني..
ماهر: وعلى عين الحااااسد، أصلًا الآن حصلت واحد جارنا سكن بالدور الرابع، وقال مرته عدنية..
هديل بسرعة: هيييي قل والله، سعييييده مع مرة عدنية، كيف هي امانة عليك، كيف شكلها، وأيش لابسة، مبرقعة أو لا، والجلباب لابسة أو كذا بدون وبقشة فوق رأسها وكيف الجزمة حقتها و.......
ماهر صاح: وااااي بس يا خجة، مرة كيف عاد هي، لابسة سروال وجرم وحالقة شعرها 😂
هديل صاحت: قل والله.... 😂
ماهر: الله يقلعك، بنت زيها زيك، لابسة جلباب اسلامي وبرقع واصابع يدات، مثل الغرابي..
هديل: وييي، على أساس بنات عدن دلع وتبع الموضة، كيف كذا لابسة!
ماهر: شكل زوجها مطوعي، مربي دقن..
هديل: قل والله، على أساس كل من ربي دقن قد هو مطوعي، على كذا حتى التيوس مطوعية، وكيف البنت حسينة؟
ماهر بسخرية: حسينة، قد بقول لك مبرقعة مدريني إنها حسينة، هيا طيري سوي لي عشاء اليوم..
هديل راحت وهي تنفخ، ماهر شاف لهم، كان جالس يصايح وهو يسحب الريموت، هاتي الريموت أنا سبقت له..
رندى: والله انني اني سبقت له، هاته..
فيصل: أقول لك فكي له..
جاء ماهر: هيييييي، بس مالكم صياح، استحوا على دمكم..
فيصل: أنا سبقت للريموت وهي تشتي تشله عليا..
رندى: والله أنه بيكذبي اني سبقت له..
ماهر: خلاص من بينكم كلكم أنا بشله، هاتي اتفرج لي فلم..
رندى: ما يقعش كذا، نحنا نشتي نتفرج سبيستون..
ماهر: سبيستون قدكم واصل رفاس فوقها، هاتي بتفرج قليل، وانتم شوفوا بجوالي..
طوالي جروا يتسابقوا عليه، لكن لا تلعبوش على الشحن، سمعكم..
ومد لهم الجوال وجلس يتفرج، هديل داخل المطبخ تتكلم مع أمها، اماه، شفتي جيراننا يلي سكنوا بالشقة فوقنا؟
فريدة: لا مش شفتهم، من وين هم، معقولة يافعيين؟
هديل: لا، ماهر قال عدنية، لو شفتي سيارته على حلاوة..
فريدة: الله يهنيهم، كثروا المتأجرين هنا..
هديل: أيوة، بس حلو عشان كل يوم اروح أتعرف على وحدة واهدر معاها..
فريدة: بطلي الهدرة ومدي لماهر العشاء هيا..
وراحت هديل وحطت العشاء جنبه: ذا هو العشاء..
ماهر عدل جلسته ورندى أجت بدلال بنته: بز بنتك جننت بي..
ماهر شاف لها وضحك وهو يصفق: هلاااااا بروح ابوها هلا ( وبزها وباسها بقوة) فديتها روح ابوها، تشتي مع بابا عشاء؟
@rewayatyamania المصدر الأول للروايات
_ كييف؟
صاح جراح باستغراب، ومسح وجهه وهو يعض شفايفه، وشاف لكمال يلي رأسه فوق المقود باين الضيق مدثر له..
جراح: ط... طيب ك.. كيف كدا، و......
كمال: دا يلي حصل يا جراح، دا يلي حصل، وأنا مقهور للآن، مش عارف أيش اسوي وفين بحصله..
جراح بلع ريقه وفرك شعره: بس ليش خبيت الموضع علينا، كل دي السنين حابس بقلبك دا يا كمال..
كمال رفع رأسه: دا حال الدنيا يا صاحبي، أنا مش قادر اكلم أحد من الإحراج يلي فيبي، مدري ليش كدا حسيت أن الكلام لازم يطلع وارتاح، لكن قلبي واجعنا أكتر..
جراح: يعني ندمان لأن كلمتنا؟
كمال شاف له: معقولة أندم يا جراح، أنته بير اسراري، قلبي كله بيدك أصلًا، لو ما كلمتك من عاد انا اكلم، أنته أخي أصلًا، كنت بكلم حسام عشان افضفض وارتاح، لكن شفت همه كبير وما حبيت ازيده عليه..
جراح شاف من النافذة: قد كلنا كدا يا صاحبي، نستثقل نفسنا على الناس، ولو بيدنا نفرغ يلي داخلتنا ما بيوسعش الأرض..
كمال تنهد: هيا، دا مكتوبنا وعاد نحنا ببطن أمهاتنا، وما جاء من ربك حيا به، نسأل الله الصبر بس..
جراح: ودا هو الكلام، كيف الآن، أيش قررت بعد يلي استوى معك؟
كمال ابتسم: يا أخي بعيش لي، الحياة ما توقف على أحد، ويلي استوى معي بعتبره ماضي وانتهى، وما عاد اهتم فيبوش أبدًا..
جراح: بس يلي بالقلب تفضحه الملامح، وملامحك فاضحنك يا كمال..
كمال رفرف بعيونه ومسح دمعته بخجل: طبيعي يا جراح، يلي استوى معي مش قليل، لكن هين، كل شدة تزول، المهم، ( وشغل الطقم)، خل نحنا نلحق الصلاة، وندعي ربنا يفرجه..
جراح ضحك: يا أخي أحب مزاجك دا يلي يتغير بدقيقة..
كمال: هههههه، وأنا أحبه كمان، بس الله يستر لو ينعكس الآن وارجع ابكي..
جراح: لا سهل، المناديل مليانة ما عليك..
كمال: تتلاكع عليا..
جراح: أقول امشي نلحق الصلاة هيا، تعرف المغرب وقته قصير..
كمال: على قولتك، هيا....( وراحوا )
.
.
الباب اندق وهي فتحت وبصوت عالي:
_ يا بلا أدب، عليكن ما تستحين..
أسماء ورزان...
📚