جرح القريب غريب - الفصل 54 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 16* *الفصل (54) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب😔غريب💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعةلاتلهكم الروايه عن ذكرالله اللهم اني بلغت اللهم فاشهد 🥹💗⃟🎀* وقف حسام وباس رأس ابو بكر: الله يديمك يا عم ابو بكر.. وراح، ابو بكر تنهد برضا، الشباب راح يا ربي، سامحنا واحسن خاتمتنا، وأحسن عملي، وارحمنا برحمتك يا رب، وارفع البلاء عن عدن واليمن، وحاسب كل ظالم دمر نحنا وبهدل عيشتنا.. . . أنور وغزل وصلوا للشقة حقهم، ودخلوا وهي تشوف للمكان: هاه حبيبتي، كيف عجبتك شقتنا؟ غزل وهي تشوف الأرض والأركان: ما به شي، بس ضيقة قليل.. أنور: مله أنا وانتي بس، أيش تشتي شقة عشرة دور يعني.. غزل: نحنا بالدور الرابع، كنت اشتي آخر دور عشان نطلع السطح وقت الحما، وقدك تعرف أن الكهرباء عندكم ما تشتغلش كتير.. أنور: خلاص ولا يهمش، بنزل الآن واجيب لش مروحة شمسي، أيش عادش تشتي؟ غزل: هيا سهل، قد متعودة على حر عدن، على الأقل الجو هنا قليل بارد.. أنور: مله ردفان مش مثل عدن يا غزل.. غزل هزت رأسها: بروح ابدل وأخد لي شور، قدني تاااعبة.. أنور: طيب تمام، وأنا بجيب بقية الشناط من السيارة.. @rewayatyamania المصدر الأول للروايات في عدن، جراح وشلته كانوا يتهادروا وضحك.. أيهم وهو يأكل طرزان رينجو: والله إنك تافة يا صقر، كيف تسوي كدا يا اهبل، المفروض البنت لمن عاكسنك تدوب، مش تقفي منه..😂 صقر: أنته شكلك تشتينا ادخل النار، انقلع بس، والله بيني وبينك البنت حلوة، ورموشة حلوين، بس أنا استحيت، وقلت لو أنا شفت له، غيري بيشوف لأختي.. جراح: هه، قد ما معكش أخت يا تور..😂 صقر قلب عيونه يفكر وصاح: و..والله أنه صدق، لا لا ما يستويش كدا والله أنه ظلم، لااازم الموقف ينعاد..😂 جراح: يعني تطالب بإعادة تمثيل مسرح الجريمة.. أيهم ضحك: خلك على الدين حقك أحسن، والله إنك ضيعت الفرصة 😂 صقر: اااااه لا يا ربي، أنا كيف نسيت أن ما معيش أخت.. جراح: يعني لو كنت دكرت أن ما معك أخت، كنت بتعاكس البنت؟ صقر حك خلف رأسه: هاه، ل..لا لا، الله المستعان يا جراح صاحبك اخلاقي قدك تعرفه.. جراح: هاه، عجبتنا، كنت بقوم أسوي لك الدرس يلي علمتونّه لداك الليد يوم عاكس البنت هنا.. أيهم: يا ليت تقوم وتسويه وتضرب صقر يا جراح، نشتي نشوف العرق حق القرحة حقك لمن يطلع.. جراح: والله أحسن لك ما يطلع، لأن بولع عدن بيلي فيبه.. صقر: مله خف علينا يا كايدو ( دا اسم تنين بأنمي ون بيس يطلع النار من فمه، عاد دا افضل انمي عندي 🙈) ولا تحرق نحنا.. أيهم ضحك: الله يقلعك يا صقر.. صقر: إن شاء الله واياك..😂😂 أيهم رمى الكيس ولعق اصابعه بعدين مسحهم ببنطلونه وقام يطبعه: _ فدوووبك عليا، يا رب تنقلع وحدك وتخلص نحنا منك.. صقر دهفه: يا أخي عادي ربنا يقلعنا، بس يقلعنا كدا لأمريكا، تركيا، باريس..😂 وجلس يعدد لهم اسماء دول وجراح يضحك بهدوء وأيهم متخدد ويتسمع له بسخرية، والا كدا لين ماليزيا، والا أقول لكم لا، من اسمه باينة مش مليحة، والا ل.... أيهم: والا للقاع تنقلع بكف اصمخك ياته لمن اخليك بغيبوبة عشر سنين..😂 جراح: توفر عليه عناء السفر وتكاليف الإنقلاع لبلد تانية..😂😂 صقر: نننننننن، تتهابلوا تتهابلوا، بتشوفونا بعدين لمن اسافر، والوح لكم كدا بيدي من داخلة الطاقة حق الطيارة( وكان يلوح بيده)، يا جراح، يا أيهم، وانتوا تلحقونا، يا صقر راعي، يا صقر أنا افدا للركب حقك را....😂😂 ما كمل من أيهم يلي طلع يرفسه: فدوووبك أن انا ابوس ركبك يا مريض، شكلك تشتي كف من جد عشان تنام وتخلص نحنا منك، الآن بهب لك.. صقر يصيح: راعي يا أيهم مله، أيهم امزح خنقتنا، واي يا أيهم..😂 جراح يضحك: ااااخ منكم، كه بطلوا مضرابة واتصلوا لحسام شوفوا فينه، جوالي مخلص رصيد.. صقر: وأنته مفلس رصيد من لمن عرفناك، ليش مشتري جوال ردمي إدا ما تعبيش رصيد.. جراح: يا أخي ما معيش فلوس اعبي، مخلص فيبهم ملازم وكم مقاضي.. أيهم: ولا يهمك يا جراح، أنا الآن اتصل له.. صقر: أيوة أيوة، أصلًا وزير المالية بكله..😂 أيهم دهفه: كه اسكت يا ماطور.. ودق لحسام، بس مغلق، مغلق يا جراح.. جراح: والله ما عاد عرفت أيش نسوي معه دا.. صقر: وفين المشكلة لو أخته راحن مع زوجة، مش أحسن له بدل ما هي بعدن وزوجه بردفان.. أيهم: بس حسام يكره أنور لأن خلاها لأخته تشتغل وتخدم أهله.. صقر: وفين المشكلة لو تخدم أهله، يعني أنا لو تزوجت ومرتي رافضة تخدم أمي وأبي، والله لأطلقه ساني.. جراح: أنته أصلًا بتطلق منك من دات نفسه، من يقدر يعيش معك أصلًا..😂 أيهم صفر: واحد صفففففر..😂 صقر شاف لجراح يلي يضحك: كدا تسوي فيبنا يا جراح، على الله، ما عدر الاقي لك صاروخ اقصف جبهتك فيبه.. جراح: لو تلاقي الجبهة موجودة، بس اخاف جبهتي تتصدى لصاروخك ويرجع يفقش جبهتك أنته😂 أيهم صفر بصوت أكبر: اتنيييييين لجراح، وصفر للحمار صقر.. صقر قام يطبعه: ...