جرح القريب غريب - الفصل 49 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 16* *الفصل (49) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب😔غريب💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعةلاتلهكم الروايه عن ذكرالله اللهم اني بلغت اللهم فاشهد 🥹💗⃟🎀* راوية فتحت فمها بصدمة: ي.. يشتي نحنا ندفع له فلوس؟ _ أيوة يا اماه، قال أيش ما معه فلوس ويشتي حق تلاتة اشهر.. راوية نزلت رأسها وتضربه بيدها شوي شوي، بينما رضوان يداري دموعه يلي تنزل من قهره، نوال وقفت.. _ اني محروقة على يلي استوى لي ولعيالي بعد موت زوجي، اتبهدلت بسبب داك الحقير الله لا وفقه فين ما كان اهئ اهئ، رملني ويتم عيالي يا اماه، وفوقه تسأليني أيش مضيق بي، عرفتي الآن أيش مضيق بي أو افهمك يا اماه.. وبكت وراوية تبكي وتغطي عيونها بمقرمتها، بينما نوال ما تحملت وخرجت طوالي، ورضوان خانته دموعه من قهره على بنته والحال يلي وصلوا له بسبب الناس التي يستوطن صدورهم صخرة وليس قلبًا نابضًا.. @rewayatyamania المصدر الأول للروايات رُبا دخلت الغرفة وشافت أمها تربع الثياب لغزل داخلت الشنطة، وغزل ضامة ركبها وذقنها فوقهم، والحزن مكتسي وجهها، وزيد يلعب بالجوال، ودخلت: _ اماااه.. زيد بفرح: رُبا، أنور جاب لي ولك بدلة وحويجات..😂😂 غزل قلبت عيونها،  رُبا بفرح: قل والله! زيد: والله، تعالي اوريك ياتهم.. ونزل من فوق السرير وهي راحت لعنده، وطلع كيس يوريها، عارف دخل: _ أنا بروح المسجد مع أنور، بنرجع نتغدي هنا، وبعدين بيشل غزل.. وداد: خير إن شاء الله.. غزل: شف لي حسام فينه امانة عليك يا اباه.. عارف: اح يا بنتي، اخوك لو يشتي يرجع كان رجع، بس قدك تعرفي حسام، ولا عليك، برجع اتصل له، وإن حصلته قد بيجيبه معي، وإن ما حصلتوش، تقنعي لك وروحي مع زوجك.. غزل بكت، وعارف تأفف بضيق وخرج، وداد ربتت على كتفها: _ بس يا بنتي بلا زعل، المفروض تفرحي لإن بترجعي بيت زوجك.. غزل: بس يا اماه اني زعلت حسام عشان أنور، أيش من أخت اني! وداد: مله عادك ما تعودتيش على طباع حسام، هو صح عصبي ويقرح سريع ما شاء الله، لكنه طيب ويرجع يزعل ويندم لأن عصب، وما عدر يرجع ويتصل لك ويكلمك، ما عليك يا عمري، ابعدي دا العبوس من وجهك، أيش بيقول زوجك لمن يشوفك كدا وهو فارح إنك بترجعي له بعد الغياب دا كله.. غزل هزت رأسها، ورُبا جت: اماه، غزل بتروح من هنا؟ وداد: أيوة، بتروح مع زوجة بيتهم.. رُبا: بس حسام صايحه البارح.. غزل رجعت تبكي ووداد عصبت: كه اسكتي انتي، طولك شبرين ولسانك اربعة متر، كه اخرجي بدلي ملابس المدرسة هيا.. رُبا خرجت ووداد تشوف لغزل وتتأفف بزعل، وخلصت الصلاة، ورجعوا العيال من المسجد، وحسام باين متضايق.. . . أيهم: مله اليوم افرد الوجه دا يا حسام.. صقر: مله من صدق، يلي يشوفك يقول ماتن مرتك وعيالك العشرة..😂 جراح: وأنته ما شاء الله ما لاقيتش إلا دا التشبية يا صقر.. صقر: يا أخي أيش اسوي، دا يلي طلع معي..😂😂 ايهم: إدًا خلك ساكت أحسن.. جراح حط يده فوق كتف حسام: اليوم يا حسام أيش اتفقنا.. حسام: مش قادر يا عيال، والله لو ارجع البيت واشوف أنور داك إن انا لأخنقه خنق ( ذكرني بأيمن في روايتي الأولة لمن كان واصل يقول اشتي اخنق أي أحد 😂😂) صقر: إدًا أحسن لك لا ترجعش..😂 أيهم: كه اسكت أنته.. صقر: هه، مله قدك تسمعه يقول بخنقه إدا شفته، قد أحسن له يجلس هنا ولا يروح يودف بنفسه ويرتكب بالآدمي جريمة..😂 جراح: بس غزل أكيد بتكون زعلانة لأن بتروح وما بتشوفكش.. حسام: خله، مش هي أصلًا خلتنا وتشتي ترجع مع زوجه الأعوج داك، خله تروح وتحنب، أنا ما عادش بهتم.. أيهم: يا أخي لا تكدبش وتطلع كلام مش من قلبك، والله إن قلبك يحرق حريق عليه الآن، بس أنته تكابر، مسوي لي نفسك الشخص الدي لا يتأتر.. وشاف لعند صقر: والا لا يا صقر.. صقر: صح لسانك يا ابن الخالة، كفو كفو..😂 أيهم: كفوك الطيب.. جراح: الآن تسكتوا أو بخلي حسام يطلع القرحة حقه فوقكم.. أيهم: لا امانة خله بعيد، دا لو يطلع الحرقة حقته، والله ليحرق نحنا أخس من حرقة الشمس دي..😂 حسام تأفف: أنا ما برجعش ولا بودع غزل، ودا يلي عندي.. جراح: بس كدا ما يستويش يا حسام، تخيل حالته وكيف بتروح بيت زوجه زعلانة.. حسام: هي اختارت دا يا جراح، وأيش ما بيحصل له أنا مش مهتم، خله تحرق بجهنم.. وراح يمشي بخطوات غاضبة تخرق الأرض، والعيال يشوفوا له.. صقر: الله يعين يلي بتتزوجه، وقسم بيحرقة حريق.. ايهم: إدا بيحرقه يا سهلتاه، أنا هامم لمن يقرح يروح يخنقه..😂 صقر: لازم ننتبه على نفسنا لمن نكلمه.. أيهم: ونعم الرأي يا ابن الخالة، كفو كفو.. صقر: كفوك الطيب..😂 جراح تأفف بقوة: كفوك كف، وأنته عشرة يا صقر، نحنا فين وانتوا فين.. وراح هو كمان صقر: هاه، ما لهم دونه؟ أيهم: يا جراح راعي اوصلكم بالموتور.. صقر: هيا امشي نلحقهم.. أيهم: هيا.. وركبوا بالموتور ولحقوا جراح يلي ركب معاهم، أما حسام فرفض وراح بطريق تاني وفضل ما يرجع البيت..