جرح القريب غريب - الفصل 45 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 16* *الفصل (45) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب😔غريب💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعةلاتلهكم الروايه عن ذكرالله اللهم اني بلغت اللهم فاشهد 🥹💗⃟🎀* حسام رفع رأسه وبغضب: يا أخي ما اشتيش السكريم ال*** حقك دا.. الشخص ارتعد خوف ورجع للخلف، وحسام رفرف بأهدابه، وحس بالغصة لمن شاف الواقف مجرد طفل صغير، تسع أو عشر سنين، نحيل ومعه دبة ترمس يبيع سكريم فيبها، وكان لابس جرم علاقي بني وشعره كستنائي باهت، ابرز نحول جسمه، وملامحه اختلطت وعلى وشك أن تذوب لتسقي خديه الغائرين، حسام بلع ريقه بغصة، الطفل طوالي راح من خوفه وهو يشيل الترمس يلي باينة ثقيلة وما باع منها الكثير، حسام بلع ريقه من جديد ونزل رأسه ومسح وجهه وشعره _ راعي يا ليد.. الطفل وقف وشاف له، حسام لفت لعنده: أيش من سكريم معك؟ الطفل يشوف له بخوف: ع..عادي سكريم عادي.. حسام تأفف بغصة، طيب هات لي.. الطفل رجع بالترمس حقه يمشي بسرعة، ووقف قدام حسام، وفتح الغطاء.. _ كم تشتي؟ حسام تنهد: كم ما في، بكم الواحد؟ الطفل: بميتين.. حسام: خلاص هات تلاتة.. وطلع له ثلاثة، وحسام اخذهم ومد له الألف.. الطفل: بس ما معي صرف ارجع لك.. حسام: عادي كله اربع مية مش مليون، خله لك.. الطفل فرح وراح، وحسام جالس يشوفه بنظراته لين راح وبعدها تنهد وهو يشوف للثلاثة السكريم يلي بيده: _ اخ يا ربي، ايش دنب الجاهل دا عشان عصبت فوقه وخوفته، وهو بس يدور على رزقه، اااااح يا ربي، سامحنا على غلطي دا، كله بسبب يلي قالته غزل، الله يسامحه بس.. ورن جواله وهو شاف أنه عارف، وطوالي غلق بوجهه، ورمى السكريم لجنبه واحتضن رأسه وجلس يفرك شعره وافكاره تعصد في رأسه عصيد. عارف تأفف: مغلق مكانه، كل ما اتصل له يغلق بوجهي.. غزل تبكي: ب. هئ هئ بس اني ما بروحش من هنا إلا لمن اشوف حسام اهئ اهئ هئ هئ.. وداد: بس يا بنتي زوجك مستعجل ويشتي يرجع بيته بسرعة.. غزل:  ي.. هئ هئ يا اماه اني مابروحش معه إلا لمن اشوف حسام،  م.. هئ هئ مااقدرش اروح وما شفتوش، هو زعلان مني يا اماه ما اقدرش ما اقدرش اهئ اهئ... عارف رجع دق له وهو غلق بوجهه مكانه: يا غزل قدك عارفة بحسام والقرحة حقه، الليد مستحيل يرجع بعد يلي قلتيه، لدلك جهزي نفسك يا بنتي وروحي لك مع زوجك.. غزل بحنق: ب..بس ما اقدرش اروح وما شفتوش، اهئ اهئ، ا..اشتي اشوفه، ا..اتصل لعند واحد من أصحابه يمكن عندهم.. عارف هز رأسه ودق لعند صقر يلي رد طوالي.. _ حيا عم عارف.. عارف: الله يحييك يا ابني، اشتي اسألك، شفت لي حسام فينه.. صقر: لا والله، راعي لحظة اسأل أيهم.. ولفت لعند أيهم، أيهم شفت حسام؟ أيهم حط قلص العصير: لا، وصلته لعند البيت وجيت لهنا.. جراح كان عندهم: ليش أيش استوى؟ صقر: لا ما أحد شافه يا عم عارف، ليش أيش حصل؟ عارف فرك عيونه بالسبابة والإبهام: والله يا ابني، زوج اخته أنور جي لهنا، ويشتي يرجعه معه، بس حسام رفض، وتصايحنا شويتين وخرج، والمشكلة غزل مش راضيه ترجع مع زوجه إلا لمن تشوفه.. صقر فتح فمه بدهشة والعيال يشوفوا له، وجراح اشر له بمعنى " أيش في"، وصقر حط يده على الجوال: _  قال حسام تصايح مع صهيره أنور يلي جاء يرجع اخته.. جراح طبع جبينه وأيهم ضرب الطاولة بيده.. جراح: خلاص قل بنشوفه فين هو ونرجع له خبر.. صقر هز رأسه: خلاص يا عم عارف، بنشوفه فين هو  ونرجع لك خبر.. عارف: طيب مراعي لكم، الله معك.. جراح طلع جواله ودق اتصال لعند حسام يلي شاف المتصل وتنهد بضيق.. _ هاه جراح.. أيهم: رد عليك؟ جراح هز رأسه: هاه حسام، فينك؟ حسام فرك شعره: خير أيش في؟ جراح: لا بس قلت نروح نتغدى المطعم ونشتيك أنا والعيال تجي معانا.. حسام من غير نفس: لا شكرًا، ما ليش نفس اروح مكان.. أيهم: يا رجال عيب عليك، نشتيك تجي معانا وأنته ترفض ، هيا بلا لكاعة فينك.. حسام: أنا بال...... جراح: طيب راعي بنجي لك.. وغلق ووقفوا، صقر: لفين؟ أيهم: هيا قم يا فحسة وبلا اسئلتك الفاضية.. صقر: أيش من فاضية وأنا اسأل على صاحبنا.. أيهم شده: يا أخي امشي مش وقتك.. وركبوا بالموتور وراحوا لعند حسام.. @rewayatyamania المصدر الأول للروايات أمجد رسى بسيارته جنب بيتهم، ونزل زينة يلي خلاص قد انقطع صوتها من كثر ما بكت، ووجهها وعيونها محمرين وهي بالكاد تشهق، ونزلها وهي خلاص ما تقدر تقاوم، بس تشد ملابسه وتدفعهم.. _ ف.. هئ هئ فل... فلت.. هئ هئ.. فلتنيي.. أمجد وهو حامل لها: اسكتي يا بنت ازعجتيني انتي وصوتك دا، (ووصل للباب ويزبطه برجله)  اليوم ياجن افتحييين، (وزبط الباب أكثر )  افتحين أقول لكن.. سارة فزت وراحت جري، دا أمجد،  واي يا ربي بنتي.. رضية لحقتها، وفتحت الباب وشهقت أول ما شافت زينة بين يداته وعيونها على وشك يغمضوا وشعرها متناثر على وجهها وصاحت: _ بنتيييييي (وسحبتها لحضنها)  زينة يا اماااااه،  زينةةة، (ولفتت لأمجد)...