جرح القريب غريب - الفصل 41 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 16* *الفصل (41) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب😔غريب💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعةلاتلهكم الروايه عن ذكرالله اللهم اني بلغت اللهم فاشهد 🥹💗⃟🎀* عبدالقادر: اوهووو، كثير حافظة من صدق يا بنت.. شيمَاء: اعجبك يا خال، تربايتك مله.. عبدالقادر: شكلك حفظتي كثير من أمك وأبوك،  وحتى من سامر كمان، حلو إنك تعلمتي اللهجة منهم.. شيمَاء: هو أنا تعلمت من بابا وماما أيوة، بس ُصحابي يلي من عدن هم علموني كمان.. عبدالقادر عقد حواجبه: م.. معك أصحاب من عدن؟ شيمَاء: أيوة، كل البنات يلي أعرفهم من عدن،  مش حلو يا خالو.. بس عبدالقادر كان مصدوم، خالو، يا خالو أنا اكلمك، انته سامعني؟ عبدالقادر فز: ه... هاه،  أيوة أيوة اسمعك، اسمعي يا شيمَاء، موضوع البنات العدنيات انتبهي تدكريه على أمك أو أبوك.. شيمَاء بصدمة: ب.. بس ليه؟ عبدالقادر: اسمعي وبلا اسئلة، إدا أمك او أبوك عرفوا ما بيخلوكم ترجعوا اليمن.. شيمَاء: ب... بس.. عبدالقادر: شيمَاء اسمعي ولا تعاندينا.. شيمَاء بلعت ريقها: ط... طيب يا خالو.. عبدالقادر مسح وجهه وشاف لغرفة نجوى، وراح،  وشيمَاء مستغربة: هو ليه كلهم مش عايزين يرجعوا اليمن،  وايه السبب يلي ممكن يخليني مكلمش ماما أو بابا عن ُصحابي يلي من عدن؟ هو ايه يلي بيحصل! وملت من التساؤلات وراحت غرفتها.. @rewayatyamania المصدر الأول للروايات إندفع الباب بقوة والكل وقف أول ما شافوه يدخل كما الغوبة، وعيونه كانت تدور عليه من بين الكل، وصفت عنده وخلت كل يلي كانوا موجودين بالديوان، وعيونه تنضح شرر وتتكلم غضب بالنيابة عنه.. عارف بصدمة: ح...حسام.. وداد راحت لعنده وهي تلاعب اصابعها من قوة التوتر والخوف: ح..حسام يا عيون أمك، ا...اهدأ وخل نحنا نتفاهم.. وغزل تبلع ريقها بخوف وهي خلفه، أنور شافه بخوف وبادر بالسؤال: ك...كيفك يا حسام؟ حسام ما رد، وهو يشوف له بكره وحقد، ولو بيده بيأكل لحمه.. وداد: ح..حسام ا..أنور جاء عشان نتفاهم معه ف... حسام رفع يده وهي سكتت، والكل خاف وتوتر، وغزل يداتها عند فمها تعضهم، وهي تعرف حب حسام لها وخوفه عليها.. حسام راح ناحي أنور بخطوات بطيئة تخرق الأرض، والكل يحسه كلما قرب يدوس على قلبهم أكثر والخوف يخنقهم خنق، عارف وقف قدام حسام وقطع عليه الطريق، وبهدوء لكن كل حرف يخرجه غضبه باين فيبه.. _ خل نحنا نتفاهم يا حسام، خل نحنا نتفاهم.. حسام بصوت يهدر هدير: نتفاهم على أيش هاه!، نتفاهم على أيش؟ أنور: يا حسام اجلس و..وخلنا نتفاهم.. حسام صاح لمن فزز أمه وغزل: نتفاهم على أيشش؟ عارف صاح: حسام اقول لك اهدأ.. حسام شاف له وبنفس الغضب: لا ما بهدأش، ما بهدأش.. عارف: إلا بتهدأ وبنتفاهم.. وداد راحت لعنده ومسكت يده: صل على النبي يا عارف واهدأ.. عارف سحب يده: قولي الكلام لإبنك دا.. وداد: اهدأ انته كمان يا حسام ولا تكبرش وخل نحنا نتفاهم.. حسام: على أيش نتفاهم يا اماه على أيش؟(وبعدين لفت لعند أنور) على أنه تقدم لأختي واقنع نحنا إن معه بيت لوحده، وبعد ما تزوجه، يطلع كداب وأنه مسكن له مع أهله يلي عددهم قبيلة، وبالنهاية يضرب اختي ويبهدله، ويجيبه لهنا ويخليه ستة اشهر مجدولة كما الكلبة.. غزل بكت أكثر عارف: بس أنور جاء يعتدر ويرجع غزل.. حسام صاح: بأحلامه ارجعه له.. أنور: صل على رسول الله واهدأ يا حسام.. حسام غمض عيونه وحرك شفايفه يصلي على الرسول، أنا غلطت صح، لكن أنا جاي ارجع غزل، وبالنسبة للبيت قد تأجرت لها، وتقدر تجي وتشوفه حتى.. حسام: لا اشتي اشوفه ولا شي، خلاص روح لك، الموضوع دا لازم يخلص نهائيًا.. غزل رفعت رأسها وشافت له والكل شاف له بصدمة وداد: أيش قصدك؟ حسام: قصدي واضح، أنور لازم يطلق غزل.. غزل يداتها على فمها، وداد ضربت صدرها، أنور تسمر مكانه وتعقد لسانه واحجم عن الرد عارف بغضب: ما لك يا حسام اتجننت! حسام: لا والله أنا عقلت، والموضوع دا بينتهي اليوم، يا أما أنا بروح للمحكمة واخلي غزل تخلعه.. غزل تبكي وأنور يبلع ريقه بغصة، وداد مسكت يد حسام: حسام يا ابني ما يستويش كدا، ل..لازم نفكر بعقل ونحل الأمور بروية، وابغض الحلال عند الله الطلاق، خلك عاقل يا ابني ولا تتهورش.. حسام سحب يده: اماه لا تتدخليش انتي، هيا طلق اختي يا أنور أو انقلع من هنا.. عارف صاح: حساااام.. أنور: تطردني يا حسام! تطرد صهيرك! وداد: ل...لا يا ابني حسام ما يقصدش.. حسام: إلا اقصد، بعدين أيش من صهير وأنته ما احترمتش الصهرة وجالس تكدب على نحنا، جُهال قدامك والا أيش، أقول لك طلقه أو انقلع.. غزل صاحت: بسسسس بس اهئ اهئ (الكل لفت لها) ب..هئ هئ بس بس أقول لكم حرام عليكم حرام، اهئ اهئ... وداد راحت لعندها: حبيبتي غزل ما لك؟، غزل يا اماه اتكلمي.. عارف شاف لحسام بغضب، وحسام مسح وجهه بتوتر، دموع غزل تحرقه.. حسام: غزل قولي لهم إنك ما تشتيش أنور وإنك تشتيه يطلقك، قولي لهم.. غزل: ......   🇾🇪