جرح القريب غريب - الفصل 40 | روايتك

*روايات يمنيه عربيه مميزه 🇾🇪* *بإدارة : شـٰٓمـُـس⁞♩⁽📚🖊️₎⇣℡* *رقم الروايه 16* *الفصل (40) ☆* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏جرح القريب😔غريب💔* *تفاعلوالنستمر😍* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*قراءة ممتعةلاتلهكم الروايه عن ذكرالله اللهم اني بلغت اللهم فاشهد 🥹💗⃟🎀* نوال: اباه خالد، ا.. أمجد بطل الجنان شوفني بتصل بالشرطة.. رضوان: أيوة بنتصل فيبه، بالنهاية أنته الغلطان،  مش راضي تخلي البنت تشوف ابوه، وفوقه داخل علينا مسلح وتهدد نحنا بالقتل.. أمجد بشجاعة: والله ما تخوفنا لا أنته ولا الشرطة يلي شادد ظهرك فيبهم، بعدين أنا ما اهددش يا حاج رضوان، أنا أقول وأنفد، فجب لي بنت اختي قبل ما يسيل الدم للركب.. نوال تحس رجولها ما يحملينها من الخوف والرجفة، وراوية تهدي زينة يلي تبكي خالد: اخرج من هنا يا أمجد أحسن ما أقتلك.. رضوان: اخرج يا ابني واقلع الشيطان الله يرضى عليك، أعرفك طيب وعاقل، أيش يلي قلبك كدا!.. أمجد: والله البلاد دي قلبن الملاك جني يا حاج، فأيش تتوقع تسوي بإنسان، لا تتلاكعش عليا وجب لي زينة، هيا يا حاج قبل ما انسف لك رأس ابنك، قدنا أدور له من زمان.. نوال صاحت: اخسسس عليك يا وسخ، دا بدل ما نحنا صاهرناك وزوجنا اخونا لأختك جاي تقتل أخي حامي عرضك وشرفك! أمجد: اخوك دا مش رجال، لو أنه رجال وقراره من رأسه مش جالس يتسمع كلام النسوان، كان بنى لأختي بيت وسكنه هي وعياله فيبه بدل المرمطة والبهدلة ده من بيت لبيت وشقة لشقة.. خالد يتفرع ورضوان يصده بصدره ويداته: أنا رجال قبل ما تكون يا أمجد، والله إدا ما تخرجش من هنا وعادك بشرفك لأخرجك جتة وارميك للكلاب.. أمجد: والله أنا يلي بقتلك وارميك للكلاب يا ملعون.. نوال تغطي اذونها، أنا ملعون يا قليل الرجولة، يلي جالس تتسمع لكلام أمك وتوقف ضد زوجتك.. خالد وعروقه بتطلع: أنا ما وقفت ضده، بس أنته وأمك جالسين توزوا بإذنه لمن طفشتُنه من البيت وحرمتونا منه ومن بنتي.. أمجد: وبحرمك من عيشتك إدا ما تجيب لي زينة.. رضوان: بس أقول لكم.. خالد: على جتتي بسلمك ياته.. أمجد: إدًا اقرأ على نفسك الفاتحة.. ورفع السلاح ناحي وجه خالد ونوال فززت وهي تحرك يداتها: واي لااااا.. رضوان خرجوا عيونه، ا...أمجد وقف.. خالد: اقتلنا إدا كنت رجال يا أمجد.. نوال تصيح وراوية تسمع الصياح وتبكي وزينة تبكي بحضنها بقوة وهي تغطي اذونها، رضوان غطي على خالد بصدره وخالد يدهفه ويتقدم ورضوان يرجعه للخلف: _  ابعد يا اباه.. رضوان: ارجع يا خالد وراء ارجععع.. نوال: ابااااه خالد، أمجد وقف، أمجددددد.. أمجد يوجه المسدس ولا رمش له جفن أو اهتزت له شعره خوف أو تردد، خالد يصيح: _ اقتلنا اتحداك تسويه.. رضوان يصيح ويرجعه خلف وخالد يتقدم وأمجد موجه المسدس ونوال تصيح وراوية وزينة من داخلت الديوان، وعندها طااااااااخ.. . . خرج وهو يتنهد وهي تلحقه: ولا يهمك يا نجوى،  أنا بحاول معه، وإن شاء الله يقتنع.. ومشى وشيمَاء جت تمشي ولمن شافته إبتسمت: خالو عبوود.. وراحت عنده وهو فرك رأسها وقرص خدها وهو يبتسم: _ كيفك يا بنت؟ شيمَاء: الحمدلله بخير، أنته ازيك يا خالو؟، ما شفتكش من زمان.. عبدالقادر: هو أنا وحشتك يا بنت؟ شيمَاء تضحك: اُمال ايه يا خالو، هو لو ما وحشتنيش، هيوحشني مين.. عبد القادر شاف لنجوى وهو يبتسم بينما هي مكشرة: بنتك ته لسانه عسل، مدري لمن طالعة، لا لك ولا لابوه داك.. شيمَاء: نحنا هنرجع اليمن يا خالو، هو بابا ما كلمكش؟ نجوى قلبت عيونها: يا اختي فال الله ولا فالك،  إن شاء الله عمرنا ما بنرجعش اليمن ولا نشوف له صورة.. ودخلت الغرفة وغلقتها بقوة.. شيمَاء بزعل: هي ماما معصبة من اليمن كدا ليه يا خالو؟ عبد القادر: ولا عليك منه، هي كدا، بس قولي لي،  ليش تشتي ترجعي اليمن وتخلي مصر؟ شيمَاء: أنا ياخالو سمعت كتير عن اليمن وأهلها، وناسها الطيبة وأماكنها الحلوة، وبحر عدن وصنعاء القديمة، وياما سمعت وياما، وحابة ازور الكل هناك، وحتى صُحابي يلي تعرفت عليهم.. عبدالقادر: الآن انتي معك أصحاب من اليمن؟ شيمَاء بسعادة غامرة: أكيد يا خالو، دنا من زمان متعرفة عليهم.. عبدالقادر: بس كيف تفهميهم ويفهموك.. شيمَاء: نسيت يا خالو أن ماما وبابا وأنته وكمان سامر تتكلموا باللهجة العدنية وأنا حفظاها منكو، وبعدين هو أنا ماحكتش لكش إن صحابي علموني اللهجة.. عبدالقادر سوى يد فوق الثاني: اوهووو، والله الصحبة طلعت قوية، سامر ونقول ما يحبش اللهجة المصرية وعارف اللهجة حقنا من زمان، انتي بنشوفك، كه سمعيني واتكلمي يمني.. شيمَاء عدلت نفسها بإستعداد وفرح: احمم احممم (ومدت يدها لخالها) كيف حالك؟ عبد القادر صافحها وهز يدها: تمام الحمد لله،  كيفك انتي؟ شيمَاء: الحمد لله بخير، كيف اخبارك؟ وكيف الأهل والأصحاب.. عبد القادر: الحمد لله كلهم بخير.. شيمَاء: وحافظة كثير كلمات يا خالو، أيش الجديد،  اااا، لا تهدرش كدا.. عبد القادر: اوهووو، كثير حافظة من صدق يا بنت.. شيمَاء: اعجبك يا خال، تربايتك مله..